Նիկոլ Փաշինյան

Նիկոլ Վովայի Փաշինյան, ՀՀ գործող վարչապետն է։ ՀՀ Ազգային ժողովի նախկին պատգամավոր, «Քաղաքացիական պայմանագիր» կուսակցության վարչության անդամ։

Ծնվել է 1975 թվականի հունիսի 1-ին՝ Իջեւան քաղաքում։ 1999-2012 թվականներին եղել է քաղաքական ուղղվածության «Հայկական ժամանակ» օրաթերթի գլխավոր խմբագիրը, 2012 թվականի մայիսի 6-ից մինչեւ վարչապետի պաշտոնում ընտրվելը՝ Հայաստանի Հանրապետության Ազգային ժողովի պատգամավոր` ընդդիմադիր «Ելք» խմբակցությունից։ Որպես կուսակցական գործիչ համարվում է «Քաղաքացիական պայմանագիր» կուսակցության, ինչպես նաեւ «Իմպիչմենտ» եւ «Ելք» դաշինքների համահիմնադիր։

2018 թվականին Սերժ Սարգսյանի երրորդ պաշտոնավարման դեմ պայքարող Նիկոլ Փաշինյանը սկսում է «Իմ քայլը» նախաձեռնությունը եւ իր համախոհների հետ միասին Գյումրուց քայլարշավով ուղեւորվում Երեւան։  Գործողությունների արդյունքում ապրիլի 23-ին Սերժ Սարգսյանը հրաժարական է տալիս։

Մայիսի 8-ին Փաշինյանն ընտրվում է Հայաստանի Հանրապետության 16-րդ վարչապետ։ Վարչապետի պաշտոնում Նիկոլ Փաշինյանը վերընտրվում է 2018-ի դեկտեմբերի և 2021-ի հունիսի խորհրդարանական արտահերթ ընտրությունների ժամանակ;

Էմոցիոնալ պահեր ապրեցի. Նիկոլ Փաշինյանը անդրադարձել է մարտի 1-ի գործով նոր ձերբակալությանը |lragir.am|

Էմոցիոնալ պահեր ապրեցի. Նիկոլ Փաշինյանը անդրադարձել է մարտի 1-ի գործով նոր ձերբակալությանը |lragir.am|

lragir.am: Վարչապետ Նիկոլ Փաշինյանն այսօր լրագրողների հետ զրույցում անդրադարձավ Մարտի մեկի սպանություններից մեկի գործով առաջին ձերբակալությանը։ «Ես կարծում եմ՝ սա նախ ցույց է տալիս Հատուկ քննչական ծառայության հետևողական աշխատանքը։ Բոլորս ենք չէ հասկանում, որ վերջին տասը տարիների ընթացքում ոչ թե քննություն է տեղի ունեցել, այլ ամեն ինչ արվել է, որ բոլոր հնարավոր փաստերը կոծկվեն։ Այն փաստը, որ պարկուճները փոխված են, նշանակում է՝ ամեն ինչն է փոխված՝ մարդիկ, դեպքերը, դեմքերը։ Այս պայմաններում, եթե ՀՔԾ-ն կարողացել է հասնել նրան, որ կոնկրետ մարդ ձերբակալվի․․․ Ես ուղղակի այդ լուրն իմանալուց հետո նաև էմոցիոնալ պահեր եմ ապրել։ Բայց քանի որ հիմա դեռ խոսքը ձերբակալության մասին է, չգիտենք՝ մեղադրանք կառաջադրվի, թե չի առաջադրվի, բայց որ Մարտի մեկի բոլոր սպանությունները պետք է բացահայտվեն և այն, որ ակնհայտ է, որ քննությունը հենց 2008 թվականի մարտի 1-2-ից սկսված տարվել է կոծկելու ուղղությամբ, կարծում եմ՝ դա փաստ է»,- ասաց նա։Նա անդրադարձավ նաև Մարտի մեկի գործից առանձնացված մասին՝ Ռոբերտ Քոչարյանի և մյուսների վերաբերյալ։ Ասաց, որ չի կարող իրավական գնահատական տալ այս փուլում։ Բայց ընդհանուր առմամբ արձանագրում ենք, որ ամեն ինչ ընթանում է բնականոն հունով, բոլորի իրավունքները պաշտպանված են, մնացած իրավական հարցրերի լուծումը պետք է տրվի համապատասխան ընթացակարգերով, ասել է նա:
07:51 - 05 հունիսի, 2019
Ես եմ բանակցային պրոցեսի փաստաթղթերը փոխանցել ԼՂ իշխանություններին, տեղյակ չեն եղել ընդհանրապես՝ ինչ է բանակցվել ինձանից առաջ. Փաշինյան |aysor.am|

Ես եմ բանակցային պրոցեսի փաստաթղթերը փոխանցել ԼՂ իշխանություններին, տեղյակ չեն եղել ընդհանրապես՝ ինչ է բանակցվել ինձանից առաջ. Փաշինյան |aysor.am|

aysor.am: Ես Լեռնային Ղարաբաղի Հանրապետության ու Հայաստանի Հանրապետության ռազմաքաղաքական ղեկավարության հետ մի քանի անգամ հանդիպումներ եմ ունեցել ու ներկայացրել եմ Ղարաբաղի հարցի լուծման վերաբերյալ իմ տեսլականը, այսօր լրագրողների հետ զրույցում ասաց ՀՀ վարչապետ Նիկոլ Փաշինյանը: «Ու հետաքրքրվել եմ՝ իմ առաջադրած տեսլականի հետ կապված պրիտենզիաներ կա՞ն, համաձա՞յն են, թե՞ համաձայն չեն, պարզվել է, որ բոլորը համաձայն են դրա հետ», - նշեց վարչապետը։Նա ասաց, թե դրանից հետո, երբ հանդիպմանը ներկա մարդիկ հրահրում են տակից՝ ասելով, որ այս կառավարությունը հողեր է ծախում, իր մոտ հարց է առաջանում. «Ես էս մարդու հետ նստել, խոսել եմ գաղտնիության պայմաններում, թե ո՞նց եմ պատկերացնում, ի՞նչ քայլերով մենք պետք է գնանք առաջ, էս մարդը դուրս է գալիս, իր օգնականին ասում է գնա գրի, որ Փաշինյանն ասում է՝ հողերը ծախում ա, ի՞նչի համար է ինքը դա անում, ինքը գիտի հարյուր տոկոսով՝ ինչ է կատարվում։ Ընդ որում, երբ որ ՀՀ իշխանության ղեկին եղել է իր պարի ընկերը, ինքը ոչ մի ինֆորմացիա չի ունեցել, իրեն հարկ էլ չեն համարել տեղյակ պահել, թե ինչ է կատարվում, ինչ են մտածում ու ինչ են ուզում ասել»։   ՀՀ վարչապետը շեշտեց՝ ինքն է Ղարաբաղի հարցի բանակցային պրոցեսի վերաբերյալ փաստաթղթերը փոխանցել ԼՂ իշխանություններին։«Նրանք դրանից առաջ տեղյակ չեն եղել ընդհանրապես՝ ինչ է բանակցվել ինձանից առաջ, հինգ անգամ հարցրել եմ՝ դուք տեղյա՞կ եք, թե ինչ է բանակցվել, նրանք տեղյակ չեն եղել»,- ասաց Նիկոլ Փաշինյանը։Հարցին՝ իրենք ասելով ո՞ւմ նկատի ունի, վարչապետն արձագանքեց՝ շատ կոնկրետացնելու կարիք կա՞։Դիտարկմանը, թե Բակո Սահակյանը հայտարարել է, որ չգիտի Արցախում դավադիր ուժերի մասին, եթե իմանա, համապատասխան միջոցներ կձեռնարկի, Նիկոլ Փաշինյանն ասաց, թե շատ լավ է։
07:42 - 05 հունիսի, 2019
Մեզ պետք չի մարիոնետային դատարաններ․ Նիկոլ Փաշինյան

Մեզ պետք չի մարիոնետային դատարաններ․ Նիկոլ Փաշինյան

Առանց դատավորների աշխատավարձի լրջորեն բարձրացման չենք կարող ունենալ անկախ դատական համակարգ։ Այս մասին այսօր լրագրողների հետ ճեպազրույցում ասաց վարչապետ Նիկոլ Փաշինյանը։ «Մեզ պետք չի մարիոնետային դատարաններ, ես հավատում եմ այն իդեալներին որոնց հիման վրա արել ենք փոփոխություններ։ Եթե ինձ պետք լիներ մարիոնետային դատարաններ, էդ դատական համակարգը պատրաստի դրած էր։ Ինչի հիմա դատավոր կա, որ վարաչպետի ասածը կարող է չանե՞լ։ Ինչո՞ւ ես ասացի դատարանների դռները փակել, որովհետև ինձ պետք չեն նման դատավորներ։ Մենք ունենք հնարավորություն դատավորների աշխատավարձը բարձրացնել, բայց հանրությունը մեզ չի հասկանա, կասի էս սոցիալական իրավիճակում փոխանակ էս խնդիրը լուծեք, էն մյուս խնդիրը լուծեք բռնում եք դատավորի աշխատավարձ եք բարձրացնում։ Բայց, եթե դատավորի աշխատավարձը բարձր չլինի, լուրջ մասնագետը չի ուզի գա 400 հազար դրամով դատավոր աշխատի ու իմանա, որ կաշառք չի կարող վերցնել»,- ասաց վարչապետը։Նիկոլ Փաշինյանը նաև ավելացրեց, որ հիմա ընթանում են բանակցություններ միջազգային գործընկեր կառույցների հետ, որպեսզի վերջիններս օգնեն ՀՀ-ին ստեղծել նոր դատական համակարգ, հակակոռուպցիոն դատարան։ «Հակակոռուպցիոն դատարանը ստեղծում ենք, միջազգային դոնորներին համոզում ենք՝ ֆինանսական բեռը վերցնեն իրենց վրա։ Երեք տարվա կտրվածքով այդ դատարանում ձև գտնենք նոր, լուրջ մասնագետներ ներգրավենք բարձր աշխատավարձով, և երեք տարի հետո հանրությունը տեսնի, որ անկախ դատական համակարգ ունենալը լավ է բոլորի համար։ Երեք տարի հետո կասենք՝ ժողովուրդ ջան, հիմա դատավորները պետք է ստանան 2,5 կամ 3 մլն դրամ աշխատավարձ։ Մարդիկ կտեսնենք, որ լավ բան է անկախ դատարան ունենալը պետության համար և դժգոհություններ չեն լինի»։Նիկոլ Փաշինյանը նշեց, որ այս բոլոր հարցերը քննարկվել են միջազգային գործընկերների հետ։ Նրանք ի գիտություն են ընդունել այս առաջարկը։ Հիմա աշխատանքներ են տարվում նրանց կողմից ֆինանասական աջակցությունը ստանալու ուղղությամբ։
07:30 - 05 հունիսի, 2019
Բռնության որեւէ դեպք, որեւէ քարոզ, ատելության որեւէ դրսեւորում ՀՀ-ում տեղ չունի եւ չպետք է ունենա. Փաշինյան

Բռնության որեւէ դեպք, որեւէ քարոզ, ատելության որեւէ դրսեւորում ՀՀ-ում տեղ չունի եւ չպետք է ունենա. Փաշինյան

news.am։ Մեզ համար մեծագույն խնդիրներից մեկը եղել եւ շարունակում է մնալ բռնությունից զերծ հանրության ձեւավորումը: Այս մասին, այսօր՝ հունիսի 5-ին, ԱԺ-ում 2018 թվականի պետական բյուջեի կատարողականի քննարկումների մեկնարկին իր խոսքում նշեց ՀՀ վարչապետ Նիկոլ Փաշինյանը:«Ես կարծում եմ, որ ՀՀ-ում հենց այդպիսի միջավայր է ձեւավորված: ՀՀ-ն բռնությունից զերծ երկիր է, մենք պետք է ինստիտուցիոնալ առումով ձեւավորենք բռնությունից զերծ հանրության տեսլականը եւ բռնության այն քարոզը, որ կա ՀՀ-ում, դա իմ գնահատմամբ, լուսանցքային երեւույթներ են, հետցնցումային երեւույթներ են եւ որեւէ կասկած չկա, որ բռնություն քարոզող եւ բռնությամբ գործող ուժերը եւ անձինք, անկախ նրանից՝ իշխանության համակիրներն են, թե ընդդիմության, նրանք դուրս են մղվելու ՀՀ հանրային եւ քաղաքական կյանքից: Իհարկե, եթե դուրսմղման պրոցեսը տեղի կունենա հանրային պրոցեսների արդյունքում, դա այլ պատմություն է, իսկ եթե պետք է իրավապահ մարմիններն արձագանքեն դրան, դա բոլորովին այլ գործընթաց է»,-ընդգծեց Փաշինյանը:Նա հավելեց, որ այստեղ նաեւ ԱԺ-ի աջակցությամբ պետք է ամեն ինչ անել, որպեսզի այդ առումով իրավապահ մարմինների աշխատանքը լինի արդյունավետ:«Ուզում եմ հստակ արձանագրել, որ որպես ՀՀ վարչապետ խստորեն դատապարտում եմ բռնության որեւէ դրսեւորում: Բռնության որեւէ դեպք, որեւէ դրսեւորում, որեւէ քարոզ, ատելության որեւէ դրսեւորում ՀՀ-ում տեղ չունի եւ չպետք է ունենա: Կարծում եմ՝ այս առումով ՀՀ-ում կա հանրային կոնսենսուս եւ դա պետք է արտահայտվի պետական ինստիտուտների գործունեության մեջ»,-իր խոսքն ամփոփեց վարչապետը:
07:02 - 05 հունիսի, 2019
2018-ին գրանցվել է 5.2 տոկոս տնտեսականա աճ՝ նախատեսված 4.5-ի փոխարեն. Նիկոլ Փաշինյան |aysor.am|

2018-ին գրանցվել է 5.2 տոկոս տնտեսականա աճ՝ նախատեսված 4.5-ի փոխարեն. Նիկոլ Փաշինյան |aysor.am|

aysor.am: 2018-ի մայիսին ձևավորված նոր իշխանությունների խնդիրը մակրոտնտեսական կայունության խնդիրն էր, որը պահպանվեց, Աժ-ում ՀՀ 2018 թ-ի պետական բյուջեի կատարման մասին տարեկան հաշվետվության ժամանակ ասաց ՀՀ վարչապետ Նիկոլ Փաշինյանը։ «Հնարավոր չէ համաշխարհային պատմության մեջ գտնել դեպքեր, երբ երկրում նման մասշտաբային փոփոխություններ են տեղի ունենում և երկրում տնտեսական համակարգը ցնցումների չի ենթարկվում և ամեն ինչ մակրոտնտեսական պայմաններում է տեղի ունենում», - ասաց Փաշինյանը։Նա ընդգծեց մակրոտնտեսական կայունությունը պահպանվեց երկու պատճառով՝ ՀՀ-ում որոշակի կայացած ինստիտուտների առկայությամբ, որոնք հեղափոխության շրջանում իրենց դերակատարումն ունեցան և ՀՀ-ում տեղի ունեցած հեղափոխության թավշյա բնույթով։   Խոսելով տնտեսական աճից՝ Փաշինյանը նկատեց, որ գրացվել է շատ ավելի բարձր տոկոս, քան նախատեսվում էր.«2018-ին գրանցվել է 5.2 տոկոս տնտեսական աճ, բայց 2018-ի բյուջեի նախագծում նախորդ կառավարության և ԱԺ կողմից որպես տնտեսական աճի ցուցանիշ նշվել է 4.5 տոկոս։ 2018-ին այսպիսի գլոբալ քաղաքական վայրիվերումների պայմաններում կառավարությանը հաջողվել է գերակատարել այն պլանը, որը 2018-ի բյուջեի հիմքում դրել է նախորդ կառավարությունը՝ ելնելով բոլորովին այլ կանխատեսումներից»։Նա նաև նկատեց, որ 2018-ին գրանցվել է ցածր գնաճային ֆոն և հնարավոր է եղել զսպել գնաճը և տարվա կտրվածքով ունենալ գնանկում։«2018-ի պետական բյուջեն կատարվել է։ Դրա արդյունքերով ՀՀ կառավարությունը չունի չկատարված պարտավորություններ», - ասաց վարչապետը:
06:36 - 05 հունիսի, 2019
Նիկոլ Փաշինյանն ընդգծեց Գյումրիի օդանավակայանի ամբողջ ծավալով արագ գործարկման կարևորությունը |armenpress.am|

Նիկոլ Փաշինյանն ընդգծեց Գյումրիի օդանավակայանի ամբողջ ծավալով արագ գործարկման կարևորությունը |armenpress.am|

armenpress.am։ ՀՀ վարչապետ Նիկոլ Փաշինյանը ռազմավարական նշանակության մի քանի խնդիրներով պայմանավորված ընդգծեց Գյումրիի «Շիրակ» օդանավակայանի արագ և ամբողջ ծավալով գործարկման կարևորությունը: Վարչապետն օդանավակայանի նշանակության մասին հայտնեց հունիսի 4-ին «Կորպորասիոն Ամերիկա օդանավակայանների ղեկավարության գագաթնաժողով»-ի ընթացքում:«Օդային փոխադրումները Հայաստանի Հանրապետության համար ունեն ռազմավարական նշանակություն, քանի որ ՀՀ-ն, ցավոք, իր անկախության առաջին օրերից կիսաշրջափակված իրավիճակում է, և այս պայմաններում օդային տրանսպորտը չափազանց կարևոր նշանակություն ունի: Այս ոլորտում արդեն իսկ կան գոհացուցիչ արդյունքներ, և մենք նայում ենք ապագային ու ձևավորել ենք ապագայի օրակարգը: Այդ օրակարգում շատ կարևոր է, որ մենք, ի վերջո, հնարավորինս արագ ամբողջ ծավալով գործարկենք Գյումրիի օդանավակայանը, որն իր հերթին կնպաստի մեկ այլ կարևոր խնդրի լուծմանը, դա ավիատոմսերի գների նվազումն է, որը շատ կարևոր է նաև Հայաստանում ռազմավարական նշանակություն ունեցող մեկ այլ ոլորտի՝ տուրիզմի զարգացման համար: Այս հարցերում մենք, իհարկե, ակտիվորեն համագործակցելու ենք մեր գործընկերների հետ: Հաջորդ խնդիրն այն է, որ ՀՀ-ում, ցավոք, տեղական ավիափոխադրողների գործունեությունն ու ծավալներն այնպիսին չեն, ինչպիսին կցանկանայինք, ինչպիսին վայել է անկախ, ինքնիշխան երկրին, և սա մեզ համար համագործակցության հաջորդ ուղղությունը պետք է լինի, որ կարողանանք ստեղծել այնպիսի պայմաններ, որ կարողանանք ապահովել հայկական ավիափոխադրողի կամ ավիափոխադրողների ի հայտ գալն ու նրանց մրցունակությունը»,- ասաց Փաշինյանը:
06:33 - 04 հունիսի, 2019
Նիկոլ Փաշինյանին ծննդյան օրվա առթիվ շնորհավորել են ՌԴ նախագահ Վլադիմիր Պուտինը և վարչապետ Դմիտրի Մեդվեդևը

Նիկոլ Փաշինյանին ծննդյան օրվա առթիվ շնորհավորել են ՌԴ նախագահ Վլադիմիր Պուտինը և վարչապետ Դմիտրի Մեդվեդևը

Վարչապետ Նիկոլ Փաշինյանին ծննդյան օրվա առթիվ շնորհավորական ուղերձ է հղել ՌԴ նախագահ Վլադիմիր Պուտինը: Ուղերձում, մասնավորապես, ասված է. «Հարգելի Նիկոլ Վովայի, Ընդունեք անկեղծ շնորհավորանքներս Ձեր ծննդյան օրվա առթիվ: Սրտանց մաղթում եմ Ձեզ քաջառողջություն, երջանկություն, բարեկեցություն և հաջողություններ պետական գործունեության մեջ: Կցանկանայի վերահաստատել պատրաստակամությունը՝ շարունակելու Ռուսաստանի և Հայաստանի միջև դաշնակցային հարաբերությունների զարգացման ուղղությամբ կառուցողական երկխոսությունը և համատեղ սերտ աշխատանքը, ինչպես նաև եվրասիական ինտեգրացիոն գործընթացների շրջանակում գործընկերային փոխգործակցությունը»: Վարչապետ Նիկոլ Փաշինյանին ծննդյան օրվա առթիվ շնորհավորական ուղերձ է հղել նաև Ռուսաստանի Դաշնության կառավարության նախագահ Դմիտրի Մեդվեդևը: Ուղերձում, մասնավորապես, նշված է. «Հարգելի Նիկոլ Վովայի, Ռուսաստանի Դաշնության կառավարության և անձամբ իմ անունից շնորհավորում եմ Ձեզ՝ ծննդյան օրվա առթիվ: Կցանկանայի ընդգծել Ձեր մշտական ուշադրությունը Ռուսաստանը և Հայաստանը կապող բարեկամության, գործընկերության և դաշնակցային հարաբերությունների զարգացման հարցերին: Ամրապնդվում է առևտրատնտեսական և ներդրումային համագործակցությունը, հաջող իրագործվում են համատեղ նախագծեր էներգետիկայի, արդյունաբերության, ենթակառուցվածքների, գիտության և մշակույթի ոլորտներում: Խորանում է ինտեգրացիոն փոխգործակցությունը Եվրասիական տնտեսական միության շրջանակում: Համոզված եմ, որ միջկառավարական ակտիվ աշխատանքը կնպաստի գործնական համագործակցության հետագա ընդլայնմանը, տարբեր բնագավառներում նոր փոխշահավետ նախաձեռնությունների առաջմղմանը: Դա լիովին համապատասխանում է մեր երկրների երկարաժամկետ շահերին: Հարգելի Նիկոլ Վովայի, մաղթում եմ Ձեզ քաջառողջություն, բարեկեցություն և հաջողություններր Ձեր պատասխանատու գործունեության մեջ»:
08:18 - 01 հունիսի, 2019
Բակո Սահակյանը շնորհավորական ուղերձ է հղել Նիկոլ Փաշինյանին ծննդյան օրվա կապակցությամբ

Բակո Սահակյանը շնորհավորական ուղերձ է հղել Նիկոլ Փաշինյանին ծննդյան օրվա կապակցությամբ

Արցախի Հանրապետության Նախագահ Բակո Սահակյանը հունիսի 1-ին շնորհավորական ուղերձ է հղել Հայաստանի Հանրապետության վարչապետ Նիկոլ Փաշինյանին` ծննդյան օրվա կապակցությամբ:Ինչպես հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից, ուղերձում ասված է.«Մեծարգո՛ Նիկոլ Վովայի,Արցախի Հանրապետության ժողովրդի, իշխանությունների եւ անձամբ իմ անունից ջերմորեն շնորհավորում եմ Ձեզ ծննդյան օրվա կապակցությամբ: Մաղթում եմ Ձեզ հաջողություններ եւ ամենայն բարիք Հայաստանի Հանրապետության վարչապետի բարձր պաշտոնում Ձեր պարտականությունների արդյունավետ կատարման եւ համազգային խնդիրների լուծման ճանապարհին:Խաղաղություն, քաջառողջություն ու երջանկություն Ձեզ, Ձեր ընտանիքի բոլոր անդամներին եւ հարազատներին»:
07:49 - 01 հունիսի, 2019
Վարչապետը Եվրոպայի խորհրդին առաջարկել է ոչ թե օգնել, այլ ներգրավվել դատաիրավական համակարգի բարեփոխումների գործընթացում

Վարչապետը Եվրոպայի խորհրդին առաջարկել է ոչ թե օգնել, այլ ներգրավվել դատաիրավական համակարգի բարեփոխումների գործընթացում

Վարչապետ Նիկոլ Փաշինյանն աշխատանքային նախաճաշ է ունեցել ԵԽ քարտուղարության Մարդու իրավունքների հարցերով գլխավոր տնօրեն Քրիստոս Ջակումոպուլոսի գլխավորությամբ Հայաստան ժամանած Եվրոպայի խորհրդի բարձրաստիճան առաքելության անդամների հետ:Քրիստոս Ջակումոպուլոսի ղեկավարած պատվիրակության այցը տեղի է ունենում ՀՀ դատաիրավական համակարգի արմատական բարեփոխումների առնչությամբ ս.թ. մայիսի 22-ին ՀՀ վարչապետ Նիկոլ Փաշինյանի և Եվրոպայի Խորհրդի գլխավոր քարտուղար Թյորբորն Յագլանդի միջև ձեռք բերված պայմանավորվածության արդյունքում Հայաստանում դատաիրավական բարեխումներին աջակցություն տրամադրելու նպատակով։Նիկոլ Փաշինյանը կարևորել է ԵԽ պատվիրակության այցը Հայաստան և երկկողմ համագործակցությունը մեր երկրի դատաիրավական համակարգում բարեփոխումները կյանքի կոչելու գործում: Վարչապետն ընդգծել է, որ դատաիրավական ոլորտում արմատական փոփոխությունները առաջնահերթ գործընթաց և օրակարգ են կառավարության համար, որոնք պետք է երաշխավորեն մեր երկրում լիարժեք անկախ դատական համակարգի գոյությունը: Գործադիրի ղեկավարն ընդգծել է, որ Հայաստանում տեղի ունեցած ժողովրդավարական ընտրությունների արդյունքում ՀՀ կառավարությունն ու խորհրդարանը ստացել են քաղաքացիների լիաժեք վստահությունն ու մանդատը: «Քաղաքական առումով հատկապես հեղափոխությունից հետո առաջանում է մի պարզ հարց. իսկ Հայաստանի Հանրապետությունում ո՞ւմ է ներկայացնում դատական իշխանությունը, ումի՞ց է բխում այդ իշխանությունը, ո՞ւմ իշխանությունն է իրացնում Հայաստանում դատական իշխանությունը: Սա ասում եմ, որովհետև Հայաստանի Սահմանադրության 2-րդ և ոչ փոփոխելի հոդվածում արձանագրված է հետևյալը, որ Հայաստանի Հանրապետությունում իշխանությունը պատկանում է ժողովրդին, ժողովուրդն իր իշխանությունն իրացնում է ազատ ընտրությունների, հանրաքվեների, Սահմանադրությամբ նախատեսված պետական և տեղական ինքնակառավարման այլ մարմինների միջոցով: Եվ այստեղ, այս շարքի մեջ դատարանները Սահմանադրությամբ նախատեսված պետական մարմիններն են: Եվ խնդիրն այն է, որ, ըստ էության, վերջին մեկ տարվա քաղաքական իրողությունների բերումով մենք, ի տարբերություն կառավարության և խորհրդարանի, դատարանները չեն վայելու ժողովրդի վստահությունը: Այստեղից է, որ անընդհատ դատական որոշումները մեր հանրության շրջանում հուզումներ են առաջացնում, հանրությունը պարզապես չի վստահում մեր դատական համակարգին, և սա ճգնաժամի շարունակական աղբյուր կարող է դառնալ»,- ասել է Նիկոլ Փաշինյանը` ավելացնելով, որ եկել է ժամանակը, որպեսզի նաև դատական իշխանությունը վայելի ժողովրդի վստահությունը: Նիկոլ Փաշինյանը համոզմունք է հայտնել, որ կառավարությանը կհաջողվի միջազգային գործընկերների հետ սերտ համագործակցությամբ ձևավորել վստահելի դատական համակարգ:ԵԽ քարտուղարության Մարդու իրավունքների հարցերով գլխավոր տնօրեն Քրիստոս Ջակումոպուլոսը վերահաստատել է ԵԽ լիակատար աջակցությունը Հայաստանի դատաիրավական համակարգի բարեփոխումների օրակարգին։ Նա ընդգծել է, որ ԵԽ-ն ողջունում է դատաիրավական ոլորտում արմատական բարեփոխումներ իրականացնելու ՀՀ կառավարության քայլերն ու նշել, որ Հայաստան են ժամանել քննարկելու դրանց իրականացման գործում երկկողմ համագործակցության հետագա քայլերն ու գործողությունները: Քրիստոս Ջակումոպուլոսը հավելել է, որ Եվրոպայի խորհուրդը պատրաստ է սերտորեն համագործակցել ՀՀ կառավարության հետ` բարեփոխումների գործընթացում` ներդնելով ԵԽ ամբողջ փորձագիտական ներուժը:Ընդգծելով Հայաստանի` Եվրոպայի խորհրդի անդամ լինելու փաստը, վարչապետը Եվրոպայի խորհրդին առաջարկել է ոչ թե օգնել, այլ ներգրավվել դատաիրավական համակարգի բարեփոխումների գործընթացում:Երկուստեք նշվել է, որ Հայաստանում կոռուպցիայի դեմ պայքարը և դատական համակարգի բարեփոխումները պետք է համապատասխանեն ՀՀ Սահմանադրությանը, միջազգային չափանիշներին և որպես ԵԽ անդամ պետություն՝ ՀՀ ստանձնած պարտավորություններին։ԵԽ պատվիրակության կազմում են Եվրոպայի խորհրդի առանցքային կառույցների ղեկավարները՝ ԳՐԵԿՈ -ի գործադիր քարտուղար Ջանլուկա Էսպոզիտոն, Վենետիկի հանձնաժողովի քարտուղար Թոմաս Մարկերտը, ԵԽ քարտուղարության Մարդու իրավունքների հարցերով գլխավոր տնօրինության ներքո Արդարադատության և իրավական համագործակցության վարչության պետ Հաննե Յունկերը, քաղաքական խորհրդատու Մաքսիմ Լոնգանգը:
08:41 - 31 մայիսի, 2019
ՀՀ վարչապետի որոշմամբ փոխնախարարներ են ազատվել պաշտոններից |armenpress.am|

ՀՀ վարչապետի որոշմամբ փոխնախարարներ են ազատվել պաշտոններից |armenpress.am|

armenpress.am։ Հայաստանի Հանրապետության վարչապետ Նիկոլ Փաշինյանը որոշումներ է ստորագրել մի խումբ փոխնախարարների պաշտոններից ազատելու վերաբերյալ: Վարչապետի որոշմամբ` կրթության և գիտության նախարարի տեղակալի պաշտոններից ազատվել են Գրիշա Թամրազյանը և Արևիկ Անափիոսյանը, գյուղատնտեսության նախարարի տեղակալի պաշտոններից՝ Գառնիկ Պետրոսյանը, Արտակ Քամալյանը և Տիգրան Գաբրիելյանը, սփյուռքի նախարարի տեղակալի պաշտոններից՝ Դավիթ Սարգսյանը և Բաբկեն Տեր Գրիգորյանը։ Սպորտի և երիտասարդության հարցերի նախարարի առաջին տեղակալի պաշտոնից ազատվել է Գաբրիել Ղազարյանը, սպորտի և երիտասարդության հարցերի նախարարի տեղակալի պաշտոններից՝ Քրիստինե Ասատրյանը, Սարգիս Ավագյանը և Գևորգ Լոռեցյանը, էներգետիկ ենթակառուցվածքների և բնական պաշարների նախարարի տեղակալի պաշտոններից՝ Հակոբ Վարդանյանը և Վարդան Գևորգյանը, մշակույթի նախարարի տեղակալի պաշտոններից՝ Տիգրան Գալստյանը և Նազենի Ղարիբյանը:
16:25 - 30 մայիսի, 2019
Նիկոլ Փաշինյանը Ֆրանսիայի Բուշ դյու Ռոն դեպարտամենտի խորհրդի նախագահի գլխավորած պատվիրակության հետ քննարկել է տնտեսական կապերի խորացման հեռանկարները

Նիկոլ Փաշինյանը Ֆրանսիայի Բուշ դյու Ռոն դեպարտամենտի խորհրդի նախագահի գլխավորած պատվիրակության հետ քննարկել է տնտեսական կապերի խորացման հեռանկարները

Վարչապետ Նիկոլ Փաշինյանն այսօր ընդունել է Ֆրանսիայի Բուշ դյու Ռոն դեպարտամենտի խորհրդի նախագահ Մարտին Վասալի գլխավորած պատվիրակությանը: Հանդիպմանը ներկա էին նաև Մարսելի փոխքաղաքապետ Դիդիե Փարաքյանը և պատգամավոր Բեռնար Դըֆլեսելը: Բուշ դյու Ռոնը Ֆրանսիայի ամենամեծ դեպարտամենտներից է, որի կազմում ընդգրկված է 119 քաղաք: Վարչապետը, ողջունելով հյուրերին կառավարությունում, նշել է, որ Հայաստանը կարևորում է խոշոր հայկական համայնք ունեցող Բուշ դյու Ռոն դեպարտամենտի հետ համագործակցությունը, որի խորհրդի կազմում ընդգրկված են նաև ֆրանսահայ համայնքի ներկայացուցիչներ: «Հայաստանում Ֆրանսիան համարում են մեր երկրի և ժողովրդի ամենամեծ բարեկամներից մեկը: Մեզ միավորում են ամուր պատմական կապերը, և մենք շահագրգռված ենք բարեկամ Ֆրանսիայի հետ համագործակցության զարգացմամբ», - նշել է Նիկոլ Փաշինյանը: Բուշ դյու Ռոն դեպարտամենտի խորհրդի նախագահը շնորհակալություն է հայտնել վարչապետ Փաշինյանին ընդունելության համար և նշել, որ ուրախ է արդեն 4-րդ անգամ այցելել Հայաստան: Մարտին Վասալը գոհունակություն է հայտնել Հայաստանի հետ համագործակցության ընթացքից՝ խոսելով համատեղ ծրագրերի, Գորիսում բացված սրտաբանական հիվանդանոցի արդյունավետ աշխատանքի մասին: «Հայաստանի հետ բավական սերտ կապեր ունենք և պատրաստակամ ենք խորացնել դրանք: Ֆրանսահայ համայնքը մեծ հարգանք է վայելում և ակտիվ ներգրավված է տարբեր ոլորտների զարգացման գործում», - ասել է նա: Բուշ դյու Ռոն դեպարտամենտի խորհրդի նախագահը տեղեկացրել է, որ իր գլխավորած պատվիրակության կազմում ընդգրկված են պատգամավորներ, ՏԻՄ ներկայացուցիչներ, առևտրաարդյունաբերական պալատի անդամներ, և պատվիրակությունն արդյունավետ հանդիպումներ է ունեցել Հայաստանում: Զրուցակիցները քննարկել են տնտեսական կապերի խորացման հեռանկարները: Վարչապետը ներկայացրել է մենաշնորհների հաղթահարման, հավասար ու արդար մրցակցային պայմանների ստեղծման ուղղությամբ բարեփոխումները, նշել, որ տնտեսական աճի դրական միտումներ են արձանագրվում, և ներդրումների համար նպաստավոր դաշտ է ստեղծվել: Նիկոլ Փաշինյանի խոսքով՝ մեր երկրում արդյունավետ գործունեություն են ծավալում մի շարք ֆրանսիական ընկերություններ, և ՀՀ կառավարությունը շահագրգռված է ֆրանսիական բիզնեսի ներկայացվածության ընդլայնմամբ, որը կնպաստի ոչ միայն տնտեսական կապերի զարգացմանը, այլև տնտեսվարման նոր մշակույթի ներդրմանը: Մարտին Վասալը նշել է, որ ներդրումային նպաստավոր պայմանների և հնարավորությունների վերաբերյալ Հայաստանի վարչապետի ուղերձը կփոխանցի Ֆրանսիայի Բուշ դյու Ռոն դեպարտամենտի գործարար շրջանակներին: Հանդիպմանն անդրադարձ է եղել Հայոց ցեղասպանության ճանաչման և ժխտողականության դատապարտման գործում Ֆրանսիայի կարևոր դերակատարությանը: Վարչապետ Նիկոլ Փաշինյանը նշել է, որ Ֆրանսիայի նախագահ Էմանուել Մակրոնի՝ ապրիլի 24-ը Հայոց ցեղասպանության հիշատակի ազգային օր հռչակելու որոշումը շատ լայն արձագանք է գտել Հայաստանում, ողջ հայության շրջանում, և հայ ժողովուրդը երախտապարտ է Ֆրանսիային՝ Ցեղասպանությունից փրկված հայերին գրկաբաց ընդունելու, ապաստան տալու, ինքնության, մշակույթի պահպանման ու զարգացման պայմաններ ստեղծելու համար:
14:44 - 30 մայիսի, 2019