Ուկրաինա

Մակրոնն ու Մերկելը Պուտինի հետ զրույցի ընթացքում կոչ են արել «նորմանդական ձևաչափով» հանդիպում անցկացնել Դոնբասում իրավիճակի կարգավորման առնչությամբ |tert.am|

tert.am: Գերմանիայի կանցլեր Անգելա Մերկելը և Ֆրանսիայի նախագահ Էմանուել Մակրոնը Ռուսաստանի նախագահ Վլադիմիր Պուտինի հետ զրույցի ընթացքում կոչ են արել «նորմանդական ձևաչափով» հանդիպում անցկացնել:Այս մասին հայտնում է Գերմանիայի կառավարության մամուլի ծառայությունը, նշելով՝ տեսակոնֆերանսի ընթացքում կողմերը քննարկել են Դոնբասում հակամարտության կարգավորումը:«Գերմանիայի կանցլերը կոչ է արել «նորմանդական ձևաչափով» բանակցություններ վարել Մինսկի համաձայնագրերի կատարման շուրջ»,- ասվում է հաղորդագրության մեջ:Իր հերթին, Ելիսեյան պալատը հայտնել է՝ կողմերը նշել են՝ անհրաժեշտ է, որ Ռուսաստանը ստանձնի պարտավորություն Դոնբասում իրավիճակը կարգավորելու համար:«Ընդգծվել է, որ Ռուսաստանը պետք է ստանձնի Ուկրաինայում հրադադարի ռեժիմը կայունացնելու վճռական պարտավորություն և սահմանի ճգնաժամից դուրս գալու ելք՝ Մինսկի համաձայնագրերին համապատասխան», - ասվում է հաղորդագրության մեջ:Նշենք՝ Կրեմլը նախապես հայտնել էր, որ Պուտինը իր զրուցակիցներին ասել է, որ իրեն անհանգստացնում է Դոնբասում Ուկրաինայի հրահրած «շփման գծում զինված առճակատման սրումը» և ընդգծել է «Կիևի իշխանությունների կողմից ամենաբարձր մակարդակով նախկինում ձեռք բերված բոլոր պայմանավորվածությունների կատարման կարևորությունը»:Հիշեցնենք, որ օրերս Դոնբասում ուկրաինացի չորս զինվորի զոհվելուց հետո Ուկրաինայի նախագահ Վլադիմիր Զելենսկին ձևաչափի անդամ-երկրների ղեկավարներին խնդրել էր անել ամեն ինչ Դոնբասում հրադադարի ռեժիմը պահպանելու համար:Ի պատասխան Պուտինի խոսնակ Դմիտրի Պեսկովը ասել էր, որ Ռուսաստանի ղեկավարը դեռ չի ծրագրում խոսակցություն ունենալ Զելենսկիի հետ, «բայց անհրաժեշտության դեպքում դա կարելի է շատ արագ կազմակերպել»:Նշենք՝ «Նորմանդական քառյակ»-ը կամ «նորմանդական ձևաչափ»-ը, չորս երկրների (Գերմանիա, Ռուսաստան, Ուկրաինա և Ֆրանսիա) ղեկավարների խումբ է՝ ստեղծված Ուկրաինայի արևելքում իրավիճակի կարգավորման նպատակով: Ձևաչափի սկիզբը դրվել է 2014 թվականի հունիսի 6-ին Գերմանիայի, Ֆրանսիայի, Ռուսաստանի և Ուկրաինայի ղեկավարների՝ Նորմանդիայում (Ֆրանսիա) կայացած հանդիպմանը, դաշնակիցների ափհանման 70-րդ տարեդարձի տոնակատարության ժամանակ։

15:30 - 31 մարտի, 2021

Ռուսաստանը զորքերը մոտեցնում է Ուկրաինայի հետ սահմանին. Ուկրաինայի ԶՈւ ԳՇ պետ |tert.am|

tert.am: «Արևմուտք 2021» զորավարժություններին նախապատրաստվելու պատրվակով Ռուսաստանը վերջերս զորքերը մոտեցնում է Ուկրաինայի հետ սահմանին` տեղակայելով ՌԴ-ի Բրյանսկի և Վորոնեժի մարզերում և Ղրիմում: Ինչպես փոխանցում է Украинская правда-ն, այս մասին հայտարարել է Ուկրաինայի Զինված ուժերի ԳՇ պետ Ռուսլան Խոմչակը` ելույթ ունենալով Գերագույն ռադայում:Նրա խոսքով` մարտի 30-ի դրությամբ` ռուս-ուկարիանական սահմանի երկյանքով և Դոնբասի ու Ղրիմի տարածքներում հակառակորդի 28 գումարտակային մարտավարական խմբեր են տեղակայվել:Ուկրաինայի հրամանատարությունը կանխատեսում է, որ շուտով Ռուսաստանը «հավելյալ 25 գումարտակային մարտավարական խումբ կտեղակայի երկրի հետ սահմանի մոտ և Ղրիմում, որն արդեն իսկ տեղակայված ուժերի հետ միասին ռազմական սպառնալիք է ներկայացնում երկրի անվտանգությանը»:

15:19 - 31 մարտի, 2021

ԵԱՀԿ-ն երկարաձգել Է Ուկրաինայում դիտորդական առաքելության մանդատը |armenpress.am|

armenpress.am: ԵԱՀԿ-ի գործող նախագահ եւ Շվեդիայի արտաքին գործրի նախարարության ղեկավար Անն Լինդեն ողջունել Է այդ միջազգային կազմակերպության մշտական խորհրդի որոշումն Ուկրաինայում Եվրակազմակերպության Հատուկ մոնիտորինգային առաքելության բյուջեն հաստատելու եւ մանդատը եւս մեկ տարով՝ մինչեւ 2022 թվականի մարտի 31-ը երկրաձգելու մասին: Մարտի 31-ին այդ մասին հայտնել են ԵԱՀԿ-ի կենտրոնակայանում։ «Ես ողջունում եմ փոխհամաձայնության ձեռքբերումը ԵԱՀԿ-ի խոշորագույն դաշտային գործողության՝ Ուկրաինայում Հատուկ մոնիտորինգային առաքելության բյուջեի եւ մանդատի շուրջը»,- ասված Է Լինդեի՝ տարածված հայտարարության մեջ: Եվրակազմակերպության Հատուկ մոնիտորինգային առաքելության ընթացիկ մանդատն ավարտվել Է մարտի 31-ին: Կազմակերպության անդամ պետությունները մի քանի շաբաթ աշխատել են մանդատի երկարաձգման շուրջը փոխհամաձայնության հասնելու վրա, բայց մեկ երկրի ներկայացուցիչներ հայտնել են, որ տակավին չեն ստացել իրենց կառավարության համապատասխան հրահանգները, հաղորդել Է ՏԱՍՍ-ը:

13:49 - 31 մարտի, 2021

ԱՄՆ-ն մտադիր է ակտիվացնել Ուկրաինայի հետ հարաբերությունները երկրում բարեփոխումներ իրականացնելու համար. Սպիտակ տուն |tert.am|

tert.am: ԱՄՆ-ի նոր վարչակազմը մտադիր է ակտիվացնել Ուկրաինայի հետ հարաբերությունները Կիևին կոռուպցիայի դեմ պայքարում օգնություն ցուցաբերելու և բարեփոխումներ իրականացնելու համար: Այս մասին ասված է Սպիտակ տան տարածած հայտարարության մեջ, որտեղ ամփոփվում է ԱՄՆ նախագահ Ջո Բայդենի ազգային անվտանգության հարցերով օգնական Ջեյք Սալիվանի և Ուկրաինայի նախագահի գրասենյակի ղեկավար Անդրեյ Երմակի հեռախոսազրույցը։«Սալիվանը հաստատել է Միացյալ Նահանգների կողմից Ուկրաինայի ինքնիշխանությանը, տարածքային ամբողջականությանը և եվրատլանտյան ձգտումներին անսասան աջակցությունը։ Նա նաև փոխանցել է ԱՄՆ-ի նախագահ Ջո Բայդենի վարչակազմի՝ մեր ռազմավարական գործընկերությունը վերականգնելու հանձնառությունը՝ ի պաշտպանություն նախագահ Վլադիմիր Զելենսկիի՝ կոռուպցիայի դեմ պայքարի և բարեփոխումների ծրագրի իրականացմա, ինչը Ուկրաինայի ժողովրդին կապահովի արդարադատությամբ, անվտանգությամբ և բարգավաճումով»,- նշվում է հայտարարության մեջ:

09:37 - 30 մարտի, 2021

Զելենսկին հրամանագրով դադարեցրել է Ուկրաինայի ՍԴ նախագահի պաշտոնավարումը |armenpress.am|

armenpress.am: Ուկրաինայի նախագահ Վլադիմիր Զելենսկին ստորագրել է հրամանագիր՝ չեղարկելով նախկին նախագահ Վիկտոր Յանուկովիչի կողմից 2013 թվականին Սահմանադրական դատարանի նախագահի պաշտոնում Ալեքսանդր Տուպիցկիի նշանակումը: Այս մասին հայտնում է Reuters-ը: «Ուկրաինայի Սահմանադրական դատարանի որոշ դատավորներ՝ նշանակված Վիկտոր Յանուկովիչի կողմից, շարունակելով օգտագործել իրենց իշխանությունը, սպառնալիք են Ուկրաինայի պետական անկախությանն ու ազգային անվտանգությանը»,- ասվում է նախագահականի հրապարակած փաստաթղթում: Սահմանադրական դատարանը դեռևս չի մեկնաբանել Զելենսկիի նոր կարգադրությունը: Դեռևս հոկտեմբերին Ուկրաինայի ՍԴ-ն որոշումներ էր ընդունել հակակոռուպցիոն մի քանի օրենքների դեմ, ինչից հետո Զելենսկին հրամանագիր էր ստորագրել Տուպիցկիին ՍԴ դատավորի պաշտոնից հեռացնելու մասին: Սակայն ՍԴ-ից հայտնել էին, որ Տուպիցկին շարունակելու է աշխատանքը, իսկ նախագահին մեղադրել սահմանադրական լիազորությունների շրջանակից դուրս գալու մեջ: Դրանից հետո էլ Զելենսկին մի քանի անգամ փորձել էր հեռացնել դատավորին պաշտոնից, սակայն վերջինս ամեն անգամ բողոքարկել էր որոշումը և չէր հեռացել: Տուպիցկին նախկինում մի քանի անգամ մեղադրել է Զելենսկիին իրեն հեռացնելով «սահմանադրական հեղաշրջման» փորձ իրականացնելու մեջ:

15:13 - 27 մարտի, 2021

Ուկրաինական նոր Bees Airline լոուքոստերը կկապի Օդեսան և Լվովը Երևանի հետ |factor.am|

factor.am: Ուկրաինայի քաղավիացիայի ծառայությունը թույլատրել է ուկրաինական նոր Bees Airline լոուքոստերին թռիչքներ սկսել 16 չարտերային և 13 կանոնավոր ուղղություններով։ Ինչպես հաղորդում է «AnalitikaUA»-ն, սա ուկրաինական արդեն երրորդ ավիաընկերությունն է, որը թռիչքներ է իրականացնում դեպի Հայաստան։ Ներկայում Երևան են թռնում МАУ և SkyUp ավիաընկերությունները։ «Կիևից կանոնավոր չվերթներն իրականացվելու են դեպի Բուրգաս, Հերակլիոն, Ռոդոս, Բաթում, Արակսոս, Ալիկանտե, Բարսելոնա, Տիրանա, Վառնա և Լառնակա։ Ավիաընկերությանը թույլ են տվել կանոնավոր չվերթներ իրականացնել նաև Օդեսայից Թբիլիսի և Երևան, Լվովից դեպի Երևան։ Չարտերային թռիչքները լինելու են Կիևից Մարսա Ալամ, Մոմբասու, Հուրգադա, Շարմ-էլ-Շեյխ, Անթալիա, Բոդրում և Տիվատ»,- հայտնել են Ուկրաինայի քաղավիացիայի ծառայությունից։ Մամուլի ասուլիսի ժամանակ Bees Airline-ի ղեկավարությունը հայտնել է, որ դեպի Հայաստան և Վրաստան կանոնավոր չվերթները կմեկնարկեն մայիսին։

13:52 - 27 մարտի, 2021

Ուկրաինացի ուժայիններն ականակոծել են Դոնեցկի արվարձաններից մեկը՝ արձակելով 16 ական |tert.am|

tert.am: Ուկրաինացի ուժայինները կրակ են բացել Դոնեցկի արվարձանում գտնվող Վեսելոյե գյուղի ուղղությամբ՝ արձակելով 16 ական։ Այս մասին հայտնում է «ՌԻԱ Նովոստի» լրատվական գործակալությունը՝ հղում տալով Ինքնահռչակ Դոնեցկի Ժողովրդական Հանրապետության հրադադարի վերահսկման և համակարգման միացյալ կենտրոնի հայտարարությանը։ Ավելի վաղ հաղորդվել էր, որ Ուկրաինայի Շումի բնակավայրի մերձակայքում 4 զինվորիի զոհվելուց հետո երկրի Գլխավոր շտաբի պետ Ռուսլան Խոմչակն անմիջապես մեկնել է Դոնբաս՝ զինծառայողների մահվան հանգամանքները պարզելու համար։

10:52 - 27 մարտի, 2021

Ղրիմը Ուկրաինայի դեմ մի քանի հայց է ներկայացրել շրջափակման պատճառով |1lurer.am|

1lurer.am: Ղրիմն Ուկրաինայի դեմ մի քանի հայց է ներկայացրել՝ թերակղզու ենթակառուցվածքային և տրանսպորտային շրջափակման պատճառով՝ փոխանցում է РИА Новости-ն: Այս մասին հայտարարել է շրջանի խորհրդարանի ղեկավար Վլադիմիր Կոնստանտինովը: Ավելի վաղ նա նշել էր, որ իշխանությունները ծրագրում են հայց ներկայացնել Ղրիմի ջրային շրջափակման պատճառով: Նախնական վնասի չափը կազմում է 1.47 տրիլիոն ռուբլի:

10:49 - 27 մարտի, 2021

4 զինծառայողի զոհվելուց հետո Ուկրաինայի ԳՇ պետը Զելենսկիի կարգադրությամբ շտապ մեկնել է Դոնբաս |tert.am|

tert.am: Ուկրաինայի Շումի բնակավայրի մերձակայքում 4 զինվորիի զոհվելուց հետո երկրի Գլխավոր շտաբի պետ Ռուսլան Խոմչակն անմիջապես մեկնել է Դոնբաս՝ զինծառայողների մահվան հանգամանքները պարզելու համար։ Այս մասին հայտնում է «ՌԻԱ Նովոստի» լրատվական գործակալությունը՝ վկայակոչելով Ուկրաինայի նախագահ Վլադիմիր Զելենսկիին։ Ավելի վաղ Դոնբասում Միացյալ ուժերի գործողության շտաբի մամուլի ծառայությունից հայտնել էին, որ Դոնեցկի շրջանի Շումի բնակավայրի մերձակայքում հրթիռակոծության հետևանքով զոհվել է չորս ուկրաինացի զինվոր և վիրավորվել երկուսը: Դոնբասում իրադրության կարգավորման խնդրով զբաղվող կոնտակտային խմբում Կիևի պատվիրակությունը հայտարարել է, որ պատրաստվում է արտակարգ ներքին նիստի: «Իմ կարգադրությամբ Ուկրաինայի Գլխավոր շտաբի պետն անմիջապես թռել է դեպքի վայր՝ բոլոր հանգամանքները պարզելու նպատակով․․․Բոլոր մյուս համաձայնագրերի կատարման հետագա քայլերը և Ուկրաինայի արևելյան շրջաններում իրավիճակի կարգավորումը հնարավոր չէ իրականացնել կրակոցների և պայթյունների ձայների ներքո։ Միմյանց լսելու համար, բառի բոլոր իմաստներով, Դոնբասում պետք է կայուն լռություն տիրի», – ասել է Զելենսկին։

10:29 - 27 մարտի, 2021

«Գազպրոմ»-ը խոստացել է «Հյուսիսային հոսք 2»-ի շինարարությունն ավարտել 2021 թվականին |tert.am|

tert.am: Գազ արտահանող երկրների հետ համագործակցության գծով ՌԴ նախագահի հատուկ ներկայացուցիչ, «Գազպրոմ» ընկերության տնօրենների խորհրդի անդամ Վիկտոր Զուբկովը հայտարարել է, որ ռուսական «Հյուսիսային հոսք 2» գազատարի շինարարությունը կավարտվի 2021 թվականին: Այս մասին գրում է «Կոմերսանտ» պարբերականը:Զուբկովի խոսքերով` աշխատանքները կատարված են 90-92%-ով: Նա նաև խոստացել է, որ Ուկրաինայի հետ գազի պայմանագրի վերանայում չի լինի:«Աշխատանքն ակտիվորեն շարունակվում է, շատ քիչ է մնացել, միանշանակ, այս տարի այն անպայման կավարտվի: Ցավալի է կորցրած ժամանակը, բայց այդպես է ստացվել»,-ասել է Զուբկովը Բեռլինում լրագրողների հետ զրույցում:Նա հավելել է, որ Ուկրաինայի հետ գազի պայմանագրի վերանայում չի նախատեսվում:

14:08 - 26 մարտի, 2021

«Ղրիմն Ուկրաինա է». G7-ի երկրները կրկին դատապարտել են Ղրիմի միացումը Ռուսաստանին |tert.am|

tert.am: Մեծ Բրիտանիայի, ԱՄՆ-ի, Գերմանիայի, Իտալիայի, Կանադայի, Ֆրանսիայի և Ճապոնիայի արտաքին գործերի նախարարները հանդես են եկել համատեղ հայտարարությամբ` կապված Ղրիմի` Ռուսաստանին միանալու 7-րդ տարեդարձի հետ: Այս մասին գրում է «Կոմերսանտ» պարբերականը:«Մեծ յոթնյակի» երկրների ներկայացուցիչները հաստատել են իրենց կողմից Ռուսաստանի գործողությունների դատապարտումը և պատրաստակամություն հայտնել շարունակել պատժամիջոցներ կիրառել Ռուսաստանի դեմ:«G7-ը հավատարիմ է պատժամիջոցներ կիրառելու գործընթացին և կշարունակի աջակցել Ուկրաինայի անկախությանը, ինքնիշխանությանը և տարածքային ամբողջականությանը՝ նրա միջազգայնորեն ճանաչված սահմաններում: Ղրիմն Ուկրաինա է», - ասված է «Մեծ յոթնյակ»-ում նախագահող Մեծ Բրիտանիայի կառավարության կայքում հրապարակված համատեղ հայտարարության մեջ: Ըստ նախարարների հայտարարության՝ Ռուսաստանի՝ Ղրիմի և Սևաստոպոլի «բռնակցումը» օրինականացնելու փորձերը «չեն ճանաչվում և չեն ճանաչվի»:G7-ը դատապարտել է նաև իրավիճակի ապակայունացումը Դոնեցկի և Լուգանսկի մարզերում: G7-ը ելնում է այն դրույթից, որ «Ռուսաստանը հակամարտության կողմ է, ոչ թե միջնորդ», - ասվում է հայտարարության մեջ: Շարունակությունը՝ tert.am-ում։

14:35 - 18 մարտի, 2021

Թուրքիան 30 «Bayraktar TB2» անօդաչու է մատակարարել Ուկրաինային |hetq.am|

hetq.am: Թուրքիան 30 «Bayraktar TB2» հարվածային անօդաչու թռչող սարք է մատակարարել Ուկրաինային։ Այդ մասին գրում է Avia.pro-ն։ Վերջինիս տվյալներով՝ անօդաչուների տեղափոխումն իրականացվել է 2021 թվականի մարտի 14-ին Թուրքիայի տարածքից։ Ավելի վաղ, տեղեկություններ էին տարածվել, որ Քաթարը առնվազն 6 «Bayraktar TB2» հարվածային անօդաչու է մատակարարել Ուկրաինային։ Avia.pro-ի տվյալներով՝ այս պահին Ուկրաինայի տարածքում, գումարային առումով, հարվածային անօդաչուների թիվը կարող է հասնել 50-ի։ Սա այն դեպքում, երբ արցախյան երկրորդ պատերազմի ժամանակ Ադրբեջանը կիրառել է մինչև 12 դրոն: Ավելի վաղ, Կիևում հայտարարել էին, որ Դոնբասում ցանկանում են կիրառել ղարաբաղյան սցենարը։ «Այժմ առկա են բոլոր պայմանները, որպեսզի Ուկրաինան վերադարձնի չվերահսկվող տարածքների էական մասը։ Անհրաժեշտ է միայն գերագույն հրամանատարի հրամանը»,- հայտարարել էին Ուկրաինայի պաշտպանության նախարարության ներկայացուցիչները։

23:08 - 17 մարտի, 2021

Զուրաբովը Փաշինյանին է ներկայացրել Հայաստանում իրականացնելիք ներդրումային ծրագրերը

Վարչապետ Նիկոլ Փաշինյանն ընդունել է Ուկրաինայում Ռուսաստանի նախկին դեսպան, Ռուսաստանի առողջապահության և սոցիալական զարգացման նախկին նախարար, գործարար Միխայիլ Զուրաբովին: Ինչպես տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, զրուցակիցները քննարկել են սոցիալ-տնտեսական ոլորտում համագործակցության զարգացման և այդ ուղղությամբ ծրագրերի իրականացման հեռանկարները: Վարչապետը կարևորել է օտարերկրյա ներդրումների ներգրավումը Հայաստանի տնտեսության մեջ՝ նշելով, որ կառավարությունը շարունակական միջոցառումներ է իրականացնում գործարար և ներդրումային միջավայրի բարելավման ուղղությամբ: Միխայիլ Զուրաբովը շնորհակալություն է հայտնել ընդունելության համար և վարչապետին ներկայացրել ներդրումային ծրագրերը, որոնք նախատեսվում է իրականացնել Հայաստանում: Զրուցակիցները քննարկել են սոցիալական, առողջապահական համատեղ նախաձեռնությունների հնարավորություններին վերաբերող հարցեր:

19:17 - 16 մարտի, 2021

Իրավիճակի սրացում կա, բայց պահը կրիտիկական չէ. Կիևը Մոսկվային մեղադրել է Դոնբասի հարցի շուրջ «հոգեբանական գրոհ» իրականացնելու համար |tert.am|

tert.am: Ուկրաինայի պաշտանության և ազգային անվտանգության խորհրդի քարտուղար Ալեքսեյ Դանիլովը հաստատել է Դոնբասում զինված հակամարտության գոտում իրավիճակի սրումը, սակայն միևնույն ժամանակ վստահեցրել, որ իրավիճակն ամբողջովին վերահսկվում է Ուկրաինայի զինված ուժերի կողմից: Ինչպես նշում է novosti.dn.ua կայքը, քարտուղարն այս մասին ասել է հեռուստատեսությամբ ելույթի ժամանակ` ընդգծելով, որ Ուկրաինայի ԶՈՒ-ի նախապատրաստվող հարձակման մասին հաղորդումներն ապատեղեկատվություն են, որը տարածում է Ռուսաստանը: «Այժմ հոգեբանական գրոհ է իրականացվում, սակայն լռության ռեժիմի խախտման դեպքերի աճից անկախ, իրավիճակը կրիտիկական չէ: Եվ իրոք, մեզ մոտ Դոնեցկի և Լուգանսկի շրջաններում սրացում կա: Ավելանում է հրաձգության դեպքերի քանակը, բայց մենք չենք կարող ասել, որ իրավիճակը կրիտիկական է և դուրս է մեր զինվորականների վերահսկողությունից: Իրավիճակն ամբողջովին վերահսկվում է»,-ասել է խորհրդի քարտուղարը: Նախօրեին Դանիլովը հայտարարել է, որ Ուկրաինայի ԶՈՒ-ն «գրոհայիններին» թույլ չի տա գրավել ուկրաինական տարածքները, ինչեպս որ տեղի ունեցավ 2014թ.:

13:20 - 13 մարտի, 2021

Ուկրաինայի ԶՈՒ ԳՇ պետն ու ՆԱՏՕ–ի ռազմական կոմիտեի նախագահը քննարկել են Դոնբասում առկա իրավիճակը |tert.am|

tert.am: Ուկրաինայի զինված ուժերի գլխավոր շտաբի պետ Ռուսլան Խոմչակը ՆԱՏՕ-ի ռազմական կոմիտեի նախագահ, օդուժի գլխավոր մարշալ Ստյուարտ Պիչի հետ հեռախոսազրույցի ընթացքում քննարկել է Դոնբասում առկա իրավիճակը, հայտնում է «Իզվեստիա» պարբերականը՝ հղում տալով Ուկրաինայի զինված ուժերի գլխավոր շտաբի մամուլի ծառայության կողմից գերատեսչության պաշտոնական կայքում տեղադրված հայտարարությանը: Նշվում է, որ Խոմչակը Պիչին տեղեկացրել է «Միացյալ ուժեր»-ի գործունեության տարածքում առկա իրավիճակի մասին: Բացի այդ, զրույցի ընթացքում կողմերն ուշադրություն են դարձրել Ուկրաինայի և ՆԱՏՕ-ի միջև ռազմական համագործակցության հետագա զարգացմանը: Գլխավոր շտաբի պետը նաև շնորհակալություն է հայտնել ՆԱՏՕ-ին՝ Ուկրաինային աջակցելու համար, և նշել, որ երկրի զինված ուժերի և դաշինքի միջև առկա երկխոսությունը պահպանում է իր դրական զարգացումը: Մարտի 11-ին Ուկրաինայի Եվրոպական և եվրաատլանտյան ինտեգրման հարցերով փոխվարչապետ Օլգա Ստեֆանիշինան՝ Եվրոպայում ՆԱՏՕ-ի ցամաքային զորքերի հրամանատար, գեներալ-լեյտենանտ Ռոջեր Քլոթիի հետ հանդիպման ժամանակ ասել է, թե Կիևն ակնկալում է, որ Ուկրաինայի ներկայացուցիչները, ընդլայնվելու հնարավորություններ ունեցող գործընկերության շրջանակներում, պարտականություններ կստանձնեն դաշինքի շտաբներում, հրամանատարական կառույցներում և ստորաբաժանումներում: Ուկրաինայի զինված ուժերի ցամաքային զորքերի հրամանատար Ալեքսանդր Սիրսկին ասել է, որ պատվիրակության այցը ցույց է տալիս, որ ՆԱՏՕ-ն Ուկրաինային ընկալում է որպես ռազմավարական գործընկեր:

11:33 - 13 մարտի, 2021

ԵՄ-ն կես տարով երկարացրել է պատժամիջոցները ՌԴ-ի և Ուկրաինայի քաղաքացիների և կազմակերպությունների նկատմամբ |tert.am|

tert.am: Եվրամիությունը կես տարով երկարացրել է անձնական պատժամիջոցները ռուս և ուկրաինացի անհատների և այդ երկրների կազմակերպությունների նկատմամբ` «Ուկրաինայի ինքնիշխանությունը խաթարելու համար»: Այս մասին ասվում է մարտի 12-ին հրապարակված ԵՄ պաշտոնական հայտարարության մեջ, գրում է «Իզվեստիան»: Որոշումն ընդունվել է Ռուսաստանի և Ուկրաինայի 177 քաղաքացու և 48 իրավաբանական անձի նկատմամբ: Գործող ցուցակում փոփոխություններ չեն կատարվել:

19:27 - 12 մարտի, 2021