«Քաղաքացիական պայմանագիր» կուսակցություն - ՔՊ

2021 թվականի հունիսին տեղի ունեցած խորհրդարանական արտահերթ ընտրությունների արդյունքում ՀՀ-ում կառավարություն ձեւավորած եւ խորհրդարանական մեծամասնություն դարձած քաղաքական կուսակցություն է։ 8-րդ գումարման խորհրդարանում՝ «Քաղաքացիական պայմանագիր» խմբակցություն։

Որպես միավոր՝ ձեւավորվել է 2013 թվականին։ Կուսակցությունը պաշտոնապես ստեղծվել է 2015 թվականին։

Կուսակցությունը «Իմ քայլը» դաշինքի կազմով բացարձակ մեծամասնություն է եղել նաեւ ՀՀ 7-րդ գումարման Ազգային ժողովում։ 

Իսկ 2017 թվականի խորհրդարանական ընտրություններին կուսակցությունը դաշինքով էր հանդես եկել «Հանրապետություն» եւ «Լուսավոր Հայաստան» կուսակցութունների հետ, ԱԺ-ում «Ելք» խմբակցություն ձեւավորել՝ 9 պատգամավորով։ Նույն դաշինքով կուսակցությունը մասնակցել էր նաեւ 2017թ․ Երեւանի քաղաքապետի եւ ավագանու ընտրություններին՝ ունենալով 14 հոգանոց խմբակցություն։

2018 թվականին Երեւանի քաղաքապետի ու ավագանու արտահերթ ընտրությունների ժամանակ կուսակցությունը մասնակցել էր «Առաքելություն» կուսակցության հետ՝ «Իմ քայլը» դաշինքով․ դաշինքի ցուցակը գլխավորող Հայկ Մարությանը դարձավ Երեւանի քաղաքապետ` ստանալով 80%-ից ավել քվե։

Կապիտալ ներդրումների հիմնական ուղղություններով նախապատրաստական աշխատանքներ են կատարվում |armenpress.am|

Կապիտալ ներդրումների հիմնական ուղղություններով նախապատրաստական աշխատանքներ են կատարվում |armenpress.am|

armenpress.am: Պետությունը 2022-ի համար կապիտալ ներդրումների հիմնական ուղղություններով արդեն իսկ նախապատրաստական աշխատանքներ է կատարում՝ տարվա ընթացքում ապահովելու բյուջեի նախագծով նախատեսված ծավալները: Այս մասին ասաց ՀՀ ֆինանսների նախարար Տիգրան Խաչատրյանն ԱԺ նիստում 2022 թվականի պետական բյուջեի նախագծի քննարկմանը: ՔՊ-ից Սերգեյ Բագրատյանը նկատեց՝ 2021-ին կապիտալ ծախսերը թերակատարվել են: Պատգամավորը 2022-ի բյուջեի նախագծով կապիտալ ծախսերը 130 մլրդ դրամով ավելացնելը լուրջ մարտահրավեր համարեց, նա հետաքրքրվեց, թե արդյոք կարողանալո՞ւ են հաջորդ տարի կատարել ամբողջ կապիտալ ծախսերը: 2022-ի պետբյուջեի նախագծով նախատեսվում են 357 մլրդ դրամ ընդհանուր արժեքով կապիտալ ծախսեր, որոնք 2021-ի հաստատված ցուցանիշը գերազանցում են ավելի քան 130 մլրդ դրամով: Նախարարը նկատեց՝ ամենահաճախ տրվող հարցն է՝ հնարավոր լինելո՞ւ է իրականացնել ժամանակին և ամբողջ ծավալով: «Այս հարցը նաև կառավարության առաջիկա անելիքների թվում առանցքային նշանակության հարց է: Այս խնդրի իրագործումը կախված է թե կառավարության գործողությունների և որոշումների արդյունավետությունից և թե այդ որոշումներին մասնավոր հատվածի արձագանքից»,- ասաց Խաչատրյանը: Նա նկատեց՝ կապիտալ ծախերը ժամանակին չեն կատարվում կամ կատարվում են նախատեսված ժամկետում ոչ ամբողջ ծավալով այն դեպքում, երբ տարբեր կազմակերպչական հարցերով պատասխանատու գերատեսչությունը մրցույթը չի կազմակերպում ժամանակին և չի հրավիրում մասնավոր հատվածի կազմակերպություններին, կամ, եթե դրանք կատարվում են նախատեսված ժամկետներում, ապա մասնավոր հատվածի՝ մրցույթը շահած կազմակերպությունը ոչ ամբողջ ծավալով և ճիշտ ժամանակին է կարողանում ապահովել իր խոստումները: Ըստ նախարարի՝ երկու դեպքում էլ կան թե օբյեկտիվ, թե սուբյեկտիվ պատճառներ: «Մեր խնդիրն է առաջին հերթին սուբյեկտիվ պատճառները հասցնել նվազագույնի, այնպես անել, որ օբյեկտիվ պատճառները գան այնպիսի լիարժեք համապատասխանության, որ այդ աշխատանքները կատարվեն ժամանակին և ամբողջ ծավալով»,-ասաց նախարարը: Անդրադառնալով նրան, թե կառավարությունն այդ ուղղությամբ ինչ է անում՝ Խաչատրյանը նշեց. «Արդեն հիմա, երբ դեռևս մեկնարկած չէ 2022 թվականը, նախապատրաստական աշխատանքներ են տարվում բոլոր այն ուղղություններով, որոնք 2022-ին պետք է լինեն մեր կապիտալ ներդրումների հիմնական ուղղությունները: Նախապատրաստվում են համապատասխան մրցույթներ»,-ասաց նախարարը: Պետբյուջեի կապիտալ ծախսային ծրագրերը հատկապես ենթադրում են շինարարության ակտիվացում: Նախարարի խոսքով ՝այն շինարարական կազմակերպությունները, որոնք մասնակցել կամ մասնակցում են առաջիկայում այդ կապիտալ ծրագրերի իրականացմանը, վերազինվում են, թարմացնում են իրենց սարքավորումների կազմը, համալրում են աշխատակիցների կազմը որակյալ մասնագետներով և պատրաստվում են այդ ավելացվող ծավալներով աշխատանքների իրականացմանը: Պետությունը լիահույս է, որ 2022-ը լինելու է այդ ամբողջ ծավալների իրականացման ժամանակահատված:
11:52 - 17 նոյեմբերի, 2021
ԱԺ-ն առաջին ընթերցմամբ ընդունեց Սփյուռքի գործերի հանձնակատարի ինստիտուտ ստեղծելու մասին նախագիծը |armenpress.am|

ԱԺ-ն առաջին ընթերցմամբ ընդունեց Սփյուռքի գործերի հանձնակատարի ինստիտուտ ստեղծելու մասին նախագիծը |armenpress.am|

armenpress.am: Ազգային ժողովն առաջին ընթերցմամբ ընդունեց Սփյուռքի գործերի հանձնակատարի ինստիտուտ ստեղծելու վերաբերյալ նախագիծը։ Նախագծին 56 պատգամավոր «կողմ» է քվեարկել, «դեմ»՝ 0, «ձեռնպահ»՝ 0։ Նախագծով՝ սփյուռքի գործերի գլխավոր հանձնակատարի գրասենյակի ցանցային կարողությունները կընդլայնվեն սփյուռքի գործերի հանձնակատարների ինստիտուտի ներդրման միջոցով: Սփյուռքի գործերի հանձնակատարի ինստիտուտի ներդրման նպատակն է զարգացնել Հայաստան-սփյուռք գործակցությունը, բարձրացնել այդ բնագավառում իրականացվող աշխատանքների արդյունավետությունը, ապահովել հայ համայնքների միջեւ կայուն հարաբերությունները եւ համայնքի ներուժի նպատակային ներգրավումը, ինչպես նաեւ աջակցել հայ ինքնության պահպանմանը, հայրենադարձությանն ու Հայաստանում սփյուռքահայերի ինտեգրմանն ուղղված միջոցառումների կազմակերպմանը: Սփյուռքի գործերի հանձնակատարները նշանակվում են հասարակական հիմունքներով խորհրդականի կարգավիճակով, չեն վարձատրվում, չունեն նորմավորված աշխատանքի եւ աշխատաժամանակի ռեժիմ: Նրանք Հայաստան-սփյուռք գործակցության վերոհիշյալ ուղղություններով տրամադրելու են մասնագիտական խորհրդատվություն և աջակցելու են սփյուռքի գործերի գլխավոր հանձնակատարի կողմից սփյուռքի հետ փոխգործակցության բնագավառում իրականացվող աշխատանքներին։
11:17 - 17 նոյեմբերի, 2021
Ամանորյա տոներին ոչ աշխատանքային օրերը կկրճատվեն. ԱԺ-ն ընդունեց նախագիծը |armenpress.am|

Ամանորյա տոներին ոչ աշխատանքային օրերը կկրճատվեն. ԱԺ-ն ընդունեց նախագիծը |armenpress.am|

armenpress.am: ՀՀ ազգային ժողովը երկրորդ ընթերցմամբ և ամբողջությամբ ընդունեց կառավարության հեղինակած օրենքի նախագիծը, որով սահմանվում է, որ Ամանորյա տոներին ոչ աշխատանքային օրեր կլինեն դեկտեմբերի 31-ից հունվարի 2-ը ներառյալ և հունվարի 6-ը: «ՀՀ տոների եւ հիշատակի օրերի մասին» Հայաստանի Հանրապետության օրենքում փոփոխություններ կատարելու մասին օրենքի նախագիծն ԱԺ նիստում քվեարկությամբ ստացավ 57 կողմ ձայն: Առաջինից երկրորդ ընթերցմամբ քննարկման ընթացքում նախագծում կատարվել են փոփոխություններ: Առաջին ընթերցմամբ ընդունված նախագծով կառավարությունն առաջարկում էր տոներին ոչ աշխատանքային թողնել միայն դեկտեմբերի 31-ը, հունվարի 1-ը և հունվարի 6-ը: Երկրորդ ընթերցմամբ քննարկման համար գործադիրն առաջարկել է ոչ աշխատանքային օրերի ցանկում ընդգրկել նաև հունվարի 2-ը: Մայր Աթոռը նախագիծն առաջին ընթերցմամբ ընդունվելուց հետո առաջարկել էր ոչ աշխատանքային օրեր թողնել նաև հունվարի 5-ը՝ որպես Սուրբ Ծննդյան Ճրագալույցի տոնական օր և հունվարի 7-ը՝ որպես մեռելոց հիշատակի օր: 
11:01 - 17 նոյեմբերի, 2021
Ադրբեջանը հարձակվել է ՀՀ սուվերեն տարածքի վրա. պատգամավորը դիմում է ՌԴ-ին, ՀԱՊԿ-ին և միջազգային հանրությանը  |armenpress.am|

Ադրբեջանը հարձակվել է ՀՀ սուվերեն տարածքի վրա. պատգամավորը դիմում է ՌԴ-ին, ՀԱՊԿ-ին և միջազգային հանրությանը |armenpress.am|

armenpress.am: Ադրբեջանը հարձակվել է Հայաստանի Հանրապետության սուվերեն տարածքի վրա՝ խախտելով տարածքային ամբողջականության սկզբունքը։ Ազգային ժողովի ամբիոնից այս մասին հայտարարեց Ազգային ժողովի ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանը։ «Հրավիրում ենք Ռուսաստանի Դաշնության, որը մեր ռազմավարական գործընկերն է, ՀԱՊԿ-ի և անդամ երկրների, ինչպես նաև ողջ միջազգային հանրության ուշադրությունը այս հարցի վրա։ Այս ամենը տեղի է ունենում հենց այս պահին, հենց այս րոպեներին։ Ադրբեջանը խախտում է նոյեմբերի 9-ի և հունվարի 11-ի հայտարարությունների դրույթները, որոնք ստորագրվել են ամենաբարձր մակարդակով, և որոնք վերահաստատվել են Հայաստանի, Ռուսաստանի և Ադրբեջանի փոխվարչապետների աշխատանքային խմբի ֆորմատով։ Այդ հայտարարությունները և այդ դրույթները պաշտոնապես հաստատվել են նաև Ռուսաստանի Դաշնության կողմից ամենաբարձր մակարդակով»,- ասաց Պապոյանը։ Ըստ պաշտպանության նախարարության հաղորդագրության՝ ժամը 14։30-ի դրությամբ իրադրությունը ՀՀ արևելյան սահմանագոտում շարունակում է ծայրահեղ լարված մնալ։ Ընթանում են տեղային մարտեր, որոնց ընթացքում հակառակորդը կիրառում է հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Հայկական կողմից իրականացվում են համարժեք գործողություններ։ Իրադրությունը վերահսկվում է ՀՀ զինված ուժերի կողմից։
15:39 - 16 նոյեմբերի, 2021
Ալեն Սիմոնյանն ու Ջոն Գալագերն ընդգծել են ԵԱՀԿ Մինսկի խմբի համանախագահության մանդատի ներքո ԼՂ հակամարտության կարգավորման կարևորությունը

Ալեն Սիմոնյանն ու Ջոն Գալագերն ընդգծել են ԵԱՀԿ Մինսկի խմբի համանախագահության մանդատի ներքո ԼՂ հակամարտության կարգավորման կարևորությունը

ՀՀ ԱԺ նախագահ Ալեն Սիմոնյանը նոյեմբերի 16-ին ընդունել է Հայաստանում Մեծ Բրիտանիայի եւ Հյուսիսային Իռլանդիայի Միացյալ Թագավորության արտակարգ եւ լիազոր դեսպան Ջոն Գալագերին: Այս մասին հայտնում են Ազգային ժողովից, մանրամասնելով, որ Ալեն Սիմոնյանն ընդգծել է Միացյալ Թագավորության հետ բազմակողմ հարաբերություններն ընդլայնելու անհրաժեշտությունը: Նա շեշտել է Ազգային ժողովի դերը կառուցողական քաղաքական երկխոսության զարգացման գործում: ԱԺ նախագահը բարձր է գնահատել Միացյալ Թագավորության մասնակցությունը եւ ֆինանսական աջակցությունը 2019թ.-ից իրագործվող ՀՀ Ազգային ժողովին օժանդակության «Ժամանակակից խորհրդարան` ժամանակակից Հայաստանի համար» ծրագրին: Այն իրականացվում է ՄԱԿ-ի Զարգացման ծրագրի (ՄԱԶԾ) հայաստանյան գրասենյակի կողմից, որի շրջանակներում աջակցություն է ցուցաբերվում նաեւ աշխատակազմի փորձագիտական, վերլուծական կարողությունների զարգացմանը: Շնորհակալություն հայտնելով ընդունելության համար` դեսպանը հավաստիացրել է, որ անկախ ԵՄ-ից Միացյալ Թագավորության դուրս գալու հանգամանքից` շարունակվելու է CEPA-ով նախանշված ոլորտներում համագործակցությունը Հայաստանի հետ` որպես ԵՄ-Հայաստան Համապարփակ եւ ընդլայնված գործընկերության համաձայնագիրը ստորագրած եւ վավերացրած պետություն: Զրուցակիցներն անդրադարձել են տարածաշրջանային անվտանգությանը եւ կայունությանը վերաբերող հարցերի: Այս համատեքստում խոսելով վերջին օրերին սահմանային իրավիճակի սրացումից` երկուստեք ընդգծվել է ԵԱՀԿ Մինսկի խմբի համանախագահության մանդատի ներքո Լեռնային Ղարաբաղի հակամարտության տեւական ու համապարփակ կարգավորման կարեւորությունը: Կողմերը քննարկել են նաեւ հայ-բրիտանական միջպետական համագործակցության զարգացման եւ ընդլայնման գործում օրենսդիր մարմինների միջեւ հարաբերությունների ակտիվացման հեռանկարները:
15:17 - 16 նոյեմբերի, 2021
Հանձնակատարները միանշանակ նշանակովի են լինելու. Զարեհ Սինանյան |1lurer.am|

Հանձնակատարները միանշանակ նշանակովի են լինելու. Զարեհ Սինանյան |1lurer.am|

1lurer.am: ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը ներկայացրեց Կառավարության ներկայացրած ««Հանրային ծառայության մասին» օրենքում փոփոխություն կատարելու մասին» օրենքի նախագիծն առաջին ընթերցմամբ մասին հարցը: «Օրենքի ընդունման անհրաժեշտությունը պայմանավորված է ՀՀ Կառավարության 2021 թ. օգոստոսի 18-ի հնգամյա ծրագրի 1.4-րդ բաժնի պահանջներով՝ սփյուռքի հետ կապերով, ըստ որի սահմանվել է սփյուռքի գործերի հանձնակատարի ինստիտուտ: Նախատեսվում է ընդլայնել սփյուռքի գործերի գլխավոր հանձնակատարի գրասենյակի ցանցային կարողությունը սփյուռքի գործերի հանձնակատարի ինստիտուտի ներդրման միջոցով: Դրա նպատակն է զարգացնել ՀՀ-սփյուռք գործակցությունը, բարձրացնել այդ բնագավառում կատարվող աշխատանքների արդյունավետությունը, ապահովել հայ համայնքների միջև կայուն հարաբերությունները և համայնքի ներուժի նպատակային ներգրավումը, ինչպես նաև աջակցել հայ ինքնության պահպանմանը, հայրենադարձությանն ու Հայաստանում սփյուռքահայերի ինտեգրմանն ուղղված միջոցառումների կազմակերպմանը»,- ասաց նա:  «Քաղաքացիական պայմանագիր» խմբակցության անդամ Սերգեյ Բագրատյանը հետաքրքվեց, թե արդյոք Սինանյանը հնարավոր համարո՞ւմ է հանձնակատարի ընտրովի լինելը՝ սփյուռքի կառույցների ներգրավմամբ:    «Միանշանակ հանձնակատարները նշանակովի են լինելու, որովհետև նախ՝ հանձնակատարները չեն նշանակվելու Երևանից. նրանք լինելու են համայնքներից. դա նշանակում է, որ ընտրություն կազմակերպել տեղում՝ համայնքներում, պրակտիկորեն անհնար է իրագործել: Երկրորդ պատճառն այն է, որ հանձնակատարները պետք է տեղում իրագործեն ՀՀ և սփյուռքի հանձնակատարի քաղաքականությունը, հետևաբար տեղում ընտրված լինելու մեխանիզմը ավելի ներկայացուցչական է:   Սերգեյ Բագրատյանը նաև հարցրեց Հայաստանի ընտրություններում սփյուռքի ներգրավման հնարավորության մասին:   Զարեհ Սինանյանը նշեց, որ հարցին միանշանակ պատասխան չկա: «Մենք էլ քննարկում ենք տարբերակներ, թե ինչպես կարելի է սփյուռքն ավելի ներկայացված դարձնել Հայաստանում: Դժվար է պատկերացնել, թե որ համայնքում ինչպես պետք է ընտրությունն անցնի, մտածում ենք սրա մասին, սրա մասին հանրայնորեն խոսվել է համարյա քաղաքական բոլոր շրջանակների կողմից, որ ինչ-որ մարմին պետք է ստեղծվի, որը կկարողանա ներկայացնել սփյուռքը Հայաստանում: Մինչև քովիդ-19-ի համավարակը և պատերազմը նպատակ կար համաժողով հրավիրել սփյուռքից, մի քանի ընտրություն մեզ առաջարկեին, և կոնսենսուսի հասնեինք՝ ինչպես կարելի է նման ընտրությունների միջոցով ստեղծել ներկայացուցչական մարմին Հայաստանում, որը կունենա խորհրդատվական և ոչ օրենսդիր ֆունկցիա»,- նշեց Զարեհ Սինանյանը:
11:14 - 16 նոյեմբերի, 2021
«Կարապետյանին պաշտոնից ազատելու որոշումը կայացվել է երեկվանից ծավալվող իրադարձությունների վերլուծության արդյունքում»․ Նիկոլ Փաշինյանի գլխավորությամբ կայացել է ԱԽ նիստ

«Կարապետյանին պաշտոնից ազատելու որոշումը կայացվել է երեկվանից ծավալվող իրադարձությունների վերլուծության արդյունքում»․ Նիկոլ Փաշինյանի գլխավորությամբ կայացել է ԱԽ նիստ

Prime Minister Nikol Pashinyan chaired a meeting of the Security Council. Aside from the members of the Security Council, the President of Parliament Alen Simonyan, Chief of Staff of the Prime Minister’s Office Arayik Harutyunyan and head of parliamentary faction of Civil Contract Party Hayk Konjoryan were also attended the meeting. At the beginning of the session, Prime Minister Pashinyan said, "Honorable Speaker of the National Assembly, Distinguished members of the Security Council, Dear Colleagues, Since yesterday we’ve had several meetings and discussions in this composition and various formats. The subject of discussions was the fact of Azerbaijani troops invading into the territory of the Republic of Armenia in one of the eastern parts of the Armenian-Azerbaijani border. The goal of today’s session is to summarize the discussions and also to provide complete information to our public on the developments. Before that I’d like to emphasize that I have made a decision to drelieve Arshak Karapetyan of the post of Defense Minister and to appoint Suren Papikyan instead, who currently holds the position of Deputy Prime Minister. This decision was made as a result of analyzing the developments taking place since yesterday. I invited Mr. Karapetyan in the morning and thanked him for his work as Minister of Defense, I told him that I appreciate what he’s done, but right now the situation led me to a decision that there should be a change of the Minister of Defense. Today we will first of all listen to the report of the Chief of the General Staff, Mr. Davtyan on the situation and the tactical situation in general, and we will also analyze the situation and we will try to make decisions on several directions regarding our actions aimed at defending the security, territorial integrity and sovereignty of the Republic of Armenia."
13:26 - 15 նոյեմբերի, 2021
Ստեփանավանում հաղթանակ է տարել ՔՊ-ն․ ԿԸՀ-ն նախնական տվյալներ է ներկայացրել

Ստեփանավանում հաղթանակ է տարել ՔՊ-ն․ ԿԸՀ-ն նախնական տվյալներ է ներկայացրել

Երեկ՝ նոյեմբերի 14-ին, համամասնական ընտրակարգող ՏԻՄ ընտրություններ են տեղի ունեցել Կապան, Իջևան և Ստեփանավան համանքներում։ Կենտրոնական ընտրական հանձնաժողովի նախնական տվյալները՝ ստորև․ «Բարգավաճ Հայաստան» կուսակցություն - 705 ձայն կամ 13․8%«Հայ ազգային կոնգրես» կուսակցություն - 218 ձայն կամ 4․26%«Քաղաքացիական պայմանագիր» կուսակցություն - 4 004 ձայն կամ 78.4% Նշենք, որ Լոռու մարզի Ստեփանավան համայնքում ընտրելու իրավունք ուներ 13 343 քաղաքացի, քվեարկությանը մասնակցել է 5107-ը։ Ստեփանավանում ՀԱԿ նախընտրական ցուցակը գլխավորում էր Վանո Հակոբյանը, ՔՊ-ի ցուցակը՝ համայնքի ղեկավարի ժամանակավոր պաշտոնակատար Արմեն Գրիգորյանը, իսկ ԲՀԿ-ի ցուցակը՝ Հարություն Ղարագոզյանը։ Հիշեցնենք, որ երեկ ՏԻՄ համամասնական ընտրակարգով ընտրություններ են անցկացվել Ստեփանավան, Կապան և Իջևան համայնքներում, իսկ Արզնի և Լերմոնտովո համայնքներում՝ մեծամասնական ընտրակարգով հերթական ընտրություններ: Արզնի համայնքում ընթանում է ավագանու անդամի ընտրություն, Լերմոնտովոյում՝ համայնքի ղեկավարի և ավագանու անդամի ընտրություններ:  
09:55 - 15 նոյեմբերի, 2021
ՔՊ-ն Իջևանում առաջատար է․ ԿԸՀ նախնական տվյալներ

ՔՊ-ն Իջևանում առաջատար է․ ԿԸՀ նախնական տվյալներ

Տավուշի մարզի Իջևան համայնքում երեկ՝ նոյեմբերի 14-ին անցկացվել են ՏԻՄ ընտրություններ՝ համամասնական ընտրակարգով։ Ընտրությանը մասնակցում էր երկու ուժ՝ ՀՅԴ-ն և «Քաղաքացիական պայմանագիր» կուսակցությունը։ Ըստ Կենտրոնական ընտրական հանձնաժողովի նախնական տվյալների՝ ՀՅԴ-ն ստացել է 1964 ձայն կամ 15․86%, իսկ ՔՊ-ն՝ 10 003 ձայն կամ 80․78%։ ՔՊ-ի ավագանու ցուցակը գլխավորում է համայնքապետի պաշտոնակատար Արթուր Ճաղարյանը, իսկ ՀՅԴ-ի ավագանու ցուցակը՝ Վահան Ղազումյանը։ Նշենք, որ Իջևանում ընտրողների ընդհանուր թիվը  33 090 է, քվեարկությանը մասնակցել է 12 383-ը կամ 37․42%-ը։ Անվավեր քվեաթերթիկների քանակը 414 է։ Հիշեցնենք, որ երեկ ՏԻՄ համամասնական ընտրակարգով ընտրություններ են անցկացվել Ստեփանավան, Կապան և Իջևան համայնքներում, իսկ Արզնի և Լերմոնտովո համայնքներում՝ մեծամասնական ընտրակարգով հերթական ընտրություններ: Արզնի համայնքում ընթանում է ավագանու անդամի ընտրություն, Լերմոնտովոյում՝ համայնքի ղեկավարի և ավագանու անդամի ընտրություններ:
09:41 - 15 նոյեմբերի, 2021
«Շանթ դաշինքը» հաղթել է Կապանում․ԿԸՀ-ն նախնական տվյալներ է հրապարակել

«Շանթ դաշինքը» հաղթել է Կապանում․ԿԸՀ-ն նախնական տվյալներ է հրապարակել

ՀՀ կենտրոնական ընտրական հանձնաժողովը նախնական տվյալներ է հրապարակել՝ Սյունիքի մարզի Կապան համայնքում երեկ՝ նոյեմբերի 14-ին տեղի ունեցած ՏԻՄ ընտրությունների արդյունքների վերաբերյալ։ Նշենք, որ այստեղ ընտրություններն անցկացվել են համամասնալան ընտրակարգով։ Ըստ նախնական տվյալների՝ առաջատար է «Շանթ Դաշինք» ազգայնական կուսակցությունը, որին քվեարկել է 13 962 ընտրող կամ քվեարկությանը մասնակցած քաղաքացիների 69․5%-ը, երկրորդ ուժը՝ «Քաղաքացիական պայմանագիր» կուսակցությունը հավաքել է 5791 ձայն կամ 28․82%, անվավեր քվեաթերթիկները 331-ն են։ Կապանում ընտրելու իրավունք ուներ 31 673 քաղաքացի․ նրանցից քվեարկությանը մասնակցել է 20 087-ը կամ 63․41%-ը։ Նշենք, որ Կապանում «Շանթ Դաշինք»-ի համայնքապետի թեկնածուն գործող համայնքապետ Գևորգ Փարսյանն է, իսկ ՔՊ-ի թեկնածուն՝ ԱԺ ՔՊ խմբակցության պատգամավոր Դավիթ Դանիելյանը։ Հիշեցնենք, որ երեկ ՏԻՄ համամասնական ընտրակարգով ընտրություններ են անցկացվել Ստեփանավան, Կապան և Իջևան համայնքներում, իսկ Արզնի և Լերմոնտովո համայնքներում անցկացվում են մեծամասնական ընտրակարգով  հերթական ընտրություններ: Արզնի համայնքում ընթանում է ավագանու անդամի ընտրություն, Լերմոնտովոյում՝ համայնքի ղեկավարի և ավագանու անդամի ընտրություններ:
09:28 - 15 նոյեմբերի, 2021