ԵԱՏՄ

Եվրասիական տնտեսական միությունը միջազգային ինտեգրացիոն տնտեսական միավորում է, որը հիմնադրվել է Եվրասիական Տնտեսական Ընկերակցության Մաքսային Միության հիման վրա՝ 2014 թվականի մայիսի 29-ի պայմանագրի ստորագրմամբ և ուժի մեջ է 2015 թվականի հունվարի 1-ից։ Անդամ երկրներն են Բելառուսը, Հայաստանը, Ռուսաստանը, Ղրղզստանը և Ղազախստանը։

ԵԱՏՄ երկրներից փորձ է արվել ներկրել առանց հայտարարագրման կամ ոչ իրենց անվամբ հայտարարագրված 5 տոննայից ավելի ապրանք

ԵԱՏՄ երկրներից փորձ է արվել ներկրել առանց հայտարարագրման կամ ոչ իրենց անվամբ հայտարարագրված 5 տոննայից ավելի ապրանք

Պետական եկամուտների կոմիտեի ներքին անվտանգության վարչության աշխատակիցները, Արևելյան մաքսատուն-վարչության Բագրատաշենի մաքսային կետ-բաժնում հսկողական աշխատանքների իրականացման շրջանակում, ուսումնասիրել են մի շարք ընկերությունների կողմից ԵԱՏՄ անդամ երկրներից ապրանքների  ներկրման գործընթացը Հայաստանի Հանրապետություն։ Այդ մասին հայտնում են ՊԵԿ-ից: Մասնավորապես՝ Ռուսաստանի Դաշնությունից ներմուծված, «Մաքսային տարանցում» մաքսային ընթացակարգով ձևակերպված ԵԱՏՄ ապրանքի կարգավիճակ ունեցող ապրանքների և այլ փաստաթղթերի, կամ տեղեկությունների համապատասխանության ստուգման նպատակով, զննման են ենթարկվել ընկերության կողմից երկու դեպքով տարբեր «տարանցման հայտարարագրերով», բեռնատարներով ներմուծված ապրանքները։  Պարզվել է, որ 2 բեռնատարներում էլ առկա են չհայտարարագրված բազմաթիվ ապրանքներ՝ մետաղալարեր, շարժիչի յուղեր, ավտոպահեստամասեր, համակարգչի համար նախատեսված հիշողության սարքեր, տեսագրող սարքեր, հեռուստացույցի ընդունիչներ, որոնք ներառված չեն եղել ուղեկցվող փաստաթղթերում։ Պարզվել է նաև, որ հաշիվ ապրանքագրերում նշված մի շարք ապրանքների արժեքները հայտարարագրվել են շուկայական արժեքից մի քանի անգամ ցածր գնով։  ՌԴ-ից ապրանքներ ներկրող մեկ այլ ընկերության կողմից «Մաքսային տարանցում» մաքսային ընթացակարգով ներկրված ապրանքների զննման և փաստաթղթերի ստուգման արդյունքում բացահայտվել է, որ բեռնատարում առկա են չհայտարարագրված ապրանքներ՝ նոր հագուստ, հեռախոսի աքսեսուարներ, էլեկտրական ծխախոտների սարքավորումներ և այլն։ Հաշիվ ապրանքագրերում էլ նշված մի շարք ապրանքների արժեքները հայտարարագրված են եղել  շուկայական արժեքից մի քանի անգամ ցածր գնով։  Մեկ այլ դեպքով, ՌԴ-ից ՀՀ ներմուծված տարանցման հայտարարագրով բեռնատար ավտոմեքենայի բեռնախցիկի ապրանքների զննության ժամանակ պարզվել է, որ առկա են ընկերության կողմից չհայտարարագրված ապրանքներ՝ ջեռուցման կաթսա, ավտոպահեստամասեր, տեսախցիկներ, խողովակներ, էլեկտրական ծխախոտների տաքացնող սարքավորումներ։ Բոլոր չորս դեպքերով կազմվել են մաքսային կանոնների խախտման վերաբերյալ արձանագրություններ։ Կատարված ստուգողական միջոցառումները, ի դեպ, իրականացվել են ներքին անվտանգության, հետաքննության և օպերատիվ հետախուզության վարչությունների և Արևելյան մաքսատուն-վարչության աշխատակիցների համատեղ մասնակցությամբ։  Չհայտարարագրված ապրանքների ընդհանուր քաշը կազմել է 3402 կգ, իսկ ոչ իրենց անվամբ հայտարարագրված ապրանքներինը` 1806 կգ: Կատարվել է ընկերությունների կողմից ներմուծված ապրանքների արժեքների ճշգրտում, որի արդյունքում պետական բյուջե վճարման ենթակա հարկերը մի քանի անգամ ավելացել են։ ՀՀ ՊԵԿ ներքին անվտանգության վարչությունը հորդորում է տնտեսվարողներին զերծ մնալ առանց հայտարարագրման կամ ոչ իրենց անվանմամբ հայտարարագրված ապրանքների տեղափոխումից ՀՀ պետական սահմանով:
16:23 - 27 դեկտեմբերի, 2023
Ռուսաստանը տեսնում է արտաքին ուժերի փորձերը՝ Երևանը ներքաշելու ավելի վտանգավոր աշխարհաքաղաքական խաղերի մեջ. Զախարովա
 |news.am|

Ռուսաստանը տեսնում է արտաքին ուժերի փորձերը՝ Երևանը ներքաշելու ավելի վտանգավոր աշխարհաքաղաքական խաղերի մեջ. Զախարովա |news.am|

news.am: Մենք տեսնում ենք արտաքին ուժերի փորձեր՝ Երևանը ներքաշելու ավելի վտանգավոր աշխարհաքաղաքական խաղերի մեջ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Մենք տեսնում ենք, թե ինչպես է Արևմուտքը բացարձակ անտարբեր հայ ժողովրդի ճակատագրի նկատմամբ։ Նրանք օգտագործում են հայ ժողովրդի զգացմունքները, պատմական հիշողությունը, ցավն ու տառապանքը բացառապես սեփական շահերի համար։ Հաշվի առնելով Հայաստանի հետ հարաբերությունների դաշնակցային բնույթը՝ մենք պատրաստ ենք ամեն կերպ նպաստել Հայաստանի խաղաղությանը, կայունությանը և բարգավաճմանը։ Սա իսկապես չափազանց կարևոր է մեզ համար: Մի շարք պատճառներով՝ սա մեր ընդհանուր պատմությունն է, ժողովուրդների ու մշակույթների փոխներթափանցումը, տարածաշրջանային պլանի կայունությունը, սրանք ընդհանուր մարտահրավերներ են և ընդհանուր խնդիրներ, որոնք ավելի հեշտ է լուծել միասին։ Ռուսաստանի և ԵԱՏՄ անդամ մյուս երկրների հետ առևտրատնտեսական հարաբերությունների շնորհիվ Հայաստանի տնտեսությունը տպավորիչ աճ է գրանցում։ Մեր կողմից մենք հավատարիմ ենք համագործակցության առանցքային ոլորտներում նախատեսված բոլոր ծրագրերի հետագա իրականացմանը: Կարծես թե լավ հեռանկարներ ունենք Երևանի և Բաքվի միջև հարաբերությունների կարգավորման համար՝ Ռուսաստանի Դաշնության, Հայաստանի և Ադրբեջանի ղեկավարների միջև եռակողմ պայմանավորվածությունների հիման վրա։ Հայաստանի և Թուրքիայի միջև հարաբերությունները կարգավորելու նախադրյալ կա. Ընդհանուր առմամբ, Ռուսաստանը շահագրգռված է Հարավային Կովկասում հակամարտությունների նվազեցմամբ և այս տարածաշրջանի հարուստ ներուժի բացահայտմամբ, ինչին կարող է նպաստել նաև «3+3» խորհրդատվական տարածաշրջանային հարթակի շրջանակներում փոխգործակցության ընդլայնումը։ Իմ անունից Հայաստանի ժողովրդին մաղթում եմ խաղաղություն, բարեկեցություն Նոր տարում և, հնարավորության դեպքում, ավելի քիչ խնդիրներ, քան նրանք, որոնց բախվել են անցնող տարում»,- նշել է նա։
14:09 - 27 դեկտեմբերի, 2023
ԵԱՏՄ-ն մտադիր է Հնդկաստանի հետ բանակցություններ սկսել ազատ առևտրի համաձայնագրի շուրջ. Հնդկաստանի ԱԳՆ
 |1lurer.am|

ԵԱՏՄ-ն մտադիր է Հնդկաստանի հետ բանակցություններ սկսել ազատ առևտրի համաձայնագրի շուրջ. Հնդկաստանի ԱԳՆ |1lurer.am|

1lurer.am: Հնդկաստանի արտգործնախարար Սուբրամանյամ Ջայշանկարը ժամանել է Ռուսաստան և այցի ընթացքում, մասնավորապես, բանակցություններ կվարի ՌԴ ԱԳ նախարար Սերգեյ Լավրովի ու արդյունաբերության և առևտրի նախարար Դենիս Մանտուրովի հետ։ «Հնդկաստանը և Եվրասիական տնտեսական միությունն ազատ առևտրի համաձայնագրի շուրջ բանակցությունները կսկսեն հաջորդ տարվա հունվարին»,- հայտարարել է Հնդկաստանի արտգործնախարարը: Հնդկաստանը և ԵԱՏՄ-ն առևտրային համաձայնագրի նախագիծը պատրաստել են 2020 թվականի մարտին, սակայն դրա քննարկումը հետաձգվել էր COVID-19 համավարակի պատճառով։ 2022 թվականի հունվարին երկու կողմն էլ ներկայացրել էին առևտրային համաձայնագրի պայմանների վերջնական ձևակերպումները, սակայն համաձայնագրի հետագա բանակցություններն ու աշխատանքը բարդացել են Ռուսաստանի և Ուկրաինայի միջև սկսված հակամարտության պատճառով:
13:18 - 27 դեկտեմբերի, 2023
ԵԱՏՄ երկրներում էլեկտրոնային առևտրի ծավալը կարող է հասնել 160 մլրդ դոլարի. Տոկաև
 |armeniasputnik.am|

ԵԱՏՄ երկրներում էլեկտրոնային առևտրի ծավալը կարող է հասնել 160 մլրդ դոլարի. Տոկաև |armeniasputnik.am|

armeniasputnik.am: Եվրասիական տնտեսական միության (ԵԱՏՄ) երկրներում էլեկտրոնային առևտրի ծավալը մոտ ապագայում կարող է հասնել 160 միլիարդ դոլարի։ Սանկտ Պետերբուրգում Եվրասիական տնտեսական բարձրագույն խորհրդի նիստում այս մասին հայտարարել է Ղազախստանի նախագահ Կասիմ–Ժոմարտ Տոկաևը։   «ԵԱՏՄ-ի ինտեգրված տեղեկատվական համակարգի ամբողջական ձևաչափի գործարկումը զգալիորեն կնվազեցնի բիզնես ծախսերն անդամ երկրների միջև ապրանքներ տեղափոխելիս: Էլեկտրոնային առևտրի ոլորտում արդյունավետ փոխգործակցության մեծ ներուժ կա: Անցյալ տարի այս շուկայի ընդհանուր ծավալը ԵԱՏՄ-ում հասել է 80 միլիարդ դոլարի, մոտ ապագայում այդ ցուցանիշը կարող է կրկնապատկվել»,- ասել է Տոկաևը։   Նա նշել է, որ ԵԱՏՄ-ն պետք է ավելի արդյունավետ աշխատի մաքսային ընթացակարգերի կատարելագործման և առցանց առևտրի իրավահավասար էկոհամակարգի ստեղծման ուղղությամբ:
22:21 - 25 դեկտեմբերի, 2023
Հայաստանը ձգտում է կասեցնել եվրասիական ինտեգրումը քաղաքականացնելու բոլոր փորձերը․ Փաշինյան
 |tert.am|

Հայաստանը ձգտում է կասեցնել եվրասիական ինտեգրումը քաղաքականացնելու բոլոր փորձերը․ Փաշինյան |tert.am|

tert.am: ԵԱՏՄ-ն տնտեսական միություն է, որը չպետք է ունենա քաղաքական, առավել ևս աշխարհաքաղաքական օրակարգ: Այս մասին այսօր հայտարարել է Հայաստանի վարչապետ Նիկոլ Փաշինյանը՝ Սանկտ-Պետերբուրգում Եվրասիական տնտեսական բարձրագույն խորհրդի նիստում։ «Մենք շարունակում ենք դա հենց այդպես ընկալել և տնտեսական փոխգործակցությունը  զարգացնել հենց այս համատեքստում՝ ձգտելով կասեցնել եվրասիական ինտեգրումը քաղաքականացնելու բոլոր փորձերը»,- ասել է Փաշինյանը։  Նա նշեց, որ ԵԱՏՄ-ն և այդ կառույցի տնտեսական սկզբունքները չպետք է փոխկապակցված լինեն քաղաքական հավակնությունների հետ։ Փաշինյանն ասել է նաև, որ հիմնական առևտրային ազատությունները չեն կարող և չպետք է սահմանափակվեն՝ քաղաքական նկատառումներից ելնելով։ «Դա միանշանակ կհանգեցնի միության հիմնարար սկզբունքների խաթարմանը»,- ասել է նա։ Ըստ Փաշինյանի՝ եվրասիական միությունը դեռևս չի լուծել էներգետիկ ռեսուրսների միասնական շուկայի ստեղծման և բեռների թվային հսկողության խնդիրները։ Նա ընդգծեց, որ հայկական կողմը ողջունում է Իրանի հետ ազատ առևտրի մասին լիաֆորմատ համաձայնագրի ստորագրումը, որը կօժանդակի Իրանի հետ տնտեսական և լոգիստիկ կապերի զարգացմանը և կստեղծի ամուր պայմանագրային հիմք համատեղ ծրագրերի համար: Փաշինյանի խոսքով` միասնական էներգետիկ շուկայի վերաբերյալ որոշումների բացակայությունը սկզբունքային բնույթի մի քանի խնդիրներից է, որոնք կուտակվել են ԵԱՏՄ-ում։ «Այս համատեքստում Հայաստանը պատրաստ է ճկուն մոտեցում ցուցաբերել՝ ապահովելու ԵԱՏՄ երկրների շահերի հավասարակշռությունը չլուծված հարցերի շուրջ՝ լավագույնս օգտագործելու միության ընդհանուր էներգետիկ շուկաների ներուժը»,- ասել է նա և միաժամանակ նա նշել՝ էներգաարդյունավետության և վերականգնվող էներգետիկայի ոլորտում համագործակցության ընդլայնման անհրաժեշտությունը։ Ըստ Փաշինյանի` մեկ այլ կարևոր խնդիր է թվային տեխնոլոգիաների ներդրումը բիզնես գործընթացներում՝ եվրասիական հնգյակի երկրների IT համայնքների ներգրավմամբ: Դա հատկապես արդիական է արհեստական ինտելեկտի գործնական կիրառման լույսի ներքո, որը նոր հնարավորություններ է բացում տնտեսական ակտիվության տվյալների առավել օպերատիվ հավաքման և արդյունավետ վերլուծության համար: Փաշինյանի խոսքով` թվային բեռների վերահսկման գործուն համակարգի ներդրումը հատկապես կարևոր է Հայաստանի համար, որը ընդհանուր սահման չունի միության մնացած երկրների հետ։ Սա որոշակի դժվարություններ և տնտեսական ծախսեր է ստեղծում հայկական առևտրի համար, բայց միևնույն ժամանակ եզակի հնարավորություն է ողջ ԵԱՏՄ-ի համար։ «Եթե մեզ հաջողվի ժամանակակից տեխնոլոգիաների միջոցով բեռների անխափան անցումը պետական սահմաններով նվազագույն ընթացակարգերով և ստուգումներով, մենք բացառիկ հնարավորություն կստանանք շահագրգիռ երրորդ երկրների հետ ԵԱՏՄ հարաբերությունների զարգացման համար», - հայտարարել է Փաշինյանը: Նա նաև ողջունել է Իրանի հետ ԵԱՏՄ ազատ առևտրի մասին լիաֆորմատ համաձայնագրի ստորագրումը, որը կնպաստի տնտեսական և լոգիստիկ կապերի ամրապնդմանը և թույլ կտա ամուր պայմանագրային հիմք դնել զարգացման համատեղ ծրագրերի ներքո:
21:23 - 25 դեկտեմբերի, 2023
Լուկաշենկոն նեղացած չէ Փաշինյանից և վստահ է, որ ՀՀ-ն կլինի իր ներկայիս դաշնակիցների հետ
 |tert.am|

Լուկաշենկոն նեղացած չէ Փաշինյանից և վստահ է, որ ՀՀ-ն կլինի իր ներկայիս դաշնակիցների հետ |tert.am|

tert.am: Բելառուսի նախագահ Ալեքսանդր Լուկաշենկոն Հայաստանի վարչապետ Նիկոլ Փաշինյանից նեղացած չէ և վստահ է, որ Հայաստանը հավատարիմ է մնալու իր ներկայիս դաշնակիցների հետ համագործակցությանը։ Այս մասին Սանկտ Պետերբուրգում լրագրողների հետ զրույցում ասել է Լուկաշենկոն։ Լրագրողները Լուկաշենկոյին հարցրել են, թե արդյոք նա նեղացած չէ, որ Նիկոլ Փաշինյանը եկել է Սանկտ Պետերբուրգ՝ ԵԱՏՄ գագաթնաժողովին մասնակցելու այն դեպքում, երբ նախկինում չի մասնակցել Մինսկում ՀԱՊԿ գագաթնաժողովին։ «Ի՞նչ եք անում: Դրանք տարբեր ձևաչափեր են: Ես գիտեի դրա մասին: Ես այն ժամանակ ասացի, որ նա կժամանի Սանկտ Պետերբուրգ...ինչ վիրավորանքի մասին է խոսքը»,–ասել է Լուկաշենկոն: Նա հիշեցրել է Փաշինյանի հետ հեռախոսազրույցը, որում քննարկել են, որ ԵԱՏՄ–ն տնտեսական կառույց է, ոչ թե ռազմաքաղաքական, և դրան պետք է մասնակցել։ Նշենք, որ Սանկտ Պետերբուրգում ընթանում է Եվրասիական տնտեսական բարձրագույն խորհրդի նիստը, իսկ դեկտեմբերի 26-ին նախատեսված է ԱՊՀ ոչ պաշտոնական գագաթնաժողովը։։
20:13 - 25 դեկտեմբերի, 2023
Հակառուսական ֆոն չկա, չեմ բացառում, որ Հայաստանը հաջորդ տարի ստանձնի ԵԱՏՄ նախագահությունը. Ալեն Սիմոնյան |news.am|

Հակառուսական ֆոն չկա, չեմ բացառում, որ Հայաստանը հաջորդ տարի ստանձնի ԵԱՏՄ նախագահությունը. Ալեն Սիմոնյան |news.am|

news.am: Չեմ բացառում: Այսպես այսօր՝ դեկտեմբերի 22-ին, ԱԺ-ում լրագրողների հետ զրույցում արձագանքեց ԱԺ նախագահ Ալեն Սիմոնյանը՝ անդրադառնալով Հայաստանում ՌԴ դեսպանի հայտարարությանը, թե Հայաստանի եւ Ռուսաստանի միջեւ զենքի գործարքի շուրջ նոր բանակցություններ են սկսվել: «Համ ասում եք, որ զենքի մասին է, համ ուզում եք, որ սենց ձեզ սաղ պատմեմ: Դա ընդհանուր քննարկում է, որի մեջ բոլոր չակերտավոր խնդիրները կարող են ներառված լինել: Սպասեք, տեսնենք ինչ է»: Ալեն Սիմոնյանը նաեւ ընդգծեց, որ Ռուսական կողմը ոչ միայն չէր ցանկանում, այլ չէր կարողանում զենք վաճառել Հայաստանին. «Ես վստահ էլ չեմ, որ մենք մինչեւ վերջ կարող ենք ասել, որ կունենանք այն, ինչ կբանակցենք: Կապրենք, կտեսնենք»,-ասաց նա: Դիտարկմանը, որ Հայաստանում հակառուսական ֆոնին ռազմատեխնիկական համաձայնագրեր են քննարկվում, ԱԺ նախագահն ասաց. «Ո՞ւմ մոտ է հակառուսական ֆոն: Հակառուսականություն բառը սխալ է ասված, որովհետեւ հայ եւ ռուս ժողովուրդները բարեկամ ժողովուրդներ են: Հայաստանում հակառուսական բան չկա, կա հակակրանք այն քաղաքականության նկատմամբ, այն քայլերի նկատմամբ, որոնք վերջին տարիներին իրականացվել են: Եկեք դա չվերածենք հակառուսական ֆոնին»: Ալեն Սիմոնյանը նաեւ չբացառեց, որ հաջորդ տարի Հայաստանը կստանձնի ԵԱՏՄ նախագահությունը: «Այդ համագործակցության շնորհիվ  նաեւ մեր տնտեսությունն աճ է ապահովում եւ կարծում եմ՝ ճիշտ որոշում կկայացնի կառավարությունը»: Հիշեցնենք` ՀՀ-ում ՌԴ դեսպան Սերգեյ Կոպիրկինը հայտարարել է, որ քննարկվում են ՌԴ-ի և ՀՀ-ի միջև ռազմատեխնիկական համագործակցության ոլորտում նոր համաձայնագրեր:
14:07 - 22 դեկտեմբերի, 2023
Մենք կբացառենք Հայաստանում այն մեքենաների երկարատեւ վարումը, որոնք ԵԱՏՄ երկրների համարանիշներով չեն. նախարար |news.am|

Մենք կբացառենք Հայաստանում այն մեքենաների երկարատեւ վարումը, որոնք ԵԱՏՄ երկրների համարանիշներով չեն. նախարար |news.am|

news.am: Ժամանակավոր ներկրված մարդատար ավտոմեքենաների մաքսային ձեւակերպման աջակցման ծրագրի ավարտից հետո կներդրվեն նոր նորմեր։ Այս մասին լրագրողների հետ զրույցում դեկտեմբերի 20-ին ասել է էկոնոմիկայի նախարար Վահան Քերոբյանը։ Նա նշել է, որ այդ նորմերը պետք է բացառեն Հայաստանում այն մեքենաների երկարատեւ վարումը, որոնք այն երկրների համարանիշներով են, որոնք ԵԱՏՄ անդամ չեն։ «Եթե կա օրենք, այն պետք է պահպանվի»,- նշել է նախարարը։ Հիշեցնենք, որ Հայաստանի եւ ԵԱՏՄ այլ երկրների քաղաքացիները, որոնք Հայաստան են ներմուծել ավտոմեքենա ժամանակավոր օգտագործման համար, կարող են մինչեւ 2023թ. դեկտեմբերի 30-ը մաքսային ձեւակերպում կատարել 40 տոկոս զեղչով՝ մինչեւ 5 տարեկան մեքենաների համար։ Այդ արժեքը կփոխհատուցի Հայաստանի կառավարությունը։ 5 տարեկանից բարձր մեքենաների համար զեղչը կկազմի 70 տոկոս։ Հայաստանի պետեկամուտների կոմիտեի վերջին տվյալներով՝ ձեւակերպում ստացել են 1 700 ժամանակավոր ներմուծված մեքենաներ։
11:53 - 20 դեկտեմբերի, 2023
Ներդրումային ծրագրերը՝ ԵԱՏՄ երկրների միասնական հարթակում. ԱԺ-ում քննարկվում է նոր հայեցակարգ
 |armenpress.am|

Ներդրումային ծրագրերը՝ ԵԱՏՄ երկրների միասնական հարթակում. ԱԺ-ում քննարկվում է նոր հայեցակարգ |armenpress.am|

armenpress.am: Հայաստանի ազգային ժողովի տարածաշրջանային և եվրասիական ինտեգրման հարցերի հանձնաժողովում քննարկման է ներկայացվել «ԵԱՏՄ շրջանակներում գործարար միջավայրում համագործակցության ապահովման «Հնարավորությունների պատուհան» նոր հայեցակարգի ներդրման հարցը: Հանձնաժողովի նախագահի տեղակալ Վաղարշակ Հակոբյանը  նշեց, որ ենթադրում է միության անդամ երկրների Էկոնոմիկայի նախարարությունների կողմից այդ երկրներում անհրաժեշտ ներդրումային ծրագրերի հավաքագրում և մեկ միասնական հարթակում ներկայացում: Միասնական հարթակը կարող է լինել ինչպես էլեկտրոնային ձևաչափով, այնպես էլ ֆիզիկական կառույցի տեսքով: «Հավաքագրվելու են ներդրումային ծրագրեր՝ հագեցած գործարար ծրագրին բնորոշ տվյալներով, երկարաժամկետ ֆինանսատնտեսական հաշվարկներով, ներդրումների հետգնման ժամկետներով: Այս ծրագրին մասնակցության հայտ ներկայացնելու դեպքում լիազոր պետական գերատեսչությունների կողմից իրականացվելու է պետական աջակցություն, որի ծավալն ու ձևաչափը կորոշի կառավարությունը»,-ասաց հանձնաժողովի նախագահի տեղակալը: Ըստ Հակոբյանի՝ գաղափարը նոր է, սակայն հավակնոտ: Այն կարող է Հայաստանին ապահովել հատկապես մշակող արդյունաբերության ոլորտում նոր ներդրումային նախագծերի իրականացմամբ, էներգախնայող տեխնոլոգիաների ներդրմամբ և տեղական արտադրության կազմակերպմամբ, նոր աշխատատեղերի ստեղծմամբ և տնտեսական աճով: Էկոնոմիկայի նախարար Վահան Քերոբյանն էլ փաստեց՝ Հայաստանի առևտրաշրջանառությունը ԵԱՏՄ երկրների հետ աճում է: Քերոբյանը նաև հիշեցրեց. «2024 թվականի հունվարի 1-ից գործարկվելու է մշակող արդյունաբերության ոլորտում կոոպերացիոն նախագծերի ֆինանսավորման աջակցության ծրագիրը: Իմաստն այն է, որ, եթե մի քանի երկրների ներդրողներ կամ ընկերություններ միմյանց հետ համագործակցում են, ապա Եվրասիական տնտեսական հանձնաժողովը ծածկելու է այդ ներդրումային ծրագրի իրականացման համար ֆինանսական ռեսուրսների ներգրավման ծախսերի զգալի մասը»:
14:41 - 18 դեկտեմբերի, 2023
Կաթնամթերքը պետք է համապատասխանի ԵԱՏՄ օրենսդրությամբ սահմանված պահանջներին

Կաթնամթերքը պետք է համապատասխանի ԵԱՏՄ օրենսդրությամբ սահմանված պահանջներին

Սննդամթերքի անվտանգության տեսչական մարմինը հայտնում է, որ ՍԱՏՄ ղեկավար Արմեն Հայրապետյանի և ՌԴ անասնաբուժական և բուսասանիտարական վերահսկողության դաշնային ծառայության («Ռոսսելխոզնադզոր») ղեկավարի Սերգեյ Դանկվերտի վերջին հանդիպման ընթացքում քննարկվել են նաև Հայաստանում կաթնամթերք արտադրող ձեռնարկությունների արտադրանքի մատակարարումները Ռուսաստան վերսկսելու խնդիրը։ Հանդիպման արդյունքում ձեռք բերված՝ համատեղ վերահսկողական միջոցառումներ անցկացնելու մասին պայմանավորվածությունը ՍԱՏՄ ղեկավարը ներկայացրել է տեսչական մարմին հրավիրված Հայաստանի կաթնամթերք արտադրող և արտահանող ընկերությունների ներկայացուցիչներին: Արմեն Հայրապետյանը տնտեսավարողներին հիշեցրել է ռուսական կողմի պահանջը՝ ՌԴ արտահանվող կաթնամթերքի հումքը պետք է լինի բացառապես հայկական, ու նաև հորդորել հստակ գնահատել իրենց արտադրություններում առկա ռիսկերը, վերացնել դրանք, արտադրական ողջ գործընթացը համապատասխանեցնել ԵԱՏՄ օրենսդրությամբ և տեխնիկական կանոնակարգերով սահմանված պահանջներին, ներդնել Վտանգի վերլուծության և հսկման կրիտիկական կետերի համակարգը (HACCP): Նա վստահեցրել է, որ Տեսչական մարմնի մասնագետները պատրաստ են տրամադրելու համապատասխան մասնագիտական աջակցություն՝ առկա խնդիրները արագ լուծելու համար: «Միայն արտադրությունների վստահորեն պատրաստ լինելուց հետո ՌԴ համապատասխան գերատեսչության հետ կհստակեցվեն վերահսկողություն իրականացնելու  ժամկետները»,- նշել է ՍԱՏՄ ղեկավարը։ Կաթնամթերք արտադրողներն արձանագրել են, որ այսպիսի հանդիպումներն արդյունավետ ձևաչափ են առաջացած խնդիրների մասին բարձրաձայնելու և դրանց շուրջ պարզաբանումներ ստանալու համար:
15:37 - 15 դեկտեմբերի, 2023
Կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին. ի՞նչ է նախատեսված Հայաստանի մասով |news.am|

Կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին. ի՞նչ է նախատեսված Հայաստանի մասով |news.am|

news.am: Կառավարությունն իր այսօրվա՝ դեկտեմբերի 14-ի նիստում հավանություն տվեց ԵԱՏՄ-ի եւ Իրանի միջև ազատ առևտրի մասին համաձայնագրի ստորագրմանը: Համաձայնագրի հիմնական  խնդիրներն են՝       - Ազատ առևտրի մասին համաձայնագրի շրջանակներում Ժամանակավոր համաձայնագրի կարգավորիչ մասի օգտագործումը որպես բանակցությունների հիմք՝ կարգավորիչ միջավայրը էականորեն բարելավելու համար։     -   Իրանական շուկա ապրանքների առավելագույն հնարավոր տեսականու համար առանց մաքսատուրքի մուտքի ապահովում, միաժամանակ ապահովելով Ժամանակավորհամաձայնագրում պարունակվող մուտքի պայմանների չվատթարացումը՝ ներմուծման մաքսատուրքերի վերացման վերաբերյալ պայմանավորվածությունների ձեռքբերման անհնարինության դեպքում։ Համաձայնագիրը կարգավորում է տնտեսական համագործակցության հարցերի լայն շրջանակ, մասնավորապես՝ իրավական և հորիզոնական պարտավորությունները, փոխադարձ առևտրի դյուրացումն ու խթանումը, ներքին շուկայի պաշտպանությունը, մաքսային կարգավորումը, մրցակցությունը, սանիտարական և բուսասանիտարական միջոցառումները, առևտրում տեխնիկական խոչընդոտները, ծագման կանոնների որոշումը, վեճերի լուծումը, պետական գնումները և այլ բնագավառներին առնչվող խնդիրներ: Համաձայնագիրը նախատեսում էապրանքների արտահանման և ներմուծման գործընթացների ժամանակ կիրառվող կանոնակարգերի թափանցիկություն, ինչպես նաև առևտրում պաշտպանիչ միջոցների կիրառման ժամանակ ԱՀԿ նորմերի ապահովում: Համաձայնագրի անբաժանելի մաս են հանդիսանում նաև կից ցանկերը, որոնց մեջ ներառված ապրանքատեսակների հանդեպ Կողմերը պատրաստ են տրամադրել սակագնային արտոնություններ: Գյուղատնտեսական ապրանքների մասով՝ հայկական կողմից ներկայացված առաջարկներում հիմնականում ներառված են այն ապրանքները, որոնք հանդիսանում են ՀՀ արտահանման առաջնային հետաքրքրություն ունեցող ապրանքներ և որոնք ունեն նաև մեծ տեսակարար կշիռ ՀՀ-ից Իրան արտահանման ծավալներում, մասնավորապես՝ հանքային և գազավորված ջրեր, ոչ ոգելից խմիչքներ, շոկոլադ, հրուշակեղեն, ծխախոտ, ոչխարի միս, որոնց նկատմամբ կիրառվելու է Իրան ներմուծման զրոյական մաքսատուրքեր։ Արդյունաբերական  ապրանքների մասով`  հայկական կողմից ներկայացված առաջարկներում հիմնականում ներառված են այն ապրանքները, որոնք հանդիսանում են Հայաստանի արտահանման առաջնային հետաքրքրություն ունեցող ապրանքներ և որոնք ունեն նաև մեծ տեսակարար կշիռ Հայաստանից Իրան արտահանման ծավալներում,մասնավորապես՝ հանքային հումք (պղնձի և ցինկի հանքաքար, մոլիբդենի հանքաքար), արծաթե իրեր, պղնձի անոդներ, գոլորշու գեներատորներ, էլեկտրոնային ծխախոտ, թերմոստատներ և այլն:Կազատականացվի մուտքը իրանական շուկա նաև  էլեկտրաէներգիայի, օգտագործված մարտկոցների համար, կնվազեցվեն Իրան ներմուծման մաքսատուրքերը ոսկերչական իրերի և դեղամիջոցների համար։ ՀՀ տնտեսության համար առավել զգայուն որոշ գյուղապրանքների մասով առաջարկվել է պահպանել և կիրառել ԵԱՏՄ տարածք ներմուծման սեզոնային սակագնային քվոտավորում՝պղպեղ, սմբուկ, ձմերուկ և սեխ, ինչպես նաև սակագնային քվոտավորում՝ արդյունաբերության ոլորտումպլաստմասից արտադրանքի մասով։ Համաձայնագրի շրջանակներում իրանական կողմն առաջին անգամ իր միջազգային առևտրային համաձայնագրերի պրակտիկայում ամրագրում է ներմուծման մաքսատուրքերի զրոյականացման պարտավորություններ: Համաձայնագրի համաձայն, ԵԱՏՄ անդամ պետությունների ապրանքների մատակարումը Իրան ապահովվելու է առանց անցումային ժամանակաշրջանների։ Համաձայնագրի կնքմամբ կանխատեսվում է էապես բարձրացնել ԵԱՏՄ անդամ պետությունների ապրանքների մրցունակությունն իրանական շուկայում, դրա հաշվին ավելացնել ապրանքների արտահանումը Իրան, ակտիվացնել կոոպերացիոնև ներդրումային համագործակցությունը:
14:11 - 14 դեկտեմբերի, 2023
Իրանը կստորագրի ԵԱՏՄ-ի հետ ազատ առևտրի գոտու մասին համաձայնագիրը և աշխատանքները կսկսի Հայաստանից
 |armenpress.am|

Իրանը կստորագրի ԵԱՏՄ-ի հետ ազատ առևտրի գոտու մասին համաձայնագիրը և աշխատանքները կսկսի Հայաստանից |armenpress.am|

armenpress.am: Իրանը և Եվրասիական տնտեսական միությունը (ԵԱՏՄ) այս ամսվա վերջին համաձայնագիր կստորագրեն ազատ առևտրի գոտու (ԱԱԳ) ստեղծման մասին։ Այս մասին հաղորդում է ILNA գործակալությունը՝ վկայակոչելով Իրանի տնտեսական հարցերով արտաքին գործերի փոխնախարար Մեհդի Սաֆարիին։ «Համաձայնագիրը կստորագրվի Ռուսաստանի Սանկտ Պետերբուրգ քաղաքում դեկտեմբերի 25-ին», - ասել է Սաֆարին Իրանի արտահանման ներուժին նվիրված ցուցահանդեսից հետո կայացած մամուլի ասուլիսում։ Փոխնախարարը նաև հայտարարել է, որ «աշխատանքները կսկսվեն Հայաստանից»։ Բացի այդ, Թեհրանը հույս ունի, որ ԱԱԳ համաձայնագիրը կմեծացնի Ռուսաստանի և Բելառուսի հետ առևտրի ծավալները։ Օրեր առաջ ՌԴ փոխվարչապետ Ալեքսանդր Նովակն իր հերթին հայտարարել էր, որ Իրանի և ԵԱՏՄ-ի միջև ԱԱԳ համաձայնագիրը նախատեսվում է ստորագրել դեկտեմբերին։
18:16 - 12 դեկտեմբերի, 2023
ԵԱՏՄ-ի հետ ներքին քննարկումներ կունենանք. Քերոբյանը՝ մեքենաների մաքսազերծման գների մասին
 |armeniasputnik.am|

ԵԱՏՄ-ի հետ ներքին քննարկումներ կունենանք. Քերոբյանը՝ մեքենաների մաքսազերծման գների մասին |armeniasputnik.am|

armeniasputnik.am: ՀՀ կառավարությունը 3-րդ երկրներից Հայաստան ժամանակավոր ներմուծված մեքենաների մաքսազերծման գների հարցով ներքին քննարկումներ կանցկացնի ԵԱՏՄ գործընկերների հետ։ Sputnik Արմենիայի հետ զրույցում այդ մասին ասաց ՀՀ էկոնոմիկայի նախարար Վահան Քերոբյանը։ Ավելի վաղ հայտնել էինք, որ մինչև տարեվերջ ՀՀ կառավարությունը 40-70 տոկոսով կսուբսիդավորի 3-րդ երկրներից ՀՀ ժամանակավոր ներմուծված մեքենաների մաքսազերծումը։ Միաժամանակ ՀՀ վարչապետ Նիկոլ Փաշինյանն հայտարարել էր, որ ներմուծման մաքսատուրքը ՀՀ-ում պետք է նվազեցնել, սակայն խնդիրը ԵԱՏՄ կարգավորումն է, և ՀՀ-ն չի կարող միակողմանի լուծել այդ խնդիրը։ «Այս հարցով մենք ներքին քննարկումներ կանցկացնենք ու ըստ այդմ որոշումներ կկայացնենք։ Օրինակ` էլեկտրական շարժիչներով մեքենաները մաքսատուրքից ազատելու որոշումը ԵԱՏՄ մեր գործընկերների հետ քննարկումներում հենց մեր նախաձեռնությամբ է եղել»,- ասաց Քերոբյանը` հիշեցնելով ՀՀ Ազգային ժողովի ընդունած որոշումը, որով էլեկտրաշարժիչով մեքենաները մինչև 2026 թ. ազատվեցին ԱԱՀ-ից և մաքսատուրքից։ Նախարարն ընդգծեց` ԵԱՏՄ-ն հարթակ է, որտեղ տարբեր երկրներ ունեն հավասար ձայնի իրավունք, և այն խնդիրների դեպքում, որտեղ ՀՀ կառավարությունը առաջարկներ ներկայացնելու կարիք է տեսնում, անում է։ Նա նաև տեղեկացրեց, որ մաքսազերծման սուբսիդավորումը վերաբերում է միայն այն մեքենաներին, որոնք արդեն իսկ ՀՀ-ում են. 2024 թ. հունվարի 1-ից 3-րդ երկրներից ՀՀ ժամանակավոր ներմուծված ու չմաքսազերծված մեքենաների շահագործումը կարգելվի։ Հիշեցնենք` ՀՀ կառավարության մեկ այլ որոշման համաձայն` 2024 թ. հունվարի 1-ից Վրաստանից կամ ԵԱՏՄ անդամ պետություն չհանդիսացող երկրից ժամանակավոր օգտագործման նպատակով ներկրված ավտոմեքենաների համար ՀՀ քաղաքացիները պետք է մաքսային մարմնի կողմից տնօրինվող դեպոզիտային հաշվին գումար վճարեն։ Այս պահին ՀՀ-ում կա ժամանակավոր օգտագործման նպատակով ներկրված 9000 ավտոմեքենա։
14:10 - 01 դեկտեմբերի, 2023