Տաջիկստան

Տաջիկստանը պետություն է Կենտրոնական Ասիայում։ Սահմանակցում է Ուզբեկստանին, Ղրղզստանին, Չինաստանին և Աֆղանստանին։ Նախկին խորհրդային հանրապետություն է, անկախացել է 1991 թվականին։ ԱՊՀ անդամ է։

Նիկոլ Փաշինյանի նախագահությամբ տեղի է ունեցել ՀԱՊԿ Հավաքական անվտանգության խորհրդի արտահերթ նիստ

Նիկոլ Փաշինյանի նախագահությամբ տեղի է ունեցել ՀԱՊԿ Հավաքական անվտանգության խորհրդի արտահերթ նիստ

Վարչապետ Նիկոլ Փաշինյանի նախագահությամբ տեղի է ունեցել ՀԱՊԿ Հավաքական անվտանգության խորհրդի արտահերթ նիստ, որն անցկացվել է տեսակոնֆերանսի ձևաչափով: Այս մասին հայտնում են ՀՀ կառավարությունից։ Նիստին մասնակցել են նաև Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, Տաջիկստանի նախագահ Էմոմալի Ռահմոնը և ՀԱՊԿ գլխավոր քարտուղար Ստանիսլավ Զասը:Նիստում քննարկվել են Հավաքական անվտանգության խորհրդի ս/թ սեպտեմբերի 13-ի նիստին ընդունված արձանագրային որոշմամբ Հայաստան ուղարկված առաքելության աշխատանքի արդյունքում ՀԱՊԿ գլխավոր քարտուղարի զեկույցը: Նիստի ընթացքում ՀՀ վարչապետը նշել է, որ գլխավոր քարտուղարի զեկույցը մեծապես արտահայտում է առկա իրողությունները, մասնավորապես ադրբեջանական ստորաբաժանումների կողմից ՀՀ ինքնիշխան տարածք ներխուժման փաստը և դրա կրկնության վտանգը, ինչպես նաև ադրբեջանական ուժերի՝ ելման դիրքեր վերադառնալու անհրաժեշտությունը:Վարչապետ Փաշինյանն անդրադարձել է ՀԱՊԿ արձագանքի շուրջ Հայաստանի ակնկալիքներին: Մասնավորապես, ևս մեկ անգամ ընդգծել է ՀՀ ինքնիշխան տարածքի նկատմամբ 2021 թվականի մայիսի 12-ին և դրանից հետո, այդ թվում՝ 2022 թվականի սեպտեմբերի 13-14-ին սանձազերծված ադրբեջանական ագրեսիային ՀԱՊԿ-ի կողմից հստակ քաղաքական գնահատական տալու և Հայաստանի տարածքային ամբողջականությունը վերականգնելու ուղղությամբ ճանապարհային հստակ քարտեզի ձևավորման անհրաժեշտությունը: Նիստի արդյունքներով ՀԱՊԿ երկրների ԱԳ նախարարներին տրվել է որոշման նախագիծ համաձայնեցնելու հանձնարարական:
17:33 - 28 հոկտեմբերի, 2022
Տաջիկստանի նախագահը Պուտինին խնդրել է, որ Կենտրոնական Ասիայի երկրների նկատմամբ քաղաքականությունը չլինի որպես Խորհրդային միության շարունակություն |hetq.am|

Տաջիկստանի նախագահը Պուտինին խնդրել է, որ Կենտրոնական Ասիայի երկրների նկատմամբ քաղաքականությունը չլինի որպես Խորհրդային միության շարունակություն |hetq.am|

hetq.am: Տաջիկստանի նախագահ Էմոմալի Ռահմոնը դիմել է Ռուսաստանի նախագահ Վլադիմիր Պուտինին՝ խնդրելով հարգել Կենտրոնական Ասիայի երկրներին։ Այդ մասին նա հայտարարել է Ղազախստանի մայրաքաղաք Աստանայում ընթացող «Ռուսաստան-Կենտրոնական Ասիա» գագաթնաժողովի ժամանակ։ «Մենք 100-200 միլիոն չենք։ Բայց մենք ուզում ենք, որ մեզ հարգեն։ Որտե՞ղ ենք մենք ինչ-որ բան խախտել։ Ինչ-որ տեղ այնպես չե՞նք բարևել։ Մենք միշտ հարգել ենք մեր գլխավոր ռազմավարական գործընկերոջ (խմբ. ի նկատի ունի Ռուսաստանը) շահերը։ Մենք ուզում ենք, որպեսզի մեզ էլ հարգեն։ Ինչ է, մենք ինչ-որ օտարնե՞ր ենք։ Պետք չի մեր մեջ շատ գումար ներդնել։ Վլադիմիր Վլադիմիրովիչ, խնդրանք ձեզ, որպեսզի չլինի Կենտրոնական Ասիայի երկրների նկատմամբ քաղաքականությունը՝ որպես Խորհրդային միության շարունակություն»,- ասել է Ռահմոնը։ Նա հավելել է, որ յուրաքանչյուր երկիր ունի իր խնդիրները, հարցերը, ավանդույթներն ու սովորույթները։ «Պետք է գտնել ոսկե միջինը և աշխատել յուրաքանչյուր հանրապետության հետ առանձին»,- նշել է Ռահմոնը։ Նրա խոսքով՝ Ռուսաստանը հավասար վերաբերմունք չի ցուցաբերում Տաջիկստանին։ «Դուք երեկ ասում էիք երկու միլիոնի մասին (խմբ. ՌԴ-ում Տաջիկստանից միգրանտների մասին է խոսքը), ես ուզում էի ձեզ ասել, որ երկու միլիոնից ավելի մեր քաղաքացիներ մեկնում են Ռուսաստան ոչ միայն աշխատելու, այլևս սովորելու և բուժվելու»,- ասել է Ռահմոնը՝ հավելելով, որ այդ քաղաքացիների մի մասն այնուհետ լքում է Ռուսաստանը դեպի արևմտյան երկրներ և եթե փակ լինի սահմանը, դժվար իրավիճակ կլինի տաջիկների համար։ Ավելին՝ hetq.am-ում  
15:02 - 15 հոկտեմբերի, 2022
ՀԱՊԿ-ի զորավարժությունները հետաձգվել են |azatutyun.am|

ՀԱՊԿ-ի զորավարժությունները հետաձգվել են |azatutyun.am|

azatutyun.am: Ղրղըզստանի տարածքում նախատեսված ՀԱՊԿ զորավարժությունները հետաձգվել են և տեղի կունենան ավելի ուշ: Այդ մասին հայտնել է Ղրղըզստանի անվտանգության խորհրդի քարտուղար Մարատ Իմանկուլոովը: «Մենք ավելի ուշ կանցկացնենք վարժանքը, մենք պատրաստ էինք 99.9 տոկոսով: Հետաձգման կապակցությամբ սոցցանցերում գրում են, թե մենք, իբր, մերժում ենք ՀԱՊԿ-ը: Նման բան չկա, ՀԱՊԿ-ը մեզ շատ է պետք: Այն համապատասխանում է մեր ազգային շահերին և պաշտպանում է ահաբեկչության սպառնալիքից: Սոցցանցերում ոմանք փորձում են առճակատում առաջացնել մեր և ՀԱՊԿ-ի հարաբերություններում: Չի ստացվի, ոչ մի տարաձայնություն չունենք»,- հայտարարել է Իմանկուլովը: «Անխախտ եղբայրություն-2022» կոդային անվամբ զորավարժությունները պետք է տեղի ունենային հոկտեմբերի 10-ից 14-ը Ղրղըզստանի Իսիկ Կուլի մարզում գտնվող «Էդելվեյսի» ռազմական հրաձգարանի տարածքում, սակայն մեկնարկից օրեր առաջ հետաձգվել են Բիշկեկի որոշմամբ: Իմանկուլովի փոխանցմամբ, ՀԱՊԿ-ի անդամներն ըմբռնումով են ընդունել որոշումը: Փոխվարչապետ Էդիլ Բայսալովը պարզաբանել է, որ հետաձգումը կապված է վերջերս Տաջիկստանի հետ սահմանին տեղի ունեցած ընդհարումների հետ: «Մենք կազմակերպության կամ դրա կանոնադրության և առաքելության հետ խնդիր չունենք, պարզապես, դեռ թարմ են վերքերը»,- նշել է Բայսալովը: Ղրղըզստանի և Տաջիկստանի սահմանին սեպտեմբերի կեսին տեղի ունեցած բախումների հետևանքով ղրղըզական կողմից զոհվել է 62 մարդ, ևս 200-ը վնասվածքներ են ստացել:
15:27 - 13 հոկտեմբերի, 2022
Ղրղզստանի ԱԳՆ-ն կոչ է արել գործարկելու ՀԱՊԿ մեխանիզմներ՝ զինված հակամարտությունները կանխելու համար |armtimes.com|

Ղրղզստանի ԱԳՆ-ն կոչ է արել գործարկելու ՀԱՊԿ մեխանիզմներ՝ զինված հակամարտությունները կանխելու համար |armtimes.com|

armtimes.com: Ղրղզստանի ԱԳ նախարարի առաջին տեղակալ Նուրան Նիյազալիևը, ելույթ ունենալով Երևանում ՀԱՊԿ անդամ երկրների փոխարտգործնախարարների հանդիպմանը, կոչ է արել գործարկելու ՀԱՊԿ մեխանիզմներ, որոնք կկանխեն կազմակերպության անդամների միջև զինված հակամարտությունները։ Այս մասին, ինչպես փոխանցում է TACC-ը, այսօր հայտնել է Ղրղզստանի արտաքին գործերի նախարարության մամուլի ծառայությունը։ «Նուրան Նիյազալիևը խորհրդակցությունների մասնակիցներին տեղեկացրել է Ղրղզստանի դեմ Տաջիկստանի Հանրապետության ռազմական ագրեսիայի հետևանքների մասին և կողմերին կոչ է արել հնարավորինս շուտ գործարկել ՀԱՊԿ մեխանիզմները՝ հետագա զինված ներխուժումը կանխելու և պետությունների միջև բոլոր տարաձայնությունները լուծելու համար խաղաղ միջոցներով՝ Հավաքական անվտանգության պայմանագրին և ՀԱՊԿ կանոնադրությանը համապատասխան»,- ասվում է դիվանագիտական գերատեսչության կայքում տեղադրված հաղորդագրության մեջ։ Նշվում է, որ այս համատեքստում Նիյազալիևն առաջարկել է ընդունել համատեղ հայտարարություն և լրացումներ կատարել ՀԱՊԿ կանոնադրական փաստաթղթերում։  ՀԱՊԿ երկրների փոխարտգործնախարարները մտքեր են փոխանակել նաև անվտանգության արդի հարցերի շուրջ և ընդգծել նոր մարտահրավերներին ու սպառնալիքներին համատեղ դիմակայելու կարևորությունը։  Հիշեցնենք` Ղրղզստանի և Տաջիկստանի սահմանին իրավիճակը սրվել է սեպտեմբերի 14-ին։ Ընդհանուր սահմանի պարագծով մի քանի օր շարունակ բախումներ են եղել երկու երկրների սահմանապահների միջեւ՝ ծանր զինատեսակների կիրառմամբ։ Սեպտեմբերի 18-ից կողմերը նոր միջադեպերի մասին չեն հայտնել։ Երկու երկրներն էլ հայտնել են զոհերի և ավերածությունների մասին։ Բանակցությունների մի քանի փուլից հետո սեպտեմբերի 25-ին Տաջիկստանի և Ղրղզստանի ազգային անվտանգության պետական կոմիտեների նախագահներ Սայմումին Յաթիմովը Կամչիբեկ Տաշիևը բանակցություններ են վարել և ստորագրել իրավիճակի կայունացման արձանագրություն։
20:10 - 08 հոկտեմբերի, 2022
ՀՀ վարչապետը մասնակցել է ԱՊՀ երկրների ղեկավարների ոչ պաշտոնական հանդիպմանը

ՀՀ վարչապետը մասնակցել է ԱՊՀ երկրների ղեկավարների ոչ պաշտոնական հանդիպմանը

Հայաստանի Հանրապետության վարչապետ Նիկոլ Փաշինյանը Սանկտ Պետերբուրգում մասնակցել է ԱՊՀ երկրների ղեկավարների ոչ պաշտոնական հանդիպմանը: Այս մասին հայտնում են ՀՀ կառավարությունից, միջոցառմանը մասնակցել են նաև ՌԴ նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Տաջիկստանի նախագահ Էմոմալի Ռահմոնը, Թուրքմենստանի նախագահ Սերդար Բերդիմուհամեդովը, Ուզբեկստանի նախագահ Շավքաթ Միրզիյոևը, Ադրբեջանի նախագահ Իլհամ Ալիևը:  ՌԴ նախագահը շնորհակալություն է հայտնել ԱՊՀ երկրների ղեկավարներին Սանկտ Պետերբուրգ ժամանելու համար և նշել, որ այսօրվա ոչ պաշտոնական հանդիպմանը հնարավորություն կունենան քննարկել հաջորդ շաբաթ Աստանայում կայանալիք ԱՊՀ գագաթնաժողովում քննարկվելիք հարցերն ու թեմաները:
17:09 - 07 հոկտեմբերի, 2022
Բիշքեկը նախաձեռնում է Տաջիկստանին ՀԱՊԿ-ից բացառելու ընթացակարգ. Ղրղզստանի անվտանգության խորհրդի քարտուղար |tert.am|

Բիշքեկը նախաձեռնում է Տաջիկստանին ՀԱՊԿ-ից բացառելու ընթացակարգ. Ղրղզստանի անվտանգության խորհրդի քարտուղար |tert.am|

tert.am: Ղրղզստանի Անվտանգության խորհրդի քարտուղար Մարատ Իմանկուլովը հայտարարել է, որ Բիշքեկը նախաձեռնում է Տաջիկստանին ՀԱՊԿ-ից բացառելու ընթացակարգ, գրում է economist.kg-ն:«Այո, մենք նախաձեռնել ենք այս հարցը։ Մենք արդեն մի քանի անգամ բարձրացրել ենք ու պատրաստվում ենք նորից բարձրացնել։ Մասնակից պետությունների միջև ծագած հարցերը պետք է լուծվեն խաղաղ ճանապարհով։ Եթե որևէ մեկը փորձի ուժ կիրառել, մենք առաջարկում ենք նրան հեռացնել կազմակերպությունից։ Ինչո՞ւ է դա պետք, երբ դառնում ես ՀԱՊԿ անդամ և ակնկալում պաշտպանություն արտաքին սպառնալիքից, բայց կազմակերպության ներսում կոնֆլիկտ ես ստանում երկրի հետ։ Ժամանակն է, որ մեր երկրները վերանայեն կանոնադրության որոշ հատվածներ, որոնք նախատեսում են նման պահեր»,- ասել է Իմանկուլով:Միաժամանակ, Իմանկուլովն ընդգծել է, որ Ղրղզստանը պնդում է տաջիկական կողմի հետ բանակցությունները։«Տաջիկստանը մեզ համար թշնամական երկիր չէ, այլ բարեկամ երկիր։ Մենք դարեր շարունակ ապրել ենք կողք կողքի։ Տաջիկ ժողովուրդը դրա հետ կապ չունի։ Նրանք իրավիճակի, ընթացող քաղաքականության ու քաղաքական գործիչների պատանդն են։ Քանի այս քաղաքականությունը դեռ չի վերանայվել Ղրղզստանի նկատմամբ, ոչ մի լավ բան չի լինի, նման հակամարտությունները կկրկնվեն»,- եզրափակել է Իմանկուլովը։
09:31 - 23 սեպտեմբերի, 2022
Ղրղզստանում հայտարարել են, որ Տաջիկստանի հետ սահմանին իրադրությունը կայուն Է

 |armenpress.am|

Ղրղզստանում հայտարարել են, որ Տաջիկստանի հետ սահմանին իրադրությունը կայուն Է |armenpress.am|

armenpress.am: Ղրղզական կողմը Տաջիկստանի հետ սահմանին իրադրությունը գնահատում է որպես հարաբերականորեն կայուն, նոր պատահարներ չեն արձանագրվել: Սեպտեմբերի 22-ին այդ մասին հաղորդել է Ղրղզստանի Ազգային անվտանգության կոմիտեի Սահմանապահ ծառայությունը: «Պետական սահմանի ղրղզա-տաջիկական հատվածում իրադրությունը բնորոշվում է որպես հարաբերականորեն կայուն: Գիշերն անցել է հանգիստ, պատահարներ չեն արձանագրվել: Կողմերի աշխատանքային հանձնախմբերը շարունակում են իրադրության ապաէսկալացիայի եւ պետական սահմանի գծից լրացուցիչ ուժերի եւ միջոցների հետքաշման շուրջ համաձայնությունների կատրաման ստուգման միջոցառումների անցկացումը»,- ասված է հաղորդագրության մեջ: «Շարունակվում են սահմանամերձ տարածքները չպայթած արկերից, ականներից, ռազմամթերքից եւ այլ պայթյունավտանգ միջոցներից մաքրման եւ վնասազերծման աշխատանքները»,- նշել են սահմանապահ ծառայությունում: Բախման գոտու ականազերծումն սկսվել է սեպտեմբերի 20-ին: Իրադրությունը Ղրղզստանի եւ Տաջիկստանի սահմանին սրվել է սեպտեմբերի 14-ին: Ղրղզական կողմի պնդմամբ՝ տաջիկ սահմանապահները չորեքշաբթի օրը ներթափանցել են սահմանի հատված Ղրղզստանի Բատկենի մարզի Բատկենի շրջանի Բուլակ Բաշի բնակավայրի շրջանում եւ «գրավել մարտական դիրքեր»:   Տարածքից հեռանալու պահանջին ի պատասխան Տաջիկստանի սահմանապահները կրակ են բացել, ինչից հետո ծայր է առել փոխհրաձգություն: Սեպտեմբերի 17-ին Ղրղզստանի Սահմանապահ ծառայությունը հայտնել է Օշի մարզի գնդակոծման մասին: Ղրղզստանի իշխանությունները սահմանամերձ գյուղերից տարհանել են շուրջ 140 հազար քաղաքացու: Սեպտեմբերի 18-ից Ղրղզստանի Սահմանապահ ծառայությունը չի հայտնել նոր միջադեպերի մասին, իսկ սեպտեմբեի 19-ին երկու երկրների Ազգային անվտանգության պետական կոմիտեների ղեկավարներն ստորագրել են արձանագրություն սահմանից զորքերի հետքաշման եւ խաղաղության հաստատման մասին: Ղրղզական կողմից բախման հետեւանքով զոհվել է 59 մարդ, շուրջ 200-ը՝ վիրավորվել, հաղորդել է ՏԱՍՍ-ը:
10:40 - 22 սեպտեմբերի, 2022
ՀԱՊԿ-ը դատապարտել է սահմանին ուժի կիրառումը Ղրղզստանի և Տաջիկստանի կողմից |news.am|

ՀԱՊԿ-ը դատապարտել է սահմանին ուժի կիրառումը Ղրղզստանի և Տաջիկստանի կողմից |news.am|

news.am: ՀԱՊԿ-ը պատրաստ է ուժեղացնել միջնորդական ջանքերը՝ Տաջիկստանի և Ղրղզստանի միջ և փոխզիջման հասնելու համար, նշվել է կազմակերպության քարտուղարության հայտարարությունում։ «Անընդունելի ենք համարում ուժի կիրառման ցանկացած փորձ վիճելի հարցերի լուծման համար և համոզված ենք, որ քաղաքական-դիվանագիտական մոտեցումներն այլընտրանք չունեն։ ՀԱՊԿ-ը պատրաստ է համակողմանիորեն ուժեղացնել միջնորդական ջանքերը՝ կայուն փոխզիջման հասնելու համար»,- նշվել է ՀԱՊԿ կայքի հաղորդագրությունում։ Նշվում է, որ ՀԱՊԿ ղեկավարությունը և քարտուղարության աշխատակիցները ցավով և դառնությամբ են ըդնունել բախումների զոհերի մասին լուրերը, որոնք տեղի են ունեցել Ղրղզստանի և Տաջիկստանի սահմանին սեպտեմբերի 14-17-ին, ինչպես նաև ցավակցություն են հայտնում երկու երկրների ժողովուրդներին։
14:41 - 19 սեպտեմբերի, 2022
Ղրղզստանի սահմանապահ ծառայությունը հայտարարել Է Տաջիկստանի հետ սահմանին լարված իրավիճակի մասին

 |armenpress.am|

Ղրղզստանի սահմանապահ ծառայությունը հայտարարել Է Տաջիկստանի հետ սահմանին լարված իրավիճակի մասին |armenpress.am|

armenpress.am: Իրադրությունը Ղրղզստանի և Տաջիկստանի սահմանին, որտեղ սեպտեմբերի 14-ից մարտական բախումներ էին տեղի ունենում երկու երկրների զինծառայողների միջև, շարունակում է լարված մնալ: Ինչպես տեղեկացնում է ՏԱՍՍ-ը, այս մասին կիրակի հայտնել Է Ղրղզստանի ազգային անվտանգության պետական կոմիտեի սահմանապահ ծառայությունը: «Պետական սահմանի ղրղզա-տաջիկական հատվածում՝ Օշի մարզի Չոն-Ալայի շրջանում եւ Բատկենի մարզում (Ղրղզստան) իրադրությունը շարունակում է լարված մնալ», - ասվում է հաղորդագրության մեջ: Գերատեսչության տվյալներով՝ սեպտեմբերի 17-ի լույս 18-ի գիշերը «հանգիստ, առանց միջադեպերի» է անցել։ Ղրղզստանի առողջապահության նախարարությունը հստակեցրել է Տաջիկստանի հետ սահմանին մարտական բախումների ժամանակ զոհվածների թիվը։ Գերատեսչության տվյալներով՝ Բատկենի մարզում զոհերի թիվը 24-ից հասել է 36-ի, տուժել է 129 մարդ:
16:52 - 18 սեպտեմբերի, 2022
ՀԱՊԿ-ը Ղրղզստանին և Տաջիկստանին կոչ է անում սահմանային խնդիրը լուծել դիվանագիտական ճանապարհով և կանխել մարդկային կորուստները
 |tert.am|

ՀԱՊԿ-ը Ղրղզստանին և Տաջիկստանին կոչ է անում սահմանային խնդիրը լուծել դիվանագիտական ճանապարհով և կանխել մարդկային կորուստները |tert.am|

tert.am: Հավաքական անվտանգության պայմանագրի կազմակերպությունը ողջունում է Ղրղզստանի և Տաջիկստանի սահմանային ծառայությունների միջև բանակցությունների մեկնարկը։ՀԱՊԿ–ը կոչ է անում լուծել հակամարտությունը դիվանագիտական ճանապարհով՝ մարդկային կորուստները կանխելու համար։ Այս մասին շաբաթ օրը ՏԱՍՍ-ին հայտնել են Կազմակերպության քարտուղարության մամուլի ծառայությունից։ «ՀԱՊԿ քարտուղարությունն ուշադիր հետևում է իրավիճակին և հույս ունի, որ այժմ հաստատված զինադադարը կլինի երկարաժամկետ և կայուն։ Մենք ողջունում ենք հրադադարը և բանակցությունները, որոնք սկսվել են Ղրղզստանի և Տաջիկստանի սահմանային ծառայությունների միջև: Մենք վստահ ենք, որ փոխընդունելի ուղիներ կգտնվեն սահմանային այս բարդ խնդիրը լուծելու, լարվածությունը նվազեցնելու և հակամարտությունների սրումը կանխելու համար: Ուժի կիրառումն անընդունելի է, հակասությունները լուծելու համար պետք է գործի դնել միայն դիվանագիտական մեթոդներ»,- ընդգծել է քարտուղարությունը։ Հիշեցնենք, որ երկու երկրների միջև սահմանային վեճի շուրջ բախումները սկսվել են այս շաբաթ։ Նրանք միմյանց մեղադրում են տանկեր, ականանետեր, հրետանի և հարվածային ԱԹՍ-ներ օգտագործելու մեջ։
13:32 - 17 սեպտեմբերի, 2022
Այսօր Ղրղզստանը և Տաջիկստանը չեն հաղորդել խոշոր միջադեպերի մասին

Այսօր Ղրղզստանը և Տաջիկստանը չեն հաղորդել խոշոր միջադեպերի մասին

Այսօր Ղրղզստանը և Տաջիկստանը չեն հաղորդել խոշոր միջադեպերի մասին, ինչը վկայում է այն մասին, որ ուրբաթ օրվա ինտենսիվ մարտերից հետո համաձայնեցված հրադադարը ուժի մեջ է մնացել։ Չնայած դրան՝ Ղրղզստանի սահմանապահներն ասում են, որ իրենց մի գյուղ կարճ ժամանակով գնդակոծվել է: Այս մասին հայտնում է Reuters գործակալությունը։ Ղրղզստանն ուրբաթ օրը հաղորդել էր 24 զոհի և տասնյակ մարդկանց վիրավորվելու մասին։ Այսօր երկիրը հաղորդում է, որ իր սահմանամերձ գյուղերից մեկը վաղ առավոտյան հինգ րոպե գնդակոծվել է հանգիստ գիշերվանից հետո: Տաջիկստանում զոհերի մասին պաշտոնական թվեր չեն հաղորդել։ Տաջիկ սահմանապահները ուրբաթ օրը հայտարարություն են տարածել, որ իրենց մի քանի գյուղեր խոցվել են ղրղզական ուղղաթիռների և ԱԹՍ-ների կողմից: Հիշեցնենք, որ երկու երկրների միջև սահմանային վեճի շուրջ բախումները սկսվել են այս շաբաթ։ Նրանք միմյանց մեղադրում են տանկեր, ականանետեր, հրետանի և հարվածային ԱԹՍ-ներ օգտագործելու մեջ։
10:23 - 17 սեպտեմբերի, 2022
Ղրղզստանը եւ Տաջիկստանը համաձայնության են եկել դադարեցնելու կրակը սահմանին

 |armenpress.am|

Ղրղզստանը եւ Տաջիկստանը համաձայնության են եկել դադարեցնելու կրակը սահմանին |armenpress.am|

armenpress.am: Ղրղզստանի եւ Տաջիկստանի ներկայացուցիչները կայացած բանակցությունների ընթացքում համաձայնության են եկել դադարեցնելու զինված ընդհարումները սահմանին: Այդ մասին սեպտեմբերի 16-ին հաղորդել է Ղրղզստանի Ազգային անվտանգության պետական կոմիտեի Սահմանապահ ծառայությունը: «Ղրղզստանի եւ Տաջիկստանի Ազգային անվտանգության պետական կոմիտեների ղեկավարներ Կամչիբեկ Տաշիեւը եւ Սայմումին Յատիմովը 16:00-ին (Երեւանի ժամանակով 14:00-ին) համաձայնության եկան հրադադարի շուրջ»,- ասված է հաղորդագրության մեջ: Կողմերի ներկայացուիչները մի քանի անգամ փորձեր են ձեռնարկել համաձայնության գալու ընդհարումների դադարեցման շուրջ, սակայն արդյունքում զինված բախումը շարունակվել է: Ինչպես պնդում է ղրղզական կողմը,  սեպտեմբերի 16-ի առավոտյան Տաջիկստանի կողմից սկսվել է ղրղզական սահմանապահ ջոկատների գնդակոծումն էքի Թաշ, Չիր Դոբո, Կում Մազար, Կուլունդու, Մաքսաթ, Ժանի Ժեր եւ Օրթո Բոզ բնակավայրերում, ինչպես նաեւ «Սամարկանդեկ» ուղեկալի գնդակոծումը: Հրթիռահարվածների է ենթարկվել Բատկենը եւ նրա օդանավակայանը: Վիրավորվել են Ղրղզստանի 42 զինծառայողներ եւ քաղաքացիական անձինք: Դուշանբեի տվյալներով՝ հարվածների է ենթարկվել շուրջ 10 բնակավայր: Իրադրությունը երկու պետությունների սահմանին սրվել է սեպտեմբերի 14-ին: Ղրղզական կողմի վարկածով՝ տաջիկ սահմանապահները չորեքշաբթի օրը ներթափանցել են սահմանի հատված Ղրղզստանի Բատկենի մարզի Բատկենի շրջանի Բուլակ Բաշի բնակավայրի շրջանում եւ «գրավել մարտական դիրքեր»:  Տարածքից հեռանալու պահանջին ի պատասխան Տաջիկստանի սահմանապահները կրակ են բացել, ինչից հետո ծայր է առել փոխհրաձգություն: Մի քանի ժամ անց զինված բախումեր են տեղի ունեցել նաեւ Բատկենի մարզի Կակ Սայ եւ Պասկի Առիք բնակավայրերում: Երեկոյան դեմ փոխհրաձգությունները դադարել են: Ղրղզական կողմը հայտնել է երկու վիրավոր զինծառայողների եւ երեք տուժած քաղաքացիական անձանց մասին, հաղորդել է ՏԱՍՍ-ը:
16:25 - 16 սեպտեմբերի, 2022
Ղրղզստանի և Տաջիկստանի սահմանին շարունակում է լարված մնալ՝ չնայած հայտարարված հրադադարին

Ղրղզստանի և Տաջիկստանի սահմանին շարունակում է լարված մնալ՝ չնայած հայտարարված հրադադարին

Ղրղզստանի և Տաջիկստանի սահմանին շարունակում է լարված մնալ՝ չնայած հայտարարված հրադադարին։ Այս մասին գրում է TACC-ը։ Երկու կողմերն էլ պնդում են հրադադարի ռեժիմի միակողմանի խախտման մասին իրենց հակառակորդի կողմից։  Բիշքեկն ու Դուշանբեն, այդ թվում՝ միջազգային միջնորդությամբ, փորձում են կասեցնել սրումը։ Բանակցություններ են ընթանում երկու հանրապետությունների սահմանային ծառայությունների, հատուկ ծառայությունների, անվտանգության խորհուրդների և արտաքին գործերի նախարարությունների մակարդակով։ Ինչպես ամեն ինչ սկսվեց Սեպտեմբերի 14-ի առավոտյան, ինչպես հայտնել է տաջիկական կողմը, ղրղըզ սահմանապահները գնդակոծել են երկրի հյուսիս-արևմուտքում գտնվող Կեխի սահմանային կետը։ Բանակցություններից հետո իրավիճակը կայունացել է, տեղի լրատվամիջոցները գրել են երկու զոհի և մի քանի վիրավորների մասին, այդ թվում՝ խաղաղ բնակիչների։ Խորհրդային Միության փլուզումից հետո Ղրղզստանի և Տաջիկստանի սահմանը հստակորեն գծագրված չէր, երկու կողմից էլ մեծ թվով անկլավներ էին։ Պարբերաբար որոշ շրջաններում, հատկապես Բատկեն քաղաքի մոտ, բախումներ են տեղի ունենում տեղի սահմանամերձ շրջանների բնակիչների միջև։ Իրադարձությունների զարգացումը Սեպտեմբերի 15-ի լույս 16-ի գիշերը Դուշանբեն հայտնել է Ղրղզստանի սահմանապահների կողմից իր սահմանապահ դիրքի վրա շարունակվող հարձակման մասին: Բիշքեկը հայտարարել է, որ հրթիռակոծությունը սկսվել է Տաջիկստանից։ Ղրղզական կողմը հայտնել է վիրավոր 18 զինծառայողների մասին, Տաջիկստանը` մեկ զոհված սահմանապահի, մի քանի վիրավորի, որոնց թվում կան քաղաքացիական անձինք: Բացի այդ՝ ըստ Դուշանբեի՝ հարվածի տակ է հայտնվել գրեթե 10 բնակավայր։ Ղրղզստանը հայտնում է իր սահմանապահ ջոկատների հրթիռակոծման մասին։ Ղրղզական կողմից հակամարտության գոտում որոշ ճանապարհներ արգելափակվել են։ Ղրղզստանը նաև պնդում է, որ Տաջիկստանը դեռևս ռազմական տեխնիկա է բերում հակամարտության գոտի։ Տաջիկստանը պնդում է ղրղզական կողմից միակողմանի կրակի և ինտերնետի միջոցով Բիշքեկի սադրանքների մասին։ Ինչ ջանքեր են գործադրվում Երկու երկրների ներկայացուցիչները պայմանավորվել են հանդիպում անցկացնել սահմանին գտնվող Կիզիլ-Բել-Ավտոդորոժնի անցակետում լարվածության սրման համար։ Գիշերը Ղրղզստանի սահմանապահ ծառայության պետ Ուլարբեկ Շարշեևը և Տաջիկստանի սահմանապահ զորքերի հրամանատար Ռաջաբալի Ռահմոնալին պայմանավորվել են Մոսկվայի ժամանակով ժամը 07:00-ից հրադադար հաստատել։ Այնուամենայնիվ, և՛ Դուշանբեն, և՛ Բիշքեկը պնդում են, որ բախումները սահմանի ողջ երկայնքով շարունակվում են Մոսկվայի ժամանակով ժամը 08:00-ից։ Ղրղզստանի և Տաջիկստանի արտաքին գործերի նախարարներ Ջինբեկ Կուլուբաևը և Սիրոջիդին Մուխրիդինը բանակցություններ են վարել և պայմանավորվել իրավիճակի քաղաքական և դիվանագիտական ​​կարգավորման շուրջ։ Միաժամանակ բողոքի նոտա է հանձնվել Բիշքեկում Տաջիկստանի դեսպանին։ Կարգավորման ուղղությամբ աշխատանքներ են տարվում հանրապետությունների ազգային անվտանգության պետական ​​կոմիտեների (ԱԱԿԿ) մակարդակով։ Հրադադարի պահպանման անհրաժեշտությունը հեռախոսազրույցների ժամանակ ընդգծել են Հավաքական անվտանգության պայմանագրի կազմակերպության (երկու երկրներն են ՀԱՊԿ անդամ են) գլխավոր քարտուղար Ստանիսլավ Զասը և Ղրղզստանի ու Տաջիկստանի Անվտանգության խորհուրդների քարտուղարներ Մարատ Իմանկուլովը և Նասրուլլո Մահմուդզոդան։ Ղրղզստանի խորհրդարանը ուրբաթ օրը արտահերթ նիստ կանցկացնի՝ կապված սահմանին տիրող հակամարտության հետ։ Դեռ հայտնի չէ՝ այն տեղի կունենա բաց, թե փակ ռեժիմով։
13:03 - 16 սեպտեմբերի, 2022
Աֆղանստանի հազարից ավելի զինվորականներ թալիբների հետ մարտերից հետո նահանջել են Տաջիկստան |1lurer.am|

Աֆղանստանի հազարից ավելի զինվորականներ թալիբների հետ մարտերից հետո նահանջել են Տաջիկստան |1lurer.am|

1lurer.am: Ավելի քան հազար աֆղան զինվորներ նահանջել են Տաջիկստանի տարածք՝ «Թալիբան» արմատական ​​շարժման զինյալների հետ մարտերից հետո՝ հաղորդում է ТАСС-ը: Վերջին երկու շաբաթվա ընթացքում գրանցվել է Տաջիկստանի տարածք աֆղանական զորքերի հարկադիր անցման մի քանի դեպք: Երկու երկրի սահմանին իրավիճակի սրումը եղել է Տաջիկստանի և Աֆղանստանի նախագահներ Էմոմալի Ռահմոնի և Մուհամեդ Աշրաֆ Գանիի միջև կիրակի տեղի ունեցած հեռախոսազրույցի հիմնական թեման: Մամուլի ծառայության հաղորդմամբ՝ զրույցի ժամանակ նախագահ Ռահմոնն ընդգծել է «Աֆղանստանի խնդրի վերաբերյալ Տաջիկստանի անփոփոխ դիրքորոշումը՝ չխառնվել այդ երկրի ներքին գործերին և պաշտոնապես աջակցել երկրում խաղաղության, կայունության և անվտանգության ապահովմանն ուղղված Աֆղանստանի իշխանությունների ջանքերին»: Ավելի վաղ ՀԱՊԿ գլխավոր քարտուղար Ստանիսլավ Զասը հայտարարել էր, որ իրավիճակը Աֆղանստանի հյուսիսային շրջաններում վատթարանում է, և անհրաժեշտ էր համարել աջակցություն ցուցաբերել Տաջիկստանին՝ հարավային սահմանի անվտանգությունն ապահովելու գործում:
12:31 - 05 հուլիսի, 2021