Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։

Չինաստանի ԱԳՆ-ն հերքում է Հնդկաստանի հետ սահմանին լարվածության մասին տեղեկությունները |1lurer.am|

1lurer.am: Հնդկա-չինական սահմանին իրավիճակը մնում է կայուն, երկու կողմն էլ բանակցում են խնդիրները լուծելու համար: Այս մասին երկուշաբթի հայտարարել է Չինաստանի արտգործնախարարության խոսնակը՝ հաղորդում է ТАСС-ը: Դիվանագետի խոսքով՝ Պեկինն ու Դելին տարբեր մակարդակներում ձեռնարկում են գործողություններ համատեղ սահմանի վրա հակասությունները վերացնելու ուղղությամբ՝ հաշվի առնելով երկու կողմերի շահերը: Հնդկաստանը վերջին ամիսներին 50,000 լրացուցիչ զորք է ուղարկել Չինաստանի հետ սահման՝ տարածաշրջանում իր դիրքերն ամրապնդելու համար՝ հայտնում է Mint թերթը՝ վկայակոչելով իր աղբյուրները: Պարբերականի տվյալներով՝ այնտեղ արդեն կենտրոնացած է շուրջ 200 հազար հնդկական ռազմական անձնակազմ, ինչը 40%-ով ավելի է նախորդ տարվա համեմատ: 2020-ի մայիսին երկու երկրի սահմանին գտնվող լեռնային Լադախ շրջանում բախումներ տեղի ունեցան, որի հետևանքով երկու կողմում զոհեր եղան: Հնդկաստանը և Չինաստանը սահմանային շրջանում կուտակել են ծանր հրետանի, տանկեր և ինքնաթիռներ: Ռազմական և դիվանագիտական մակարդակներում մի շարք բանակցություններից հետո՝ փետրվարի 10-ին, Պեկինը և Դելին սկսեցին զորքերի դուրսբերումը սահմանային գծից:

19:04 - 28 հունիսի, 2021

ԱՄՆ-ն և Ֆրանսիան մտադիր են թույլ չտալ Չինաստանի ղեկավարությամբ նոր աշխարհակարգի ստեղծումը. Բլինկեն |armenpress.am|

armenpress.am: ԱՄՆ պետքարտուղար Էնթոնի Բլինկենը հայտարարել է, որ Վաշինգտոնի և Փարիզի տեսակետները համընկնում են այն հարցում, որ Չինաստանին չպետք է թույլ տալ ստանձնել աշխարհում առաջնորդի դերը: Այս մասին Բլինկենը խոսել է The New York Times պարբերականի լրագրողների հետ զրույցում: Նա նշել է, որ Ֆրանսիայի նախագահ Էմանուել Մակրոնի հետ հանդիպումից հետո պարզ է դարձել, որ ԱՄՆ-ն և Ֆրանսիան համակարծիք են, որ պետք է հակազդել Չինաստանի ղեկավարությամբ նոր աշխարհակարգի ստեղծմանը: Բլինկենի համոզմամբ՝ նման կարգն «իր բնույթով բացարձակ ոչ լիբերալ է»:

12:07 - 26 հունիսի, 2021

Չինաստանը՝ պոտենցիալ սպառնալիք. ՆԱՏՕ-ն մտահոգված է Չինաստանի աճող ազդեցությամբ և ՌԴ-ի հետ նրա ռազմական համագործակցությամբ |tert.am|

tert.am: ՆԱՏՕ-ի անդամ պետությունները Բրյուսելում կայացած գագաթնաժողովի շրջանակում հայտարարել են ռազմավարական հայեցակարգի մշակման մասին, որտեղ առաջին անգամ Չինաստանի Ժողովրդական Հանրապետությունը ներառված է որպես դաշինքի անվտանգության համար հավանական սպառնալիք, հայտնում է BBC լրատվականը։ՆԱՏՕ-ի անվտանգության սպառնալիքների ցուցակի չորրորդ տեղում նշված է «Չինաստանի աճող ազդեցությունը և նրա արտաքին քաղաքականությունը»: Անդամ պետությունների համաձայն՝ Չինաստանն արագորեն ընդլայնում է իր միջուկային զինանոցը, «թափանցիկ չէ» իր ռազմական արդիականացման հարցում և ռազմական համագործակցություն է ծավալում Ռուսաստանի հետ: ՆԱՏՕ-ի ղեկավար Յենս Ստոլտենբերգը զգուշացրել է, որ Չինաստանը ռազմական և տեխնոլոգիական առումով «մոտենում է» ՆԱՏՕ-ին։«Չինաստանը լուրջ ռիսկեր է ստեղծում հեռահաղորդակցության, ավիատիեզերական և կիբերանվտանգության ոլորտներում», - ասվում է փաստաթղթում և նշվում, որ դաշինքը, մասնավորապես, մտահոգված է ռազմական ոլորտում Ռուսաստանի Դաշնության հետ Չինաստանի համագործակցությամբ, որի շրջանակում Ռուսաստանի Դաշնության կողմից Եվրատլանտյան տարածաշրջանում անցկացվող զորավարժություններին մասնակցում է նաև Չինաստանը։

11:13 - 15 հունիսի, 2021

ՆԱՏՕ-ն համակարգված կդիմակայի Չինաստանին, բայց «սառը պատերազմ» չի սկսի նրա դեմ. Ստոլտենբերգ |tert.am|

tert.am: ՆԱՏՕ-ի 30 երկրների պետությունների ղեկավարների գագաթնաժողովը կհայտարարի Չինաստանին համակարգայնորեն դիմակայություն սկսելու մասին, բայց «սառը պատերազմ» չի սանձազերծի Պեկինի դեմ:Հունիսի 14-ին այդ մասին լրագրողներին հայտարարել է ՆԱՏՕ-ի գլխավոր քարտուղար Ենս Ստոլտենբերգը դաշինքի գագաթնաժողի բացումից առաջ, տեղեկտացնում է «Արմենպրես»-ը:«ՆԱՏՕ-ի ոչ մի երկիր չի կարող միայնակ դիմակայել Չինաստանի կողմից անվտանգության մարտահրավերներին, ուստի դաշինքն առաջին անգամ կհայտարարի Չինաստանի նկատմամբ միասնական դիրքորոշման մասին»,- ընդգծել է նա:

14:31 - 14 հունիսի, 2021

Սալիվանը Մակրոնի խորհրդականի հետ հանդիպմանը քննարկել է ՆԱՏՕ-ին, Ռուսաստանին, Չինաստանին և Իրանին առնչվող հարցեր |tert.am|

tert.am: ԱՄՆ նախագահի՝ ազգային անվտանգության հարցերով օգնական Ջեք Սալլիվանը Վաշինգտոնում հանդիպել է Ֆրանսիայի նախագահի խորհրդական Էմանուել Բոննի հետ և քննարկել ՆԱՏՕ-ի, Ռուսաստանի, Չինաստանի և Իրանի վերաբերյալ օրակարգային հարցեր, հաղորդում է ТАСС-ը:

09:48 - 04 հունիսի, 2021

ԱՀԿ-ը հաստատել է չինական «Սինովակ» վակցինան |azatutyun.am|

azatutyun.am: Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրեյեսուսը հայտնել է, որ կազմակերպությունը հաստատել է չինական «Սինովակ» պատվաստանյութը Covid-19-ի դեմ կիրառելու համար։ «Ուրախ եմ հայտնելու, որ «Սինովակ» կորոնավիրուսային վակցինան ներառվել է ԱՀԿ-ի արտակարգ օգտագործման ցանկում, երբ հաստատվեց, որ այն ապահով է, արդյունավետ և որակյալ՝ երկու չափաբաժին ընդունելուց հետո»,- հունիսի 1-ին Ժնևում կայացած ասուլիսում հայտնել է Գեբրեյեսուսը, նշելով նաև, որ այսօրվա դրությամբ հաստատված 8 պատվաստանյութ կա, և հիմա կարևոր է դրանք արագ հասցնել վակցինայի կարիք ունեցող մարդկանց։ Շարունակությունը՝ azatutyun.am-ում։

14:21 - 02 հունիսի, 2021

Չինաստանում H10N3 թռչնագրիպի շտամով մարդու վարակման դեպք Է հայտնաբերվել |armenpress.am|

armenpress.am: Չինաստանի Ցզյանսու նահանգում հայտնաբերել են H10N3 թռչնագրիպի վիրուսի շտամով մարդու վարակման դեպք: Այդ մասին ասվում Է Չինաստանի առողջապահության հարցերով պետական կոմիտեի հաղորդագրության մեջ: Հիվանդացածը 41-ամյա տղամարդ Է, որն ապրում Է Ցզյանսու նահանգում. ապրիլի 23-ին նրա ջերմությունը բարձրացել Է եւ սկսել են ի հայտ գալ այլ ախտանշաններ: Ապրիլի 28-ին վիճակի վատթարացման պատճառով հիվանդին տեղափոխել են տեղի հիվանդանոց: Հիվանդությունների վերահսկողության եւ կանխարգելման չինական կենտրոնը մայիսի 28-ին անցկացրել Է նմուշների լիահամագենային հաջորդակարգում, որոնք վերցվել են Ցզյանսուի հիվանդից. պարզվել Է, որ արդյունքը դրական Է H10N3 վիրուսի համար: Հաղորդագրության մեջ ասվում Է, թե վիրուսի համագենի ամբողջական անալիզը ցույց Է տվել, որ այն ունի թռչնային ծագում եւ հնարավորություն չունի «արդյունավետորեն» վարակել մարդկանց: Մարդիկ, որոնք գտնվել են հիվանդի հետ սերտ շփման մեջ, տեղափոխվել են բուժզննման, նրանց մոտ ոչ մի շեղում չի հայտնաբերվել: Ներկայում հիվանդի վիճակը գնահատվում Է որպես կայուն, եւ ընդհանուր առմամբ նա կարող Է դուրս գրվել հիվանդանոցից: Նշվում Է, որ մարդուց մարդուն H10N3-ի փոխանցման դեպքերն աշխարհում ավելի վաղ գրանցված չեն եղել, իսկ թռչունների շրջանում այդ վիրուսը համարվում Է նվազ ախտածին: Փորձագետների կարծիքով, սա վիրուսի պատահական փոխանցում Է թռչնից մարդուն», իսկ «զանգվածային տարածման ռիսկը չափազանց փոքր Է»: Մասնագետները հանձնարարել են խուսափել հիվանդությունից սատկած թռչունների հետ շփվելուց, ինչպես նաեւ ըստ հնարավորինս խուսափել կենդանի թռչունների հետ շփումներից, ուշադրություն դարձնել սննդի հիգիենային եւ ձեռնարկել պաշտպանիչ միջոցներ, հաղորդել Է ՌԻԱ Նովոստին:

17:38 - 01 հունիսի, 2021

Չինաստանը սատարում է ՀՀ տարածքային ամբողջականությանն ու ինքնիշխանությանը. քաղաքական խորհրդակցություններ ԱԳՆ-ների միջև

ՀՀ և ՉԺՀ արտաքին գործերի նախարարությունների միջև մայիսի 26-ին տեղի են ունեցել քաղաքական խորհրդակցություններ։ Հայկական կողմից խորհրդակցությունները վարել է ԱԳ նախարարի տեղակալ Ավետ Ադոնցը, չինական կողմից՝ ՉԺՀ ԱԳ նախարարի տեղակալ Լը Յուչընը։ Ինչպես տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, խորհրդակցությունների ընթացքում կողմերը քննարկել են միջազգային, տարածաշրջանային և երկկողմ օրակարգի հարցերի լայն շրջանակ։ ՀՀ ԱԳ նախարարի տեղակալը հանգամանալից կերպով ներկայացրել է Հայաստանի ինքնիշխան տարածք ադրբեջանական զինված ուժերի ներթափանցման հետևանքով ստեղծված իրավիճակը։ «Ավետ Ադոնցը նշեց, որ Ադրբեջանը չի կատարում 2020թ․ նոյեմբերի 9-ի եռակողմ հայտարարությամբ ստանձնած իր պարտավորությունները՝ շարունակելով պատանդառության մեջ պահել հայ ռազմագերիներին և քաղաքացիական անձանց։ Ադրբեջանը խոչընդոտում է միջազգային հումանիտար կազմակերպությունների մուտքը Լեռնային Ղարաբաղ և ոչնչացնում հայկական պատմամշակութային և կրոնական ժառանգությունը: Նշվեց նաև, որ Լեռնային Ղարաբաղի հակամարտության տևական և կայուն կարգավորումը պետք է ձեռք բերվի բանակցությունների միջոցով՝ ԵԱՀԿ Մինսկի խմբի համանախագահության հովանու ներքո»,- ասվում է հաղորդագրության մեջ։ Ըստ աղբյուրի՝ ՉԺՀ ԱԳ նախարարի տեղակալ Լը Յուչընը նշել է, որ Չինաստանը սատարում է ՀՀ տարածքային ամբողջականությանն ու ինքնիշխանությանը՝ ընդգծելով, որ նոյեմբերի 9-ի եռակողմ հայտարարության դրույթների լիակատար իրականացումը տարածաշրջանային անվտանգության և կայունության պահպանման գրավականն է։ ՀՀ ԱԳՆ-ից հայտնում են, որ կողմերը գոհունակություն են հայտնել անցած ժամանակահատվածում կորոնովիրուսի դեմ համատեղ պայքարում հաջողված համագործակցության կապակցությամբ: Ավետ Ադոնցը շնորհակալություն է հայտնել չինական կողմին Հայաստանին որպես օգնություն 100 հազար դեղաչափ CoronaVac պատվաստանյութ տրամադրելու համար: Անդրադարձ է կատարվել նաև տնտեսական, գիտակրթական, մշակութային և հումանիտար ոլորտներում երկկողմ համագործակցությանը վերաբերող մի շարք հարցերի։

20:40 - 26 մայիսի, 2021

Չինաստանը Հայաստանին և Ադրբեջանին կոչ է անում երկխոսությամբ կարգավորել տարաձայնությունները |azatutyun.am|

azatutyun.am: Չինաստանի ԱԳՆ մամուլի վարչության փոխտնօրեն Չժաո Լիցզյանն այսօր Պեկինում հրավիրած ճեպազրույցում ի շարս այլ հարցերի անդրադարձել է նաև հայ-ադրբեջանական լարվածությանը, որը հատկապես սրվել է այն բանից հետո, երբ հարյուրավոր ադրբեջանցի զինծառայողներ հատել են Հայաստանի սահմանը: «Ե՛վ Ադրբեջանը, և՛ Հայաստանը Չինաստանի բարեկամներն են և գործընկերները: Մենք ամենայն անկեղծությամբ հույս ենք հայտնում, որ կողմերը կկարողանան տարաձայնությունները կարգավորել երկխոսության և խորհրդակցությունների ճանապարհով և միասին կգործեն հանուն տարածաշրջանի խաղաղության և կայունության»,- ասել է Լիցզյանը:

13:55 - 24 մայիսի, 2021

Մեկուկես ժամվա ընթացքում ավելի քան 20 ստորգետնյա ցնցում Չինաստանում |tert.am|

tert.am: Երեկ երեկոյան Չինաստանի հարավ-արևմտյան Յուննան նահանգում տեղի է ունեցել 5,6-ից 6,4 մագնիտուդ ուժգնությամբ ցնցումների շարք, որի հետևանքով մահացել է մեկ և վիրավորվել 21 մարդ։ Այս մասին հայտնում է korrespondent.net լրատվականը՝ հղում տալով Չինաստանի կենտրոնական հեռուստաընկերությանը։Նշվում է, որ մեկուկես ժամվա ընթացքում գրանցվել է ավելի քան 20 ստորգետնյա ցնցում՝ մի քանի րոպե ընդմիջումներով։ Առավել մանրամասն՝ tert.am-ում։

10:24 - 22 մայիսի, 2021

Չինաստանը Պաղեստինին շտապ մարդասիրական օգնություն կտրամադրի |tert.am|

tert.am: Չինաստանի կառավարությունը կարճ ժամկետներում մարդասիրական օգնություն կտրամադրի Պաղեստինին: Այս մասին ուրբաթ հայտարարել է ՉԺՀ Միջազգային զարգացման ոլորտում համագործակցության գործակալության ներկայացուցիչ Տիան Լինը, գրում է «ՌԻԱ Նովոստի» գործակալությունը:«Չինաստանի կառավարությունը մայիսի 20-ին գործարկել է արտակարգ արձագանքման մարդասիրական օգնության մեխանիզմ, որը կօգնի Պաղեստինի կառավարությանը և ժողովրդին հաղթահարել արտակարգ մարդասիրական ճգնաժամը և ցուցադրել միջազգային հումանիզմի ոգի»,-ասված է հայտարարության մեջ: Ընդգծվում է, որ չինական կողմը հնարավորինս շուտ կտրամադրի մարդասիրական օգնություն՝ համաձայն պաղեստինյան կողմի կարիքների, որպեսզի օգնի Պաղեստինին տուժածներին բժշկական օգնություն ցուցաբերելու և տեղահանված անձանց վերաբնակեցման հարցում:

13:37 - 21 մայիսի, 2021

Պուտինը եւ Սի Ցզինպինը մեկնարկ են տվել Չինաստանում նոր ատոմային բլոկների շինարարությանը |armenpress.am|

armenpress.am: Ռուսաստանի եւ Չինաստանի ղեկավարներ Վլադիմիր Պուտինը եւ Սի Ցզինպինը տեսակապով մեկնարկ են տվել Չինաստանում նոր ատոմային Էներգաբլոկների շինարարությանը: Մայիսի 19-ին ռուսական դիզայնով չորս նոր Էներգաբլոկների կառուցման մեկնարկի արարողությունն անցկարվել Է Տյանվանի ատոմային Էլեկտրակայանում եւ «Սյույդապու» ԱԷԿ-ում: «Սկսեք աշխատանքը»,-ասել Է Պուտինը: Ռուսաստանը եւ Չինաստանը ատոմային ճյուղում երկարաեւ եւ սերտ համագործակցության փորձ ունեն: ՌԴ-ի եւ ՉԺՀ-ի մասնակցությամբ արդեն կառուցվել են Տյանվանի ԱԷԿ-ի չորս Էներգաբլոկները եւ արագ նեյտրոններով աշխատող CEFR միջուկային ռեակտորը: Մոսկվան եւ Պեկինը փոխգործակցում են նաեւ ՉԺՀ-ում կառուցվող արագ նեյտրոններով աշխատող CFR-600 ռեակտորով Էներգաբլոկի նախագծում: Տյանվանի ԱԷԿ-ը ռուս-չինական տնտեսական համագործակցության ամենախոշոր օբյեկտն Է: ՋՋԷՌ-1000 ռեակտորներով № 1 եւ № 2 Էներգաբլոկների գործարկումը կայացել Է 2007 թվականին: Երրորդ բլոկն աշխատանքն սկսել Է 2017 թվականի դեկտեմբերին, չորրորդը շահագործման Է հանձնվել 2020 թվականի դեկտեմբերին: Այժմ կողմերը պատրաստվում են Տյանվանի ԱԷԿ-ի չորրորդ հերթի (№ 7 եւ № 8 բլոկների) շինարարության մեկնարկին: Ավելի վաղ ստորագրված պարտավորագրին համապատասխան, ռուսաստանյան կողմը նախագծելու Է այսպես կոչված կայանի միջուկային կղզին, ինչպես նաեւ կմշակի միջուկային կղզու հանգուցային սարքավորումը երկու բլոկների համար: 2019 թվականի հունիսին «Ռոսատոմ»-ը եւ Չինաստանի միջուկային արդյունաբերության պետական կորպորացիան ստորագրել են «Սյույդապու» ԱԷԿ-ի № 3 եւ № 4 Էներգաբլոկների շինարարության պարտավորագիրը, որը գտնվում Է Չինաստանի հյուսիս-արեւելքի Խուլուդաո օկրուգի Լյաոնինի նահանգում, հաղորդել Է ՌԻԱ Նովոստին:

15:19 - 19 մայիսի, 2021

Չինաստանի տիեզերական ապարատը այսօր վայրէջք կատարեց Մարսի վրա |azatutyun.am|

azatutyun.am: Այսօր առավոտյան Չինաստանի տիզերական ապարատը վայրէջք կատարեց Մարսի վրա։ Այս մասին հաղորդեց Ազգային տիեզերական գործակալությունը։ Պեկինը սա պատմական պահ է համարում։ «Մարսի վրա առաջին անգամ չինական հետք դրվեց։ Սա ևս մեկ նշանակալից քայլ է Չինաստանի տիեզերական արդյունաբերության զարգացման ուղղությամբ», - ասել է Չինաստանի նախագահ Սի Ծինփինը, ժողովրդին շնորհավորելով կոմունիստական կուսակցության և պետական բարձր ատյանների անունից։ "Tianwen-1" տիեզերանավի ճամփորդությունը մեկնարկել էր 2020 թվականի հուլիսին։ Յոթ ամիս անց այն հասել էր Մարսի ուղեծիր և երկու ամիս պտտվելով մոլորակի շուրջ, այսօր հաջողությամբ իրականացրեց "Zhurong" մարսագնաց ապարատի վայրէջքը, որին չինացիները կոչել են կրակի Աստծո անունով։ Իսկ "Tianwen"-ը չինարենով նշանակում է «հարցեր երկնքին», սա ավելի քան 2 հազար տարի առաջ գրված չին բանաստեղծի պոեմից է։ Տիեզերական ապարատն ուսումնասիրելու է Մարսի մակերեսն ու մթնոլորտը։ Սարքավորումներն ու ինքնագնացը լիցքավորվելու են արևային էներգիայից։ Չինաստանը ԱՄՆ-ից հետո դարձավ երկրորդ երկիրը, որը տիզերական ապարատ ուղարկեց Կարմիր մոլորակ։ Փետրվարին Մարս էր հասել NASA-ի "Perseverance" ապարատը: Մարտից այն սկսել է հետազոտական աշխատանքները։ Ամերիկյան ապարատի սարքավորումներին հաջողվել է Մարսի մթնոլորտից թթվածին ստանալ, ինչը մեծ քայլ է համարվում դեպի Կարմիր մոլորակ հետագա տիզերական ճամփորդությունների համար։

20:49 - 15 մայիսի, 2021

Չինական հրթիռի բեկորներն ընկել են Հնդկական օվկիանոս. Հայաստանը ևս անկման վտանգի գոտում էր |hetq.am|

hetq.am: Չինական «Չանչժեն 5-B» հրթիռի բեկորներն ընկել են Հնդկական օվկիանոս։ Այդ մասին հայտարարել են Չինաստանի իշխանությունները։ 18 տոննա զանգված ունեցող օբյեկտի մուտքը մթնոլորտի հաստ շերտեր անկառավարելի էր, իսկ ամերիկացի ռազմական փորձագետները մտահոգություն էին հայտնել, որ դրա բեկորները կարող էին ընկնել բնակելի տարածքների վրա։ Չինական «Չանչժեն 5-B» հրթիռն ուղերծիր էր դուրս բերել չինական ապագա տիեզերակայանի առաջին մոդուլը։ Ամերիկացի ռազմական փորձագետները պնդում էին, որ բեկորները կընկնեն հյուսիսային լայնության 41․5 աստիճանից հարավ և հարավային լայնության 41․5 աստիճանից հյուսիս ընկած տարածքում։ Հայաստանի տարածքը ևս գտնվում էր բեկորների անկման վտանգի գոտում՝ գտնվելով հյուսիսալին լայնության 40 աստիճանի և արևելյան երկայնության 45 աստիճանի հատվածում։ Չինական պետական լրատվամիջոցները հայտնում են, որ աստիճանը մթնոլորտ էր մտել կիրակի օրը՝ Պեկինի ժամանակով 10:24-ին (Երևանի ժամանակով 06:24-ին)։ Դրա մեծ մասն այրվել էր մթնոլորտում, սակայն որոշ բեկորներ ընկել են Հնդկական օվկիանոս՝ Մալդիվյան կղզիներից դեպի արևմուտք ընկած շրջանում։ Չինաստանը միլիարդավոր դոլարներ է ներդրել սեփական տիեզերական ծրագրում և փորձում է շրջանցել ԱՄՆ-ին, Ռուսաստանին և Եվրոպային։ «Չանչժեն 5-B» հրթիռն արձակվել էր 2021 թվականի ապրիլի 29-ին և ուղերծիր էր դուրս բերել չինական ապագա տիեզերակայանի բազային մոդուլը։

15:25 - 09 մայիսի, 2021

Չինական հրթիռի բեկորները հանգստյան օրերին կընկնեն Երկրի վրա. Հայաստանի տարածքը ևս անկման վտանգի գոտում է |hetq.am|

hetq.am: Այս հանգստյան օրերին Երկրագնդի վրա կընկնեն չինական «Չանչժեն 5-B» հրթիռի բեկորները, որի օգնությամբ ուղեծիր է արձակվել չինական տիեզերակայանի առաջին մոդուլը։ BBC-ն գրում է, որ 18 տոննա զանգված ունեցող օբյեկտի մուտքը մթնոլորտի հաստ շերտեր անկառավարելի կլինի, իսկ ամերիկացի ռազմական փորձագետները մտահոգություն են հայտնել, որ դրա բեկորները կարող են ընկնել բնակելի տարածքների վրա։ Իր հերթին Պեկինը պնդում է, որ բեկորների անկման արդյունքում հնարավոր վնասների ռիսկը խիստ ցածր է։ Ամերիկացի ռազմական փորձագետները պնդում են, որ բեկորները կընկնեն հյուսիսային լայնության 41․5 աստիճանից հարավ և հարավային լայնության 41․5 աստիճանից հյուսիս ընկած տարածքում։ Հայաստանի տարածքը ևս գտնվում է բեկորների անկման վտանգի գոտում՝ գտնվելով հյուսիսալին լայնության 40 աստիճանի և արևելյան երկայնության 45 աստիճանի հատվածում։ Չինաստանը միլիարդավոր դոլարներ է ներդրել սեփական տիեզերական ծրագրում և փորձում է շրջանցել ԱՄՆ-ին, Ռուսաստանին և Եվրոպային։ «Չանչժեն 5-B» հրթիռն արձակվել էր 2021 թվականի ապրիլի 29-ին և ուղերծիր էր դուրս բերել չինական ապագա տիեզերակայանի բազային մոդուլը։ Դրա շրջանաձև ուղեծրի բարձրությունը կազմում էր 160-ից (պերիկենտրոնում) մինչև 375 (ապոկենտրոնում) կիլոմետր և աստիճանաբար նվազում է։ Հետագա նվազման արագությունը հիմնականում կախված կլինի մթնոլորտի խտությունից, իսկ դա հաշվարկելը չափազանց բարդ է։ Չինաստանն ամեն գնով փորձում է նվազեցնել ռիսկերը։ «Թռիչքների խախտման կամ Երկրագնդի վրա հնարավոր վնասների հավանականությունը խիստ ցածր է»,- պնդում է Չինաստանի ԱԳՆ մամլո քարտուղար Վան Վենբինը և խոստանում «ժամանակին հանրությանը տեղեկացնել իրավիճակի զարգացման վերաբերյալ»։ Շարունակությունը՝ hetq.am-ում։

20:22 - 08 մայիսի, 2021

Անահիտ Ավանեսյանն ու ՀՀ-ում Չինաստանի դեսպանը անդրադարձել են պատվաստումային գործընթացին

Առողջապահության նախարարի պաշտոնակատար Անահիտ Ավանեսյանն ընդունել է Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Ֆան Յունին: Ողջունելով դեսպանին ու հյուրերին` նախարարը շնորհակալություն է հայտնել Չինաստանի կառավարությանը այս ծանր ժամանակահատվածում Հայաստանին ցուցաբերած աջակցության և եղբայրական հարաբերությունների համար: «Մեր երկու երկրների միջև կապը շատ կարևոր է, և մենք գնահատում ենք այն փաստը, որ, չնայած ամբողջ աշխարհում կորոնավիրուսային հիվանդության դեմ պատվաստանյութերի սակավությանը, Չինաստանը պատրաստակամորեն մեզ է տրամադրել պատվաստանյութերի զգալի խմբաքանակ և կորոնավիրուսային առաջին ալիքից սկսած` շարունակում է օգնել մեր երկրին` հաղթահարելու այս մարտահրավերը»,- ասել է Անահիտ Ավանեսյանը: Հանդիպման ընթացքում կողմերն անդրադարձել են պատվաստումային գործընթացին, փորձի փոխանակման և համավարակի դեմ միասնական պայքարելու համատեղ ջանքերին: «Համավարակը սահմաններ չունի. ամբողջ աշխարհը կանգնած է այս բարդ խնդրի առջև, հետևաբար ոչ մի երկիր չի կարող այն միայնակ հաղթահարել, քանի դեռ պայքարը միասնական չէ: Ուստի, մենք միշտ պատրաստակամ ենք աջակցելու մեր բարեկամ պետություններին և երբեք չենք մոռանա այն քայլերը, որ Հայաստանն էր նախաձեռնել Չինաստանի համար ծանր ժամանակահատվածում: Հուսով ենք, որ չինական պատվաստանյութը կօգնի մեր հայ գործընկերներին` հաղթահարելու համավարակը և վերադառնալու բնականոն կյանքին»,- հանդիպման ավարտին ընդգծել է Ֆան Յունը: Հանդիպման ավարտին Անահիտ Ավանեսյանն ու Ֆան Յունը ստորագրել են Հայաստանի և Չինաստանի Ժողովրդավարական Հանրապետությունների կառավարությունների միջև COVID-19 պատվաստանյութի` հումանիտար օգնության շրջանակում ՀՀ-ին նվիրաբերման վերաբերյալ հանձնման-ընդունման ակտը:

17:07 - 07 մայիսի, 2021