«Լուսավոր Հայաստան» խմբակցություն

ՀՀ 7-րդ գումարման Ազգային ժողովի «Լուսավոր Հայաստան» խմբակցությունը ստեղծվել է 2019-ի հունվարի 14-ին։ Խմբակցությունում ընդգրկված է 17 պատգամավոր։ 

Խմբակցության ղեկավարն է Էդմոն Մարուքյանը, քարտուղարը՝ Գեւորգ Գորգիսյանը։ Մյուս պատգամավորներն են՝ Ալեքսանյան Սարգիս Ռոբերտի, Այվազյան Հրանտ Գնունու, Անդրեասյան Էդվարդ Հրաչի, Բաբայան Հարություն Վիլիկի, Բաղդասարյան Գուրգեն Նիկոլի, Գրիգորյան Սրբուհի Էդիկի, Եղիազարյան Արմեն Էդիկի, Թանդիլյան Մանե Վանյայի, Խաչատրյան Արկադի Սանասարի, Կոստանյան Աննա Մայիսի, Մինասյան Սարիկ Սամվելի, Սամսոնյան Անի Տաճատի, Սիմոնյան Կարեն Մանվելի, Սիմոնյան Տարոն Վարդանի, Ստեփանյան Ռուբիկ Շահումի։
 



Հաշմանդամություն ունեցող անձանց թոշակները կշարունակեն վճարվել, եթե նույնիսկ լրացել է նրանց կարգի մեկ տարի ժամկետը
 |armtimes.com|

Հաշմանդամություն ունեցող անձանց թոշակները կշարունակեն վճարվել, եթե նույնիսկ լրացել է նրանց կարգի մեկ տարի ժամկետը |armtimes.com|

armtimes.com: Հաշմադամություն ունեցող անձինք անհանգստացած են, որ կարող են պետության կողմից տրվող թոշակից զրկվել: Քանի որ երկրում արտակարգ դրություն է հայտարարված եւ շուտով լրանում է շատերի հաշմանդամության կարգի ժամկետները, նրանք չգիտեն, թե ինչ կլինի, եթե չհանձնեն պարտադիր բժշկասոցիալական փորձաքննությունը:  Բանն այն է, որ հաշմանդամություն ունեցող անձինք պետք է յուրաքանչյուր տարի դիմեն ՀՀ բժշկասոցիալական փորձաքննության գրասենյակի համապատասխան բաժին, որպեսզի անհրաժեշտ ախտորոշիչ միջոցառումների արդյունքում վերահաստատվի վերջիններիս հաշմանդամության կարգն ու շարունակեն թոշակ ստանալ: Այս խնդրով անհանգստացած որոշ մարդիկ դիմել էին նաեւ «Լուսավոր Հայաստան» կուսակցության պատգամավոր Աննա Կոստանյանին, որն էլ ֆեյսբուքյան գրառմամբ բարձրաձայնել էր հարցը: «Տեղեկացված չեմ՝ արդյոք հանձնաժողովն այս օրերին գործում է, թէ ոչ, սակայն նույնիսկ գործելու դեպքում, առողջական խնդիրներով շահառու հանդիսացող քաղաքացիները գտնվում են ռիսկային խմբում եւ լավ կլիներ, որպեսզի արտակարգ դրությամբ պայմանավորված՝ նրանք շարունակեին վճարվել պետության կողմից՝ առանց տարածքային բժշկասոցիալական փորձաքննական բաժին այցելելու»,-ֆեյսբուքյան իր էջում գրել էր պատգամավորը: Կոստանյանն առաջարկել էր, որ մինչեւ կարանտինի ավարտը պետությունը քաղաքացիներին նախատեսված գումարից չզրկի, եթե նույնիսկ լրացել է նրանց կարգի ժամկետը: Պարզվում է՝ պետությունն այս հարցին մասին հոգացել էր ավելի վաղ, քան շահառուները կսկսեին անհանգսանալ: ՀՀ աշխատանքի եւ սոցիալական հարցերի նախարար Զարուհի Բաթոյանը արձագանքել էր պատգամավորի գրառմանն ու մեկնաբանություններում նշել, որ այդ հարցը դեռեւս մեկ ամիս առաջ է լուծվել եւ անհանգստանալու կարիք չկա: Նախարարը վստահեցրել էր, որ համանդամություն ունեցող անձինք շարունակելու են համապատասխան թոշակ ստանալ քանի դեռ կարանտինում են: Ըստ Բաթոյանի, եթե հրատապ փորձաքննության կարիք լինի, դա էլ է արվում: Ոչ մի աշխատանք կասեցված չէ:
19:05 - 16 ապրիլի, 2020
Սիսիանում ոստիկանության ծառայողների ու քաղաքացիների միջև միջադեպ է գրանցվել, կան վնասվածքներ ստացած քաղաքացիներ. Էդգար Ջանոյան
 |tert.am|

Սիսիանում ոստիկանության ծառայողների ու քաղաքացիների միջև միջադեպ է գրանցվել, կան վնասվածքներ ստացած քաղաքացիներ. Էդգար Ջանոյան |tert.am|

tert.am: Սիսիանում ոստիկանության ծառայողների ու քաղաքացիների միջև միջադեպ է գրանցվել, կան վնասվածքներ ստացած քաղաքացիներ։ Միջադեպի վերաբերյալ ոստիկանության լրատվության վարչության պետի տեղակալ Էդգար Ջանոյանը պարզաբանեց․ «ՀՀ ոստիկանության պետ Արման Սարգսյանի հանձնարարությամբ ոստիկանության ներքին անվտանգության վարչությունում նշանակվել է ծառայողական քննություն»։Հիշեցնենք, որ ԱԺ «Լուսավոր Հայաստան» խմբակցության պատգամավոր Սրբուհի Գրիգորյանը ֆեյսբուքյան իր էջում գրառում էր կատարել՝ նշելով, թե Սիսիանի ոստիկանապետի ժամանակավոր պաշտոնակատարը բռնություն է կիրառել քաղաքացիների նկատմամբ։ Նա, մասնավորապես, գրել էր. «Հատուկ նոր ոստիկանապետի համար։ Սիսիանում միլպետի ժամանակավոր պաշտոնակատարը բռնություն է կիրառել քաղաքացիների նկատմամբ։ 3 քաղաքացու է ծեծել, նրանցից մեկը Սիսիանի ավագանու անդամ, մյուսը 1952 թ. ծնված քաղաքացի է։ Ծեծվածները հոսպիտալում են։ Այս օրերին տարբեր զանգեր եմ ստացել, որ նա օգտվել է հայտարարված արտակարգ դրությունից։ Սիսիանում մարդիկ ժամեր շարունակ դուրս են եկել փողոց։ Զբաղվեք այս խնդրով։ Սիրելի քաղաքացիներ, ոչ ոք իրավունք չունի ձեռք բարձրացնի ձեզ վրա։ Ափսոս՝ Սիսիանում չեմ... Հիմա նաեւ պաշտոնական գրություն կուղարկեմ»։
21:20 - 07 ապրիլի, 2020
Նախագիծ՝ անհաղթահարելի ուժի (force majeure) ինստիտուտի և դրա կիրառության վերաբերյալ․ Էդմոն Մարուքյան

Նախագիծ՝ անհաղթահարելի ուժի (force majeure) ինստիտուտի և դրա կիրառության վերաբերյալ․ Էդմոն Մարուքյան

Այսօր շրջանառության մեջ ենք դրել ՀՀ քաղաքացիական օրենսգրքում փոփոխություններ և լրացում կատարելու մասին ՀՀ օրենքի նախագիծը, որով համապարփակ կարգավորումներ ենք առաջարկում անհաղթահարելի ուժի (force majeure) ինստիտուտի և դրա կիրառության վերաբերյալ։ Այս մասին ֆեյսբուքի իր էջում գրել է ԼՀԿ ղեկավար Էդմոն Մարուքյանը։ «Մեր կողմից մասնավորապես առաջարկվել է՝- նախատեսել այն չափորոշիչները, որոնց առկայությամբ իրադարձությունը կարող է համարվել անհաղթահարելի ուժ (անկանխատեսելիություն, անհաղթահարելիություն, արտաքին ազդեցություն և այլն),- նախատեսել այդպիսի ուժի ազդեցությամբ պարտավորությունների չկատարման կամ անպատշաճ կատարման իրավական հետևանքները,- ինչպես նաև առաջարկվել է վեճի առկայության դեպքում ապացուցման բեռի հստակ բաշխում,- միաժամանակ, կարգավորումներում առավելագույնս ապահովվել է պայմանագրի ազատության (դիսպոզիտիվության) սկզբունքը։ Նախագծով առաջարկվում է օրենքին տալ հետադարձ ուժ՝ մինչև 2020թ. մարտի 16-ը՝ այն օրը, երբ հայտարարվեց արտակարգ դրություն։ Առաջարկվող նախագիծն ընդունվելու պարագայում կարող է հիմք հանդիսանալ քաղաքացիների կողմից իրենց պայմանագրային պարտավորություններն օբյեկտիվորեն ապահովելու հնարավորությունից զրկված լինելու դեպքում օգտվելու այս իրավական գործիքից՝ իրենց մեղքին անհամաչափ պատասխանատվությունից (տույժեր, տուգանքներ և այլն) ազատվելու համար»,- գրել է նա։
19:30 - 01 ապրիլի, 2020
ԱԺ-ն երկրորդ ընթերցմամբ ընդունելու համար քննարկում է կորոնավիրուսով վարակված անձանց կոնտակտավորներին հայտնաբերելու նպատակով հեռախոսազանգերը ֆիքսող նախագիծը

ԱԺ-ն երկրորդ ընթերցմամբ ընդունելու համար քննարկում է կորոնավիրուսով վարակված անձանց կոնտակտավորներին հայտնաբերելու նպատակով հեռախոսազանգերը ֆիքսող նախագիծը

Հայաստանի խորհրդարանը արտահերթ նիստում սկսել է «Արտակարգ դրության իրավական ռեժիմի մասին» օրենքում լրացումներ կատարելու մասին և «Էլեկտրոնային հաղորդակցության մասին» օրենքում լրացում կատարելու մասին օրենքների նախագծերի փաթեթի երկրորդ ընթերցմամբ քննարկումը։ Նախագծերի այս փաթեթով նախատեսվում է Հայաստանում կորոնավիրուսով վարակված անձանց կոնտակտավորներին հնարավորինս շուտ գտնելու նպատակով ֆիքսել նրանց հեռախոսազանգերը։ Փաթեթն առաջին ընթերցմամբ ընդունվել է այսօր՝ 69 կողմ և 1 ձեռնպահ ձայներով։ Խորհրդարանական «Լուսավոր Հայաստան» և «Բարգավաճ Հայաստան» խմբակցությունները ներկա չէին ժամեր առաջվա քննարկմանը՝ պատճառաբանությամբ, որ արտահերթ նիստի մասին նրանց պատշաճ չի ծանուցվել։ ԲՀԿ-ն եւ ԼՀԿ-ն չեն մասնակցում նաեւ երկրորդ ընթերցմամբ քննարկմանը։
22:05 - 31 մարտի, 2020
Ծածուկ նիստ եք հրավիրում, որ պատգամավորները չհասցնեն գան, ամոթ ձեզ, է՞ս չեք դուք․ Էդմոն Մարուքյան |aysor.am|

Ծածուկ նիստ եք հրավիրում, որ պատգամավորները չհասցնեն գան, ամոթ ձեզ, է՞ս չեք դուք․ Էդմոն Մարուքյան |aysor.am|

aysor.am: Ժամը 17:00-ի արտահերթ նիստի մասին ԼՀ խմբակցության քարտուղար Գևորգ Գորգիսյանին տեղեկացրել են 17:05-ին, Ֆեյսբուքյան ուղիղ եթերի ժամանակ ասաց ԼՀ խմբակցության ղեկավար Էդմոն Մարուքյանը։ «ԱԺ նիստի ավարտից հետո բոլորս գնում ենք մեր գործերով, կոնկրետ ես եկել եմ տուն և 17:05-ին Գևորգ Գորգիսյանին է զանգել աշխատակազմի ղեկավարը և տեղեկացրել, որ ժամը 17:00-ին արտահերթ նիստ է։ Ամեն ինչ ունի սահմաններ, կարծում եմ, և սա իրականում բոլոր սահմաններն է ացնում։ԱԺ-ն ունի նախագահ, փոխխոսնակներ, ղեկավարություն։ Օրինակ՝ Լիլիթ Մակունցը, և օրինակ՝ ԱԺ ղեկավարությունը, ժամը 16:00-ին գիտեին չէ՞, որ նիստ է լինելու, կարո՞ղ էին մեզ տեղեկացնել, որ գնայինք նիստին, կարծում եմ՝ կարող էին։Այսինքն՝ նիստ են հրավիրում մարդիկ ու նիստից հինգ րոպե հետո զանգում են ընդդիմությանն ու ասում, որ արտահերթ նիստ կա։ Նախորդ արտահերթ նիսերի դեպքում, որոնք գումարվել են երկոյան ժամերին, ինձ զանգել է Արարատ Միրզոյանը, սա է ձևը», - ասաց Մարուքյանն՝ ավելացնելով. «Դուք ծածուկ նիստ եք հրավիրում և 17:05-ին տեղեկացնում, որ պատգամավորները չհասցնեն գան ու ելութ ունենան, ամոթ ձեզ, է՞ս չեք դուք»։ Նա ընդգծեց՝ աշխատակազմում իրենց օգնականները լրագրողներից են տեղեկացել նիստի սկզբից հինգը րոպե առաջ, ինչի պարագայում անհնար է խմբակցությունը հավաքել։ Մարուքյանն ընդգծեց, որ նախագիծը կապ չունի կորանվիրուսի հետ, այն մտահոգիչ է ու ԼՀԿ մտահոգություններն այդպես էլ չեն փարատվել, դրա համար էլ դեմ են քվեարկել։ «Աշխարհում կա պրակտիկա, երբ խորհրդարանը մի բան մերժում է, իշխանությունը դա երկրորդ անգամ չպետք է բերի։ Հիմա ունենք իրավիճակ, երբ խորհրդարանը մերժել է, կառավարությունը նորից բերել է, որ զոռբայությամբ անցնի», - ասաց Մարուքյանը: Հիշեցնենք, որ այսօր խորհրդարանում երկրորդ ընթերցմամբ «Արտակարգ դրության իրավական ռեժիմի մասին» օրենքում լրացումներ կատարելու մասին» և «Էլեկտրոնային հաղորդակցության մասին» օրենքում լրացում կատարելու մասին» օրենքների նախագծերի փաթեթը չէր ընդունվել։ Ընդդիմությունը չէր մասնակցել քվեարկությանը, իսկ իմքայլական պատգամավորների ձայները՝ 65 ձայն, բավարար չէին նախագծի ընդունման համար։ Հիշեցնենք, որ երկրորդ ընթերցումից հետո ԱԺ-ն գումարեց ևս մեկ արտահերթ նիստ նույն նախագիծը քննարկելու համար, որի արդյունքում նախագիծը առաջին ընթերցմամբ ընդունվեց՝ նիստին ներկա միայն իշխանական պատգամավորների ձայներով։ Նախագծի երկրորդ ընթերցումը կլինի այսօր ժամը 21:30-ին։
19:18 - 31 մարտի, 2020
Ընդդիմության բացակայության պատճառաբանությունները ամոթալի են և ծիծաղելի․ Ռուբինյան
 |shantnews.am|

Ընդդիմության բացակայության պատճառաբանությունները ամոթալի են և ծիծաղելի․ Ռուբինյան |shantnews.am|

shantnews.am: Ազգային ժողովի նոր արտահերթ նիստ անցկացնելու մասին որոշումը ծանուցվել է միաժամանակ։ Այս մասին ԱԺ ամբիոնից հայտարարեց իմքայլական Ռուբեն Ռուբինյանը՝ հերքելով ԼՀԿ պատգամավորների պնդումները։ Վերջիններս նշում են, որ իրենց նիստից 5 րոպե առաջ են տեղեկացրել։ Ըստ այդմ՝ ԼՀԿ-ն հայտարարել է, որ չի մասնակցելու նիստին։ Ռուբինյանի խոսքերով՝ նման հրատապ նիստ անցկացնելու անհրաժեշտությունը պայմանավորված է նաև կորոնավիրուսի ստեղծած իրավիճակով։ «Հաշվի առնելով կորոնավիրուսի համաճարակի տեմպերը աշխարհում և Հայաստանում, զոհերի քանակը, արագ արձագանքման անհրաժեշտությունը, էս պատճառաբանությունները դառնում են ուղղակի ամոթալի և ծիծաղելի»,- ասաց Ռուբինյանը՝ հեռակա մեղադրելով ընդդիմադիր պատգամավորներին։ Նրա խոսքերով՝ ընդդիմությունը վերջին շրջանում իրեն անհասկանալի է պահում՝ օգտագործելով պոպուլիստական բոլոր այն հնարքները, որ մինչ այս չէր հասցրել կիրառել։
18:42 - 31 մարտի, 2020
Արցախն առանձին պետություն է եւ այնտեղ որոշում պետք է կայացնի տեղի իշխանությունը․ ՀՀ ԱԺ ընդդիմադիր պատգամավորները՝ ընտրությունները հետաձգելու անհրաժեշտության մասին

Արցախն առանձին պետություն է եւ այնտեղ որոշում պետք է կայացնի տեղի իշխանությունը․ ՀՀ ԱԺ ընդդիմադիր պատգամավորները՝ ընտրությունները հետաձգելու անհրաժեշտության մասին

Վերջին օրերին լրատվական հարթակներում ու սոցցանցերում ակտիվորեն քննարկվում է մարտի 31-ին Արցախում կայանալիք  ընտրությունները հետաձգելու անհրաժեշտության հարցը։ Որոշ շրջանակներ պնդում են, որ պետք է անհապաղ կայացվի ընտրությունների հետաձգման որոշում՝ անկախ հանգամանքից, որ կորոնավիրուսի համաշխարհային պանդեմիան Արցախ չի հասել։ Այս շրջանակները, այդ թվում տարբեր վերլուծաբաններ, փաստարկ են բերում, որ ողջ աշխարհն է ձեռնարկում լրջագույն քայլեր, բոլորը մեկուսանում ու տանից դուրս չեն գալիս, քանի պատկան մարմինները փորձում են համավարակի «դեմն առնել»․ հետաձգվում են օլիմպիական խաղեր, փառատոններ ու հնչեղություն ունեցող գրեթե բոլոր միջոցառումները։ Ըստ այդմ՝ Արցախը եւս պետք է շարժվի այս օրակարգով։ Իսկ ահա այս տեսակետի ընդդիմախոսներն էլ պնդում են, որ ընտրությունները չեղարկում կամ հետաձգում են իրենց, ոչ թե հարեւան հանրապետության ներքին իրավիճակից ելնելով։ Բացի այդ՝ նրանք նշում են, որ Արցախն անկախ պետություն է եւ Արցախի իշխանություններն իրենք կարող են որոշել՝ ինչպես շարժվելով՝ ելնելով իրավիճակից։ Այս կարծիքին է նաեւ Հայաստանի ԱԺ-ի ընդդիմադիր «Բարգավաճ Հայաստան» խմբակցության պատգամավոր Արման Աբովյանը։ Infocom-ի հետ զրույցում Աբովյանը շեշտեց՝ Արցախի Հանրապետությունը քաղաքական անկախ միավոր է, եւ Արցախի իշխանությունների որոշումը քննարկելը կոռեկտ չի լինի․ «Մենք Երեւանում ենք, Արցախի իշխանություններն այնտեղ են, եւ ես համոզված եմ, որ իրենք կանեն ամեն ինչ՝ ազգաբնակչության անվտանգությունն ապահովելու համար։ Այստեղ խնդիրն այն է, որ ճիշտ չէ քննարկել անկախ պետության գործողությունները, կամ ինչ-որ խորհուրդներ տալ։ Արցախի իշխանություններն ի զորու են որոշել անկախ Արցախի տարածքում իրենց գործողությունների տրամաբանությունը»,- ասաց պատգամավորը։ Մեր հարցին՝ արդյոք այս պայմաններում ընտրական գործընթացը կլինի այնպիսին, ինչպիսին սպասվում էր՝ ակտիվ ու մրցակցային, թե, ամեն դեպքում, քաղաքացիների մասնակցությունը բարձր չի լինի, Աբովյանը նկատեց՝ կորոնավիրուսի համաշխարհային պանդեմիան իր հետքը թողնում է յուրաքանչյուր պրոցեսի վրա, և ոչ միայն Արցախում․ «Դա, այսպես ասած, համաշխարհային թրենդ է։ Բայց այնուամենայնիվ, ես կարծում եմ, որ Հայաստանի Հանրապետությունը պետք է մինիմալ միջամտի Արցախում տեղի ունեցող գործընթացներին, իսկ եթե այստեղից ինչ-որ խորհուրդ տրվի, դա, ըստ էության, միջամտում կդիտվի»։ Առհասարակ, պատգամավորի պնդմամբ, ընտրությունների վերաբերյալ գնահատականները տեղին կլինեն ընտրություններից հետո, կամ այն գործընթացներից հետո, որոնք կձեռնարկեն Արցախի իշխանությունները։ Աբովյանը համոզված է՝ շոշափելի վտանգի դեպքում Արցախի տարածքում տեղի իշխանությունները կանեն ամեն ինչ՝ վտանգը չեզոքացնելու համար։ Ինչ վերաբերում է քաղաքացիների մասնակցայնությանը, ԲՀԿ-ական պատգամավորի համոզմամբ՝ Արցախի Հանրապետությունը ժողովրդավարական պետություն է, եւ ոչ ոք մարդկանց ոչինչ չի ստիպի, կգնան՝ կգնան, չեն գնա՝ չեն գնա։ ԲՀԿ-ական Արման Աբովյանի հետ համակարծիք է նաեւ ԱԺ ընդդիմադիր մյուս՝ «Լուսավոր Հայաստան խմբակցության պատգամավոր Գեւորգ Գորգիսյանը․ «Արցախն առանձին պետություն է եւ այնտեղ որոշում պետք է կայացնի տեղի քաղաքական վերնախավը,- մեր զրույցում ասաց Գորգիսյանը՝ հավելելով, որ չի կարծում, թե մենք միջամտելու կարիք ունենք։ Ըստ պատգամավորի՝ եթե ընտրությունները չհետաձգվեն, մարդիկ, միեւնույն է, կգնան տեղամասեր։ Հարցին՝ մի՞թե չեն զգուշանա, նույն ակտիվությո՞ւնը կցուցաբերեն, ինչը նախատեսվում էր մինչ այս իրավիճակը, Գորգիսյանը պատասխանեց, որ Հայաստանում էլ նախքան արտակարգ դրություն հայտարարելը՝ մարդիկ լուրջ չէին վերաբերում իրավիճակին, քանի որ վարչապետը հայտարարել էր՝ «կորոնավիրուսն ում շունն է», նախարար Արսեն Թորոսյանն էլ ասել էր, թե վիրուսն այդքան էլ վտանգավոր չէ։ Իսկ հիմա, պատգամավորի խոսքով, ստիպված եղան օրենքները խստացնել, որպեսզի մարդիկ տանից դուրս չգան․ «Կարծում եմ՝ այդ նույն ընկալումը կա նաեւ Արցախում, ու, հաշվի առնելով, որ այնտեղ արտակարգ դրություն հայտարարված չէ, եւ դժվար է ասել, թե հայտարարելու համար ինչքան են հիմնավոր պատճառները, ընտրություններին մարդիկ միանշանակ մասնակցելու են։ Իհարկե, պետք է զգույշ լինել, բայց, իմ կարծիքով, մենք չպիտի խառնվենք»,- եզրափակեց ԼՀԿ-ական պատգամավորը։ Հայարփի Բաղդասարյան
16:22 - 27 մարտի, 2020
ԼՀԿ-ն, ինչպես միշտ, որոշեց ճանապարհի կեսից ուրիշ ճանապարհ ընտրել ու չմասնակցել ատելության դեմ պայքարի աշխատանքային խմբի քննարկումներին․ Սարգիս Խանդանյան |tert.am|

ԼՀԿ-ն, ինչպես միշտ, որոշեց ճանապարհի կեսից ուրիշ ճանապարհ ընտրել ու չմասնակցել ատելության դեմ պայքարի աշխատանքային խմբի քննարկումներին․ Սարգիս Խանդանյան |tert.am|

tert.am: Չափազանց ցանկալի կլիներ, որ այս բարեփոխման պայքարին խորհրդարանական երեք ուժերով գնայինք, բայց «Լուսավոր Հայաստանը» ինչպես մյուս դեպքերում, այդպես էլ այս դեպքում որոշեց ճանապարհի կեսից ուրիշ ճանապարհ ընտրել ու չմասնակցել քննարկումներին:Այս մասին այսօր լրագրողների հետ զրույցում ասաց «Իմ քայլը» խմբակցության պատգամավոր Սարգիս Խանդանյանը` անդրադառնալով ԼՀԿ պատգամավոր Անի Սամսոնյանի այն հայտարարությանը, որ ԼՀԿ պատգամավոր Աննա Կոստանյանի հետ միասին դադարեցնում են  մասնակցել ատելության դեմ պայքարի նպատակով ստեղծված աշխատանքային խմբի աշխատանքներին։«Իրենց գործն է, ամեն դեպքում` մեր խմբակցությունը հանձնառություն է ստանձնել, նախընտրական խոստում ունի նաև բռնությունից զերծ հանրություն կառուցելու, և այս առումով մենք աշխատելու ենք»,- նշեց պատգամավորը:Հարցին, թե ատելության դեմ պայքարի նպատակով ստեղծված աշխատանքային խումբը ինչ է անելու այս ընթացքում, Սարգիս Խանդանյանը պատասխանեց, որ այս ընթացքում մի քանի տեխնիկական հարցեր են լուծվել, նաև քննարկումներ են իրականացրել պետական այլ մարմինների հետ։ Պատգամավորի խոսքով՝ քննարկումները շարունակվելու են և արդեն մի շարք հասարակական կազմակերպություններ են միանալու։«Դատախազությունը նախկինում մշակած նախագիծ ուներ։ Գլխավոր դատախազության ներկայացուցչին խնդրել ենք՝ այդ նախագծը  հաջորդ քննարկման ժամանակ ներկայացնել, որ հասկանանք, թե որքանով է այդ նախագիծը կիրառական մեր պատկերացումների հետ»,- ասաց նա։
18:30 - 13 փետրվարի, 2020
Զոհրաբյանն առաջարկում է ԼՀԿ-ի օրենքի նախագծում հատուկ կարգավիճակ տալ սահմանապահ համայնքներին |armenpress.am|

Զոհրաբյանն առաջարկում է ԼՀԿ-ի օրենքի նախագծում հատուկ կարգավիճակ տալ սահմանապահ համայնքներին |armenpress.am|

armenpress.am: ՀՀ Ազգային ժողովի «Բարգավաճ Հայաստան» խմբակցության անդամ Նաիրա Զոհրաբյանն առաջարկում է «Լուսավոր Հայաստան» խմբակցության կողմից ներկայացված «Տեղական ինքնակառավարման մասին» օրենքում փոփոխություններ կատարելու նախագծում հատուկ կարգավիճակ տալ սահմանապահ համայնքներին: Այս մասին Զոհրաբյանն ասաց փետրվարի 12-ի Ազգային ժողովի նիստում: «Մենք ունենք 36-37 համայնք, որոնք ստացել են սահմանապահ համայնքի կարգավիճակ, քննարկենք, գուցե այդ համայնքների համար մեկ միլիոնի շեմը հանվի, քանի որ սահմանին թշնամին է, և, եթե որևէ մեկը ցանկանում է սահմանապահ համայնքներում, որոնք պահում են մեր թիկունքը, անանուն նվիրատվություն անել, այդ հնարավորությունը այդ մարդկանց համար տրվի»,- ասաց Զոհրաբյանը: Օրենքի նախագծով՝ համայնքի ավագանին իր որոշմամբ հավանություն է տալիս նվիրատվության ընդունմանն այն դեպքում, երբ համայնքը նվիրառու է, իսկ նվիրատվության առարկայի արժեքը գերազանցում է նվազագույն աշխատավարձի հազարապատիկը, ինչից հետո միայն համայնքի ղեկավարն իրավասու է կնքելու նվիրատվության պայմանագիրը:
13:13 - 12 փետրվարի, 2020
Վարչապետը հաստատել է սահմանադրական բարեփոխումների մասնագիտական հանձնաժողովի կազմը

Վարչապետը հաստատել է սահմանադրական բարեփոխումների մասնագիտական հանձնաժողովի կազմը

Հայաստանի Հանրապետության վարչապետ Նիկոլ Փաշինյանը որոշում է ստորագրել Սահմանադրական բարեփոխումների մասնագիտական հանձնաժողով ստեղծելու, հանձնաժողովի անհատական կազմը և աշխատակարգը հաստատելու մասին: Վարչապետի որոշումը հրապարակվել է ՀՀ կառավարության e-gov.am կայքում: Սահմանադրական բարեփոխումների մասնագիտական հանձնաժողովի կազմում ընդգրկվել են ՀՀ արդարադատության նախարար Ռուստամ Բադասյանը, ՄԻԵԴ-ում ՀՀ ներկայացուցիչ Եղիշե Կիրակոսյանը, Մարդու իրավունքների պաշտպան Արման Թաթոյանը, ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը, ՀՀ ԱԺ «Իմ քայլը» խմբակցության պատգամավոր Վահագն Հովակիմյանը, ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը, ԱԺ «Լուսավոր Հայաստան» խմբակցության պատգամավոր Տարոն Սիմոնյանը, ՀՀ ԲԴԽ անդամ Վիգեն Քոչարյանը, իրավաբան-գիտնականներ Անահիտ Մանասյանը, Արթուր Ղամբարյանը, Արմեն Մազմանյանը, Արսեն Թավադյանը, Լևոն Գևորգյանը, Տիգրան Մարկոսյանը, «Իրազեկ քաղաքացիների միավորում հասարակական կազմակերպության ներկայացուցիչ Դանիել Իոաննիսյանը և «Իրավաբանների հայկական ասոցիացիա» հասարակական կազմակերպության ներկայացուցիչ Կարեն Զադոյանը: Վարչապետի որոշման մեջ նշվում է.  1) հանձնաժողովի գործունեությունն սկսելուց հետո եռամսյա ժամկետում մշակել սահմանադրական բարեփոխումների հայեցակարգը, ապահովել դրա հանրային քննարկումը և ներկայացնել Հայաստանի Հանրապետության վարչապետի աշխատակազմ. 2) մինչև 2020 թվականի սեպտեմբերի 1-ը մշակել և Հայաստանի Հանրապետության վարչապետի աշխատակազմ ներկայացնել Հայաստանի Հանրապետության Սահմանադրության փոփոխությունների նախագիծը:
12:15 - 12 փետրվարի, 2020
Ձերբակալվածներին և կալանավորներին անարգել տեսակցելու նախագիծն ընդգրկվեց ԱԺ լիագումար նիստերի օրակարգ |hetq.am|

Ձերբակալվածներին և կալանավորներին անարգել տեսակցելու նախագիծն ընդգրկվեց ԱԺ լիագումար նիստերի օրակարգ |hetq.am|

hetq.am: Ազգային ժողովի պետական-իրավական հարցերի մշտական հանձնաժողովը, չնայած բացասական եզրակացություն էր տվել «Լուսավոր Հայաստան» խմբակցության ներկայացրած «Ձերբակալված և կալանավորված անձանց պահելու մասին» օրենքում փոփոխություն կատարելու առաջարկին, սակայն խորհրդարանն այն ընդունեց` ընդգրկելով լիագումար նիստերի օրակարգ: Նախագիծը ներկայացրեց պատգամավոր Տարոն Սիմոնյանը` կրկին հիշեցնելով, որ այս նախագիծը տարբեր տարիների գրեթե բոլոր ընդդիմադիրները ներակայացրել է, սակայն այն մերժվել է: Տարոն Սիմոնյանի խոսքով` ձերբակալածների և կալանավորվածների պահման վայրեր պատգամավորները իրավունք ունեն անարգել մուտք գործել, բայց սրանով սահմանափակված են օրենսդրական կարգավորումները, և լինում են այնպիսի վիճակներ, երբ պատգամավորը կարողանում է մուտք գործել, սակայն նրեն թույլ չի տրվում շփվել կալանավորների հետ: «Այս նախագծով բերում ենք թույլտվություն առ այն, որ նման հիմնարկների ղեկավարները իրավունք չունեն արգելք սահմանել պատգամավորների, ԱԺ նախագահի համար, ովքեր կարող են տեսակցել ձերբակալվածներին և կալանավորներին»,- ասաց նա: «Բարգավաճ Հայաստան» խմբակցության պատգամավոր Նաիրա Զոհրաբյանի համոզմամբ` նախագիծը շատ կարևոր է, և բազմիցս է տարբեր իշխություն-ընդդիմությունների ժամանակ առճակատման առիթ դարձել: Զոհրաբյանը հիշեցրեց, որ շատ են եղել դեպքեր, երբ այցելել են ՔԿՀ-ներ, սակայն չեն կարողացել կալանավորին այցելել, իսկ ՔԿՀ-ի պետն առաջարկել է իր աշխատասենյակում թեյ խմել: Պետական-իրավական հարցերի մշտական հանձնաժողովի նախագահ Վլադիմիր Վարդանյանն ասաց` հանձնաժողովում քվեարկության ժամանակ մեծամասնությունը ձեռնպահ է մնացել: «Միանշանակ բոլորը կողմ են արտահայտվել, որ պատգամավորը ձերբակալվածին պետք է հնարավորություն ունենա հանդիպելու, բայց տեսակցության ինստիտուտը առանձին ինստիտուտ է»,- ասաց նա` կոչ անելով կողմ քվեարկել և հնարավորություն ընձեռել, որ նախագիծը ներառվի օրակարգ: Նախագիծը 116 կողմ, 1 դեմ և 1 ձեռնպահ ձայների հարաբերակցությամբ ընդգրկվեց լիագումար նիստերի օրակարգ:
13:50 - 11 փետրվարի, 2020