ՔՈ ՍԴԿ

«Քաղաքացու որոշում» սոցիալ-դեմոկրատական կուսակցության հիմնադիր համագումարը կայացել է 2018 թվականի նոյեմբերի 3-ին։ Կուսակցության բարձրագույն ղեկավար մարմինը համաժողովն է։ Մշտապես գործող կոլեգիալ ղեկավար կառույցը Գործադիր մարմինն է, որն ունի 15 անդամ։ Գործադիր մարմինը հաշվետու է համաժողովին, իսկ ԳՄ համակարգողն անդամներից ընտրված քարտուղարն է։ Կուսակցության առաջին ԳՄ քարտուղարը Սուրեն Սահակյանն է։ Կուսակցության ԳՄ քարտուղարն այժմ Գոռ Հակոբյանն է։

ՔՈ-ն մասնակցում էր 2021 թ․ հունիսի 20-ի խորհրդարանական արտահերթ ընտրություններին, նախընտրական ցուցակի առաջին համարը Սուրեն Սահակյանն էր։

Կուսակցությունն ընտրություններին չի հաղթահարել անցողիկ շեմը՝ ստանալով 3 775 ձայն (0.3%):

Հանրային Հեռուստաընկերության համապատասխան ներկայացուցիչը զբաղված է էժան մանիպուլյացիաներով․ Սուրեն Սահակյան

Հանրային Հեռուստաընկերության համապատասխան ներկայացուցիչը զբաղված է էժան մանիպուլյացիաներով․ Սուրեն Սահակյան

ՔՈ ՍԴԿ վարչապետի թեկնածու Սուրեն Սահակյանը ֆեյսբուքյան իր էջում գրում է․   «Հունիսի 8-ին ընտրություններին մասնակցող ևս 9 կուսակցությունների հետ հայտարարել էինք, որ նախընտրական ցուցակներում առաջին համարների հանրային բանավեճը բոյկոտում ենք մասնակիցների ընտրության անարդար սկզբունքի պատճառով։ Այսօր՝ 14․06․2021թ․, Հանրային Հեռուստաընկերությունից զանգ է եկել բոյկոտող կուսակցություններին, որով ապատեղեկատվություն են տարածել, թե բոյկոտող կուսակցությունների մեծ մասը համաձայնել են մասնակցել բանավեճին և մնում են միայն իրենք։ Անձամբ զանգել եմ բոլոր 9 կուսակցությունների առաջին համարներին և ստացել հավաստիացում, որ իրենք շարունակում են բոյկոտել և Հանրային Հեռուստաընկերության համապատասխան ներկայացուցիչը զբաղված է էժան մանիպուլյացիաներով։ Այսպիսով, բոյկոտող կուսակցությունները և դրանց առաջին համարներն են, որոնք վերահավաստել են իրենց ստորագրությունը․ 1․ Ազատական կուսակցություն / Սամվել Բաբայան 2․ Ազգային Օրակարգ / Արա Հակոբյան 3․ Արդար Հայաստան / Նորայր Նորիկյան 4․ «Ինքնիշխան Հայաստան» կուսակցություն / Դավիթ Սանասարյան 5․ Համահայկական ազգային պետականություն» (ՀԱՊ) կուսակցություն / Արթուր Վարդանյան 6․ Մեր տունը Հայաստանն է կուսակցություն / Տիգրան Ուրիխանյան 7․ ՄԻՀԱԿ-Միասնական Հայրենիք Կուսակցություն / Կուսինե Ավագյան 8․ Շիրինյան-Բաբաջանյան Ժողովրդավարների Դաշինք /Արման Բաբաջանյան 9․ Քաղաքացու որոշում ՍԴԿ / Սուրեն Սահակյան 10․ Զարթոնք կուսակցություն / Արա Զոհրաբյան   Բոյկոտին չմիացած կուսակցություններին ևս կոչ եմ անում միանալ դրան և բարձրացնել արդարության ձայնը՝ չտրվելով իրենց պարտադրված կանոններին»։
15:32 - 14 հունիսի, 2021
«Քաղաքացու որոշում» կուսակցությունը հունիսի 19-ին հրավիրում է երթի՝ առանց կուսակցական դրոշների

«Քաղաքացու որոշում» կուսակցությունը հունիսի 19-ին հրավիրում է երթի՝ առանց կուսակցական դրոշների

«Քաղաքացու որոշում» սոցիալ-դեմոկրատական կուսակցությունը հայտարարություն է տարածել, որում ասվում է․ «Համերաշխության երթ՝ առանց  կուսակցական դրոշների Այս ընտրական գործընթացում հանրային համերաշխության մակարդակը ձգտում է զրոյի, հայհոյանքն ու ատելությունը դարձել են քարոզարշավն ուղեկցող սովորական դրսևորումներ։ Այս ընտրարշավում մենք մեր առաջ խնդիր էինք դրել զսպելու ատելության և թշնամանքի մթնոլորտը, հասցնելու համերաշխության օրակարգը քաղաքացուն և քաղաքական ուժերին։ Այսօր արդեն մեզ հանդիպող բոլոր քաղաքացիները կարևորում են ներքին ատելության մթնոլորտի վերացումը, իսկ քաղաքական դաշտում ավելի ու ավելի շատ դերակատարներ են որդեգրում այդ ուղերձը։ Հաշվի առնելով, որ խոսքի մակարդակում մենք ունենք լայն կոնսենսուս, ժամանակն է այն դրսևորել գործնականում։ Բոլոր այն քաղաքացիներին, որոնք դեմ են թշնամության այս մթնոլորտին, բոլոր նրանց, ովքեր պատրաստվում են կողք-կողքի ապրել ընտրություններից հետո, բոլոր նրանց, ովքեր չեն գնալու և ժողովրդին չեն տանելու եղբայրասպանության, կոչ ենք անում լռության օրը անցկացնել միասին, քայլել երթով բոլոր այն տեղերով, որոնք խորհրդանշում են մեր անխոհեմության պատճառով նահատակված մեր եղբայրների հիշատակը, և տալ միասնական ուղերձ, որ մենք չենք անի ոչինչ, որը դիմացինին կդրդի գնալ անդառնալի ճանապարհով, գնալ դեպի նոր աղետներ։ Այդ օրը մեզնից ոչ մեկը չի կիրառի կուսակցական որևէ սիմվոլ, որևէ կարգախոս կամ ընտրելու կոչ, որը կարող է ընկալվել նախընտրական քարոզչություն։ Երթը կմեկնարկի հունիսի 19-ին, ժամը 18։00-ին՝ Ազատության հրապարակից»։
10:14 - 14 հունիսի, 2021
Մարդը իրեն պետք է Հայաստանում ապահով զգա առաջին հերթին սոցիալական ոլորտում․ ՔՈ անդամները եղել են Տավուշում և Գեղարքունիքում

Մարդը իրեն պետք է Հայաստանում ապահով զգա առաջին հերթին սոցիալական ոլորտում․ ՔՈ անդամները եղել են Տավուշում և Գեղարքունիքում

Նախընտրական քարոզարշավի 6-րդ օրը Քաղաքացու որոշում կուսակցության պատգամավորի թեկնածուներն այցելել են Տավուշի և Գեղարքունիքի մարզեր։ Հանդիպումների ընթացքում քաղաքական ուժի ներկայացուցիչները պատասխանել են բնակիչներին հետաքրքրող հարցերին, անդրադարձել են անվտանգային համակարգում առկա խնդիրների լուծման եղանակներին ու համայնքային զարգացման իրենց մոտեցումներին, ինչպես նաև ներկայացրել են նախընտրական ծրագրում ներառված այլ դրույթներ։ Սահմանամերձ Կողբ և Նոյեմբերյան համայնքներում հանդիպումների ընթացքում, խոսելով երկրի անվտանգության մասին, նախընտրական ցուցակը գլխավորող Սուրեն Սահակյանը կարևորել է սոցիալական ոլորտում մարդկանց ապահովության զգացումը․ «Բոլորովին չստորադասելով մարդու ֆիզիկական անվտանգությունը՝ ցանկանում եմ շեշտել, որ մարդը իրեն պետք է Հայաստանում ապահով զգա առաջին հերթին սոցիալական ոլորտում։ Քանի որ առանց դրա ֆիզիկական անվտանգույան համար պայքարելու իմաստ չի տեսնի»։  Իսկ կուսակցության անդամ Իրինա Հովհաննիսյանը Գավառում խոսել է արդեն երկրի էկոլոգիական անվտանգության մասին, նշելով, որ իրենք Հայաստանը հումքային կցորդից վերածելու են վերամշակող արտադրության, իսկ հետո՝ արդյունաբերական երկրի․ «Մենք դեմ ենք նոր հանքերի բացմանը, հետևաբար կիրառելու ենք բոլոր հնարավորությունները՝ հանքերի բացասական ազդեցությունը նվազեցնելու համար, որպեսզի քաղաքացին ապրի առողջ միջավայրում և սահմանին կանգնած զինվորը պաշտպանի ոչ միայն հողը, այլ նաև արժանապատիվ կյանք ունեցող մարդկանց»։  Քաղաքացու որոշում կուսակցության կարգախոսն է՝ զրո քվե ճգնաժամին։
21:37 - 12 հունիսի, 2021
ԿԸՀ-ն որոշեց ուժը կորցրած ճանաչել պատգամավորի 6 թեկնածուի գրանցումը |armenpress.am|

ԿԸՀ-ն որոշեց ուժը կորցրած ճանաչել պատգամավորի 6 թեկնածուի գրանցումը |armenpress.am|

armenpress.am: Կենտրոնական ընտրական հանձնաժողովը հունիսի 8-ին կայացած նիստին որոշում ընդունեց հունիսի 20-ին կայանալիք խորհրդարանական արտահերթ ընտրություններին մասնակցող տարբեր քաղաքական ուժեր ներկայացնող 6 պատգամավորի թեկնածուի գրանցումը ուժը կորցրած ճանաչել: Մեկ թեկնածուի դեպքում ինքնաբացարկի դիմումը մերժվեց:  Ինքնաբացարկի դիմում էր ներկայացրել 2021 թվականի արտահերթ խորհրդարանական ընտրություններին մասնակցող «Ազգային ժողովրդավարական բևեռ» համահայկական կուսակցության ընտրական ցուցակում ընդգրկված պատգամավորի թեկնածու Աղունիկ Հակոբյան: ԿԸՀ-ն որոշեց նրա գրանցումը ճանաչել ուժը կորցրած: Նույն կուսակցության պատգամավորի թեկնածուներ Արտյոմ Պողոսյանը, Գագիկ Տոնականյանը ևս ներկայացրել էին ինքնաբացարկի դիմում: Նրանց պարագայում ևս ԿԸՀ-ն ընդունեց դիմումը և գրանցումը ճանաչեց ուժը կորցրած: Ինքնաբացարկ ներկայացրած հաջորդ թեկնածուն Հայաստանի դեմոկրատական կուսակցության ընտրական ցուցակում ընդգրկված պատգամավորի թեկնածու Միքայել Միքայելյանն էր: Քննարկելով դիմումը՝ ԿԸՀ-ն որոշեց նրա գրանցումն ուժը կորցրած ճանաչել: Ինքնաբացարկի հաջորդ երկու դիմումը «Միասնական Հայրենիք» կուսակցության ընտրացուցակում ընդգրկված պատգամավորի թեկնածուների կողմից էին: Պատգամավորի թեկնածուներ Շուշան Ավետիսյանի և Արմինե Օհանյանի գրանցումներն ուժը կորցրած ճանաչվեցին: Ինքնաբացարկի դիմում է ստացվել էր նաև «Քաղաքացու որոշում» սոցիալ-դեմոկրատական կուսակցության ընտրական ցուցակում ընդգրկված պատգամավորի թեկնածու Գոհար Ազատյանից: Դիմումը նոտարական վավերացում չուներ, իսկ նման դեպքում դիմումատուն պետք է ներկա գտնվի նիստին: Քանի որ նա ներկա չէր, ԿԸՀ-ն որոշմամբ նրա դիմումը մերժվեց:
13:07 - 08 հունիսի, 2021
Ամեն ինչ անելու ենք, որ ՔՈ կուսակցությունն ընտրողները տարիներ անց էլ չամաչեն բարձր գլխով հայտարարել իրենց ընտրության մասին․ Սուրեն Սահակյան

Ամեն ինչ անելու ենք, որ ՔՈ կուսակցությունն ընտրողները տարիներ անց էլ չամաչեն բարձր գլխով հայտարարել իրենց ընտրության մասին․ Սուրեն Սահակյան

Այսօր «Քաղաքացու որոշում» կուսակցության քարոզարշավը մեկնարկեց Երևանում։ Մենք մեկնարկեցինք պոզիտիվով։ Այս մասին ֆեյսբուքյան իր էջում գրել է կուսակցության առաջին համար Սուրեն Սահակյանը։ «Ընտրողներին իմ անձնական ուղերձն է, որ մենք ամեն ինչ անելու ենք, որ ՔՈ կուսակցությունն ընտրողները տարիներ անց էլ չամաչեն բարձր գլխով հայտարարել իրենց ընտրության մասին, հայտարարել որ մեր կուսակցության համակիրն են և ժամանակին ճիշտ որոշում են կայացրել։ ՔՈ կուսակցությունն ընտրողները կարող են վստահ լինել, որ իրենց ընտրությունը վերացնելու է ներքին ուժերը ջլատող թշնամանքը, ատելությունը։ Ընտրելով մեզ դուք ընտրում եք փոփոխությունների և, ի վերջո, կայունության, խաղաղության ու բարեկեցության ճանապարհը։ Մենք հաղթելու ենք, քանի որ ճշմարիտը միշտ հաղթում է։ «Քաղաքացու որոշում» ՍԴԿ քվեաթերթիկի համարը 17-ն է։ Մեր ծրագրերին կարող եք ծանոթանալ հետևյալ հղումով ,-գրել է Սահակյանը
21:23 - 07 հունիսի, 2021
Մեդիան ամեն կերպ փորձում է հանրությանը համոզել, որ գոյություն ունեն երկու հիմնական ուժեր |lragir.am|

Մեդիան ամեն կերպ փորձում է հանրությանը համոզել, որ գոյություն ունեն երկու հիմնական ուժեր |lragir.am|

lragir.am: Հարցազրույց «Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանի հետ․ Պարոն Միսկարյան, վաղվանից մեկնարկում է պաշտոնական քարոզարշավը, սակայն արդեն հնչում են փոխադարձ վիրավորանքներ ու մեղադրանքներ: Ռոբերտ Քոչարյանն էլ հայտարարել է, թե այս իշխանությունը որևէ խոստում չի կատարել, անգամ խոստացել էր իրեն դատել, դա էլ չարեց: Արդյոք կարո՞ղ ենք առողջ ընտրապայքար կանխատեսել: Շատ հետաքրքիր դիտարկում է արել Ռոբերտ Քոչարյանը. Ամենայն հավանականությամբ, իր կարծիքով, բոլոր խոստումների մեջ ամենահեշտ իրագործելին երևի թե հենց իրեն դատելն էր: Իսկ առհասարակ՝ դժվար է առողջ ընտրապայքար սպասել, երբ ընտրություններին մասնակցում են բոլոր այն ուժերը, որոնք Հայաստանում հիմք են դրել ընտրակաշառքներին, ընտրակեղծիքներին, վարչական ռեսուրսի կիրառմանը և այսօր շարունակում են ավելի ու ավելի պառակտել հանրությանը: 26 քաղաքական ուժ է մասնակցում ընտրություններին: Որքանո՞վ են կանխատեսելի այս ընտրությունների արդյունքները: Արդյոք կլինե՞ն անակնկալներ: Քանի որ ռեսուրսները կուտակված են 2-3 ուժերի մոտ, իսկ այս ընտրությունները՝ նախորդների պես, ռեսուրսների պայքար է, մեդիան ամեն կերպ փորձում է հանրությանը համոզել, որ գոյություն ունեն երկու հիմնական ուժեր՝ լիդերներ, ու 20+ այլ ՝ մանր-մունր ուժեր՝ աուտսայդերներ: Այս կոնտեքստում եթե նայենք, ապա՝ այո, կլինեն անակնկալներ, քանի որ մեր շփումները քաղաքացիների հետ ցույց են տալիս, որ հանրության մոտ բոլորովին այլ տրամադրություններ են. Քաղաքացիներն իրականում ավելի շատ հակված են ԱԺ-ում առողջ ուժեր տեսնելուն: Շարունակությունը՝ lragir.am-ում
12:09 - 07 հունիսի, 2021
Կարող է տնտեսությունն աճել, բայց իրական մարդիկ, ովքեր պետք է դրանից օգտվեն՝ չեն օգտվում. ՔՈ ՍԴԿ թեկնածու |armtimes.com|

Կարող է տնտեսությունն աճել, բայց իրական մարդիկ, ովքեր պետք է դրանից օգտվեն՝ չեն օգտվում. ՔՈ ՍԴԿ թեկնածու |armtimes.com|

armtimes.com: Հունիսի 20-ին կայանալիք խորհրդարանական արտահերթ ընտրություններից առաջ քաղաքական ուժերը փորձում են ընտրողների ուշադրությունը գրավել՝ ներկայացնելով իրենց ծրագրերը:  Այդ ծրագրերի դրույթները, որոնք հետաքրքրում են քաղաքացիներին, հիմնականում վերաբերում են անվտանգությանը, տնտեսությանը, սոցիալական հարցերին: ՀԺ-ն «Քաղաքացու որոշում» սոցիալ-դեմոկրատական կուսակցության նախընտրական ցուցակի 2-րդ համար Գոռ Հակոբյանի հետ զրուցել է կուսակցության տնտեսական ծրագրերի մասին: - Պարո՛ն Հակոբյան, ձեր նախընտրական թռուցիկների տնտեսությանը վերաբերող մասում նշված է, որ Հայաստանը հումքային կցորդից վերածելու եք վերամշակող արտադրության, ապա արդյունաբերական երկրի. ինչպե՞ս եք դա  պատկերացնում: - Նախ մենք հստակ ձեւակերպում ենք մի պարզ նպատակ, որ  երկրի տնտեսական զարգացման հիմքը զարգացած արդյունաբերություն ունենալն է: Դա պետք է հռչակվի որպես քաղաքականություն: Մեր ծրագրում նշված է նաեւ տարածքների համաչափ զարգացման մասին: Գաղտնիք չէ, որ հիմնական կենտրոնացումը Երեւանում է տեղի ունենում: Պետք է մարզերում որոշակի տնտեսական կլաստերներ ստեղծել ամբողջ ցիկլով: Եթե, օրինակ՝ մի տարածքում առողջարաններ, հիվանդանոցներ, բժշկական ծառայություններ լինեն, այլ հատվածում այդ բժշկական ծառայություններն ապահովող սարքավորումների արտադրություն պետք է լինի, իսկ մեկ այլ հատվածում՝ այդ ամեն ինչի տեխնոլոգիական աջակցությունը: Ոչ թե պետք է լինի ինչ-որ ձեռնարկություն, որի ամեն ինչը դրսից բերվի, այլ այնպիսի հատված, որ սկզբից մինչեւ վերջ դու կարողանաս արտադրել: Դա նշանակում է, որ սկզբնական շրջանում պետք է ուսումնասիրություններ անել, հասկանալ ամեն տարածաշրջանի համար լավագույն մեկնարկային հնարավորությունները եւ սկսել կամաց-կամաց կառուցել: Դա երկարատեւ գործընթաց է, բայց առանց դրա ամեն ինչ անարդյունավետ կլինի: Օրինակ՝ դու կարող ես ներդրող բերել, որ մի խոշոր ձեռնարկություն բացի, բայց եթե դրան կողքից աջակցող ամեն ինչը չլինի՝ ապա տնտեսական ճգնաժամերի կամ ճանապարհների փակման պարագայում նրանք կլքեն Հայաստանը: - Ձեր ծրագրերը եւ մոտեցումները սոցիալիստական են, հարկման պրոգրեսիվ մոտեցումներ կան՝ հարուստները պետք է շատ վճարեն, աղքատները՝ քիչ: Այսինքն այս տրամաբանությամբ հարուստին ասում եք, եթե դու հարուստ ես, պետք է ավելի շա՞տ վճարես: - Մենք առաջնորդվում ենք նրանով, որ Հայաստանի Հանրապետությունը սոցիալական պետություն է: Այլ բան է, որ ոչ մեկը այդ սահմանադրական դրույթը չի պահել: Մենք սոցիալական պետության մեր մեկնաբանությունն ունենք: Այս երկրում  մարդու իրավունքները պետք է իրացվեն, յուրաքանչյուր մարդ պետք է իր գլխավերեւում կտուր ունենա, պետք է անվճար եւ որակյալ կրթություն ու առողջապահություն լինի: Սրանք տարրական կենսապահովման պայմաններ են, որ մարդն արժանապատիվ ապրի: Այսինքն՝ արժանապատիվ կյանքի պայմաններ պետք է ստեղծվեն: Ինչպե՞ս ենք դա անելու. մի քանի ճանապարհ կա, այո, հարկային քաղաքականությունը մեր ծրագրում պրոգրեսիվ է: Պրոգրեսիվ է այնքանով, որ հարուստ մարդիկ պետք է ընդհանուր հանրային բարիքների ծառայության համար ավելի շատ վճարեն: Սա այնպիսի ձեւակերպում է, որ հարուստները պետք է վճարեն շատ, իսկ աղքատները՝ քիչ: Մենք պետք է ասենք՝ սա մեր հանրային տարածքն է, մեր պետությունը մեր հանրային սեփականությունն է՝ աղքատ ես, հարուստ ես, միջին խավ ես, դա մեր բոլորի հանրային սեփականությունն է: Շարունակությունը՝ armtimes.com-ում։
18:59 - 06 հունիսի, 2021
Հեռուստաբանավեճերի ֆորմատը պաշտոնապես ընտրվել է  քաղաքական ոչ մի նոր ուժի հնարավորություն չտալու անարդարացի սկզբունքով․ Միքայել Նահապետյան

Հեռուստաբանավեճերի ֆորմատը պաշտոնապես ընտրվել է քաղաքական ոչ մի նոր ուժի հնարավորություն չտալու անարդարացի սկզբունքով․ Միքայել Նահապետյան

«Քաղաքացու որոշում» կուսակցության անդամ Միքայել Նահապետյանը «Հայաստանում իշխանությունը պատկանում է Հ1-ին և NDI-ին․ նրանք այդ իշխանությունը իրացնում են հանրային կարծիքի մանիպուլացման տեխնոլոգիաներով» վերնագրով ֆեյսբուքյան ուղիղ եթերի ընթացքում անդրադարձել է Հանրային հեռուստաընկերության եթերում սպասվելիք նախընտրական բանավեճերի թեմային՝ դրանց ձևաչափը բնութագրելով որպես ծայրահեղ վիրավորական, արհամարհական ու անարդարացի բոլոր նոր քաղաքական ուժերի համար։ Նա, մասնավորապես, ասել է․«Հանրային հեռուստաընկերությունը NDI-ի հետ, որն ամերիկյան ֆոնդ է և հիմնականում քաղաքականությանն աջակցող գործունեություն է իրականացնում, նախընտրական բանավեճերն է կազմակերպում։ Բանավեճերի մի ֆորմատը նախատեսված է նախընտրական ցուցակներում ընդգրկված 2-10 համարների թեկնածուների միջև։ Մասնակցող 26 ուժերին բաժանել են երկու խմբի, և ընտրվել է հետևյալ սկզբունքը․ ԿԸՀ-ում քաղաքական ուժը քվեաթերթիկի ինչ համար որ քաշել է վիճակահանության արդյունքով, այդ 1-13 համարները մի խմբում են, մյուսները՝ երկրորդ խմբում։ Երկրորդ ֆորմատը ցուցակների առաջին դեմքերի բանավեճն է»,- ներկայացրել է ՔՈ ՍԴԿ անդամը։ Նա պարզաբանել է, որ որ այս ձևաչափում ևս երկու խումբ է ձևավորվել, սակայն այստեղ արդեն բաժանման սկզբունքը փոխվել է։ «Բոլորդ տեսաք, որ այն ընթացքում, երբ պետք է կայացվեր այս որոշումը, թե ով ում հետ է բանավիճելու, Նիկոլ Փաշինյանը հրապարակային վստահորեն հայտարարեց, թե Հ1-ի եթերում սպասում է էս, էս մարդկանց, իրենց հետ պետք է բանավիճի։ Նախնական տարբերակը, որ կարող էր վիճակահանություն լինել կամ այբբենական կարգով արվեր բաժանումը, մի կողմ դրվեց։ Նիկոլ Փաշինյանը պատվեր տվեց, որ այս, այս, այս մարդիկ պետք է իր խմբում լինեն, որից հետո հարց առաջացավ, թե ինչ սկզբունք պետք է ընտրել, որ այդ մարդիկ ընկնեն նույն խմբում»,- ասաց Միքայել Նահապետյանն ու ավելացրեց, որ արդյունքում ընտրվեց մի խայտառակ, անարդարացի մեթոդ։ «Որոշվեց՝ որ կուսակցություններն ավելի վաղուց են գրանցում ստացել, մի լիգա պետք է լինեն, ավելի նոր գրանցված կուսակցությունները՝ մի լիգա։ Հետո խնդիր է ծագել, որովհետև այս տրամաբանությամբ՝ Փաշինյանի ակնկալած մրցակիցներից երկուսը դաշինքներ են, որոնք մի ամիս առաջ են գրանցվել։ Ու այստեղ երկրորդ սկզբունք է դրվել, որ եթե խոսքը դաշինքներին է վերաբերում, ոչ թե դաշինքի գրանցման ամսաթիվն է հաշվի առնվում, այլ դաշինքում առկա կուսակցություններից ամենահնի։ Սրանով լուծվել է այն հարցը, որ Նիկոլ Փաշինյանը կարողանա բանավիճել այն մարդկանց հետ, որոնց ավելի հարմար մրցակից է համարում, որպեսզի նորից սև ու սպիտակի բաժանում անի»,- նշեց Նահապետյանը։Նա ընդգծեց, որ քաղաքական այդ պատվերը կատարել են Հայաստանի Հանրային հեռուստաընկերությունը և որքան էլ իր համար ցավալի է՝ NDI-ը։«Կազմակերպիչները հստակ գիտեն, որ առաջին դեմքերի դեբատի դիտման ընթացքում մարդը կողմնորոշվելու է՝ կա՛մ գործող կառավարության կողմ, կա՛մ նախկին կառավարությունների, կա՛մ նոր ուժի, որը երբևէ չի կառավարել։ Եվ հիմա, փաստորեն, կա 13 քաղաքական ուժ, որը ոչ մի հնարավորություն չունի բանավիճելու Հայաստանն էս վիճակի հասցրած կառավարություններից ոչ մեկի հետ։ Այսինքն՝ օդի մեջ խոսակցություն է լինելու, դու խոսելու ես խնդիրների մասին, քեզ հակադարձողն այդտեղ չլինի»,- ասաց նա։ Միքայել Նահապետյանի խոսքերով՝ իսկ մի քանի օր առաջ գրանցված կուսակցության հետ, որն օբյեկտիվորեն չէր կարող քաղաքական ճիշտ և սխալ քայլերով ճանապարհ անցնել, ծրագրերի, կարծիքների հարաբերելու բան չկա։ «Այսինքն՝ պաշտոնապես այս սկզբունքն ընտրվել է հետևյալ տրամաբանությամբ՝ քաղաքական ոչ մի նոր ուժ չպետք է հնարավորություն ունենա, Հայաստանում ընտրանքը պիտի լինի նախկինում գործած ուժերի միջև։ Սա ծայրահեղ վիրավորական, արհամարհական, անարդարացի ֆորմատ ու վերաբերմունք է բոլոր նոր քաղաքական ուժերի համար։ Բանավեճերը, որոնք ընտրական ժողովրդավարության կարևոր կոմպոնենտ են, այս որոշումով վերածվում են ձևական ժողովրդավարության, թատրոնի»,- նշել է «Քաղաքացու որոշում» կուսակցության ներկայացուցիչը։Միքայել Նահապետյանը նաև հայտնել է իրենց կուսակցության դիրքորոշումը, որ այս տրամաբանության մեջ բանավեճին մասնակցելու իմաստ «Քաղաքացու որոշում»-ը չի տեսնում։ Իսկ քաղաքացիներից ու մյուս 12 քաղաքական ուժերից ակնկալել է, որ իրենց ձայնը բարձրացնեն ընդդեմ անարդարացիության։
15:18 - 06 հունիսի, 2021
Հանրային Հեռուստատեսության նախաձեռնած առաջին դեմքերի բանավեճի ձևաչափը կազմակերպվել է ծայրահեղ անարդարացի սկզբունքով․ ՔՈ ՍԴԿ

Հանրային Հեռուստատեսության նախաձեռնած առաջին դեմքերի բանավեճի ձևաչափը կազմակերպվել է ծայրահեղ անարդարացի սկզբունքով․ ՔՈ ՍԴԿ

«ՔՈ» ՍԴԿ կուսակցության նախընտրական շտաբը հայտարարություն է տարածել, որում ասվում է.   «Հանրային Հեռուստատեսության և ԱԺԻ (NDI) նախաձեռնած առաջին դեմքերի բանավեճի ձևաչափը կազմակերպվել է ծայրահեղ անարդարացի սկզբունքով։  Ըստ էության, հրապարակային քաղաքական պատվեր է իջեցվել, որ Նիկոլ Փաշինյանը պետք է բանավիճի նախորդ ղեկավարների հետ և կազմակերպիչները գտել են միակ սկզբունքը, որի համաձայն դա հնարավոր կլիներ կազմակերպել՝ քողարկելով ակնհայտ քաղաքական շարժառիթները։  Նախընտրական ցուցակների առաջին համարների բանավեճը անց է կացվելու երկու խմբով՝ յուրաքանչյուրում 13 մասնակից։ Խմբերն ընտրվել են հետևյալ սկզբունքով՝ առաջին խմբում մասնակցելու են առավել վաղ պետական գրանցում ստացած կուսակցությունները, իսկ երկրորդ խմբում՝ առավել ուշ գրանցված կուսակցությունները։ Ընդ որում, հասկանալով, որ այս սկզբունքով մեկ ամիս առաջ գրանցված դաշինքները կհայտնվեին երկրորդ խմբում՝ ավելացրել են երկրորդ սկզբունքը, ըստ որի հաշվի է առվում ոչ թե դաշինքի, այլ դրա կազմում ընդգրկված կուսակցություններից առավել հնի գրանցման ամսաթիվը՝ ակնհայտորեն լուծելով Նիկոլ Փաշինյանի համար ցանկալի երկու մրցակիցների ներգրավման հարցը։ Այսինքն՝ ընտրվել է մի սկզբունք, որով հնարավոր կլիներ Նիկոլ Փաշինյանին համեմատության մեջ դնել նախորդ կառավարությունների հետ՝ հնարավորություն տալով կրկին անցկացնել սև ու սպիտակի բաժանարարը։ Մյուս կողմից ընտրությունների մասնակցող 13 կուսակցություններ զրկվել են երկրի այս վիճակի համար պատասխանատու չորս կառավարությունների առաջին դեմքերից որևէ մեկի հետ բանավիճելու հնարավորությունից։  Կազմակերպիչները հաստատապես գիտեն, որ առաջին համարների բանավեճը իր որակական կողմով էական ազդեցություն է ունենալու ընտրությունների արդյունքի վրա և այդուհանդերձ՝ այն կազմակերպել են խիստ անարդար ձևաչափով։ Սա կոպտորեն խախտում է անաչառության, մրցակցային հավասար պայմանների ապահովման սկզբունքները։  Կա՛մ նախընտրական բանավեճը կկազմակերպվի նոր՝ արդարացի սկզբունքով, կա՛մ «Քաղաքացու որոշում» կուսակցությունն իմաստ չի տեսնում մասնակցելու այդպիսի ձևաչափի բանավեճի։ Այս ձևաչափը վիրավորական է մասնակցող բոլոր քաղաքական ուժերի համար, և մենք կոչ ենք անում մյուս ուժերին ևս չմասնակցել ձևական ժողովրդավարության այդ թատրոնին»։
11:27 - 05 հունիսի, 2021
«Քաղաքացու որոշում»-ը ներկայացրել է ընտրական ամբողջական ցուցակը

«Քաղաքացու որոշում»-ը ներկայացրել է ընտրական ամբողջական ցուցակը

«Քաղաքացու որոշում» կուսակցությունը հրապարակել է առաջիկա արտահերթ խորհրդարանական ընտրությունների իրենց ընտրական ամբողջական ցուցակը՝ հիշեցնելով, որ կուսակցության քվեաթերթիկը 17-րդ համարն է։ՔՈ ՍԴԿ-ի ցուցակի առաջին եռյակում են Սուրեն Սահակյանը, Գոռ Հակոբյանը և Իրինա Հովհաննիսյանը։Ամբողջական ցուցակը․1․ Սահակյան Սուրեն Սարգսի 2․ Հակոբյան Գոռ Աշոտի 3․ Հովհաննիսյան Իրինա Պարույրի 4․ Գրիգորյան Կարեն Մարտունու 5․ Սահակյան Հայկ Սամվելի 6․ Մելքոնյան Աստղիկ Արամի 7․ Ավագյան Արթուր Ռաֆիկի 8․ Մանթաշևա Յանա Գեորգիի 9․ Թադևոսյան Արեգ Յուրիի 10․ Իսմաիլյան Երվանդ Արթուրի 11․ Հովհաննիսյան Վլադիմիր Ստեփանի 12․ Դովլաթբեկյան Կարինե Մարտունի 13․ Ներսիսյան Նարեկ Գեղամի 14․ Վարդանյան Արման Ռաֆիկի 15․ Շահազիզյան Վարդիթեր Ժորայի 16․ Մելքոնյան Հայկ Սոսի 17․ Գևորգյան Վահե Արմենակի 18․ Ղևոնդյան Անուշ Անդրոնիկի 19․ Մինասյան Մհեր Սեյրանի 20․ Ալեքսանյան Գևորգ Գուրգենի 21․ Ալեքսանյան Աննա Արտավազդի 22․ Խաչատրյան Թաթուլ Արարատի 23․ Ներսիսյան Լևոն Արայիկի 24․ Չոբանյան Լուիզա Սեդրակի 25․ Ղալումյան Խաչիկ Գնելի 26․ Սահակյան Արա Ժորայի 27․ Սահակյան Անի Սարգսի 28․ Գասպարյան Կարեն Ջիվանի 29․ Օհանյան Արսեն Նորիկի 30․ Ափրիկյան Լուսինե Սերգեյի 31․ Հարությունյան Սուրեն Մարտունի 32․ Շախբազյան Նարեկ Արմենի 33․ Մարտիրոսյան Լուսինե Գեղամի 34․ Ղարաբեկյան Հրանտ Հակոբի 35․ Սարգսյան Գարեգին Արտավազդի 36․ Դավթյան Աննա Ռոբերտի 37․ Պետրոսյան Գրիգոր Ալեքսանդրի 38․ Ղազարյան Արման Հովհաննեսի 39․ Պետրոսյան Լիլիթ Համլետի 40․ Կարապետյան Արթուր Արամիկի 41․ Մարգարյան Միհրան Սուրիկի 42․ Սահակյան Մարինե Հուսիկի 43․ Պետրոսյան Լիպարիտ Գարուշի 44․ Դավթյան Ռոբերտ Սերոբի 45․ Մինասյան Լիանա Գարեգինի 46․ Մանուկյան Վլադիմիր Սիմոնի 47․ Նիկողոսյան Ռաֆայել Վարուժանի 48․ Վարդևանյան Լիլիթ Արարատի 49․ Ավալյան Արտակ Համլետի 50․ Ծատուրյան Սևակ Վազգենի 51․ Դավթյան Հայարփի Ռոբերտի 52․ Սաֆարյան Արամայիս Վիտալիկի 53․ Հովհաննիսյան Սիմոն Մկրտիչի 54․ Հովհաննիսյան Ալիսա Ժիրայրի 55․ Խաչատրյան Արտուշ Լևոնի 56․ Առակյան Սարգիս Թադևոսի 57․ Հարությունյան Էդգար Յուրիի 58․ Սահակյան Էդգար Սամվելի 59․ Եղյան Մարգարիտ Վարուժանի 60․ Սահակյան Հայկ Սարգսի 61․ Թորոսյան Արմեն Կարենի 62․ Կարապետյան Սուսաննա Վարոսի 63․ Նիազյան Դավիթ Սուրենի 64․ Սահակյան Վարդան Սամվելի 65․ Մինասյան Լուսինե Գարեգինի 66․ Թովմասյան Տիգրան Աշոտի 67․ Սահակյան Սարգիս Սուրենի 68․ Ամարյան Լիլիթ Հարությունի 69․ Հարությունյան Լեռնիկ Հրաչի 70․ Հովհաննիսյան Անուշ Վանուշի 71․ Բաղդասարյան Սիրանուշ Ռաֆայելի 72․ Պապիկյան Գոռ Սամվելի 73․ Աճեմյան Մարինե Աշոտի 74․ Մինասյան Դիանա Արմենի 75․ Մանվելիյան Տիգրան Ռաֆայելի 76․ Հովհաննիսյան Դավիթ Հովհաննեսի 77․ Մելքոնյան Արևիկ Վրեժի 78․ Սահակյան Գեորգի Էդուարդի 79․ Խարազյան Սարգիս Գարեգինի 80․ Հարությունյան Լիլիթ Փայլակի 81․ Կարապետյան Վոլոդյա Վարոսի 82․ Բադիշյան Հայարփի Արարատի 83․ Խաչատրյան Աշոտ Սամվելի
21:18 - 01 հունիսի, 2021
Զրո քվե ճգնաժամին․ Քաղաքացու որոշում կուսակցություն

Զրո քվե ճգնաժամին․ Քաղաքացու որոշում կուսակցություն

Երեկ՝ 31․05․2021թ․ տեղի ունեցավ 2021 թվականի հունիսի 20-ի արտահերթ ընտրությունների մասնակցող կուսակցությունների գրանցումը։ Քաղաքացու որոշում կուսակցության գրանցումը նույնպես հաստատվել է։ Այս մասին տեղեկանում ենք  «ՔՈ» կուսակցության Գործադիր մարմնի հայտարարությունից։ «Պատերազմի ավարտից հետո տևական ժամանակ հանդես ենք եկել ներքին կայունության, համախմբման և ճգնաժամը խաղաղ հանգուցալուծելու օգտին։ Այդ նպատակով առաջարկել ենք ձևավորել չեզոք կառավարություն, որն ընդունելի կլինի բոլոր ճամբարների համար։ Այդտեղ մենք տեսնում էինք մեր մեջքը ուղղելու և այսօրվա մարտահրավերներին պատրաստ և միասնական ներկայանալու հնարավորություն։Ցավոք, քաղաքական ճամբարներն առավելագույնը ստանալու մոլուցքը վեր դասեցին ողջամտության և ուժերի վերականգնման հրամայականից։ Եվ երկիրը ներքաշվեց մի ընտրությունների մեջ, որը կարող է էլ ավելի անկայուն և բևեռացված վիճակ ձևավորել, ընտրությունների արդյունքների լեգիտիմության հարցեր առաջացնել՝ պետությունն առավել խոցելի դարձնելով ճգնաժամերի առաջ։ Այս ընտրություններն ուղիղ հակապատկերն է այն իրավիճակի, որը պահանջում էր ժողովուրդը 2018թ․՝ դնելով քաղաքական համակարգի առողջացման խնդիր։ Այդ պահանջը սպասարկելու օրակարգով ընտրված ուժը համարժեք քայլեր չձեռնարկեց այդ ուղղությամբ և ինքը թաղվեց արատավոր համակարգի բարքերի մեջ՝ առաջնորդվեց բևեռացման, թշնամանքի, թայֆայականության, օլիգարխացման սկզբունքներով։ Անցյալը գաղջ է, ներկան դժգույն, իսկ ապագան, եթե այս համակարգը շարունակի գոյություն ունենալ՝ գորշ։ Այս համակարգի նախկին և ներկա դերակատարներն անգամ չեն խորշում սեփական իշխանությունը գնելու ճանապարհին Հայաստանի ինքնիշխանությունը մանրադրամ դարձնելուց։ Քաղաքացին ու մարդը դուրս է թողնված քաղաքական գործընթացից, և այս ճամբարներն ամեն ինչ անում են, որ շարունակի դուրս մնալ։ Մենք այս ընտրություններին մասնակցում ենք հենց այն նպատակով, որպեսզի հույսը չկորցրած, սեփական երկրի նկատմամբ իրավունքները վերահաստատելուն միտված քաղաքացիները ունենան ընտրելու և իրավիճակը փոխելու հնարավորություն։ Ինքներս տեսնում ենք այդ հնարավորությունը և ամեն ինչ անելու ենք, որ մեր մանկությունը գողացած, պատանեկությունը փչացրած, երիտասարդությունը վատնած քաղաքական համակարգը չգողանա մեր երեխաների ապագան»։
17:10 - 01 հունիսի, 2021
Հարցումը բացահայտել է հայաստանցիների ընտրական ակտիվությունն ու նախընտրությունները  |armenpress.am|

Հարցումը բացահայտել է հայաստանցիների ընտրական ակտիվությունն ու նախընտրությունները |armenpress.am|

armenpress.am:  Արտահերթ խորհրդարանական ընտրություններին անպայման մասնակցելու է ընտրողների մեծամասնությունը, իշխող կուսակցությունը առաջատարն է ընտրողների նախապատվության ցուցակում: Միջազգային հանրապետական ինստիտուտի (IRI) հրապարակած հարցման համաձայն՝ ՀՀ քաղաքացիների 26 տոկոսը կրկին կքվեարկի իշխող «Քաղաքացիական պայմանագիր կուսակցության (ներկայում «Իմ քայլը» խմբակցություն) օգտին հունիսի 20-ի արտահերթ խորհրդարանական ընտրությունների ժամանակ։ Ինչպես տեղեկացնում է «Արմենպրես»-ը, հարցին, թե որ քաղաքական կուսակցության օգտին, եթե այդպիսին կա, դուք կքվեարկեիք հունիսի 20-ի խորհրդարանական ընտրություններին, հարցվածների 1 տոկոսի միջակայքում պատասխանել է Հայ Յեղափոխական Դաշնակցության, «Բարգավաճ Հայաստան», Հայաստանի Հանրապետական, «Լուսավոր Հայաստան», «Հանրապետություն», «Սասնա Ծռեր», «Քաղաքացու որոշում», «Հայրենիք» և «Հայ ազգային կոնգրես» կուսակցություններիօգտին։ Քաղաքացիների 55 տոկոսը դժվարացել է կամ չի պատասխանել հարցին։ Պատրաստվում եք արդյո՞ք քվեարկել առաջիկա արտահերթ խորհրդարանական ընտրությունների ընթացքում հարցին դրական է պատասխանել հարցվողների 63 տոկոսը, ավելի շուտ դրական՝ 9 տոկոսը, հավանաբար ոչ՝ 3 տոկոսը, ընտրություններին չի ցանկանում մասնակցել հարցվածների 14 տոկոսը, իսկ դժվարացել ու հրաժարվել է պատասխանել հարցվածների 11 տոկոսը: Հարցումն իրականացվել է Միջազգային հանրապետական ինստիտուտի Խորը վերլուծության կենտրոնի պատվերով՝ Հետազոտական ռեսուրսների կովկասյան կենտրոններ- Հայաստան հիմնադրամի կողմից: Հետազոտության տվյալները հավաքվել են 2021թ. ապրիլի 8-ից մայիսի 4-ի միջակայքում: Հարցման ընտրանքը կազմել է 1502 մարդ: Հայաստանի 5 մարզերում՝ Արարատում, Գեղարքունիքում, Շիրակում, Սյունիքում և Տավուշում անցկացվել են 299 լրացուցիչ հարցազրույցներ՝ մարզային առանձնահատկությունները ներկայացնելու համար: Հարցումն անկացվել է հեռախոսային զանգերի միջոցով՝ պատահական ընտրանքով: Հետազոտության իրականացնողները նշում են, որ վիճակագրական սխալի չափը չի գերազանցում 2.5 տոկոսը:
11:10 - 29 մայիսի, 2021
Քաղաքական որևէ կազմակերպություն միայնակ հնարավորություն չունի փաստաթուղթը չստորագրելու օրակարգը պարտադրելու․ պետք է լայն հանրային աջակցություն․ Միքայել Նահապետյան

Քաղաքական որևէ կազմակերպություն միայնակ հնարավորություն չունի փաստաթուղթը չստորագրելու օրակարգը պարտադրելու․ պետք է լայն հանրային աջակցություն․ Միքայել Նահապետյան

Մայիսի 14-ին «Քաղաքացու որոշում» սոցիալ-դեմոկրատական կուսակցությունը հայտարարություն տարածեց՝ նշելով․ «Բոլոր կուսակցությունները և հանրային-քաղաքական այլ ուժերը պետք է գան համաձայնության առ այն, որ նախքան ընտրությունների միջոցով նոր և լեգիտիմ Ազգային ժողովի և կառավարության ձևավորումը գործող կառավարությունը և Ազգային Ժողովն Ադրբեջանի հետ որևէ բանակցային փաստաթուղթ չպետք է ստորագրեն»։ Երեկ՝ 1in.am-ին տված հարցազրույցում, ՔՈ ՍԴԿ ԳՄ անդամ Միքայել Նախապետյանը կրկին շեշտեց, որ այս կառավարությունը Ադրբեջանի հետ որևէ փաստաթուղթ ստորագրելու իրավունք չունի, քանի դեռ չեն ձևավորվել նոր լեգիտիմ ԱԺ և կառավարություն։  Կառավարության այսօրվա նիստի ընթացքում վարչապետի պաշտոնակատար Նիկոլ Փաշինյանը, անդրադառնալով Ադրբեջանի հետ հնարավոր փաստաթղթի ստորագրմանը, հայտնեց․  «Այն լուծումները, որոնք այս պահին մեր միջազգային գործընկերների հետ ձեռք են բերված, 100 տոկոսով համապատասխանում են Հայաստանի շահերին, և այո, եթե Ադրբեջանը այդ պայմանավորավածությունները իրագործի, և այն պայմաններում, ինչ որ խոսել ենք, ես այդ թուղթը ստորագրելու եմ, որովհետև դա 100 տոկոսով համապատասխանում է ՀՀ շահերին։ Ես այդ թուղթը չեմ հրապարակի, որովհետև կոռեկտ չի, աշխատանքյաին թուղթ է, բանակցություններ են ընթանում»։ Թեմայի շուրջ Infocom-ը զրուցել է Միքայել Նահապետյանի հետ։   - Պարո՛ն նահապետյան, Ձեր հարցազրույցում ասել էիք, որ այս կառավարությունը որևէ փաստաթուղթ ստորագրելու իրավունք չունի, մինչև ընտրություններ անցկացվեն, ձևավորվեն լեգիտիմ կառավարություն և ԱԺ։ Նիկոլ Փաշինյանն այսօր ասաց, որ փաստաթուղթը 100%-ով բխում է ՀՀ շահերից, և նա պատրաստվում է ստորագրել այն։ Որո՞նք են լինելու «Քաղաքացու որոշում» կուսակցության քայլերը վարչապետի պաշտոնակատարի այս հայտարարությունից հետո։ - Ես հայտնել եմ մեր դիրքորոշումը, որ ժամանակավոր կառավարությունն այդպիսի մանտադ չպիտի ունենա, և դա ապահովելու ճանապարհը լայն հանրային կոնսենսուսն է այդ հարցի շուրջ, այսինքն՝ մարդկանց, ովքեր պատրաստ են արձանագրելու, որ այս կառավարությունը չպետք է այդպիսի բան ստորագրի, որովհետև մեկ կուսակցությունը երբեք չի կարող նման բան պարտադրել, և երկորդ՝ մարդկանց, որոնք կարող են իրենց համար արձանագրել, որ իրենք, այս կառավարությանը նման մանդատ չտալուց բացի, պատրաստ են նաև խոչընդոտել նման գործընթացը։ - Խոչընդոտելն ինչպե՞ս եք պատկերացնում, կոնկրետ ի՞նչ գործողություններով։ - Մասնավորապես, այս պահին հարցը պետք է պահել օրակարգում և փորձել հասկանալ՝ ինչ է փաստաթղթի ամբողջական բովանդակությունը, որ պատրաստվում է ստորագրել, և հանրության տարբեր շերտերի հետ, տարբեր շերտերի միջև աշխատանքով պետք է հասկանալ՝ ինչ ծավալի կոնսենսուս կա այս հարցի շուրջ, որովհետև, կրկնում եմ, մեկ քաղաքական ուժը, որ քաղաքական ուժն ուզում է, լինի, չի կարող միայնակ որոշել և պարտադրել նման բան։ Երբ որ էդպիսի հանրային կոնսենսուս, պատրաստակամություն լինի, հնարավոր է պարտադրել այդպիսի լուծում։ Կոնսենսուսի ձավորումը քաղաքական աշխատանք է, որը տարբեր ֆրոնտներում լինում է։ Այսինքն՝ դա կարող է լինել թե՛ ֆիզիկական գործողություններով՝ ինչ-որ տեղ ինչ-որ բան անելով․․․ - Կոնկրետ ի՞նչ գործողություններ անելով։ - Էս պահին որևէ գործողություն պլանավորված չէ, թեմայի շուրջ հանրային գործընթացը ծավալվում է, դիտարկում ենք նաև հանրային դաշտում առկա տրամադրությունները։ Եթե տեսնենք, որ կա իրական հնարավորություն ոչ թե մարդկանց քաղաքական զբոսանքի հանելու, այլ ռեալ օրակարգը գործնական հունի վրա դնելու, բնականաբար և՛ իմաստ կունենա, և՛ անհրաժեշտ կլինի քայլեր ձեռնարկել։ Այս պահին հնարավոր չէ գնահատական տալ՝  դա հնարավո՞ր է, թե՞ հնարավոր չէ։ - Նիկոլ Փաշինյանի այսօրվա ելույթից կարելի է եզրակացնել, որ նա չի պատրաստվում փաստաթղթի մանրամասները հրապարակել։ Համախմբելով, հանրային պահանջ ձևավորելով կամ ակցիաներ իրականացնելով՝ հնարավոր կլինի՞ ստիպել փաստաթղթի մանրամասները հանրությանը հայտնի դարձնել։ - Դա կախված է նրանից, թե այդ հարցի շուրջ ինչ ծավալի կոնսենսուս և ինչպիսի ճնշման պատրաստակամություն կլինի։ Դուք լրատվական դաշտի դերակատար եք, և վստահ եմ՝ տեղի են ունեցել դեպքեր, երբ խիստ կարևոր հանրային  հարցով Ձեր հարցումները մնացել են անպատասխան։ Որպես մի կազմակերպություն՝ մենակ «Infocom»-ը , վստահ եմ, չի կարողացել պարտադրել, որ պատասխանեն։ Նույն կերպ, որևէ այլ կազմակերպություն, անկախ իր բնույթից, չի կարող դա պարտադրել․ նման պարտադրանք ձևակերպելու և առաջ մղելու շարժիչ ուժը հանրությունն է ու ռեալ կոնսենսուսը։ Մենք ամեն ինչ կանենք, որ այդպիսի կոնսենսուս ձևավորվի։ - Այսօր «Լուսավոր Հայաստան»-ը հայտնեց, որ կազմում է հայտարարության տեքստ, որը հիմք է հանդիսանալու  ԱԺ արտահերթ նիստ գումարելու համար։ Հայտարարության բովանդակությունը լինելու է այն, որ քաղաքական, ռազմական և մարդու իրավունքներին առնչվող որևէ փաստաթուղթ ստորագրվելու պարագայում պետք է նշված փաստաթուղթը  վավերացվի  ՀՀ խորհրդարանում։ Այս քայլն արդյունավետ համարո՞ւմ եք։ - Երբ ես մեր կուսակցության հայտարարությունը հնչեցրի, նաև ասացի, որ մեզ ֆիզիկապես միանալու կարիք չկա, նույնաբովանդակ օրակարգ առաջ մղելու կարիք կա, և քաղաքական ուժերին կոչ արեցի իրենց ուզած հարթակներում, իրենց ուզած ձևաչափով այդ օրակարգն առաջ մղել։ Ես ուրախ եմ, որ «Լուսավոր Հայաստան» կուսակցության մոտ սա արձագանք է գտել, ըստ էության, և իրենք իրենց տիրապետած լծակների շրջանակներում փորձել են այդ օրակարգն իրենց ձևով ձևակերպել և առաջ մղել։ Ուրախ կլինեմ տեսնել այդ օրակարգին աջակցություն՝ անկախ նրանից՝ մենք կլինենք բարձրաձայնելիս, «Լուսավոր Հայաստան»-ը, թե որևէ այլ քաղաքական ուժ։ Արդյունավետության մասով․ բնականաբար, այդ կուսակցությունը պառլամենտական մեծամասնություն չունի, մենակ «Լուսավոր»-ի քվեարկությունը չի բավարարելու։ Էլի հետ ենք գալիս այն կետին, որ որևէ քաղաքական կազմակերպություն միայնակ հնարավորություն չունի այդ օրակարգը պարտադրելու․ դրա համար պետք է լայն հանրային աջակցություն։  - Դատելով հանրային տրամադրություններից և տարբեր քաղաքական ուժերի հետ շփումներից, եթե այդպիսիք եղել են, հարցի շուրջ համախմբվածություն լինելո՞ւ է։ - Ես կարող եմ միանշանակ ասել, որ առաջ քաշված օրակարգը հանրության համար ցանկալի է, բայց միջավայրի անորոշությունը հանրությանը հետ է պահում կտրուկ և միանշանակ դիրքորոշումներ ունենալուց։ Ըստ էության, սրտամոտ է առաջարկը մարդկանց, բայց նրանք համոզված չեն՝ պե՞տք է նման բան պարտադրել, թե՞ չէ։ Հանրային լայն շրջանակների հետ աշխատանքի ամբողջ տրամաբանությունը և քաղաքական ուժերի խոսքի, գործունեության ամբողջ տրամաբանությունը հենց այլընտրանքներ ու երաշխիքներ առաջարկել, առաջ քաշելն է՝ ցուց տալու, որ այդ փաստաթղթի ստորագրումը Հայաստանի ո՛չ լավագույն, ո՛չ նվազագույն շահը չէ, և կան այլ տարբերակներ։ - Եթե քաղաքական որևէ ուժ կամ քաղաքացիական նախաձեռնություն ակցիաներ կազմակերպի կամ հայտարարության տեքստ պատրաստի այս հարցով, ՔՈ-ն կմիանա՞։ - Մենք որպես աշխատանքի սկզբունք ենք վերցրել համատեղ հայտարարություններ ստորագրելուց զերծ մնալը։ Եթե որևէ քաղաքացի, քաղաքացիական որևէ նախաձեռնություն, կուսակցություն այս օրակարգն իր ձևով, իր կետում, կլինի դա Մեղրիում, Շամշադինում թե Ազատության հրապարակում, բարձրացնի, մենք այդ կետի շուրջ համերաշխ ենք այդ մարդու հետ։ - Հնարավո՞ր է այնպիսի սցենար, որ հիմա որևէ փաստաթուղթ չստորագրվի, և ընտրություններից հետո իշխանության գալու պարագայում Նիկոլ Փաշինյանը ստորագրի փաստաթուղթը։ Եթե հիմա հարցը բերվի հանրային օրակարգ, փաստաթղթի ստորագրումը խափանվի, չի՞ կարող այն հետո ստորագրվել։ - Միանշանակ, կարող է, բայց ընտրությունների արդյունքների ամփոփումից հետո հանրությունը չի կորցնում պետության նկատմամբ սեփականության իրավունքը։ Էնպես չէ, որ ընտրություններից հետո հանրությունն իրավունք չունի որևէ բան պահանջելու կամ պարտադրելու։  - Ճի՞շտ հասկացա, որ եթե այս հարցում պայքարելու արդյունավետ տարբերակ լինի, օրինակ, փողոց դուրս գալը, ՔՈ-ն կգնա դրան։ - Որևէ մեխանիզմ, որը մեզ համար արժեքային իմաստով ընդունելի է, մենք կաշկանդված չենք կիրառել։   Ավելի ուշ «Լուսավոր Հայաստան»-ը հայտարարություն տարածեց՝ առաջարկելով արտահերթ ընտրություններին մասնակցելու հայտ ներկայացրած բոլոր ուժերին միասնական փաստաթուղթ ստորագրել՝ հայտարարելով, որ մինչև Հայաստանում նոր իշխանությունների ձևավորումը ոչ մի բանակցություն չպետք է վարվի, և ոչ մի փաստաթուղթ չպետք է ստորագրվի առկա իշխանության և նրա ժամանակավոր պաշտոնակատարների կողմից։ ՔՈ ՍԴԿ-ն ողջունեց հայտարարությունը՝ իր համերաշխությունը հայտնելով այս օրակարգը ընդունող ուժերին։
16:36 - 20 մայիսի, 2021