Սիրիա

Վաշինգտոնը նոր պատժամիջոցներ է սահմանում Ասադի մերձավորների դեմ |azatutyun.am|

azatutyun.am: Միացյալ Նահանգները նոր պատժամիջոցներ է սահմանել Սիրիայի նախագահ Բաշար Ասադի զինակիցների հանդեպ։ Այդ մասին այսօր տեղեկացրել է ԱՄՆ Ֆինանսների նախարարությունը։ Պետքարտուղար Մայք Փոմփեոյի խոսքով՝ Սիրիայի վեց քաղաքացիների դեմ սահմանված հերթական անհատական պատժամիջոցների թիրախում են հայտնվել մի շարք բարձրաստիճան սիրիացի զինվորականներ, որոնք իրենց գործողություններով փորձել են խոչընդոտել Սիրիայի տարածքում հրադադարի հաստատմանը։

19:14 - 20 օգոստոսի, 2020

Ռուսաստանը Սիրիայում ընդլայնում է Հմեյմիմում տեղակայված ավիաբազան |tert.am|

tert.am: Ռուսասանն ու Սիրիան պայմանավորվածություն են ձեռք բերել արաբական հանրապետությունում գտնվող Հմեյմիմի ռուսական ավիաբազան ընդլայնելու հարցում. այդ նպատակով ցամաքային և ջրային հավելյալ տարածք կտրամադրվի, հաղորդում է РИА Новости-ն: Երկու երկրների միջև համապատասխան որոշման մասին վկայող փաստաթուղթ է հրապարակվել: Ըստ դրա՝ կողմերը համաձայնություն են ձեռք բերել Լաթաքիայի շրջանում ռուսական ավիացիոն խմբի բժշկա-վերականգնողական կենտրոն տեղակայելու վերաբերյալ:

09:31 - 20 օգոստոսի, 2020

Սիրիայում հրթիռներով գնդակոծել են ամերիկյան ռազմակայանը |armenpress.am|

armenpress.am: Սիրիայի Դեյր Էզ Զորի նահանգում ամերիկյան ռազմակայանը ենթարկվել Է հրթիռակոծման: Այդ մասին հաղորդում Է Սիրիայի հեռուստառադիոհաղորդումների գործակալությունը: «Հաղորդագրություններ են ստացվել Դեյր Էզ Զորի նահանգի Կոնիկո գազի հանքավայրի շրջանում անօրինական ամերիկյան ռազմակայանի վրա գրոհի մասին»,-հաղորդում Է գործակալությունը: Գործակալության տվյալներով, ռազմակայանի տարածքի ուղղությամբ արձակվել Է մի քանի հրթիռ: Ավերածությունների եւ տուժածների մասին տվյալներ չեն հաղորդվում: ԱՄՆ-ի զինված ուժերը «Սիրիական դեմոկրատական ուժերի» արաբա-քրդական զինված կազմավորումների հետ համատեղ անօրինականորեն հսկում են Սիրիայի հյուսիս-արեւելքում ընկած Դեյր Էզ Զոր, Էլ-Հասաքե եւ Ռաքքա նահանգների տարածքները, որտեղ գտնվում են Սիրիայի նավթի ու գազի խոշորագույն հանքավայրերը: Պաշտոնական Դամասկոսը քանիցս ամերիկացի զինվորականների ներկայությունն իր տարածքում համարել Է բռնազավթում եւ պետական ծովահենություն՝ նավթի ակնհայտ գողության նպատակով: Միեւնույն ժամանակ հաճախ հաղորդագրություններ են հայտնվում Սիրիայի հյուսիսում ամերիկացի զինվորականների վրա անհայտ զինված ջոկատների հարձակման վերաբերյալ, հաղորդել Է ՌԻԱ Նովոստին:

13:32 - 19 օգոստոսի, 2020

Թուրքիայի աջակցությունը վայելող զինյալները սիրիական Աֆրինում 10-ից ավելի քաղաքացու են առևանգել․ ANF |ermenihaber.am|

ermenihaber.am: Թուրքական ուժերի վերահսկողության տակ գտնվող Սիրիայի Աֆրին նահանգում Անկարայի աջակցությունը վայելող Սուկուր ալ-Շամալի զինյալները 10-ից ավելի քաղաքացու են առևանգել: Քրդական «ANF News» լրատվական կայքի փոխանցմամբ, այս մասին հայտնել է Աֆրինի մարդու իրավունքների պաշտպանության կազմակերպությունը: Կազմակերպության հրապարակած զեկույցում մասնավորապես նշվում է, որ զինյալները օգոստոսի 17-ին առևանգել են Աֆրինի Մաբաթա շրջանի Գեմրուքե գյուղի 10-ից ավել բնակչի և վերջիններիս ընտանիքներից փրկագին պահանջել: Զեկույցում հրապարակվել են նաև առևանգված քաղաքացիների մի մասի անունները: Նրանցից մեկին զինյալները թուրքական 1000 լիրա փրկագնի դիմաց ազատ են արձակել: Կազմակերպության հաղորդած տվյալներով` Աֆրինի Գեմրուքե գյուղում շարունակվում են բնակիչների առևանգման դեպքերը:

11:35 - 19 օգոստոսի, 2020

Սիրիայում պայթյունից ռուս գեներալ է զոհվել |armenpress.am|

armenpress.am: Ազգությամբ ռուս ռազմական ոլորտի ավագ խորհրդական՝ գեներալ-մայորը զոհվել է Սիրիայում ավտոշարասյան պայթեցնելու հետևանքով։ Այս մասին հայտնել է երկրի Պաշտպանության նախարարությունը: Ռուս և թուրք զինվորականները պարեկություն են իրականացնում Մ-4 մայրուղու վրա։ Բացի այդ, տուժել է ևս երկու զինծառայող, ովքեր նույնպես Ռուսաստանից են։ Միջադեպը տեղի է ունեցել Դեյր էզ Զորի մոտակայքում մարդասիրական ակցիայի անցկացումից հետո շարասյան վերադարձի ճանապարհին: Գործարկվել է ինքնաշեն պայթուցիկ սարք։ Գեներալ-մայորին շտապ տարհանել և բժշկական օգնություն են ցուցաբերել, սակայն նրան փրկել չի հաջողվել։ Նրան հետմահու կպարգևատրեն։ ՊՆ-ում խոստացել են ցուցաբերել անհրաժեշտ ողջ օգնությունը զոհվածի ընտանիքին:

20:33 - 18 օգոստոսի, 2020

ՀՀ-ն դիտարկում է սիրիահայերին COVID-19-ի դեմ պայքարում օգնելու հարցը |armenpress.am|

armenpress.am: ՀՀ սփյուռքի գործերի գլխավոր հանձնակատար Զարեհ Սինանյանը տեղեկացրել է, որ անցկացվում են քննարկումներ՝ հասկանալու համար, թե ինչպես կարող են օգնել Սիրիայում բնակվող հայերին կորոնավիրուսի դեմ պայքարում: Նա հայտնեց, որ Սիրիայի հայերը ոչ միայն ֆինասական, այլև առողջապահական խնդիրների են բախվում: «Այո, այդ հարցը կա և այն բարձրացվեց սիրիահայ մեր հայրենակիցների կողմից: Դիտարկում ենք, թե ինչպես կարող ենք օգնել: Խնդիրը դեղամիջոցների հետ է կապված, ամենատարրական դեղամիջոցներն անհասանելի են դարձել: Այժմ մտածում ենք, թե հաջորդ կարճ ժամկետում ինչպես կարող ենք օգնել մեր հայրենակիցներին»,-հավելեց Զարեհ Սինանյանը:

16:59 - 14 օգոստոսի, 2020

«Մենք ափսոսում ենք, որ ԱՄՆ-ն աջակցում է միջազգային իրավունքը ոտնահարող այդ քայլին». Թուրքիայի ԱԳՆ-ն՝ քրդական ուժերի և ամերիկյան կազմակերպության միջև կնքված նավթային գործարքի մասին |tert.am|

tert.am: Թուրքիայի արտգործնախարարությունն արձագանքել է Սիրիայի ժողովրդավարական ուժերի (SDF, սիրիական ընդդիմության զինված ուժերի խմբավորում, որը ներառում է քրդական ազգային ինքնապաշտպանության ուժերը) և ամերիկյան Delta Crescent Energy LLC ընկերության միջև Սիրիայի հյուսիս-արևելքում նավթի համատեղ արդյունահանման և վերամշակման վերաբերյալ կնքված համաձայնագրին: Այս մասին գրում է «Անադոլու» գործակալությունը: «Սիրիայի բնական ռեսուրսները պատկանում են սիրիացի ժողովրդին: Մենք ափսոսանք ենք հայտնում, որ ԱՄՆ-ն աջակցում է այս քայլին, որը ոտնահարում է միջազգային իրավունքները, Սիրիայի տարածքային ամբողջականությունն ու ինքնիշխանությունը՝ հօգուտ ահաբեկչության: Սա չի կարող արդարացվել ոչ մի օրինական դրդապատճառներով, այն ամբողջովին անընդունելի է»,-ասված է Թուրքիայի ԱԳՆ հայտարարության մեջ: Թուրքիայի ԱԳՆ-ում նշել են նաև, որ «քրդական ուժերը նպատակ ունեն սիրիացի ժողովրդի ռեսուրսներն օգտագործելու միջոցով անջատողական օրակարգ առաջ մղել»:

14:05 - 03 օգոստոսի, 2020