Տեսանյութեր

#մարzoom [օր 6]. Կարմիր գրքում իրենց տեղը գտած ծառերը, Ջանգյուլումն ու Վարդավառը և շատ ավելին

#մարzoom [օր 6]. Կարմիր գրքում իրենց տեղը գտած ծառերը, Ջանգյուլումն ու Վարդավառը և շատ ավելին

Հայարփին այսօր Լճկաձորում էր. վերադարձավ` գյուղատնտեսությամբ զբաղվող Դերենիկի այգուց խիստ տպավորված, ասում է` այնտեղ ծառեր կան, որ Կարմիր գրքում են գրանցված: Բացի դրանից, նա հյուրընկալվել է գրող, աշխարհագրագետ Ռուսլան Մալինյանին, որը հավաքագրել ու բառարանագիտական մշակման է ենթարկել Տավուշի տեղանունների վերաբերյալ նյութերը։ Արծվիկն էլ Բերդավանում էր. զրուցում էր մանկավարժ Սամսոն Խոջոյանի հետ ու, պահը բաց չթողնելով, օգտվում պատմության ուսուցչի այգու բերք ու բարիքից: Լյուսին Կողբ է այցելել. նա ճշտել է, թե ինչ է սպասվում գյուղի հյուրերին Վարդավառի տոնին նվիրված միջոցառումների շրջանակում: Մեկ այլ տոնական իրադարձության` Ջանգյուլում փառատոնի մասին Լիլիթը զրուցել է Բերդավան հիմնադրամի ներկայացուցիչների հետ: Մեկ էլ, մեր թիմը կրկին ընդլայնվել է. մեզ միացել է Մերին, որ բոլորիս իր հետ տանի Նոյեմբերյանի գողտրիկ գյուղերով:
19:43 - 04 հուլիսի, 2022
#մարzoom [օր 5]. Նոյեմբերյանի «Ի՞նչ, որտե՞ղ, ե՞րբ»-ի ավանդույթները, «VitRoom»-ն  ու Արճիսի մարդիկ

#մարzoom [օր 5]. Նոյեմբերյանի «Ի՞նչ, որտե՞ղ, ե՞րբ»-ի ավանդույթները, «VitRoom»-ն ու Արճիսի մարդիկ

մարzoom-ի մեր թիմի այսօրվա օրը խիստ հագեցած էր։ Մինչ Լիլիթը Նոյեմբերյանի մի անկյունում երկու ընկերուհիների հիմնած «VitRoom» ստուդիայում էր՝ նկարելու, թե ինչպես են նրանք եռաչափ մոդելավորմամբ պատրաստում տարբեր իրեր, կախազարդեր, Սեւակն ու Լյուսին հյուրընկալվել էին Նոյեմբերյանի ինտելեկտուալ կրթության ակումբի հիմնադիր Արմեն Ամիրաղյանին։ Ակումբը «Ի՞նչ, որտե՞ղ, ե՞րբ» ամենշաբաթյա խաղեր է կազմակերպում, եւ մեր նյութը պատմելու է Ամիրաղյանի ու այդ ակումբի մասին։ Իսկ Հայարփին Արճիս գյուղում էր, որտեղ տիկին Գայանեին ոլոռ մաքրելու գործում «օժանդակություն» ցուցաբերելուց հետո գնացել էր իր նյութերի նոր հերոսներին՝ մատիտի ծայրերին փորագրություններ անող ու գլուխկոտրուկներ պատրաստող Մարատին ու փայտից զարդեր պատրաստող Գոհարին բացահայտելու։
12:26 - 03 հուլիսի, 2022