Շրջակա միջավայրի նախարարություն

ՀՀ շրջակա միջավայրի նախարարությունը գործադիր իշխանության հանրապետական մարմին է, որը մշակում եւ իրականացնում է ՀՀ շրջակա միջավայրի պահպանության եւ բնական ռեսուրսների բանական օգտագործման բնագավառներում պետական քաղաքականությունը: 

ՀՀ ՇՄ նախարարն է Ռոմանոս Պետրոսյանը, տեղակալներն են Աննա Մազմանյանը եւ Տիգրան Սիրմոնյանը։

2019 թվականին ՀՀ բնապահպանության նախարարությունը վերանվանվել է Շրջակա միջավայրի նախարարության։

Ռուզաննա Ոսկանյանը նշանակվել է ՀՀ շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնակատար

Ռուզաննա Ոսկանյանը նշանակվել է ՀՀ շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնակատար

Վարչապետ Նիկոլ Փաշինյանի որոշմամբ Ռուզաննա Ոսկանյանը նշանակվել է ՀՀ շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնակատար: Այս մասին տեղեկացնում է ՀՀ կառավարության պաշտոնական կայքէջը:Հիմք ընդունելով Հայաստանի Հանրապետության կառավարության 2011 թվականի հունվարի 13-ի N 9-Ն որոշման 1-ին կետով հաստատված կանոնադրության 27-րդ կետը՝ Ռուզաննա Ոսկանյանին նշանակել շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնակատար՝ մինչև սահմանված կարգով շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնի համար մրցույթի անցկացման արդյունքում հաղթող ճանաչված մասնակցին նշված պաշտոնում նշանակելը: Ասվում է ՀՀ վարչապետի որոշման մեջ:
15:12 - 21 փետրվարի, 2020
«Լիդիան Արմենիա» ընկերությանը տրվել է ջրօգտագործման թույլտվություն |tert.am|

«Լիդիան Արմենիա» ընկերությանը տրվել է ջրօգտագործման թույլտվություն |tert.am|

tert.am: «Լիդիան Ինթերնեյշնլ Լիմիթիդ» ընկերության տարածած հայտարարության համաձայն, Հայաստանի Հանրապետության Շրջակա միջավայրի նախարարության կողմից «Լիդիան Արմենիա» ընկերությանը  տրվել է Արփա գետից 11լ/վ ծավալով ջրառի թույլտվություն։ Ընկերությունը նախկինում երկու անգամ դիմել է Արփա գետից երկարաժամկետ գործունեության համար անհրաժեշտ ավելի մեծ ծավալով (ավելի քան 40լ/վ) ջրառի համար, երկու դեպքում էլ ստացել է նախարարության մերժումը։ 2019թ․ դեկտեմբերի 23-ին Ընկերությունը դիմել է նախկինից ավելի փոքր ծավալով ջրօգտագործման հայտով, որն ըստ հաշվարկների բավարար կլինի Ամուլսարի ծրագրի շինարարությունն իրականացնելու համար։ Ընկերությունը դիմել է նաև երկարաժամկետ գործունեության համար Դարբ գետից անհրաժեշտ ծավալով ջրառի հայտով, որը նույնպես մերժվել է Շրջակա միջավայրի նախարարության կողմից 2019թ․ հոկտեմբեր ամսին։ Ընկերությունը վիճարկում է նախարարության այդ մերժումը Հայաստանի վարչական դատարանում։ «Գնահատելի է, որ կառավարությունը տրամադրել է «Լիդիան Արմենիա» ընկերությանը  ջրօգտագործման թույլտվությունը, որն անհրաժեշտ է շինարարությունը վերսկսելու համար։ Այնուամենայնիվ, անհրաժեշտ է նշել, որ Ընկերությունը՝ շարունակվող ապօրինի շրջափակման պատճառով, դեռևս զրկված է իր տարածք մուտք գործելու հնարավորությունից, ինչը հանգեցրել է նրան, որ Ընկերությունը չի կարողացել ներգրավել  Ամուլսարի ծրագրի շինարարության ավարտի համար անհրաժեշտ լրացուցիչ ֆինանսավորում», -ասել է «Լիդիան Ինթերնեյշնլ» ընկերության նախագահի և գլխավոր գործադիր տնօրենի ժամանակավոր պաշտոնակատար Էդվարդ Սելլերսը։
12:39 - 20 փետրվարի, 2020
Բացահայտվել է պաշտոնատար անձի կողմից կաշառք ստանալու հերթական դեպքը

Բացահայտվել է պաշտոնատար անձի կողմից կաշառք ստանալու հերթական դեպքը

ՀՀ ազգային անվտանգության ծառայությունը, հետևողական և անզիջում պայքար մղելով կոռուպցիոն տարաբնույթ դրսևորումների դեմ և հավատարիմ լինելով դրանք արմատախիլ անելու որդեգրած քաղաքականությանը, կոռուպցիայի հակազդմանն օրենքով իրեն վերապահված գործառույթների շրջանակներում ձեռնարկված օպերատիվ-հետախուզական միջոցառումների և քննչական գործողությունների արդյունքում բացհայատել է կաշառք ստանալու դեպք: Փաստական տվյալներ են ստացվել, որ ՀՀ շրջակա միջավայրի նախարարության «Շրջակա միջավայրի վրա ազդեցության փորձաքննական կենտրոն» ՊՈԱԿ-ի փորձագետը, իրականացնելով կազմակերպություն ներկայացված նախագծային փաստաթղթերի, դրանց նախնական գնահատման հայտերի և հաշվետվությունների փորձաքննություն և դրա կատարման ընթացքում հանդիսանալով պաշտոնատար անձ, անտեսելով փորձաքննության գործընթացի հետ կապված ձեռնարկողին խորհրդատվություն տրամադրելու արգելքը, տնտեսվարող սուբյեկտի տնօրենի օգտին գործողություններ կատարելու նպատակով ստացել է առանձնապես խոշոր չափերով կաշառք: Մասնավորապես, պաշտոնատար անձը հանքարդյունաբերության արտոնագիր ստանալուն նպաստելու, այդ հարցում խոչընդոտները վերացնելու համար տնտեսվարող սուբյեկտի տնօրենի փոխարեն համապատասխան փաստաթղթեր կազմելու, հանքավայրի իրական երկրաբանական տեղորոշիչները պատկան մարմիններին չհայտնելու և դրական եզրակացության նախագիծ տրամադրելու համար պահանջել և 2019 թ. սեպտեմբերից մինչև 2020թ. փետրվարի 8-ը ընկած ժամանակահատվածում տեղի ունեցած հանդիպումների ընթացքում մաս-մաս ստացել է առանձնապես խոշոր չափերով՝ 3.300.000 ՀՀ դրամ կաշառք։ Անհերքելի ապացույցների առկայության պարագայում ՀՀ ԱԱԾ օպերատիվ ստորաբաժանումների աշխատակիցների հսկողության ներքո հիշյալ փորձագետը 2020 թ. փետրվարի 18-ին Երևանի՝ Հանրապետության հրապարակի հարակից հատվածում կաշառքի հերթական գումարը ստանալիս, կաշառք տվող անձի հետ առձեռն բռնվել և բերման է ենթարկվել ՀՀ ԱԱԾ աշխատակիցների կողմից։ Անձնական խուզարկությամբ հայտնաբերվել և առգրավվել է կաշառքի առարկան։ Առերևույթ հանցագործության դեպքերի առթիվ ՀՀ ԱԱԾ քննչական դեպարտամենտում հարուցվել է քրեական գործ ՀՀ քրեական օրենսգրքի համապատասխան հոդվածներով, կաշառք ստացած պաշտոնյան և փորձաքննություն նախաձեռնած տնտեսվարողը ձերբակալվել են։ Նախաքննությունը շարունակվում է, ձեռնարկվում են համապատասխան միջոցառումներ կաշառք ստանալու հնարավոր այլ հանցադեպերը, կոռուպցիոն շղթայի մեջ ներգրավված այլ  անձանց բացահայտելու և պատասխանատվության ենթարկելու ուղղությամբ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։ ԱԱԾ
19:28 - 19 փետրվարի, 2020
Ձեր արած այս հայտարարությունն լրիվ սուտ է. հերքման մեր պահանջը չկատարելու դեպքում դիմելու ենք դատարան. ՀԲՃ-ն՝ նախարարին

Ձեր արած այս հայտարարությունն լրիվ սուտ է. հերքման մեր պահանջը չկատարելու դեպքում դիմելու ենք դատարան. ՀԲՃ-ն՝ նախարարին

Հայկական բնապահպանական ճակատ կամավորական նախաձեռնությունը փետրվարի 13-ին,  հերքման պահանջ է ուղարկել ՀՀ շրջակա միջավայրի նախարար  Էրիկ Գրիգորյանին: Ստորեւ ներկայացնում են պահանջի բովանդակությունը. «2020թ. փետրվարի 12-ին Ազգային Ժողովում տեղի ունեցած հարցուպատասխանի ժամանակ պատգամավոր Հրանտ Այվազյանը ՀԷԿ-երի վերաբերյալ բարձրացրած իր հարցի շրջանակում ասաց. «Փետրվարի 3-ին Նախարարության կայքում հայտարարություն էր տեղադրված, որ պետք է տեղի ունենա քննարկում Լոռու մարզի Ձորագետ գետի վրա կառուցվելիք երկու ՀԷԿ-երի մասին: [...] Եթե Բնապահպանական ճակատի եւ մի քանի երիտասարդների ակտիվությունն ու էդ ինֆորմացիայի տարածումը չլիներ, ոչ ոք չէր իմանա, այդ թվում ես, ու չէին մասնակցի այդ քննարկմանը»: Պատգամավորի հարցին պատասխանելով՝ Դուք բառացի ասել եք, որ «... այդ տեքստը, որ Դուք այսօր կարդացիք, որը նաեւ երեկ էիք ներկայացնում, այդ տեքստը գրողները 4 տարի առաջ էլի էդ ձեւ տեքստ էին գրում, որ` նայեք, ՀԷԿ-երը եւ այլն, եւ այլն, հետո ստացան 70.000 դոլար դրամաշնորհ եւ հետո առաջարկեցին, որ ՀԷԿ-երի կառուցման համար բանկերը ինչ-որ մոտեցումներ ցուցաբերեն»: Ձեր արած այս հայտարարությունն ամբողջությամբ սուտ է եւ չի համապատասխանում իրականությանը: Պահանջում ենք հերքել այն գրավոր՝ մեկ աշխատանքային օրվա ընթացքում Ձեր ֆեյսբուքյան պաշտոնական էջում գրառում կատարելով, ինչպես նաեւ բանավոր՝ ԱԺ-ում Ձեր առաջիկա ելույթի ժամանակ: Այս պահանջը չկատարելու դեպքում դիմելու ենք դատարան՝ պահանջելով հերքում եւ վնասի փոխհատուցում զրպարտության եւ մեր նախաձեռնության բարի համբավի արատավորման համար»: Պարզաբանում․ նախարարի պատասխանում նշված փաստերն ինքնըստինքյան վերաբերելի են դառնում մեզ, քանի որ այս հարցուպատասխանի ընթացքում հնչել է միայն մեր նախաձեռնության անունը, եւ դիտողները բնականաբար այդպես էլ ընկալելու են»:
10:52 - 14 փետրվարի, 2020
Էրիկ Գրիգորյանը ցանկանում է Հայաստանը տեսնել որպես էլեկտրամոբիլ արտադրող երկիր |armenpress.am|

Էրիկ Գրիգորյանը ցանկանում է Հայաստանը տեսնել որպես էլեկտրամոբիլ արտադրող երկիր |armenpress.am|

armenpress.am: ՀՀ շրջակա միջավայրի նախարար Էրիկ Գրիգորյանը ցանկանում է ապագայում Հայաստանը տեսնել որպես էլեկտրամոբիլներ արտադրող երկիր: Նա նշում է, որ ՀՀ կառավարությունը վճռական է լիցքավորման կայանների ավելացման հարցում: Իսկ թե երբ Հայաստանի կառավարության ներկայացուցիչներին սպասարկող ավտոմեքենաները կփոխարինվեն էլեկտրամոբիլներով։ Նա անդրադարձել է նաև պոլիէթիլենային տոպրակների արգելման և պլաստիկի արտադրության, սիգի ապօրինի որսի կանխման, բնակավայրերն արևային նոր կայաններով ապահովման և այլ թեմաների: - Պարոն Գրիգորյան, 2019 թվականին Շրջակա միջավայրի նախարարությունը մի շարք ծրագրեր է սկսել: Կա՞ն արդյոք այնպիսինները, որոնք դեռևս ավարտին չեն հասցվել և պետք է շարունակվեն, որո՞նք են դրանք: -Արարատյան դաշտի ստորերկրյա ջրերի խնայողության աշխատանքներ ենք սկսել 2019 թվականին: Գործընթացը շարունակական է: Ցանկանում եմ մի քանի կարևոր թիվ նշել. նախորդ տարի Արարատյան դաշտի ինքնաշատրվանող լքված հորերի կոնսերվացման և լուծարման շնորհիվ, ինչպես նաև որոշ գործող հորերի չափաքանակների նվազեցման շնորհիվ, հնարավոր է եղել մոտ 100 մլն խ/մ ծավալով ջրախնայողություն իրականացնել: Այդ խնայողությունն ավելին է, քան Երևանում 1 տարում օգտագործվող ջուրը: Այս տարի, արդեն մեկնարկել են ջրախնայողության աշխատանքները, ունենք որոշակի արդյունքներ: Նպատակ ունենք հնարավորինս նվազեցնել ջրի ոչ արդյունավետ օգտագործումը: Անցյալ տարի կարևոր աշխատանք է տարվել լքված պոչամբարների և թափոնակույտերի գույքագրման առումով, և դրանք ավարտին են հասցվել: Իմ հրամանով ստեղծվել է  առաջնային ռեկուլտիվացման ենթակա 10 տարածքի ցանկ: Այս պահին դիմել ենք Կառավարությանը և, համապատասխան ֆինանսավորման դեպքում, կսկսենք իրականացնել ֆիզիկական ռեկուլտիվացման աշխատանքները: Անտառային ոլորտում նույնպես մի շարք իրականացված աշխատանքներ կան, բայց դրանց մեծ մասը կրում է շարունակական բնույթ:    - Նախարարությունը մշտապես աշխատում է տարբեր միջազգային կառույցների հետ: Այս տարի ինչպիսի՞ համագործակցություն է ծավալվելու: - Միջազգային համագործակցության օրինակները բազմաթիվ են: Այս տարի, մի քանի օր առաջ, ՀՀ կառավարության և Եվրոպական Միության միջև համագործակցության արդյունքում բացվեց «Շրջակա միջավայրի մոնիթորինգի և տեղեկատվության կենտրոն» ՊՈԱԿ-ի (ՇՄՄՏԿ) լաբորատորիա, որը հագեցած է նոր սարքավորումներով և ունի վերապատրաստված անձնակազմ: Նախատեսում ենք դրամաշնորհների միջոցով ձեռք բերել նաև շարժական 2 լաբորատորիա, ինչը շատ կարևոր է փորձանմուշներն արագ վերցնելու և հետազոտելու համար: Այդ լաբորատորիաները հագեցած կլինեն օդի և ջրի փորձանմուշներ վերցնելու հնարավորությամբ: Մի լաբորատորիան կլինի ՇՄՄՏԿ-ի, իսկ մյուսը՝ բնապահպանության և ընդերքի տեսչական մարմնի զարգացման համար: 2020 թվականին ԵՄ-ն 5 մլն եվրո ֆինանսավորում է տրամադրել, և դրա շրջանակներում նախատեսում ենք Սևանի վերականգնման համար իրականացնել որոշակի միջոցառումներ: Այս պահին մշակվել է ճանապարհային քարտեզ: Կլիմայական  ծրագրերի ներքո իրականացվում են բազմաթիվ գործողություններ, և կա երկու խոշոր ձեռնարկ: Դրանցից մեկն արդեն ընթացքի մեջ է. Ադապտացիոն հիմնադրամից մոտ 1.5 մլն դոլար դրամաշնորհի շրջանակներում Արթիկի լքված քարհանքերի ռեկուլտիվացման ծրագիրն է, ինչի արդյունքում կստեղծվի զբոսայգի և քաղաքում էականորեն կնվազեցվեն փոշու արտանետումները: Երկրորդ ծրագրի համար տրամադրվել է 2.5 մլն դոլար, որի շրջանակներում Խոսրովի անտառ արգելոցի և Դիլիջանի ազգային պարկի հարակից համայնքներում իրականացվելու են մի շարք սոցիալ-տնտեսական ծրագրեր: Հայաստանի հարավում 2020 թվականին մեծ ծրագրեր ունենք՝ Մեղրիում համաֆինանսավորմամբ գյուղատնտեսական շուկա կկառուցվի, Կապանի 7 բնակավայրի համար դրամաշնորհային միջոցներով կգնվի աղբատար մեքենա, կոնտեյներներ կտեղադրվեն և այլն: Այս ծրագրերի համար դրամաշնորհները տրամադրվելու են Գերմանական զարգացման բանկի կողմից: Մեղրու տարածաշրջանի բարձրլեռնային 2 գյուղում նախատեսվում է արևային ֆոտովոլտային (ՖՎ) կայան տեղադրել, որպեսզի դրանք ապահովվեն հոսանքով և լուծվի ջրի տաքացման խնդիրը: Այժմ մենք փորձում ենք նաև բրիկետների և պելետների արտադրություն կազմակերպել, ինչը նույնպես կարող է գյուղերում լուծել ջեռուցման հարցը: Այս ծրագրի համար կծախսվի մոտ 150-200 հազար եվրո: 2019 թվականին Զանգեզուր կենսոլորտային համալիրի տարածքում՝ Շիկահող արգելոցի հարակից 1 համայնքում, ամբողջովին անվճար տեղադրվել են արևային ջրատաքացուցիչներ: Ընթացիկ տարում նախատեսում ենք ևս 3 գյուղում՝ մոտ 150 տնային տնտեսությունում, կրկին անվճար տեղադրել ջրային տաքացուցիչներ, ինչի արդյունքում կնվազեցվի շրջակա անտառային տարածքների վրա ճնշումը: Նախորդ տարի դրամաշնորհային միջոցներով Ագարակի դպրոցում տեղադրվել է արևային ՖՎ կայան, ինչը թույլ է տվել խնայել տարեկան մոտ 3 մլն դրամ հոսանք: Առաջիկայում պատրաստվում ենք իրականացնել Կապանի հոգեբուժարանի արևային ֆոտովոլտային կայանով վերազինում, ինչը հետագայում զգալիորեն կնվազեցնի իրենց օպերացիոն ծախսերը: - Ի՞նչ փուլում է Կառավարության՝ էլեկտրամոբիլների օգտագործմանն անցում կատարելու գործընթացը: - Մենք նախատեսում էինք Global electric mobility ծրագիրն իրականացնել և ավարտին հասցնել 2019 թվականին: Սա գլոբալ գործընթաց է ու միայն Հայաստանը չէ ներգրավված, և այլ երկրների ընթացակարգային որոշակի ձգձգումների պատճառով ծրագիրը հետաձգվեց: ՀՀ կառավարությունը էլեկտրական շարժիչով ավտոմեքենաների օգտագործմանն անցում կկատարի մոտ ապագայում: Ծրագիրն իրականացվելու է  բնապահպանական դրամաշնորհային գումարների շնորհիվ, որը տրամադրելու է Գլոբալ էկոլոգիական հիմնադրամը: Էլեկտրական շարժիչով ավտոմեքենաներն ունեն նաև վարքագիծ փոխելու որոշակի գործառույթ: Էլեկտրամոբիլներին առնչվող օրենսդրությունն ուժի մեջ է մտել 2019 թվականի երկրորդ կիսամյակում: Համեմատելով 2018 թվականի նույն ժամանակահատվածում էլեկտրամոբիլների ներմուծման ցուցանիշները, կարող ենք հսկայական տարբերություն տեսնել: 2018-ին Հայաստան է բերվել 1, իսկ 2019-ին՝ մոտ 150 էլեկտրական շարժիչով ավտոմեքենա: Այսօր արդեն կան ավտոդիլերներ, որոնք պաշտոնապես միայն էլեկտրամոբիլներ են ներմուծում: Այս ավտոմեքենաների արտադրությունն իր մեջ ավելի շատ նորարարություն և տեխնոլոգիա է պարունակում, քան մեքենաշինությունը: Մենք հույս ունենք, որ Հայաստանը նույնպես կկարողանա հանդիսանալ էլեկտրամոբիլների հավաքման և որոշ փուլում նաև արտադրության երկիր: Նախատեսում ենք նաև ունենալ ավելի շատ լիցքավորման կայաններ և ոչ միայն Երևանում, այլև այլ քաղաքներում, որպեսզի էլեկտրամոբիլների վարորդները հնարավորինս տեղաշարժման խնդիր չունենան: Շարունակությունը՝ armenpress.am-ում։
09:45 - 13 փետրվարի, 2020
Գետերի հունը մաքրելու նախագծման եւ գնահատման տենդեր է հայտարարվել․ շրջակա միջավայրի նախարար |news.am|

Գետերի հունը մաքրելու նախագծման եւ գնահատման տենդեր է հայտարարվել․ շրջակա միջավայրի նախարար |news.am|

news.am: Մենք անցկացրել ենք համապատասխան աշխատանքներ։ Նախարարությունը արդեն գետերի հունը մաքրելու նախագծման եւ գնահատման տենդեր է հայտարարել։ Այս մասին փետրվարի 12-ին ԱԺ նիստում հայտարարեց շրջակա միջավայրի նախարար Էրիկ Գրիգորյանը՝ պատասխանելով պատգամավորների այն հարցին, թե ինչ միջոցառումներ է ձեռնարկում կառավարությունը Սեւանա լիճ թափվող գետերը մաքրելու համար։ Նախարարի խոսքով՝ հայտարարվել է տենդեր, որից հետո ընտրվել է կազմակերպություն, որը ներկայում կատարում է կեղտաջրերի կառավարման միասնական մոտեցման նախնական գնահատումը։ «Այն հրավիրվել է «Վիոլա Ջուր» ընկերություն եւ անցկացրել է համապատասխան քննարկում»,- հայտնեց նախարարը։ Գրիգորյանը նաեւ ասաց, որ տարածքային կառավարման եւ ենթակառուցվածքների նախարարության իրենց գործընկերների հետ քննարկել են միջազգային գրանտային այն նախագծի իրականացումը, որը վերաբերում է նոր ծրագրի իրականացման հետ կապված արդեն գոյություն ունեցող աղբավայրի՝ Կոտայք-Գեղարքունիք միացյալ աղբավայրի կոնսերվացմանը։ Ընդ որում, մեկ այլ ծրագրով աշխատանքներ են տարվում գետերի աերացիոն պոտենցիալը մեծացնելու ուղղությամբ։ Բացի այդ, նրա խոսքերով, կան կազմակերպություններ, որոնք կապված են մաքրող կառույցների հետ եւ արդեն մի շարք առաջարկություններ են ներկայացրել։
08:59 - 13 փետրվարի, 2020
«10 մլն ծառատունկ» ծրագրի մեկնարկը տրված է. արդեն իրականացվում է տնկիներ ձեռք բերելու գործընթացը |armenpress.am|

«10 մլն ծառատունկ» ծրագրի մեկնարկը տրված է. արդեն իրականացվում է տնկիներ ձեռք բերելու գործընթացը |armenpress.am|

armenpress.am: Հայաստանում «10 մլն ծառատունկ» ծրագրի մեկնարկը տրված է: Շրջակա միջավայրի նախարարությունն ակտիվորեն աշխատում է միջազգային գործընկերների հետ տնկիների հարցը կարգավորելու համար:Շրջակա միջավայրի նախարարի տեղակալ Վարդան Մելիքյանը նշեց, որ տնկանյութի ձեռք բերման հետ կապված նամակներ էին ուղղվել Բելառուս, Ռուսաստան, Ղազախստան, Վրաստան և Իրան:«Արդեն հիմնականում ունենք պատասխաններ: Բելառուսից նշեցին, որ պատրաստ են տրամադրել մինչև 10 մլն սոճի, մինչև մեկ մլն կեչի: Ղազախստանից ենք տեսակների մեծ ցանկ ստացել: Այժմ աշխատում ենք Լեհաստանի հետ, նախատեսում ենք նաև համագործակցել Ֆինլանդիայի հետ: Առաջարկները ներառում են թե վճարովի, թե անվճար տնկիներ»,-ասաց նախարարի տեղակալը:Վարդան Մելիքյանը տեղեկացրեց, որ քարտեզագրվել են այն տարածքները, որտեղ պետք է իրականացվեն տնկումները: Խոսքը պետական անտառային հողերի մասին է: Արդեն ուսումնասիրվել է մոտ 2 հազար հա-ից ավելի տարածք: Առաջիկայում կսկսվի շրջակա միջավայրի ազդեցության գնահատման աշխատանքների իրականացումը: Մասնագետները կհստակեցնեն, թե յուրաքանչյուր տարածքում ինչ տիպի ծառեր, ինչ համամասնությամբ են տնկվելու՝ կապված տեղի կլիմայից, հողային պայմաններից: Ընտրվել են այն տարածքները, որտեղ ոռոգման համակարգի անհրաժեշտություն չկա:«Երբ խոսում ենք անտառ տնկելու մասին, ապա մարդիկ շատ հաճախ պատկերացնում են այգիներում կանաչապատման համար ծառերի տնկումը: Անտառների դեպքում այդպես չէ, մենք բերելու ենք փակ արմատային համակարգով տնկիներ՝ կոնտեյներների մեջ աճեցվող ծառեր են, որոնց արմատներն ամբողջությամբ փակված են հողով: Դրանք շատ դժվար է վնասել, շատ հեշտ է տնկել»,-ասաց նա: Ծառատունկի մեկնարկը տրվելու է հոկտեմբերի 10-ին, թեպետ, ամեն ինչ կախված է լինելու եղանակային պայմաններից: Հողի նախապատրաստական աշխատանքները նախապես արված են լինելու, մասնակիցներին մնում է տնկել ծառը: «10 մլն ծառատունկ» ծրագիրը լինելու է ապակենտրոնացված և մասնակցային, այսինքն՝ խնդիր է դրված ներգրավել հնարավորինս շատ մարդկանց: Նախարարի տեղակալը նշեց, որ կարևոր շեշտադրում է լինելու կրթական բաղադրիչի վրա: Լայնածավալ կրթական ծրագրեր են իրականացվելու, որպեսզի մարդիկ չգան միայն ծառ տնկելու համար, այլ տեղեկացվեն թեմայի վերաբերյալ:Այս շաբաթ կսկսվեն նախաձեռնության բրենդավորման աշխատանքները, կգործարկվի համապատասխան կայք:
11:12 - 03 փետրվարի, 2020
ՇՄ նախարարությունում Infocom․am-ի հրապարակման հիման վրա ծառայողական քննություն է նշանակվել

ՇՄ նախարարությունում Infocom․am-ի հրապարակման հիման վրա ծառայողական քննություն է նշանակվել

Շրջակա միջավայրի նախարար Էրիկ Գրիգորյանի մամուլի քարտուղար Դավիթ Գրիգորյանն իր ֆեյսբուքյան էջում պարզաբանում է տարածել՝ կապված Infocom.am-ի հրապարակման հետ, ըստ որի ՇՄ նախարարությունը մի քանի հարցումներից հետո չի տրամադրել անհրաժեշտ տեղեկությունը։ Պարզաբանումը ներկայացնում ենք ստորև․ ««Ինֆոքոմ» լրատվական կայքում տեղ է գտել «Շրջակա միջավայրի նախարարությունը ստում է՝ թաքցնելով հրապարակման ենթակա տեղեկատվությունը» վերտառությամբ հոդված։ «Ինֆորմացիոն կոմիտե» տեղեկատվական ՀԿ-ն հարցմամբ դիմել էր Շրջակա միջավայրի նախարարությանը՝ խնդրելով տրամադրել Արարատյան դաշտի արտեզյան ավազանից օգտվող ձկնաբուծարանների աշխարհագրական կոորդինատներն (ինչին նախարարությունը չի տիրապետում) ու սեփականատերերի ցանկը։ Հարցմանն ի պատասխան ՇՄՆ համապատասխան աշխատակիցը տրամադրել էր Արարատյան դաշտի արտեզյան ավազանից օգտվող ձկնաբուծարանների ցանկը, կազմակերպությունների և անձանց տվյալները, ձկնաբուծարանների գտնվելու վայրերը, ջրօգտագործման թույլտվության համարները, ժամկետները, ստորերկրյա հորերի քանակն ու ծավալները։ Սակայն, ի պատասխան «Ինֆորմացիոն կոմիտե» տեղեկատվական ՀԿ-ի մյուս՝ Արարատյան դաշտի արտեզյան ջրերի խորքային հորերին վերաբերող հարցմանը, սույն աշխատակիցը սպառիչ և ամբողջական պատասխանի փոխարեն այլ տեղեկատվություն է տրամադրել, որի առիթով ՇՄ նախարարությունում նշանակվել է ծառայողական քննություն։ ✅Շրջակա միջավայրի նախարարությունը պատրաստակամ է «Ինֆորմացիոն կոմիտե» տեղեկատվական ՀԿ-ին օրենքի շրջանակներում փոխանցել նախկինում տեխնիկական վրիպակի պատճառով չտրամադրված տեղեկությունները։Հավելենք նաև, որ շրջակա միջավայրի նախարարությունը պարբերաբար հարցումներ է ստանում «Ինֆորմացիոն կոմիտե» տեղեկատվական ՀԿ-ից և տրամադրում է սպառիչ պատասխաններ»։
09:20 - 17 հունվարի, 2020
Շրջակա միջավայրի նախարարությունը ստում է՝ թաքցնելով հրապարակման ենթակա տեղեկատվությունը

Շրջակա միջավայրի նախարարությունը ստում է՝ թաքցնելով հրապարակման ենթակա տեղեկատվությունը

2019 թվականի դեկտեմբերի 11-ին հարցումով դիմել էինք Շրջակա միջավայրի նախարարությանը, որպեսզի մեզ տրամադրեն Արարատյան արտեզյան ավազանից օգտվող ձկնաբուծարանների խորքային հորերի աշխարհագրական կոորդինատները և սեփականատերերի ցանկերը։ 2019 թվականի դեկտեմբերի 19-ին ստացանք գործող ձկնաբուծարանների և սեփականատերերի ցանկերը, սակայն կոորդինատները չտրամադրվեցին։ Գրությամբ նշվում էր, որ ցանկում ներառված չեն խորքային հորերի աշխարհագրական կոորդինատները, քանի որ դրանք հրապարակման ենթակա չեն, և կարող է խախտվել իրավաբանական ու ֆիզիկական անձանց տվյալների փոխանցման, տրամադրման իրավունքը և հարակից իրավունքները։ Վերոնշյալ պատասխանը ստանալուց հետո զանգահարեցինք ՇՄ նախարարության հասարակայնության հետ կապերի բաժին։ Խնդրեցինք հղում կատարել այն իրավական ակտին, որով աշխարհագրական կոորդինատները համարվում են գաղտնի տեղեկատվություն։ Մեզ պատասխանեցին, որ մերժման որոշումը կայացվել է ներքին իրավական ակտով։  2019 թվականի դեկտեմբերի 24-ին պատասխան գրություն ուղարկեցինք ՇՄ նախարարություն, որտեղ նշեցինք, որ «Տեղեկատվության ազատության» մասին օրենքի 8-րդ հոդվածի 3-րդ մասի 2-րդ կետը սահմանում է, որ տեղեկատվության տրամադրումը չի կարող մերժվել, եթե այն ներկայացնում է բնության և շրջակա միջավայրի պաշտպանության բնագավառում տիրող իրական վիճակը։ Միաժամանակ հայտնեցինք, որ բանավոր խոսակցության ընթացքում իրենց կողմից մերժումը ներքին իրավական ակտով հիմնավորելը ևս հակասում է օրենքին, քանզի «Իրավական ակտերի մասին» ՀՀ օրենքի 3-րդ հոդվածի 2-րդ մասը սահմանում է, որ Իրավական ակտը չպետք է հակասի հավասար կամ ավելի բարձր իրավաբանական ուժ ունեցող իրավական ակտերին, իսկ նույն օրենքի 8-րդ հոդվածը հստակ սահմանում է, որ օրենքը առավել բարձր իրավաբանական ուժ ունի, քան գերատեսչական ներքին ակտերը: Հետևաբար սույն հարաբերությունը կարգավորվում է «Տեղեկատվության ազատության մասին» ՀՀ օրենքով։  Արդեն 2020 թվականի հունվարի 10-ին, հարցման ընթացքին ծանոթանալու նպատակով, հեռախոսային զրույց ունեցանք Ջրային ռեսուրսների կառավարման գործակալության աշխատակից Արման Շահմուրադյանի հետ, ով հարցման կատարողն էր։ Նա նշեց, որ պատասխանն արդեն պատրաստ է, այն շուտով կուղարկվի մեզ և տեղեկացրեց, որ կոորդինատների տրամադրումը մերժվել է ըստ Օրհուսի կոնվենցիայի։ Պարոն Շահմուրադյանը հավելեց, որ այն գերակա է ՀՀ օրենքների նկատմամբ։«Շրջակա միջավայրի հարցերի առնչությամբ տեղեկատվության մատչելիության, որոշումների ընդունման գործընթացին հասարակայնության մասնակցության և արդարադատության մատչելիության մասին» Օրհուսի կոնվենցիային հղում անելով՝ տեղեկատվության տրամադրումը մերժելն այնքան զավեշտալի և ոչ իրավաչափ կլիներ, որ վերջին պահին նախարարությունում որոշվել է փոխարենը ստել, թե իրենք չեն տիրապետում անհրաժեշտ տվյալներին։ Իսկ այն, որ դա պարզագույն սուտ է՝ կհամոզվեք հաջորդիվ։ Չստանալով որևէ գրություն՝ հունվարի 15-ին զանգահարեցինք ՇՄ նախարարություն, որպեսզի պարզենք, թե գրությունն ինչ փուլում է։ Մեզ պատասխանեցին, որ այն դեռևս քննարկվում է։ Այսօր՝ հունվարի 16-ին, նախարարությունից ստացանք պատասխան, ըստ որի ՇՄ նախարարությունն Արարատյան դաշտի արտեզյան ավազանի ձկնաբուծարանների աշխարհագրական կոորդինատների վերաբերյալ տեղեկություն չունի։ Այն որ նախարարության պաշտոնյաները ստում են՝ ապացուցելի է երկու պարզ փաստով․ 1. ՀՀ կառավարության 2003 թվականի մարտի 7-ի N 218-Ն որոշման հավելված N 6-ի 5-րդ կետով այդպիսի կոորդինատների վերաբերյալ տվյալներ ներկայացնելը պարտադիր պայման է ջրօգտագործման թույտվություն ստանալու գործընթացում։ Առանց այդ տվյալներ որևէ մեկը չի կարող խորքային հոր շահագործելու թույտվություն ստանալ։ 2. Երբ 2019 թվականի նոյեմբերի 22-ին հարցումով դիմել էինք ՋՌԿԳ, որպեսզի թույլտվություն ստանանք ծանոթանալու 2008-2019 թվականների ընթացքում Արարատյան դաշտի խորքային հորերի համար տրամադրված ՋԹ-ներին, մեզ պատասխանեցին, որ կարող ենք ծանոթանալ։ Մեզ տրամադրեցին որոշ ընկերություններին տրված ՋԹ-ները։ Դրանցում աշխարհագրական կոորդինատներն առկա են։ Օրինակը՝ ստորև։ Ներկայացված փաստաթուղթը, ինչպես տեսնում ենք, հանդիսանում է ջրօգտագործման թույլտվության անբաժանելի մաս։ Ստացվում է, որ ՇՄ նախարարությանն առընթեր Ջրային ռեսուրսների կառավարման գործակալությունն ունի Արարատյան դաշտի արտեզյան ավազանից օգտվող ձկնաբուծարանների աշխարհագրական կոորդինատները, սակայն հարցմանն ի պատասխան՝ մի դեպքում հայտնում է, թե այդ տվյալների տրամադրումն արգելվում է, իսկ երբ մենք հանգամանալից բացատրում ենք, որ դա չի կարող արգելվել, պատասխանում են, թե նման տվյալներ չունեն։Այսպիսով Շրջակա միջավայրի նախարարության պաշտոնյաները թաքցրել են հրապարակման ենթակա տեղեկատվությունը՝ խախտելով Օրհուսի կոնվենցիան, ՀՀ Սահմանադրության  51-րդ հոդվածով երաշխավորված տեղեկություններ ստանալու իրավունքը, «Հանրային ծառայության մասին օրենքի» 12-րդ հոդվածով նախատեսված իրավունքի գերակայության և հանրային ծառայության հրապարակայնության, թափանցիկության, հաշվետվողականության սկզբունքները, 22-րդ հոդվածով սահմանված վարքագծի սկզբունքները, թույլ են տվել ՎԻՎ օրենսգրքի 189.7 հոդվածով նախատեսված վարչական իրավախախտում։Ուստի սույնով մենք դիմում ենք․- Շրջակա միջավայրի նախարարության գլխավոր քարտուղարին ծառայողական քննություն նշանակելու և պատասխանատու պաշտոնատար անձանց նկատմամբ միջոցներ կիրառելու խնդրանքով,-լրագրողական կազմակերպություններին և լրագրողական համայնքին՝ իրենց գնահատականը հնչեցնելու խնդրանքով։Քննարկում ենք նաև Վարչական դատարան դիմելու հնարավորությունը։
14:27 - 16 հունվարի, 2020
Ծառայողական էլեկտրամոբիլներ՝ ՀՀ կառավարության համար. ծրագիրն իրականություն կդառնա մոտ ապագայում |armenpress.am|

Ծառայողական էլեկտրամոբիլներ՝ ՀՀ կառավարության համար. ծրագիրն իրականություն կդառնա մոտ ապագայում |armenpress.am|

armenpress.am։ ՀՀ կառավարությունը էլեկտրական շարժիչով ավտոմեքենաների օգտագործմանն անցում կկատարի մոտ ապագայում: Այս մասին ասաց ՀՀ շրջակա միջավայրի նախարար Էրիկ Գրիգորյանը և հավելեց, որ ծրագիրն իրականացվելու է բնապահպանական դրամաշնորհային գումարների շնորհիվ, որը տրամադրելու է Գլոբալ էկոլոգիական հիմնադրամը: «Ծրագիրն այս տարվա վերջում արդեն իսկ պետք է իրագործվեր, եթե հասցնեինք բոլոր ընթացակարգերը, սակայն ինչ-ինչ փոփոխություններ տեղի ունեցան: Global electric mobility ծրագիրն ընթացքի մեջ է, այն իրականացնում են բազմաթիվ երկրներ և կան որոշները, որոնք գործընթացային առումով ետ են ընկել, հենց դա է պատճառը, որ մենք այս տարի չկարողացանք անցում կատարել էլեկտրական շարժիչով մեքենաների»,- նշեց Գրիգորյանը: Նրա խոսքով՝ Կառավարության անդամների համար նախատեսված էլեկտրական շարժիչով ծառայողական մեքենաների ծրագիրը հաստատված է, գումարը՝ նույնպես, ուղղակի ընթացակարգային առումով այն մի փորք ուշ կիրագործվի: Գրիգորյանը վստահեցրեց, որ իրենց գերատեսչությունը պայմանավորվածությունների իր մասը կատարել է: «Ընդհանուր առմամբ ծրագիրը կազմում է մոտ 700 հազար դոլար, և դրա մի մասով կգնվեն մեքենաները, իսկ մյուս մասով՝ կարվեն օրենսդրական վերլուծություններ»,- ընդգծեց ՀՀ շրջակա միջավայրի նախարարը:
08:33 - 20 դեկտեմբերի, 2019
Շրջակա միջավայրի նախարարությունը մերժել է ԶՊՄԿ-ի ջրօգտագործման թույլտվության հայտը, իսկ «Թեղուտ» ՓԲԸ-ին տրամադրել է ՋԹ երեք տարի ժամկետով |ecolur.org|

Շրջակա միջավայրի նախարարությունը մերժել է ԶՊՄԿ-ի ջրօգտագործման թույլտվության հայտը, իսկ «Թեղուտ» ՓԲԸ-ին տրամադրել է ՋԹ երեք տարի ժամկետով |ecolur.org|

ecolur.org։ Շրջակա միջավայրի նախարարությունը մերժել է «Զանգեզուր պղնձամոլիբդենային կոմբինատ» ՓԲԸ-ի նոր ջրօգտագործման թույլտվության ստացման հայտը: Նախարարությունը բավարարել է «Թեղուտ» ՓԲԸ-ի ջրօգտագործման թույլտվության ստացման հայտը՝ տրամադրելով ընկերությանը ՋԹ երեք տարի ժամկետով: Այս մասին ի պատասխան ԷկոԼուրի հարցմանը տեղեկացրեց Շրջակա միջավայրի նախարարության ջրային ռեսուրսների կառավարման գործակալության պետի պաշտոնակատար Էդգար Փիրումյանը: ««Զանգեզուր պղնձամոլիբդենային կոմբինատ» ՓԲԸ-ի Սյունիքի մարզի Քաջարան քաղաքի վարչական տարածքում արդյունաբերական նպատակով Ողջի, Սակքար, Փուխրուտ, Ձագեձոր, Գեղի գետերից և Գեղի գետի ջրամբարից նոր ջրօգտագործման թույլտվության ստացման հայտը շրջակա միջավայրի նախարարի 2019 թվականի նոյեմբերի 11-ի N381-Ա հրամանով մերժվել է: «Թեղուտ» ՓԲ ընկերությանը արդյունաբերական նպատակով տրվել է N000133 (11.11.2019-11.11.2022) ջրօգտագործման թույլտվությունը՝ Դեբեդ գետից 296.5 լ/վրկ և դրենաժի լցակույտերից 8 լ/վրկ ջրառի ծավալով: Միաժամանակ հայտնում եմ, որ «Թեղուտ» ՓԲ ընկերությանը նախկինում տրված N000203 ջրօգտագործման թույլտվությամբ ջրառի ծավալ սահմանված է եղել Դեբեդ գետից 512 լ/վրկ, Շնող գետից 13.7 լ/վրկ, դրենաժային համակարգից 8 լ/վրկ», - նշված է Էդգար Փիրումյանի պատասխան նամակում:
11:34 - 25 նոյեմբերի, 2019
Ողջի գետի աղտոտման փաստով վարույթ է հարուցվել. Էրիկ Գրիգորյան |news.am|

Ողջի գետի աղտոտման փաստով վարույթ է հարուցվել. Էրիկ Գրիգորյան |news.am|

news.am: Սյունիքի մարզում Զանգեզուրի պղնձամոլիբդենային կոմբինատին պատկանող Արծվանիկի պոչամբարի մետաղյա խողովակաշարի վթարի պատճառով Ողջի գետի աղտոտման փաստով վարույթ է հարուցվել: Այս մասին հոկտեմբերի 23-ին ԱԺ-ում հայտարարեց շրջակա միջավայրի նախարար Էրիկ Գրիգորյանը: Նրա խոսքով՝ տեսչական մարմինը ստուգումներ է նախաձեռնել, որոնց ընթացքում համապատասխան նմուշներ են վերցրել, որոնք վկայում են գետի ջրերում մի շարք ծանր մետաղների թույլատրելի խտության բարձրացման մասին: Նախարարը նշեց, որ կան օրենսդրական կարգավորումներ, որոնք նման դեպքում սահմանում են կամ վարչական, կամ քրեական պատասխանատվություն՝ կախված շրջակա միջավայրին հասցված վնասի ծանրությունից: Նա հիշեցրեց, որ նույն վայրում նման վթար էր տեղի ունեցել 2010-ին: Այդ ժամանակ ընկերությունը փոխհատուցել էր վնասն ու տուգանք վճարել 700-900 հազար դրամի չափով: «Կարծում ենք, որ գործող օրենսդրության շրջանակում փոխհատուցման չափը չի արտացոլում հասցված վնասի իրական ծավալը»,- հայտարարեց նախարարը՝ հավելելով, որ նախարարությունն այժմ աշխատում է պատժամիջոցների խստացման եւ տուգանքների չափի մեծացման ուղղությամբ: Հիշեցնենք, որ հոկտեմբերի 17-ի վաղ առավոտյան հայտնի է դարձել, որ կոմբինատի թափոնները լցվել են գետը, ինչի հետեւանքով գետը դարնչագույն է դարձել: Մինչ փրկարարների ժամանումը վերականգնման աշխատանքներ են իրականացվել: 
17:44 - 23 հոկտեմբերի, 2019
CNF-ի կողմից 344 հազար եվրո փոխանցվել է 4 ՊՈԱԿ-ների

CNF-ի կողմից 344 հազար եվրո փոխանցվել է 4 ՊՈԱԿ-ների

Կովկասի բնության հիմնադրամի /CNF/ կողմից կատարվել են 2019 թ. ֆինանսական տարվա երկրորդ խոշոր գումարային փոխանցումները ՀՀ Շրջակա միջավայրի նախարարության կազմում գտնվող 4 ՊՈԱԿ-ների՝ «Խոսրովի անտառ» պետական արգելոցին, «Զանգեզուր» կենսոլորտային համալիրին, «Դիլիջան» և «Արփի լիճ» ազգային պարկերին: Ընդհանուր առմամբ, փոխանցվել է մոտավորապես 344 հազար եվրո: Մասնավորապես, շուրջ 101 հազար եվրո հատկացվել է «Խոսրովի անտառ» պետական արգելոցին, 100 հազար եվրո՝ «Զանգեզուր» կենսոլորտային համալիրին, 98 հազար եվրո՝ «Դիլիջան» ազգային պարկին, 45 հազար եվրո՝ «Արփի լիճ» ազգային պարկին: Տրված աջակցությամբ CNF-ը շարունակում է համաֆինանսավորել բնության հատուկ պահպանվող տարածքների ընթացիկ ծախսերը, օժանդակել պահպանության արդյունավետ իրականացմանը եւ նորարարական մոտեցումների ներդրմանը՝ բարելավելու ԲՀՊՏ-ների կառավարման արդյունավետությունը: Նշենք, որ գրեթե նույնաչափ առաջին փոխանցումներն արվել էին տարեսկզբին: CNF-ը 10 տարի աջակցում և շարունակելու է օժանդակությունը Հայաստանի բնության հատուկ պահպանվող տարածքներին, իրականացնելով իր ռազմավարական առաքելությունը՝ ապահովելու Հայաստանի ունիկալ կենսաբազմազանության պահպանությունը:
08:28 - 14 հոկտեմբերի, 2019
Քննարկվել են անտառի պահպանության և կառավարման արդյունավետության բարձրացման մեխանիզմները

Քննարկվել են անտառի պահպանության և կառավարման արդյունավետության բարձրացման մեխանիզմները

Շրջակա միջավայրի նախարարության, ՄԱԿ-ի զարգացման ծրագրի Հայաստանյան գրասենյակի և Գերմանիայի միջազգային համագործակցության ընկերության համատեղ նախաձեռնությամբ տեղի է ունեցել աշխատաժողով նվիրված անտառային ոլորտի արդյունավետ կառավարմանը:Աշխատաժողովը միտված է անտառային ոլորտի օրենսդրական փոփոխություններին, նորարարական տեխնոլոգիաների ներդրմանը, փորձի փոխանակմանը և հարակից այլ հարցերին:Բացման խոսքով հանդես է եկել շրջակա միջավայրի նախարարի տեղակալ Վարդան Մելիքյանը։ Ողջունելով ներկաներին նախարարի տեղակալը կարևորել է նման ձևաչափով անցկացվող միջոցառումների՝ մասնավորապես անտառային համակարգի աշխատակիցների աշխատանքի արդյունավետության բարձրացման անհրաժեշտությունը: Այս համատեքստում Վարդան Մելիքյանը անդրադարձել է Հայաստանի ստանձնած պարտավորություններին, գերխնդիրներին, ծրագրերին, որոնք ուղղված են անտառվերականգնմանը:Իր հերթին շրջակա միջավայրի նախարարության անտառային կոմիտեի նախագահի պաշտոնակատար Սամվել Սահակյանը աշխատաժողովի մասնակիցներին մաղթել է արդյունավետ քննարկումներ։ Նա հույս է հայտնել, որ աշխատանքները կկրեն շարունակական բնույթ նպաստելով ոլորտի բարելավմանը։Աշխատաժողովին ներկա էին շրջակա միջավայրի նախարարության, շրջակա միջավայրի նախարարության անտառային կոմիտեի աշխատակիցներն ու միջազգային կազմակերպությունների ներկայացուցիչները, ովքեր ներկայացրել են անտառային ոլորտի արդյունավետ կառավարման և զարգացմանն ուղղված ծրագրեր:Խմբային աշխատանքների, քննարկումների միջոցով մասնակիցները ներկայացրել են առաջարկներ անտառային ոլորտի խնդիրների վերհանման և դրանց լուծման ուղիների նույնականացման վերաբերյալ։Աշխատաժողովի ավարտին ամփոփվել են քննարկումների արդյունքները և հստակեցվել են հետագա
06:50 - 07 հոկտեմբերի, 2019