Մևլութ Չավուշօղլու

Մեւլութ Չավուշօղլուն 2014 թվականից մինչ այժմ Թուրքիայի արտաքին գործերի նախարարն է:

2010-2012 թվականներին եղել է ԵԱՀԿ նախագահ։ Նա Թուրքիայի «Արդարացում և զարգացում» կուսակցության հիմնադիր անդամ է։

Չավուշօղլուն հայտարարել է, թե Թուրքիայի քաղաքականությունը «նպաստում է կայունությանն ամբողջ աշխարհում», այդ թվում՝ Հարավային Կովկասում

 |factor.am|

Չավուշօղլուն հայտարարել է, թե Թուրքիայի քաղաքականությունը «նպաստում է կայունությանն ամբողջ աշխարհում», այդ թվում՝ Հարավային Կովկասում |factor.am|

factor.am: Ժամանակակից աշխարհը կարելի է անվանել համաշխարհային քաղաքականության մեջ անորոշության շրջան։ Եվրոպայի կենտրոնում պատերազմը ցնցում է ուժերի հավասարակշռությունն աշխարհում, խորացնում առաջատար տերությունների միջև հակասությունները։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Տոկիոյում  ճապոնական լրատվամիջոցների հետ հանդիպմանը, գրում է Անադոլու գործակալությունը։ «Թուրքիան այն բացառիկ երկրներից է, որը շարունակում է Ռուսաստանի հետ երկխոսությունը»,- ասել է նա՝ նշելով, որ Անկարան ինչպես Արևմուտքի, այնպես էլ Արևելքի հետ է։ Չավուշօղլուն նաև նշել է, որ Արևմուտքում կան դերակատարներ, որոնք հանդես են գալիս Ուկրաինայի պատերազմը շարունակելու օգտին։ «Այդ դերակատարները կարծում են, որ պատերազմի շարունակությունը կթուլացնի Ռուսաստանը։ Սակայն փաստն այն է, որ հիմնական վնասը կրում է Ուկրաինան»,- ասել է թուրք նախարարը։ Նա նշել է, որ Անկարայի քաղաքականությունը, իբր, նպաստում է կայունությանն ամբողջ աշխարհում։ Ըստ նրա՝ դրա վառ օրինակն են Թուրքիայի ջանքերը Լիբիայում, Բոսնիա և Հերցոգովինայում, Հարավային Կովկասում և Ուկրաինայում։
15:05 - 26 սեպտեմբերի, 2022
Չավուշօղլու․ «Հայաստանին անհրաժեշտ են խաղաղություն և տարածաշրջանային համագործակցություն» |armtimes.com|

Չավուշօղլու․ «Հայաստանին անհրաժեշտ են խաղաղություն և տարածաշրջանային համագործակցություն» |armtimes.com|

armtimes.com: Հայաստանին անհրաժեշտ են խաղաղություն և տարածաշրջանային համագործակցություն։ Այս մասին, ինչպես փոխանցում է Hurriyet-ը, Լոս Անջելեսում Անկարայի գլխավոր հյուպատոսությունում թուրքական համայնքի ներկայացուցիչների հետ հանդիպման ժամանակ հայտարարել է Թուրքիայի արտգործնախարար Մևլութ Չավուշօղլուն։ Նա, խոսելով հայ-թուրքական հարաբերությունների կարգավորման գործընթացների մասին, հայտարարել է, թե Հայաստանին պետք է միայն խրախուսել դրա համար։ Թուրք նախարարը հիշեցրել է նաև ԱՄՆ-ի հայկական համայնքին՝ նշելով, որ այն բավական ակտիվ է, բայց «ԱՄՆ-ում հայերի խումբ կա, որը դեմ է Թուրքիայի հետ հարաբերությունների կարգավորմանը, մինչդեռ եթե Հայաստանը տարածաշրջանում խաղաղության և համագործակցության կարիք ունի, պետք է գնահատի այս հնարավորությունը»։ Այս կապակցությամբ Չավուշօղլուն կոչ է արել թուրքական համայնքին ավելի ակտիվ լինելու և լուրջ կապեր հաստատելու Միացյալ Նահանգների հասարակական և քաղաքական կյանքում։
19:31 - 25 սեպտեմբերի, 2022
Մևլութ Չավուշօղլուն «կոչ է արել Երևանին երկխոսություն սկսելու Բաքվի հետ»

Մևլութ Չավուշօղլուն «կոչ է արել Երևանին երկխոսություն սկսելու Բաքվի հետ»

Թուրքիայի ԱԳ նախարար Մևլութ Չավուշօղլուն «կոչ է արել Երևանին երկխոսություն սկսելու Բաքվի հետ»։ Այս մասին հայտարարել է Թուրքիայի արտգործնախարար Մևլութ Չավուշօղլուն։  Նրա խոսքով՝ «Երևանը պետք է հրաժարվի նման սադրանքներից՝ տարածաշրջանում խաղաղության և կայունության հասնելու համար»։ Նա հավելել է, որ Բաքուն չէր կարող չպատասխանել Ադրբեջանի հետ սահմանին Հայաստանի գործողություններին, հաղորդում է «Ինտերֆաքս Ադրբեջանը»։ Թուրքական դիվանագիտության ղեկավարն ընդգծել է, որ իրավիճակը տարածաշրջանում բավականին փխրուն է և հիշեցրել է համապարփակ համաձայնագիր ստորագրելու ադրբեջանական կողմի առաջարկը։ Նա ընդգծել է, որ այդ համաձայնագրին Երևանը երկար ժամանակ չէր համաձայնվում։ Դիվանագետը նշել է, որ Թուրքիայի և Եվրամիության մասնակցությամբ այս հարցով կապ է հաստատվել Ադրբեջանի և Հայաստանի արտգործնախարարների միջև, քննարկումներ են սկսվել սահմանի սահմանազատման և սահմանագծման շուրջ։
13:48 - 14 սեպտեմբերի, 2022
Չավուշօղլուն և Բայրամովը քննարկել են հայ-ադրբեջանական սահմանի իրավիճակը

Չավուշօղլուն և Բայրամովը քննարկել են հայ-ադրբեջանական սահմանի իրավիճակը

Թուրքիայի և Ադրբեջանի ԱԳ նախարարները քննարկել են Հայաստան-Ադրբեջան սահմանին իրավիճակը։ Այս մասին Թուրքիայի ԱԳ նախարար Մևլութ Չավուշօղլուն տեղեկացրել է իր թվիթերյան միկրոբլոգում։ «Իմ եղբայր Ջեյհուն Բայրամովի հետ քննարկել եմ Հայաստանի սադրանքները Ադրբեջան-Հայաստան պետական սահմանին։ Հայաստանը պետք է դադարեցնի սադրանքները և կենտրոնանա խաղաղության բանակցությունների ու Ադրբեջանի հետ համագործակցության վրա»,- գրել է նա։ Հիշեցնենք, որ սեպտեմբերի 12-ի, լույս 13-ի գիշերը՝ ժամը 00:05-ից, Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: ՀՀ ՊՆ փոխանցմամբ՝ առավոտյան ժամը 08:00-ի դրությամբ իրադրությունը հայ-ադրբեջանական սահմանին էական փոփոխություններ չի կրել։ Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով կիրառել հրետանային միջոցներ, ականանետներ, ԱԹՍ-ներ և խոշոր տրամաչափի հրաձգային զինատեսակներ՝ թիրախավորելով թե ռազմական, թե էլ քաղաքացիական ենթակառուցվածքները։ Սահմանի որոշ հատվածներում դիրքային մարտերը շարունակվում են։ Հակառակորդը չի դադարեցնում առաջխաղացման փորձերը։  
11:11 - 13 սեպտեմբերի, 2022
Իմ խոսքերը բաց նախազգուշացում են Հունաստանին. Չավուշօղլուն դիմել է Աթենքին
 |tert.am|

Իմ խոսքերը բաց նախազգուշացում են Հունաստանին. Չավուշօղլուն դիմել է Աթենքին |tert.am|

tert.am: Թուրքիայի արտաքին գործերի նախարար Մևլութ Չավուշօղլուն Հունաստանին նախազգուշացրել է «ուրիշների հաշվին արկածախնդրության» հետևանքների մասին, գրում է Anadolu գործակալությունը:«Աթենքն իրեն անհանգիստ է պահում: Նրանք, ովքեր առաջնորդվում են արտաքին ուժերի կողմից, դատապարտված են քաղելու իրենց գործողությունների հետևանքները։ Իմ խոսքերը բաց նախազգուշացում են Հունաստանին»,- ասել է Չավուշօղլուն՝ ելույթ ունենալով Անկարայում։ՆԱՏՕ-ի դաշնակիցներ Հունաստանն ու Թուրքիան տարածքային վեճերի պատճառով բազմիցս հայտնվել են զինված հակամարտության եզրին: Լարվածության նոր փուլը սկսվել է օգոստոսի 23-ին, երբ, ըստ Թուրքիայի պաշտպանության նախարարության, Հունաստանը ՆԱՏՕ-ի առաքելության ժամանակ ռուսական արտադրության С-300 հակաօդային պաշտպանության համակարգեր է տեղակայել՝ թիրախավորելու թուրքական F-16-ները։ Հունաստանը հերքում է դա։
14:22 - 12 սեպտեմբերի, 2022
Չավուշօղլուն խոսել է Հայաստան-Ադրբեջան և Հայաստան-Թուրքիա գործընթացներից
 |ermenihaber.am|

Չավուշօղլուն խոսել է Հայաստան-Ադրբեջան և Հայաստան-Թուրքիա գործընթացներից |ermenihaber.am|

ermenihaber.am: Սեպտեմբերի 5-ին Անկարայում տեղի է ունեցել Թուրքիայի և Ֆրանսիայի արտգործնախարարների հանդիպումը։ Մևլութ Չավուշօղլուն և Քեթրին Կոլոննան համատեղ մամուլի ասուլիս են տվել, որի ընթացքում Չավուշօլուն անդրադարձել է Հայաստան-Ադրբեջան և Հայաստան-Թուրքիա գործընթացներին։ Թուրքիայի արտգործնախարարն ասել է, որ աշխատանքային ընթրիքի ժամանակ պատրաստվում է իր ֆրանսիացի գործընկերոջը տեղեկացնել Հայաստանի և Թուրքիայի միջև ընթացող երկխոսության մասին։ Շեշտել է, որ «Ղարաբաղյան վերջին պատերազմից ու Ադրբեջանի հաղթանակից հետո կովկասյան տարածաշրջանում մնայուն խաղաղության և կայունության կարևոր հնարավորություն է ստեղծվել և դրա համար անհրաժեշտ է բոլորի աջակցությունը»։ «Թե՛ Թուրքիայի ու Հայաստանի և թե՛ Ադրբեջանի ու Հայաստանի միջև երկխոսություն է ընթանում, աշխատանքները շարունակվում են։ Մասնավորապես, համապարփակ խաղաղության պայմանագրի համար  բանակցություններ են ընթանում։ Անհրաժեշտ է, որ այս ամենին աջակցենք»,- ասել է Չավուշօղլուն։ Ֆրանսիայի արտգործնախարարն էլ դրական է արձագանքել թուրք գործընկերոջ դիտարկումներին՝ ասելով.  «Տարածաշրջանում շատ լավ, դրական միջավայր է ձևավորվում։ Թուրքիայի և Հայաստանի միջև երկխոսությունն ավելանում է։ Իսկ դա շատ դրական է»։
12:17 - 06 սեպտեմբերի, 2022
Հայաստանի ու Թուրքիայի երկխոսությունը Ադրբեջան - Հայաստան գործընթացից անկախ տեսնելը իրատեսական չէ. Չավուշօղլու

Հայաստանի ու Թուրքիայի երկխոսությունը Ադրբեջան - Հայաստան գործընթացից անկախ տեսնելը իրատեսական չէ. Չավուշօղլու

«Ադրբեջանի հաղթանակից հետո» Թուրքիան քայլեր է ձեռնարկում Հարավային Կովկասում խաղաղություն հաստատելու համար։ Այս մասին հայտարարել է Թուրքիայի ԱԳ նախարար Մևլութ Չավուշօղլուն՝ խոսելով Հայաստանի հետ հարաբերությունների կարգավորման մասին։   Ըստ Չավուշօղլուի՝ խոսքը թռիչքների վերաբացման ու առևտրի ոլորտում որոշակի քայլեր ձեռնարկելուն է վերաբերում։ Չավուշօղլուն միևնույն ժամանակ նշել է՝ Հայաստանի ու Թուրքիայի իրականացրած այս երկխոսությունը Ադրբեջանի և Հայաստանի միջև գործընթացից անկախ տեսնելը իրատեսական չէ։  «Հարավային Կովկասում երկարատև ​​խաղաղության կարելի է հասնել միայն Հայաստանի և Ադրբեջանի միջև համապարփակ և մշտական ​​խաղաղության համաձայնագրի միջոցով։ Ադրբեջանը առաջարկների փաթեթ ներկայացրեց, որին Հայաստանը երկար ժամանակ չպատասխանեց։ Հիմա ստեղծվել է սահմանային հարցերի հանձնաժողով․ այս աշխատանքները պետք է իրականացվեն։ Կա նաև Զանգեզուրի միջանցքի հարցը։ Սրանց մասին խոսելը Հայաստանին նյարդայնացնում է, բայց սա այն է, ինչ ստորագրվել է եռակողմ հայտարարությամբ»,- նշել է Թուրքիայի արտաքին գերատեսչության ղեկավարը։  Չավուշօղլուի խոսքով՝ «Հայաստանը պետք է հասկանա ու ասի՝ արդյոք ուզում է խաղաղություն, թե ոչ»։  «Տպավորություն է, թե Ադրբեջանն է Հայաստանից հողեր վերցրել։ Ադրբեջանը արդեն ճանապարհ է կառուցել, խաղաղապահ ուժերն էլ այդտեղ են կանգնելու։ Այդ բնակելի վայրերից դուրս գալիս հայերը այրում ու ոչնչացնում են դրանք։ Բոլորը տեսնում են մեր անկեղծությունը Հայաստանի հետ հարաբերությունների կարգավորման մեջ, բայց Հայաստանը նույնպես պետք է իմանա և չզարմանա։ Մեր բարի մտադրությունների մեջ կասկած չկա։ Մենք խաղաղություն ենք ուզում»,- եզրափակել է Չավուշօղլուն։ 
14:12 - 23 օգոստոսի, 2022
Արեւմուտքում կան երկրներ, որոնք Ուկրաինայում պատերազմի շարունակություն են ուզում. Չավուշօղլու
 |news.am|

Արեւմուտքում կան երկրներ, որոնք Ուկրաինայում պատերազմի շարունակություն են ուզում. Չավուշօղլու |news.am|

news.am: Արեւմուտքում կան երկրներ, որոնք Ուկրաինայում պատերազմի շարունակություն են ուզում։ Այս մասին հայտարարել է Թուրքիայի արտգործնախարար Մեւլութ Չավուշօղլուն։ «Ստամբուլում (Ուկրաինայի եւ Ռուսաստանի) դեմ առ դեմ բանակցությունների վերջին փուլից հետո մենք լիահույս էինք կողմերի դիրքորոշումների մոտեցման ֆոնին։ Սակայն հասան տեսանյութերն եւ լուսանկարները Բուչայից, եւ մթնոլորտը փոխվեց: Երկխոսությունն ընդհատվեց։ Դա, իմ կարծիքով, բեկումնային կետ դարձավ»,- ասաց նախարարը։ Նրա խոսքով՝ այս պահին կարեւոր է համաձայնության գալ «Ուկրաինայի տարածքային ամբողջականությանը եւ սահմանների անձեռնմխելիությանը» ուղղված հրադադարի շուրջ։ «Թուրքիան այն երկրների շարքում է, որոնք ամենաակտիվ կերպով պաշտպանում են Կիեւի դիրքորոշումը թե՛ Ղրիմի հարցում, թե՛ ռուսական հարձակումների ֆոնին»,- ասել է Չավուշօղլուն։ Ընդ որում, նա նշել է, որ Արեւմուտքում կան երկրներ, որոնք Ուկրաինայում պատերազմի շարունակություն են ուզում։ «Խոսքը ՆԱՏՕ-ի անդամ երկրների մասին է։ Խոսքս ոչ միայն ԱՄՆ-ի, այլ Դաշինքի երկրների մասին է։ Կային ուժեր, որոնք փորձում էին տապալել պայմանավորվածությունները հացահատիկի շուրջ։ Ես ուզում եմ վերապահում անել, որ խոսքը ոչ թե ԱՄՆ-ի, այլ Եվրոպայի մասին է»,- հայտարարել է թուրքական դիվանագիտության ղեկավարը։
13:04 - 23 օգոստոսի, 2022
Թուրքիան և Իսրայելը փոխադարձաբար դեսպաններ կնշանակեն

 |armenpress.am|

Թուրքիան և Իսրայելը փոխադարձաբար դեսպաններ կնշանակեն |armenpress.am|

armenpress.am: Թուրքիայի արտգործնախարար Մևլութ Չավուշօղլուն հայտնել է, որ Թուրքիան որոշում է կայացրել Իսրայելում Թուրքիայի դեսպան նշանակել: Այս մասին հայտնում է թուրքական Milliyet-ը: «Երբ նոր կառավարությունը ստանձնեց պարտականությունները, Իսրայելի հետ երկխոսության գործընթաց սկսեց։ Գործընթացը շարունակվեց պարոն Հերցոգի այցով Թուրքիա և իմ այցով Իսրայել։ Հարաբերությունների կարգավորմանն ուղղված քայլերի թվում եղել է նաև դեսպանների նշանակումը։ Մենք նախապես հայտարարել ենք, որ սկսել ենք աշխատանքները այս հարցով։ Որպես Թուրքիա՝ մենք որոշել ենք դեսպան նշանակել Թել Ավիվում։ Թո՛ղ հաջող լինի: Սրանից հետո սկսում է անունների որոշման գործընթացը»,- ասել է Թուրքիայի արտգործնախարարը: Իսրայելի վարչապետի գրասենյակը նույնպես հանդես է եկել հայտարարությամբ, որը հրապարակվել է գրասենյակի թվիթերյան միկրոբլոգում: «Թուրքիայի հետ հարաբերությունների վերականգնումը կարևոր արժեք է տարածաշրջանային կայունության համար և շատ կարևոր տնտեսական նորություն Իսրայելի քաղաքացիների համար։ Մենք կշարունակենք ամրապնդել Իսրայելի դիրքերն աշխարհում: Վարչապետ Յաիր Լապիդի և Թուրքիայի նախագահ Ռեջեփ Թայիփ էրդողանի հանդիպումից հետո Իսրայելը և Թուրքիան նորից վերականգնեցին դիվանագիտական հարաբերությունները»,- ասվում է հայտարարության մեջ:
16:39 - 17 օգոստոսի, 2022
Թուրքիան պայքարում  է Սիրիան  մասնատել ցանկացողների դեմ․ Չավուշօղլու
 |tert.am|

Թուրքիան պայքարում է Սիրիան մասնատել ցանկացողների դեմ․ Չավուշօղլու |tert.am|

tert.am: Թուրքիայի արտգործնախարար Մևլութ Չավուշօղլուն խոսել է Սիրիայի տարածքային ամբողջականության մասին։ «Սիրիայի մասնատումը կանխելու համար երկիրը պետք է ուժեղ վարչակազմ ունենա: Կամքը, որով հնարավոր կլինի իշխել երկրի յուրաքանչյուր անկյունում, հնարավոր է ձեռք բերել միայն միասնության և համերաշխության միջոցով»,-ասել է նա։   Պատասխանելով հարցին՝ արդյոք ՌԴ-ի հետ մշակվել է Սիրիայում ահաբեկչական խմբավորումների դեմ գործողության գրաֆիկը, Չավուշօղլուն նշել է, որ իրենք այլ երկրների հետ օրացույց չեն ստեղծում։ «Իհարկե, մենք միշտ տեղեկացնում ենք այնտեղ գտնվողներին, որպեսզի խուսափենք դժբախտ պատահարներից, երբ սկսում ենք գործողությունը։ Ի վերջո, մեր նպատակը տարածքն ահաբեկիչներից մաքրելն է։ Մենք այդ գործողությունն անում ենք Սիրիայում, որպեսզի նրանց ազատենք ահաբեկիչներից, որոնք հարձակվում են մեզ վրա և ունեն անջատողական պլաններասել է նա։      
10:10 - 12 օգոստոսի, 2022
Հայաստանի հետ հարաբերությունների կարգավորման գործընթացը շարունակվում է. Չավուշօղլու |armenpress.am|

Հայաստանի հետ հարաբերությունների կարգավորման գործընթացը շարունակվում է. Չավուշօղլու |armenpress.am|

armenpress.am: Թուրքիայի արտաքին գործերի նախարար Մևլութ Չավուշօղլուն խոսել է հայ-թուրքական հարաբերությունների կարգավորման մասին՝ ասելով, որ գործընթացը շարունակվում է և ձեռնարկվել են որոշ քայլեր այդ ուղղությամբ: Այդ մասին հայտնում է ադրբեջանական «ԱՊԱ» գործակալությունը՝ հղում անելով Ստամբուլում իր թղթակցին: Ելույթ ունենալով Թուրքիայում ընթացող դեսպանների 13-րդ համաժողովում՝ Թուրքիայի արտգործնախարարն ասել է, որ Հայաստանի հետ հարաբերությունների կարգավորման գործընթացը համաձայնեցվում է Ադրբեջանի հետ, ինչը որոշ անհանգստություն է առաջացնում Հայաստանում: Սակայն Չավուշօղլուն հավաստիացրել է, որ ե՛ւ Թուրքիան, ե՛ւ Ադրբեջանը «անկեղծ են»: «Մենք ժողովրդավարական երկիր ենք: Ինչքան էլ որ կարգավորման գործընթացը երկկողմ լինի՝ հարկավոր է, որ մենք բոլորս քայլեր ձեռնարկենք Հարավային Կովկասում կայունության հաստատման համար», - ասել է Թուրքիայի արտգործնախարարը:
20:44 - 11 օգոստոսի, 2022
Չավուշօղլուն Հայաստանին  «նախազգուշացրել է հետագա սադրանքների անթույլատրելիության մասին» 
 |tert.am|

Չավուշօղլուն Հայաստանին «նախազգուշացրել է հետագա սադրանքների անթույլատրելիության մասին» |tert.am|

tert.am: Թուրքիայի արտգործնախարար Մևլութ Չավուշօղլուն երկուշաբթի Անկարայում Թուրքիայի դեսպանների 13-րդ համաժողովի բացմանը հայտարարել է, որ «Թուրքիան հանդես է գալիս արդարության օգտին»: Այս մասին հայտնում է Anadolu գործակալությունը: «Այդպես էր Ղարաբաղի հարցում։ Մենք տասնամյակներ շարունակ հայտարարում էինք ադրբեջանական հողերի օկուպացիայի անթույլատրելիության մասին»,- ասել է Չավուշօղլուն։Նրա խոսքով՝ 44-օրյա պատերազմից հետո Անկարան շարունակում է ջանքերը Հարավային Կովկասում խաղաղություն ու կայունություն ապահովելու, համագործակցության մթնոլորտ ստեղծելու ուղղությամբ։«Մենք կրկին զգուշացնում ենք Հայաստանին հետագա սադրանքների անթույլատրելիության մասին։ Մեր երկիրը ոչ մի երկրի թշնամի չէ. բոլոր նրանք, ովքեր հակառակն են պնդում, կողմնակալ են»,- շեշտել է Չավուշօղլուն:
12:50 - 08 օգոստոսի, 2022
Չավուշօղլուն և Բայրամովը քննարկել են Մեծ Բրիտանիայում Ադրբեջանի դեսպանատան վրա հարձակման դեպքը

 |armenpress.am|

Չավուշօղլուն և Բայրամովը քննարկել են Մեծ Բրիտանիայում Ադրբեջանի դեսպանատան վրա հարձակման դեպքը |armenpress.am|

armenpress.am: Թուրքիայի արտգործնախարար Մևլութ Չավուշօղլուն հեռախոսազրույց է ունեցել Ադրբեջանի Արտգործնախարար Ջեյհուն Բայրամովի հետ։ Այս մասին հայտնում է թուրքական «Անադոլու» լրատվական գործակալությունը։ Հեռախոսազրույցի ընթացքում Թուրքիայի արտգործնախարարը մտահոգություն է հայտնել Մեծ Բրիտանիայի և Հյուսիսային Իռլանդիայի Միացյալ Թագավորությունում Ադրբեջանի Հանրապետության դեսպանատան շենքի վրա հարձակման կապակցությամբ։ Ջեյհուն Բայրամովը դեպքի վերաբերյալ մանրամասն տեղեկացրել է թուրքական կողմին։ Չավուշօղլուն մտահոգություն է հայտնել կատարվածի վերաբերյալ և դատապարտել տեղի ունեցածը։ Հիշեցնենք, որ Լոնդոնում մի խումբ ակտիվիստներ օգոստոսի 4-ին հարձակվել են Մեծ Բրիտանիայում Ադրբեջանի դեսպանատան շենքի վրա։ Ադրբեջանական աղբյուրների փոխանցմամբ' հարձակվողները եղել են «Մահդիի ծառաների միություն» կոչվող շիա մահմեդական կազմակերպության անդամներ։
13:51 - 05 օգոստոսի, 2022
Բլինքենն ու Չավուշօղլուն հեռախոսազրույց են ունեցել․ քննարկվել է նաև Լեռնային Ղարաբաղի հակամարտությունը
 |factor.am|

Բլինքենն ու Չավուշօղլուն հեռախոսազրույց են ունեցել․ քննարկվել է նաև Լեռնային Ղարաբաղի հակամարտությունը |factor.am|

factor.am: ԱՄՆ պետքարտուղար Էնթոնի Բլինքենն ու Թուրքիայի ԱԳ նախարար Մևլութ Չավուշօղլուն հեռախոսազրույց են ունեցել, հայտնում է Անադոլու գործակալությունը։ Թուրքիայի ԱԳՆ հաղորդագրության համաձայն՝ կողմերը քննարկել են Ուկրաինայից հացահատիկի արտահանման համաձայնագիրը ու դրա հետ կապված վերջին զարգացումները։ Մտքերի փոխանակություն է տեղի ունեցել  Անկարայի և Վաշինգտոնի հարաբերությունների վիճակի և հեռանկարների շուրջ։ Հիշեցնենք, որ ուկրաինական հացահատիկային գործարքը կնքվել էր Ստամբուլում հուլիսի 22-ին ՌԴ-ի, Թուրքիայի, Ուկրաինայի ու ՄԱԿ-ի ներկայացուցիչների միջև։ ԱՄՆ Պետքարտուղարության տարածած հաղորդագրության մեջ էլ նշվում է,որ կողմերը քննարկել են նաև Լեռնային Ղարաբաղի հակամարտությունը։ «Պետաքարտուղարն անդրադարձել է նաև Լեռնային Ղարաբաղի հակամարտությունը՝ նշելով, որ Միացյալ Նահանգները պատրաստ է երկկողմանի համագործակցության համախոհ գործընկերների հետ և որպես ԵԱՀԿ Մինսկի խմբի համանախագահ՝ նպաստելու Ադրբեջանի և Հայաստանի միջև երկխոսությանը և օգնելու հասնելու  հակամարտության երկարաժամկետ քաղաքական կարգավորմանը»,-ասվում է Պետքարտուղարության հայտարարության մեջ։
18:08 - 04 օգոստոսի, 2022