Ազգային ժողով

ՀՀ Սահմանադրության համաձայն Ազգային ժողովը ժողովրդի ներկայացուցչական մարմինն է: Այն իրականացնում է օրենսդիր իշխանությունը: Ազգային ժողովը վերահսկողություն է իրականացնում գործադիր իշխանության նկատմամբ, ընդունում է պետական բյուջեն եւ իրականացնում է Սահմանադրությամբ սահմանված այլ գործառույթներ: Ազգային ժողովի լիազորությունները սահմանվում են Սահմանադրությամբ եւ այն գործում է իր կանոնակարգին համապատասխան: Խորհրդարանն ընտրվում է 5 տարի ժամկետով, կազմված է առնվազն 101 անդամից։

Այժմ գործում է 8-րդ գումարման ազգային ժողովը, որը բաղկացած է 106 պատգամավորից, որոնցից 71-ը՝ «Քաղաքացիական պայմանագիր» խմբակցությունից, 28-ը՝ «Հայաստան» խմբակցությունից, 7-ը՝ «Պատիվ ունեմ» խմբակցությունից։ ԱԺ գործող նախագահը Ալեն Սիմոնյանն է։

Ցավում եմ, որ ընտրությունը կատարվում է քաղաքական որոշման արդյունքում. Վճռաբեկ դատարանի դատավորի թեկնածու |armtimes.com|

armtimes.com: Ես ցավում եմ, որ ընտրությունը օբյեկտիվ չափանիշների հիման վրա չի կատարվում, այլ՝ քաղաքան որոշման արդյունքում: Լրագրողների հետ ճեպազրույցում ասաց Վճռաբեկ դատարանի դատավորի թեկնածու Արսեն Մկրտչյանը՝ անդրադառնալով «Իմ քայլը» խմբակցության ղեկավար Լիլիթ Մակունցի հայտարարությանը, ըստ որի իշխող խմբակցությունը չի ընտրելու թեկնածուներից ոչ մեկին: «Ես ինքս՝ որպես թեկնածու ներկայանալով, հասկանում էի, որ գալիս եմ քաղաքական մարմին, և հասկանում էի, որ կարող է լինել ցանկացած որոշում: Ազգային ժողովը, իմ գնահատմամբ, կադրային որոշում է կայացնում, և որոշում է՝ արդյոք անհրաժեշտ է այս կամ այն անձին ներկայացնել Վճռաբեկ դատարան, կամ Ազգային ժողովը կարող է բավարար ձայներ չտալ և այդ անձը շարունակեր աշատել որպես դատավոր»: Մկրտչյանը հավելեց՝ հասկանում է, որ տեղի են ունեցել իրադարձություններ, որոնք պետք է հետևանքներ ունենային: «Ցավում եմ, որ նման քննարկում տեղի ունեցավ Ազգային ժողովում, մեր թեկնածությունների բովանդակության շրջանակում, բայց միևնույն ժամանակ հասկանում եմ, որ տեղի են ունեցել իրադարձություններ, որոնք ունեն հետևանքներ՝ գուցե նաև քաղաքական իմաստով: Հասկանում եմ պատգամավորներին, որ իրենք ինչ-որ ձևով պետք է արտահայտեին դա: Չէի ակնկալում, որ այդ արտահայտումը պետք է լինի քվեարկության ձևով, որովհետև քննադատություններ հնչեցին այս քանի օրերի ընթացքում»: Անդրադառնալով մամուլում շրջանառվող տեղեկություններին, թե իր և վարչապետ Նիկոլ Փաշինյանի միջև հանդիպում է տեղի ունեցել, Մկրտչյանն ասաց, որ այդ տեղեկությունները չունեն հենման կետ:

14:49 - 04 մարտի, 2021

Իշխանությունը չի լինելու փլուզվող արդարադատության լուռ երաշխավորը․ Արեն Մկրտչյան |armtimes.com|

armtimes.com: Վճռաբեկ դատարանի դատավորի ընտրության հարցի քննարկմանը «Իմ քայլը» խմբակցության պատգամավոր Արեն Մկրտչյանը անդրադարձավ ԲԴԽ նախագահ Ռուբեն Վարդազարյանի երեկվա պատասխաններին: «Բարձրագուն դատական խորհրդի նախագահը ԱԺ նիստերի դահլիճում Ազգային ժողովի 132 պատգամավորի ասում է՝ մի շփոթեք, սա Գլխավոր դատախազի տարեկան զեկույց չէ: Պարոն Վարդազարյան, դուք եք շփոթել ձեր գտնվելու վայրը, դուք Բարձրագույն դատական խորհրդի նիստի չեք, ձեզ կոռեկտ պահեք: Ի տարբերություն շատերի մեզ արյունոտ ձեռքերով բորենիեր չեն նշանակել պաշտոնի, ՀՀ քաղաքացիների ձայնն է ամփոփված այս դահլիճում»: Մեջբերելով Ռուբեն Վարդազարյանի՝ նոյեմբերի 15-ի հայտարարությունը, Մկրտչյանն ասաց. «Այս հայտարարությունն ու նոյեմբերի 15-ը կարող ենք հռչակել Ռուբեն Վարդազարյանի քաղաքական բենֆիսի օր և այն ընդգրկել տոների և հիշատակի օրերի ցանկում, քանի որ նոյեմբերի 15-ին հուղարկավորվեցին որոշների՝ երկիրը 20 տարի հետ շպրտելու բաղձալի երազանքները»: Մկրտչյանն ասաց՝ մարդակերներին չեն կալանավորել, բայց իրենց պատրաստ են կալանավորել: «Կալանավորելու եք հինգ րոպեում, առանց ձեռքը դողալու, որովհետ ձեզնից որոշների տերերը մեզ չեն ներել 2018-ը, չեն ներել հեղափոխությունը, քանի որ արդեն երեք տարի դասավորված են պատմության փոշոտ դարակներում: 2018-ը մեզ չեն ներելու որոշ դատավորներ, որոնք 2018 ապրիլ-մայիսին շտապօգնության մեքենաների տակ պաղկված գնում էին գործի, գալիս էին տուն»: Պատգամավորն ասաց՝ իշխանությունը չի լինելու փլուզվող արդարադատության լուռ երաշխավորը: «Վստահ եմ, որ թե՛ Բարձրագույն դատական խորհրդում, թե՛ մյուս դատական մարմիններում կան հայրենիքին նվիրված ազնիվ պրոֆեսիոնալներ, որոնք իրենց ներդրումն են ունենալու մեր երազանքների Հայաստանի կերտման գործում: Ռուբեն Վարդազարյան, դուք արատավոր անցյալի ուրվականն եք ներկայում: Նոյեմբերի 15-ի ձեր մարտակոչը մարտակոչ էր ընդդեմ Հայաստանի Հանրապետության: Դուք պատերազմ եք հայտարարել ՀՀ քաղաքացիներին: ԲԴԽ նախագահը անցած տարվա նոյեմբերին դիմել էր դատավորներին.«Այսօր է, թերևս, առարկայական ու վերջնական տրվելու շուրջ երկու տարի ողջ հանրությանը ալեկոծած և դատավորներիս համար ամոթալի չարաբաստիկ հարցի պատասխանը՝ մենք պատերի տակ վնգստացող դատավորնե՞ր ենք, թե՞ հայրենիքին նվիրված ազնիվ պրոֆեսիոնալներ»:

14:17 - 04 մարտի, 2021

Երկրի բարձրագույն պաշտոնյայի նկատմամբ մահափորձ է իրականացվում, իսկ ձեր կողմից համարժեք գնահատական չի լինում. պատգամավոր |armtimes.com|

armtimes.com: Ազգային ժողովում այօր շարունակվում է Վճռաբեկ դատարանի դատավորի ընտրության հարցի քննարկումը: Թեկնածուները երկուսն են՝ Արսեն Մկրտչյանը և Արմեն Հայկյանցը: Անկախ պատգամավոր Սերգեյ Բագրատյանն իր ելույթում նշեց՝ պետք է կենտրոնանալ այն ուղղությամբ, թե Վճռաբեկ դատարանի դատավորի թեկնածուները պատրա՞ստ են կրել այն պատասխանատվությունը, որը դրված է դատական իշխանության վրա. «Որովհետև մենք խնդիր ենք դրել առողջացնել մի համակարգ, որում առողջացման որևէ հնարավորություն չկա: Ամեն դեպքում մենք փորձում ենք: Համակարգը տարիների ընթացքում այնպես է արատավորվել, որ որևէ գերբնակական ուժով հնարավոր չէ հետ բերել վստահությունը»: Բագրատյանը հիշեցրեց թեկնածուներից Արսեն Մկրտչյանի խոսքերը, որ պետք է լինի պատշաճ հարգանք դատարանների նկատմամբ, և նշեց, որ այդ հարգանքը պետք է վաստակել. «Ինչպե՞ս կարող եք այդ հարգանքը վաստակել, երբ երկրի բարձրագույն պաշտոնյաներից մեկի նկատմամբ մահաձորձ է իրականացվում, իսկ ձեր կողմից համարժեք գնահատական չի լինում: Կարծում եք՝ արդարադատությունն այդքան կտրված պետք է լինի՞ հասարակությունից: Եթե դրվի հանրաքվեի, հարյուր տոկոսով կարող եմ ասել, որ ժողովուրդը կքվեարկի կալանավորման ու վերջին պատժի օգտին: Բայց դատարանները որոշեցին, որ իրենք այնքան լոյալ են՝ չեն էլ պատկերացնում գործի լրջությունը: Ինչպես կարող եք դուք այդ հարյուր տոկոսի հարգանքը վաստակել, երբ դուք ակնհայտ սխալ որոշումներ եք ընդունում, որոնց համար իրավաբանական գիտելիքներ պետք չեն: Մեր գործընկերներից մեկի, լրագրողների նկատմամբ էլ է բռնություն լինում, բայց ոչ մի համարժեք գնահատական չի լինում: Սա բումերանգի էֆեկտ է ունենում: Հետագայում, երբ ձեր գործընկերներին վատ բառերով են բնորոշում՝ վնգստացող դատավորներ արտահայտությամբ, դա նրանք վաստակել էին»: Անկախ պատգամավորն ընգծեց՝ դատարանն էլ իստիտուտ է. «Երբ մի պատգամավոր պատշաճ վարք չի դրսևորում, մենք պատասխանատվություն ենք կրում այդ պատգամավորի համար: Կրում ենք, քանի որ պատգամավորի ինստիտուտը վարկաբեկվում է: Եվ, երբ դատավորները ներկայանում են ԱԺ-ին և ԱԺ-ն ընտրում է նրանց, վաղն այդ դատավորն արդարադատություն չի իրականացնում, ազնիվ չէր լինի՞ այսօր չառադրվելը: Թեկնածուն ավելի լավ է տասի փոխարենը մեկը լինի, բայց մենք վստահ լինենք, որ նա իսկապես արդարադատության համար է, այլ ոչ թե ինչ-որ շահեր սպասարկելու»:

12:51 - 04 մարտի, 2021

Կողմ եմ Գերագույն դատարանի մոդելին. Վճռաբեկ դատարանի դատավորի թեկնածու

Սահմանադրական փոփոխությունների հանձնաժողովում քննարկվում է Վճռաբեկ և Սահմանադրական դատարանների միավորման և Գերագույն դատարան ստեղծելու հարցը: Այդ մասին ԱԺ նիստում, Վճռաբեկ դատարանի դատավորի ընտրության հարցի քննարկմանն ասաց «Իմ քայլը» խմբակցության պատգամավոր Սուրեն Գրիգորյանը՝ ցանկանալով լսել այս հարցի շուրջ դատավորի թեկնածու Արսեն Մկրտչյանի կարծիքը: Մկրտչյանն ասաց, որ լավ կլիներ, որ հանձնաժողովում լիներ գործող դատավոր, որի հետ կքննարկվեին պրակտիկ խնդիրները: «Մեր երկրում այսօր կա չորս ատյան, սակայն արդյո՞ք այդպես ճիշտ է: Կարող ենք ունենալ այլ լուծումներ: Իմ կարծիքով՝ երեք ատյանը բավարար է, երրորդ ատյանը կլինի Գերագույն դատարան, թե սահմանադրական արդարադատություն իրականացնող դատարան՝ պետք է քննարկվի: Ես կողմ եմ եղել և հիմա էլ կողմ եմ Գերագույն դատարանի մոդելին, այսինքն՝ երեք ատյանի մոդելին, բայց դեռ բավական աշխատանք ունենք անելու»,- ընդգծեց թեկնածուն:

10:31 - 04 մարտի, 2021

ՀՀ ԱԺ յոթերորդ գումարման վեցերորդ նստաշրջանի հերթական նիստը․ ուղիղ

10:13 - 04 մարտի, 2021

Կառավարությունը մտադրված է էականորեն ավելացնել գիտությանը հատկացվելիք բյուջեն |armenpress.am|

armenpress.am: ՀՀ կառավարությունը պատրաստակամ է էականորեն ավելացնելու գիտության բյուջեն: Այս մասին ասաց ՀՀ փոխվարչապետ Տիգրան Ավինյանը ԱԺ-ում կառավարության անդամների հետ հարց ու պատասխանին՝ պատասխանելով «Իմ քայլը»-ից Մխիթար Հայրապետյանի հարցին: Փոխվարչապետը հիշեցրեց, որ դեռ 2019-ից սկսած ԱԺ-ի հետ քննարկումերի արդյունքում ավելացրել են 2020-ին գիտությանը հատկացվելիք բյուջեն՝ 1.5 մլրդ դրամով: «Վերջին քննարկումից հետո մենք պայմանավորվածություն ենք ձեռք բերել, որ Գիտության պետական կոմիտեն կներկայացնի իր առաջարկությունները՝ մի փոքր մանրամասն և հստակեցված: Ես մենք նշել ենք, որ միանշանակ պատրաստակամ ենք գիտության բյուջեն էականորեն ավելացնել»,-ասաց Ավինյանը: Նա միևնույն ժամանակ նշեց, որ օրենսդրությամբ՝ տարբեր ոլորտներին վերաբերող սահմանաչափեր կան: Բայց Ավինյանը վստահեցրեց, որ ինչը վերաբերում է գիտությանը հատկացվելիք բյուջեի ավելացմանը, իրենք միանշանակ տրամադրված են ավելացնելուն:

18:41 - 03 մարտի, 2021

ՀՀ Ազգային ժողովի շենքի պատուհաններից հրազենի բացահայտ ցուցադրությունը պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում․ ՄԻՊ

ՄԻՊ Արման Թաթոյանը ֆեյսբուքյան իր էջում գրել է․ «ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ: Պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ: ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում: Պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:

18:18 - 03 մարտի, 2021

Բանակցություններ են ընթանում, որ Իրանում հայտնված օդանավն այսօր վերադառնա Երևան. Ավինյան |armenpress.am|

armenpress.am: ՀՀ փոխվարչապետ Տիգրան Ավինյանը տեղեկացնում է, որ այս պահին բանակցություններ են ընթանում, որպեսզի Իրանում հայտնված հայկական օդանավն այսօր վերադառնա Երևան: Այս մասին Ավինյանն ասաց Ազգային ժողովում կառավարության հետ հարցուպատասխանի ընթացքում, պատասխանելով «Լուսավոր Հայաստան» խմբակցության անդամ Արմեն Եղիազարյանի հարցին: Տիգրան Ավինյանը հայտնեց, որ օդանավի հետ կապված անհրաժեշտ աշխատանքների իրականացման նպատակով՝ «Fly Armenia Airways» ընկերությունը պաշտոնապես դիմել է Կոմիտե, որպեսզի Էստոնիայի Տալին քաղաքից Ուկրաինայի «Գոստոմել» օդանավակայան մեկ դատարկ տեղափոխական թռիչքի թույլտվություն ստանա՝ կրելով թռիչքի ամբողջ պատասխանատվությունը, ինչը չի հակասում միջազգային ավիացիոն որևէ պահանջի: «Սակայն նշված օդանավը, խախտելով կոմիտեի կողմից նախապես տրամադրված թռիչքի ուղղության վերջնակետի թույլտվությունը, իրականացրել է թռիչք՝ ոչ իրեն նախապես տրված թույլտվության համաձայն, այլ՝ դեպի Վարնա օդանավակայան, այնուհետև ուղղություն է վերցրել դեպի Շարժա, սակայն դեռևս չպարզված հանգամանքներում՝ վայրէջք է կատարել Իրանի «Մեհրաբաթ» օդանավակայանում»,- ասաց Տիգրան Ավինյանը: Փոխվարչապետը նշեց, որ թռիչքի վերգետնյա սպասարկման, թռիչքի կազմակերպման և թույլտվությունների ստացման գործընթացի պատասխանատուն հանդիսանում է միայն շահագործող ավիաընկերությունը: «Թե՛ օդաչուական անձնակազմի, թե՛ իրանական կողմի ավիացիոն իշխանությունների հավաստիացմամբ՝ վայրէջքը կրել է տեխնիկական բնույթ, ըստ նախնական տեղեկատվության՝ եղել են վառելիքի հետ կապված խնդիրներ: Հենց այս պահին բանակցություններ են ընթանում, որպեսզի օդանավն այսօր վերադառնա Երևան»,- նշեց փոխվարչապետ Ավինյանը:

18:12 - 03 մարտի, 2021

Քաղաքական հայտարարություններ անելը ԳՇ գործառույթների մեջ չի մտնում. փոխվարչապետ |1lurer.am|

1lurer.am: Կառավարության հետ հարցուպատասխանի ժամանակ «Լուսավոր Հայաստան» խմբակցության պատգամավոր Անի Սամսոնյանի հարցին ի պատասխան փոխվարչապետ Տիգրան Ավինյանը նշեց, որ ԳՇ հայտարարությունը բավականին խնդրահարույց է՝ առաջին հերթին այն առումով, որ զինվորականությունը, մանավանդ՝ ԳՇ պետը և ղեկավարությունը, համաձայն մեր Սահմանադրության 14-րդ հոդվածի 2-րդ կետի, քաղաքականության հետ չպետք է առնչվեն ու կապ ունենան: «Խնդրահարույց է այն առումով, քանի որ ԳՇ հիմնական խնդիրը պետք է լինի մեր սահմանների պաշտպանությունն ու մեր անվտանգության ապահովումը, և որևէ կերպ քաղաքական հայտարարությունները չեն մտնում ԳՇ գործառույթների մեջ»,- նշեց Ավինյանը՝ ընդգծելով՝ Զինված ուժերը պետք է զբաղվեն այն գործառույթներով, որոնցով լիազորված են՝ ըստ Սահմանադրության:

18:05 - 03 մարտի, 2021

Գերիների հարցը քաղաքականացնելն անընդունելի է. ԱԳ նախարարը՝ Ադրբեջանի նախագահի հայտարարությունների մասին |1lurer.am|

1lurer.am: ԱԺ «Իմ քայլը» խմբակցության պատգամավոր Նազելի Բաղդասարյանը ԱԺ-Կառավարություն հարցուպատասխանի ժամանակ ԱԳ նախարարին խնդրեց մեկնաբանել Ադրբեջանի նախագահի վերջին հարցազրույցում արված խնդրահարույց ձևակերպումները, մասնավորապես՝ գերեվերված անձանց վերաբերյալ: Արա Այվազյանը նշեց, որ փոխվարչապետ Տիգրան Ավինյանի գլխավորությամբ միջգերատեսչական հանձնաժողով է ստեղծվել, և յուրաքանչյուրն իր ոլորտում կատարում է իր աշխատանքը: ԱԳ նախարարը հիշեցրեց, որ Ադրբեջանի նախագահի հայտարարությունների վերաբերյալ Արտաքին գործերի նախարարությունը, ինքը և մամուլի խոսնակը արտահայտել են իրենց կարծիքը՝ նշելով, որ հումանիտար այս կարևորագույն հարցը քաղաքականացնելն անընդունելի է, ինչը նաև, Այվազյանի խոսքով, հաստատվում է միջազգային հանրության տարբեր դերակատարների կողմից: Նա ասաց, որ տարբեր երկրների ղեկավարներ, միջազգային կառույցներ արդեն ավելացնում են Ադրբեջանի հանդեպ միջազգային ճնշումն այդ հարցում՝ հավելելով, որ երեկ Իտալիայի խորհրդարանը նույնպես ընդունել է բանաձև՝ կոչ անելով Ադրբեջանին անհապաղ լուծում տալ այս հումանիտար կարևոր հարցին: Անդրադառնալով գերիների վերադարձի շուրջ իրականացվող քայլերին՝ Այվազյանն ասաց, որ տարածաշրջանում Ռուսաստանն ունի կարևոր դերակատարում և տարբեր խողովակներով նախագահ Պուտինի, ԱԳ նախարար Լավրովի և պաշտպանության նախարար Շոյգուի միջոցով անմիջական շփումներ են տեղի ունենում այդ հարցի ուղղությամբ: «Ռուսական կողմը հետևողականորեն այս հարցը բարձրացնում է Ադրբեջանի ղեկավարության մոտ: Այս հարցը հատուկ շեշտադրում է ունեցել իմ զրույցներում՝ Մինսկի խմբի համանախագահ երկրների դեսպանների և արտաքին գերատեսչությունների ղեկավարների մակարդակում: Այդ հարցը բազմաթիվ իմ հեռախոսազրույցների ընթացքում արտասահմանյան գործընկերների հետ առաջնային կարևորության է արժանանում, միջազգային կազմակերպություններում տարբեր ուղղություններով աշխատանք է տարվում, և եթե հետևում եք արձագանքներին, ապա ակնհայտ է, որ Ադրբեջանի համար այս հարցը դառնում է իսկապես խնդրահարույց»,- ասաց ԱԳ նախարարը:

17:55 - 03 մարտի, 2021

Մենք պատրաստ ենք յուրաքանչյուր տիպի քննարկման, որ հանգուցալուծենք ներքաղաքական ճգնաժամը. Ավինյան |armenpress.am|

armenpress.am: Իշխանությունն առաջին հերթին է շահագրգռված, որ ներքաղաքական ճգնաժամը հանգուցալուծվի և պատրաստ է ընդդիմության հետ քննարկումների: Այս մասին ԱԺ-ում կառավարության անդամների հետ հարց ու պատասխանին վստահեցրեց ՀՀ փոխվարչապետ Տիգրան Ավինյանը՝ անդրադառնալով անկախ պատգամավոր Տիգրան Ուրիխանյանի հարցին, թե ինչ հանգուցալուծում կարող է լինել երկրում ստեղծված իրավիճակին: Ավինյանն ընդունեց, որ ներքաղաքական ճգնաժամ առկա է՝ հիշեցնելով, որ դրա լուծման համար հայտարարել են, որ պատրաստ են լինել բավականին ճկուն: Ավինյանը շեշտեց՝ նախկինում իշխանությունը հայտարարել էր արտահերթ խորհրդարանական ընտրություններ կազմակերպելու պատրաստակամության մասին, բայց դրան պատշաճ արձագանք չէին ստացել: «Մենք կրկին պատրաստակամ ենք խորհրդարանական ընդդիմության հետ այդ քննարկումներն իրականացնելու, պայմանավորվածություններ ձեռք բերելու և ընտրություններ անցկացնելու հետ կապված: Ինչպես նաև դրան զուգահեռ պատրաստ են քննարկելու սահմանադրական բարեփոխումների օրակարգը, միգուցե կիսանախագահական համակարգին վերադարձի հարցը»,-ասաց Ավինյանը: Ուրիխանյանը հետաքրքրվեց, եթե խորհրդարանական ընդդիմությունը չհամաձայնի ընտրությունների, ինչ կարվի: Ավինյանն արձագանքեց, որ առաջին հերթին իշխանությունն է շահագրգռված, որ ներքաղաքական ճգնաժամը հանգուցալուծվի: «Մեզ համար օրակարգը բաց է, մենք բոլոր հնարավոր միջոցներով պատրաստ ենք յուրաքանչյուր տիպի քննարկման, որոնք կհանգուցալուծեն ներքաղաքական ճգնաժամը և նոր ճգնաժամեր չեն ստեղծի»,-ասաց նա ու հավելեց՝ շատ ընդդիմադիրների կողմից արված շատ առաջարկներ նոր ճգնաժամերի ականներ են պարունակել: Ավինյանը վստահեցրեց, որ իշխանությունը նախաձեռնելու է այդ քննարկումները:

17:45 - 03 մարտի, 2021

Նախարարությունը հակված է երկարաձգել թուրքական ծագման ապրանքների ներմուծման արգելքի գործողության ժամկետը |armenpress.am|

armenpress.am: ՀՀ էկոնոմիկայի նախարարությունը հակված է գոնե մեկ անգամ ևս երկարաձգել թուրքական ծագման վերջնական սպառման ապրանքների ներմուծման արգելքի գործողության ժամկետը: Այս մասին ԱԺ-ում կառավարության անդամների հետ հարց ու պատասխանին ասաց ՀՀ էկոնոմիկայի նախարար Վահան Քերոբյանը: «Կարծում ենք, որ պետք է արգելքները երկարաձգվեն, եթե քաղաքական և այլ առաջնահերթությունները չխանգարեն: Քանի դեռ մտել ենք այս ջուրը, իմաստ ունի երկարաձգել և մեր տնտեսավարողներին տալ բավարար ժամանակ, որ կարողանան վերադասավորվել, ներդրումներ անել, ստանալ այն ապրանքների արտադրանքի ծավալը, որը թույլ կտա մրցունակ լինել: Այդքան ժամանակ մենք պատրաստ ենք պաշտպանել մեր տեղական արտադրողներին, որ կարողանան ամրապնդվել շուկայում»,-ասաց Քերոբյանը: Նա շեշտեց՝ նախարարությունը հակված է բաց տնտեսությանը, սակայն այս պարագայում ամենալավ լուծումը, որ տեսնում են, գոնե մեկ անգամ ևս երկարաձգելն է: Պետությունը պատրաստվում է տեղական արտադրողներին պաշտպանել ոչ միայն թուրքական ծագման ապրանքների ներմուծման արգելքով, այլ նաև բազմաթիվ այլ գործիքներով:

17:28 - 03 մարտի, 2021

Հակոբ Արշակյանը հորդորում է զերծ մնալ որակումներից, թե IDEX-2021 ցուցահանդեսում հայկական տաղավարը դատարկ է եղել |armenpress.am|

armenpress.am: ՀՀ բարձր տեխնոլոգիական արդյունաբերության նախարար Հակոբ Արշակյանը հորդորում է զերծ մնալ որակումներից, թե Աբու Դաբիում անցկացված IDEX-2021 միջազգային ռազմարդյունաբերական ցուցահանդեսում հայկական ընկերությունների տաղավարը դատարկ է եղել. ներկայացված են եղել 14 ընկերություններ՝ իրենց պրոդուկտներով: Արշակյանն այս մասին ասաց ԱԺ-ում կառավարության անդամների հետ հարց ու պատասխանի ժամանակ՝ պատասխանելով «Լուսավոր Հայաստան»-ից Կարեն Սիմոնյանի հարցին: «Մենք հայկական միասնական տաղավարով ենք հանդես եկել, որի շրջանակներում 14 ընկերություններ են հանդես եկել, նրանք բոլորը պատրաստված են եղել՝ թե իրենց ընկերությունների մասնագիտական ներկայացմամբ, թե պրոդուկտների և ծառայությունների ներկայացմամբ: Տեղում մեծ ծավալի աշխատանք է տարվել՝ Ռազմաարդյունաբերական կոմիտեի աշխատակիցների, նաև նախարարության աշխատակիցների հետ միասին»,-ասաց նախարարը: Նրա վստահեցմամբ՝ հայկական տաղավարը, ըստ տարբեր գնահատականների, ամենագեղեցիկներից է եղել: Էքսպոնատները, որոնք լոգիստիկ խնդիրների պատճառով տեղ չեն հասել, ռազմաարդյունաբերական ցուցահանդեսին ներկայացվողների միայն մի մասն են եղել: «Դրանք էքսպոնատներն են, որոնք ըստ էության տեսք են տալիս, պրոդուկտի տեսքն են ներկայացնում հենց ցուցահանդեսի տաղավարներում: Որակումներ են հնչել, որ ցուցահանդեսի տաղավարը դատարկ է եղել, ես կարծում եմ, որ այսպիսի որակումներից պետք է խուսափենք, որովհետև ըստ էության ցուցահանդեսի մասնակցության բովանդակային մասն ապահովում են թե ընկերությունները՝ իրենց գիտելիքներով և թե այն մասնագետները, որոնք նոր շուկաներ են փնտրում և գտնում: Նմանատիպ բազմաթիվ պայմանավորվածություններ, նաև հրավերներ կան»,-ասաց Արշակյանը: Անդրադառնալով առաջացած խնդիրներին՝ նշեց, որ անպայման հետևողական կլինեն, որ ծառայողական քննության արդյունքները հասանելի դառնան հետաքրքրվող պատգամավորներին, ծառայողական քննության հանգուցալուծումը դեռ չի ստացվել:

17:22 - 03 մարտի, 2021

Վճռբակեն դատարանի դատավորի թեկնածուն անդրադարձավ ԲԴԽ նախագահի՝ դատավորներին ուղղված հայտարարությանը |armenpress.am|

15:39 - 03 մարտի, 2021

Դատավորներից մեկը Ջհանգիրյանի պաշտոնավորման հետ կապված հայց է ներկայացրել Վարչական դատարան. ԲԴԽ նախագահ |armenpress.am|

13:03 - 03 մարտի, 2021

Ռուբեն Վարդազարյանը ԲԴԽ նախագահի պաշտոնից հրաժարական ներկայացնելու մտադրություն չունի |armenpress.am|

armenpress.am: Բարձրագույն դատական խորհրդի նախագահ Ռուբեն Վարդազարյանը հրաժարականի մտադրություն չունի: Վարդազարյանն այս մասին ասաց ԱԺ-ում լրագրողների հետ զրույցում: Վարդազարյանը, նախ անդրադառնալով ԱԺ նիստերի դահլիճում իրեն ուղղված հարցերին, «Իմ քայլը»-ի պատգամավորների վերաբերմունքն իր նկատմամբ գնահատեց առնվազն ագրեսիվ, ինչի պատճառը չգիտի: Հարցին, թե արդյոք հրաժարականի մտադրություն ունի՞, նա ասաց. «Այդպիսի մտադրություն չունեմ»: Անդրադառնալով Օնիկ Գասպարյանին ազատելու հետ կապված վարչապետի առաջարկության առնչությամբ նախագահ Արմեն Սարգսյանի քայլերին՝ Վարդազարյանն ասաց, որ դեռ կարծիք չունի, նույնիսկ ունենալու դեպքում երբևէ հանրային եղանակով այդ կարծիքը չի հայտնելու: Ինչ վերաբերում է ԳՇ-ի՝ վարչապետի հրաժարականի պահանջով հայտարարությանը, նա ասաց, որ քաղաքականության հետ առնչություն չունի, հետևաբար քաղաքական բնույթի հարցերին չի պատասխանի: Իսկ որպես ՀՀ քաղաքացի նա կարծում է. «Կլոր սեղանի շուրջ նստելով և բանակցելով կարելի է ցանկացած խնդիր, ցանկացած ճգնաժամ լուծել»: Լրագրողը դիտարկում արեց՝ վարչապետի կամ մեկ այլ անձի նկատմամբ մեկը մահափորձի կոչ է անում, սակայն չի կալանավորվում, իսկ մյուսն անում է ու կալանավորվում: ԲԴԽ նախագահին հարց ուղղվեց, թե ի՞նչ է պատրաստվում անել, որ դատական համակարգը բարեփոխվի, դատարանները դառնան անկախ: Վարդազարյանը շեշտեց, որ դատավորի կողմից կայացրած որոշմանը գնահատական տալու համար կա Վերաքննիչ դատարան, կա Վճռաբեկ դատարան, վերադաս դատավորները կարող են պատասխանել այդ հարցին՝ դատավորը ճիշտ է եղել, թե ոչ: «Ոչ ես, ոչ լրագրողները, ոչ քաղաքական գործիչները, ոչ քաղհասարակությունն իրավասու չէ դատավորի կողմից կայացված որոշմանը տալ գնահատական»,-նշեց նա: Անդրադառնալով դատավորների հայտարարագրերին, դատավորների կողմից հնարավոր կոռուպցիոն ռիսկերի վերաբերյալ հարցերին՝ ԲԴԽ նախագահը նշեց, որ եթե Կոռուպցիայի կանխարգելման հանձնաժողովը կոռուպցիոն ռիսկեր տեսնի, վարույթ հարուցի, ներկայացնի ԲԴԽ, խորհուրդը կպատասխանի այդ հարցին՝ կոռուպցիոն ռիսկ կա,թե ոչ:

12:41 - 03 մարտի, 2021