Սերգեյ Շոյգու

Շոյգուն հայտարարել է Բելառուսին միջուկային հրթիռներ օգտագործող «Իսկանդեր» փոխանցելու մասին |news.am|

news.am: Բելառուսի զինված ուժերը ստացել են «Իսկանդեր-Մ» օպերատիվ-մարտավարական հրթիռային համակարգ, որը կարող է օգտագործել միջուկային հրթիռներ, սկսվել է բելառուսական հաշվարկների ուսուցումը այն կիրառելու վերաբերյալ, երեքշաբթի ասել է ՌԴ պաշտպանության նախարար Սերգեյ Շոյգուն, հաղորդում է ՏԱՍՍ-ը։ «Բելառուսի զինված ուժերը ստացել են «Իսկանդեր-Մ» օպերատիվ-մարտավարական հրթիռային համակարգը։Այն կարող է օգտագործել ինչպես սովորական, այնպես էլ միջուկային հրթիռներ»,- ՌԴ ԶՈւ ղեկավարության հետ թեմատիկ խորհրդակցության ժամանակ ասել է Շոյգուն։ «Ապրիլի 3-ից ռուսական զորափորձարաններից մեկում սկսվել է բելառուսական հաշվարկների ուսուցումը այն կիրառելու վերաբերյալ Միութենական պետության պաշտպանության համար»,- հավելել է նախարարը։

14:43 - 04 ապրիլի, 2023

Սերգեյ Շոյգուն և Հուլուսի Աքարը քննարկել են Լեռնային Ղարաբաղի հակամարտության կարգավորմանն առնչվող հարցեր |tert.am|

tert.am: Այսօր՝ մարտի 22-ին, հեռախոսազրույց է տեղի ունեցել Ռուսաստանի Դաշնության պաշտպանության նախարար Սերգեյ Շոյգուի և Թուրքիայի Հանրապետության Ազգային պաշտպանության նախարար Հուլուսի Աքարի միջև։ Այս մասին հայտնում է Gazeta.ru պարբերականը: Հեռախոսազրույցի ընթացքում ի թիվս այլ հարցերի կողմերը քննարկել են նաև Լեռնային Ղարաբաղի հակամարտության կարգավորմանն առնչվող հարցեր: Հեռախոսազրույցը տեղի է ունեցել Թուրքական կողմի նախաձեռնությամբ։

21:06 - 22 մարտի, 2023

Շոյգուն ու Օսթինը քննարկել են Սև ծովի օդային տարածքում տեղի ունեցած միջադեպը

Մարտի 15-ին հեռախոսազրույց են ունեցել ՌԴ եւ ԱՄՆ պաշտպանության նախարարներ Սերգեյ Շոյգուն ու Լլոյդ Օսթինը։ Կողմերը քննարկել են մարտի 14-ի առավոտյան Սև ծովի օդային տարածքում տեղի ունեցած միջադեպը։ Հիշեցնենք, որ ամերիկյան կողմը ավելի վաղ հայտնել էր, որ ռուսական Սու-27 կործանիչը Սև ծովի վրա բախվել է ամերիկյան MQ-9 անօդաչու թռչող սարքին։ Պենտագոնից նշել էին, որ միջադեպը տեղի է ունեցել «ռուս օդաչուների անխոհեմ և ոչ պրոֆեսիոնալ գործողությունների հետևանքով»: Ռուսական կողմը իր հերթին տարածել էր հաղորդագրություն՝ նշելով, որ ամերիկյան կողմից թռիչքն իրականացվել է անջատված հաղորդիչներով` խախտելով հատուկ ռազմական գործողության նպատակով հաստատված «օդային տարածքի օգտագործման» ժամանակավոր ռեժիմի սահմանները։ Ռուսական ՏԱՍՍ գործակալության փոխանցմամբ՝ Շոյգուն Օսթինի հետ զրույցում նշել է՝ միջադեպի պատճառն այն է, ամերիկյան ԱԹՍ-ն մտել է ՌԴ կողմից սահմանված թռիչքների արգելման գոտի։ Շոյգուն ընդծել է՝ «Ղրիմի ափերի մոտ ամերիկյան անօդաչու թռչող սարքերի հայտնվելը սադրիչ բնույթ է կրում, ինչը նախադրյալներ է ստեղծում իրավիճակի սրման համար»։ ՌԴ պաշտպանական գերատեսչության ղեկավարը նշել է, որ «Ռուսաստանը հետաքրքրված չէ իրադարձությունների նման զարգացմամբ, սակայն կշարունակի համաչափ արձագանքել բոլոր սադրանքներին»։ Հեռախոսազրույցից հետո Լլոյդ Օսթինը ասել է, որ «ԱՄՆ-ն շատ լուրջ է վերաբերում հնարավոր էսկալացիայի ռիսկին, այդ իսկ պատճառով կարևոր է բաց պահել հաղորդակցության ուղիները»: «Ինչպես ես բազմիցս ասել եմ, կարևոր է, որ մեծ տերությունները լինեն թափանցիկության և հաղորդակցության մոդելներ, և Միացյալ Նահանգները կշարունակի թռչել և գործել այնտեղ, որտեղ թույլ է տալիս միջազգային իրավունքը», - ասել է Օսթինը: Նախարարների զրույցից հետո հեռախոսազրույց են ունեցել նաև ԱՄՆ Զինված ուժերի շտաբերի պետերի միացյալ կոմիտեի նախագահ, գեներալ Մարք Միլլին և ՌԴ ԶՈւ գլխավոր շտաբի պետ գենելալ Վալերի Գերասիմովը: Կողմերը քննարկել են «անհանգստություն առաջացնող անվտանգային որոշ հարցեր»։

10:16 - 16 մարտի, 2023

Սուրեն Պապիկյանը և Սերգեյ Շոյգուն քննարկել են պաշտպանական համագործակցությանն առնչվող մի շարք հարցեր

ՀՀ պաշտպանության նախարար Սուրեն Պապիկյանն այսօր հեռախոսազրույց է ունեցել ՌԴ պաշտպանության նախարար Սերգեյ Շոյգուի հետ։ Ինչպես տեղեկացնում են ՀՀ ՊՆ-ից, հեռախոսազրույցի ընթացքում քննարկվել են տարածաշրջանային անվտանգությանը, երկկողմ հետաքրքրություն ներկայացնող, ինչպես նաև պաշտպանական համագործակցությանն առնչվող մի շարք հարցեր։

15:47 - 10 փետրվարի, 2023

Ռուսական զորքերը շարունակում են մնալ Ղարաբաղում խաղաղության պահպանման հիմնական երաշխավորը. Շոյգու

Ռուսական զորքերը շարունակում են մնալ Սիրիայում և Ղարաբաղում խաղաղության պահպանման հիմնական երաշխավորը:Այս մասին հայտարարել է ՌԴ պաշտպանության նախարար Սերգեյ Շոյգուն՝ գերատեսչության կոլեգիայի ընդլայնված նիստում:Հիշեցնենք, որ 2020-ի նոյեմբերի 9-ին Ռուսաստանի, Հայաստանի և Ադրբեջանի ղեկավարների հայտարարության համաձայն Լեռնային Ղարաբաղում շփման գծի երկայնքով և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմ՝ թվով 1960 զինծառայող՝ հրաձգային զենքով, 90 զրահավոր փոխադրիչ մեքենա, 380 միավոր ավտոմոբիլային և հատուկ տեխնիկա:

17:30 - 21 դեկտեմբերի, 2022

Ստորագրվել է ՀՀ և ՌԴ պաշտպանության նախարարությունների միջև ռազմական համագործակցության 2023թ. ծրագիրը․ ՊՆ

Ռուսաստանի Դաշնություն կատարած աշխատանքային այցի շրջանակում դեկտեմբերի 9-ին ՀՀ պաշտպանության նախարար Սուրեն Պապիկյանը մասնակցել է ՇՀԿ և ԱՊՀ երկրների պաշտպանության նախարարների համատեղ հանդիպմանը, որտեղ ներկայացրել է ադրբեջանական վերջին ռազմական ագրեսիայի հետևանքով տարածաշրջանում ստեղծված իրադրությունը: Այս մասին հայտնում են ՀՀ ՊՆ-ից։ Այնուհետև տեղի է ունեցել ՀՀ պաշտպանության նախարար Սուրեն Պապիկյանի և ՌԴ պաշտպանության նախարար, բանակի գեներալ Սերգեյ Շոյգուի հանդիպումը: Հանդիպման ընթացքում քննարկվել են տարածաշրջանային անվտանգությանն առնչվող, ինչպես նաեւ ռազմական և ռազմատեխնիկական համագործակցության մի շարք ընթացիկ հարցեր: Հանդիպման ավարտին ստորագրվել է ՀՀ և ՌԴ պաշտպանության նախարարությունների միջև ռազմական համագործակցության 2023թ. ծրագիրը:

16:16 - 09 դեկտեմբերի, 2022

Հայաստանը ՌԴ-ի առանցքային ռազմավարական գործընկերն է Անդրկովկասում. Շոյգու |armenpress.am|

armenpress.am: ՌԴ պաշտպանության նախարար Սերգեյ Շոյգուն աշխատանքային հանդիպում է ունեցել ՀՀ պաշտպանության նախարար Սուրեն Պապիկյանի հետ Շանհայի համագործակցության կազմակերպության անդամ երկրների և Անկախ Պետությունների Համագործակցության մասնակիցների պաշտպանական գերատեսչությունների ղեկավարների հանդիպման շրջանակներում։ Այս մասին հայտնում է ՏԱՍՍ գործակալությունը: «Հայաստանը մեր դաշնակիցն է ՀԱՊԿ-ի գծով և առանցքային ռազմավարական գործընկերն Անդրկովկասում: Մենք չափազանց շահագրգռված ենք տարածաշրջանում կայունության պահպանման հարցում և դրա համար գործադրում ենք առավելագույն ջանքերը: Մենք առանձնահատուկ կարևորում ենք երկկողմ համագործակցության զարգացումը և Հայաստանի զինված ուժերի ներուժը բարձրացնելու գործում աջակցության ցուցաբերումը»,- ասել է Սերգեյ Շոյգուն: Հանդիպման ընթացքում պաշտպանության գերատեսչությունների ղեկավարները հաստատել են երկու երկրների պաշտպանության նախարարությունների 2023 թվականի համագործակցության ծրագիրը։ ՌԴ ռազմական գերատեսչության ղեկավարը նաև ընդգծել է, որ ռուսական կողմը պատրաստ է շարունակել համատեղ աշխատանքը։ Իր հերթին, ՀՀ պաշտպանության նախարար Սուրեն Պապիկյանը նշել է, որ սա այս տարվա չորրորդ հանդիպումն է։ Այսօրվա բանակցությունները տեղի են ունենում ԱՊՀ և ՇՀԿ երկրների պաշտպանության նախարարների հանդիպման շրջանակներում։ «Մենք բարձր ենք գնահատում գագաթնաժողովը կազմակերպելու ձեր նախաձեռնությունն ու ջանքերը: Դեկտեմբերը ճիշտ ժամանակն է արդյունքների ամփոփման և ապագայի ծրագրերի շուրջ խորհելու համար, այսօր մենք կստորագրենք 2023 թվականի պլանը», - ասել է Սուրեն Պապիկյանը: Այսօր Մոսկվայում տեղի է ունեցել ՇՀԿ անդամ երկրների և ԱՊՀ մասնակիցների պաշտպանության նախարարների հանդիպումը, որի ընթացքում տեսակոնֆերանսի միջոցով ելույթ է ունեցել Չինաստանի Ժողովրդական Հանրապետության պաշտպանության նախարար, գեներալ-գնդապետ Վեյ Ֆենհեն։ Հանդիպման ընթացքում պաշտպանության գերատեսչությունների ղեկավարները քննարկել են միջազգային և տարածաշրջանային անվտանգությունը, ինչպես նաև պաշտպանության և անվտանգության ոլորտում համագործակցության հետագա ամրապնդումը։ Հանդիպման արդյունքում ստորագրվել է համատեղ կոմյունիկե։

15:47 - 09 դեկտեմբերի, 2022

Ռուսաստանի և Թուրքիայի պաշտպանության նախարարները հեռախոսազրույց են անցկացրել |armenpress.am|

armenpress.am: Ռուսաստանի դաշնության պաշտպանության նախարար Սերգեյ Շոյգուն և Թուրքիայի ազգային պաշտպանության նախարար Հուլուսի Աքարը հեռախոսազրույց են անցկացրել: Այս մասին հայտնում է Hurriyet-ը: Կողմերը հեռախոսազրույցի ժամանակ անդրադարձել են տարածաշրջանային անվտանգային հարցերի, մասնավորապես՝ Սիրիայի հյուսիսում տիրող իրավիճակին: Զրույցի ժամանակ քննարկվող թեմաներից է եղել նաև Սև ծովով գյուղմթերքի փոխադրման մասին «հացահատիկային միջանցք»-ի համաձայնագիրը:

13:43 - 25 նոյեմբերի, 2022

Պապիկյանն ու Շոյգուն մտքեր են փոխանակել պաշտպանական համագործակցությանը վերաբերող մի շարք հարցերի շուրջ

Նոյեմբերի 23-ին Երևանում անցկացվել է Հավաքական անվտանգության պայմանագրի կազմակերպության հավաքական անվտանգության խորհրդի նստաշրջանը՝ ՀԱՊԿ անդամ պետությունների ազգային անվտանգության խորհուրդների քարտուղարների, արտաքին գործերի և պաշտպանության նախարարների մասնակցությամբ։ ՀՀ պաշտպանության նախարար Սուրեն Պապիկյանը ֆեյսբուքյան էջում տեղեկացրել է, որ նիստից անմիջապես հետո կարճ առանձնազրույց է ունեցել Ռուսաստանի Դաշնության պաշտպանության նախարարի հետ։ «Սերգեյ Շոյգուի հետ մտքեր ենք փոխանակել երկկողմ հետաքրքրություն ներկայացնող, ինչպես նաև պաշտպանական համագործակցությանը վերաբերող մի շարք հարցերի վերաբերյալ»,- գրել է նա։

08:11 - 24 նոյեմբերի, 2022

ՌԴ զորքը դուրս է գալիս Խերսոնից՝ տեղակայվելով Դնեպրի ձախ ափին |tert.am|

tert.am: ՌԴ պաշտպանության նախարար Սերգեյ Շոյգուն համաձայնել է Ուկրաինայում ՌԴ հատուկ ռազմական գործողության հրամանատար Սերգեյ Սուրովիկինի՝ Խերսոնի մարզը Դնեպր գետի ձախ ափից պաշտպանելու առաջարկին։ Այս մասին հայտնում է ՌԻԱ Նովոստի գործակալությունը։ «Համակողմանի գնահատելով իրադրությունը՝ առաջարկվում է պաշտպանությունն իրականացնել Դնեպրի ձախ ափից։ Հասկանում եմ, որ դա հեշտ որոշում չէ։ Միևնույն ժամանակ մենք պահպանում ենք ամենակարևորը՝ մեր զինծառայողների կյանքն ու զորախմբերի անվտանգությունը, որը գետի աջ ափին պահելը անհեռանկարային է։ Բացի այդ, ազատվում են միջոցներ և ուժեր, որոնք կարող են ակտիվ գործողությունների մասնակցել գործողության այլ ուղղություններով»,- ասել է Սուրովիկինը։ «Շարունակեք զորքերի դուրսբերումը և ձեռնարկեք բոլոր միջոցները՝ ապահովելու համար անձնակազմի, զենքի և տեխնիկայի անվտանգ տեղափոխումը Դնեպր մյուս ափ»,- կարգադրել է նախարարը: Նշենք, որ Խերսոնը գտնվում է Դնեպր գետի աջ ափին։

19:52 - 09 նոյեմբերի, 2022

Շոյգուն Պուտինին զեկուցել է ՌԴ-ում մասնակի զորահավաքի ավարտի մասին |tert.am|

tert.am: ՌԴ պաշտպանության նախարար Սերգեյ Շոյգուն ՌԴ նախագահ Վլադիմիր Պուտինին զեկուցել է մասնակի զորահավաքի ավարտի մասին։ Այս մասին հայտնում է ՏԱՍՍ-ը։ «Զորակոչվել ու զորքին է միացել գործադիր իշխանության 1300 ներկայացուցիչ, 27 հազար ձեռնարկատեր, 13 հազար քաղաքացի, չսպասելով ծանուցագրի, իր պարտքը կատարելու ցանկություն է հայտնել որպես կապավոր։ Զորակոչված քաղաքացիների միջին տարիքը 35 տարեկանն է»,-ասել է նա։ ՌԴ պաշտպանական գերատեսչության ղեկավարը նշել է, որ այս պահին 218 հազար մարդ նախնական պատրաստություն է անցնում։ Ուսումնական փուլն ավարտել ու Ուկրաինա՝ հատուկ ռազմական գործողությանը մասնակցելու է մեկնել 82 հազար մարդ։

18:49 - 28 հոկտեմբերի, 2022

Շոյգու-Աքար հեռախոսազրույց է կայացել |azatutyun.am|

azatutyun.am: Այսօր հեռախոսազրույց է կայացել Ռուսաստանի և Թուրքիայի պաշտպանության նախարարների միջև: Ռուսաստանի ռազմական գերատեսչության հաղորդագրության համաձայն՝ Սերգեյ Շոյգուն և Հուլուի Աքարը քննարկել են իրավիճակը Ուկրաինայում: «Բանակի գեներալ Սերգեյ Շոյգուն թուրք գործընկերոջն է փոխանցել իր մտահոգությունը Ուկրաինայի կողմից «կեղտոտ ռումբի» գործադրման միջոցով հնարավոր սադրանքների կապակցությամբ»,- ասված է հաղորդագրությունում: Շարունակությունը՝ սկզբնաղբյուր կայքում

17:25 - 23 հոկտեմբերի, 2022

Հեռախոսազրույց են ունեցել ՌԴ-ի և ԱՄՆ-ի պաշտպանության նախարարները |azatutyun.am|

azatutyun.am: Ուրբաթ օրը Ռուսաստանի պաշտպանության նախարար Սերգեյ Շոյգուն հեռախոսազրույց է ունեցել ամերիկացի պաշտոնակից Լլոյդ Օսթինի հետ, քննարկվել է Ուկրաինայում տիրող իրավիճակը, միջազգային անվտանգությունը, հայտնում է ՌԴ ռազմական գերատեսչության մամլո ծառայությունը` առանց հավելյալ մանրամասների: Հեռախոսազրույցի մասին Պենտագոնը առայժմ չի հաղորդել։ Երկու երկրների պաշտպանության նախարարները վերջին անգամ հեռախոսազրույց էին ունեցել այս տարվա մայիսին, այդ զրույցի ընթացքում ևս քննարկվել է Ուկրաինայում տիրող իրավիճակը։

17:51 - 21 հոկտեմբերի, 2022

Շոյգուն հանձնարարել է սկսել մասնակի մոբիլիզացիայի մասին հրամանի կատարումը

ՌԴ պաշտպանության նախարար Սերգեյ Շոյգուն գերատեսչության կոլեգիայի նիստում հանձնարարել է շարունակել մասնակի զորահավաքի մասին նախագահի հրամանագրի կատարումը, փոխանցում է ՌԻԱ Նովոստին։ «Ստորագրել եմ հրահանգը, սահմանվել են բոլոր սուբյեկտների առաջադրանքները, տրվել են Գլխավոր շտաբի հանձնարարականները զորքերում և զինված ուժերում զորահավաքային միջոցառումների անցկացման կարգի վերաբերյալ»,- ասել է նախարարը։ Հիշեցնենք՝ Ռուսաստանի նախագահ Վլադիմիր Պուտինը ավելի վաղ մասնակի զորահավաք անցկացնելու մասին հրամանագիր էր ստորագրել։ Սերգեյ Շոյգուն նշել էր, որ խոսքը 300 հազար պահեստազորայինի մասին է։

15:07 - 21 սեպտեմբերի, 2022

Ըստ Շոյգուի՝ Ռուսաստանը Ուկրաինայում պատերազմից ի վեր ունի 5 937 զոհ

Մենք ունենք մոբիլիզացիոն հսկայական ռեսուրս։ Այս մասին հայտարարեց ՌԴ պաշտպանության նախարար Սերգեյ Շոյգուն՝ անդրադառնալով Կրեմլի որոշմանը՝ երկրում մասնակի զորահավաք հայտարարելու վերաբերյալ։ Նա նշեց, որ մոտ 25 միլիոն են նրանք, ովքեր ծառայել են, ունեն մարտական փորձ, զինվորական մասնագիտություն․ «Սա մասնակի մոբիլիզացիա է՝ 1 տոկոս, մի քիչ ավելի... 300 հազար պահեստազորայինի մասին է խոսքը, որոնք զորակոչվելու են»։ Շոյգուն հավելեց, որ ուսանողների մոբիլիզացիայի մասին խոսք չկա եւ ոչ մի պարագայում չի լինելու։ Նաև զորահավաքի և հատուկ գործողության գոտի ուղղորդման ենթակա չեն նրանք, ովքեր ներկայումս ծառայում են զորակոչով։ Նա նշեց, որ մոբիլիզացիայի ենթակա չեն մարդիկ, որոնք երբեք չեն տեսել կամ լսել բանակի մասին․ «Ենթակա են նրանք, ովքեր ծառայել են, ունեն զինվորական մասնագիտություն, այսինքն՝ այն մասնագիտությունը, որն այսօր անհրաժեշտ է զինված ուժերում, ունեն մարտական փորձ»։ Ռուսաստանի պաշտպանության նախարարը նաև ասաց, որ Կիևում է փաստացի գտնվում Արևմտյան 150 ռազմական մասնագետներից բաղկացած հրամանատարություն։ «Վերջին խումբը, որը ժամանել է՝ և՛ նախկին զինվորականներ, և՛ ներկա զինվորականներ, 150 հոգի են: Սա իրականում ամբողջ հրամանատարությունն է: Կիևում է Արևմուտքի հրամանատարությունը, որը ղեկավարում է այս բոլոր գործերը, գործողությունները»։ Խոսելով կորուստների մասին՝ Շոյգուն հայտարարեց, որ Ուկրաինայում «հատուկ ռազմական գործողության» ընթացքում (Ռուսաստանի՝ Ուկրաինայում սկսած պատերազմը ՌԴ-ն այսպես է անվանում) Ռուսաստանը ունի 5 937 զոհ։ Նա ներկայացրեց նաև ուկրաինական կողմի կորուստները․ «Սկզբնական փուլում Ուկրաինայի զինված ուժերը կազմել են 201-202 հազար մարդ։ Այս ընթացքում նրանք կորցրել են ավելի քան 100 հազարը՝ 61 207 զոհ, 49 368 վիրավոր»։ Ըստ ՌԴ ՊՆ ղեկավարի՝ «դաշնակից ուժերը լիկվիդացրել են ավելի քան երկու հազար վարձկանների, որոնք կռվում էին Ուկրաինայի կողմից»։ Նա նշեց, որ այժմ Ուկրաինայի զինված ուժերում մնացել են հազարից մի փոքր ավելի օտարերկրյա զինվորներ։

12:28 - 21 սեպտեմբերի, 2022

Շոյգուն հեռախոսազրույց է ունեցել Ադրբեջանի ԶՈՒ ԳՇ պետի հետ |azatutyun.am|

azatutyun.am: Ռուսաստանի պաշտպանության նախարար Սերգեյ Շոյգուն հինգշաբթի օրը հեռախոսազրույց է ունեցել Ադրբեջանի զինված ուժերի գլխավոր շտաբի պետ Քերիմ Վելիևի հետ: Ռուսաստանի ռազմական գերատեսչության՝ ուշ երեկոյան տարածած հաղորդագրության համաձայն, զրուցակիցները քննարկել են տարածաշրջանում ընթացիկ իրադրությունը: Նույն օրը Ռուսաստանի պաշտպանության նախարարը հեռախոսազրույց է ունեցել հայաստանցի գործընկեր Սուրեն Պապիկյանի հետ:

10:27 - 16 սեպտեմբերի, 2022