Գերմանիա

Գերմանիան (պաշտոնապես՝ Գերմանիայի Դաշնային Հանրապետություն) պետություն է Արեւմտյան Եվրոպայում։ Հյուսիսում սահմանակցում է Դանիային, արեւելքում՝ Չեխիային եւ Լեհաստանին, հարավում՝ Ավստրիային եւ Շվեյցարիային, հարավում՝ Ֆրանսիային, իսկ Լյուքսեմբուրգին, Բելգիային եւ Նիդերլանդներին՝ արեւմուտքում։ Մայրաքաղաքն է Բեռլինը։
 
ԳԴՀ-ն բաժանված է 16 վարչատարածքային միավորների՝ երկրամասերի, եւ ընդգրկում է շուրջ 357 386 քկմ տարածք։ Ունենալով շուրջ 83 միլիոն բնակչություն՝ համարվում է ՌԴ-ից հետո Եվրոպայի խոշորագույն պետությունը, ինչպես նաեւ ԵՄ ամենախիտ բնակեցված պետությունը։ Ամենաբնակեցված, արդյունաբերական խոշոր երկրամասը Ռուրն է, որի գլխավոր քաղաքներն են Դորտմունդն ու Էսսենը։  Գերմանիայի մյուս նշանավոր քաղաքներն են Մայնի Ֆրանկֆուրտը, Համբուրգը, Մյունխենը, Քյոլնը, Շտուտգարտը, Դյուսելդորֆը, Լայպցիգը, Դրեզդենը, Բրեմենը, Հաննովերը, Գելզենկիրխենը եւ Նյուրնբերգը։

Մերօրյա Գերմանիան դաշնային խորհրդարանական հանրապետություն (բունդեսհանրապետություն) է, որը կառավարվում է վարչապետի՝ կանցլերի կողմից։ Այժմ կանցլերն է Անգելա Մերկելը։
 
ԳԴՀ-ն 1957-ից ի վեր հանդիսանում է Եվրոպական տնտեսական համագործակցության, իսկ 1993-ից՝ Եվրոպական միության համահիմնադիր անդամ, 1999-ից՝ Շենգենյան գոտի։ Անդամակցում է նաեւ ՄԱԿ-ին, Հյուսիսատլանտյան դաշինքին (ՆԱՏՕ), «Մեծ յոթնյակին», Տնտեսական համագործակցության եւ զարգացման կազմակերպությանը եւ այլն։
2023-ի դեկտեմբերի 31-ի դրությամբ ԼՂ-ից բռնի տեղահանված շուրջ 10 հազար մարդ աշխատանք ունի Հայաստանում. Նիկոլ Փաշինյան |1lurer.am|

2023-ի դեկտեմբերի 31-ի դրությամբ ԼՂ-ից բռնի տեղահանված շուրջ 10 հազար մարդ աշխատանք ունի Հայաստանում. Նիկոլ Փաշինյան |1lurer.am|

1lurer.am: Վարչապետ Նիկոլ Փաշինյանին Մյունխենի և հարակից շրջանների հայ համայնքի ներկայացուցիչների հետ հանդիպմանը հարց են ուղղել՝ հետաքրքրվելով, թե ինչ պլաններ ունի ՀՀ կառավարությունը՝ կապված ԼՂ-ից բռնի տարհանված մեր քաղաքացիների հետ. արդյո՞ք նրանք կվերադառնա՞ն ԼՂ, թե՞ կմնան Հայաստանում: Վարչապետի խոսքով՝ ԼՂ-ից բռնի տեղահանված մեր հայրենակիցները Հայաստանում ունեն ժամանակավոր պաշտպանության կարգավիճակ:  «Մեր տեսլականը հետևյալն է: Եթե նրանք ԼՂ վերադառնալու իրատեսական ցանկություն կամ հնարավորություն չունենան, այսինքն՝ ցանկություն կունենան, բայց պայմանների հետ կապված իրենց ընկալումը չլինի դրական, մեր քաղաքականությունն է՝ ամեն ինչ անել, որ նրանք մնան Հայաստանում: Մեր արևմտյան և օտարերկրյա գործընկերները քաջալերում են փաստը, որ Հայաստանի կառավարությունը ընդունակ եղավ մի շաբաթում հարյուր հազարից ավելի մարդ ընդունել առանց փախստականների ճամբարի: Երկրորդ՝ կարող ենք ասել, որ երեխաների մեծ մասը գնում է դպրոցներ: 2023-ի դեկտեմբերի 31-ի դրությամբ արդեն 10 հազար մարդ ունի աշխատանք Հայաստանում: Սա լավ է, բայց ամբողջը չէ, որովհետև ԼՂ-ից բռնի տեղահանված աշխատունակ մարդկանց երևի 30 տոկոսն է: Բոլոր թոշակառուներն արդեն իրենց թոշակը ստանում են, և մենք առաջիկայում պատրաստվում ենք բնակարանային ապահովության ծրագիր անել, որի քննարկման ժամանակ եկել ենք կարևոր երկու եզրակացության՝ առաջին՝ այդ ծրագիրը պետք է հասանելի լինի նաև ՀՀ քաղաքացիներին, երկրորդ՝ պարտադիր ենք համարելու, որպեսզի ԼՂ-ից բռնի տեղահանված մեր քույրերն ու եղբայրները, որոնք ուզում են այս ծրագրից օգտվել, ՀՀ քաղաքացիություն ստանան»,- պարզաբանել է վարչապետը: Փաշինյանը անդրադարձել է նաեւ Հայաստանում ներքաղաքական վիճակին. «Իմ վարչապետության շրջանում ես երկու անգամ հրաժարական եմ տվել և Հայաստանում տեղի են ունեցել արտահերթ խորհրդարանական ընտրություններ, և մեր քաղաքական թիմով մասնակցել ենք խորհրդարանական ընտրություններին: Շատ քաղաքական ուժեր կան, որ մեզնից ակնկալում են, որ հեռանանք քաղաքականությունից, բայց մենք դա չենք կարող անել մի պարզ պատճառով՝ որովհետև մենք ժողովրդից ստացել ենք իշխանություն, մանդատ, և եթե մենք ուղղակի հեռանանք, ո՞ւմ ենք թողնելու այդ մանդատը: Մենք կարող ենք մեր մանդատը վերադարձնել, և մենք մեր մանդատը վերադարձրել ենք ժողովրդին և ասել՝ դուք որոշեք, թե ում եք տալիս այդ մանդատը»,- նշել է Փաշինյանը։  Փաշինյանի խոսքով՝ ժողովուրդը որոշել է, որ այդ մանդատը կրկին պետք է տա մեզ: «Դա առնվազն նշանակում է, որ մեր որոշ պատճառաբանություններ, բացատրություններ ժողովուրդը համարել է արդարացի և լեգիտիմ: Եվ երբ ես ասում եմ, որ Եվրամիությունում Հայաստանի համարումը աճում է, ավելանում է, ասում եմ՝ այդտեղ 2021 թվականի արտահերթ խորհրդարանական ընտրությունները շատ էական նշանակություն ունեն»,- ասել է Նիկոլ Փաշինյանը: Նրա խոսքով՝ մենք պետք է առաջնորդվենք «Հայրենիքը պետություն է» տրամաբանությամբ: «Մեր ժողովրդի քվեով և ընտրությամբ եմ ես ստանձնել Հայաստանի վարչապետի պաշտոնը: Ես համաձայն չեմ կորսված հայրենիքի հայեցակարգին, որովհետև դա հայրենիք կորցնելու հայեցակարգ է, իսկ հայրենիք ասելով պետք է նկատի ունենանք պետությունը: Մենք այսօր ունենք պետություն և մեր պետությունը փորձում է վարել ավելի անկախ քաղաքականություն: Կորսված հայրենիքի տեսլականը դրված է նրա համար, որ մենք երբեք պետություն չունենանք, չկարողանանք պետություն կայացնել, անընդհատ գնալ ինչ-որ կորսված հայրենիքի հետևից և չկարողանալ նկատել, տեսնել, կառավարել, հոգ տանել այն հայրենիքի նկատմամբ, որը մենք ունենք, այսինքն՝ ՀՀ-ի համար: Մեր ունեցած հայրենիքը Հայաստանի Հանրապետությունն է: Սա է մեր հայրենիքը և մենք պետք է կենտրոնանանք մեր հայրենիքը ուժեղացնելու, որպես պետություն զարգացնելու և նրա անկախությունն ու ինքնիշխանությունը ուժեղացնելու ուղղությամբ: Այո՛, մենք պետք է անցնենք այդ ճանապարհով, որովհետև կորսված հայրենիքի անդադար տեսլականը մի բանի համար է՝ որ այդպես էլ չկենտրոնանանք պետություն ունենալու անհրաժեշտության առաջ: Մեր խնդիրը հիմա այս տեսլականից դուրս բերելն է, և մենք շարունակելու ենք գնալ այդ ճանապարհով»,- ասել է վարչապետը: 
10:02 - 19 փետրվարի, 2024
Պայմանավորվածություն ձեռք բերվեց, որ առաջիկայում տեղի կունենա արտգործնախարարների հանդիպում. Նիկոլ Փաշինյանը՝ Ալիևի հետ մյունխենյան հանդիպման մասին |1lurer.am|

Պայմանավորվածություն ձեռք բերվեց, որ առաջիկայում տեղի կունենա արտգործնախարարների հանդիպում. Նիկոլ Փաշինյանը՝ Ալիևի հետ մյունխենյան հանդիպման մասին |1lurer.am|

1lurer.am: ՀՀ վարչապետ Նիկոլ Փաշինյանը հանդիպել է Մյունխենի և հարակից շրջանների հայ համայնքի ներկայացուցիչների հետ: Իր խոսքում վարչապետը կարևորել է Մյունխենի անվտանգության համաժողվին Հայաստանի մասնակցությունը, համարել արդյունավետ և կարևոր: «Առաջին հերթին արձանագրումն այն է, որ եվրոպական համայնքում ՀՀ ընկալումները փոխվում են դրականորեն և ՀՀ-ին սկսել են ավելի ու ավելի շատ ընկալել որպես ժողովրդավարական երկիր, որը հավատարիմ է ժողովրդավարական բարեփոխումներին, ժողովրդավարական օրակարգին, և մենք տեսնում ենք, որ և՛ Եվրամիության կողմից, և՛ մեր կողմից էլ ԵՄ-ի հետ հարաբերությունները խորացնելու ցանկություն և պատրաստակամություն կա: Ուզում եմ ընդգծել, որ ԼՂ-ից բռնի տեղահանված մեր քույրերի և եղբայրների հետ կապված միջնաժամկետ և երկարաժամկետ խնդիրների լուծման ոլորտում համագործակցությունը քննարկելու առիթ ունեցա նաև Միգրացիայի միջազգային կազմակերպության ղեկավարի հետ, նաև ՄԱԿ-ի Փախստականների հարցերով գլխավոր հանձնակատարի հետ, նաև երկկողմ մակարդակում մի շարք հանդիպումներ ունեցա մասնավորապես ԱՄՆ պետքարտուղար Էնթոնի Բլինքենի, Իրաքի վարչապետի, Գերմանիայի կանցլերի հետ»,- ասել է Նիկոլ Փաշինյանը՝ ներկայացնելով մյունխենյան այցի օրակարգը: Վարչապետը անդրադարձել է նաև Գերմանիայի կանցլեր Օլաֆ Շոլցի աջակցությամբ Ադրբեջանի նախագահ Իլհամ Ալիևի հետ տեղի ունեցած հանդիպմանը: «Ըստ էության, կարևոր մի հարց կար սեղանին դրված, որը հետևյալն էր, թե արդյոք կողմերը վերահաստատում են նախկինում ձեռք բերված պայմանավորվածությունները, որոնք ձեռք են բերվել Պրահայում քառակողմ հանդիպման ընթացքում և նաև բրյուսելյան բանակցությունների ընթացքում։ Եթե այսպես ամփոփենք, հիմնական արձանագրումն այն է, որ կողմերը հավատարիմ են մնում այդ պայմանավորվածություններին: Պայմանավորվածություն ձեռք բերվեց, որ առաջիկայում տեղի կունենա արտգործնախարարների հանդիպում, որից հետո տեղի կունենա սահմանազատման և սահմանագծման հարցերով հանձնաժողովի հանդիպում: Ընդհանուր առմամբ, եթե ձեռքբերված պայմանավորվածությունները պահվեն, դրանց կատարումը կնպաստի սահմանային լարվածության նվազեցմանը: Մենք մեր կողմից հաստատակամ ենք հավատարիմ մնալու այդ պայմանավորվածություններին: Արտաքին գործերի նախարարների հանդիպումը ակնհայտորեն պետք է վերաբերի Խաղաղության պայմանագրի տեքստի հետագա քննարկմանը և համաձայնեցմանը: Իհարկե, Խաղաղության պայմանագրի մի շարք հոդվածներ համաձայնեցված են, բայց մի շարք հոդվածներ, որոնք ունեն սկզբունքային նշանակություն, դեռևս համաձայնեցված չեն և այդ ուղղությամբ պետք է աշխատանքներ իրականացվեն: Պայմանավորվել ենք այս աշխատանքներն իրականացնել»,- տեղեկացրել է ՀՀ վարչապետը:
09:47 - 19 փետրվարի, 2024
Ուկրաինայի հարցով Հայաստանը Ռուսաստանի դաշնակիցը չէ, և սա մեր անկեղծ դիրքորոշումն է. վարչապետ |1lurer.am|

Ուկրաինայի հարցով Հայաստանը Ռուսաստանի դաշնակիցը չէ, և սա մեր անկեղծ դիրքորոշումն է. վարչապետ |1lurer.am|

1lurer.am: Մեր արտաքին քաղաքական վեկտորի նպատակը պետք է լինի մեր երկրի շահերը: Մեր արտաքին քաղաքականության նպատակը մեր անկախությունը, ինքնիշխանությունը և տարածքային ամբողջականությունը պաշտպանելն է: ԵՄ-ի և արևմտյան մեր գործընկերների հետ հարաբերություններում կարևորում եմ ոչ միայն նյութական, այլև արժեբանական հարաբերությունները: Այս մասին Մյունխենի և հարակից շրջանների հայ համայնքի ներկայացուցիչների հետ հանդիպմանը նշել է ՀՀ վարչապետը՝ պատասխանելով Հայաստանի արտաքին քաղաքական վեկտորին վերաբերող հարցին: Նրա խոսքով՝ ԵՄ-ի հետ մեր հարաբերությունները զարգանում են նախ և առաջ ժողովրդավարության պատճառով:  «ԵՄ-ի հետ մեր հարաբերություններն առաջին հերթին արժեբանական են»,- իր խոսքում ընդգծել է վարչապետը: Ինչ վերաբերում է Ուկրաինայի շուրջ զարգացումներին, վարչապետը նշել է, որ ստեղծվել է բարդ իրավիճակ: «Մեր դիրքորոշումն էլ է բարդ: Այն, որ մենք Ալմա Աթայի հռչակագիրը ընդունում ենք որպես մե՛զ համար, բայց այն միայն մեզ համար չէ: Ալմա Աթայի հռչակագիրը ընդունել են Խորհրդային Միության 13 հանրապետություն, այդ թվում՝ Ռուսաստանը և Ուկրաինան:  Ուկրաինայի հարցում մեր ընկալումն այն է, որ Ալմա Աթայի հռչակագիրն է մեր անկախությունները ճանաչելու, տարածքային ամբողջականությունները ճանաչելու հիմքը: Մեր տրամաբանությամբ նույնը պետք է գործի նաև Ուկրաինայի պարագայում, որովհետև այդ թուղթը վերաբերում է բոլորիս: Եվ եթե դա քանդում ենք, ուրեմն քանդում ենք ամեն ինչ:  Վաղուց եմ ասել՝ Ուկրաինայի հարցով Հայաստանը Ռուսաստանի դաշնակիցը չէ, և սա մեր անկեղծ դիրքորոշումն է: Առաջին անգամ այս մասին ասել եմ երկու տարի առաջ և շատ ցավում ենք, որ չենք կարող որևէ ազդեցություն ունենալ այդ իրադրության վրա։ Ուկրաինայի ժողովուրդը մեր բարեկամ ժողովուրդն է»,- եզրափակել է խոսքը Նիկոլ Փաշինյանը։ 
09:45 - 19 փետրվարի, 2024
Եռակողմ հայտարարության մնացած կետերը, ըստ էության, Ադրբեջանը և ՌԴ-ն ճղել-գցել են մի կողմ. վարչապետ |1lurer.am|

Եռակողմ հայտարարության մնացած կետերը, ըստ էության, Ադրբեջանը և ՌԴ-ն ճղել-գցել են մի կողմ. վարչապետ |1lurer.am|

1lurer.am: 2020 թվականի նոյեմբերի 9-ի եռակողմ հայտարարության 9-րդ կետում չկա որևէ բան, որ միջանցք է անցնելու Հայաստանի տարածքով, հնարավոր չէ դա գտնել, չկա էդպիսի բան, որ որևէ այլ երկիր ՀՀ որևէ տարածք վերահսկելու է, խոսք է գնում տարածաշրջանային կոմունիկացիաների մասին։ Դուք գիտեք նաև, որ մեր դիրքորոշումը ամբողջական ներկայացնելու համար ստեղծել և առաջարկել ենք «Խաղաղության խաչմերուկ» նախագիծը։ Դա մեր տեսլականն է: Այս մասին ասել է ՀՀ վարչապետ Նիկոլ Փաշինյանը Մյունխենի և հարակից շրջանների հայ համայնքի ներկայացուցիչների հետ հանդիպման ժամանակ։ Ինչ վերաբերում է վտանգներին, նշել է՝ այն խոսույթը, որն օգտագործում է Ադրբեջանի ղեկավարը, արդեն ազդանշան է, որ կան վտանգներ: «Ինչպե՞ս է պետք դիմակայել այդ վտանգներին: Առաջին հերթին դա  նաև միջազգային հարաբերություններում պետք է կառավարել։ «Խաղաղության խաչմերուկի»-ի ստեղծման պատճառներից մեկը ո՞րն էր. Ադրբեջանը փորձում էր տպավորություն ստեղծել, թե մենք չենք ուզում ճանապարհ տալ որևէ մեկին։ Այն, ինչ խոսվում է, թե Ռուսաստանը պետք է մեր տարածքում որևէ բան վերահսկի, 9-րդ կետում այդպիսի բան չկա գրած, էլ չեմ ասում, որ եռակողմ հայտարարության այն մնացած կետերը, ըստ էության, Ադրբեջանը և ՌԴ-ն ճղել-գցել են մի կողմ։ Այդ 9-րդ կետի վրա հղումն արդեն էլ արդիական չի, որովհետև և ՌԴ-ն և Ադրբեջանը նախորդ կետերով իրանց պարտավորությունները ամբողջությամբ խախտել են, այսօր ԼՂ-ում հայ չկա: Եվ դա այդ թվում ԼՂ-ում տեղակայված ռուսական խաղաղապահ զորախմբի պատասխանատվությունն է, որի տեղակայման նպատակը Լեռնային Ղարաբաղի հայությանը պաշտպանելն էր»,- եզրափակել է խոսքը Նիկոլ Փաշինյանը։
09:36 - 19 փետրվարի, 2024
Փաշինյանն ու Շոլցն անդրադարձել են Հայաստան-Ադրբեջան հարաբերությունների կարգավորման գործընթացին:

Փաշինյանն ու Շոլցն անդրադարձել են Հայաստան-Ադրբեջան հարաբերությունների կարգավորման գործընթացին:

Մյունխենի անվտանգության համաժողովի շրջանակում կայացել է վարչապետ Նիկոլ Փաշինյանի և Գերմանիայի կանցլեր Օլաֆ Շոլցի հանդիպումը: Այս մասին հայտնում են վարչապետի աշխատակազմից։ Զրուցակիցները քննարկել են Հայաստան-Գերմանիա երկկողմ օրակարգին վերաբերելի հարցեր, ինչպես նաև անդրադարձել Հայաստան-Ադրբեջան հարաբերությունների կարգավորման գործընթացին: Նիկոլ Փաշինյանը բարձր է գնահատել կանցլեր Շոլցի ջանքերը՝ երկխոսությանն աջակցելու, Հարավային Կովկասի տարածաշրջանում խաղաղության ու կայունության ապահովման ուղղությամբ: Վարչապետը վերահաստատել է Հայաստանի Հանրապետության հավատամրությունը խաղաղության գործընթացին: Օլաֆ Շոլցն ընդգծել է պատրաստակամությունը՝ շարունակելու ջանքերն ի նպաստ խաղաղության և երկխոսության:
13:51 - 17 փետրվարի, 2024
Գերմանիան և Ուկրաինան անվտանգության երկկողմ համաձայնագիր են ստորագրել
 |armenpress.am|

Գերմանիան և Ուկրաինան անվտանգության երկկողմ համաձայնագիր են ստորագրել |armenpress.am|

armenpress.am: Գերմանիան և Ուկրաինան անվտանգության երկկողմ համաձայնագիր են կնքել։ Այդ մասին գրում է Deutsche Welle-ի ռուսական ծառայությունը: Գերմանիայի կանցլեր Օլաֆ Շոլցը և Ուկրաինայի նախագահ Վլադիմիր Զելենսկին համաձայնագիրն ստորագրել են փետրվարի 16-ին, Բեռլինում։ Գերմանիայի դաշնային կառավարության ներկայացուցչի խոսքով՝ դա «համաձայնագիր է Ուկրաինային ցուցաբերվող երկարաժամկետ աջակցության և անվտանգության երաշխիքների վերաբերյալ»։ Ավելի վաղ՝ հունվարի 12-ին, Ուկրաինայի նախագահ Վլադիմիր Զելենսկին և Մեծ Բրիտանիայի վարչապետ Ռիշի Սունակն էին ստորագրել համաձայնագիր անվտանգության երաշխիքների շուրջ, որոնք կգործեն մինչև Ուկրաինայի անդամակցությունը ՆԱՏՕ-ին։ Մեծ Բրիտանիան առաջին երկիրն է դարձել, որը պայմանագիր է ստորագրել Կիևի հետ, ինչը նախատեսում է արագ և շարունակական աջակցություն Ուկրաինայի վրա նոր հարձակման դեպքում: Reuters-ի փոխանցմամբ՝ Ֆրանսիան կդառնա երրորդ երկիրը, որը երկկողմ անվտանգության համաձայնագիր կստորագրի Ուկրաինայի հետ։ Դա նախատեսված է Ելիսեյան պալատում փետրվարի 16-ի երեկոյան։ Եվրոպական երկրները մեծացնում են օգնությունը Կիևին ԱՄՆ-ում ներքաղաքական ճգնաժամի պայմաններում. Կոնգրեսի հանրապետականները շարունակում են արգելափակել լրացուցիչ ֆինանսավորման օրինագիծը, որը նաև նախատեսում է միջոցների հատկացում Ուկրաինային:
16:52 - 16 փետրվարի, 2024
ԿԳՄՍ նախարարը ՀՀ-ում ԳԴՀ դեսպանի և Երևանում «Գյոթե կենտրոնի» տնօրենի հետ քննարկել է համագործակցության հեռանկարները

ԿԳՄՍ նախարարը ՀՀ-ում ԳԴՀ դեսպանի և Երևանում «Գյոթե կենտրոնի» տնօրենի հետ քննարկել է համագործակցության հեռանկարները

ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է ՀՀ-ում Գերմանիայի Դաշնային Հանրապետության արտակարգ և լիազոր դեսպան Վիկտոր Ռիխտերի գլխավորած պատվիրակությանը: Այս մասին տեղեկացնում են ԿԳՄՍՆ-ից: Հանդիպմանը մասնակցել են ԿԳՄՍ նախարարի տեղակալ Արթուր Մարտիրոսյանը, Երևանում «Գյոթե կենտրոնի» նորանշանակ տնօրեն Յան-Թագե Քյուլինգը: ԿԳՄՍ նախարար Ժաննա Անդրեասյանը ողջունել է հյուրերին և կարևորել Գերմանիայի Դաշնային Հանրապետության հետ մի շարք ուղղություններով հաջող համագործակցությունը: Հանդիպման ընթացքում քննարկվել են երկու երկրների միջև կրթության և մշակույթի ոլորտներում համատեղ ծրագրերի իրականացումն ու երկկողմ համագործակցության զարգացմանը վերաբերող հարցեր: Մասնավորապես անդրադարձ է կատարվել Երևանում «Գյոթե կենտրոնի» գործունեությանը, որը հանդիսանում է «Գյոթե ինստիտուտի»՝ Գերմանիայի Դաշնային Հանրապետության Լեզվի և մշակույթի արտաքին ինստիտուտի գործընկերը: ՀՀ-ում Գերմանիայի Դաշնային Հանրապետության արտակարգ և լիազոր դեսպան Վիկտոր Ռիխտերը շնորհակալություն է հայտնել ընդունելության և միջմշակութային ու կրթական համագործակցության հեռանկարների քննարկման հնարավորության համար: «Գյոթե կենտրոնի» նորանշանակ տնօրեն Յան-Թագե Քյուլինգը ներկայացրել է կենտրոնի գործունեությունը` մասնավորապես անդրադառնալով Հայաստանում նախատեսվող նոր նախաձեռնություններին: Նրա խոսքով՝ Հայաստանի հետ համագործակցության կարևորագույն ուղղություններից են գերմաներենի ուսուցման արդյունավետության բարձրացումը և երկու երկրների միջև մշակութային հաղորդակցության խթանումը: «Շարունակելու ենք գերմաներեն լեզվի դասավանդողների վերապատրաստման աշխատանքները՝ համագործակցելով ՀՀ տարբեր մարզերի դպրոցների հետ: 2017 թվականից նաև միջազգային տարբեր խոշոր միջոցառումներ ենք իրականացրել մշակույթի ոլորտում մեր հայ գործընկերների հետ: Այս համագործակցությունը ևս շարունակվելու է»,- ասել է «Գյոթե կենտրոնի» նորանշանակ տնօրեն Յան-Թագե Քյուլինգը: ԿԳՄՍ նախարար Ժաննա Անդրեասյանն ընդգծել է, որ Երևանում «Գյոթե կենտրոնը» կարևոր տեղ է զբաղեցնում Հայաստանի կրթամշակութային կյանքում: Նախարարն առանձնահատուկ կարևորել է գերմանական կողմի հետ փոխհամագործակցությունը մասնագիտական կրթության և ուսուցման ոլորտում: ԿԳՄՍ նախարարը նաև նշել է՝ բավականին հաջող համագործակցություն է առկա գերմանական Gerkan, Marg and Partners ճարտարապետական ընկերության հետ՝ Ակադեմիական քաղաքի գլխավոր հատակագծի նախնական հայեցակարգի նախագծի իրականացման շուրջ: Հանդիպման ընթացքում կողմերը քննարկել են նաև երկու երկրների կառավարությունների միջև մշակույթի, կրթության, գիտության, սպորտի և երիտասարդության ոլորտներում համագործակցությանը վերաբերող մի շարք այլ հարցեր:
18:31 - 02 փետրվարի, 2024
Գերմանիայում երկու նախկին պատգամավորի դեմ մեղադրանք է առաջադրվել՝ Բաքվից կաշառք ստանալու կասկածանքով
 |1lurer.am|

Գերմանիայում երկու նախկին պատգամավորի դեմ մեղադրանք է առաջադրվել՝ Բաքվից կաշառք ստանալու կասկածանքով |1lurer.am|

1lurer.am: Գերմանիայի դատախազությունը մեղադրանքներ է առաջադրել խորհրդարանի երկու նախկին պատգամավորի դեմ, որոնք կասկածվում են Եվրոպայի խորհրդում Բաքվի օգտին քվեարկելու դիմաց Ադրբեջանից կաշառք ստանալու համար, գրում է Կոռուպցիայի և կազմակերպված հանցավորության հետազոտման կենտրոնը (OCCRP): Ակսել Ֆիշերը և Էդուարդ Լինտները եղել են ԵԽԽՎ անդամներ և ներգրավված են եղել «Ադրբեջանական լվացքատան» մեջ: OCCRP-ն հայտնում է, որ Բաքուն օգտագործել է 2,9 միլիարդ ԱՄՆ դոլարի գաղտնի հիմնադրամը, որպեսզի անվճար ուղևորություններ և թանկարժեք նվերներ առաջարկի եվրոպացի պատգամավորներին, որոնք պետք է քվեարկեին Բաքվի օգտին և ազդեցություն ունենային ԵԽԽՎ-ում մարդու իրավունքների վերաբերյալ զեկույցներում ադրբեջանամետ ձևակերպումների վրա: Մյունխենի դատախազությունը մեղադրանքներ է ներկայացրել նաև Էդուարդ Լինթների որդուն, որն օգնել է փոխանցումներ կատարել, ինչպես նաև «Lintner and Strenz» ընկերության նախկին աշխատակցին: Մյունխենի դատախազությունը հետաքննություն է վարում նաև Ադրբեջանի խորհրդարանի նախկին պատգամավոր Էլխան Սուլեյմանովի նկատմամբ, որը ղեկավարել է Բաքվում տեղակայված ՀԿ-ն, որի միջոցով իրականացվել են վճարումները: Նաև ենթադրվում է, որ հենց նա է հավաքագրել Ֆիշերին։
12:08 - 30 հունվարի, 2024
Ի պատասխան ԵԽԽՎ որոշման՝ Ադրբեջանում առաջարկել են հրաժարվել գերմանական ավտոմեքենաներից
 |factor.am|

Ի պատասխան ԵԽԽՎ որոշման՝ Ադրբեջանում առաջարկել են հրաժարվել գերմանական ավտոմեքենաներից |factor.am|

factor.am: Եվրախորհրդի Խորհրդարանական վեհաժողովում Ադրբեջանի պատվիրակության լիազորությունները չվավերացնելու՝ Վեհաժողովի որոշումը շարունակում է քննարկվել Ադրբեջանի քաղաքական ու փորձագիտական դաշտում։ Միլլի Մեջլիսի պատգամավոր Թահիր Ռզաևը, մասնավորապես, քննադատության է ենթարկել Գերմանիային, քանի որ ԵԽԽՎ-ում Ադրբեջանի պատվիրակության լիազորությունների սահմանափակման նախաձեռնության հեղինակը գերմանացի պատգամավոր Ֆրանկ Շվաբեն էր։ «Այսօր Գերմանիան Ադրբեջանի հետ հարաբերություններում հետ չի մնում Ֆրանսիայից։ Երկու պետություններն էլ պատմականորեն գաղութատերեր են, ամենասարսափելի պատերազմների մասնակիցներ, մարդասպան երկրներ, ֆաշիզմի և նրա քարոզչության կենտրոններ»,- ասել է Ռզաևը։ Նա նշել է, թե «Գերմանիան չի կարողանում տանել Ադրբեջանի ինքնիշխանությունը, նրա զարգացումը կամ անկախ քաղաքականության իրականացումը»։ «Իհարկե, Ադրբեջանը պետք է վճռական իր վերաբերմունքն արտահայտի այդ կողմնակալ դիրքորոշման նկատմամբ։ Սա արդեն մի քանի անգամ նշվել է։ Գերմանա-ադրբեջանական հարաբերությունները նախորդ տարիներին եղել են առողջ։ Ափսոս, որ այս հարաբերությունների վրա ստվեր գցողների թիվն ավելացել է»,- ասել է ադրբեջանցի պաշտոնյան՝ այդ ամենում մեղադրելով «հայամետ ուժերին»։ Ռզաևը հայտարարել է, որ պետք է դադարեցնել Գերմանիայից ավտոմեքենաների ներկրումը։ «Շատ կարևոր է ոչ միայն դադարեցնել Գերմանիայից ավտոմեքենաների ներկրումը, այլ նաև սահմանափակել այստեղ գործող որոշ կազմակերպությունների գործունեությունը։ Այս միջոցառումները պետք է լինեն բազմակողմանի և ընդգրկեն բոլոր ոլորտները։ Դրանք պետք է հստակ դրսևորվեն դիվանագիտական, տնտեսական, առևտրային և մշակութային ոլորտներում»,- հայտարարել է Ռզաևը։ Հիշեցնենք, որ ԵԽԽՎ-ի որոշմամբ Ադրբեջանի պատվիրակությունն առնվազն մեկ տարով հեռացվել է Վեհաժողովից և կարող է վերադառնալ՝ իր կանոնակարգային պարտավորությունները կատարելու դեպքում։ Ադրբեջանական պատվիրակության նկատմամբ քաղաքական պատժամիջոցներ սահմանող որոշմանը կողմ է քվեարկել 76, դեմ՝ 10 պատգամավոր, ևս 4 խորհրդարանական ձեռնպահ է մնացել։
10:09 - 30 հունվարի, 2024