Ջո Բայդեն

ԱՄՆ 46-րդ նախագահը՝ Դեմոկրատական կուսակցությունից։

Ծնվել է 1942 թվականի նոյեմբերի 20-ին, ԱՄՆ-ի Փենսիլվանիա նահանգում։ Ամերիկացի քաղաքական գործիչ է, 2009 թվականի հունվարի 20-ին դարձել է Միացյալ նահանգների փոխնախագահը։ Մինչ փոխնախագահ դառնալը՝ նա սենատոր է եղել Դելավեր նահանգից՝ 1973-2009 թվականներին։ Նա ԱՄՆ դեմոկրատական կուսակցությունից առաջադրվել է 2020 թվականի նախագահական ընտրություններում՝ ընդդեմ գործող նախագահ Դոնալդ Թրամփի եւ նոյեմբերի 7-ին` վերջնական արդյունքներով ընտրվել է ԱՄՆ-ի նախագահ։

Սովորել է Դելավերի համալսարանում՝ ստանալով իրավաբանի մասնագիտություն։ 1970 թվականին ընտրվել է Նյու Քասլի շրջանի խորհրդում եւ դարձել վեցերորդ ամենաերիտասարդ սենատորը ԱՄՆ-ի պատմության մեջ, երբ 1972 թվականի ԱՄՆ-ի սենատորների ընտրություններում հաղթեց Դելավերում։ Բայդենը երկար ժամանակ Սենատի արտաքին հարաբերությունների հանձնաժողովի անդամ է եղել, նաեւ հանձնաժողովի նախագահ։ Նա դեմ էր 1991 թվականի Իրաք-քուվեյթյան պատերազմին, սակայն կողմ էր ՆԱՏՕ-ի ընդարձակմանը՝ դեպի Արեւելյան Եվրոպա եւ նրա ներքաշմանը 1990-ականների Հարավսլավիայի պատերազմներին։ Նա կողմ էր 2002 թվականի Իրաքի պատերազմի բանաձեւին, բայց դեմ էր 2007 թվականին Իրաքի պատերազմում ԱՄՆ զորքերի ավելացմանը։ Բայդենը ղեկավարել է Սենատի դատական հանձնաժողովը՝ 1987 թվականից մինչեւ 1995 թվականը, զբաղվել թմրանյութերի քաղաքականությամբ, հանցագործությունների կանխարգելմամբ եւ քաղաքացիական ազատությունների խնդիրներով։

Բայդենը վերընտրվել է Սենատում վեց անգամ եւ հրաժարվել Սենատորի պաշտոնից 2008 թվականի նախագահական ընտրություններին մասնակցելու համար՝ որպես Բարաք Օբամայի փոխնախագահ։ Օբաման եւ Բայդենը վերընտրվել են 2012 թվականին։

ԱՄՆ նախագահը մեկ տարով երկարաձգել է Ռուսաստանի դեմ պատժամիջոցները |azatutyun.am|

azatutyun.am: Միացյալ Նահանգների նախագահ Ջո Բայդենը մեկ տարով երկարաձգել է Ռուսաստանի դեմ պատժամիջոցները, որոնք ավելի վաղ ընդունվել էին Ուկրաինայում տիրող իրավիճակի և Ղրիմի բռնակցման հետ կապված: Պատժամիջոցները սահմանվել էին Բարաք Օբամայի և Դոնալդ Թրամփի վարչակազմերի կողմից: Բայդենը որոշել է, որ 2021 թվականի մարտի 6-ից հետո այդ բոլոր սահմանափակումները պետք է ուժի մեջ մնան:

10:58 - 04 մարտի, 2021

ԱՄՆ-ն երբեք Ղրիմը ռուսական չի ճանաչի․ Բայդեն |factor.am|

factor.am: ԱՄՆ նախագահ Ջո Բայդենը հայտարարել է, որ Միացյալ Նահանգները երբեք Ղրիմը ռուսական չի ճանաչի, Վաշինգտոնը կշարունակի «Ուկրաինայում ագրեսիայի համար» Ռուսաստանին պատասխանատվության ենթարկելու ուղղությամբ, հաղորդում է ՌԻԱ Նովոստին։ «Այս մռայլ տարելիցին մենք կրկնում ենք մի պարզ ճշմարտություն՝ Ղրիմը Ուկրաինա է։ ԱՄՆ-ն չի ճանաչում և երբեք չի ճանաչի Ռուսաստանի կողմից թերակղզու բռնակցումը, և մենք Ուկրաինայի հետ միասին կդիմակայենք Ռուսաստանի ագրեսիվ գործողություններին։ Մենք կշարունակենք աշխատել Ռուսաստանին պատասխանատվության ենթարկելու ուղղությամբ՝ Ուկրաինայում նրա չարաշահումների և ագրեսիայի համար»,- ասված է Սպիտակ տան կայքում զետեղված հայտարարության մեջ:

20:38 - 26 փետրվարի, 2021

Տեղի է ունեցել ԱՄՆ նախագահի և Սաուդյան Արաբիայի թագավորի հեռախոսազրույցը |1lurer.am|

1lurer.am: ԱՄՆ նախագահ Ջո Բայդենը հեռախոսազրույց է ունեցել Սաուդյան Արաբիայի թագավոր Սալման բին Աբդել Ազիզ Ալ-Սաուդի հետ՝ կարևորելով կայունությունն ու թափանցիկությունը երկկողմ հարաբերություններում՝ ներկայացնում է Reuters-ը: Զրուցակիցները քննարկել են «տարածաշրջանային անվտանգության խնդիրներ, ներառյալ ՄԱԿ-ի և ԱՄՆ-ի կողմից Եմենում պատերազմը դադարեցնելու նոր ջանքերը»: Բայդենը վերահաստատել է Սաուդյան Արաբիային «Իրանի հետ կապված խմբավորումների հարձակումներից» պաշտպանելու իր մտադրությունը: Երկու երկրների ղեկավարների հեռախոսազրույցը մամուլի ուշադրության կենտրոնում է հայտնվել, քանի որ տեղի է ունեցել սաուդցի լրագրող Ջամալ Խաշոգջիի սպանության վերաբերյալ ԱՄՆ հետախուզության զեկույցի հրապարակումից առաջ: Ըստ աղբյուրների՝ սպանությունը կատարվել է Սաուդյան Արաբիայի փաստացի ղեկավար, 35-ամյա թագաժառանգ Մուհամեդ բեն Սալմանի գիտությամբ: Էր Ռիադը հերքում է նման պնդումները:

13:28 - 26 փետրվարի, 2021

Բայդենը չի փոխել քաղաքականությունը Իրանի նկատմամբ. Զարիֆ |tert.am|

tert.am: ԱՄՆ նախագահ Ջո Բայդենը չի փոխել իր նախորդի քաղաքականությունը Թեհրանի նկատմամբ: Այս մասին հայտարարել է Իրանի արտգործնախարար Մոհամադ Ջավադ Զարիֆը, գրում է «ՌԻԱ Նովոստի» գործակալությունը: «Ոչինչ չի փոխվել: Բայդենն ասում է, որ Թրամփի առավելագույն ճնշման քաղաքականությունը պարզվել է, որ առավելագույն ձախողման քաղաքականություն է: Սակայն նրանք չեն փոխել իրենց քաղաքականությունը: Խնդիրն այն է, որ ԱՄՆ-ն կախվածություն ունի պատժամիջոցներից»,-ասել է Զարիֆը: «Մեզ գործողություններ են պետք, ոչ թե խոստումներ: Մենք ուզում ենք վարքի փոփոխություն տեսնել, որպեսզի Դոնալդ Թրամփի օրոք սկսված ապօրինությունները չկրկնվեն»,-հավելել է նախարարը: Ըստ նրա, «բոլորի կողմից միջուկային գործարքի իրենց պարտավորությունների մասի կատարումից հետո» տեղի կունենան նաև բանակցություններ ԱՄՆ-ի մասնակցությամբ միջուկային գործարքի շուրջ, բայց դրանք չեն վերաբերվի համաձայնագրի փոփոխություններին կամ գործարքի նոր դրույթներին՝ տարածաշրջանային խնդիրներ և իրանական հրթիռային ծրագիր: «Այնուամենայնիվ, մենք կքննարկենք, թե ինչպես ապահովել, որ ԱՄՆ գործողությունները (գործարքից դուրս գալը և պատժամիջոցների վերականգնումը) այլևս չկրկնվեն, ինչպես խուսափել դրանից»,-ասել է Զարիֆը:

15:59 - 21 փետրվարի, 2021

Պուտինը ձգտում է թուլացնել եվրոպական նախագիծն ու ՆԱՏՕ-ն. Ջո Բայդեն |1lurer.am|

1lurer.am: Միացյալ Նահանգների նախագահ Ջո Բայդենը հայտարարել է, որ Ռուսաստանի իշխանությունները ձգտում են «խարխլել տրանսատլանտյան միասնությունը» և թուլացնել «եվրոպական նախագիծն» ու ՆԱՏՕ-ն՝ փոխանցում է Russia Today-ը: Անվտանգության թեմայով մյունխենյան համաժողովում ելույթ ժամանակ ԱՄՆ ղեկավարը Մոսկվային մեղադրել է ամերիկյան ժողովրդավարության դեմ հարձակումների, ինչպես նաև ամբողջ աշխարհում մի շարք կիբեռհարձակումներին ներգրավվելու համար: «Պուտինը ձգտում է թուլացնել եվրոպական նախագիծն ու ՆԱՏՕ-ի դաշինքը: Նա ցանկանում է տապալել տրանսատլանտյան միասնությունն ու մեր վճռականությունը, քանի որ Կրեմլի համար ավելի հեշտ է վախեցնել ու սպառնալ առանձին պետությունների, քան բանակցություններ վարել հզոր և համախմբված տրանսատլանտյան համայնքի հետ»,- հայտարարել է Ջո Բայդենը: Միաժամանակ Ֆրանսիայի նախագահ Էմանուել Մակրոնը ընդգծել է անվտանգության միջազգային ճարտարապետության կառուցման անհրաժեշտությունը, որը պետք է ներառի Ռուսաստանի հետ երկխոսությունը:

19:45 - 20 փետրվարի, 2021

Ջո Բայդենի վարչակազմը որոշել է վերադառնալ Փարիզի կլիմայի համաձայնագրին |armenpress.am|

armenpress.am: ԱՄՆ նախագահ Ջո Բայդենի վարչակազմը որոշել է վերադառնալ Փարիզի կլիմայի համաձայնագրին, որից ԱՄՆ-ը դուրս էր եկել 2017 թվականին այն ժամանակվա նախագահ Դոնալդ Թրամփի որոշմամբ: Ինչպես տեղեկացնում է Interfax-ը, Փարիզի համաձայնագիրը ԱՄՆ-ին պարտավորեցրել է մինչեւ 2025 թվականը մի քանի տասնյակ տոկոսով կրճատել ջերմոցային գազերի արտանետումները։ Թրամփը համաձայնագիրն ԱՄՆ-ի համար ոչ շահավետ է համարել.Նրա գնահատմամբ ՝ այն իր երկրի վրա շատ ավելի խիստ սահմանափակումներ է դրել, քան մյուսների, մասնավորապես ՝ Չինաստանի վրա:

20:33 - 19 փետրվարի, 2021

ԱՄՆ-ը չեղյալ է հայտարարում Իրանի նկատմամբ պատժամիջոցները վերականգնելու Թրամփի առաջարկը |1lurer.am|

1lurer.am: Բայդենի վարչակազմը հայտարարել է, թե պատրաստ է չեղարկել Իրանի նկատմամբ պատժամիջոցներ կիրառելու նախկին նախագահ Թրամփի որոշումը և վերադառնալ Իրանի միջուկային գործարքի շուրջ բանակցություններին՝ հաղորդում է AP-ն: Հինգշաբթի ուշ երեկոյան Պետդեպարտամենտը հայտարարել է, որ մեղմացնում է նաև Նյու Յորք՝ ՄԱԿ-ի կենտրոնակայան, իրանցի դիվանագետների ժամանումների սահմանափակումները: Այս քայլերը Վաշինգտոնը ձեռնարկում է G7-ի երկրների ղեկավարների հանդիպումից և Մյունխենի ամենամյա անվտանգության համաժողովից առաջ: Ակնկալվում է, որ նախագահ Ջո Բայդենը երկու հանդիպումներում էլ ելույթ կունենա:

14:38 - 19 փետրվարի, 2021

Բայդենն առաջին անգամ կմասնակցի G7-ի առաջնորդների հանդիպմանը |tert.am|

tert.am: ԱՄՆ նախագահ Ջո Բայդենը կմասնակցի «Մեծ յոթնյակ»-ի (G7) պետությունների ղեկավարների առցանց հանդիպմանը, որը տեղի կունենա փետրվարի 19-ին` տեսակոնֆերանսի ձևաչափով:Այս մասին ասվում է Սպիտակ տան մամուլի ծառայության տարածած հայտարարությունում, գրում է Reuters-ը:Նշվում է՝ Բայդենը մտադիր է քննարկել կորոնավիրուսային համավարակի դեմ պայքարին, համաշխարհային տնտեսության վերականգնմանը, ինչպես նաև Չինաստանի կողմից տնտեսական մարտահրավերներին դիմագրավելուն առնչվող հարցեր: «Շուկայական տնտեսություն ունեցող առաջատար ժողովրդավարությունների առաջնորդների հետ այս առցանց հանդիպումը հնարավորություն կտա նախագահ Բայդենին քննարկել համավարակի դեմ պայքարի և համաշխարհային տնտեսությունը վերականգնելու ծրագրերը», - ասվում է հայտարարության տեքստում:Բացի այդ, հստակեցվում է՝ ԱՄՆ ղեկավարը, մասնավորապես, կկենտրոնանա «հակակորոնավիրուսային պատվաստանյութերի արտադրության, բաշխման և մատակարարման համակարգման, ինչպես նաև նոր վարակիչ հիվանդությունների սպառնալիքին հակազդելու համար մոբիլիզացման և համագործակցության շարունակական ջանքերի վրա»:Ինչ վերաբերում է տնտեսությանը, ապա այս ասպարեզում Բայդենը կկարևորի «կոլեկտիվ մրցունակությունն ամրապնդելու համար ներդրումներ կատարելու» անհրաժեշտությունը և կքննարկի «համաշխարհային նորմերի արդիականացման կարևորությունը`տնտեսական մարտահրավերներին, այդ թվում Չինաստանի կողմից ներկայացվածներին, դիմակայելու համար»:

18:08 - 15 փետրվարի, 2021

Բայդենը մեկնաբանել է Թրամփի իմփիչմենթի գործով Սենատի քվեարկության արդյունքները |tert.am|

tert.am: Կապիտոլիումի գրոհը տխուր էջ է ԱՄՆ պատմության մեջ, իսկ Դոնալդ Թրամփի դեմ մեղադրանքների էությունը կասկածի ենթակա չէ, հայտարարել Է ԱՄՆ նախագահ Ջո Բայդենը՝ մեկնաբանելով Սենատում՝ նախկին նախագահին իմփիչմենթի ենթարկելու հարցով քվեարկությունը, գրում է CNN-ը։ «Թեև վերջնական քվեարկությունը չի հանգեցրել դատապարտման, մեղադրանքների էությունը կասկածի ենթակա չէ», -ասված է Բայդենի հայտարարության մեջ, որը տարածել է Սպիտակ տունը: Բայդենի խոսքով՝ «նույնիսկ նրանք, ովքեր դեմ էին քննադատությանը, ինչպես, օրինակ, Սենատում փոքրամասնության առաջնորդ Մակքոնելը, կարծում են, որ Դոնալդ Թրամփը մեղավոր է իր պարտքը չկատարելու համար և գործնականում բարոյապես պատասխանատու է Կոնգրեսի շենքում տեղի ունեցած սադրանքի համար»: Ավելի վաղ հաղորդվել էր, որ ԱՄՆ Կոնգրեսի Սենատն արդարացրել է ԱՄՆ նախկին նախագահ, հանրապետական Դոնալդ Թրամփին նրան իմփիչմենթ հայտարարելու գործի շրջանակում։ Թրամփին իմփիչմենթ հայտարարելու համար անհրաժեշտ էր 100 սենատորից 67-ի կողմ քվեարկությունը: Հօգուտ իմփիչմենթի քվեարկել էր 57, դեմ՝ 43 սենատոր, և ոչ բավարար թվով կողմ ձայների առկայությամբ նախագիծը մերժվել էր:

11:09 - 14 փետրվարի, 2021

Բայդենը չեղարկել է Թրամփի որոշումը, որը թույլ էր տալիս պետական բյուջեից ֆինանսավորել Մեքսիկայի հետ սահմանին պատի կառուցման աշխատանքները |tert.am|

tert.am: ԱՄՆ նախագահ Ջո Բայդենը չեղարկել է նախորդ նախագահ Դոնալդ Թրամփի կողմից արտակարգ իրավիճակ սահմանելու վերաբերյալ որոշումը Մեքսիկայի հետ սահմանին պատ կառուցելու ֆինանսավորումն իրականացնելու վերաբերյալ, հաղորդում է РБК-ն: «Ես հստակեցրել եմ, որ երկրի հարավում արտակարգ իրավիճակի սահմանումն անհիմն է եղել: Հայտարարել եմ նաև, որ իմ ղեկավարած վարչակարգի քաղաքականությունը միտված է լինելու նրան, որ ամերիկացի հարկատուների վճարած գումարները չծախսվեն սահմանային պատ կառուցելու համար»,- հայտնել է Բայդենը:

09:24 - 12 փետրվարի, 2021

Անվտանգության մյունխենյան համաժողովն այս տարի կանցկացվի առցանց ձևաչափով. միջոցառմանն առաջին անգամ կմասնակցի ԱՄՆ նախագահը |tert.am|

tert.am: Մյունխենի անվտանգության հարցերով համաժողովը 2021-ին կանցկացվի առցանց ձևաչափով և տեղի կունենա փետրվարի 19-ին: Այս մասին հայտնում է ТАСС գործակալությունը՝ հղում անելով գերամանկան աղբյուրին: Նշվում է, որ համաժողովին իր մասնակցությունը հաստատել է ԱՄՆ նախագահ Ջո Բայդենը: Այս մասին տեղեկացրել է հեղինակավոր համաժողովի ղեկավար Վոլֆգանգ Իշինգերը: Մյունխենյան միջազգային համաժողովի գոյության մոտ 60-ամյա պատմության ընթացքում ԱՄՆ նախագահը ոչ մի անգամ չի մասնակցել միջոցառմանը: Միևնույն ժամանակ նշվում է, որ ինքը Բայդենը երեք անգամ այցելել է համաժողովին փոխնախագահի պաշտոնում գտնվելիս, ինչպես նաև մեկ անգամ 2019-ին:

09:21 - 12 փետրվարի, 2021

Կայացել է հեռախոսազրույց ԱՄՆ և Չինաստանի նախագահների միջև |azatutyun|

azatutyun.am։ Կայացել է հեռախոսազրույց Միացյալ Նահանգների և Չինաստանի նախագահների միջև: Սա անցյալ ամիս ԱՄՆ նախագահի պաշտոնը ստանձնելուց ի վեր Ջո Բայդենի առաջին զրույցն է Սի Ծինփինի հետ: «Նախագահ Բայդենն ընդգծել է իր լուրջ մտահոգությունները՝ կապված Պեկինի հարկադրական և անարդար տնտեսական գործունեության, Հոնկոնգում բռնությունների, Սինցզյան քաղաքում մարդու իրավունքների ոտնահարումների և տարածաշրջանում, ներառյալ՝ Թայվանի նկատմամբ, ավելի ու ավելի ագրեսիվ գործողությունների հետ», - ասվում է Սպիտակ տան հաղորդագրությունում:

10:17 - 11 փետրվարի, 2021

Բայդենը շեշտել է Կոսովոյի անկախությունը ճանաչելու անհրաժեշտությունը. Սերբիայի նախագահն արձագանքել է |tert.am|

tert.am: ԱՄՆ նախագահ Ջո Բայդենը շնորհավորել է Սերբիային Պետականության օրվա գալիք տոնի առթիվ՝ երկրի նախագահին ուղղված նամակում շեշտելով բարեփոխումների և Կոսովոյի անկախությունը ճանաչելու անհրաժեշտությունը: Այս մասին գրում է ՏԱՍՍ-ը՝ Սերբիայի նախագահի աշխատակազմի մամուլի ծառայությանը հղումով: «Ամերիկայի ժողովրդի անունից սրտանց շնորհավորում եմ Ձեզ և Ձեր համաքաղաքացիներին փետրվարի 15-ին Պետականության օրվա առթիվ: Հաշվի առնելով մեր երկրների միջև 140-ամյա գործընկերությունը՝ ԱՄՆ-ն շարունակում է հավատարիմ մնալ երկարաժամկետ տնտեսական համագործակցության, տարածաշրջանային կայունության ու ժողովրդավարական արժեքների զարգացման հարցերում: Մենք կշարունակենք հավատարիմ մնալ եվրոպական ինտեգրման ասպարեզում Սերբիային աջակցելուն և կսատարենք Ձեզ այդ նպատակին հասնելու ընթացքում հետագա դժվարին քայլերում, այդ թվում՝ անհրաժեշտ բարեփոխումների իրագործումն ու Կոսովոյի հետ համապարփակ համաձայնագրի ստորագրումը, որը կենտրոնացած կլինի համատեղ ճանաչման վրա»,- նշված է Բայդենի նամակում:Բացի այդ, ԱՄՆ նախագահը հիշատակել է Առաջին և Երկրորդ համաշխարհային պատերազմներում Վաշինգտոնի և Բելգրադի դաշնակցության, ինչպես նաև կորոնավիրուսային համավարակի դեմ պայքարում համագործակցության մասին՝ ընդգծելով երկու երկրների բարեկամական կապերի խորացումը:Ի պատասխան Բայդենի նամակին՝ Սերբիայի նախագահ Ալեքսանդր Վուչիչը հայտարարությամբ է հանդես եկել Պանչևո քաղաքում ու նշել, որ «Կոսովոյի ճանաչման հարցում Բելգրադի դիրքորոշումը պարզ է, սակայն Բելգրադը պետք է հոգ տանի իր սեփական պետական շահերի մասին և չտրվի զգացմունքներին»:«Շնորհակալ եմ Բայդենին շնորհավորանքների համար: Ինչ վերաբերում է փոխադարձ ճանաչմանը, ապա դա չի նկատվում որևէ միջազգային կազմակերպության գործողություններում: Մենք հասկանում ենք, որ սա ամերիկյան նոր քաղաքականություն է», - ասել է Վուչիչը:

09:42 - 08 փետրվարի, 2021

ԱՄՆ-ն չի չեղարկի Իրանի դեմ պատժամիջոցները՝ միջուկային ծրագրի շուրջ բանակցություններին վերադառնալու համար. Բայդեն |tert.am|

tert.am: Միացյալ Նահանգները չի չեղարկի Իրանի դեմ սահմանված պատժամիջոցները, որպեսզի նրան վերադարձնի Գործողությունների համատեղ համապարփակ ծրագրի շուրջ բանակցությունների սեղանի շուրջ: Ինչպես փոխանցում է ТАСС գործակալությունը, այս մասին հայտարարել է ԱՄՆ նախագահ Ջո Բայդենը CBS հեռուստաալիքին տված հարցազրույցում՝ անդրադառնալով Թեհրանի միջուկային ծրագրի շուրջ ձեռք բերված համաձայնությանը: Բայդենին հարցրել են՝ արդյո՞ք նա կանի առաջին քայլը և կչեղարկի հակաիրանական պատժամիջոցները, որպեսզի Թեհրանին վերադարձնի Գործողությունների համատեղ համապարփակ ծրագրի շուրջ բանակցություններին, ինչին ի պատասխան ԱՄՆ ղեկավարն ասել է. «Ոչ»:

21:23 - 07 փետրվարի, 2021

Բայդենը Սերբիային մատնանշել է Կոսովոն ճանաչելու անհրաժեշտությունը |armenpress.am|

armenpress.am: ԱՄՆ նախագահ Ջո Բայդենը շնորհավորել է Սերբիային Պետականության առաջիկա օրվա կապակցությամբ՝ մատնանշելով բարեփոխումների եւ Կոսովոյի անկախության ճանաչման անհրաժեշտությունը: Ինչպես հաղորդում է ՏԱՍՍ-ը, ԱՄՆ-ի նախագահի շնորհավորական ուղերձը հրապարակել է Սերբիայի նախագահի աշխատակազմի մամուլի ծառայությունը: «Ամերիկյան ժողովրդի անունից անկեղծ շնորհավորանքներ եմ հղում ձեզ եւ ձեր համաքաղաքացիներին փետրվարի 15-ի Պետականության օրվա կապակցությամբ: Նկատի ունենալով մեր երկրների միջեւ գործընկերության 140 տարին՝ Միացյալ Նահանգները շարունակում է մնալ երկարաժամկետ հավատարիմ տնտեսական համագործակցության, տարածաշրջանային կայունության եւ ժողովրդավարական արժեքների զարգացմանը: Մենք այսուհետ էլ հաստատակամ ենք մնում եվրոպական ինտեգրման հարցում Սերբիային աջակցության հարցում եւ աջակցում ենք ձեզ այդ նպատակին հասնելու հետագա ծանր քայլերում, ներառյալ անհրաժեշտ բարեփոխումների անցկացումը եւ Կոսովոյի հետ կարգավորման համապարփակ համաձայնագրի ձեռքբերումը, որը կենտրոնացած է փոխադարձ ճանաչման վրա»,- ասված է Բայդենի նամակում: ԱՄՆ նախագահը նաեւ հիշեցրել է Առաջին եւ Երկրորդ համաշխարհային պատերազմներում Վաշինգտոնի եւ Բելգրադի դաշնակցային լինելու, ինչպես նաեւ COVID-19-ի դեմ պայքարում համագործակցության մասին՝ նշելով երկու երկրների «բարեկամական կապերի խորացումը»: Ի պատասխան Սերբիայի նախագահ Ալեքսանդր Վուչիչը Պանչեւո քաղաքում անցկացված զորավարժություններից հետո փետրվարի 7-ին մամուլի առջեւ հանդես գալով՝ հայտարարել է, որ «Կոսովոյի ճանաչման վերաբերյալ Բելգրադի դիրքորոշումը պարզ է», սակայն Բելգրադը «պետք է հոգ տանի իր պետական շահերի մասին» եւ «չտրվի հույզերին»: «Շնորհակալ եմ Բայդենին շնորհավորանքների համար։ Իսկ ինչ վերաբերում է փոխադարձ ճանաչումներին, ապա դա նշված չէ ոչ մի միջազգային կազմակերպության ակտերում։ Մենք հասկանում ենք, որ սա նոր ամերիկյան քաղաքականություն է։ Եղել են փորձեր պարտադրելու այդ եզրը [փոխադարձ ճանաչում]՝ որպես մի բան, որը մենք պետք է փոխադարձաբար ընդունենք որպես վերջնական որոշում Վաշինգտոնում, ես արդեն մեկ անգամ երեսին ասացի, ինչ եմ մտածում եմ ճանաչման մասին, եւ իմ պատասխանը այլ չի լինի»,-հայտարարել Է Վուչիչը:

17:20 - 07 փետրվարի, 2021

Կորոնավիրուսային համավարակի հետևանքների պատճառով 36 մլն ամերիկացի մնացել է առանց սննդի. Ջո Բայդեն |tert.am|

tert.am: ԱՄՆ-ի տնտեսությունը ծանր վիճակում է: Կորոնավիրուսային համավարակի հետևանքների պատճառով 36 միլիոն ամերիկացի սննդի պակաս ունի: Այս մասին ուրբաթ, փետրվարի 5-ին, Սպիտակ տանը կայացած ելույթի ընթացքում ասել է ԱՄՆ-ի նախագահ Ջո Բայդենը, հայտնում է Սպիտակ տան կայքը:«Միանգամայն պարզ է, որ տնտեսությունը դեռրս ծանր վիճակում է գտնվում: Ավելի քան 10 միլիոն մարդ մնացել է առանց աշխատանքի, որից 4 միլիոնը աշխատանք չունի վեց ամիս կամ ավելի: 24 միլիոն մեծահասակ և 12 միլիոն երեխա բառացիորեն սնունդ չունի: Ուստի ես կգործեմ և կգործեմ արագ», - աել է ԱՄՆ-ի ղեկավարը և շեշտել տնտեսության համար 1.9 տրիլիոն դոլար խթանիչ փաթեթն ընդունելու անհրաժեշտությունը:Ավելի վաղ` փետրվարի 1-ին, ԱՄՆ Սենատում հանրապետականներն առաջարկել էին Բայդենի առաջարկած 1.9 տրիլիոն դոլարի փոխարեն 600 միլիարդ դոլար հատկացնել կորոնավիրուսի դեմ պայքարին և համավարակի տնտեսական հետևանքների վերացմանը: Շարունակությունը՝ tert.am-ում։

12:42 - 06 փետրվարի, 2021