Ինֆոթեգեր Մեր մասին
hy en ru
Նվիրաբերել

Իսրայել

Իսրայելի պետությունը ստեղծվել է 1948 թվականի մայիսի 14-ին՝ ՄԱԿ-ի Գլխավոր ասամբլեայի 1947 թվականի նոյեմբերի 29-ի որոշմամբ, ըստ որի Մեծ Բրիտանիայի ենթամանդատային Պաղեստինը հռչակվում էր անկախ եւ նրա տարածքում ստեղծվում էին երկու ինքնուրույն՝ արաբական եւ հրեական պետություններ։

Հրեական պետությանը՝ Իսրայելին, հատկացվում էր 14 հզ. կմ2 (Պաղեստինի տարածքի 56%) տարածություն՝ խառը բնակչությամբ։ Երուսաղեմը հանձնվում էր ՄԱԿ-ի կառավարմանը։ 1948 թվականի մայիսին Իսրայելում ստեղծվեց ժամանակավոր կառավարություն, որը կազմված էր բացառապես սիոնիստական կուսակցությունների ներկայացուցիչներից։ Կառավարության առաջին իսկ՝ «Անկախության դեկլարացիայով» սիոնիզմը հռչակվեց Իսրայելի պաշտոնական գաղափարախոսություն եւ քաղաքականություն։

Արաբա-իսրայելական պատերազմներից հետո` 1974 թվականի հունվարին եւ 1975 թվականի սեպտեմբերին Եգիպտոսի, իսկ 1974 թվականի մայիսին Սիրիայի հետ Իսրայելը կնքեց զորքերի տարանջատման եւ նրանց միջեւ բուֆերային գոտիներ ստեղծելու համաձայնագրեր։ 1979 թվականին Եգիպտոսը՝ առաջին արաբական երկիրն էր, որը խաղաղության դաշինք կնքեց Իսրայելի հետ։ Արդյունքում, Իսրայելը Սինայի թերակղզին Եգիպտոսին հետ վերադարձրեց։ Հորդանանը եւ Իսրայելը խաղաղության դաշինք կննքեցին 1994 թվականին։ Իսկ 2005 թվականին Իսրայելը իր բանակը դուրս բերեց Գազայի շրջանից։

Բայդենը վրդովեցուցիչ է անվանել իսրայելական առաջնորդների ձերբակալության համար օրդեր տալու ՄՔԴ-ի որոշումը |hy.armradio.am|

Բայդենը վրդովեցուցիչ է անվանել իսրայելական առաջնորդների ձերբակալության համար օրդեր տալու ՄՔԴ-ի որոշումը |hy.armradio.am|

hy.armradio.am: ԱՄՆ նախագահ Ջո Բայդենը վրդովեցուցիչ է անվանել Իսրայելի վարչապետ Բենիամին Նեթանյահուի և պաշտպանության նախկին նախարար Յոավ Գալանտի ձերբակալության համար օրդեր տրամադրելու Միջազգային քրեական դատարանի որոշումը։ «ՄՔԴ-ի կողմից Իսրայելի ղեկավարության ձերբակալության համար օրդեր տրամադրելը վրդովեցուցիչ է: Թույլ տվեք կրկին պարզաբանել. Իսրայելն ու Համասը հավասար չեն: Մենք միշտ Իսրայելի կողքին կլինենք՝ ընդդեմ նրա անվտանգության սպառնալիքների», - ասվում է Բայդենի հայտարարության մեջ, որը տարածել է Սպիտակ տան մամուլի ծառայությունը : Հինգշաբթի ՄՔԴ-ն Նեթանյահուի և Գալանտի ձերբակալության համար օրդեր էր տվել Գազայի հատվածում ենթադրյալ ռազմական հանցագործությունների համար: Դատարանը նաև մերժել էր փաստարկները, որոնցով վիճարկվում էր դատարանի իրավասությունը՝ Իսրայելի քաղաքացիների դեմ օրդեր տրամադրելու վերաբերյալ:
09:51 - 22 նոյեմբերի, 2024
«Հեզբոլլահ»-ը հայտարարել է Իսրայելի ռազմաբազաներին հարվածելու մասին |armenpress.am|

«Հեզբոլլահ»-ը հայտարարել է Իսրայելի ռազմաբազաներին հարվածելու մասին |armenpress.am|

armenpress.am: Լիբանանյան «Հեզբոլլահ» շարժման մարտիկները նոյեմբերի 21-ին շուրջ 20 ռազմական գործողություններ են իրականացրել Իսրայելի բանակի դեմ՝ հրթիռակոծելով Աշդոդում և Հայֆայում գտնվող ռազմակայանները: «Արմենպրես»-ի հաղորդմամբ՝ այդ մասին նշված է շարժման տարածած հաղորդագրությունում: Ըստ տեղեկությունների՝ սահմանային Թել Հարֆա բնակավայրում հարձակման են ենթարկվել նաև իսրայելական մեկ դիվերսիոն և մի քանի տարհանման խմբեր՝ զրահատեխնիկայով հանդերձ: Նշվում է, որ իսրայելական կողմն ընդունել է չորս զինվորականների զոհվելու և վեց մարտիկի վիրավորվելու փաստը: Իսրայելցի զինվորականների ևս մի քանի խմբեր հարձակման են ենթարկվել Իսրայելի տարածքում՝ Միտուլա բնակավայրի մոտ: Հաղորդագրության համաձայն՝ «Հեզբոլլահ»-ի մարտիկներն առաջին անգամ հրթիռակոծել են Լիբանանի հետ սահմանից 150 կմ հեռավորության վրա՝ Աշդոդ քաղաքից արևելք գտնվող իսրայելական Հաթցոր ավիաբազան: Նաև հրթիռներով և անօդաչու թռչող սարքերով գրոհի են ենթարկվել Ակկո քաղաքում գտնվող Շարագա ռազմաբազան, Հոլանի բարձունքներում տեղակայված վաղ նախազգուշացման կենտրոնը և Իսրայելի ռազմածովային ուժերի Հայֆայի բազան, որը գտնվում է Լիբանանի հետ սահմանից 35 կմ հեռու: Իսրայելական ինքնաթիռներն էլ իրենց հերթին հարվածների չորս շարք է հասցրել Բեյրութի հարավային արվարձաններին, ինչպես նաև արևելյան Լիբանանի Բեքաայի հովտի մի քանի բնակավայրերին:  
22:24 - 21 նոյեմբերի, 2024
ՄՔԴ որոշումը «անհեթեթ է, կեղծիք և հակասեմական»․Նեթանյահուի գրասենյակը՝ Իսրայելի վարչապետի կալանքի օրդերի մասին |factor.am|

ՄՔԴ որոշումը «անհեթեթ է, կեղծիք և հակասեմական»․Նեթանյահուի գրասենյակը՝ Իսրայելի վարչապետի կալանքի օրդերի մասին |factor.am|

factor.am: Բենիամին Նեթանյահուի գրասենյակն արաձագանքել է ՄԱԿ-ի Միջազգային քրեական դատարանի՝ Իսրայելի վարչապետին կալանավորելու որոշմանը՝ այն որակելով որպես «անհեթեթ և կեղծ», «հակասեմական», գրում է The Guardian-ը։ Բենիամին Նեթանյահուի գրասենյակը հայտարարել է, որ կտրականապես մերժում է Իսրայելի վարչապետի դեմ ներկայացված մեղադրանքները։ Պաշտպանության նախկին նախարար Յոավ Գալանտին նույնպես կալանավորելու օրդեր է տրվել։ Նեթանյահուի գրասենյակը հայտարարել է, որ երկիրը «չի ենթարկվի ճնշումներին, չի զսպվի և չի նահանջի», քանի դեռ, «Իսրայելի բոլոր ռազմական նպատակները չեն իրականացվել»։ Հիշեցնենք, որՄիջազգային քրեական դատարանն այսօր Իսրայելի վարչապետ Բենիամին Նեթանյահուի, պաշտպանության նախկին նախարար Յոավ Գալանտի ձերբակալման հրաման է տվել՝ նրանց մեղադրելով Գազայում պատերազմական հանցագործությունների մեջ։ ՄՔԴ-ն նաև ՀԱՄԱՍ-ի ռազմական ղեկավար Մուհամմադ Դեյֆիին ձերբակալման հրաման է տվել։
19:19 - 21 նոյեմբերի, 2024
ՄՔԴ-ն Նեթանյահուի ձերբակալման հրաման է տվել |armenpress.am|

ՄՔԴ-ն Նեթանյահուի ձերբակալման հրաման է տվել |armenpress.am|

armenpress.am: Միջազգային քրեական դատարանն Իսրայելի վարչապետ Բենիամին Նեթանյահուի ձերբակալման հրաման է տվել՝ նրան մեղադրելով Գազայում պատերազմական հանցագործությունների մեջ։ Այս մասին հաղորդում է The Independent պարբերականը։  ՄՔԴ-ն նաև Իսրայելի պաշտպանության նախկին նախարար Յոավ Գալանտի և պաղեստինյան ՀԱՄԱՍ արմատական շարժման պաշտոնյաների ձերբակալման հրաման է տվել։ Նեթանյահուն և Իսրայելի այլ պաշտոնյաներն ավելի վաղ դատապարտել էին ՄՔԴ գլխավոր դատախազ Քարիմ Խանի կողմից ձերբակալման հրաման ստանալու դիմում ներկայացնելու փաստը՝ դա համարելով «խայտառակ և հակասեմական»։ ԱՄՆ նախագահ Ջո Բայդենը նույնպես դատապարտել էր ՄՔԴ դատախազին և աջակցություն հայտնել Իսրայելին՝ նշելով, որ երկիրն իրավունք ունի պաշտպանվելու ՀԱՄԱՍ-ից։ ՄՔԴ-ն հայտնել է, որ ձերբակալման հրահանգ տալու համար պարտադիր չէ, որ Իսրայելը ճանաչի դատարանի իրավասությունը։ 
16:46 - 21 նոյեմբերի, 2024
Իսրայելը հարվածներ է հասցրել Բեյրութի հարավային արվարձանին |armenpress.am|

Իսրայելը հարվածներ է հասցրել Բեյրութի հարավային արվարձանին |armenpress.am|

armenpress.am: Իսրայելի պաշտպանության բանակը գիշերը երեք ավիահարված է հասցրել Բեյրութի հարավային արվարձանին՝ ավերելով մի քանի շենք։ Այդ մասին հաղորդում է Al Jazeera-ն՝ վկայակոչելով Լիբանանի պետական լրատվական գործակալությունը։ Հարվածները հասցվել են լուսաբացից առաջ: Զոհերի և վիրավորների մասին տեղեկություններ առայժմ չեն հաղորդվում։ Լիբանանի պետական գործակալությունը նաև հայտնել է, որ նոյեմբերի 20-ի ուշ երեկոյան իսրայելական հարվածներից Լիբանանի Մաարկեհ քաղաքում զոհվել է 5 մարդ, 23-ը՝ վիրավորվել։ Իսկ Տյուրոս քաղաքում զոհվել է 9 մարդ, վիրավորվել՝ 65-ը։  2023 թ. հոկտեմբերի 7-ին Իսրայելի վրա պաղեստինյան ՀԱՄԱՍ-ի հարձակմանը հաջորդած ռազմական գործողություններին զուգահեռ լիբանանյան «Հեզբոլլահ»-ը և Իսրայելը պարբերաբար փոխադարձ հարվածներ են իրականացնում։ 2024 թ. սեպտեմբերի 23-ին Իսրայելը «Հեզբոլլահ»-ի դեմ սկսել է «Հյուսիսի նետեր» գործողությունը Լիբանանի հարավում։ Մեկ տարվա ընթացքում Լիբանանում իսրայելական հարվածներից զոհվել է ավելի քան 3500 մարդ, վիրավորվել՝ ավելի քան 15 000 մարդ։ Հարյուր հազարավոր մարդիկ տեղահանվել են։ Իսրայելի հյուսիսից ևս տասնյակ հազարավոր մարդիկ են տեղահանվել «Հեզբոլլահ»-ի գնդակոծությունների պատճառով։ 
11:52 - 21 նոյեմբերի, 2024
Իսրայելը հարվածներ է հասցրել սիրիական Պալմիրային |factor.am|

Իսրայելը հարվածներ է հասցրել սիրիական Պալմիրային |factor.am|

factor.am: Սիրիական Պալմիրայի մոտ պայթյուններ են հնչել։ Սիրիական պետական SANA գործակալության տվյալներով՝ երկրի տարածքին հարվածներն իրականացրել է Իսրայելը։ Նշվում է, որ հարձակման հետևանքով վնասվել են բնակելի շենքեր և արտադրական ձեռնարկություններ։ Arab News-ն իր հերթին հայտնում է առնվազն չորս զինյալի և վեց խաղաղ բնակիչների մահվան մասին։ Իսրայելը չի մեկնաբանել Պալմիրայում պայթյունների մասին լուրերը։
19:00 - 20 նոյեմբերի, 2024
Իրանն Իսրայելին կպատասխանի ճիշտ ժամանակին և այն ձևով, որը նպատակահարմար է համարում. Արաղչի |tert.am|

Իրանն Իսրայելին կպատասխանի ճիշտ ժամանակին և այն ձևով, որը նպատակահարմար է համարում. Արաղչի |tert.am|

tert.am: Իրանը չի հրաժարվել Իսրայելին պատասխան տալու իր իրավունքից. այս մասին ասել է Իրանի արտգործնախարար Աբբաս Արաղչին Իսլամական հեղափոխության պահապանների կորպուսի հրամանատարների և աշխատակիցների հետ հանդիպման ժամանակ: «Մենք հայտարարել ենք, որ Իսրայելի ռեժիմի վերջին օպերացիան Իրանի Իսլամական Հանրապետության դեմ նոր ագրեսիա է։ «Ճշմարիտ խոստում 2» գործողությունը, ինչպես «Ճշմարիտ խոստում 1»-ը, պաշտպանական գործողություն էր: Սիոնիստական ռեժիմի նոր ագրեսիան արժանի է պատասխանի, և մենք չենք հրաժարվել արձագանքելու մեր իրավունքից։ Մենք կարձագանքենք ճիշտ ժամանակին և այն ձևով, որը նպատակահարմար ենք համարում», - ասել է Արաղչին: Նա ընդգծել է, որ վերջին «12 ամիսների ընթացքում Իրանը գործել է առանձնակի խելամիտ ռազմավարությամբ»։ «Մեր որոշումները զգացմունքային կամ հապճեպ չէին։ Նույնը տեղի կունենա «Ճշմարիտ խոստում 3» գործողության դեպքում», - եզրափակել է նախարարը։
11:18 - 20 նոյեմբերի, 2024
«Հեզբոլլահ»-ը հրթիռ է արձակել Իսրայելի ուղղությամբ, կան վիրավորներ |tert.am|

«Հեզբոլլահ»-ը հրթիռ է արձակել Իսրայելի ուղղությամբ, կան վիրավորներ |tert.am|

tert.am: Նոյեմբերի 18-ի երեկոյան լիբանանյան «Հեզբոլլահ» խմբավորումը հրթիռ է արձակել Իսրայելի կենտրոնական հատվածի ուղղությամբ: Թել Ավիվի արվարձաններից մեկում խաղաղ բնակիչներ են վիրավորվել, հայտնում է The Times of Israel-ը։ Նշվում է, որ Բնեյ Բրաքի և Ռամաթ Գանի շրջաններում հինգ մարդ վիրավորվել է «Հեզբոլլահ»-ի հրթիռակոծությունից հետո։ 54-ամյա կնոջ վիճակը գնահատվում է ծանր։ Մեկ հոգու վիճակը միջին ծանրության է, երեքը ստացել են թեթև վնասվածքներ։ Բոլորը վիրավորվել են բեկորներից։ Իսրայելի պաշտպանության բանակը հայտնել է, որ հարձակման ժամանակ մեկ հրթիռ է արձակվել Լիբանանից, և իսրայելական ՀՕՊ-ը բարեհաջող որսացել է այն: Հրթիռի բեկորներն ընկել են Թել Ավիվի երկու արվարձանների միջև, ինչի հետևանքով հրդեհ է առաջացել, վնասվել են շենքեր ու մեքենաներ: 
10:24 - 19 նոյեմբերի, 2024
Բեյրութում իսրայելական ռմբակոծության հետևանքով զոհվել է «Հեզբոլլահի» մամուլի խոսնակը |hy.armradio.am|

Բեյրութում իսրայելական ռմբակոծության հետևանքով զոհվել է «Հեզբոլլահի» մամուլի խոսնակը |hy.armradio.am|

hy.armradio.am: «Հըզբոլլահի» մամուլի խոսնակ Մուհամմեդ Աֆիֆը սպանվել է Բեյրութի կենտրոնում իսրայելական հարձակման հետևանքով։ Լուրը հաստատել է լիբանանյան զինյալ խմբավորումը, հայտնում է BBC-ն։ Կիրակի օրը հարված է հասցվել «Բաաս» կուսակցության շտաբին, որը գտնվում է խիտ բնակեցված Ռաս ալ Նաբա թաղամասում, հայտնում է Լիբանանի պետական ​​ազգային լրատվական գործակալությունը: Ըստ երկրի առողջապահության նախարարության՝ չորս մարդ է զոհվել, զոհերի անունները չեն նշվել:
13:34 - 18 նոյեմբերի, 2024
Երկու ռումբ է արձակվել Իսրայելի վարչապետի տան ուղղությամբ |azatutyun.am|

Երկու ռումբ է արձակվել Իսրայելի վարչապետի տան ուղղությամբ |azatutyun.am|

azatutyun.am: Իսրայելի հյուսիսում գտնվող Կեսարիա քաղաքում շաբաթ օրը երկու ռումբ է արձակվել երկրի վարչապետ Բենիամին Նեթանյահուի տան ուղղությամբ և ընկել այգում, հայտնում է ոստիկանությունը։ Ո՛չ Նեթանյահուն, ո՛չ նրա ընտանիքը այնտեղ չեն եղել, և ավերածություններ չեն գրանցվել, ասվում է հայտարարության մեջ։ Իսրայելի պաշտպանության նախարար Իսրայել Կացը հայտարարել է, որ միջադեպը հատել է «բոլոր կարմիր գծերը»: «Իսրայելի վարչապետին, ում սպառնում են Իրանը և նրա վստահորդները, որոնք փորձում են սպանել նրան, չի կարող ենթարկվել նույն սպառնալիքներին տանը», - ասել է Կացը: Նա նաև կոչ է արել անվտանգության և իրավապահ մարմիններին անհրաժեշտ միջոցներ ձեռնարկել։ Հոկտեմբերին ևս հարձակում էր գրանցվել՝ անօդաչու թռչող սարք էր արձակվել Կեսարիայում գտնվող վարչապետի տան ուղղությամբ, վնասներ չէին գրանցվել։
10:46 - 17 նոյեմբերի, 2024
Իսրայելի նախագահը չեղարկել է իր այցը Բաքու COP29-ին՝ «անվտանգության նկատառումներից ելնելով» |news.am|

Իսրայելի նախագահը չեղարկել է իր այցը Բաքու COP29-ին՝ «անվտանգության նկատառումներից ելնելով» |news.am|

news.am: Ադրբեջանի դաշնակից Իսրայելի նախագահ Իսահակ Հերցոգը չեղարկել է իր ծրագրված այցը Բաքվում ՄԱԿ-ի կլիմայի COP29 համաժողովին, հայտնում է Times of Israel-ը՝ հղում անելով Հերցոգի վարչակազմին։Դյուկի վարչակազմն Ադրբեջան իր այցի չեղարկումը բացատրել է «անվտանգության նկատառումներով»՝ իրավիճակի գնահատման արդյունքում։
21:50 - 16 նոյեմբերի, 2024
Սիրիան դատապարտել է իսրայելական հարձակումները, որոնք երկրում տասնյակ մարդկանց կյանք են խլել |armenpress.am|

Սիրիան դատապարտել է իսրայելական հարձակումները, որոնք երկրում տասնյակ մարդկանց կյանք են խլել |armenpress.am|

armenpress.am: Սիրիայի արտգործնախարարությունը հայտարարել է, որ երկիրը դատապարտում է Իսրայելի հարձակումները, որոնց հետևանքով զոհվել և վիրավորվել են տասնյակ խաղաղ բնակիչներ, այդ թվում՝ կանայք և երեխաներ: Այս մասին հաղորդում է SANA գործակալությունը։ Ըստ գերատեսչության հայտարարության՝ Իսրայելի կողմից թիրախավորված բնակելի շենքերն ամբողջությամբ ավերվել են։ Բացի այդ, մեծ նյութական վնաս է հասցվել կենսական նշանակության օբյեկտներին, ինչպիսիք են կամուրջները և որոշ միջազգային ճանապարհներ։ Ավելի վաղ SANA-ն, վկայակոչելով Սիրիայի պաշտպանության նախարարությունը, հայտնել էր, որ նոյեմբերի 14-ին Դամասկոսի Մազե և Քուդսայա շրջաններին Իսրայելի հասցրած հարվածների հետևանքով զոհվել է 15 խաղաղ բնակիչ, ևս 16-ը՝ վիրավորվել։ Զոհերի և վիրավորների թվում կան կանայք և երեխաներ։ «Սիրիան հաստատում է, որ բռնազավթող վարչակազմի կողմից միջազգային օրենքների և կանոնակարգերի շարունակական անտեսումը և նրա անտարբերությունն իր ագրեսիան և ոտնձգությունները դադարեցնելու միջազգային բոլոր պահանջների նկատմամբ, այն բանի հետևանքն է, որ Անվտանգության խորհուրդը չի կարողացել վճռական և իրական դիրքորոշում որդեգրել՝ նրան (Իսրայելին) հետ պահելու իր հանցագործություններից, որոնք ներառում են նաև հարձակումներ Լիբանանում միջազգային խաղաղապահ ուժերի վրա, որոնք խոչընդոտում են ՄԱԿ-ի Պաղեստինի փախստականների օգնության և աշխատանքների կազմակերպման գործակալության աշխատանքը», - ասված է հայտարարության մեջ։ Իսրայելի բանակը պարբերաբար հարվածներ է հասցնում Սիրիայի տարածքին՝ նշելով, որ թիրախավորում է լիբանանյան «Հեզբոլլահ» շարժման օբյեկտները։
10:52 - 15 նոյեմբերի, 2024
Իսրայելը հարվածներ է հասցրել Դամասկոսի կենտրոնին |factor.am|

Իսրայելը հարվածներ է հասցրել Դամասկոսի կենտրոնին |factor.am|

factor.am: Իսրայելական ռազմական ավիացիան, ըստ նախնական տվյալների, հարվածներ է հասցրել Սիրիայի մայրաքաղաք Դամասկոսի կենտրոնական Մազզեի շրջանին, հաղորդում է սիրիական SANA գործակալությունը։ «Նախնական տվյալներով՝ Մազզեի շրջանում պայթյունների պատճառը եղել է թշնամական Իսրայելի օդից հարձակումը», – նշվում է հրապարակման մեջ։ Գործակալության տվյալներով՝ իսրայելական օդուժի հերթական հարվածն ուղղված է եղել բնակելի շենքին։
19:47 - 14 նոյեմբերի, 2024
Թուրքիան խզել է հարաբերությունները Իսրայելի հետ |armenpress.am|

Թուրքիան խզել է հարաբերությունները Իսրայելի հետ |armenpress.am|

armenpress.am: Թուրքիան դադարեցրել է դիվանագիտական հարաբերությունները Իսրայելի հետ: Ինչպես հաղորդում է «Արմենպրես»-ը, վկայակոչելով  «ՌԻԱ Նովոստին», այս մասին հայտարարել է Թուրքիայի նախագահ Ռեջեփ Թայիփ Էրդողանը: «Մենք՝ որպես Թուրքիայի Հանրապետության  կառավարություն, խզել ենք հարաբերությունները Իսրայելի հետ»,- նշել է Էրդողանը: Նա  հավելել է, որ Անկարան այս պահին ոչ մի քայլ չի ձեռնարկում ապագայում համագործակցությունը զարգացնելու համար։ Ավելի ուշ իսրայելական Yedioth Ahronoth պարբերականը տարածել է հաղորդագրություն, որում ասված է․ «Թել Ավիվում Թուրքիայի դեսպանատունը շարունակում է գործել. Իսրայելի իշխանությունները հայտարարել են, որ հարաբերությունների խզման մասին չեն ծանուցվել»,- նշված է լրատվամիջոցի հաղորդագրությունում։      
19:39 - 13 նոյեմբերի, 2024
Իսրայելը կարող է ուղիղ սպառնալիք ներկայացնել Թուրքիայի համար․ Թուրքիայի ՊՆ ղեկավար

Իսրայելը կարող է ուղիղ սպառնալիք ներկայացնել Թուրքիայի համար․ Թուրքիայի ՊՆ ղեկավար

Թուրքիայի պաշտպանության նախարար Յաշար Գյուլերը հայտարարել է, որ Իսրայելը կարող է ուղիղ սպառնալիք կարող է ներկայացնել Թուրքիայի համար՝ պնդելով, որ «Իսրայելը ագրեսիվ երկիր է, այն կարող է հարձակվել Թուրքիայի վրա» և միաժամանակ հնարավոր համարելով ցանկացած պահի Երրորդ համաշխարհային պատերազմի մեկնարկը: Այդ մասին Գյուլերը ասել է թուրքական TV100 հեռուստաալիքի ուղիղ եթերում ելույթի ժամանակ՝ ընդգծելով, որ Թուրքիան պետք է պատրաստ լինի ցանկացած սցենարի: Հարցին, թե Իսրայելը կարո՞ղ է ուղիղ սպառնալիք լինել Թուրքիայի համար, Գյուլերը պատասխանել է. «Մեր նախագահը զգուշացնում է հասարակությանը, որովհետև նա տեսնում է վտանգ: Պարոն նախագահը նման անհանգստություն կհայտնե՞ր, եթե պոտենցիալ սպառնալիք չտեսներ Իսրայելից»: Գյուլերը նաև պատմական զուգահեռներ է անցկացրել՝ հիշեցնելով, թե ինչպես նախորդ համաշխարհային պատերազմները մեկնարկել թվացյալ փոքր իրադարձություններից՝ զգուշացնելով, որ հակամարտությունը կարող է անսպասելի տեղի ունենալ. «Բնականաբար մենք պատերազմ չենք ցանկանում, բայց մենք պետք է պատրաստ լինենք»: Թուրքիայի պաշտպանության նախարարը հայտնել է, որ Թուրքիայի առաջնահերթությունն է խաղաղություն պահպանելը, ու հավելել է, որ երկրի անվտանգային ուժերը մանրամասն պլաններ են մշակում պոտենցիալ սպառնալիքների համար: «Մենք պատասխանատու ենք Թուրքական Հանրապետության և թուրք ժողովրդի անվտանգության համար: Մենք ցանկացած հնարավորություն կօգտագործենք և կգնահատենք ամեն սցենար»,- ասել է Գյուլերը:
12:46 - 13 նոյեմբերի, 2024
Հեզբոլլահը հայտարարել է Իսրայելի ռազմաօդային ուժերի բազան գրոհելու մասին |armenpress.am|

Հեզբոլլահը հայտարարել է Իսրայելի ռազմաօդային ուժերի բազան գրոհելու մասին |armenpress.am|

armenpress.am: «Հեզբոլլահի» կործանիչները մի շարք հրթիռներ են արձակել Թել Ավիվի հարավում գտնվող Իսրայելի ռազմաօդային ուժերի ռազմակայանի ուղղությամբ։ Ինչպես տեղեկացնում է «ՌԻԱ Նովոստի»-ն, այդ մասին հայտնել է շարժման մամուլի ծառայությունը: Ավելի վաղ «Հեզբոլլահի» մամուլի ծառայությունը հայտարարել էր Ակրե քաղաքի հյուսիսում գտնվող Շարագա բազայի և Նևե Զիվ շրջանում իսրայելական բանակի հրետանային դիրքերի ուղղությամբ հրթիռային հարձակման մասին։  
21:55 - 12 նոյեմբերի, 2024