Ալեքսեյ Նավալնի

ՌԴ արդարադատության նախարարը Նավալնիին ազատ արձակելու ՄԻԵԴ պահանջն անիրագործելի է համարում |tert.am|

tert.am: Մարդու իրավունքների եվրոպական դատարանի (ՄԻԵԴ) պահանջը՝ ընդդիմադիր Ալեքսեյ Նավալնիին կալանքից ազատելու մասին, անիրագործելի է, այն հակասում է Ռուսաստանի օրենսդրությանը և չի պարունակում հղում օրենքի նորմերին: Այս մասին հայտարարել է ՌԴ արդարադատության նախարար Կոնստանտին Չույչենկոն, գրում է «Ինտերֆաքս» գործակալությունը: «Այսօր ՄԻԵԴ-ից Նավալնիին ազատ արձակելու պահանջը աննախադեպ է մի քանի պատճառներով: Նախ, սա հստակ և կոպիտ միջամտություն է ինքնիշխան պետության դատական համակարգի գործունեությանը», - ասված է Չույչենկոյի մեկնաբանության մեջ: «Երկրորդ, այս պահանջն անհիմն է և անօրինական, քանի որ այն չի պարունակում որևէ փաստ կամ օրենքի նշում, որը դատարանին հնարավորություն կտա նման որոշում կայացնել»,-ասել է նախարարը: Երրորդ, նա նշել է, որ «պահանջն ակնհայտորեն անիրագործելի է, քանի որ, համաձայն Ռուսաստանի օրենսդրության, այս անձին կալանքից ազատելու իրավական հիմքեր չկան»: Մարդու իրավունքների եվրոպական դատարանը ավելի վաղ պահանջել էր անհապաղ ազատ արձակել Ալեքսեյ Նավալնիին:

22:12 - 17 փետրվարի, 2021

ՄԻԵԴ-ը պահանջել է ազատ արձակել Նավալնիին |tert.am|

tert.am: Մարդու իրավունքների եվրոպական դատարանը պահանջել է անհապաղ ազատ արձակել Ալեքսեյ Նավալնիին: Այս մասին տեղեկացնում է «ՌԻԱ Նովոստի» գործակալությունը` հղում տալով Նավալնիի փաստաբան Օլգա Միխայլովային: Փաստաբանը բացատրել է, որ ՄԻԵԴ-ը կիրառել է ժամանակավոր միջոցներ կիրառելու մասին կանոնակարգի 39-րդ կանոնը: Դրանք պարտադիր են և օգտագործվում են, եթե դատարանը գտնում է, որ դիմումատուն վտանգված է: Փետրվարի 2-ին Մոսկվայի Սիմոնովսկի դատարանը չեղյալ է հայտարարել Նավալնիի պայմանական պատժաչափը Իվ Ռոշերի գործով և փոխարինել է այն իրական կալանքով, քանի որ դատապարտյալը խախտել է փորձաշրջանի պայմանները ՝ շուրջ 60 անգամ ժամանակին գրանցված չլինելով ստուգումներին և ստանալով բազմաթիվ վարչական տույժեր:

18:53 - 17 փետրվարի, 2021

Նավալնիի փաստաբանները դիմում են ներկայացրել Եվրոպային խորհուրդ՝ ՄԻԵԴ-ի չիրականացված որոշման առնչությամբ |tert.am|

tert.am: Ռուս բլոգեր, ընդդիմադիր գործիչ Ալեքսեյ Նավալնիի պաշտպանությունը դիմել է Եվրոպայի խորհրդի նախարարներ հանձանաժողովին՝ կապված «Իվ Ռոշեի» գործով Մարդու իրավունքների եվրոպական դատարանի որոշման չկատարման հետ: ТАСС գործակալության փոխանցմամբ՝ այս մասին հայտնել է Նավալնիի փաստաբան Օլգա Միխայլովան: Նրա խոսքով՝ իրենց դիմումը դիտարկվելու է մարտին կայանալիք նիստում: Նրա խոսքով՝ պաշտպանությունը խնդրելու է հանձնաժողովին Ռուսաստանի դեմ կիրառել Մարդու իրավունքների պաշտպանության 46-րդ կոնվենցիան: 2017 թվականի աշնանը ՄԻԵԴ-ը Նավալնիների դիմումի համաձայն նրանց 80 000 եվրոյի փոխհատուցում է հատկացրել՝ ընդունելով, որ ռուսական իշխանությունները Մարդու իրավունքների հարցով եվրոպական կոնվենցիայի մի շարք հոդվածներ են խախտել նրանց նկատմամբ «Իվ Ռոշեի» գործի դատավարության ժամանակ:

21:53 - 13 փետրվարի, 2021

Զախարովան Նավալնիի կողմնակիցների` ՌԴ-ի նկատմամբ պատժամիջոցներ կիրառելու կոչերը «դավաճանություն» է բնորոշել |tert.am|

tert.am: ՌԴ ԱԳՆ խոսնակ Մարիա Զախարովան դավաճանություն է որակել այն փաստը, որ ընդդիմության առաջնորդ Ալեքսեյ Նավալնիի կողմնակիցները ԵՄ-ի ու ԱՄՆ-ի պաշտոնյաների հետ քննարկում են Ռուսաստանի դեմ պատժամիջոցներ կիրառելու հնարավորությունը: Այս մասին գրում է «ՌԻԱ Նովոստի» գործակալությունը:«Դա գռեհիկ է, միշտ էլ այդպես է եղել: Վերցրեք նույնիսկ մեր հեղինակների դասական գործերը. բարձր գրականությունից մինչև մանկական հեքիաթներ: Մեր երկրի համար սա միանշանակ որակավորում ունեցող պատմություն է: Մենք այժմ իրավական հիմք չենք քննարկում: Ինչ վերաբերում է բարոյական և էթիկական գնահատականին, ապա դա դավաճանություն է»,-ասել է Զախարովան:Լիագումար նիստի արդյունքներով, Եվրախորհրդարանի պատգամավորները ձայների մեծամասնությամբ ընդունել են Ռուսաստանում Նավալնին ձերբակալելու վերաբերյալ բանաձև, որով նրանք պահանջում են, որ Եվրամիությունը «անհապաղ խոչընդոտի «Հյուսիսային հոսք 2» ծրագրի ավարտին:

13:20 - 09 փետրվարի, 2021

Բլինկենը հայտարարել Է, որ ԱՄՆ-ն Նավալնիի հետ կապված իրադրության պատճառով պատրաստվում է ՌԴ-ի նկատմամբ «պատշաճ միջոցներ» ձեռնարկել |tert.am|

tert.am: ԱՄՆ նախագահ Ջո Բայդենի վարչակազմը ռուս ընդդիամադիր գործիչ Ալեքսեյ Նավալնիի հետ կապված իրադրության պատճառով պատրաստվում է ՌԴ-ի նկատմամբ «պատշաճ միջոցներ» ձեռնարկել, CNN-ի եթերում հայտարարել է ԱՄՆ պետքարտուղար Էնթոնի Բլինկենը։Հեռուստատեսության լրագրողը պետքարտուղարից հետաքրքրվել է, թե Բայդենի վարչակազմը ինչ միջոցներ է պատրաստվում ձեռնարկել Ռուսաստանի նկատմամբ։ Բլինկենի խոսքով՝ ԱՄՆ-ն «խորհրդակցություններ է անցկացնում և սերտ համագործակցության մեջ է այլ երկրների հետ, որոնք մտահոգություն ունեն Նավալնիի հետ կապված իրադրության պատճառով»։Բլինկենը, մասնավորապես, անդրադարձել է անցյալ տարվա ամռանը Նավալնիի ենթադրյալ թունավորման հետ կապված միջադեպին:«Դա Ռուսաստանի կողմից քիմիական զենքի արգելման մասին կոնվենցիայի և այլ պարտավորությունների խախտում է, որը ենթադրում է պատժամիջոցների սահմանում»,- հավելել է Բլինկենը:

09:30 - 09 փետրվարի, 2021

Ժոզեֆ Բորելի՝ Մոսկվա կատարած այցի ժամանակ եվրոպացի դիվանագետները կապ են հաստատել Նավալնիի փաստաբանների հետ |tert.am|

tert.am: ԵՄ արտաքին ու անվտանգային քաղաքականության հարցերով բարձր ներկայացուցիչ Ժոզե Բորելի՝ Մոսկվա կատարած այցի ժամանակ պատվիրակությամբ կազմում եղած եվրոպացի դիվանագետները կապ են հաստատել ռուս ընդդիմադիր գործիչ, այժմ ազատազրկված Ալեքսեյ Նավալնիի փաստաբանների հետ, ТАСС-ի փոխանցմամբ՝ ասված է Եվրամության արտաքին քաղաքական ծառայության տարածած հաղորդագրությունում: «Բորելը հայտարարել է, որ ԵՄ անդամ պետությունների ԱԳ նախարարները արտաքին հարաբերությունների խորհրդում քննարկելու են Նավալնիին ազատազրկելու հետևանքներն ու դրա առնչությամբ ԵՄ հետագա գործողությունները: Այցի ժամանակ շփումներ են եղել Նավալնիի փաստաբանների հետ»,- նշված է հաղորդագրությունում:

12:33 - 07 փետրվարի, 2021

Նավալնիի թունավորումից հետո ԵՄ-Ռուսաստան հարաբերություններն ամենածանր վիճակում են, ասում է Բորելը |azatutyun.am|

azatutyun.am: Ընդդիմադիր Ալեքսեյ Նավալնիի թունավորումից հետո Եվրամիության և Ռուսաստանի հարաբերությունները գտնվում են ամենածանր վիճակում։ Այս մասին հայտարարել է Եվրամիության դիվանագիտության ղեկավար Ժոզեպ Բորելը Մոսկվայում Սերգեյ Լավրովի հետ բանակցություններից առաջ։ Ռուսաստանի արտգործնախարարը, բացելով հանդիպումը, Մոսկվայի և Բրյուսելի գլխավոր խնդիր է անվանել «եվրասիական տարածքում երկու խոշորագույն խաղացողների հարաբերություններում նորմալության բացակայությունը»։ «Դա անառողջ իրավիճակ է, որը որևէ մեկի համար շահավետ չէ», - ընդգծել է Լավրովը և հավելել, որ Մոսկվան պատրաստ է Եվրամիության հետ քննարկել ցանկացած անհանգստացնող թեմա։ Ժոզեպ Բորելի այցը նման բարձրաստիճան եվրոպական պաշտոնյայի առաջին այցն է Ռուսաստան 2017 թվականից ի վեր։ Մոսկվայի և Բրյուսելի հարաբերությունները լարված են 2014 թվականից՝ Ռուսաստանի կողմից Ղրիմի բռնակցումից ի վեր։

14:51 - 05 փետրվարի, 2021

Վերսկսվել են Նավալնիի դեմ ևս մեկ քրեական գործով դատական լսումները |azatutyun.am|

azatutyun.am: Մոսկովյան դատարաններից մեկն այսօր վերսկսել է ընդդիմադիր գործիչ Ալեքսեյ Նավալնիի դեմ ևս մեկ քրեական գործով լսումները։ Քաղաքական գործիչը մեղադրվում է սուտ տեղեկություններ տարածելու, անձի արժանապատվությունը ոտնահարելու մեջ։ Դատական գործընթացն ավելի վաղ դադարեցվել էր Նավալնիի՝ Գերմանիայում բուժվելու պատճառով։ Այս քրեական գործը հարուցվել էր անցած տարվա հունիսին։ Սոցիալական ցանցերում քաղաքական գործիչը հայտարարել էր, թե մարդիկ, ովքեր նկարահանվել են Սահմանադրական փոփոխությունների մասին RT հեռուստաընկերության քարոզչական գովազդում, «ծախված դավաճաններ են»։ Քննությունը պնդում է, որ Նավալնիի այդ խոսքերը վիրավորել են նկարահանումներին մասնակցած 95-ամյա վետերան Իգնատ Արտյոմենկոյին։ Ռուսաստանում «Նովիչոկ» տեսակի նյութով թունավորումից Գերմանիայում բուժումը ավարտելուց հետո Ալեքսեյ Նավալնին հունվարի 17-ին վերադարձել է Ռուսաստան և անմիջապես ձերբակալվել, ապա կալանավորվել։ Փետրվարի 2-ին դատարանը նրան 3,5 տարվա ազատազրկման է դատապարտել։ Նավալնիի շուրջ իրադարձություններն ուղեկցվում են ռուսաստանյան տասնյակ քաղաքներում, այդ թվում՝ մայրաքաղաք Մոսկվայում և Սանկտ Պետերբուրգում բազմամարդ ցույցերով, որոնց հազարավոր մասնակիցներ բերման են ենթարկվել, հարուցվել է շուրջ հինգ տասնյակ քրեական գործ։

13:55 - 05 փետրվարի, 2021

ԱՄՆ Կոնգրեսում առաջարկում են պատժամիջոցներ կիրառել ՌԴ-ի դեմ՝ կապված Նավալնիի գործի հետ |1lurer.am|

1lurer.am: Վեց ամերիկացի սենատորներ ԱՄՆ Կոնգրեսին են ներկայացրել ռուս պաշտոնյաների նկատմամբ պատժամիջոցներ կիրառելու վերաբերյալ օրինագիծ՝ կապված Ալեքսեյ Նավալնիի գործի հետ՝ փոխանցում է Интерфакс գործակալությունը: Ամերիկացի կոնգրեսականների ներկայացրած օրինագծի նպատակն է պատասխանատվության ենթարկել Ռուսաստանին: Սենատորների խումբն առաջին անգամ այս օրինագիծն առաջարկել էր սեպտեմբերին: Օրինագծի համաձայն՝ ԱՄՆ վարչակազմը պետք է պարզի՝ արդյոք Կրեմլը խախտե՞լ է քիմիական ու կենսաբանական զենքի կիրառման մասին օրենքները: Եթե հաստատվի, որ այս կամ այն իշխանավորները խախտել են միջազգային օրենսդրությունը, ապա առաջարկվում է պատժամիջոցներ սահմանել նրանց նկատմամբ:

15:42 - 04 փետրվարի, 2021

Եվրամիության երկրների ԱԳ նախարարները կքննարկեն Նավալնիի հետ կապված հետագա քայլերը |armenpress.am|

armenpress.am: Եվրոպական միության անդամ երկրների արտաքին գործերի նախարարները փետրվարի 22-ին ԵՄ ԱԳՆ խորհրդի նիստում կքննարկեն ռուս ընդդիմադիր գործիչ Ալեքսեյ Նավալնիի շուրջ տեղի ունեցող իրադարձությունների հետ կապված հետագա քայլերը: Ինչպես հաղորդում է «Ռիա-նովոստի»-ն, այդ մասին ԵՄ անունից հայտարարել է Եվրոպական դիվանագիտության ղեկավար Ժոզեպ Բորելը: «Եվրոպական միությունը կվերադառնա այդ հարցին արտաքին գործերի հարցերով խորհրդի նիստին և կքննարկի դրա հետևանքները և հետագա հնարավոր գործողությունները»,- ասված է հայտարարության մեջ: Միաժամանակ, ԵՄ հայտարարության մեջ բացակայում է Նավալնիի շուրջ իրավիճակով պայմանավորված նոր պատժամիջոցների կիրառման մասին հիշատակումը, ինչի մասին նշել էին Արևելյան Եվրոպայի պետությունների ներկայացուցիչները, այդ թվում՝ Հունաստանի ԱԳ նախարար Նիկոս Դենդիսը: Ալեքսեյ Նավալնին Ռուսաստանում դատապարտվել է 3,5 տարվա ազատազրկման:

20:35 - 03 փետրվարի, 2021

Մեծ Բրիտանիայի վարչապետը և Ավստրիայի կանցլերը կոչ են արել ազատ արձակել Նավալնիին |tert.am|

tert.am: Մեծ Բրիտանիայի վարչապետ Բորիս Ջոնսոնը և Ավստրիայի կանցլեր Սեբաստիան Կուրցը Մոսկվային կոչ են արել անհապաղ ազատ արձակել ռուս ընդդիմադիր գործիչ Ալեքսեյ Նավալնիին: Այս մասին հայտնում է Business Standard-ը:Նշվում է՝ Մեծ Բրիտանիայի վարչապետն իր թվիթերյան պաշտոնական միկրոբլոգում այս առնչությամբ գրառում է կատարել ու հորդորել ՌԴ իշխանություններին անհապաղ ազատ արձակել ընդդիմադիր գործչին:«Թունավորումից հետո Ալեքսեյ Նավալնիի՝ Ռուսաստան վերադառնալու որոշումն իրապես համարձակ և անձնուրաց արարք էր: Այսօրվա որոշումն, ընդհակառակը, իսկական վախկոտություն էր և չէր համապատասխանում արդարադատության ամենահիմնական չափանիշներին: Ալեքսեյ Նավալնին պետք է անհապաղ ազատ արձակվի»,- գրել է Ջոնսոնը:Միևնույն ժամանակ, նմանատիպ հայտարարությամբ է հանդես եկել Ավստրիայի կանցլեր Սեբաստիան Կուրցը: «Մոսկվայում Ալեքսեյ Նավալնիի դեմ կայացված դատավճիռն անընդունելի է։ Ես պահանջում եմ աnհապաղ ազատ արձակում, ինչպես նաև խաղաղ ցուցարարների նկատմամբ բռնության դադարեցում։ Իրավական պետականությունն ու ազատ արտահայտման իրավունքը պետք է ապահովվեն»,-իր հերթին գրել է Կուրցը։

13:40 - 03 փետրվարի, 2021

Դատարանը Նավալնուն դատապարտել է 3.5 տարվա ազատազրկման |armenpress.am|

armenpress.am: Մոսկվայի Սիմոնովյան դատարանը Իվ Ռոշեյի գործով չեղարկել է ռուս ընդդիմադիր գործիչ Ալեքսեյ Նավալնու նկատմամբ պայմանական ազատազրկումը՝ փոխարինելով այն իրականով: Ինչպես հաղորդում է ՌԻԱ Նովոստին, Նավալնին դատապարտվել է 3.5 տարվա ազատազրկման:

22:05 - 02 փետրվարի, 2021

Նավալնիի դատաքննությանը մասնակցելու համար Մոսկվա են ժամանել 13 երկրի ներկայացուցիչներ |tert.am|

tert.am: 13 երկրի, ինչպես նաև Եվրամիության ներկայացուցիչները Մոսկվայի քաղաքային դատարանում են, որտեղ տեղի է ունենում ռուս ընդդիմադիր գործիչ Ալեքսեյ Նավալնիի գործով դատական նիստը: Այս մասին «ՌԻԱ Նովոստի»-ի թղթակիցը:Նշվում է՝ դատարանի տարածքում են ԱՄՆ-ի, Մեծ Բրիտանիայի, Գերմանիայի, Շվեյցարիայի, Նիդեռլանդների, Շվեդիայի, Ավստրիայի, Չեխիայի, Լիտվայի, Կանադայի, Լատվիայի, Լեհաստանի և Նորվեգիայի ներկայացուցիչները: Ավելի վաղ Կրեմլն ու Ռուսաստանի արտգործնախարարությունը դատապարտել էին օտարերկրյա դիվանագետների ժամանումը երկիր՝ Նավալնիի գործի քննությանը ներկա լինելու նպատակով:ՌԴ ԱԳՆ խոսնակ Մարիա Զախարովան հայտարարել էր, որ Նավալնիի գործով դատավարությանն օտարերկրյա դիվանագետների ներկայությունը միջամտություն է Ռուսաստանի Դաշնության ներքին գործերին և Արևմուտքի կողմից Ռուսաստանին զսպելու փորձ է:

17:20 - 02 փետրվարի, 2021

Մոսկովյան դատարանն Ալեքսեյ Նավալնիի կնոջը պարտավորեցրել է 20 000 ռուբլի տուգանք վճարել tert.am

tert.am։ Մոսկովյան դատարաններից մեկը բողոքի ակցիա անցկացնելու կանոնների խախտման համար տուգանել է մեկուսարանում գտնվող ռուս ընդդիմադիր գործիչ Ալեքսեյ Նավալնիի կնոջը՝ Յուլիա Նավալնայային: Այս մասին տեղեկացնում է РЕН ТВ հեռուստաալիքը: Նավալնիի կինը մեղավոր է ճանաչվել վարչական օրենսգրքի 20.2 հոդվածով («հավաքի, հանդիպման, ցույցի, երթի կամ պիկետի կազմակերպման կամ անցկացման սահմանված կարգի խախտում»): Ատյանի որոշմամբ՝ Նավալնայայի նկատմամբ կայացվել է 20 000 ռուբլի վարչական տուգանքի նշանակման որոշում: Հիշեցնենք, որ երեկ նրան բերման էին ենթարկել Մոսկվայում չարտոնված ցույցին մասնակցելու համար, որից հետո նա ազատ էր արձակվել՝ ներկայանալու պարտավորությամբ:

16:55 - 01 փետրվարի, 2021

Արևմուտքը Մոսկվայից պահանջում է անհապաղ ազատ արձակել ձերբակալված ցուցարարներին |azatutyun.am|

azatutyun.am։ Երեկ Ռուսաստանի տարբեր քաղաքներում ոստիկանները ձերբակալել են ընդդիմադիր առաջնորդ Ալեքսեյ Նավալնիի աջակիցների կազմակերպած բողոքի ցույցերի ավելի քան հինգ հազար մասնակիցների: Ընդդիմադիր ակտիվիստները դուրս են եկել փողոցներ՝ անտեսելով ցուրտ եղանակը և իրավապահների կոշտ գործողությունները: Բախումներ են տեղի ունեցել մայրաքաղաք Մոսկվայում և Սանկտ Պետերբուրգում: Մեծ թվով ցուցարարներ վանկարկել են «Պուտինը մարդասպան է», «Նավալնին հերոս է» կարգախոսները: Իրավապահները հունվարի 17-ին կալանավորել են Նավալնիին, երբ նա վերադարձել է Բեռլինից, որտեղ բուժում է ստացել այն բանից հետո, երբ նրան անցյալ տարվա ամռանը փորձել են թունավորել «Նովիչոկ» տեսակի նյարդապարալիտիկ նյութով: ԱՄՆ պետքարտուղար Էնթոնի Բլինքենը, Մեծ Բրիտանիայի արտգործնախարար Դոմինիկ Ռաաբը և տասնյակ երկրների բարձրաստիճան պաշտոնյաներ պահանջել են անհապաղ ազատ արձակել ընդդիմադիր բլոգերին ու նրա աջակիցներին:

14:56 - 01 փետրվարի, 2021

Մոսկվայում չարտոնագրված ցույցի ժամանակ ձերբակալել են Ալեքսեյ Նավալնիի կնոջը |tert.am|

tert.am: Մոսկվայում ընթացող չարտոնագրված բողոքի ցույցերի ժամանակ ձերբակալվել է ընդդիմադիր գործիչ Ալեքսեյ Նավալնիի կինը՝ Յուլիան: Ինչպես հաղորդում է ТАСС գործակալությունը, ոստիկանները նրան ձերբակալել են անօրինական երթի ժամանակ և տեղափոխել «Մատրոսկայա Տիշինա» մեկուսարան, որտեղ գտնվում է նրա ամուսինը: «Յուլիա Նավալնայային ձերբակալել են, նրա կարգավիճակը դեռևս հայտնի չէ, քանի որ կապ չկա»,- գործակալության հետ զրույցում ասել է նրա փաստաբան Սվետլանա Դավիդովան: Նավալնայային ձերբակալել էին նաև հունվարի 23-ին տեղի ունեցած ակցիայի շրջանակներում, սակայն ավելի ուշ ազատ էին արձակել: Հիշեցնենք, որ Ալեքսեյ Նավակնին ձերբակալվել էր Շերեմետևո օդանավակայանում՝ հունվարի 17-ին, Գերմանիայից վերադառնալուց անմիջապես հետո:

17:45 - 31 հունվարի, 2021