Մեծ Բրիտանիա

Պետական կարգը՝ միապետություն
Մայրաքաղաքը՝ Լոնդոն
Տարածքը՝ 244 հզ. կմ
Բնակչությունը՝ 59,8 մլն
Պետական լեզուն՝ անգլերեն
Դրամական միավորը՝ ֆունտ ստեռլինգ

Միացյալ Թագավորությունն ունի մասամբ կարգավորվող շուկայական տնտեսություն։ Ըստ շուկայական փոխարժեքների՝ Միացյալ Թագավորությունը համարվում է աշխարհում 8-րդ և Եվրոպայում 2-րդ (Գերմանիայից հետո) ամենամեծ տնտեսություն ունեցող պետությունը։ Թագուհու գանձապետարանը, որը գլխավորում է կանցլերը, պատասխանատու է բրիտանական կառավարության կողմից հասարակական ֆինանսական և տնտեսական քաղաքականության մշակման և կիրառման համար։

Անգլիայի բանկը կամ Միացյալ Թագավորության կենտրոնական բանկը պատասխանատու է ազգային արտարժույթի՝ ֆունտ ստերլինգի թողարկման համար։ Տուրիզմը համարվում է բրիտանական տնտեսության ամենակարևոր մասը, և 2004թ․ 27 մլն զբոսաշրջիկներով պետությունը զբաղեցնում է 6-րդ տեղը համաշխարհային տուրիզմի շարքերում, իսկ Լոնդոնը համարվում է զբոսաշրջիկների կողմից ամենաշատ այցելվող քաղաքը աշխարհում։

Համաշխարհային առաջնորդները տեսակոնֆերանս են անցկացրել՝ քննարկելու Ուկրաինային տրվող աջակցությունը

Համաշխարհային առաջնորդները տեսակոնֆերանս են անցկացրել՝ քննարկելու Ուկրաինային տրվող աջակցությունը

ԱՄՆ նախագահ Ջո Բայդենը, Մեծ Բրիտանիայի վարչապետ Ջասթին Թրյուդոն, ինչպես նաև այլ երկրների առաջնորդներ, ինչպիսիք են Ֆրանսիայի, Գերմանիայի, Իտալիայի, Լեհաստանի, Ռումինիայի, Ճապոնիայի նախագահները, նաև Եվրահանձնաժողովի, ԵՄ խորհրդի և ՆԱՏՕ-ի ղեկավարները տեսազանգով հանդիպում են ունեցել՝ քննարկելու մինչ այժմ եղած հավաքական ջանքերը, գնահատելու Ուկրաինայի ներկայիս իրավիճակը: Նրանք նաև քննարկել են այն էական քայլերը, որ դաշնակիցները պետք է նախաձեռնեն՝ Ուկրաինային արդյունավետորեն աջակցելու համար: Այս մասին տեղեկանում ենք Կանադայի վարչապետի մամուլի ծառայության տարածած մամուլի հաղորդագրությունից: «Ղեկավարները դատապարտել են Ռուսաստանի ռազմական հանցագործությունները և դաժանությունը Ուկրաինայում և խոստացել են պատասխանատվության ենթարկել Ռուսաստանին իր գործողությունների համար, այդ թվում՝ Միջազգային քրեական դատարանի միջոցով: Նրանք ընդգծել են դաշնակիցների կողմից Ուկրաինային աջակցելու ամուր, միասնական դիրքորոշման պահպանման կարևորությունը: Ղեկավարները նաև հայտնել են իրենց հավաքական հավատարմությունը Ուկրաինայի ինքնիշխանությանն ու տարածքային ամբողջականությանը։ Առաջնորդները համաձայնել են, որ կարևոր է պահպանել ֆինանսական աջակցությունն Ուկրաինային այնպես, որ այն բավարարի երկրի կենսական կարիքները և արագ կհամապատասխանեցվի երկրի փոփոխվող հանգամանքներին, մասնավորապես պարենային անվտանգության և մարդասիրական օգնության հետ կապված»,- նշված է հայտարարության մեջ:
13:07 - 20 ապրիլի, 2022
ԱՄՆ-ն, Մեծ Բրիտանիան և Կանադան հրետանի են խոստանում Ուկրաինային

ԱՄՆ-ն, Մեծ Բրիտանիան և Կանադան հրետանի են խոստանում Ուկրաինային

ԱՄՆ-ի, Մեծ Բրիտանիայի և Կանադայի առաջնորդները հայտարարել են, որ Ուկրաինա կուղարկեն ավելի շատ հրետանային զինատեսակներ՝ ի պատասխան երկրի արևելյան ուղղությամբ ռուսական կողմի նոր հարձակման: Այս մասին գրում է Reuters-ը: ԱՄՆ նախագահ Ջո Բայդենը, Մեծ Բրիտանիայի վարչապետ Բորիս Ջոնսոնը և Կանադայի վարչապետ Ջասթին Թրյուդոն երեքշաբթի նման հայտարարությամբ են հանդես եկել իրենց և այլ դաշնակիցների հետ տեսազանգից հետո՝ կապված Ռուսաստանի ներխուժման նոր փուլի հետ: Սպասվում է, որ առաջիկա օրերին Բայդենը կհայտարարի Ուկրաինայի համար ռազմական օգնության նոր փաթեթի մասին, որը կարող է լինել մոտ նույն քանակի, ինչ անցյալ շաբաթ ուղարկված 800 միլիոն դոլարը: Այս մասին Reuters-ին հայտնել են լավատեղյակ աղբյուրները: Եթե օգնության փաթեթը լինի այնքան լայնամասշտաբ, որքան սպասվում է, ապա Ուկրաինային ԱՄՆ օգնությունը ՌԴ ներխուժումից հետո կանցնի երեք միլիարդ դոլարի շեմը: Նյու Հեմփշիր կատարած այցի ժամանակ լրագրողների հարցին, թե արդյո՞ք ԱՄՆ-ն հրետանային զենք է ուղարկելու Ուկրաինային, Բայդենը պատասխանել է «այո»: Լոնդոնում Բորիս Ջոնսոնը օրենսդիրներին ասել է. «Սա հրետանային հակամարտություն է դառնալու, նրանք ավելի շատ հրետնային միջոցների օգնության կարիք ունեն. ահա թե ինչ մենք կտանք նրանց՝ ի հավելում աջակցության մյուս ձևերի»: Թրյուդոն հայտնել է, որ Կանադան ծանր հրետանի կուղարկի, ինչպես նաև խոստացել է ավելի շատ մանրամասներ հաղորդել: Լուսանկարը՝ Reuters-ի
11:51 - 20 ապրիլի, 2022
Մոսկվան արգելել է Բորիս Ջոնսոնի և նրա կառավարության անդամների մուտքը Ռուսաստան |azatutyun.am|

Մոսկվան արգելել է Բորիս Ջոնսոնի և նրա կառավարության անդամների մուտքը Ռուսաստան |azatutyun.am|

azatutyun.am: Պաշտոնական Մոսկվան այսօր հայտարարել է, որ Մեծ Բրիտանիայի կառավարության ձեռնարկած «աննախադեպ թշնամական քայլերի պատճառով» անհատական պատժամիջոցներ է սահմանում այդ երկրի մի շարք ղեկավարների նկատմամբ։ Ռուսաստանի ԱԳՆ տարածած հայտարարության համաձայն` Մեծ Բրիտանիայի վարչապետ Բորիս Ջոնսոնի, արտգործնախարար Էլիզաբեթ Թրասի, պաշտպանության նախարար Բեն Ուոլեսի և կառավարության ևս վեց անդամների մուտքը երկրի տարածք այսուհետ արգելվելու է։ Ռուսաստանի տարածք չեն կարող այցելել նաև Մեծ Բրիտանիայի նախկին վարչապետ Թերեզա Մեյլը, Շոտլանդիայի վարչապետ Նիկոլա Սթարջընը, Անգլիայի և Ուելսի Գլխավոր դատախազ Սուելա Բրավերմանը։ «Մոտ ապագայում այս ցուցակը կընդլայնվի ի հաշիվ այն բրիտանացի քաղաքական գործիչների և խորհրդարանականների, որոնք նպաստում են հակառուսական հիստերիայի խորացմանը», - նշված է Ռուսաստանի ԱԳՆ հայտարարության մեջ։
15:20 - 16 ապրիլի, 2022
Մեծ Բրիտանիան մտադիր է արգելել ռուսական երկաթի և պողպատի ներկրումը

Մեծ Բրիտանիան մտադիր է արգելել ռուսական երկաթի և պողպատի ներկրումը

Մեծ Բրիտանիան վաղվանից՝ ապրիլի 14-ից, մտադիր է արգելել ռուսական երկաթի և պողպատի ներկրումը։ Այս մասին ասված է Մեծ Բրիտանիայի կառավարության կայքում հրապարակված մամուլի հաղորդագրությունում։ Նշվում է, որ կարգելվի նաև քվանտային տեխնոլոգիաների, բարձրակարգ նյութերի և շքեղության ապրանքների արտահանումը Ռուսաստան։ Այս միջոցներն ուղղված են «Ռուսաստանի ռազմական հավակնություններին խոչընդոտելուն»։ «Վաղվանից մենք արգելում ենք ռուսական երկաթի և պողպատի ներկրումն, ինչպես նաև քվանտային տեխնոլոգիաների և բարձրակարգ նյութերի արտահանումը, որոնց կարիքը Պուտինը շատ ունի։ Մենք շարունակելու ենք մեր առաքելությունը՝ կասեցնելու Պուտինի ռազմական մեքենայի ընթացքը», - ասել է Մեծ Բրիտանիայի արտգործնախարար Լիզ Թրասը։ Վաղը երկրի խորհրդարանը կքննարկի այս առաջարկներն, ասված է հաղորդագրությունում։   Նորա Վանյան
17:08 - 13 ապրիլի, 2022
Լուկաշենկոն Բուչայի դեպքերի համար մեղադրել է «անգլիացիներին»

Լուկաշենկոն Բուչայի դեպքերի համար մեղադրել է «անգլիացիներին»

Բելառուսի նախագահ Ալեքսանդր Լուկաշենկոն հայտարարել է ուկրաինական Բուչա քաղաքում տեղի ունեցած դեպքերին Մեծ Բրիտանիայի մասնակցության մասին, գրում է «Ինտերֆաքսը»։ «Մենք այսօր մանրամասն քննարկել ենք նրանց այդ հոգեբանական հատուկ գործողությունը, որն իրականացրել են անգլիացիները», - ասել է Լուկաշենկոն ՌԴ նախագահ Վլադիմիր Պուտինի հետ համատեղ ասուլիսի ժամանակ։ «Եթե ձեզնից որևէ մեկին պետք են հասցեներ, ծածկագրեր, մասնակցություն, ավտոմեքենաների համարանիշներ, ավտոմեքենաների մակնիշներ, որոնցով Բուչա են ժամանել, և թե ինչպես են դա արել, Ռուսաստանի ԱԴԾ-ն կարող է տրամադրել այդ նյութերը։ Եթե ոչ՝ մենք կարող ենք այդ հարցում օգնել։ Մեր ռուս ընկերների հետ միասին մենք ամբողջությամբ՝ առաջինից մինչև վերջին ժամը, բացահայտել ենք Արևմուտքի այդ զազրելի, զզվելի դիրքորոշումը», - հայտարարել է Բելառուսի նախագահը։ Պուտինն էլ, իր հերթին, «ֆեյք» է անվանել Բուչայում ռուսաստանցի  զինվորականների կողմից քաղաքացիական անձանց սպանության մասին տեղեկությունները։ Պուտինի խոսքով՝ բելառուս գործընկերն իրեն փոխանցել է փաստաթղթերը։ «Այդ փաստաթղթերը փոխանցվել են ԱԴԾ-ին՝ թե ինչպես, ովքեր - նրանք համապատասխան տեղեկություններն ունեն - ինչ տրանսպորտով են ժամանել այդ բնակավայր և այդ սադրանքի կազմակերպման համար պայմաններ ստեղծել», - ասել է ՌԴ նախագահը։ Հիշեցնենք՝ ուկրաինական Բուչա քաղաքում ապրիլի սկզբին, ուկրաինական տվյալներով, հարյուրավոր քաղաքացիական անձանց դիեր են հայտնաբերվել այն բանից հետո, երբ ռուսական զորքերը դուրս են եկել քաղաքից, և այն վերադարձել է Ուկրաինայի վերահսկողության տակ։ Ուկրաինան Բուչայի բնակիչների սպանության համար մեղադրում է Ռուսաստանին, վերջինս հերքում է իր մասնակցությունը։   Նորա Վանյան  
18:06 - 12 ապրիլի, 2022
Ուկրաինան ստուգում է ռուսական ուժերի կողմից ֆոսֆորային զենք կիրառելու կասկածները
 |azatutyun.am|

Ուկրաինան ստուգում է ռուսական ուժերի կողմից ֆոսֆորային զենք կիրառելու կասկածները |azatutyun.am|

azatutyun.am: Ուկրաինայի պաշտպանության փոխնախարար Հաննա Մալյարն այսօր ասել է, որ զինվորականներն ուսումնասիրում են Մարիուպոլում անօդաչու թռչող սարքի հարձակումից հետո մի խումբ մարդկանց շնչառական և նյարդաբանական հիվանդությունների պատճառները։ Հեռուստատեսության հարցազրույցում նա այսօր ասել է, թե վարկած կա, որ դա կարող է ֆոսֆորային զենքի հարձակման հետևանք լինել։ Նա նշել է, որ պաշտոնական հաղորդագրություն ավելի ուշ կլինի։ Ֆոսֆորներ պարունակող զինատեսակը քիմիական զենք չի համարվում, այն հրկիզող զենքի տեսակ է, որի կիրառումը անօրինական չէ, բայց ամեն դեպքում Ժնևյան կոնվենցիաներով բնակչության դեմ ցանկացած զենքի օգտագործում արգելված է։ ԱՄՆ-ն և Բրիտանիան ասել են, որ կստուգեն ռուսական ուժերի կողմից նման զենք կիրառելու կասկածները։
17:05 - 12 ապրիլի, 2022
ՌԴ-ի գլխավոր նպատակը Ղրիմի և Դոնբասի միջև ցամաքային միջանցքի բացումն է. Մեծ Բրիտանիայի հետախուզություն |tert.am|

ՌԴ-ի գլխավոր նպատակը Ղրիմի և Դոնբասի միջև ցամաքային միջանցքի բացումն է. Մեծ Բրիտանիայի հետախուզություն |tert.am|

tert.am: Ուկրաինական պատերազմում Ռուսաստանի գլխավոր նպատակը Ղրիմի և Դոնբասի միջև ցամաքային միջանցքի բացումն է, ըստ բրիտանական հետախուզության։ Նշվում է, որ այդ փորձերին Ուկրաինայի ԶՈՒ դիմակայում է, գրում է korrespondent.net-ը: Նշվում է, որ ռուսական զորքերը դեռևս կենտրոնացած են Դոնբասում, Մարիուպոլում և Նիկոլաևում, ՌԴ ռազմածովային ուժերի աջակցությամբ, Ուկրաինայի տարածքում թևավոր հրթիռների արձակումները շարունակվում են։Բացի դրանից, ակնկալվում է, որ Ռուսաստանի ավիացիոն գործունեությունն Ուկրաինայի հարավում և արևելքում կավելանա:Ըստ Ուկրաինայի Զինված ուժերի Գլխավոր շտաբի ամփոփագրի՝ ռուսական զորքերը շարունակում են ուժեր տեղափոխել Դոնբաս՝ Ուկրաինայի զինված ուժերի դիրքերի վրա հետագա հարձակման համար։
12:28 - 09 ապրիլի, 2022
Բորիս Ջոնսոնը հայտարարել է Ուկրաինային ավելի շատ զենք ուղարկելու մասին

Բորիս Ջոնսոնը հայտարարել է Ուկրաինային ավելի շատ զենք ուղարկելու մասին

Մեծ Բրիտանիայի վարչապետ Բորիս Ջոնսոնը այսօր հայտարարել է Ուկրաինային 100 միլիոն ֆունտ ստերլինգ արժողությամբ զենք ուղարկելու մասին։ Այս մասին հաղորդել է BBC-ն։ Վարչապետն ասել է, որ Մեծ Բրիտանիան լրացուցիչ ռազմական տեխնիկա կուղարկի, ներառյալ «Starstreak» զենիթահրթիռային համակարգեր և 800 հակատանկային հրթիռներ։ Ջոնսոնն այս հայտարարությունը արել է այն բանից հետո, երբ տասնյակ մարդիկ են զոհվել Ուկրաինայի արևելքում մարդաշատ երկաթուղային կայարանը հրթիռակոծության հետևանքով։ Ելույթ ունենալով Գերմանիայի կանցլեր Օլաֆ Շոլցի հետ Դաունինգ Սթրիթում կայացած մամուլի ասուլիսի ժամանակ՝ Ջոնսոնը զգուշացրել է, որ Ռուսաստանը չի խուսափի պատժից Կրամատորսկ կայարանում տեղի ունեցած հարձակումից հետո։ «Ես գիտեմ, որ Մեծ Բրիտանիան և Գերմանիան նույն սարսափի և նողկանքի զգացումն ունեն այն դաժանությունից, որը սանձազերծվել է, ներառյալ այսօր առավոտյան իրենց տները լքող փախստականների անխիղճ ռմբակոծությունը»,- հայտարարել է Ջոնսոնը` հավելելով, որ «քաղաքացիների վրա հարձակվելը միանշանակ ռազմական հանցագործություն է, և Ռուսաստանի ռազմական հանցագործությունները Ուկրաինայում աչքաթող չեն արվի կամ անպատիժ չեն մնա»: Ջոնսոնը նշել է, որ Մեծ Բրիտանիան ճշգրիտ զինամթերք կուղարկի Ուկրաինային, որոնք «կարող են երկար մնալ երկնքում այնքան ժամանակ մինչև դեպի թիրախ ուղարկվելը», ինչպես նաև ավելի շատ սաղավարտներ, զրահաբաճկոններ և գիշերը տեսնելու համար նախատեսված սարքեր։ Միացյալ Թագավորության պաշտպանության նախարար Բեն Ուոլեսը հայտարարել է, որ Բրիտանիան Ուկրաինային կտրամադրի նաև զրահապատ «Մաստիֆ» մեքենաներ՝ Ռուսաստանի ներխուժման դեմ պայքարելու համար: Դրանք ծանր զրահամեքենաներ են, որոնք հարմար են ճանապարհային պարեկների և շարասյուների համար:   Լուսանկարը՝ PA Media-ի
22:03 - 08 ապրիլի, 2022
Ադրբեջանական կողմի գործողությունները վտանգում են տարածաշրջանային կայունությունը և անվտանգությունը. Սուրեն Պապիկյանը՝ ՀՀ-ում Միացյալ Թագավորության դեսպանին

Ադրբեջանական կողմի գործողությունները վտանգում են տարածաշրջանային կայունությունը և անվտանգությունը. Սուրեն Պապիկյանը՝ ՀՀ-ում Միացյալ Թագավորության դեսպանին

Ապրիլի 6-ին ՀՀ պաշտպանության նախարար Սուրեն Պապիկյանն ընդունել է Հայաստանի Հանրապետությունում Միացյալ Թագավորության արտակարգ և լիազոր դեսպան Ջոն Գալագերին: Այս մասին հաղորդում են Պաշտպանության նախարարությունից։ «Հայաստանի պաշտպանական գերատեսչության ղեկավարը ներկայացրել է իրադրությունը հայ-ադրբեջանական սահմանագոտում և Արցախում։ Նշելով, որ ադրբեջանական կողմի գործողությունները վտանգում են տարածաշրջանային կայունությունը և անվտանգությունը, Սուրեն Պապիկյանը շեշտադրել է իրավիճակի սրումը կանխելու ուղղությամբ միջազգային հանրության կողմից միջոցներ ձեռնարկելու անհրաժեշտությունը: Դեսպան Գալագերը հաստատել է, որ Միացյալ Թագավորությունն աջակցում է առկա լարվածության թուլացման և խաղաղ ճանապարհով խնդիրների կարգավորման ջանքերին՝ ԵԱՀԿ Մինսկի Խմբի ձևաչափով:   Զրուցակիցները քննարկել են նաև պաշտպանական բնագավառում երկկողմ համագործակցությանն առնչվող հարցեր, կարևորել փոխգործակցությունը ռազմակրթական, ուսումնավարժական և խաղաղապահ կարողությունների զարգացմանը նպաստող ոլորտներում»,- նշված է հաղորդագրության մեջ։
20:05 - 06 ապրիլի, 2022
ՄԹ-Հայաստան բարեկամական խմբի ղեկավարի գլխավորած պատվիրակությունն այցելել է Սյունիք

ՄԹ-Հայաստան բարեկամական խմբի ղեկավարի գլխավորած պատվիրակությունն այցելել է Սյունիք

44-օրյա պատերազմի ընթացքում ավելի քան 20 000 արցախցի ընտանիք տեղափոխվել է Սյունիքի մարզ: Տեղահանվածներից գրեթե 4 000-ն այս պահին էլ բնակվում է Սյունիքում: Շուշիից, Ասկերանից և Հադրութից տեղահանված շուրջ 248 ընտանիք է ապրում Տեղ համայնքում: Հենց նրանց հետ շփվելու նպատակով Միացյալ Թագավորության խորհրդարանի Մեծ Բրիտանիա-ՀՀ բարեկամական խմբի ղեկավար Թիմ Լոութընի գլխավորած պատվիրակության անդամներն ապրիլի 2-ին այցելել են Սյունիք: Պատվիրակությանն ուղեկցել են ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը, հանձնաժողովի անդամներ Մարիա Կարապետյանը, Սարգիս Խանդանյանը, Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ արտակարգ և լիազոր դեսպան Վարուժան Ներսեսյանը: ՏԻՄ ներկայացուցիչների հետ հանդիպման ընթացքում Գորիսի համայնքապետարանում Սյունիքի մարզպետ Ռոբերտ Ղուկասյանը ներկայացրել է 44-օրյա պատերազմից հետո Սյունիքի մարզում ստեղծված իրավիճակը և ընդգծել, որ միջազգային հանրությունը պետք է արտահայտի իր հստակ դիրքորոշումը կոնկրետ դեպքերի վերաբերյալ: «Լսեցինք պատերազմի բովով անցած այդ մարդկանց պատմությունները: Նրանց ուղերձները, նրանց ձայնը ցանկանում ենք տանել մեզ հետ խորհրդարան և ներկայացնել այն ամենն, ինչ տեղի է ունենում աշխարհի այս հատվածում»,- ասել է ՄԹ խորհրդարանի Մեծ Բրիտանիա-ՀՀ բարեկամական խմբի ղեկավար Թիմ Լոութընը: Մեծ Բրիտանիայի և Հյուսիսային Իռլանդիայի Միացյալ Թագավորության խորհրդարանի Լորդերի պալատի անդամ, բարոնուհի Քերոլայն Քոքսն էլ նշել է. «1991 թ. առաջին պատերազմից սկսած՝ ես ձեր կողքին եմ եղել: Տեսել եմ ձեզ հետ այն ողբերգություններն ու սարսափելի իրադարձությունները, որոնք տեղի են ունեցել այս տարիների ընթացքում: Տեսել եմ, թե պատերազմում ինչպիսի հանցագործություններ են կատարվել Ադրբեջանի կողմից: Մենք գիտենք, որ դուք շատ եք տառապել: Միշտ հիացել եմ հայ ժողովրդով, դուք ամեն անգամ վերածնվում եք մոխիրների միջից: Դուք միշտ կլինեք իմ սրտում ու աղոթքներում: Ես ձեր կողքին եմ»: Կողմերը համոզված են, որ բարեկամական խմբի այցը Հայաստան նոր խթան կհանդիսանա բազմակողմ հարթակներում համապարփակ համագործակցության ընդլայնման համար:
10:41 - 06 ապրիլի, 2022
Ամենայն Հայոց Կաթողիկոսն ընդունել է ՄԹ խորհրդարանի Մեծ Բրիտանիա-ՀՀ բարեկամական խմբի անդամներին

Ամենայն Հայոց Կաթողիկոսն ընդունել է ՄԹ խորհրդարանի Մեծ Բրիտանիա-ՀՀ բարեկամական խմբի անդամներին

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ապրիլի 4-ին Մայր Աթոռ Սուրբ Էջմիածնում ընդունել է Միացյալ Թագավորության խորհրդարանի Մեծ Բրիտանիա-Հայաստանի Հանրապետություն բարեկամական խմբի անդամներին՝ գլխավորությամբ խմբի ղեկավար Թիմ Փոլ Լոութընի։   Ինչպես հայտնում են Մայր Աթոռի տեղեկատվական համակարգից, հանդիպմանը ներկա է գտնվել նաև Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ արտակարգ և լիազոր դեսպան Վարուժան Ներսեսյանը։   Ողջունելով ՄԹ Մեծ Բրիտանիա-Հայաստան բարեկամական խմբի պատվիրակության այցը Հայաստան՝ Ամենայն Հայոց Կաթողիկոսն իր գնահատանքն է բերել ներկաներին Արցախի ժողովրդի իրավունքների պաշտպանության գործում աջակցության և մշտական ուշադրության համար։   Նորին Սրբությունն իր մտահոգություններն է հայտնել Արցախի ժողովրդի խաղաղ ապրելու իրավունքի դեմ նոր ոտնձգությունների և շարունակվող ռազմական գործողությունների, ինչպես նաև հայկական պատմական հոգևոր-մշակութային ժառանգության պահպանության խնդիրների առնչությամբ։ Հայոց Հայրապետը կարևոր է նկատել միջազգային հանրության հետևողական ջանքերը գերության մեջ գտնվողների վերադարձման ուղղությամբ։ Ամենայն Հայոց Կաթողիկոսը նաև գոհունակությամբ արձանագրել է ՄԹ Մեծ Բրիտանիա-ՀՀ բարեկամական խմբի և Մեծ Բրիտանիայի հայկական համայնքի միջև ձևավորված սերտ գործակցությունը։   Իր խոսքում խմբի նախագահ Թիմ Փոլ Լոութընը կարևորել է ջանքերի գործադրումը հանուն Արցախում խաղաղության հաստատման և արցախահայության ապահով կյանքի իրավունքի, նաև պատրաստակամություն հայտնել  այս կապակցությամբ Մեծ Բրիտանիայի խորհրդարանում իր աջակցությունը բերելու հայ ժողովրդին։   Այցի առիթով Ամենայն Հայոց Հայրապետն իր մասնավոր գնահատանքն է հայտնել Մեծ Բրիտանիայի Լորդերի պալատի անդամ ու նախկին փոխխոսնակ բարոնուհի Քերոլայն Քոքսին՝ միջազգային տարբեր ատյաններում արցախահայության ազատ ու անկախ կյանքի իրավունքի պաշտպանության և Արցախին մշտապես ցուցաբերվող զորակցության համար։   Զրույցի ընթացքում ՄԹ Մեծ Բրիտանիա-Հայաստան բարեկամական խմբի և Լորդերի պալատի անդամ, Անգլիական Եկեղեցու Քովենթրիի եպիսկոպոս Քրիստոֆեր Ջոն Բոքսվորթը Նորին Սրբությանը փոխանցել է Քենթրբերիի արքեպիսկոպոս Ջասթին Ուելբիի ողջույնները։ Քովենթրիի եպիսկոպոսը նաև հետաքրքրվել է Ադրբեջանի վերահսկողության ներքո հայտնված տարածքներում հայկական հոգևոր-մշակութային ժառանգության վիճակի մասին։ Վեհափառ Հայրապետը տեղեկություններ է փոխանցել Մայր Աթոռի՝ Արցախի հոգևոր-մշակութային ժառանգության հարցերով գրասենյակի կողմից սրբավայրերի պահպանության ուղղությամբ տարվող աշխատանքների վերաբերյալ։
17:08 - 05 ապրիլի, 2022
Վարչապետն ընդունել է ՄԹ խորհրդարանի  Մեծ Բրիտանիա-Հայաստան բարեկամական խմբի ղեկավարի գլխավորած պատվիրակությանը

Վարչապետն ընդունել է ՄԹ խորհրդարանի Մեծ Բրիտանիա-Հայաստան բարեկամական խմբի ղեկավարի գլխավորած պատվիրակությանը

Վարչապետ Նիկոլ Փաշինյանն ընդունել է Միացյալ Թագավորության խորհրդարանի  Մեծ Բրիտանիա-Հայաստան բարեկամական խմբի ղեկավար Թիմ Լոութընի գլխավորած պատվիրակությանը:  Վարչապետը կարևորել է պատվիրակության այցը Հայաստան և հույս հայտնել, որ այն նոր ազդակ կհաղորդի հայ-բրիտանական հարաբերությունների հետագա զարգացմանը, այդ թվում՝ միջխորհրդարանական ասպարեզում: Նիկոլ Փաշինյանը նշել է, որ ՀՀ կառավարությունը շահագրգիռ է ընլայնելու փոխգործակցությունը Մեծ Բրիտանիայի հետ քաղաքական, տնտեսական, մշակութային և այլ ուղղություններով: Թիմ Լոութընը համոզմունք է հայտնել, որ խորհրդարանական մակարդակով համագործակցությունն առաջիկայում կշարունակի ամրապնդվել և իրենք կներդնեն բոլոր ջանքերը՝ նպաստելու երկկողմ քաղաքական ու տնտեսական կապերի խորացմանը: Նա կարևորել է մեր երկրում իրականացվող ժողովրդավարական բարեփոխումներն ու համոզմունք հայտնել, որ դրանց արդյունավետ իրականացումը կնպաստի Հայաստանի հետագա առաջընթացին: Անդրադարձ է կատարվել Հարավային Կովկասում, մասնավորապես, Լեռնային Ղարաբաղի շուրջ ստեղծված իրավիճակին:  Վարչապետ Փաշինյանն իր դիտարկումներն է ներկայացրել Լեռնային Ղարաբաղի շուրջ տեղի ունեցող գործընթացների վերաբերյալ և ընդգծել միջազգային հանրության համարժեք արձագանքի կարևորությունը՝ Ադրբեջանի կողմից իրականացվող ապակառուցողական գործողություններին: Կառավարության ղեկավարն անդրադարձել է Արցախում ադրբեջանական գործողությունների հետևանքով առաջացող հումանիտար խնդիրներին, Ադրբեջանի զինված ուժերի վերահսկողության տակ անցած տարածքներում հայկական մշակութային ժառանագության ոչնչացման քայլերին, Հայաստանի և Ադրբեջանի միջև սահմանագծման և սահմանազատման, տարածաշրջանային   ապաշարջափակման հնարավորություններին, ինչպես նաև հայ-թուրքական երկխոսությանը:
17:21 - 04 ապրիլի, 2022
ԱԳ նախարարը և ՀՀ-ՄԹ խորհրդարանական բարեկամական խմբի անդամները քննարկել են ԼՂ հակամարտության գոտում ստեղծված իրավիճակը

ԱԳ նախարարը և ՀՀ-ՄԹ խորհրդարանական բարեկամական խմբի անդամները քննարկել են ԼՂ հակամարտության գոտում ստեղծված իրավիճակը

Ապրիլի 4-ին ՀՀ ԱԳ նախարար Արարատ Միրզոյանն ընդունել է Մեծ Բրիտանիայի Համայնքների պալատի՝ Հայաստան-Մեծ Բրիտանիա խորհրդարանական բարեկամական խմբի պատվիրակությանը, որը գլխավորում էր խմբի ղեկավար Թիմ Լոութընը։ Հանդիպման ընթացքում զրուցակիցները կարևորել են Հայաստանի և Միացյալ Թագավորության միջև հարաբերությունների հետագա խորացումը և ամրապնդումը՝ այս գործում շեշտելով նաև խորհրդարանական դիվանագիտության դերը։Անդրադարձ է կատարվել Հայաստանում իրականացվող բարեփոխումների գործընթացին: Այս համատեքստում բրիտանացի խորհրդարանականները բարձր են գնահատել Հայաստանի կողմից գրանցած ժողովրդավարական առաջընթացը: Արարատ Միրզոյանը վերահաստատել է ՀՀ կառավարության հանձնառությունը՝ շարունակելու ժողովրդավարության ամրապնդման, օրենքի գերակայության, մարդու իրավունքների պաշտպանության և կոռուպցիայի դեմ անզիջում պայքարի գործընթացը, և այս համատեքստում գնահատել է Միացյալ Թագավորության աջակցությունը։ Կողմերը քննարկել են Լեռնային Ղարաբաղի հակամարտության գոտում և Հայաստան-Ադրբեջան սահմանագոտում ստեղծված իրավիճակը։ Նախարար Միրզոյանը մանրամասն ներկայացրել է արդբեջանական զինված ուժերի կողմից Լեռնային Ղարաբաղի Փառուխ գյուղ ներխուժման, քաղաքացիական բնակչության և ենթակառուցվածքների թիրախավորման, Արցախում հումանիտար ճգնաժամ ստեղծելուն ուղղված գործողությունները, Ադրբեջանի վերահսկողության տակ անցած տարածքներում հայկական մշակութային ու կրոնական ժառանգության պաշտպանության հետ կապված խնդիրները: Արարատ Միրզոյանը կարևորել է բրիտանացի խորհրդարանականների ջանքերը՝ ուղղված 44-օրյա պատերազմի ընթացքում ադրբեջանական զինված ուժերի իրականացրած մարդու իրավունքների խախտումների և վերջին շրջանում Հայաստանի հետ սահմանագոտում և Լեռնային Ղարաբաղում Ադրբեջանի ագրեսիվ գործողությունների և դրանց մարդասիրական հետևանքների դատապարտմանը և Լեռնային Ղարաբաղի ժողովրդի իրավունքների պաշտպանության սատարմանը։ Անդրադարձ է կատարվել Հայաստանի և Ադրբեջանի միջև համապարփակ խաղաղության պայմանագրի շուրջ բանակցություններին։ ՀՀ ԱԳ նախարարը շեշտել է ԵԱՀԿ Մինսկի խմբի ձևաչափի շրջանակներում բանակցություններ սկսելու կարևորությունը՝ ուղղված համապարփակ վերջնական կարգավորմանը, ներառյալ` Լեռնային Ղարաբաղի կարգավիճակի հստակեցումը։ Հյուրերի խնդրանքով՝ նախարար Միրզոյանն անդրադարձել է նաև Հայաստան-Թուրքիա հարաբերությունների կարգավորման գործընթացին:    
16:23 - 04 ապրիլի, 2022