Տեսանյութեր

Պետական գնումների համակարգի խնդիրները․ զրույց ֆինանսների փոխնախարար Ավագ Ավանեսյանի հետ

«Ինֆոքոմի» լրագրող Ջուլիետտա Հովհաննիսյանը զրուցել է Ֆինանսների նախարարի տեղակալ Ավագ Ավանեսյանի հետ՝ - պետական գնումներին հայտ ներկայացրած ընկերությունների կարողությունների ստուգման, - ընկերությունների մեջ փոխկապակցվածության ստուգման, - գնումների սև ցուցակում հայտնված, սակայն նոր կազմակերպություններով գնումներին մասնակցության, - սպասվող օրենսդրական և ծրագրային փոփոխությունների թեմաներով։

19:50 - 28 օգոստոսի, 2024

Անհետացած անշարժ գույք, եկամուտներով չհիմնավորված ծախս․ ինչ են պատմում Գյումրիի համայնքապետի հայտարարագրերը

Շիրակի մարզի Գյումրի համայնքի ղեկավար Վարդգես Սամսոնյանի բոլոր տարեկան հայտարարագրերում ներկայացված տվյալները խնդրահարույց են։ 2021 թվականի նոյեմբեր-դեկտեմբեր ամիսների ընթացքում Սամսոնյանը շուրջ 3 մլն դրամ ուղղել է վարկի մարման վճարումներին, որից 2.5 մլն դրամի աղբյուրն անհայտ է։ Սամսոնյանի կինը՝ Աղունիկ Աբգարյանը, որպես պաշտոնատար անձի հետ համատեղ բնակվող անձ, չի ներկայացրել 2021 և 2022 թվականների տարեկան հայտարարագրերը։ 2021 թվականին Սամսոնյանն ունեցել է 11 անշարժ գույք։ Չնայած հաջորդող երկու տարիներին Սամսոնյանը գնել և վաճառել մեկական անշարժ գույք, 2023 թվականի հայտարարագրի տարեվերջին առկա է ընդամենը 4 անշարժ գույք։ Թե որտեղ է անհետացել այդ 7 անշարժ գույքը, անհայտ է։ Նյութի հղումը

19:45 - 22 օգոստոսի, 2024

Մարզային համայնքների յուրաքանչյուր 4-րդ պաշտոնյան չի ներկայացրել առնվազն 1 հայտարարագիր

Համայնքային պաշտոնյաների հայտարարագրերի ուսումնասիրությունը մտահոգիչ պատկեր է բացահայտում։ Այս հոլովակում պատմում ենք, թե որ համայնքների, խմբակցությունների և կուսակցությունների պաշտոնյաներն են աչքի ընկնում հայտարարագրեր չներկայացնելով։ Նյութի հղումը

13:38 - 17 օգոստոսի, 2024

Արցախից տեղահանվածների կարիքներին ուղղված միջազգային աջակցությունը՝ ամփոփ

Ի՞նչ աղբյուրներից որքան գումար է ուղղվել ԼՂ փախստականների կարիքներին, ի՞նչ ուղղություններով է ծախսվել հավաքագրված գումարը, այդ միջոցների ո՞ր մասն է հասել ուղիղ շահառուներին։ Այս հարցերի պատասխանը ստանալու համար «Ինֆոքոմը» ավելի քան 4 ամիս է՝ փորձում է ամփոփել եւ դասակարգել Լեռնային Ղարաբաղից տեղահանվածների կարիքներին ուղղված մարդասիրական օգնության վերաբերյալ տվյալները։ Տեղեկություններ ստանալու համար գրավոր դիմել ենք ՀՀ կառավարությանը, 25 պետության դեսպանատների եւ 4 միջազգային կառույցների՝ խնդրելով տրամադրել մանրամասն տվյալներ՝ ծախսերի բացվածքով։ Այս կառույցների մի մասը մեր հարցումներին չեն արձագանքել, ինչը սահմանափակում է լիարժեք եւ համակողմանի հաշվարկների հնարավորությունը։ Նյութի հղումը

10:35 - 12 օգոստոսի, 2024

Գիտարբուք Հայկ Համբարձումյանի հետ. «Սասնա ծռեր» էպոսը ժամանակի մեջ

Գիտարբուք բանասիրական գիտությունների թեկնածու, բանագետ, գրականագետ Հայկ Համբարձումյանի հետ։ - Նախաբան- Էպոսի հայտնաբերումն ու դրա ազդեցությունը ժողովրդի վրա - Էպոսի տարբերակների ի հայտ գալը- «Սասնա ծռերի» ստեղծման ժամանակը, էպոսի սկզբնաղբյուրի գոյության հարցը, բաց մնացած հարցերը- Նեղացած ու Ագռավաքարում փակված Փոքր Մհերն ու էպոսը՝ որպես համահայկական երևույթ- Կանայք «Սասնա Ծռեր»-ում, ժողովրդի դրած «պահանջները» էպոսի առաջ- Հասարակությո՞ւնն է ձևավորում էպոսը, թե՞ էպոսը՝ հասարակությունը

13:32 - 02 օգոստոսի, 2024

9-ամյա աղջկան հուզական ծանր վիճակում տեղափոխել են երեխաների աջակցման կենտրոն. պատկան մարմնից դեռ արձագանք չկա

Այսօր Գյումրի համայնքի խնամակալության եւ հոգաբարձության մարմինը անչափահաս մի աղջկա նրա կամքին հակառակ տեղափոխել է Երեւան՝ երեխաների աջակցության կենտրոն։ «Ինֆոքոմ»-ին են դիմել աղջկա հոր փաստաբանները՝ տեղեկացնելով, որ երեխայի տեղափոխությունը եղել է բռնի ուժով, առանց նրա կարծիքը հաշվի առնելու եւ նրան հոգեհուզական վատ վիճակի հասցնելով։ Փաստաբան Արմինե Ավագյանը մեզ հայտնեց, որ այս տարվա մայիսի 8-ին Գյումրի համայնքի ղեկավարը որոշում է կայացրել երեխային հորից վերցնելու եւ աջակցության կենտրոն տեղափոխելու վերաբերյալ․ թե ինչ հիմքով, մեզ դեռ հայտնի չէ։ Ավագյանի խոսքով՝ պատճառաբանությունն այն է, որ երեխան գտնվում է կյանքի դժվարին իրավիճակում, ինչը իրենք անհիմն են որակում։ Մենք կապ հաստատեցինք Գյումրու համայնքի մամուլի քարտուղար Սոնա Առաքելյանի հետ՝ որոշման հիմքերին ծանոթանալու եւ տեղափոխման ընթացքի վերաբերյալ պարզաբանում ստանալու։ Վերջինս ասաց, որ ինքն իրավասու չէ խոսել մեկ այլ մարմնին առնչվող թեմայով, խոստացավ կապ հաստատել հանձնաժողովի նախագահի հետ՝ պարզաբանում ստանալու նպատակով։

19:30 - 31 հուլիսի, 2024

Ժետոնների սարքերի՝ վալիդատորներով փոխարինումըհավելյալ հերթերի է հանգեցրել

Արդեն մի քանի շաբաթ է՝ մետրոպոլիտենում ժետոններ ընդունող սարքերի մեծ մասը փոխարինվել է վալիդատորներով՝ հերթեր եւ դժգոհություններ առաջացնելով քաղաքացիների շրջանում։ Քաղաքապետարանի եւ «Թել-Սելլ» ԲԲԸ-ի միջեւ կնքված պայմանագրով նախատեսված եղանակներից առայժմ հասանելի է միայն թղթային կամ էլեկտրոնային QR կոդով վճարումը, այնինչ ըստ սկզբնական ժամկետի՝ համակարգի ներդնումը պետք է ավարտվեր այս տարվա մայիսին։ «Թել-Սելլ» ընկերությունից հայտնեցին՝ սկզբնական ժամկետը իրատեսական չէր, ծրագրային աշխատանքները հանձնելու իրենց վերջնաժամկետը երկարաձգվել է մինչ օգոստոսի 1-ը, բայց թե դրանք երբ կգործարկվեն, կախված է արդեն քաղաքապետարանից։ Մինչ այդ ժետոնների սարքերը հանելով՝ ընկերությունը փորձում է հանրությանը նոր համակարգին սովորեցնելու խնդիր լուծել։ Նշենք, որ «Թել-Սելլ» տերմինալներով արդեն հնարավոր է QR կոդ ձեռք բերել նաեւ առանց բաժանորդ դառնալու (առանց անձնական բջջային հեռախոսահամարը մուտքագրելու), սակայն այդ մասին պատշաճ իրազեկում չի իրականացվում։

13:27 - 24 հուլիսի, 2024

Երեկոյան հոթ դոգ #15. Ամեն օր կլանվող շատ ինֆորմացիան, դաստիարակված ալգորիթմը, չծերանալու գաղտնիքը

Հետազոտող տաքսիստների կարծիքը շատ ինֆորմացիայի մասին ու մնացած հետազոտողների պնդումը, գարնանային սրացումներն ու լրատվականները, բախտավորները, որ դուրս են լրատվությունից, անընդհատ ստացվող ինֆորմացիան, քո փոխարեն ընտրվող տեղեկությունները, դաստիրարակված ալգորիթմն ու իրականությունից կտրող պղպջակը, մի օրվա ընթացքում նախամարդու ամբողջ կյանքի ինֆորմացիան սպառելը, փոքրացող ուղեղներն ու մեծացող ինֆորմացիան, ամեն ինչի մասին կտոր-կտոր պատկերացում ունենալը, իդեալական սպառողն ու կողնտենտ ստեղծողները, ինչ անել լուրերի մեջ չգժվելու և չծերանալու համար։ Երեկոյան այս մասին են հոթդոգում Քրիստիանն ու Ռոմանը, Հետազոտական ռեսուրսների կովկասյան կենտրոն-Հայաստանից Աշոտ Խաչատրյանն ու Նարինե Սաֆարյանը՝ Մեդիա նախաձեռնությունների կենտրոնից։

11:25 - 10 հուլիսի, 2024

Նախագծված, բայց չկառուցված ճանապարհը՝ հարակից Թբիլիսյան խճուղուն

Արփի Խալաթյանը 2019 թ․-ին հողատարածք է գնել Երեւանի Թբիլիսյան խճուղի 11/8 հասցեում, 2022 թ․-ին՝ ստացել շինարարության թույլտվություն, սակայն ինչպես շինարարության ողջ ընթացքում, այնպես էլ հիմա իր հողատարածքին մեքենայով մոտենալու խոչընդոտներ ունի։ Նաեւ չի կարողանում ջրի, հոսանքի գծեր անցկացնել, ավարտական ակտը ստանալ։ Հիպոթեք է մարում, ցանկանում սկսել առանձնատան վերանորոգումը՝ առանց իմանալու՝ իր ընտանիքն ի վերջո բնակվելո՞ւ է այդտեղ, թե՞ ոչ։ Արփին միակը չէ, հարակից տասնյակ հողատարածքների սեփականատերերը նույն խնդրի առաջ են։ Այս իրավիճակի գլխավոր պատճառն այն է, որ այդ հողատարածքների՝ 2006 թ․-ի հատակագծով նախատեսված ճանապարհը, որով դրանք պետք է կապվեին Թբիլիսյան խճուղուն, Երեւանի քաղաքապետարանն առ այսօր չի կառուցել։ Քաղաքային իշխանությունը խնդրին տեղյակ է, սակայն 3 տարի է՝ այն ոչ միայն չի լուծվում, այլեւ նոր հողահատկացումների հետեւանքով ավելի է բարդանում։ Ճանապարհի հատվածում նաեւ հողազավթում է եղել, քրեական վարույթ է նախաձեռնվել։

13:22 - 09 հուլիսի, 2024

Գիտարբուք Նարեկ Սահակյանի հետ. «Տիեզերքի գաղտնիքների բացահայտումը տվյալների օգնությամբ»

Գիտարբուք ֆիզիկամաթեմատիկական գիտությունների թեկնածու, Ալիխանյանի անվան ազգային գիտական լաբորատորիայի առաջատար գիտաշխատող Արմեն Թումասյանի հետ։ - Ծանոթություն- Տեսանելիից՝ անտեսանելին․ տիեզերքի ուսումնասիրությունը առաջ և հիմա, ֆոտոնների գրանցումը- «ՈՒրվական մասնիկների», գրավիտացիոն ալիքների գրանցումը աստղաֆիզիկական աղբյուրների հետազոտության համար- Պարիս Հերունու աստղադիտակն ու կան այլմոլորակայիններ, թե ոչ- Ի՞նչ են սև խոռոչները, ինչպես են առաջանում դրանք- Միֆեր սև խոռոչների մասին- Աստղաֆիզիկայի վերաբերյալ տվյալների ուսումնասիրությունը արհեստական բանականության ազդեցությամբ- Հայաստանի տեղը աստղաֆիզիկական հետազոտությունների քարտեզի վրա- Ինչո՞ւ ենք տիեզերքում փնտրում ոչ թե մեզանից տարբեր, այլ մեզ նման էակների

18:18 - 01 հուլիսի, 2024

Պետք է նժարին դնենք մարդկանց առողջությունն ու սննդամթերքի լաբարատոր քննության գումարը. սննդաբան

ԵՊԲՀ դոցենտ, սննդաբան Արմեն Մկրտչյանը պատմում է, թե ինչ հետևանքներ կարող են թողնել առողջության վրա սննդամթերքում առկա թունաքիմիկատները, հակաբիոտնիկներն ու ծանր մետաղները։ Infocom.am և anvtangsnund.am կայքերը համատեղ հետաքննությամբ ներկայացրել էին, որ 2023 թվականին ներմուծված սննդամթերքում ՍԱՏՄ-ն երբևէ չի փորձաքննել մի շարք կարևոր, պարտադիր ցուցանիշներ, ինչպիսիք են թունաքիմիկատները, մսամթերքի որոշ տեսակներում հակաբիոտնիկները, մանրէաբանական ցուցանիշներն ու ծանր մետաղները։ Հարցազրույցն իրականացվել է infocom.am-ի ու anvtangsnund.am-ի համագործակցությամբ։

13:14 - 28 հունիսի, 2024

Երեկոյան հոթ դոգ #14 Մեդիագրագիտությունն ու մեդիաթափանցիկությունը, բզբզիկ ու գզգզիկ․am-ները

Մեդիագրագիտությունն ու մեդիաթափանցիկությունը, մինչև բերանը տանելը ուսումնասիրելն ու ինֆորմացիայի հեղինակին իմանալու անհրաժեշտությունը, մեդիայի նկատմամբ անձնավորված վերաբերմունքը, քաղաքական ուժերի կողմից ֆինանսավորող մեդիան ու սկանդալների հետևից չընկնողները, նյութի հեղինակի ու կայքի «Մեր մասին» բաժնի կարևորությունը, ազդակները մեդիայի վրա ու ֆինանսական հոսքերը, մեդիայի համար թափանցիկությունը՝ պաշտպանություն, հրամցվող ինֆորմացիան ու լուրն ուտելիքի պես ընտրողաբար սպառելու կարիքը, քվեաթերթիկների արկղից հեռու արվող ընտրակեղծիքներն ու տեղեկատվական հիգիենան, բզբզիկ ու գզգզիկ․am-ները, հեշտ ինֆորմացիան, լրատվամիջոցների իրական սեփականատերերն ու գաղտնի մնալու ցանկության վտանգները։ Երեկոյան այս մասին են հոթդոգում Քրիստիանն ու Ռոմանը, Ինֆորմացիային ազատության կենտրոնի ծրագրերի համակարգող Մանե Մադոյանն ու «Ամփոփ Մեդիայի» հիմնադիր, մեդիափորձագետ Սուրեն Դեհերյանը։

21:00 - 06 հունիսի, 2024

Լեհական գիտական համակարգը․ զրույց Հետազոտական ինստիտուտների գլխավոր խորհրդի գրասենյակի ղեկավարի հետ

Գիտահետազոտական ինստիտուտների գլխավոր խորհուրդը կառույց է, որը միավորում է Լեհաստանի գիտական ինստիտուտները և ներկայացնում դրանց շահերը կառավարությանը։ Գլխավոր խորհրդի գրասենյակի ղեկավար, պրոֆեսոր Լեժեկ Ռաֆալսկին ներկայացնում է Խորհրդի պատմությունը, խոսում այն մասին, թե ինչպես է Խորհուրդը համագործակցում կառավարության հետ։ The Main Council of the Research Institutes combines Polish scientific institutes and represents their interests to the government. The director of the Office of the Main Council, Professor Leszek Rafalski, presents the history of the Council and tells how the Council cooperates with the government.

18:59 - 05 հունիսի, 2024

86․ Գերմանիայի պլանները Կովկասի վերաբերյալ Երկրորդ համաշխարհայինի ընթացքում․ «Ռուս-թուրքական վանդակ»

Պատմաբան, հրապարակախոս Հրանտ Տեր-Աբրահամյանի «Ռուս-թուրքական վանդակ» բանախոսությունների շարքի 86-րդ հաղորդումը: «Ռուս-թուրքական վանդակ» բանախոսությունների շարքը պատրաստվել է «Կողբ» հիմնադրամի աջակցությամբ։

19:55 - 31 մայիսի, 2024

Հետազոտությունը բուհերում, խնդիրներ և հնարավոր լուծումներ. զրույց Սոնա Բալասանյանի հետ

Հետազոտական ռեսուրսների կովկասյան կենտրոն - Հայաստանի գործադիր տնօրեն, սոցիոլոգ Սոնա Բալասանյանը խոսում է հետևյալ թեմաներից` - հետազոտությունները Խորհրդային իրականությունում և հետխորհրդային երկրներում ճգնաժամը, - հետազոտական համակարգերի փոփոխությունները հետխորհրդային երկրներում, - հետազոտական համագործակցությունների խնդիրները բուհերի ներսում և դրանցից դուրս, - բուհերում հետազոտությունների անհատականացված լինելն ու համակարգային մոտեցման բացակայությունը, - ակադեմիական զարգացած ինքնակառավարման համակարգ ունենալու կարևորությունը - փոփոխությունների կառավարումը և կառուցվածքի ու բովանդակության սիներգիան, - հետազոտական ներուժի քարտեզագրման և միավորումներից առաջ տեղական համագործակցությունների խթանման անհրաժեշտությունը, - որոշումների կայացումից առաջ միայն կողմերի հետ քննարկումների բավարար չլինելը։

16:56 - 31 մայիսի, 2024

ԳԱԱ բարեփոխումները, բուհերի հետ համագործակցությունն ու ինտեգրումը. զրույց ԳԱԱ նախագահի տեղակալի հետ

ԳԱԱ նախագահի՝ գիտության և տեխնոլոգիաների գծով տեղակալ Վարդան Սահակյանը խոսում է՝ - Գիտությունների ազգային ակադեմիայում բարեփոխումների անհրաժեշտությունից և Ակադեմիայի ապագա դերից, - գիտության կազմակերպման տարբեր ձևեր ունենալու կարևորությունից, - բուհերի հետ համագործակցության տարբերակներից, - ակադեմիական քաղաքի կլաստերներից դուրս՝ ԳԱԱ կազմում, գիտական կազմակերպություններ ունենալու անհրաժեշտությունից։

15:53 - 30 մայիսի, 2024