Անտոնիու Գուտերիշ

Ծնվել է 1949 թվականին Լիսաբոնում։ Բարձրագույն կրթությունն ստացել է Բարձրագույն տեխնիկական ինստիտուտում, որտեղ դասավանդել է 1973-1975 թվականներին և կապվել կաթոլիկ երիտասարդական որոշ շարժումների հետ։ 1974 թվականին միանալով Պորտուգալիայի Սոցիալիստական կուսակցությանը՝ սկսել է զբաղվել քաղաքականությամբ։ 1992 թվականին դարձել է կուսակցության գլխավոր քարտուղարը, իսկ 1995-2002 թվականներին գլխավորել Պորտուգալիայի կառավարությունը։

ՄԱԿ-ի գլխավոր քարտուղար (հունվարի 1, 2017)։ 1992-2002 թվականներին եղել է Պորտուգալիայի Սոցիալիստական կուսակցության գլխավոր քարտուղարը (անդամ՝ 1974 թվականից), 1995-2002 թվականներից՝ Պորտուգալիայի Հանրապետության վարչապետը, 1999-2005 թվականներին՝ Սոցիալիստական ինտերնացիոնալի նախագահը, 2005 թվականից՝ ՄԱԿ-ի հանձնակատարը՝ փախստականների գծով։ 2016 թվականի ապրիլի 7-ից Պորտուգալիայի պետական խորհրդատուն է։ 2016 թվականի հոկտեմբերի 5-ին հայտարարվեց Գուտերեշի հաղթանակի մասին՝ ՄԱԿ-ի Անվտանգության խորհրդի քվեարկության արդյունքում կազմակերպության գլխավոր քարտուղարի պաշտոնը ստանձնելու համար։

2005-2015 թվականներին՝ 10 տարի շարունակ, եղել է ՄԱԿ-ի հանձնակատարը՝ փախստականների գծով։

ՄԱԿ-ի գլխավոր քարտուղարն ակնկալում է, որ կպահպանվեն հումանիտար զինադադարի պարտավորությունները

 |armenpress.am|

ՄԱԿ-ի գլխավոր քարտուղարն ակնկալում է, որ կպահպանվեն հումանիտար զինադադարի պարտավորությունները |armenpress.am|

armenpress.am: Միավորված ազգերի կազմակերպության գլխավոր քարտուղար Անտոնիո Գուտերեշն ակնկալում է, որ կպահպանվեն Հայաստանի և Ադրբեջանի միջև հոկտեմբերի 18-ին հումանիտար զինադադար հաստատելու պայմանավորվածության պարտավորությունները: Այս մասին ասված է Գլխավոր քարտուղարի խոսնակի հայտարարության մեջ: Խոսնակը նշել է, որ Գլխավոր քարտուղարը դատապարտում է հակամարտության ընթացքում քաղաքացիական բնակավայրերի թիրախավորումները և անընդունելի համարում դրանց հետևանքով խաղաղ բնակիչների և երեխաների սպանությունները: Գուտերեշը խորապես ցավում է այն առնչությամբ, որ մշտապես անտեսվում են միջազգային հանրության բազմաթիվ կոչերը՝ անհապաղ դադարեցնելու ռազմական գործողությունները: Հայաստանի և Ադրբեջանի արտաքին գործերի նախարարների հետ զրույցներում Գուտերեշն ընդգծել է միջազգային մարդասիրական իրավունքի պահպանման անհրաժեշտությունը և ռազմական գործողությունների ընթացքում քաղաքացիական անձանց ու ենթակառուցվածքների պաշտպանության կարևորությունը: Գլխավոր քարտուղարն ակնկալում է, որ կպահպանվեն հոկտեմբերի 18-ին հումանիտար զինադադար հաստատելու մասին վերջին հայտարարությամբ ընդգծված պարտավորությունները և անհապաղ կսկսվեն առարկայական բանակցությունները ԵԱՀԿ Մինսկի խմբի համանախագահության հովանու ներքո:
19:30 - 18 հոկտեմբերի, 2020
ՀՀ ԱԳ նախարար Զոհրաբ Մնացականյանը հեռախոսազրույց ունեցավ ՄԱԿ Գլխավոր քարտուղար Անտոնիո Գուտերեշի հետ

ՀՀ ԱԳ նախարար Զոհրաբ Մնացականյանը հեռախոսազրույց ունեցավ ՄԱԿ Գլխավոր քարտուղար Անտոնիո Գուտերեշի հետ

Հոկտեմբերի 15-ին ՀՀ ԱԳ նախարար Զոհրաբ Մնացականյանը հեռախոսազրույց ունեցավ Միավորված Ազգերի Կազմակերպության Գլխավոր քարտուղար Անտոնիո Գուտերեշի հետ։ ՀՀ ԱԳ նախարարը ՄԱԿ-ի Գլխավոր քարտուղարին ներկայացրեց Ադրբեջանի կողմից Արցախի դեմ սանձազերծած աննախադեպ լայնամասշտաբ ագրեսիայի արդյունքում ստեղծված իրադրությունը: Այս համատեքստում նախարարը իր խորին մտահոգությունը հայտնեց ադրբեջանական զինուժի կողմից տարբեր տրամաչափի զինատեսակների կիրառմամբ Արցախի քաղաքացիական բնակչության և ենթակառուցվածքների դիտավորյալ թիրախավորման առնչությամբ: Զրույցի ընթացքում նախարար Մնացականյանը նշեց, որ Ադրբեջանը մինչ օրս չի կատարում հոկտեմբերի 10-ին կրակի դադարեցման վերաբերյալ նախարարական մակարդակով ձեռք բերված համաձայնությունը և շարունակաբար թիրախավորում է խաղաղ բնակչությանը՝ պատճառելով մարդկային կորուստներ: Նախարար Մնացականյանն ընդգծեց նաև Հայաստանի Հանրապետության ինքնիշխան տարածքի նկատմամբ ադրբեջանական սարդիչ գործողությունների անթույլատրելիությունը: ԱԳ նախարարը խորը մտահոգություն հայտնեց Ադրբեջանի կողմից սանձազերծված ագրեսիայում Թուրքիայի ներգրավվածությամբ, ինչը դրսևորվում է վերջինիս անմիջական ռազմական մասնակցությամբ և Մերձավոր Արևելքից Ադրբեջան օտարերկրյա զինյալ ահաբեկիչների տեղափոխմամբ, ինչը լուրջ սպառնալիք է տարածաշրջանային անվտանգության և խաղաղության համար: Նախարար Մնացականյանի խոսքով՝ Ադրբեջանի գործողություններն առավել ընդգծում են Արցախի ժողովորդի գոյութենական վտանգը և հրամայական դարձնում այն չեզոքացնելու ուղղությամբ միջազգային հանրության գործուն ջանքերի ձեռնարկումը, այդ թվում՝ Արցախի ժողովրդի ինքնորոշման իրավունքի ճանաչման և իր պատմական հայրենիքում ազատ և արժանապատիվ ապրելու իրավունքի իրականացման միջոցով: ՀՀ ԱԳ նախարարը, ներկայացնելով Արցախում ստեղծված հումանիտար իրավիճակը, առանձնահատուկ կարևորեց ՄԱԿ-ի և իր համապատասխան մարմինների կողմից հումանիտար աջակցության հասանելիության անհապաղ ապահովումը տեղում՝ մեղմելու Արցախի քաղաքացիական բնակչության տառապանքները և հասցեագրելու նրանց առաջնահերթ կարիքները՝ համաձայն ՄԱԿ նպատակների ոգուն: ՄԱԿ-ի գլխավոր քարտուղարը մտահոգություն հայտնեց Լեռնային Ղարաբաղի հակամարտության գոտում իրադրության վերջին զարգացումների վերաբերյալ և ընդգծեց ռազմական գործողությունների անհապաղ դադարեցման և խնդրի կարգավորման շուրջ բանակցությունների վերսկսման կարևորությունը:
12:19 - 16 հոկտեմբերի, 2020
Անտոնիու Գուտերեշը կոչ է արել Բաքվին ու Երևանին հետևել հրադադարի ռեժիմին |factor.am|

Անտոնիու Գուտերեշը կոչ է արել Բաքվին ու Երևանին հետևել հրադադարի ռեժիմին |factor.am|

factor.am: ՄԱԿ-ի գլխավոր քարտուղար Անտոնիո Գուտերեշը կոչ է արել Բաքվին ու Երևանին հետևել հրադադարի ռեժիմին ու շուտափույթ համաձայնության գալ զինադադարի մանրամասների շուրջ, ասվում է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկի տարածած հայտարարության մեջ, փոխանցում է ՌԻԱ Նովոստին։ «Գլխավոր քարտուղարը ողջունում է հումանիտար նպատակներով հրադադարի մասին պայմանավորվածությունները, ինչի մասին երեկ երեկոյան Մոսկվայում հայտարարել էին Ռուսաստանի, Ադրբեջանի ու Հայաստանի արտգործնախարարները։ Նա իր երախտիքն է հայտնում Ռուսաստանի Դաշնությանը՝ միջնորդական ջանքերի համար»,- հայտարարել է Դյուժարիկը։ ՄԱԿ-ի գլխավոր քարտուղարը նաև կոչ է արել միջազգային հանրությանն աջակցել Լեռնային Ղարաբաղում հրադադարի մասին պայմանավորվածությունները։ Նրա խոսքով՝ ինչպես և նախկինում, անհրաժեշտ է կողմերին դրդել լուծել իրենց տարաձայնությունները խաղաղ ճանապարհով։
22:58 - 10 հոկտեմբերի, 2020
ԱԳ նախարար Զոհրաբ Մնացականյանը նամակ է հղել ՄԱԿ Գլխավոր քարտուղարին

ԱԳ նախարար Զոհրաբ Մնացականյանը նամակ է հղել ՄԱԿ Գլխավոր քարտուղարին

ԱԳ նախարար Զոհրաբ Մնացականյանի նամակը ՄԱԿ Գլխավոր քարտուղար Անտոնիո Գուտերեշին «Սեպտեմբերի 28-ին ԱԳ նախարար Զոհրաբ Մնացականյանը ՄԱԿ-ի Գլխավոր քարտուղար Անտոնիո Գուտերեշին նամակ է հղել, որում ներկայացրել է Ադրբեջանի կողմից Արցախի դեմ սանձազերծված լայնամասշտաբ ագրեսիան և դրա հետևանքով ստեղծված իրադրությունը: Նախարարը տեղեկություններ է հաղորդել ադրբեջանական զինուժի կողմից տարբեր տրամաչափի զինատեսակների կիրառմամբ Արցախի քաղաքացիական բնակչության և ենթակառուցվածքների դիտավորյալ թիրախավորման դեպքերի, սադրիչ գործողությունների վերաբերյալ: Անդրադառնալով հակառակորդի կողմից հնչող խեղաթյուրող ապատեղեկատվական հոսքերին՝ ԱԳ նախարարը նշել է. «Ագրեսիան եղել է նախապես ծրագրված, և ադրբեջանական կողմի հայտարարությունները ենթադրյալ հակահարձակման վերաբերյալ բացարձակ կեղծիք են: Ադրբեջանը երբեք չի քողարկել ուժի կիրառմամբ Լեռնային Ղարաբաղի հակամարտությունը լուծելու իր ռազմավարական նպատակը՝ շարունակաբար պահպանելով լարվածությունը շփման գծի և հայ-ադրբեջանական պետական սահմանի երկայնքով»: ԱԳ նախարարը խորապես մտահոգություն է հայտնել Թուրքիայի կողմից Ադրբեջանին և վերջինիս ագրեսիային ցուցաբերվող անվերապահ միակողմանի աջակցության առնչությամբ: Խստորեն դատապարտելով Ադրբեջանի ագրեսիան՝ նախարար Մնացականյանն ընդգծել է, որ հրադադարի խախտմանն ուղղված սադրիչ գործողությունները ոչ միայն միջազգային մարդասիրական իրավունքի կոպտագույն խախտում են, այլև հղի են տարածաշրջանային լայնամասշտաբ պատերազմի վերաճելու վտանգով: Նախարար Մնացականյանը քննադատել է ՄԱԿ-ի Գլխավոր քարտուղարի՝ աշխարհում գլոբալ հրադադար հաստատելու կոչին չհետևելու Ադրբեջանի սադրիչ գործելաոճը: Ընդգծել է, որ ագրեսիայի հետևանքների ողջ պատասխանատվությունը կրում է Ադրբեջանի ռազմաքաղաքական ղեկավարությունը։ ԱԳ նախարարը ընդգծել է, որ որպես Արցախի ժողովրդի անվտանգության երաշխավոր՝ Հայաստանը կձեռնարկի բոլոր անհրաժեշտ միջոցները պաշտպանելու Արցախի ժողովրդի անօտարելի իրավունքներն ու ադրբեջանական ագրեսիային կապահովի համարժեք պատասխան։ Լեռնային Ղարաբաղի բնակչության ինքնորոշման իրավունքը հակամարտության կարգավորման անքակտելի մասն է, և այս իրավունքի ուժով Արցախի ժողովուրդը պետք է հնարավորություն ունենա որոշելու իր կարգավիճակն առանց որևէ սահմանափակումների։ ԱԳ նախարարը վերահաստատել է Հայաստանի հանձնառությունը հակամարտության բացառապես խաղաղ կարգավորմանը: Նամակը շրջանառվելու է որպես ՄԱԿ-ի Գլխավոր Ասամբլեայի 75-րդ նստաշրջանի փաստաթուղթ՝ օրակարգի 34-րդ (Զինված հակամարտությունների կանխարգելում), 71-րդ (Ժողովուրդների ինքնորոշման իրավունքի), 135-րդ (Պաշտպանելու պատասխանատվություն և ցեղասպանության, պատերազմական հանցագործությունների, էթնիկ զտումների և մարդկության դեմ հանցագործությունների կանխարգելում) կետերի ներքո և որպես Անվտանգության խորհրդի փաստաթուղթ»:
18:25 - 29 սեպտեմբերի, 2020
ՄԱԿ-ի Գլխավոր քարտուղարը հեռախոսազրույց է ունեցել նաև Իլհամ Ալիևի հետ
 |armenpress.am|

ՄԱԿ-ի Գլխավոր քարտուղարը հեռախոսազրույց է ունեցել նաև Իլհամ Ալիևի հետ |armenpress.am|

armenpress.am: ՄԱԿ-ի Գլխավոր քարտուղար Անտոնիո Գուտերեշը հեռախոսազրույց է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ՝ կոչ անելով անհապաղ դադարեցնել կրակը արցախա-ադրբեջանական շփման գծում: Այս մասին ասված է ՄԱԿ-ի պաշտոնական կայքում: Գլխավոր քարտուղարն իր մտահոգությունն է հայտնել Լեռնային Ղարաբաղի հակամարտության գոտում շփման գծի երկայնքով շարունակվող բախումների կապակցությամբ: Նա երկու առաջնորդներին կոչ է արել անհապաղ քայլեր ձեռնարկել հրադադարի ռեժիմի հաստատման եւ բանակցությունների վերսկսման ուղղությամբ ՝ տարածաշրջանում անկայունությունը կանխելու նպատակով: Գլխավոր քարտուղարն իր լիակատար աջակցությունն է հայտնել ԵԱՀԿ Մինսկի խմբի համանախագահների կարևոր դերին՝ ընդգծելով, որ անհրաժեշտ է, որպեսզի կողմերն աշխատեն նրանց հետ՝ առանց հապաղելու կամ նախապայմանների բանակցություններին վերադառնալու համար:
00:52 - 29 սեպտեմբերի, 2020
ՄԱԿ-ի գլխավոր քարտուղարը կորոնավիրուսի համավարակն անվանել է աշխարհին սպառնացող «հինգերորդ հեծյալ»
 |tert.am|

ՄԱԿ-ի գլխավոր քարտուղարը կորոնավիրուսի համավարակն անվանել է աշխարհին սպառնացող «հինգերորդ հեծյալ» |tert.am|

tert.am: Կորոնավիրուսի համավարակը դարձել է «հինգերորդ հեծյալը», որը սպառնում է ժամանակակից աշխարհին աշխարհառազմավարական լարվածության, կլիմայական ճգնաժամի, գլոբալ անվստահության և թվային տեխնոլոգիաների բացասական ազդեցության հետ մեկտեղ: РИА Новости-ի փոխանցմամբ՝ նման հայտարարությամբ հանդես է եկել ՄԱԿ-ի գլխավոր քարտուղար Անտոնիու Գուտերեշը՝ ելույթ ունենալով ՄԱԿ-ի Գլխավոր ասամբլեայի բարձր մակարդակի նիստում: «Գլխիվայր շուռ եկած երկրում Գլխավոր ասամբլեայի այս դահլիճն իրենից տարօրինակ տեսարան է ներկայացնում: Կորոնավիրուսի համավարակն անճանաչելիորեն փոխել է մեր ամենամյա հանդիպումը»,- նշել է Գուտերեշը: «Առաջին սպառնալիքը վերջին տարիների ամենամեծ գլոբալ աշխարհառազմավարական լարվածությունն է: Երկրորդ սպառնալիքը կլիմայական ճգնաժամն է, երրորդը՝ աճող և խորացող գլոբալ անվստահությունը, չորորդը՝ թվային տեխնոլոգիաների բացասական հետևանքները: Սակայն հինգերորդ հեծյալը թաքնվում էր ստվերում: Հունվարից ի վեր աշխարհով մեկ սլանում է կորոնավիրուսի համավարակի «հեծյալը», որը միացել է մյուս 4-ին»,- հավելել է ՄԱԿ-ի ղեկավարը:     
21:59 - 22 սեպտեմբերի, 2020
Անտոնիո Գուտերեշը շնորհավորել է Արմեն Սարգսյանին ՀՀ Անկախության օրվա առթիվ

Անտոնիո Գուտերեշը շնորհավորել է Արմեն Սարգսյանին ՀՀ Անկախության օրվա առթիվ

Հայաստանի Անկախության տոնի առթիվ Միավորված ազգերի կազմակերպության գլխավոր քարտուղար Անտոնիո Գուտերեշը շնորհավորական ուղերձ է հղել Հանրապետության նախագահ Արմեն Սարգսյանին: Այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից: «Միավորված ազգերի կազմակերպության յուրաքանչյուր անդամ ունի իր յուրօրինակ մշակույթն ու պատմությունը, բազմազանություն, որը հարստացնում է մեր կազմակերպությունն ու մեր աշխարհը: Անչափ կարևոր է Միավորված ազգերի կազմակերպության աշխատանքների շրջանակում Ձեր երկրի ներգրավվածությունը միջազգային օրակարգերում»,- մասնավորապես ասված է ՄԱԿ-ի գլխավոր քարտուղարի ուղերձում: Գուտերեշը նշել է, որ Կայուն զարգացման նպատակների տասնամյակի գործողության առաջին տարում՝ այս տարի, անհրաժեշտ են մեր բոլորի համընդհանուր ջանքերը՝ կառուցելու այնպիսի արդար գլոբալիզացիա, որն ընդունելի լինի բոլորի համար և իրականացվեն վճռական գործողություններ կլիմայի փոփոխությունը կանխելու ուղղությամբ: «Այս հարցում ակնկալում եմ Հայաստանի Հանրապետության ներդրումն ու աջակցությունը՝ ունենալու ավելի խաղաղ, արդար և կայուն աշխարհ բոլորի համար»,- շնորհավորական ուղերձում ընդգծել է ՄԱԿ-ի գլխավոր քարտուղար Անտոնիո Գուտերեշը:  
14:06 - 22 սեպտեմբերի, 2020
Համավարակը զրոյացրել է 25 տարվա առաջընթացը ՄԱԿ-ի Կայուն զարգացման նպատակների ձեռքբերումների գործում |tert.am|

Համավարակը զրոյացրել է 25 տարվա առաջընթացը ՄԱԿ-ի Կայուն զարգացման նպատակների ձեռքբերումների գործում |tert.am|

tert.am: Նոր տեսակի կորոնավիրուսով պայմանավորված հիվանդության համավարակը 25 տարով հետ է մղել միջազգային հանրությանը ՄԱԿ-ի Կայուն զարգացման նպատակներից մի քանիսի ձեռքբերման գործում: ТАСС գործակալության փոխանցմամբ՝ այս մասին շաբաթ հայտարարել է համաշխարհային կազմակերպության գլխավոր քարտուղար Անտոնիու Գուտերիշը: «Իրականությունն այն է, որ ողջ առաջընթացը, որը գրանցվել էր ողջ աշխարհով մեկ աղքատության, սովի դեմ, ինչպես նաև այլ ուղղություններով տարված պայքարում, մեծ հարցականի տակ է հայտնվել: Մի շարք ոլորտներում մենք հետընթաց ենք ապրել 25 տարով: Մենք պետք է ակտիվացնենք ջանքերն ու օգտվենք առավելությունից, որն ընձեռում է ռեսուրսների մասշտաբային կենտրոնացումը: Դրանք պետք է օգտագործել Կայուն զարգացման նպատակներին համապատասխան, որպեսզի ապագայում, որը մենք կառուցում ենք, ավելի շատ հավասարություն, արդարություն և էկոլոգիականությունի լինի»,- հայտարարել է ՄԱԿ-ի ղեկավարը:
21:16 - 19 սեպտեմբերի, 2020
Այսօր բացվեց ՄԱԿ-ի գլխավոր ասամբլեայի 75-րդ նստաշրջանը |azatutyun.am|

Այսօր բացվեց ՄԱԿ-ի գլխավոր ասամբլեայի 75-րդ նստաշրջանը |azatutyun.am|

azatutyun.am: Այսօր բացվեց ՄԱԿ-ի գլխավոր ասամբլեայի 75-րդ նստաշրջանը: Նստաշրջանի նախագահը` թուրք քաղաքական գործիչ, դիվանագետ Վոլքան Բոզքիրը բացման իր խոսքում շնորհակալություն է հայտնել վստահության համար։ Նա ՄԱԿ-ի անդամ երկրներին կոչ է արել պահպանել բազմակողմանիություն։ ՄԱԿ-ի գլխավոր քարտուղար Անտոնիո Գուտերեշը իր ելույթում նշել է, որ այս տարին բեկումնային է ՄԱԿ-ի համար, որը պետք է շարունակի արձագանքել COVID 19 -ի համավարակի հետևանքներին, ուժեղացնի առողջապահական համակարգերի կարողություններն ու աջակցի պատվաստանյութի ստեղծմանն ու արդարացի բաշխմանը։ «Աշխարհը մեծ հույսեր է կապում մեզ հետ` որպես բազմակողմանիության և համագործակցության միջազգային համակարգի հիմնական պլատֆորմ»,- ասել է Գուտերեշը։ Վոլքան Բոզքիրը գլխավոր ասամբլեայի նախագահ էր ընտրվել անցած հունիսին։ Չնայած նա միակ թեկնածուն էր, Հայաստանը, Հունաստանը ու Կիպրոսը քվեարկություն էին պահանջել։ Հայաստանն ու Կիպրոսը համատեղ հայտարարությամբ դեմ էին արտահայտվել նրա թեկնածությանը։
16:16 - 16 սեպտեմբերի, 2020
ՄԱԿ-ի գլխավոր քարտուղարը կոչ է արել չեղարկել պատժամիջոցները, որոնք խանգարում են երկրներին պայքարել COVID-19-ի դեմ |tert.am|

ՄԱԿ-ի գլխավոր քարտուղարը կոչ է արել չեղարկել պատժամիջոցները, որոնք խանգարում են երկրներին պայքարել COVID-19-ի դեմ |tert.am|

tert.am: ՄԱԿ-ի գլխավոր քարտուղար Անտոնիո Գուտերեշը կոչ է արել չեղարկել պատժամիջոցները, որոնք պետություններին խանգարում են պայքարել կորոնավիրուսի համավարակի դեմ, գրում է ria.ru-ն։ Գուտերեշի խոսքով՝ նա լիովին աջակցում է ՄԱԿ-ի Մարդու իրավունքների գերագույն հանձնակատար Միշել Բաչելետի հայտարարությանը, որի համաձայն՝ երկրները պետք է վերանայեն ընդլայնված պատժամիջոցներն այն երկրների նկատմամբ, որտեղ պայքարում են կորոնավիրուսի համավարակի դեմ։ «Մարտի 26-ին «Մեծ քսանյակ»-ի պետություններին ուղղված իմ ելույթում ես նաև կոչ արեցի չեղարկել այն պատժամիջոցները, որոնք կարող են խանգարել պետություններին համավարակի դեմ պայքարելու հարցում»,- հավելել է նա: Ավելի վաղ Գուտերեշը հայտարարել էր, որ կորոնավիրուսի դեմ արդյունավետ և ուժեղ պատասխան հնարավոր է տալ միայն համերաշխության շնորհիվ՝ կոչ անելով միավորվել, մոռանալ քաղաքական խաղերի մասին և գիտակցել, որ մարդկության կյանքը վտանգված է։ «Մենք դանդաղորեն շարժվում ենք ճիշտ ուղղությամբ, բայց պետք է արագացնենք մեր քայլերը և պետք է շատ ավելին անենք, եթե ցանկանում ենք հաղթել վիրուսին»,- հայտարարել էր նա։
14:14 - 15 սեպտեմբերի, 2020
ՄԱԿ գլխավոր քարտուղարը նշել է համավարակի պայմաններում աշխարհին սպառնացող 3 գլխավոր վտանգները

 |armenpress.am|

ՄԱԿ գլխավոր քարտուղարը նշել է համավարակի պայմաններում աշխարհին սպառնացող 3 գլխավոր վտանգները |armenpress.am|

armenpress.am: Համավարակը հանգեցնում է հասարակական ինստիտուտների հանդեպ մարդկանց վստահության նվազման, տնտեսական անհավասարության խորացման և իշխանության չարաշահման: Այս մասին չորեքշաբթի հայտարարել է ՄԱԿ-ի գլխավոր քարտուղար Անտոնիու Գուտերիշը` տեսակապի միջոցով ելույթ ունենալով ՄԱԿ-ի Անվտանգության խորհրդի նիստում: Նրա խոսքով`առողջապահական ճգնաժամի և հումանիտար մարտահրավերների դեմ պայքարելու համար համապարփակ մոտեցում է անհրաժեշտ: «Ուսումնասիրելով հորիզոնը` ես երեք հիմնական սպառնալիք եմ տեսնում»,- ասել է նա: Նախ և առաջ Գուտերիշը նկատի է ունեցել «հասարակական վստահության քայքայումը»: «Երկրորդ հերթին դա գլոբալ տնտեսական կարգի ապակայունացումն է: Ես հատկապես մտահոգված եմ սոցիալ-տնտեսական անհավասարության խորացմամբ»,- ասել է համաշխարհային կազմակերպության ղեկավարը: Վերջինս դեմ է արտահայտվել նաև համավարակը իշխանության չարաշահման նպատակով օգտագործելուն:
21:23 - 12 օգոստոսի, 2020
ՄԱԿ-ը զգուշացնում է կորոնավիրուսի պատճառով կրթության աղետալի ձախողման մասին |hetq.am|

ՄԱԿ-ը զգուշացնում է կորոնավիրուսի պատճառով կրթության աղետալի ձախողման մասին |hetq.am|

hetq.am: ՄԱԿ-ի գլխավոր քարտուղար Անտոնիու Գուտերեշը հայտարարել է, որ կրթության ընթացքում դադարները, որոնք առաջացել են կորոնավիրուսի համավարակի պատճառով, կարող են, ամենայն հավանականությամբ, արհավիրք դառնալ մոլորակի բնակչության մի ամբողջ սերնդի համար։ Այդ մասին գրում է «BBC»-ն։ ՄԱԿ-ի կայքում հրապարակված տեսաուղերձի ընթացքում Գուտերեշը հայտարարել է, որ աշակերտների անվտանգ վերադարձը դպրոցներ պետք է դառնա մոլորակի գլխավոր առաջնահերթությունը։     2020 թվականի հուլիսի կեսի դրությամբ՝ աշխարհի 160 երկրներում դպրոցները փակ են մոտ 1 միլիարդ աշակերտների համար, իսկ մոտ 40 միլիոն երեխա զրկվել է նախադպրոցական կրթությունից։ Ընդ որում, մինչև կորոնավիրուսի համավարակը 250 միլիոն երեխայի համար կրթությունը հասանելի չէր, իսկ զարգացող երկրների միջնակարգ դպրոցների աշակերտների երեք չորրորդը թողել են դպրոցն առանց բազային գիտելիքների։ «Ներկայումս մենք կանգնած ենք մի ամբողջ սերնդի կրթության տապալման առաջ, որի պատճառով կարող է կորչել մարդկային չբացահայտված պոտենցիալ։ Բացի այդ, կարող է ընդհատվել վերջին տասնամյակների զարգացումը և սրվել անհավասարությունը»,- ընդգծել է ՄԱԿ-ի գլխավոր քարտուղարը՝ ներկայացնելով ՄԱԿ-ի խորհուրդները դպրոցներ երեխաների անվտանգ վերադարձի համար։ Իրավիճակը շարունակում է վտանգավոր մնալ Հնդկաստանում։ Վերջին օրերի ընթացքում այնտեղ գրանցված վարակման նոր դեպքերի թիվն ավելի շատ է, քան աշխարհի որևէ այլ երկրում։ Օգոստոսի 3-ի դրությամբ նոր դեպքերի թիվը գերազանցում է 50 000-ը, ևս 800-ը մահացել են։  Հնդկաստանում կորոնավիրուսով վարակվածների թիվը հասել է 1,85 միլիոնի։ Երկրի որոշ շրջաններում առկա տագնապալի իրավիճակին գումարվում են նաև հորդառատ անձրևները և ջրհեղեղները։ Այդուհանդերձ, նոր դեպքերի աճի ֆոնին երկրում շարունակում են բացել տնտեսությունը։ Մասնավորապես, այցելուներին նորից կընդունեն մարզասրահները և յոգայի կենտրոնները։ Շուրջ երկու ամիս տևած խիստ կարանտինը մեծ վնաս է հասցրել երկրի տնտեսությանը, սակայն հունիսի սկզբներից իշխանությունները սկսել են հանել սահմանափակումները մասնավոր ոլորտի համար։ Ավելին՝ hetq.am-ում
10:06 - 05 օգոստոսի, 2020
Վարչապետը Գուտերեշի հետ հեռախոսազրույցում կարևորել է ԵԱՀԿ մոնիթորինգի կարողությունների ընդլայնումը

Վարչապետը Գուտերեշի հետ հեռախոսազրույցում կարևորել է ԵԱՀԿ մոնիթորինգի կարողությունների ընդլայնումը

Վարչապետ Նիկոլ Փաշինյանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ՝ վերջինիս նախաձեռնությամբ:  Ինչպես տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, վարչապետ Փաշինյանն ընդգծել է, որ Հայաստանը բարձր է գնահատում Հարավային Կովկասի խաղաղության և անվտանգության նկատմամբ Գլխավոր քարտուղարի կողմից ցուցաբերվող շարունակական ուշադրությունը: ՀՀ վարչապետը ներկայացրել է Ադրբեջանի կողմից հայ-ադրբեջանական սահմանի ուղղությամբ ձեռնարկված սադրանքների պատճառով ստեղծված լարված իրադրությունը՝ ընդգծելով, որ այդ գործողությունները ձեռնարկվել են հակառակ Գլխավոր քարտուղարի՝ համավարակի շրջանում գլոբալ զինադադար հայտարարելու վերաբերյալ կոչին:  «Հավաստիացնում եմ ձեզ, որ Հայաստանն արել է հնարավոր ամեն բան՝ ռազմական գործողություններին վերջ տալու և իրավիճակի լարվածությունը նվազեցնելու համար»,- նշել է Նիկոլ Փաշինյանը:   Անդրադառնալով Ադրբեջանի կողմից մարտական գործողությունների դադարեցման վերաբերյալ ձեռք բերված պայմանավորվածությունների խախտումներին՝ վարչապետ Փաշինյանը հավելել է, որ այս շրջանում ականատես ենք լինում Ադրբեջանի ռազմաքաղաքական ղեկավարության իրարամերժ հայտարարությունների և գործողությունների։ «Մենք հասկանում ենք, որ Ադրբեջանում ներքին ծանր իրավիճակ է: Բայց մենք չենք կարող դառնալ նախագահ Ալիևի ստեղծած ծուղակի պատանդը: Տարիներ շարունակ հայերի նկատմամբ սփռած ատելությունն ու պատերազմի սպառնալիքը ստեղծել էին ռազմական գերազանցության պատրանք, որն այժմ հօդս է ցնդում: Մենք վստահ չենք՝ արդոք Ադրբեջանի ղեկավարությունն ունի զինադադարը պահպանելու և սադրիչ հռետորաբանությունը կանխելու կարողություն կամ ցանկություն»,- ասել է Նիկոլ Փաշինյանը։ Վարչապետը վերահաստատել է Հայաստանի հանձնառությունը խաղաղ կարգավորմանը՝ ընդգծելով, որ ստեղծված իրավիճակում խիստ կարևոր է ԵԱՀԿ մոնիթորինգի կարողությունների ընդլայնումը և տվյալ հարցում գոյություն ունեցող պայմանավորվածությունների իրականացումը:  «Անհրաժեշտ է, որպեսզի Ադրբեջանի իշխանությունները հանրայնորեն մերժեն ուժի կամ ուժի սպառնալիքի կիրառումը: Ադրբեջանի ղեկավարությունը պետք է ընդունի, որ խաղաղ բանակցությունները չունեն այլընտրանք»,- ասել է ՀՀ առաջնորդը: ՄԱԿ-ի գլխավոր քարտուղարը մտահոգություն է հայտնել տարածաշրջանում ստեղծված լարված իրավիճակով՝ ընդգծելով լարվածության թուլացման ուղղությամբ անհապաղ քայլերի ձեռնարկման կարևորությունը, այդ թվում՝ հրադադարի ռեժիմի ամրապնդմանն ուղղված պայմանավորվածությունների իրականացման միջոցով: Անտոնիո Գուտերեշը վերահաստատել է իր աջակցությունը ԵԱՀԿ Մինսկի խմբի համանախագահությանը: 
22:10 - 22 հուլիսի, 2020