Ուկրաինա

Ուկրաինան  գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Ցեղասպանության ճանաչման հարցում Բայդենի հնարավոր ներգրավումը մեծ ազդակ է աշխարհի համար. ուկրաինացի պատգամավոր |armenpress.am|

Ցեղասպանության ճանաչման հարցում Բայդենի հնարավոր ներգրավումը մեծ ազդակ է աշխարհի համար. ուկրաինացի պատգամավոր |armenpress.am|

Ուկրաինայի Գերագույն ռադայի պատգամավոր Մաքսիմ Պաշկովսկու խոսքով՝ ցանկացած ցեղասպանություն, որպես ազգային հատկանիշով բռնության լայնածավալ դրսևորում, անդառնալի ողբերգություն է ինչպես ազգի պատմության մեջ, որը տուժել է, այնպես էլ այն ազգի, որն իր պատմության մեջ թույլ է տվել նման հանցագործություն: «Արմենպրես»-ի հետ զրույցում պատգամավորը նշել է, որ աջակցում է ցեղասպանության կազմակերպիչների դատապարտմանն ուղղված գործողություններին: «Եթե ապացուցողական բազան հավաքված է, մարդկությունը պետք է սովորի նման ողբերգությունից քաղել առավելագույնը, որպեսզի չկրկնի դրանք ապագայում։ Ինձ, որպես Ուկրաինայի պատգամավոր, դժվար է խոսել թուրքական կառավարության միջազգային որոշումների հեռանկարների մասին, բայց դժվար թե որևէ մեկը վիճարկի հակամարտությունների դիվանագիտական լուծման անհրաժեշտությունը՝ որպես հակամարտությունների լուծման գերակա միջոց: Թե ինչի կարող է հանգեցնել ռազմական սցենարի հետ խաղալը, մենք բոլորս բազմիցս ականատես ենք եղել մարդկության պատմության մեջ։ Ռազմական գործողությունները կարող են հակամարտության մեջ ներքաշել երկիրը մինչև այն ժամանակը, երբ նրանք կգիտակցեն, որ պատերազմն ու մահը բանակցությունների վարման մեթոդ չեն»,- նշեց ուկրաինացի պատգամավորը։ Անդրադառնալով ԱՄՆ նախագահ Ջո Բայդենի՝ «ցեղասպանություն» եզրույթը արտասանելու հնարավորությանը՝ պատգամավորը նշեց, որ Հայոց ցեղասպանության ճանաչման հարցում ԱՄՆ նախագահի ներգրավումը նշանակալի ազդակ կլինի աշխարհի համար: «Հայոց ցեղասպանության ճանաչման հարցում ԱՄՆ նախագահի ներգրավումը նշանակալի ազդակ կլինի աշխարհի շատ ժողովրդավարական կառավարությունների համար՝ իրենց գնահատականը տալու մեկդարյա վաղեմության իրադարձություններին»,- ասաց ուկրաինացի պատգամավորը:
18:15 - 24 ապրիլի, 2021
Արսեն Ավակովը կոչ է արել ճանաչել Հայոց ցեղասպանությունն ապագայում ողբերգության կրկնումից խուսափելու համար |tert.am|

Արսեն Ավակովը կոչ է արել ճանաչել Հայոց ցեղասպանությունն ապագայում ողբերգության կրկնումից խուսափելու համար |tert.am|

tert.am: Ուկրաինայի ներքին գործերի նախարար Արսեն Ավակովն իր ֆեյսբուքյան էջում գրառում է կատարել Հայոց ցեղասպանության 106-րդ տարելիցի կապակցությամբ:«Այսօր` ապրիլի 24-ը Հայոց ցեղասպանության զոհերի հիշատակի օրն է:Աշխարհը ոգեկոչում է սպանված, խոշտանգված, սովից մահացած 1,5 միլիոն մարդկանց հիշատակը, որոնց միակ մեղքը մարդասպանների առջև «սխալ» ազգությունն ու «սխալ» հավատքն էր: Դա մանրակրկիտ և ծրագրված սպանություն էր, որը տևել է 2 տասնամյակ:1915 թվականի ապրիլի 24-ին, Օսմանյան կայսրությունում մեկ գիշերվա ընթացքում, հարյուր հազարավոր մտավորականներ, հոգևորականներ, գրողներ, փիլիսոփաներ և արվեստագետներ ձերբակալվեցին. այն մարդիկ, որոնք հայ ժողովրդի հոգևոր առաջնորդներն էին, նրանք, որոնք կարող էին իրենց ետևից տանել: Նրանք գրեթե բոլորը սպանվել են:Նախապես թուրք զավթիչները զորակոչում էին բանակ և գնդակահարում հայ զինվորականներին: Ցեղասպանության ծրագրի այս երկու փուլերից հետո մնացածները՝ կանայք, երեխաներ, ծերեր, բռնի կերպով քշվում էին իրենց հայրենի երկրից և տարվում էին անապատ: Վերաբնակիչների մեծ մասը մահանում էր սովից և հիվանդությունից: Գրեթե ոչ ոք տեղ չի հասել:Նրանք, որոնք կարողացան փախչել, ցրվեցին օտար երկրներով և ընդմիշտ կորցրեցին իրենց հայրենիքը:Այդ ժամանակ մոլեգնում էր Առաջին համաշխարհային պատերազմը, և հասարակությունը միայն անհանգստություն էր հայտնում:Դա ձեզ ինչ-որ բան չ՞ի հիշեցնում: ..Քառորդ դար անց Հիտլերը հռետորական հարց էր տալիս. «Ո՞վ է հիշում այսօր հայերի բնաջնջումը»: Պատասխանը Հոլոքոստն էր:Հայոց ցեղասպանությունը մեկ ժողովրդի ողբերգություն չէ: Սա սարսափելի և, ցավոք, չյուրացված դաս է ողջ մարդկության համար: Մինչ այժմ ոչ մի երկիր և ոչ մի ժողովուրդ ապահովագրված չէ ողբերգության կրկնությունից: ՄԱԿ-ի կողմից ճանաչված վերջին ցեղասպանությունը կատարվել է բոլորովին վերջերս `1995 թվականին` հայ ժողովրդի ողբերգությունից 80 տարի անց, մեր և ձեր կյանքի ընթացքում:Այդ իսկ պատճառով այդքան կարևոր է պետական մակարդակով ճանաչել Հայոց ցեղասպանությունը: Գոնե հարյուր տարի հետո դատապարտել հանցագործությունը, ցանկացած հակամարտության և վեճերի նման «լուծման» անթույլատրելիության մասին հայտարարել և քաղաքական պարտավորություններ ստանձնել:Այսօր Հայոց ցեղասպանությունը ճանաչվում է միջազգային մակարդակով`Եվրոպայի խորհրդի, Եվրախորհրդարանի, ՄԱԿ-ի մասնագիտացված մարմինների և Եկեղեցիների համաշխարհային խորհրդի կողմից:Հայերի ոչնչացումը պաշտոնապես ճանաչվել է որպես Ցեղասպանություն և դատապարտվել է 30 երկրի կողմից, այդ թվում ՝ Եվրամիության հիմնական երկրների, 29 նահանգների և շրջանների կողմից:Ողբերգության 100-րդ տարելիցի օրը՝ 2015 թվականին,  Հռոմի պապ Ֆրանցիսկոսը մատուցել է հայկական պատարագ: «Չարը քողարկելը կամ ժխտելը նման է արյունահոսող վերքի, որը վիրակապված չէ»,-ասել է Հռոմի պապը:Ուկրաինան «Երկնային հարյուրյակի» արյունով է շահել դեպի Եվրամիություն տանող ճանապարհը: Սպանվածներից առաջինը Ուկրաինայի հայրենասեր որդին էր`հայազգի Սերգեյ Նիգոյանը:Հետ մղելով ագրեսիան երկրի արևելքում, պայքարելով իրենց երկրի՝ Ուկրաինայի համար, ուկրաինահայերը կյանքը զոհել են զինված ուժերում, Ազգային գվարդիայում, ՆԳՆ-ում, կամավոր գումարտակներում»,-գրել է Ուկրաինայի ներքին գործերի նախարարը:
16:57 - 24 ապրիլի, 2021
Աշխարհը մոտ է մարդկության դեմ առաջին զանգվածային հանցագործության ճանաչմանը. ուկրաինացի պատգամավոր |armenpress.am|

Աշխարհը մոտ է մարդկության դեմ առաջին զանգվածային հանցագործության ճանաչմանը. ուկրաինացի պատգամավոր |armenpress.am|

armenpress.am: Ուկրաինայի Գերագույն ռադայի պատգամավոր Օլեքսանդր Լուկաշևն անգամ 106 տարի անց, առաջադեմ մարդկության համար, կարևորագույն նպատակներից է համարում Հայոց ցեղասպանության ճանաչումը: Լուկաշևը կարևորում է նաև հույների և ասորիների ցեղասպանության ճանաչման հարցը: «Այս հանցագործությունը մարդկության և քաղաքակրթության դեմ է եղել և կա: Այն ավելի վաղ ճանաչելու դեպքում աշխարհը կարող էր խուսափել Հոլոքոսթից, ապարտեդից և մի շարք այլ սարսափելի, անմարդկային իրադարձություններից»,- նշեց Լուկաշևը: Անդրադառնալով հարցին, թե կարո՞ղ է, արդյոք, Թուրքիան ընդունել Հայոց ցեղասպանությունը՝ հաշվի առնելով այդ երկրի ագրեսիվ քաղաքականությունը, պատգամավորն ասաց, որ դա շատ խորը հարց է: Նրա խոսքով՝ հնարավոր է, որ մի օր Թուրքիայում իշխանության գա մի մարդ, ով կհասկանա իր հին հարևանների՝ Հայաստանի և Հունաստանի հետ հարաբերությունների կարգավորման կարևորությունը, և կընդունի իրենց մեղքն այդ երկրների առջև, փոխհատուցումներ կվճարի ցեղասպանությունը վերապրածների սերունդներին կամ գոնե ներողություն կխնդրի։ «Առանց դրա Հայաստանն ու Հունաստանը երբեք չեն գնա հաշտեցման, և լարված իրավիճակը տարածաշրջանում կմնա անփոփոխ։ Ամենայն հավանականությամբ, Թուրքիայի գերագույն իշխանությունը հասկանում է, որ Ցեղասպանության փաստի ճանաչումից հետո Հայաստանը կարող է տարածքային պահանջներ ներկայացնել, բայց ես հակված եմ այն մտքին, որ հայերը պարզապես ցանկանում են վերականգնել արդարությունը։ Նրանք ցանկանում են, որ իրենց նախնիները հանգիստ հանգչեն հողում։ Այդ ժողովուրդը հոգնել է արյունից: Ցավոք, Թուրքիայի ներկայիս իշխանության օրոք՝ Էրդողանի գլխավորությամբ, և հատկապես հաշվի առնելով այն, թե ինչպիսի թիկունք է այդ երկիրն այժմ Ադրբեջանի համար, ճանաչումը շատ քիչ հավանական է»,- նշեց Օլեքսանդր Լուկաշևը։ Հարցին, թե ինչ կարծիք ունի ապրիլի 22-ին ԶԼՄ-ներում տարածված այն լուրի վերաբերյալ, որ ԱՄՆ նախագահ Ջո Բայդենը պատրաստվում է ճանաչել Հայոց ցեղասպանությունը, պատգամավորն ասաց, որ ինքը շատ է հավատում, և դա բավականին իրատեսական է: «1915-1923 թթ. տեղի ունեցած ցեղասպանությունն ԱՄՆ 50 նահանգից 49-ն արդեն ճանաչել և դատապարտել է։ Բացի այդ, ապրիլի 24-ը ԱՄՆ-ում համարվում է հայ ժողովրդի զոհերի հիշատակի օր։ Օրերս էլ հայտնի դարձավ, որ Լոս Անջելեսում ապրիլ ամսվա ընթացքում հայտարարվել է Հայաստանի պատմության ամիս։ Եվրոպական որոշ երկրներ արդեն իսկ կանգնած են ճանաչման շեմին։ Ես հույս ունեմ, որ աշխարհը հենց հիմա մոտ է մարդկության դեմ առաջին զանգվածային հանցագործության ճանաչմանը։ Յուրաքանչյուր ոք պետք է պատասխան տա և ճանաչի սեփական հանցագործությունները: Ճշմարտությունն ու արդարությունը միշտ հաղթում են»,- եզրափակեց Լուկաշևը:
14:43 - 24 ապրիլի, 2021
Ռուսաստանը հետ է քաշում Ուկրաինայի սահմաների մոտ կուտակած բանակը |azatutyun.am|

Ռուսաստանը հետ է քաշում Ուկրաինայի սահմաների մոտ կուտակած բանակը |azatutyun.am|

azatutyun.am: Ուկրաինայի արևելյան սահմանների մոտակայքում և Ղրիմում կուտակված տասնյակ հազարավոր ռուսաստանցի զինծառայողներ ստացել են մշտական տեղակայման հենակետներ վերադառնալու հրաման: Ռւսաստանի զինուժի կուտակումն Ուկրաինայի սահմաններ մոտ և ստորաբաժանումների ավելացումը բռնազավթած Ղրիմում խստորեն մտահոգել է Կիևին և արեմուտքի երկրներին: Երեկ Ռուսաստանի պաշտպանության նախարար Սերգեյ Շոյգուն ասել է, որ ստրաբաժանումները մինչև մայիսի 1-ը կվերադառնան զորամասեր: Ըստ արևմտյան փորձագետների, Ուկրաինայի սահմանների մոտ վերջին շաբաթների ընթացում գրանցվել է ռուսական զինուժի ամենամեծ կուտակումը 2014 թվականից ի վեր: Ուկրաինայի նախագահ Վլադիմր Զելենսկին Թվիթերում գրել է, թե ողջունում է «ցանկացած քայլ, որը կնպաստի Դոնբասում իրավիճակի կայունացմանը» և շնորհակալություն է հայտնել արևմտյան գործընկերներին այս շաբաթների ընթացքում «Ուկրաինային սատարելու և Ռուսաստանի վրա ճնշումներ բանեցնելու համար»:
14:01 - 23 ապրիլի, 2021
Ուկրաինայում Վրաստանի դեսպանը տևական ընդմիջումից հետո վերադարձել է Կիև |tert.am|

Ուկրաինայում Վրաստանի դեսպանը տևական ընդմիջումից հետո վերադարձել է Կիև |tert.am|

tert.am: Տևական ընդմիջումից հետո Ուկրաինայում Վրաստանի դեսպան Թեյմուրազ Շարաշենիձեն վերադարձել է Կիև: Այս մասին տեղեկացնում է korrespondent.net կայքը` հղում տալով Ուկրաինայի ԱԳՆ մամուլի ծառայությանը:Նշվում է, որ սա ապրիլի 15-ին Ուկրաինայի նախագահ Վլադիմիր Զելենսկիի և Վրաստանի նախագահ Սալոմե Զուրաբիշվիլիի հեռախոսազրույցի ընթացքում ձեռք բերված պայմանավորվածությունների արդյունքն է:Նախօրեին Ուկրաինայի փոխարտգործնախարար Վասիլի Բոդնարը հանդիպել է Վրաստանի դեսպանի հետ, հանդիպման ընթացքում կողմերը ընդգծել են վրաց-ուկրաինական հարաբերությունների զարգացման ակտիվացման, ինչպես նաև երկկողմ և բազմակողմ հարթություններում փոխգործակցության ակտիվացման ձգտումը` տարածաշրջանում անվտանգության ամրապնդման նպատակով:Կողմերը քննարկել են տարվա ընթացքում բարձր և բարձրագույն մակարդակներում շփումների ժամանակացույցը:
17:06 - 22 ապրիլի, 2021
Ղրիմում զանգվածային զորավարժություններ են սկսվել |tert.am|

Ղրիմում զանգվածային զորավարժություններ են սկսվել |tert.am|

tert.am: Ռուսաստանի պաշտպանության նախարար Սերգեյ Շոյգուն մարտական պատրաստվածության անակնկալ ստուգման շրջանակում ժամանել է Ղրիմ՝ ստուգելու ռազմածովային և ցամաքային զորքերի պատրաստությունը զորավարժություններին: Այս մասին տեղեկացնում է «Կոմերսանտ» պարբերականը` հղում տալով ՌԴ պաշտպանության նախարարության մամուլի հաղորդագրությանը:Գերատեսչության ղեկավարՆ ուղղաթիռով թռչել է այն շրջանների վրայով, որտեղ տեղակայված են զորքերն ու ռազմական տեխնիկան, ինչպես նաև լսել է զորավարժությունների ընթացքում զորքերի առաջիկա գործողությունների մասին զեկույցը:«Օպուկ» զորավարժարանը, որտեղ այսօր վարժանքներ են ընթանում, գտնվում է Թեոդոսիայից 60, իսկ Կերչից 40 կմ հեռավորության վրա: Զորավարժությունները սկսվել են Մոսկվայի ժամանակով մոտավորապես 12:05-ին (Երևանի ժամանակով 13:05):
14:36 - 22 ապրիլի, 2021
Ուկրաինան մտադիր է ԱՊՀ-ի եւս մեկ համաձայնագրից դուրս գալ |armenpress.am|

Ուկրաինան մտադիր է ԱՊՀ-ի եւս մեկ համաձայնագրից դուրս գալ |armenpress.am|

armenpress.am: Ուկրաինայի նախարարների կաբինետն ապրիլի 21-ին կայացած նիստում հավանություն Է տվել ԱՊՀ-ի՝ Կենդանիների պաշտպանության կենսապատրաստուկների եւ այլ միջոցների միջպետական պահուստի ստեղծման վերաբերյալ համաձայնագրից երկրի դուրս գալու մասին օրինագծին. նիստի հեռարձակումն իրականացվել Է YouTube-ում կառավարության ալիքով: Ըստ համաձայնագրի, 1996 թվականին կողմերը պարտավորվել Էին ԱՊՀ-ում Կենդանիների պաշտպանության կենսապատրաստուկների եւ այլ միջոցների միջպետական պահուստ ստեղծել՝ փայատիրական մասնակցության միջոցով: Կառավարության կողմից հավանության արժանանալուց հետո այդ համաձայնագրից դուրս գալու վերաբերյալ օրենքի նախագիծը կներկայացվի Գերագույն ռադայի քննարկմանը: Օրինագծին կից բացատրական գրության մեջ ասվում Է, որ այդ միջպետական պահուստը գտնվում Է ՌԴ-ում, իսկ գրանցամատյանում ընդգրկված պատրաստուկների անվանացուցակը հիմնականում կողմնորոշված Է այն հիվանդությունների համար, որոնք պատահում են Ռուսաստանի տարածքում: Նաեւ հաղորդվում Է, որ պահուստի պատրաստուկները չեն բավարարում արդի պահանջներին: Դրա հետ մեկտեղ Ուկրաինան վերջին 10 տարում չի օգտագործել այդ պահուստից կենդանիների պաշտպանության կենսապատրաստուկները եւ մյուս միջոցները: Ուստի Ուկրաինայի հետագա մասնակցությունը համաձայնագրին նպատակահարմար չԷ: Ավելի վաղ Ուկրաինան միակողմանի կարգով դադարեցրել Էր իր գործողությունը Ռուսաստանի եւ ԱՊՀ-ի հետ մի շարք համաձայնագրերի ու պայմանագրերի: 2019 թվականի ապրիլի 1-ից իր գործողությունը դադարեցրել Է Ռուսաստանի եւ Ուկրաինայի միջեւ բարեկամության, համագործակցության եւ գործընկերության շուրջ պայմանագիրը, հաղորդել Է ՌԻԱ Նովոստին:
16:13 - 21 ապրիլի, 2021
Պուտինի հետ Դոնբասում հանդիպելու Զելենսկու առաջարկը Մոսկվան համարել է խորամանկ հնարք |1lurer.am|

Պուտինի հետ Դոնբասում հանդիպելու Զելենսկու առաջարկը Մոսկվան համարել է խորամանկ հնարք |1lurer.am|

1lurer.am: Ռուսաստանի նախագահ Վլադիմիր Պուտինի հետ Դոնբասում հանդիպելու Ուկրաինայի նախագահ Վոլոդիմիր Զելենսկու առաջարկը փիար հնարք է և խորամանկություն, ինչը նշանակում է, որ Զելենսկին ցանկանում է իրեն և Ռուսաստանի ղեկավարին դնել նույն մակարդակի վրա: Այս մասին РИА Новости-ին ասել է Պետդումայի ԱՊՀ-ի կոմիտեի ղեկավարի առաջին տեղակալ Կոնստանտին Զատուլինը: Ավելի վաղ Զելենսկին Ռուսաստանի նախագահին առաջարկել էր «հանդիպել ուկրաինական Դոնբասի ցանկացած վայրում, որտեղ պատերազմ է ընթանում»: Զատուլինը Ուկրաինայի նախագահին առաջարկել է առաջին հերթին հանդիպել հակամարտության մյուս կողմի՝ Դոնեցկի և Լուգանսկի ղեկավարների հետ՝ չբացառելով Ռուսաստանի նախագահի հետ հանդիպման հնարավորությունը: Արևմուտքը վերջերս անհանգստություն է հայտնել Ուկրաինայի արևելյան սահմանին և Ղրիմում ռուսական զորքերի տեղաշարժի կապակցությամբ: Ի պատասխան՝ Ռուսաստանի նախագահի մամուլի քարտուղար Դմիտրի Պեսկովն ասել է, որ Ռուսաստանը զորքերը տեղափոխում է իր տարածքում և իր հայեցողությամբ: Նրա խոսքով՝ դա չպետք է անհանգստացնի որևէ մեկին, քանի որ այն ոչ մեկին չի սպառնում:
15:35 - 21 ապրիլի, 2021
Զելենսկին Պուտինին առաջարկել է հանդիպել Դոնբասի ցանկացած վայրում |azatutyun.am|

Զելենսկին Պուտինին առաջարկել է հանդիպել Դոնբասի ցանկացած վայրում |azatutyun.am|

azatutyun.am: Ուկրաինայի նախագահ Վլադիմիր Զելենսկին Ռուսաստանի նախագահ Վլադիմիր Պուտինին առաջարկել է հանդիպել Դոնբասի ցանկացած վայրում։ Երկրի արևելքում իրավիճակի սրման ֆոնին, երեկ նա հանդես է եկել տեսաուղերձով, ասելով, թե Ուկրաինան պատերազմ չի ցանկանում, բայց պատրաստ է պատերազմի։ «Մի անգամ Ռուսաստանի նախագահն ասել է՝ եթե կռիվն անխուսափելի է, պետք է խփել առաջինը։ Բայց իմ կարծիքով, այսօր յուրաքանչյուր առաջնորդ պարտավոր է հասկանալ, որ կռիվը չի կարող անխուսափելի լինել, եթե խոսքը խուլիգանների մասին չէ, այլ իրական պատերազմի ու միլիոնավոր մարդկային կյանքերի մասին է։ Ի տարբերություն կռվի՝ պատերազմում պարտվում են բոլոր կողմերը»,- ասել է Ուկրաինայի նախագահը։ Զելենսկին հայտնել է, որ Նորմանդական քառյակի խորհրդականների ու եռակողմ շփման խմբի հանձնախմբի երկօրյա նիստերում քննարկվել է կրակն ամբողջությամբ դադարեցնելու ռեժիմը վերականգնելու հարցը և չնայած բոլոր կողմերի աջակցությանը՝ Ռուսաստանը հրաժարվել է պաշտպանել ընդհանուր հայտարարությունը։
15:04 - 21 ապրիլի, 2021
Ուկրաինայի սահմանների մոտ տեղակայվել է ՌԴ ԶՈւ ավելի քան 100 000 զինծառայող. ԵՄ |0.1.251.109|

Ուկրաինայի սահմանների մոտ տեղակայվել է ՌԴ ԶՈւ ավելի քան 100 000 զինծառայող. ԵՄ |0.1.251.109|

0.1.251.109: Ռուսաստանն Ուկրաինայի սահմանին և Ղրիմում տեղակայել է ավելի քան 100 000 զինծառայող։ Այդ մասին երկուշաբթի օրը՝ ապրիլի 19-ին, հայտարարել է Արտաքին քաղաքականության և անվտանգության հարցերով ԵՄ գլխավոր հանձնակատար Ժոզեպ Բորելը՝ ԵՄ արտաքին գործերի նախարարների տեսակոնֆերանսից հետո կազմակերպված ճեպազրույցի ժամանակ։ Ճեպազրույցին մասնակցել է նաև Ուկրաինայի արտաքին գործերի նախարար Դմիտրի Կուլեբան։ Ռուսական զորքի թվաքանակի վերաբերյալ Բորելի տվյալներն ավելի ուշ փոփոխվել են։ Այսպես, ճեպազրույցի ժամանակ Բորելը հայտարարել է 150 000 զինծառայողների մասին, սակայն նրա մամուլի քարտուղարը հայտարարել է, որ գլխավոր հանձնակատարը շփոթվել է և հավելել, որ խոսքը 100 000 զինծառայողի մասին է։ «Մենք խիստ մտահոգված ենք ուկրաինական սահմանին ռուսական զորքերի թվաքանակի աճի կապակցությամբ։ Ուկրաինայի հետ սահմանին և Ղրիմում տեղակայված են ավելի քան 150 000 ռուս զինծառայողներ։ Հետագա սրման ռիսկը ակնհայտ է»,- հայտարարել է Բորելը։ Ինչպես գրում է Deutsche Welle-ն, այդ տվյալների աղբյուրներն անվանելու լրագրողների խնդրանքը եվրոպական դիվանագիտության ղեկավարը մերժել է, սակայն նշել, որ հենց նրանց է հղում անում։ Բորելը հավելել է, որ Ուկրաինայի հետ սահմանին և Ղրիմում ռուսական զորքերի կուտակումները շարունակվում են և հասել են վերջին տարիների մաքսիմումին։
23:15 - 20 ապրիլի, 2021