ԿԸՀ

Կենտրոնական ընտրական հանձնաժողովն անկախ պետական մարմին է, որը կազմակերպում է Ազգային ժողովի եւ տեղական ինքնակառավարման մարմինների ընտրությունները, հանրաքվեները, ինչպես նաեւ վերահսկողություն է իրականացնում դրանց օրինականության նկատմամբ: Կենտրոնական ընտրական հանձնաժողովը կազմված է յոթ անդամից: Կենտրոնական ընտրական հանձնաժողովի նախագահին եւ մյուս անդամներին Ազգային ժողովի իրավասու մշտական հանձնաժողովի առաջարկությամբ ընտրում է Ազգային ժողովը` պատգամավորների ընդհանուր թվի ձայների առնվազն երեք հինգերորդով, վեց տարի ժամկետով:

Նույն անձը չի կարող ավելի քան երկու անգամ անընդմեջ ընտրվել Կենտրոնական ընտրական հանձնաժողովի անդամ, ներառյալ հանձնաժողովի նախագահ: ԿԸՀ նախագահ՝ Տիգրան Մուկուչյան։ ԿԸՀ նախագահի տեղակալ՝ Լաուրա Գալստյան։ ԿԸՀ քարտուղար՝ Արմեն Սմբատյան։ ԿԸՀ անդամներ՝ Գեորգի Մարտիրոսյան, Սիլվա Մարկոսյան, Նունե Հովհաննիսյան, Սեյրան Շահսուվարյան։

Հայաստանում ՏԻՄ ընտրություններ են |hetq.am|

Հայաստանում ՏԻՄ ընտրություններ են |hetq.am|

hetq.am: Այսօր՝ հոկտեմբերի 17-ին, Գյումրիում, Գորիսում, Մեղրիում, Տաթևում և Դիլիջանում անցկացվում են տեղական ինքնակառավարման մարմինների համամասնական ընտրություններ։  Քանի որ այս համայնքներում բնակչությունը գերազանցում է 4000-ը, ընտրությունները անցկացվելու են պարզ համամասնական ընտրակարգով։ Սա նշանակում է, որ քաղաքացիները ընտրելու են ավագանու կազմը, որը նշանակելու է համայնքի ղեկավարին։  Գյումրիում ընտրություններին մասնակցում է 10 կուսակցություն և դաշինք։ Գորիսում պայքարելու են 2 կուսակցություն և 1 դաշինք՝ «Քաղաքացիական պայմանագիր», «Հայ ազգային կոնգրես» կուսակցությունները և նոր ձևավորված «Առուշ Առուշանյան» դաշինքը։ Մեղրիում ընտրություններին գրանցվել է 4 քաղաքական ուժ՝ «Ազատական» կուսակցությունը, «Ապրելու երկիր» կուսակցությունը, «Հանրապետություն» կուսակցությունը և «Քաղաքացիական պայմանագիր» կուսակցությունը։ Սյունիքի մարզի Տաթև համայնքում թեկնածուներ են առաջադրել «Ապրելու երկիր» կուսակցությունը, «Շանթ դաշինք» ազգայնական կուսակցությունը և «Քաղաքացիական պայմանագիր» կուսակցությունը։ Տեղ համայնքում պայքարելու է ընդամենը երկու կուսակցություն՝ «Ապրելու երկիր»-ը և «Քաղաքացիական պայմանագիր»-ը։ Դիլիջանում քաղաքացիերը հնարավորություն ունեն ընտրելու 5 կուսակցություն՝ «Ապրելու երկիր», «Հայրենիք», «Հանրապետություն», «Քաղաքացիական պայմանագիր» և «Քաղաքացու որոշում> սոցիալ-դեմոկրատական կուսակցությունները։ Իսկ Լոռու մարզի Ֆիոլետովո և Արագածոտնի մարզի Շամիրամ համայնքներում բնակչության թիվը չի գերազանցում չորս հազարը, հետևաբար քաղաքացիներն ընտրելու են և՛ ավագանուն, և՛ համայնքի ղեկավարին։ Արմավիրի մարզի Ֆերիկ համայնքում ընտրելու են ավագանուն, Լոռու մարզի Լերմոնտովո համայնքում ընտրելու են համայնքի ղեկավարի։ 
10:40 - 17 հոկտեմբերի, 2021
Հայտնի է՝ որ համայնքներում դեկտեմբերի 5-ին կանցկացվեն ՏԻՄ ընտրություններ |armtimes.com|

Հայտնի է՝ որ համայնքներում դեկտեմբերի 5-ին կանցկացվեն ՏԻՄ ընտրություններ |armtimes.com|

armtimes.com:  Դեկտեմբերի 5-ին Հայաստանի Հանրապետության մի շարք մարզերի համայնքներում սպասվում են ՏԻՄ ընտրություններ: Այս մասին տեղեկանում ենք ԿԸՀ կայքից:  Ներկայացնում ենք այն համայնքները, որտեղ դեկտեմբերին 5-ին կանցկացվեն ՏԻՄ ընտրություններ: Արագածոտնի մարզում ընտրությունները կայանալու են Աշտարակ, Ապարան և Թալին համայնքներում: Արարատի մարզում ընտրություններ կլինեն Արարատ, Արտաշատ, Մասիս և Վեդի համայնքներում:  ՏԻՄ ընտրությունների թվով ամենամեծը Արմավիրի մարզն է: Այստեղ ընտրություններ կկայանան Արաքս, Արմավիր, Բաղրամյան, Խոյ, Մեծամոր, Վաղարշապատ, Փարաքար համայնքներում:  Գեղարքունիքի մարզում համայնքները հետևյալն են՝ Վարդենիս, Գավառ, Մարտունի և Սևան:  Լոռիի 4 համայնքներում նույնպես կկայանան ՏԻՄ ընտրություններ, դրանք են՝ Թումանյան, Սպիտակ, Վանաձոր, Փամբակ:  Կոտայքի մարզում համայնքները 6-ն են՝ Աբովյան, Հրազդան, Նոր Հաճն, Ծաղկաձոր, Նաիրի, Գառնի:  Դեկտեմբերի 4-ին Շիրակի մարզի Ախուրյան, Ամասիա, Աշոցք և Արթիկ համայքներում ևս տեղի կունենան ՏԻՄ ընտրություններ: Վայոց ձորում համայնքները 3-ն են՝ Ջերմուկ, Եղեգնաձոր և Վայք, իսկ Տավուշում ընդամենը 1-ը՝ Նոյեմբերյան: 
12:14 - 12 հոկտեմբերի, 2021
Հայտնի են Գյումրու ՏԻՄ ընտրություններին մասնակցող քաղաքական ուժերի քվեաթերթիկների համարները |armtimes.com|

Հայտնի են Գյումրու ՏԻՄ ընտրություններին մասնակցող քաղաքական ուժերի քվեաթերթիկների համարները |armtimes.com|

armtimes.com: Այսօր թիվ 31 ՏԸՀ-ում կայացավ հոկտեմբերի 17-ին Գյումրու ՏԻՄ ընտրություններին մասնակցող քաղաքական ուժերի վիճակահանությունը: Որոշվեց, թե որ ուժը քվեաթերթիկի որ համարում կներկայանա: Նշենք, որ, բացի «Քաղաքացիական պայմանագիր» կուսակցությունից, մնացած բոլոր ուժերը ներկա էին և մասնակցեցին վիճակահանությանը: «Երևի թյուրիմացություն է եղել իրար մեջ, թե ով պետք է գա, դրա համար չեն եկել: Համ էլ հերթական համարը 10-րդն էր, վերջում մնացել էր էդ մի ձվիկը (նկատի ունի պարկուճները, որոնց մեջ դրված էին վիճակահանվող թվերը - հեղ.), ես հանեցի: Սա զուտ տեխնիկական հարց էր»,-  ասաց ՏԸՀ նախագահը: ՔՊ-ի փոխարեն վիճակահանությունն իրականացրեց թիվ 31 ՏԸՀ նախագահ Տիգրան Ղազարյանը: Ըստ վիճակահանության արդյունքների՝ Գյումրու ՏԻՄ ընտրությունների քվեաթերթիկները բաշխվել են հերթական հաջորդականությամբ. «Հայրաքաղաք» դաշինք «Արժանապատիվ ուղի» կուսակցություն Հայաստանի հանրապետական կուսակցություն «Քաղաքացիական պայմանագիր» կուսակցություն «Զարթոնք» ազգային-քրիստոնեական կուսակցություն Հայաստանի կոմունիստական կուսակցություն  «Գյումրին կռնա» դաշինք «Բալասանյան դաշինք» սոցիալական կուսակցություն «Թասիբով» դաշինք «Ապրելու երկիր» կուսակցություն
14:12 - 18 սեպտեմբերի, 2021
Ընդհանուր առմամբ ընտրական հանցագործությունների համար մեղադրանք է առաջադրվել 75 անձի. ՀՔԾ

Ընդհանուր առմամբ ընտրական հանցագործությունների համար մեղադրանք է առաջադրվել 75 անձի. ՀՔԾ

ՀՀ հատուկ քննչական ծառայությունում քննված քրեական գործի նախաքննությամբ ձեռք բերված բավարար ապացույցների համակցությամբ հիմնավորվել է, որ «Պատիվ ունեմ» դաշինքի կողմից պատգամավորության թեկնածու առաջադրված Արմավիրի նախկին քաղաքապետ Ռուբեն Խլղաթյանը նույն մարզի Ջանֆիդա գյուղի բնակիչ Գագիկ Պետրոսյանի հետ նախնական համաձայնությամբ փորձել են 2021 թվականի հունիսի 20-ին նշանակված ՀՀ Ազգային ժողովի արտահերթ ընտրությունների նախընտրական փուլում կաշառք տալ Արմավիրի մարզի մի շարք ընտրողների: Այս մասին տեղեկացնում է ՀՔԾ-ն: Մասնավորապես, նախաքննությամբ պարզվել է, որ «Պատիվ ունեմ» դաշինքի կողմից ներկայացված թեկնածուների ցուցակի 16-րդ համարը զբաղեցնող Ռուբեն Խլղաթյանը նախնական համաձայնություն է ձեռք բերել Արմավիրի մարզի Ջանֆիդա գյուղի բնակիչ Գագիկ Պետրոսյանի հետ` արտահերթ ընտրություններին հիշյալ դաշինքի օգտին կողմ քվեարկելու նպատակով Արմավիրի մարզի առնվազն 147 ընտրողների գումարի տեսքով կաշառք տալու վերաբերյալ: Այնուհետև, պայմանավորվածության համաձայն, 2021 թվականի հունիսի 10-ին Ռ. Խլղաթյանը գնացել է Ջանֆիդա գյուղում գտնվող Գ. Պետրոսյանի բնակության վայր` ընտրակաշառքի առարկա հանդիսացող 9.000.000 ՀՀ դրամը նրան փոխանցելու և Գ. Պետրոսյանի կողմից այդ գումարը ընտրողներին հասցեական տալու համար: Սակայն Ռ. Խլղաթյանը և Գ. Պետրոսյանը հանցագործությունը ավարտին չեն կարողացել հասցնել իրենց կամքից անկախ հանգամանքներով, քանի որ գումարի փոխանցման պահին ՀՀ ոստիկանության ծառայողների կողմից ձեռնարկված օպերատիվ միջոցառումների շրջանակներում բերման են ենթարկվել, իսկ ընտրակաշառքի առարկա գումարը հայտնաբերվել և վերցվել է դեպքի վայրի զննությամբ: Վերը նշված հանցավոր արարքների` կուսակցությունների դաշինքի օգտին կողմ քվեարկելու համար խմբի կազմում երկու կամ ավելի անձանց գումարի տեսքով կաշառք տալու փորձի համար Ռուբեն Խլղաթյանին և Գագիկ Պետրոսյանին մեղադրանք է առաջադրվել ՀՀ քրեական օրենսգրքի 34-154.2-րդ հոդվածի 4-րդ մասի 1-ին և 2-րդ կետերով: Նրանց նկատմամբ որպես խափանման միջոց է ընտրվել կալանավորումը: Նախաքննությունն ավարտվել է: Քրեական գործը մեղադրական եզրակացությամբ հանձնվել է հսկողություն իրականացնող դատախազին` այն հաստատելու և դատարան ուղարկելու միջնորդությամբ: Հարկ է նշել, որ 2021 թվականի հունիսի 20-ին կայացած Ազգային ժողովի արտահերթ ընտրությունների ընթացքում արձանագրված ընտրական հանցագործությունների, այդ թվում` ընտրակաշառք տալու, ստանալու և ընտրակաշառքի միջնորդության փաստերով ՀՀ հատուկ քննչական ծառայության քննիչների վարույթում քննված քրեական գործերի շրջանակներում մեղադրանք է առաջադրվել ընդհանուր առմամբ 75 անձի: Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
17:39 - 15 սեպտեմբերի, 2021
Հայտնի է, թե որ կուսակցությունները կմասնակցեն ՏԻՄ ընտրություններին և որ համայնքներում

Հայտնի է, թե որ կուսակցությունները կմասնակցեն ՏԻՄ ընտրություններին և որ համայնքներում

Հայաստանում լրացել են մի քանի համայնքների տեղական ինքնակառավարման մարմինների լիազորությունների ժամկետները․ այդ համայնքներում առաջիկայում ՏԻՄ ընտրություններ են սպասվում։ Ընտրությունները տեղի կունենան 2021 թվականի հոկտեմբերի 17-ին եւ նոյեմբերի 14-ին։ Հոկտեմբերի 17-ին ընտրություններ կանցկացվեն խոշորացված Գորիս, Մեղրի, Տաթեւ, Տեղ, Դիլիջան համայնքներում, ինչպես նաեւ Գյումրիում։ Հաշվի առնելով, որ առաջին 5 համայնքները խոշորացված են, Գյումրին էլ 4000-ից ավելի բնակիչ ունի, այս համայնքներում ընտրությունները կանցկացվեն համամասնական ընտրակարգով։ Գյումրիում ընտրություններին մասնակցելու հայտ են ներկայացրել տասը քաղաքական ուժեր՝ չորս դաշինք եւ վեց կուսակցություն։  «Բալասանյան» դաշինքը ներկայացրել է ավագանու 42 հոգանոց ցուցակ, ցուցակը կգլխավորի համայնքապետարանի կոմունալ ծառայության բյուջետային հիմնարկի տնօրեն Վարդգես Սամսոյանը։ «Գյումրին Կռնա» դաշինքը ներկայացրել է ավագանու 20 հոգանոց ցուցակ, համամասնական ցուցակի առաջին հորիզոնականում Վարդան Սրտաշյանն է։   «Զարթոնք» ազգային քրիստոնեական կուսակցությունը ներկայացրել է ավագանու 41 թեկնածու, ցուցակի առաջին համարը Վարդեւան Հակոբյանն է։ «Կոմունիստական կուսակցությունը» ներկայացրել է ավագանու 20 թեկնածու, համամասնական ցուցակի առաջին հորիզոնականում Կոնստանտին Ղավազյանն է։ «Արժանապատիվ ուղի» կուսակցության ցուցակը գլխավորում է Հովհաննես Մարգարյանը, ներկայացվել է ավագանու 22 թեկնածու։   «Հայրաքաղաք» դաշինքը կգլխավորի Լեւոն Բարսեղյանը, ցուցակում ներկայացված է ավագանու 28 թեկնածու։   «Հայաստանի հանրապետական» կուսակցության՝ համայնքապետի թեկնածուն Արտյոմ Ղուկասյանն է, ներկայացված է ավագանու 33 թեկնածու։    «Քաղաքացիական պայմանագիր» կուսակցության համամասնական ցուցակը կգլխավորի Շիրակի մարզպետ Հովհաննես Հարությունյանը։ Կուսակցությունը ներկայացրել է ավագանու 40 թեկնածու։   «Թասիբով» դաշինքի ցուցակի առաջին համարը Կարապետ Պողոսյանն է, ներկայացված է 22 թեկնածու։    «Ապրելու երկիր» կուսակցությունը ներկայացրել է ավագանու 22 հոգանոց ցուցակ, որը գլխավորում է Կարեն Մալխասյանը։  Գորիսում ընտրություններին կմասնակցի 4 քաղաքական ուժ։ «Առուշ Առուշանյան» դաշինքը կգլխավորի Գորիսի համայնքապետ Առուշ Առուշանյանը։    «Քաղաքացիական պայմանագիր» կուսակցության համայնքապետի թեկնածուն Վլադիմիր Աբունցն է։  «Հայ ազգային կոնգրես» կուսակցության համամասնական ցուցակը  կգլխավորի ՀԱԿ անդամ, Գորիսի պետական քոլեջի տնօրեն, Գորիսի գործող ավագանու անդամ Կարեն Լազարյանը։   «Հայաստանի կոմունիստական» կուսակցության ցուցակը գլխավորում է Ալվարդ Իսախանյանը։ Սյունիքի մարզի Տաթեւ համայնքում ընտրություններին մասնակցելու հայտ է ներկայացրել 3 կուսակցություն։  «Քաղաքացիական պայմանագրի» ցուցակը գլխավորում է Տաթեւի համայնքի ղեկավարի պաշտոնակատար Արթուր Մաթեւոսյանը։   «Շանթ դաշինք» կուսակցության ցուցակը գլխավորում է Սամվել Լալայանը։   «Ապրելու երկիր» կուսակցության Տաթեւ համայնքի ավագանու ցուցակը գլխավորելու է Մարատ Գերասիմյանը, որը Տաթեւ համայնքի նախկին ղեկավարի տեղակալն էր։ Սյունիքի Տեղ համայնքում ընտրություններին կմասնակցեն «Ապրելու երկիր» եւ «Քաղաքացիական պայմանագիր» կուսակցությունները։ Վերջինի ընտրական ցուցակը գլխավորում է Դավիթ Ղուլունցը։ «Ապրելու երկիր» կուսակցության ընտրական ցուցակը գլխավորելու է Արավուսի վարչական ղեկավար Արգամ Հովսեփյանը։ Մեղրիում ընտրություններին կմասնակցեն «Հանրապետություն», «Ապրելու երկիր», «Քաղաքացիական պայմանագիր» եւ «Ազատական» կուսակցությունները։  «Հանրապետություն» կուսակցություն ցուցակը գլխավորում է Բագրատ Զաքարյանը։  «Ապրելու երկիր» կուսակցության ընտրացուցակի առաջին համարը Արմեն Հայրապետյանն է: «Քաղաքացիական պայմանագիր» կուսակցության ցուցակը գլխավորում է Մեղրի համայնքի ղեկավարի պաշտոնակատար Արարատ Թումանյանը։ «Ազատական» կուսակցության ցուցակը գլխավորում է Խաչատուր Անդրեասյանը։ Դիլիջան համայնքում ընտրություններին կմասնակցեն «Ապրելու երկիր» կուսակցությունը, «Հայրենիք» կուսակցությունը, «Քաղաքացիական պայմանագիր», «Հանրապետություն» կուսակցութունները, ինչպես նաեւ «Քաղաքացու որոշում» ՍԴԿ-ն։ «Ապրելու երկիր» կուսակցության համամասնական ցուցակը գլխավորում է Արմինե Հովհաննիսյանը «Հայրենիք» կուսակցության ավագանու ցուցակը գլխավորելու է կուսակցության՝ Դիլիջանի համայնքային կառույցի ղեկավար Արմեն Օրդինյանը: «Քաղաքացիական պայմանագիր» կուսակցության ցուցակը կգլխավորի համայնքի ղեկավարի պաշտոնակատար Դավիթ Սարգսյանը։ «Հանրապետություն» կուսակցության ավագանու ցուցակը կգլխավորի պահեստազորի գնդապետ Արմեն Ուլիխանյանը: «Քաղաքացու որոշում» ՍԴԿ-ի ցուցակը դեռեւս հրապարակված չէ։ Նույն օրը՝ հոկտեմբերի 17-ին, ավագանու մեծամասնական ընտրություններ կանցկացվեն ազգային փոքրամասնություններով բնակեցված եւ չխոշորացվող Արագածոտնի մարզի Շամիրամ, Արմավիրի մարզի Ֆերիկ և Լոռու մարզի Ֆիոլետովո համայնքներում։ Շամիրամում եւ Ֆիոլետովոյում կանցնակցվեն նաեւ համայնքի ղեկավարի ընտրություններ։ ՏԻՄ ընտրությունների օր է նշանակված նաեւ նոյեմբերի 14-ը։ Infocom.am-ը գրել էր, որ այդ օրն, ամենայն հավանականությամբ, տեղի կունենան նոր խոշորացվող համայնքների ՏԻՄ ընտրությունները, եթե խորհրդարանն ընդունած լինի վարչատարածքային փոփոխությունների նախագիծը։ Այդ օրը կանցկացվեն նաեւ Տավուշի մարզի Իջեւան եւ Լոռու մարզի Լերմոնտովո խոշորացված համայնքների ՏԻՄ ընտրությունները, քանի որ այդ համայնքները ներառված չեն հոկտեմբերի 17-ի ՏԻՄ ընտրությունների ցանկում։ Ասպրամ Փարսադանյան
17:31 - 13 սեպտեմբերի, 2021
2021-ի ընտրությունները եղել են մինչև այժմ ՀՀ-ում անցկացված ամենալեգիտիմ ընտրությունները. Հովակիմյան |armenpress.am|

2021-ի ընտրությունները եղել են մինչև այժմ ՀՀ-ում անցկացված ամենալեգիտիմ ընտրությունները. Հովակիմյան |armenpress.am|

armenpress.am: ՀՀ ազգային ժողովի «Քաղաքացիական պայմանագիր» խմբակցության պատգամավոր Վահագն Հովակիմյանը համոզված է, որ 2021-ի հունիսի 20-ի խորհրդարանական ընտրությունները եղել են մինչև այժմ անցկացված ամենալեգիտիմ ընտրությունները Հայաստանում: Հովակիմյանը նման տեսակետ հայտնեց ԱԺ նիստում ԿԸՀ-ի տարեկան հաղորդման քննարկմանը: «Ես, 1998 թվականի նախագահական ընտրություններից սկսած, տարբեր կարգավիճակներով ներգրավված եմ եղել ընտրություններում: Կարող եմ ժամերով պատմել այն, ինչ տեսել եմ մինչև 2018-ի ընտրություններ: Այս ամենը հաշվի առնելով՝ ես ամենայն պատասխանատվությամբ հայտարարում եմ՝ 2021 թվականի ԱԺ ընտրությունները եղել են մինչև այդ ՀՀ-ում տեղի ունեցած ամենալեգիտիմ ընտրությունները: Սա ասում եմ՝ նույնիսկ վեր դասելով 2018-ի խորհրդարանական ընտրություններից, որովհետև 2018-ի ընտրություններն անցկացվում էին առանց մրցակցության պայմաններում, երբ «Իմ քայլը» դաշինքի հաղթանակը որևէ մեկը կասկածի տակ չէր դնում»,-ասաց Հովակիմյանը: Ըստ նրա՝ 2021-ի ընտրությունները ոչ միային մրցակցային էին, այլ նաև անցկացվում էին գերլարված վիճակում: Հովակիմյանի համոզմամբ՝ իշխանությունը կարողացել է այդ պայմաններում ապահովել ընտրությունների ազատությունը, արդարությունն ու թափանցիկությունը:  Ըստ պատգամավորի՝ կարելի է արձանագրել, որ հունիսի 20-ի ընտրություններում գործադիր մարմնի որևէ պաշտոնյայի կողմից իր ենթականերին ուղղորդելու, որևէ կերպ քվեարկությունը կանխորոշելու դեպք չի եղել:
17:03 - 13 սեպտեմբերի, 2021
Հայաստանում 1996-2018 թթ. բոլոր ընտրությունները եղել են կեղծված. Ալեն Սիմոնյան |1lurer.am|

Հայաստանում 1996-2018 թթ. բոլոր ընտրությունները եղել են կեղծված. Ալեն Սիմոնյան |1lurer.am|

1lurer.am: ՀՀ ԱԺ նախագահ Ալեն Սիմոնյանը խորհրդարանի ամբիոնից հայտարարեց, որ Հայաստանում 1996 թվականից մինչև 2018 թվականը բոլոր ընտրությունները եղել են կեղծված և անցկացվել խախտումներով: «ՀՀ-ում 1996 թվականից մինչև 2018 թվականը բոլոր ընտրությունները եղել են կեղծված և անցկացվել են մեծ խախտումներով: Բացառություն է 1999 թվականի «Միասնություն» դաշինքի օրինակը, Վազգեն Սարգսյանի և Կարեն Դեմիրճյանի քաղաքական ուժը, որը մեծ համակրանք ուներ հանրության կողմից, և որևէ կասկած, այդ ընտրության հետ կապված, չեմ կարող ասել»,- ասաց Ալեն Սիմոնյանը: Սիմոնյանն անդրադարձավ նաև ընդդիմության՝ ընտրությունների իրական թվերի մասին հայտարարություններին: ««Քաղաքացիական պայմանագիր» կուսակցությունը և վարչապետը մշտապես ասել են մի կարևոր բան՝ ընդդիմության խնդիրն էն չի եղել, որ ԿԸՀ-ում ինչ-որ մեկը գուցե ինչ-որ բան է փոխել: Ընդդիմությունը չի կարողացել ընտրատեղամասերում ունենալ բավարար քանակով ներկայացուցիչներ, որոնք այդ արձանագրությունները կստորագրեն, կվերցնեն և կունենան օրինակները, որովհետև ընտրական պրոցեսներին ծանոթ մարդիկ գիտեն, որ ԿԸՀ-ն ստանում է այդ արձանագրությունները, գումարում է թվերն ու հայտարարում դրանք: Այ, եթե դուք՝ ընդդիմությունը, նաև մենք, դա մեր սխալն է եղել ընդդիմության ժամանակ, երբ մենք հնարավորություն ենք ունեցել ապահովել այդ 2000 ընտրատեղամասում  մեր ներկայացուցիչներին և ստանալ այդ արձանագրությունը, կարելի է ուղղակի նստել, գումարել ու ստանալ ընտրությունների իրական պատկերը: Միշտ եղել է մի թիվ, ԿԸՀ-ն ասել է, որ հավաքել է իշխանությունը ենթադրենք էսքան ձայն, ընդդիմությունը՝ էսքան, ընդդիմությունը վեր է կացել, ասել՝ չէ, չի հավաքել, բայց չի ասել, թե իրական թիվը որն է»,- ասաց Սիմոնյանը:
15:45 - 13 սեպտեմբերի, 2021
Անձնագրի վավերականության ժամկետը լրացած քաղաքացիները չեն ընդգրկվի ՏԻՄ ընտրությունների ցուցակներում. ԿԸՀ նախագահ |1lurer.am|

Անձնագրի վավերականության ժամկետը լրացած քաղաքացիները չեն ընդգրկվի ՏԻՄ ընտրությունների ցուցակներում. ԿԸՀ նախագահ |1lurer.am|

1lurer.am: Ընտրացուցակները կազմելու համար անհրաժեշտ է, որ անձը լինի ՀՀ քաղաքացի և ունենա ՀՀ-ում հաշվառում: Այս մասին ԱԺ ամբիոնից խոսեց ԿԸՀ նախագահ Տիգրան Մուկուչյանը՝ անդրադառնալով «Հայաստան» խմբակցության անդամ Գեղամ նազարյանի՝ ընտրացուցակները մաքրելու վերաբերյալ հարցին:   «Վերջին փոփոխությունների համաձայն, որն այս ՏԻՄ ընտրություններում կիրառվելու է, բոլոր այն քաղաքացիները, որոնց անձնագրի վավերականության ժամկետը լրացել է, չեն ներգրավվի այդ ցուցակներում, որ այս ՏԻՄ ընտրություններում կսկսի գործել: Եթե ցանկանում ենք սահմանափակել տարբեր հիմքերով ընտրական ցուցակներում անձանց ընդգրկումը, պետք է փոխել ուղղակիորեն ցուցակների կազմման մեթոդաբանությունը: Այսօր սահմանադրական օրենքը սահմանել է որոշակի կարգ, թե ովքեր պետք է մտնեն այդ ցուցակներ, և այդ կարգին համապատասխան էլ ձևավորվում են ընտրական ցուցակներ: Բայց ընտրական օրենսդրությունը սահմանել է նաև բավականին լայն գործիքակազմ՝ այդ ամենը լիարժեք վերահսկելու, տեսնելու, մասնավորապես՝ ցուցակների՝ ըստ տեղամասերի հրապարակումը, դրանց՝ որոնման հնարավորությամբ մշտապես հրապարակված լինելը ԿԸՀ կայքում, ընտրություններից հետո ստորագրված ցուցակների հրապարակումը»,- ասաց Մուկուչյանը: ՀՀ ԱԺ նախագահ Ալեն Սիմոնյանն էլ նշեց, որ ցուցակների հետ կապված հարցն իշխանությանը նույնպես անհանգստացնում է: «Պետք է հետամուտ լինենք, որ այդ հարցը մեկընդմիշտ փակվի»,- նշեց պարոն Սիմոնյանը:
13:47 - 13 սեպտեմբերի, 2021
Իրականացված բոլոր ընտրությունները համապատասխանել են Ընտրական օրենսգրքի պահանջներին. Մուկուչյան |armenpress.am|

Իրականացված բոլոր ընտրությունները համապատասխանել են Ընտրական օրենսգրքի պահանջներին. Մուկուչյան |armenpress.am|

armenpress.am: Կենտրոնական ընտրական հանձնաժողովի նախագահ Տիգրան Մուկուչյանը վստահեցնում է, որ իր պաշտոնավարման ընթացքում անցկացված բոլոր ընտրությունները համապատասխանել են Ընտրական օրենսգրքի պահանջներին: Մուկուչյանն այս մասին ասաց ԱԺ նիստում Հայաստանի Հանրապետության կենտրոնական ընտրական հանձնաժողովի գործունեության մասին հաղորդման ներկայացման ժամանակ՝ անդրադառնալով «Պատիվ ունեմ»-ից Հայկ Մամիջանյանի հարցին: «Խնդրում եմ ավելի բաց ու հստակ փաստել, որ ՀՀ-ում ձեր պաշտոնավարման ընթացքում տեղի ունեցած համապետական ընտրությունները եղել են օրենքի տառին համապատասխան»,-ասաց Մամիջանյանը: Մուկուչյանը հիշեցրեց, որ 2012 թվականից ինքը ԿԸՀ-ում է, կազմակերպել է բազմաթիվ ընտրություններ: «Բոլոր ընտրությունների հետ կապված էլ իմ կարծիքը ներկայացրել եմ: Այս դահլիճում տարբեր թվականներին համապետական ընտրություններից հետո, ինչու չէ, նաև ՏԻՄ ընտրություններից հետո, ներկայացվել են նմանատիպ տարբեր գնահատականներ, և մեր մոտեցումը եղել է հետևյալը՝ իմ կարծիքով իրականացված ընտրությունները համապատասխանել են Ընտրական օրենսգրքի պահանջներին»,-ասաց Մուկուչյանը:
12:54 - 13 սեպտեմբերի, 2021
ՀՀ-ում ՏԻՄ ընտրություններ կանցկացվեն 3 օր․ պարզաբանում է ԿԸՀ նախագահը |factor.am|

ՀՀ-ում ՏԻՄ ընտրություններ կանցկացվեն 3 օր․ պարզաբանում է ԿԸՀ նախագահը |factor.am|

factor.am: ՀՀ-ում ՏԻՄ ընտրություններ կանցկացվեն 3 օր: ԿԸՀ որոշմամբ՝ նախատեսվել էր 2021թ. ՏԻՄ ընտրություններն անցկացնել հոկտեմբերի 17-ին և նոյեմբերի 14-ին: ԿԸՀ-ն այսօ որոշում կայացրեց դեկտեմբերի 5-ին ևս ՏԻՄ ընտրություններ անցակացնել: ԿՀԸ նախագահ Տիգրան Մկրտչյանը նշեց, որ ԿԸՀ կողմից սահմանվել են օրերը, իսկ թե որ համայնքում որ օրը կկազմակերպվեն ընտրությունները, կորոշի ՏԻՄ ընտրություններ նշանակող մարմինը: Նշենք, որ ԿԸՀ քարտուղար Արմեն Սմբատյանը ԿԸՀ այսօրվա՝ օգոստոսի 26-ի նիստում նշեց, որ բազմաթիվ համայնքներ պետք է խոշորացվեն, նոյեմբերի 14-ին հնարավոր է այդ գործընթացն ավարտված չլինի և հնարավոր չլինի այդ համայնքներում ընտրություններ կազմակերպել, այդ հանգամանքը հաշվի առնելով, ինչպես նաև հնարավորություն տալով քաղաքական ուժերին իրենց աշխատանքները պլանավորել այդ նոր խոշորացված համայքններում, անհրաժեշտ է, որ ԿՀԸ-ն ՏԻՄ ընտրությունների անցկացման ևս մեկ օր նշանակի:
17:00 - 26 օգոստոսի, 2021
Հայաստանում սպասվող ՏԻՄ ընտրությունների քարտեզը

Հայաստանում սպասվող ՏԻՄ ընտրությունների քարտեզը

Հայաստանում լրացել են բազմաթիվ համայնքների տեղական ինքնակառավարման մարմինների լիազորությունների ժամկետները, և այդ համայնքներում առաջիկայում սպասվում են ՏԻՄ ընտրություններ։ Մի քանի օր առաջ տարածքային կառավարման և ենթակառուցվածքների նախարարությունից, մեր հարցմանն ի պատասխան, հայտնել էին, որ  ՏԻՄ-երի հերթական ընտրություններ անցկացնելու անհրաժեշտություն կա 440 համայնքում։ Այս տարվա հուլիսի 7-ի դրությամբ՝ ՏԻՄ-երի արտահերթ ընտրություններ անցակցնելու անհրաժեշտություն կա մոտ 20 համայնքում (այդ թիվը կարող է փոփոխվել)։ Կենտրոնական ընտրական հանձնաժողովի անցած տարվա որոշմամբ 2021-ին ՏԻՄ ընտրությունների օրեր էին սահմանվել մարտի 14-ը, սեպտեմերի 26-ը և հոկտեմբերի 17-ը։ Մի քանի օր առաջ, սակայն, ԿԸՀ-ն որոշեց ՏԻՄ ընտրությունների օրեր սեպտեմբերի 26-ի և հոկտեմբերի 17-ի փոխարեն սահմանել հոկտեմբերի 17-ը և նոյեմբերի 14-ը։ Infocom-ը պատրաստել է սպասվող ՏԻՄ ընտրությունների պատկերն արտացոլող քարտեզ։ Կանաչ գույնով նշված են այն համայնքները, որտեղ լրացել են/աշնանը լրանում են և՛ ավագանու, և՛ համայնքապետի լիազորությունների ժամկետները, և այնտեղ կանցկացվեն ընտրություններ։ Կապույտով նշված են այն համայնքները, որտեղ լրանում է միայն ավագանու կամ միայն համայնապետի լիազորությունների ժամկետը, և որտեղ կանցկացվեն ՏԻՄ ընտրություններ։ Մոխրագույնով նշված են այն համայնքները, որտեղ լրանում է համայնքի ղեկավարի լիազորությունների ժամկետը, բայց այնտեղ չեն անցկացվի ընտրություններ մինչև գործող ավագանու լիազորությունների ժամկետի ավարտը (մոխրագույնով նշված համայնքներում ընտրություններ չեն անցկացվի, քանի որ այնտեղ ՏԻՄ ընտրություններն այսուհետ լինելու են համամասնական ընտրակարգով, ինչը նշանակում է, որ պետք է ընտրվի ավագանի, ավագանու կազմից՝ համայնքապետ։ Երբ կլրանա ավագանու լիազորությունների ժամկետը, այն ժամանակ էլ կանցակցվեն ընտրություններ․ առավել մանրամասն՝ այստեղ)։ Նարնջագույնով նշված են այն համայնքները, որոնք միավորվել են՝ ձևավորելով խոշորացված համայնքներ, և այնտեղ առաջին անգամ պիտի միավորված կազմով ՏԻՄ ընտրություններ անցկացվեն։ Մանուշակագույնով նշված են այն համայնքները, որտեղ լրանում են ՏԻՄ լիազորությունների ժամկետները, սակայն ընտրություններ չեն կայանա մինչև այդ համայնքների խոշորացումը։ Աննա Սահակյան
21:24 - 27 հուլիսի, 2021
«Քաղաքացիական պայմանագիր»-ն ու «Հայաստան» դաշինքը այսօր ԿԸՀ-ից վերցրել են մանդատները. «Պատիվ ունեմ»-ը դեռ չի վերցրել |armtimes.com|

«Քաղաքացիական պայմանագիր»-ն ու «Հայաստան» դաշինքը այսօր ԿԸՀ-ից վերցրել են մանդատները. «Պատիվ ունեմ»-ը դեռ չի վերցրել |armtimes.com|

armtimes.com: «Քաղաքացիական պայմանագիր» կուսակցության եւ «Հայաստան» դաշինքի պատգամավորներն այսօր ԿԸՀ-ից ստացել են իրենց պատգամավորական մանդատները: ՀԺ-ի հարցին ի պատասխան այդ մասին տեղեկացրել է ԿԸՀ մամուլի խոսնակ Հերմինե Հարությունյանը: Վերջինս նշել է, որ այս անգամ որեւէ հանդիսավոր միջոցառում չեն կազմակերպել մանդատաները հանձնելու համար, կուսակցությունների լիազոր ներկայացուցիչներին խնդրել են մոտենալ ԿԸՀ եւ վերցնել դրանք: ««Քաղաքացիական պայմանագիր» կուսակցության լիազոր ներկայացուցիչ Վահագն Հովակիմյանը եւ «Հայաստան» կուսակցությունների դաշինքի լիազոր  ներկայացուցիչ Վահագն Մատինյանը ներկայացել են Կենտրոնական ընտրական հանձնաժողով եւ վերցրել են իրենց կուսակցության եւ դաշինքի պատգամավորների մանդատները: Իսկ «Պատիվ ունեմ» դաշինքի ներկայացուցիչը տեղեկացրել է, որ վաղն է ներկայանալու ԿԸՀ՝ վկայականները վերցնելու համար»,- ասել է Հարությունյանը:
19:40 - 26 հուլիսի, 2021
ՏԻՄ ընտրությունները կկայանան հոկտեմբերի 17-ին և նոյեմբերի 14-ին |tert.am|

ՏԻՄ ընտրությունները կկայանան հոկտեմբերի 17-ին և նոյեմբերի 14-ին |tert.am|

tert.am: Հայաստանի Կենտրոնական ընտրական հանձնաժողովն արտահերթ նիստում այսօր որոշում կայացրեց փոխել այս տարի կայանալիք Տեղական ինքնակառավարման մարմինների ընտրությունների քվեարկության օրերը:«2020 թվականի սեպտեմբերի 23-ին ԿԸՀ-ն սահմանել էր 2021 թվականի տեղական ինքնակառավարման մարմինների ընտրությունների օրեր: Իհարկե, այդ ժամանակ ԿԸՀ-ն չէր կարող կանխատեսել, որ 2021 թվականի հունիսի 20-ին կկայանան Ազգային ժողովի արտահերթ ընտրություններ, որոնք  փոխել են մի քանի հանգամանք, ըստ որի ԿԸՀ-ին առաջարկվում է վերանայելու սեպտեմբերի 26-ին և հոկտեմբերի 17-ին նշանակված ՏԻՄ ընտրությունների քվեարկության օրերը»,- ԿԸՀ նիստում հայտարարեց ԿԸՀ քարտուղար Արմեն Սմբատյանը:Բացի այդ, ըստ Ա. Սմբատյանի, կազմակերպչական այլ բնույթի խնդիրներ ևս կան, որոնք պետք է լուծել ու պատշաճ կազմակերպել ՏԻՄ ընտրությունները, որոնք իրենց մասշտաբով ամենամեծն են:ԿԸՀ-ն որոշեց՝ նախատեսված ՏԻՄ ընտրությունների օրերը՝ սեպտեմբերի 26 և հոկտեմբերի 17 փոխել և նշանակել հոկտեմբերի 17-ին և նոյեմբերի 14-ին:
17:42 - 22 հուլիսի, 2021
Հայտնի են խորհրդարան անցած պատգամավորների անունները

Հայտնի են խորհրդարան անցած պատգամավորների անունները

The MPs who passed the parliament from the "Civil Contract" party Khachatur Sukiasyan Lena Nazaryan Alen Simonyan Arpine Davoyan Arsen Torosyan Nazeli Baghdasaryan Ruben Rubinyan Gurgen Arsenyan Gurgen Melkonyan Hakob Arshakyan Heriqnaz Tigranyan Hayk Konjoryan Arusyak Julhakyan Eduard Aghajanyan Andranik Kocharyan Maria Karapetyan Babken Tunyan Shirak Torosyan Tsovinar Vardanyan Vahagn Hovakimyan Gevorg Papoyan Hripsime Grigoryan Vigen Khachatryan Vladimir Vardanyan Sona Ghazaryan Zaruhi Batoyan Lilit Stepanyan Karen Hambardzumyan Vilen Gabrielyan Meri Galstyan Sisak Gabrielyan Armen Khachatryan Tatevik Gasparyan Vagharshak Hakobyan Hayk Sargsyan Arusyak Manavazyan Sergey Bagratyan Taguhi Ghazaryan Hrachya Hakobyan Matevos Asatryan Lusine Badalyan Vahe Ghalumyan Sedrak Tevonyan Kristine Poghosyan Sergey Movsisyan Arman Eghoyan Alkhas Ghazaryan Trdat Sargsyan Aren Mkrtchyan Marina Ghazaryan Narek Zeynalyan Artur Hovhannisyan Anush Beghloyan Hovik Aghazaryan Narek Babayan Emma Palyan Hakob Aslanyan Lilit Minasyan Narek Grigoryan Vahagn Aleksanyan Hasmik Hakobyan Narek Ghahramanyan Davit Danielyan Mariam Poghosyan Artur Davtyan Sargis Khandanyan Hripsime Hunanyan Hayk Tsirunyan Rustam Bakoyan Aleksey Sandikov Knyaz Hasanov   from the "Armenia" (Hayastan) alliance Ishkhan Saghatelyan Anna Grigoryan Vahe Hakobyan Armen Gevorgyan Lilit Galstyan Armen Rustamyan Seyran Ohanyan Elinar Vardanyan Artsvik Minasyan Artur Ghazinyan Kristine Vardanyan Gegham Manukyan Aghvan Vardanyan Agnesa Khamoyan Andranik Tevanyan Mkhitar Zakaryan Hripsime Stambulyan Ashot Simonyan Armen Charchyan Elena Kirakosyan Davit Sedrakyan Armenuhi Kyureghyan Aram Vardevanyan Tadevos Avetisyan Artur Sargsyan Artur Khachatryan Aregnaz Manukyan Gegham Nazaryan Zemphira Mirzoyeva   from the "I Have the Honor" (Pativ unem) bloc Artur Vanetsyan Taron Margaryan Anna Mkrtchyan Ishkhan Zakaryan Hayk Mamijanyan Taguhi Tovmasyan Tigran Abrahamyan
17:30 - 22 հուլիսի, 2021
ԿԸՀ-ն ուժը կորցրած ճանաչեց ինքնաբացարկ ներկայացրած պատգամավորի թեկնածուների գրանցումը

ԿԸՀ-ն ուժը կորցրած ճանաչեց ինքնաբացարկ ներկայացրած պատգամավորի թեկնածուների գրանցումը

Կենտրոնական ընտրական հանձնաժողովը  ուժը կորցրած ճանաչեց 2021 թվականի հունիսի 20-ի արտահերթ խորհրդարանական ընտրություններին մասնակցած կուսակցությունների, կուսակցությունների դաշինքների ընտրական ցուցակներում ընդգրկված ինքնաբացարկ ներկայացրած պատգամավորի թեկնածուների գրանցումը: Գրանցումը ուժը կորցրած ճանաչելու որոշման նախագիծը ԿԸՀ հուլիսի 22-ի արտահերթ նիստում ներկայացրեց ԿԸՀ քարտուղար Արմեն Սմբատյանը: Որոշմամբ ուժը կորցված են ճանաչվում «Քաղաքացիական պայմանագիր» կուսակցության ընտրական ցուցակում ընդգրկված պատգամավորի թեկնածուներ  Նիկոլ Փաշինյանի, Արարատ Միրզոյանի, Լիլիթ Մակունցի, Սուրեն Պապիկյանի, Ռոմանոս Պետրոսյանի, Արայիկ Հարությունյանի, Անահիտ Ավանեսյանի, Արմեն Փամբուխչյանի, Դիանա Գասպարյանի, Գնել Սանոսյանի, Համբարձում Մաթևոսյանի, Արամ Խաչատրյանի, Հովհաննես Հարությունյանի, Արարատ Գրիգորյանի, Դավիթ Գևորգյանի, Նարեկ Մկրտչյանի, Հակոբ Սիմիդյանի գրանցումները, ինչպես նաև «Հայաստան» դաշինիքի ընտրական ցուցակում ընգրկված պատգամավորի թեկնածուներ Ռոբերտ Քոչարյանի, Մարիաննա Եփրեմյանի, Ալեքսանդր Խաչատուրյանի գրանցումները: Այսպիսով ՔՊ-ից ինքնաբացարկ էր ներկայացրել 17 անձ, «Հայաստան» դաշինքից՝ 3: Որոշման նախագիծն ընդունվեց 7 կողմ ձայներով:
16:31 - 22 հուլիսի, 2021