Գեղամ Մանուկյան

Գեղամ Մանուկյանը 8-րդ գումարման Ազգային ժողովի «Հայաստան» խմբակցության պատգամավոր է, Հայ Յեղափոխական Դաշնակցություն կուսակցության անդամ, նախկին լրագրող։

Ծնվել է 1970թ. փետրվարի 9-ին Արմավիրում:

1988-1989թթ.  ծառայել է խորհրդային բանակում:

1993թ. ավարտել է ԵՊՀ արեւելագիտության ֆակուլտետի թուրքագիտության բաժինը: Թուրքագետ:

1993-1995թթ. եղել է Հայկական փաստագրական կենտրոնի տնօրեն: 1993-1995թթ.՝ «Երկիր» օրաթերթի եւ «Ազատամարտ» շաբաթաթերթի թուրքական բաժնի ղեկավար: 2001-2004թթ.՝ «Երկիր» շաբաթաթերթի գլխավոր խմբագիր: 2004-2021թթ.՝ «Երկիր Մեդիա» հեռուստաընկերության լրատվական-քաղաքական ծրագրերի տնօրեն:

1990 թվականից ՀՅԴ անդամ է: 1990-1995թթ. եղել է ՀՅԴ «Նիկոլ Աղբալյան» ուսանողական միության վարչության անդամ: 1997-2005թթ.՝ ՀՅԴ Հայաստանի ԳՄ անդամ:

2006-2007թթ.՝ ԱԺ պատգամավոր (համամասնական ընտրակարգ, ՀՅԴ): ԱԺ  պետական-իրավական հարցերի մշտական հանձնաժողովի անդամ, ՀՅԴ խմբակցության քարտուղար:

2021թ. հունիսի 20-ին ԱԺ պատգամավոր է ընտրվել «Հայաստան» կուսակցությունների դաշինքի համապետական ընտրական ցուցակով:

Գերասիմ Վարդանյանը եւ ՀՅԴ մի քանի այլ անդամներ բերման են ենթարկվել
 |news.am|

Գերասիմ Վարդանյանը եւ ՀՅԴ մի քանի այլ անդամներ բերման են ենթարկվել |news.am|

news.am: ՀՅԴ մի քանի անդամների, այդ թվում՝ Գերասիմ Վարդանյանին այսօր՝ հունվարի 11–ին, բերման են ենթարկել։ Տեղեկությունը հայտնեց ՀՅԴ անդամ, ԱԺ «Հայաստան» խմբակցության պատգամավոր Գեղամ Մանուկյանը։ Նա հայտնեց նաեւ, որ առավոտյան իրավապահները խուզարկություն են իրականացրել ՀՅԴ Արարատի Մարզային կոմիտեի ներկայացուցիչ Գերասիմ Վարդանյանի տանը։ Թե ինչ գործով է խուզարկություն իրականացվել ՝ հայտնի չէ։ Գերասիմ Վարդանյանն այսօր հրավիրվել էր Քննչական կոմիտեի Արարատի մարզային վարչություն։ Իսկ Sputnik Արմենիա-ին Վարդանյանի փաստաբան Բենիկ Գալստյանը ասել է․ «Այսօր ոչ միայն խուզարկություն են իրականացրել, այլ նաև հարցաքննության են կանչել ՔԿ-ի Արարատի մարզային վարչություն։ Մեզ համար անհասկանալի է անգամ, թե որ գործի շրջանակներում են նրան կանչել հարցաքննության»։  Նշենք, որ երեկ հրապարակվել է ՀՀ Վճռաբեկ դատարանի որոշումը, որով մերժվել է ՀՀ Վերաքննիչ դատարանի՝ Գերասիմ Վարդանյանին ազատ արձակելու մասին որոշման դեմ ներկայացված ՀՀ Գլխավոր դատախազի տեղակալի բողոքարկումը։ Այդպիսով Գերասիմ Վարդանյանը պետք է շարունակի մնալ ազատության մեջ։
11:23 - 11 հունվարի, 2023
Հերթական անգամ փաստվում է՝ հայ-թուրքական իբր ընթացող բանակցությունները շարունակում են մնալ նախապայմաններով լեցուն․ Գեղամ Մանուկյան

Հերթական անգամ փաստվում է՝ հայ-թուրքական իբր ընթացող բանակցությունները շարունակում են մնալ նախապայմաններով լեցուն․ Գեղամ Մանուկյան

Սուրբ Ծննդյան օրով Հայաստանի արտգործնախարարությունն ազդարարեց, Թուրքիայի կողմից իբր դրական քայլի մասին, որը ներկայացվեց հերթական մանանան նիկոլական պատկերացմամբ 29800 քառակուսի կիլոմետրանոց Հայաստանի համար։ Այս մասին ֆեյսբուքյան իր էջում գրել է ՀՀ ԱԺ «Հայաստան» խմբակցության պատգամավոր Գեղամ Մանուկյանը: «Նախ թուրքական աղբյուրների տարածած լուրը, հետո արդեն հաստատեց ՀՀ դիգանագիտական գերատեսչությունը, թե Թուրքիան բացել է իր օդային գիծը բեռնափոխադրումների համար։ Ավելին՝ պաշտոնական Երեւանը ինչ-որ հույսեր է փայփայում, թե մնացյալ պայմանավորվածությունները եւս կկատարվեն։ Մնացյալն էլ անորոշ, իսկ խորքում Սյունիքին հարված հասցնող երրորդ երկրների քաղաքացիների համար հայ-թուրքական սահմանը բացելու խոստումն է։ (Սա առանձին թեմա է, որին արդեն բազմիցս անդրադարձել ենք)։ Իսկ ինչ խոստացավ Թուրքիան, իրականում իր տնտեսությանը եւս մեկ խթան հաղորդող աննշան քայլ, որով այն ապրանքները, որոնք Հայաստան էին գալիս ուղեւորատար ինքնաթիռներով ու բեռնատարներով, կարող են բերել առանձին օդանավերով. տնտեսական չնչին միջոցների ավելացում։ Բայց այս ամենն ի գին Արցախի ու շրջափակված Արցախի։ Թուրքիայի կողմից պաշտոնապես խրախուսված եւ արտգործնախարարի շուրթերով արդարացված Լաչինի փակված միջանցքի պարագայում, ՀՀ իշխանությունները մոռանում են այդ ամենը, իրենց իսկ գովերգած հրճվանքով միջազգային հանրության առջև սպիտակեցնում նույն ագրեսիայի, նույն բլոկադայի կազմակերպիչ, ակտիվ մասնակից Թուրքիային։ ՈՒ իրականում հերթական անգամ փաստվում է՝ հայ-թուրքական իբր ընթացող բանակցությունները շարունակում են մնալ նախապայմաններով լեցուն, դրանցից մեկի ականատեսը եղանք նախօրեին։ Արցախի հարց, Արցախի իրավունքների հարց այս իշխանության համար գույություն չունի։ Կարեւորը՝ մի քանի օլիգարխների առեւտրային ախորժակներն ու են փողը։ Այդպես մի քանի կոպեկի համար, Արցախի շրջափակման պայմաններում Հայաստանի օդը սրանք բաց են պահում անգամ Նախիջեւանի եւ Ադրբեջանի միջեւ ինքնաթիռային կապի համար», - գրել է պատգամավորը։
18:15 - 07 հունվարի, 2023
«Հայաստան» խմբակցությունը զինված ուժերի բարեփոխման ռազմավարություն դեռևս չի տեսնում

 |armenpress.am|

«Հայաստան» խմբակցությունը զինված ուժերի բարեփոխման ռազմավարություն դեռևս չի տեսնում |armenpress.am|

armenpress.am: «Հայաստան» խմբակցությունը իշխանության կողմից ներկայացված զինված ուժերի բարեփոխման ռազմավարություն դեռևս չի տեսնում, իսկ պայմանագրային զինծառայողների կամավոր ատեստավորման համակարգի և «Պաշտպան հայրենյաց» ծրագրի ներդրումը համարում է դետալային և խնդրահարույց: Ազգային ժողովում լրագրողների հետ ճեպազրույցում այս մասին ասաց «Հայաստան» խմբակցության պատգամավոր Գեղամ Մանուկյանը: «Երկու տարի իշխանությունը խոսում է զինված ուժերի բարեփոխման ռազմավարության մասին: 2022 թվականի փետրվարին նորանշանակ նախարար Սուրեն Պապիկյանը Ազգային ժողովի ամբիոնից հայտարարեց, թե պատրաստ է ռազմավարությունը, որոշ բաներ դուրը չեն գալիս, հետ է ուղարկել լրամշակման, բայց արդեն նոյեմբերն է, իսկ գլոբալ ռազմավարությունը ներկայացված չէ, և փոքր դետալներով փորձում են տպավորություն ստեղծել, որ արմատական բարեփոխում է իրականացվում»,- նշեց Մանուկյանը: Ըստ պատգամավորի՝ «Պաշտպան հայրենյաց» ծրագիրը փոխարինելու է «Ես եմ» ծրագրին, որը, ինչպես նշում է իշխանությունը իր հիմնավորումներում, չի հաջողել: ««Ես եմ» ծրագիրը գործարկվել է 2017 թվականի դեկտեմբերին և 2018 թվականին առաջին իսկ քայլերն են արվել դրա շրջանակներում: Հայաստանում 4 տարի եղել է այս իշխանությունը, նշանակում է այս իշխանությունը իր նշանակած պաշտպանության նախարարներով և զինվորական վերնախավով տապալել է «Ես եմ» ծրագիրը և հիմա նոր ծրագիր է առաջ բերում, որը ինքնին խնդրահարույց է»,- ասաց պատգամավորը: Գեղամ Մանուկյանը հայտնեց, որ  «Հայաստան» խմբակցությունը ներկայացնելու է բարեփոխումների իր առաջարկները: «Մեր զինված ուժերի բարեփոխումների ռազմավարությունը բացակայում է, որը կենացային մակարդակով Ազգային ժողովի ամբիոնից փորձում են փոխլրացնել իշխանության ներկայացուցիչները»,- եզրափակեց Մանուկյանը:  
12:16 - 17 նոյեմբերի, 2022
«Գայիք քննարկմանը մասնակցեիք». Ալեն Սիմոնյանը պահանջեց անջատել Գեղամ Մանուկյանի խոսափողը |armtimes.com|

«Գայիք քննարկմանը մասնակցեիք». Ալեն Սիմոնյանը պահանջեց անջատել Գեղամ Մանուկյանի խոսափողը |armtimes.com|

armtimes.com: Ինչպես արդեն հայտնել ենք, Ազգային ժողովն այսօր 73 կողմ, 3 դեմ, 23 ձեռնպահ ձայներով առաջին ընթերցմամբ ընդունեց կառավարության կողմից ներկայացված «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» օրենքի նախագիծը: Վարման կարգով «Հայաստան» խմբակցության պատգամավոր Գեղամ Մանուկյանը խոսքի հնարավորություն խնդրեց և նշեց, որ  անհնար է մերժել Զինված ուժերի բարեփոխումների, կամավորության սկզբունքով երկարատև ծառայության անցնելու ցանկացած նախաձեռնություն: «Բայց պետք է արձանագրել, որ հիմնավորումներում նշված, թե «Ես եմ» ծրագիրը տապալվել է, որը ներդրվել է  2017 թվականին, այն տապավել է 4 տարիների ընթացքում այս  իշխանության օրոք»,-ասաց նա:  ԱԺ նախագահ Ալեն Սիմոնյանն էլ հետաքրքրվեց՝ թե ի՞նչ կապ ունի սա վարման կարգի հետ. «Օրենքի քննարկման ժամանակ գայիք, ասեմ ավելին՝ հանձնաժողովի քննարկման ժամանակ գայիք»,- ասաց Սիմոնյանը։ Գեղամ Մանուկյանը նշեց, որ վարման կարգով ձայն է խնդրել հիմնավորելու իրենց ձեռնպահ քվեարկելը, սակայն Ալեն Սիմոնյանը պահանջեց անջատել Մանուկյանի խոսափողը։
11:33 - 16 նոյեմբերի, 2022
Զարեհ Սինանյանը ճիշտ չի ասում, եթե չասեմ ստում է․ համահայկական որևէ կառույց համաժողովին մասնակցելու պաշտոնական հրավեր չի ստացել․ Գեղամ Մանուկյան
 |tert.am|

Զարեհ Սինանյանը ճիշտ չի ասում, եթե չասեմ ստում է․ համահայկական որևէ կառույց համաժողովին մասնակցելու պաշտոնական հրավեր չի ստացել․ Գեղամ Մանուկյան |tert.am|

tert.am: Այս օրերին գումարվելիք Հայրենիք –Սփյուռք համաժողովիը կազմակերպվել է անհատական հրավերներով։ Այս մասին խորհրդարանական ճեպազրույցների ժամանակ ասաց «Հայաստան» խմբակցության պատգամավոր Գեղամ Մանուկյանը։ «Զարեհ Սինանյանը ճիշտ չի ասում, եթե չասեմ ստում է,  համահայկական որևէ կառույց, կոնկրետ «Հայ հեղափոխական դաշնակցությունը»,  պաշտոնական որևէ հրավեր չի ստացել։ Եթե նրանց թվում է, որ անհատ դաշնակցականներին կարող են այստեղ -այնտեղ հրավեր տալ ու դա ձևակերպել որպես «Դաշնակցությանն» ուղղված հրավեր, չարաչար սխալվում են։ Ով- ով, բայց Զարեհ Սինանյանը շատ լավ գիտի «Դաշնակցության» կազմակերպվածությունը»,- ասաց Մանուկյանը։ Վերջինս ընդգծեց, որ Հայաստան-Սփյուռք համաժողով երբեք այսչափ անկազմակերպ չի եղել։ «Այսպիսի խայտառակություն դեռ չէր եղել, երբ Ամենայն Հայոց Կաթողիկոսը, Մեծի Տանն Կիլիկիո Կաթողիկոսը պաշտոնապես հրաժարվում են մասնակցել Հայաստան- Սփյուռք համաժողովին»,- ասաց պատգամավորը։ Հիշեցնենք, որ Սփյուռքի հարցերի հանձնակատար Զարեհ Սինանյանը հայտարարել է, որ Երևանում կայանալիք Համաշխարհային հայկական համաժողովի չեն մասնակցելու Ամենայն Հայոց և Մեծի Տանն Կիլիկիո կաթողիկոսները, ՀՅԴ-ն, նրանք տարբեր պատճառաբանություններով մերժել են։    Լուսանկարը՝ Ազգայի ժողովի
12:41 - 27 հոկտեմբերի, 2022
Երեկվա հավաքի ժամանակ այն կարգի հանցավոր վարքագիծ է եղել, որ իրավապահ մարմինները պետք է զբաղվեն ձեզանով․ Վարդանյանը՝ Մանուկյանին

Երեկվա հավաքի ժամանակ այն կարգի հանցավոր վարքագիծ է եղել, որ իրավապահ մարմինները պետք է զբաղվեն ձեզանով․ Վարդանյանը՝ Մանուկյանին

Երեկվա իրադարձությունները ևս մեկ անգամ ապացուցեցին մի հայտնի ճշմարտություն․ ինչքան փխրուն է և միաժամանակ ինչքան ամուր է ժողովրդավարությունը, ինչքան մարտահրավերներ կան ժողովորդավարության առջև և ինչքան հնարավորություններ կան՝ այդ մարտահրավերները հաղթահարելու։ Ազգային ժողովի նիստի ընթացքում, անդրադառնալով երեկ Ազգային ժողովի դիմաց տեղի ունեցած բողոքի ակցիային, ասաց «Քաղաքացիական պայմանագիր» խմբակցության անդամ, պետական-իրավական հարցերի մշտական հանձնաժողովի նախագահ Վլադիմիր Վարդանյանը։ «Այսօր առավոտը լուսացավ, և մենք հանգիստ նորմալ եկանք աշխատանքի՝ առանց խղճի խայթի և առանց որևիցե եղանակով մեզ մեղադրելով։ Ցավոք, մարտի 1-ին այդպես չէր։ Կարո՞ղ էր կրկնվել Մարտի 1-ը։ Այո, եթե չլիներ ժողովրդավարություն, եթե չլիներ թափանցիկություն, եթե չլիներ անկեղծություն։ ՀՀ իշխանությունները փորձում են խոսել ՀՀ քաղաքացու հետ առավել անկեղծ, առավել պարզ»։ Անդրադառնալով «Հայաստան» խմբակցության պատգամավոր Գեղամ Մանուկյանի այսօր ԱԺ-ում ունեցած ելույթին`Վարդանյանն ասաց․ «Ցավում եմ, որ Գեղամ Մանուկյանը այստեղ չէ, որովհետև հարցադրումներ ունեմ ձեզ։ Ես ձեզ շատ լավ եմ հասկանում, որ դուք ասում եք՝ հավաքը ինքնաբուխ էր, մի քանի անգամ կրկնեցիք։ Շատ լավ հասկանում եք, որ այդ հավաքի ժամանակ այն կարգի հանցավոր վարքագիծ է եղել, որ մենք չէ, իրավապահ մարմինները պետք է զբաղվեն ձեզանով։ Դուք այստեղ էիք, որպեսզի ասեք՝ ժողովուրդ ջան, դա մենք չէինք։ Ասում են՝ գնացեք, պատգամավորին այս ինչ հասցեից բերման ենթարկեք։ Ըստ էության, քրեորեն պատժելի արարք է։ Ասում են՝ բերեք, պարտադրեք, որ ստորագրի, և դրանից հետո դուրս է գալիս Արման Թաթոյանը, որը ինձ վերջին երկու տարին համոզում է, որ ինքը քաղաքականացված չէ ու մասնագիտական գործունեություն է իրականացնում, և ասում է՝ իրավունքի գերակայությունը ինձ համար Աստված է, և ասում են՝ գնացեք Վլադիմիր Վարդանյանի ձեռքերից քաշեք, թող ստորագրի, դու ասում ես՝ այո, հայրենիքը օրհասական վիճակում է»։ Վարդանյանն ընդգծեց՝ երեկ բողոքի ակցիա իրականացնող քաղաքացիներից ճնշող մեծամասնությունը անկեղծ էին․ «Այլ բան է, որ որոշ անձիք, որոնցից ոմանք հայրենասիրությամբ տոգորված ինչ-որ ձևակերպումներով նույնիսկ հայերեն չեն խոսում, գոնե հայերեն երկու բառ ասեին, փորձում են այդ ամենը համակարգել։ Բայց ես սիրում եմ այն մարդկանց, ովքեր երեկ գտնվել են այնտեղ, որովհետև նրանք կարողացան մեր ընդդիմադիր գործընկերներին վերադարձնել այնտեղ, որտեղ պետք է լինեն»։ Պատգամավորը շեշտեց՝ ժողովրդավարությունը պահանջում է հանդուրժողականություն․ «Մեծամասնության կարծիքը մշտապես լինելու է հիմնական, փոքրամասնության կարծիքը պետք է հարգվի, այստեղ արտահայտվի։ Եթե փոքրամասնության կարծիքը այստեղ չարտահայատվի, այն վերածվելու է բողոքի դրսում»։ Ելույթի վերջում Վարդանյանը բոլորին միասնականության կոչ արեց։Հիշեցնենք, որ երեկ ԱԺ դիմաց բողոքի ակցիա իրականացնող քաղաքացիները պահանջում էին, որ պատգամավորները վարչապետին անվստահություն հայտնելու գործընթաց սկսեն։ Գործընթացի համար կային ընդդիմադիր 35 պատգամավորների ստորագրությունները, սակայն պակասում էր 18 ստորագրություն։ Ակցիայի մասնակիցները պահանջեցին, որ ՔՊ 18 պատգամավոր գա և ստորագրի փաստաթղթի տակ, որով անվստահություն հայտնելու գործընթացը կսկսվի։ Ակցիայի հրապարակեցին ՔՊ պատգամավորների հասցեները՝ քաղաքացիներին կոչ անելով գնալ այնտեղ, սակայն, քիչ հետո վերադառնալով հայտարարեցին, որ պատգամավորները իրենց տներում չեն եղել։
13:20 - 15 սեպտեմբերի, 2022
Նիկոլին փրկելու ժամը չէ, հայրենիքը փրկելու ժամն է․ Գեղամ Մանուկյանը՝ ՔՊ-ականներին

Նիկոլին փրկելու ժամը չէ, հայրենիքը փրկելու ժամն է․ Գեղամ Մանուկյանը՝ ՔՊ-ականներին

Ասյօր Ազգային ժողովում շարունակվում է հերթական քառօրյան։ ԱԺ նիստերի դահլիճ էր եկել ընդդիմադիր «Հայաստան» խմբակցության պատգամավոր Գեղամ Մանուկյանը, որն ուզում էր ելույթ ունենալ։ ԱԺ փոխխոսնակ Հակոբ Արշակյանը, որը վարում է նիստը, ասաց, որ երբ պատգամավորների գրանցում էր հայտարարել, Մանուկյանը դահլիճում չէր, այնուհետև ժամանակ տվեց, որ նա գրանցվի։ Տեղից խոսելու համար նախազգուշացում ստացավ ՔՊ-ական Հովիկ Աղազարյանը, որից հետո Գեղամ Մանուկյանը հրավիրվեց ելույթի։ Նա հայտարարեց՝ ԱԺ-ում չէ քննարկելու ՍԴ դաատվորի թեկնածուի հարցը․ «Այստեղ եմ եկել տասնյակ հազարավոր մեր հայրենակիցների խոսքը, հորդորը, խնդրանքը փոխանցելու ձեզ, այն մարդկանց, որ հաշված ժամերի ընթացքում ինքնաբուխ երեկ հուզված, զայրացած, նյարդայնացած, վրդովված շտապել էին Բաղրամյան պողոտա՝ ԱԺ շենքի դիմաց։ Այդ մարդիկ ուղղորդված չէին․ որևէ մեկը նրանց չէր ուղղորդել։ Ուղղորդում չկար, պարզապես կար մեկ բան՝ հայրենիքի նկատմամբ անհանգստությունը, Արցախի նկատմամբ անհանգստությունը։ Եթե ասում ենք՝ կար ուղղորդում, ապա մեկ բան՝ երեկ ԱԺ դահլիճի այս ամբիոնից հնչած անթույլատրելի, վտանգավոր այն հայտարարությունը, որ եղել էր»։ Գեղամ Մանուկյանի պնդմամբ՝ երեկ ԱԺ դիմաց բողոքի ակցիա էին իրականացնում տասնյակ հազարավոր մարդիկ․ «Ժողովուրդ, որը նաև պարտադրեց, որ հաշված ժամերի ընթացքում Նիկոլ Փաշինյանի կողմից ինչ-որ թուղթ ստորագրելու, ՀՀ տարածք ի, Արցախի մասին ոչ մի բառ չասելու պատճառով այդ անհանգստությունից հետո ուղիղ եթերներով, գրավոր հայտարարություններով իշխանության ներկայացուցիչների կողմից եղան բազմաթիվ պարզաբանումներ, հերքումներ, որովհետև հասկանալ էր, որ մարդիկ վրդովված էին։ Հերքումներ, որոնք, այնուամենայնիվ, չհերքեցին այն վտանգավոր հայտարարությունը, չհերքեցին այս օրերին իշխանական պատգամավորների կողմից Արցախի հարցի, Արցախի ապագայի մասին այն բոլոր վտանգավոր հայտարարությունները, որ պարբերաբար հնչում են»։ Գեղամ Մանուկյանը նաև նշեց, որ Երեկ Ստեփանակերտում հազարավոր մարդիկ էին  հավաքված․ «Այդ մարդիկ իրենց դավաճանված էին զգում, այդ մարդիկ իրենց թուրքի դեմ մենակ էին զգում, քանի որ այդ մարդիկ մեկ էլ մի պահ լսել էին, որ ԱԺ այս ամբիոնից այլևս իրենց մասին խոսող չկա»։ Գեղամ Մանուկյանն անդրադարձավ նաև Նիկոլ Փաշինյանի երեկվա հայտարարություններին․ «Երեկ ամբիոնից Նիկոլ Փաշինյանի կողմից հնչել է մի արտահայտություն, որ ինչ-որ թուղթ եթե ստորագրի, մարդիկ կարող են քննադատել և ասել դավաճան»։ Մանուկյանի այս խոսքերից հետո ՔՊ-ական պատգամավորները սկսեցին բղավել։ Վահագն Ալեքսանյանը փորձեց նստած տեղից բարձրանալ, Վահագն Հովակիմյանը պահեց նրան։ Հակոբ Արշակյանը ՔՊ պատգամավորներին խնդրեց հանգստություն պահպանել, Գեղամ Մանուկյանին էլ՝ այնպես չանել, որ էլ ավելի լարվի խոսակցությունը։ «Տերմինալոգիա եք օգտագործում, կոնտեքստից կտրում եք որոշ բաներ, որը հուզական արձագանք է ստանում»,- դիմելով Մանուկյանին՝ նշեց Արշակյանը։ Իրավիճակը հանդարտվեց, Մանուկյանը շարունակեց իր ելույթը․ «Երեկ տասնյակ հազարավոր մարդկանց ներկայությունն այստեղ փաստեց, որ ժողովուրդը պոռթկման եզրին է։ Երեկ տասնյակ հարազարվոր ինքնաբուխ հավաքված մարդիկ սպասում էին քաղաքական մեծամասնության ներկայացուցիչներին։ Չեկան, բայց ժամանակ կա։ Վերջապես հասկացեք, որ իրավիճակն օրհասական է։ Վերջապես հասկացեք, որ իրավիճակի լուծումը մեկն է՝ նոր իշխանություն, նոր կառավարություն, նոր վարչապետ, որն այս վիճակից կարող է դուրս բերել։ Նիկոլին փրկելու ժամը չէ, հայրենիքը փրկելու ժամն է»։ Հիշեցնենք, որ երեկ ԱԺ դիմաց բողոքի ակցիա իրականացնող քաղաքացիները պահանջում էին, որ պատգամավորները վարչապետին անվստահություն հայտնելու գործընթաց սկսեն։ գործընթացի համար կային ընդդիմադիր 35 պատգամավորների ստորագրությունները, սակայն պակասում էր 18 ստորագրություն։ Ակցիայի մասնակիցները պահանջեցին, որ ՔՊ 18 պատգամավոր գա և ստորագրի փաստաթղթի տակ, որով անվստահություն հայտնելու գործընթացը կսկսվի։ Բողոքի ակցիային նախորդել էր Փաշինյանի հայտարարությունն այն մասին, թե որ դեպքում կստորագրի խաղաղության պայմանագիր․ «Ես ինձ վրա վերցրել եմ պատասխանատվություն գնալ ծանր որոշումների հանուն խաղաղության։ Բայց ծանր որոշումներ չի նշանակում ՀՀ պետական շահերին հակասող որոշումներ։ Մենք էդ որոշումներին պիտի գնանք՝ երաշխավորելու համար ՀՀ անվտանգությունը, տևական կայունությունը, խաղաղությունը։ Մենք չենք կարող էսօր վերնագրի ներքո գրել խաղաղության պայմանագիր, տակը ստորագրենք, որի արդյունքում 6 ամիս հետո նոր պատերազմ սկսվի։ Մենք ուզում ենք, որ ստորագրենք մի թուղթ, որի արդյունքում մեզ լիքը մարդ կքննադատի, կհայհոյի, դավաճան կասի, նույնիսկ կարող է ժողովուրդը որոշի մեզ իշխանությունից հեռացնել, էլի շնորհակալ կլինենք, եթե դրա արդյունքում ՀՀ-ն 29 800 կմ քառակուսի տարածքով ստանա տևական խաղաղություն և անվտանգություն։ Որոշումը, որը սա ապահովելու է, ես շատ այդ որոշումը ստորագրելու եմ։ Ինձ չի հետաքրքրում՝ ինչ կլինի հետո ինձ հետ, ինձ հետաքրքրում է՝ ինչ կլինի Հայաստանի Հանրապետության հետ»։   Գլխավոր լուսանկարը՝ ԱԺ-ի
12:11 - 15 սեպտեմբերի, 2022
«Հայաստան» խմբակցությունը չի հստակեցնում՝ աշնանային նստաշրջանին կմասնակցե՞ն, թե՝ ոչ
 |hetq.am|

«Հայաստան» խմբակցությունը չի հստակեցնում՝ աշնանային նստաշրջանին կմասնակցե՞ն, թե՝ ոչ |hetq.am|

hetq.am: Խորհրդարանի աշխատանքը բոյկոտող ընդդիմադիր «Հայաստան» խմբակցությունն այդպես էլ չի հստակեցնում՝ աշնանային նստաշրջանին մասնակցելու՞ են ԱԺ աշխատանքներին, թե՝ ոչ: «Մենք խորհրդարան ենք վերադառնալու մեր օրակարգի հարցերի շուրջ»,- մեզ հետ զրույցում ասում է պատգամավոր Գեղամ Մանուկյանը՝ չնշելով ՝ արդյոք այդ օրակարգը աշնանային նստաշրջանում ձևավորված կլինի՞։ Դիտարկմանը, թե իշխանությունները դատապարտեցին ընդդիմությանը, որ վերջիններս չմասնակցեցին անգամ «Պաշտպանության մասին» օրենքի քննարկմանը, չնայած հայտարարում էին, որ իրենց օրակարգային հարցերը պաշտպանությանն ու անվտանգությանն են վերաբերում, Գեղամ Մանուկյանն ասաց, որ իրենց խմբակցության պատգամավորները մասնակցել են այդ նախագծի աշխատանքային քննարկումներին: Ասում է՝ տարբեր փաստարկներով ներկայացրել են, որ այդ օրենսդրական փոփոխությամբ բանակը քաղաքականացվում է: Նա նաև հիշեցրեց սահմանային իրավիճակի վերաբերյալ այս տարվա մայիսին ընդդիմության հրավիրած արտահերթ նիստի մասին, որը տապալվեց ՔՊ-ական պատգամավորների պատճառով: Երբ ընդդիմադիրների բացակայության պատճառով իշխանությունը զրկեց Իշխան Սաղաթելյանին ԱԺ փոխխոսնակի, իսկ Վահե Հակոբյանին Տնտեսական հարցերի մշտական հանձնաժողովի նախագահ պաշտոնից, մշտական հանձնաժողովների մյուս ընդդիմադիր նախագահներն ու փոխնախագահները (բացառությամբ Թագուհի Թովմասյանի) հրաժարվեցին այդ պաշտոններից: Այժմ պաշտոնները թափուր են: Հետաքրքրվեցինք՝ խորհրդարան վերադառնալու դեպքում խմբակցությունն առաջադրելու՞ է այդ պաշտոններում թեկնածուներ, թե՝ ոչ, Մանուկյանն ասաց. «Մեզ համար այնքան ոչ էական հարց է, որ նույնիսկ չենք անդրադարձել այդ թեմային»: Չնայած «Քաղաքացիական պայմանագիրը» նախաձեռնել էր ընդդիմությանը մանդատներից զրկելու գործընթաց, սակայն այն իր հանգուցալուծմանը չհասավ: ԱԺ փոխխոսնակ Ռուբեն Ռուբինյանն ասաց, որ հարգում են ժողովրդի ընտրությունը, և այն կարծիքին են, որ ընդդիմության օգտին քվեարկած անձինք հետևություններ կանեն վերջիններիս վերաբերյալ: Թե ինչպես կվարվի այս հարցով իշխանությունն աշնանային նստաշրջանի ժամանակ, արդյոք կդիմե՞ն ՍԴ, դեռ պարզ չէ: «Հայաստան» խմբակցության պատգամավոր Գեղամ Մանուկյանը որևէ տեղեկություն չուներ՝ իշխանությունը հրաժարվե՞լ է ընդդիմությանը մանդատներից զրկելու գաղափարից, թե՝ ոչ: Ավելի մանրամասն՝ hetq.am-ում։ 
18:14 - 05 օգոստոսի, 2022
Ընդդիմադիր բոլոր պատգամավորների աշխատավարձի մի զգալի մասը պահվում է. Գեղամ Մանուկյան
 |news.am|

Ընդդիմադիր բոլոր պատգամավորների աշխատավարձի մի զգալի մասը պահվում է. Գեղամ Մանուկյան |news.am|

news.am: Եթե չափից դուրս երիտասարդ տարիքում պատգամավոր դարձածները կարծում են, իրենք  պատմության ուսուցիչ են, կամ դասղեկ են, սխալվում են, իրենց չկայացվածության հետեւանքով է այդպիսի տպավորություն: Այս մասին, այսօր՝ հուլիսի 19-ին, կառավարության շենքի մոտ «Հայաստան» դաշինքի կազմակերպած բողոքի ակցիայի ժամանակ լրագրողների հետ զրույցում նշեց «Հայաստան» խմբակցության պատգամավոր Գեղամ Մանուկյանը՝ անդրադառնալով դիտարկմանը, որ իշխանությունները շրջանառության մեջ դրեցին ընդդիմադիր պատգամավորներին մանդատներից զրկելու հարցը, որպեսզի նրանք «խելոք վերադառնան խորհրդարան»: «Ընդդիմությունը խելոք որեւէ տեղ չի լինի: Ընդդիմությունն իր առաքելությունն ունի, իր խնդիրներն ունիիր ստացած մանդատն ունի եւ ըստ այդ մանդատի էլ շարժվում է: Խորհրդարան վերադառնալը ֆիզիկական գործողություն է, որը օրակարգ չի կարող լինել: Այլ հարց, որ Հայաստանի առջեւ ծառացած բազմաթիվ հիմնախնդիրների շուրջ գործունեությունը ծավալելը մեր պարտականությունն է: Ես մի դրվագ ասեմ, անցնող շաբաթվա ընթացքում Սեյրան Օհանյանի հետ այցելել ենք Սյունիք, Ներքին Հանդ, որտեղ թշնամին առաջխաղացում էր ունեցել, այցելել ենք Տավուշի մարզ, անվտանգության առումով որոշ մտահոգիչ տարրեր կան, որոնք չեմ բացահայտի, սակայն պատգամավորական հարցապնդումներ եմ անելու եւ ՊՆ-ին, եւ ՏԿԵ նախարարություն, եւ այլ գերատեսչություններ»,-ասաց նա: Դիտարկմանը, որ իշխանությունը մեղադրում է, որ ընդդիմությունը ԱԺ չի գալիս, բայց օգտվում է ստանում է աշխատավարձ, պարգեւավճար, ծառայողական մեքենաներից է օգտվում, Գեղամ Մանուկյանն ասաց. «Նախ, ընդդիմադիր բոլոր պատգամավորների աշխատավարձի մի զգալի մասը պահվում է: Երկրորդ, խորհրդարանական մեծամասնություն ձեւավորվելուց հետո մեկ անգամ փորձ է արել պարգեւավճար տալ պատգամավորներին, հույս ունենալով, որ պատգամավորները կվերցնեն պարգեւավճարները եւ կլռեն, բայց մենք աղմուկ բարձրացրեցինք, եւ պարգեւավճարի ամբողջ գումարն ուղղվել է հատուկ նպատակով: Այս անգամ էլ որ լուրը եղավ, առաջարկ կար քաղբանտարկյալների հիմնադրամին փոխանցել պարգեւավճարները, բայց պարզվեց, որ միայն իշխանական պատգամավորներին են պարգեւավճար տվել: Ինչ վերաբերում է ծառայողական ավտոմեքենաներին, ընդդիմադիրներն այդպիսիք չունեն, շատ են քայլում, որոշները մեքենա չունեն, ինչպես ես, եւ շատ ավելի երջանիկ են»:
12:31 - 19 հուլիսի, 2022
Կառավարության շենքի մոտ ավարտվեց ընդդիմության ակցիան
 |pastinfo.am|

Կառավարության շենքի մոտ ավարտվեց ընդդիմության ակցիան |pastinfo.am|

pastinfo.am: Ընդդիմության ակցիային միացած քաղաքացիները Կառավարության շենքի մոտ, «Առանց Նիկոլ Հայաստան», «Նիկոլ դավաճան», «Նիկոլ մահաբեր» վանկարկումներով, գլխավերևներում պարզած, իրենց խոսքով, քաղբանտարկյալների լուսանկարները, Նիկոլ Փաշինյանից պահանջում են անհապաղ ազատ արձակել նրանց։ «Կառավարության շենքում՝ վարչապետի սենյակում նստած մարդն իր վարքով թունավորել է նաև իրեն ուղեկցողներին, որոնք երիտասարդ հղի կնոջը վրաերթի ենթարկելուց հետո, առանց աչքը թարթելու, անցան գնացին։ Արմեն Գրիգորյանը հայտնի հասարակական գործիչ է, շատերը ցնցվեցին նրա մահով, բայց ամեն մեկդ մտաբերեք, թե պատերազմի հետևանքով, հայրենազրկման հետևանքով, հարյուրավոր հայկական գյուղեր թուրքին հանձնելուց հետո օրական մեր քանի հայրենակցի սիրտ է կանգնում, քանի զավակ կորցրած ծնող է մահանում։ Այդ բոլորի մեղավորը այս շենքում նստած մարդն է, որը 4 տարի շարունակ մեր երկրին բերեց մահ»,- Կառավարության շենքի դիմաց հայտարարեց ԱԺ ընդդիմադիր պատգամավոր Գեղամ Մանուկյանը։ Մանուկյանի ելույթից հետո ակցիայի մասնակիցները միաձայն վանկարկեցին՝ առանց Նիկոլ Հայաստան, որից հետո հեռացան Կառավարության շենքի մոտից։ Հիշեցնենք, որ նախքան Կառավարության շենքի մոտ գալը, բողոքի ակցիայի մասնակիցներն իրենց բողոքի ձայնն են բարձրացրել նաև ՄԱԿ-ի ներկայացուցչության մոտ՝ պահանջելով երկակի ստանդարտներ չկիրառել և աչք չփակել քաղաքական հայացքների համար իշխանության կողմից կիրառվող բռնաճշումների վրա։
12:19 - 19 հուլիսի, 2022
«Դիմադրություն» շաժման ներկայացուցիչները Արցախում հանդիպել են խմբակցությունների, Արցախի պաշտոնաթող նախագահների հետ

«Դիմադրություն» շաժման ներկայացուցիչները Արցախում հանդիպել են խմբակցությունների, Արցախի պաշտոնաթող նախագահների հետ

«Դիմադրություն» շաժման ներկայացուցիչները հունիսի 21-23-ը եռօրյա այցով գտնվել են Արցախի Հանրապետությունում, հանդիպումներ ունեցել քաղաքական ուժերի, ԱՀ Ազգային Ժողովի բոլոր խմբակցությունների, պետական կառույցների ներկայացուցիչների և ԱՀ պաշտոնաթող նախագահների հետ: Այս մասին հայտնում են «Հայաստան» դաշինքից։ ՀՀ ԱԺ փոխնախագահ Իշխան Սաղաթելյանը, պատգամավորներ Տիգրան Աբրահամյանը, Աղվան Վարդանյանը, Արամ Վարդեւանյանը, Արթուր Սարգսյանը եւ Գեղամ Մանուկյանը Արցախի ԱԺ պատգամավորների հետ այցելել են Ասկերանի, Մարտակերտի եւ Մարտունու շրջաններ, հանդիպել բնակիչների, ՏԻՄ ղեկավարների հետ: Առանձին հանդիպում է կայացել նաև Ստեփանակերտի քաղաքապետարանում՝ մայրաքաղաքի վարչական ղեկավարության, աշխատակազմի, կրթական ու մշակութային հաստատությունների տնօրենների մասնակցությամբ:Հանդիպումների ընթացքում «Դիմադրություն» շարժման համակարգող Իշխան Սաղաթելյանը ներկայացրել է շարժման ընթացքը, մարտահրավերներն ու առաջիկա անելիքները:Ընդգծվել է, որ «Դիմադրություն» շարժման՝ առավել համահայկական ու ընդգրկուն դարձնելու համատեքստում առանցքային տեղ ունի Արցախի Հանրապետությունը։Պայմանավորվածություններ են ձեռք բերվել, որ հակառակ Հայաստանի օրվա իշխանությունների՝ Արցախի Հանրապետության հետ ողջամիտ ու պատշաճ փոխգործակցության բացակայությանը, պետք է իրականացվեն համատեղ ծրագրեր եւ փոխայցելություններ։Վերահաստատվել է, որ Արցախի իշխանությունների և ժողովրդի համար ուղենիշ է մնում 2022 թվականի ապրիլի 14-ին ԱՀ ԱԺ-ի կողմից միաձայն ընդունված հայտարարությունը, որում ամրագրվել են Արցախի ապագայի շուրջ առանցքային սկզբունքներն ու կարմիր գծերը:
14:47 - 23 հունիսի, 2022
Ընդդիմությունը քննարկում է Փաշինյանին իմպիչմենտ հայտնելու հարցը
 |azatutyun.am|

Ընդդիմությունը քննարկում է Փաշինյանին իմպիչմենտ հայտնելու հարցը |azatutyun.am|

azatutyun.am: Ընդդիմությունը քննարկում է վարչապետ Նիկոլ Փաշինյանին իմպիչմենտ հայտնելու հարցը, «Ազատության» «Հարցազրույց Կարլեն Ասլանյանի հետ» հաղորդման ժամանակ ասաց «Հայաստան» խմբակցության պատգամավոր, Դիմադրության շարժման առաջնորդներից Գեղամ Մանուկյանը։ «Մինչև օգոստոսի 2-ը, երբ որ սահմանադրորեն ժամկետներն են հստակեցվում, որ հնարավորություն են տալիս ընդդիմությանը իմպիչմենտի մասին հայտարարություն անել, այդ ժամանակ նաև կլինի հայտարարություն», - ասաց Մանուկյանը։ Դիտարկմանը, թե առանց Իշխան Զաքարյանի այլևս մեկ երրորդը չունեն նույնիսկ այդ նախաձեռնությամբ հանդես գալու համար, ընդդիմադիր պատգամավորն արձագանքեց՝ «խորհրդարանի իշխանական ճամբարում կան շատ գործընկերներ, որ անցնող շաբաթներին որևէ հրապարակային հայտարարությամբ աջակցություն չեն հայտնել ոչ Փաշինյանին, ոչ էլ այն հայտարարություններին, որոնք sms-ով հանձնարարվում են ՔՊ-ական պատգամավորներին»։ «Անկեղծ ասեմ, որ անզեն աչքով էլ երևում է, որ 4-5 կամիկաձե պատգամավորներ կան, որոնք առավոտից գիշեր փորձում են ֆեսբուքյան ստատուսներով, հայտարարություններով աջակցել իշխանությանը», - ասաց Մանուկյանը։ Գեղամ Մանուկյանը նշեց, որ իմպիչմենտի հարցը, որպես որոշում, որ նախաձեռնելու են, առայժմ օրակարգում չկա, հիմա անցնում են Դիմադրության շարժման կառուցվածքային, կազմակերպական ամրապնդման փուլին, որը շատ ավելի լայն հնարավորություններ է տալու շատ ավելի լայն ազգաբնակչություն ընդգրկելու, որից հետո, նրա խոսքով, արդեն իրավիճակը կթելադրի հետագա գործողությունները։ Իշխան Զաքարյանը, հիշեցնեք, դեռ 2021-ի դեկտեմբերի վերջին է լքել Ազգային ժողովի ընդդիմադիր «Պատիվ ունեմ» խմբակցությունը, դարձել ոչ մի խմբակցությունում չընդգրկված պատգամավոր։   Հետևե՛ք մեզ նաև Telegram-ում
10:23 - 16 հունիսի, 2022
Հայաստանը պետք է դարձնենք մեծ հրապարակ, ու հունիսի 15-ին շարունակենք պայքարը․ Գեղամ Մանուկյան

Հայաստանը պետք է դարձնենք մեծ հրապարակ, ու հունիսի 15-ին շարունակենք պայքարը․ Գեղամ Մանուկյան

Մի քանի ժամից Ֆանսիայի հրապարակը կրկին լեփ-լեցուն է լինելու. կրկին Դիմադրության շարժման հանրահավաք է հայտարարված։ Տարբեր պատճառներով ակնկալիքներն էլ այլ են այսօր. սպասում են ազդարարված նոր մարտավարության, գործողությունների մասին հայտարարությունների։ Այս մասին գրել է «Հայաստան» դաշինքի պատգամավոր Գեղամ Մանուկյանը։ «Մեթոդներն ու գործողությունները կարող են սրբագրվել, բայց բուն պայքարը չի դադարել, չի դադարի։ Տանը, թե Ֆրանսիայի հրապարակում դիմավորած ամեն օրս, ամեն լուսաբացս սկսվում է պայքարի մտքով։ Ես պարտք ունեմ, առաքելություն ունեմ մեր սկիզբ դրած պայքարը մինչեւ վերջ հասցնելու։ Ամեն մեկս այդ առաքելությունն ունենք։ Այս 40 և ավելի օրերին հրապարակում, երթերին, անհնազանդության գործողություններին ներկա իմ, մեր զինակից հայրենակցի վճռականությունը տեսնելով՝ վստահաբար նաեւ նրանց համար պայքարն ունի մեկ վերջնանպատակ՝ Հաղթանակ։ Երկար գրելու ցանկությունս մեծ է, բայց հասկանում եմ, որ հևքի մեջ չի էլ ընթերցվի։ Ուղղակի անեմ մի քանի արձանագրում. • Անցնող 40 օրերի մեր պայքարի ընթացքում չենք ընկրկել, հաստատակամ ու ամուր առաջ ենք շարժվել: • Հրապարակը այսօր կոչվում է Ֆրանսիայի, բայց վաղն այլ հրապարակում կլինենք, մյուս օրն՝ այլ։ Մենք այս օրերին ցույց տվեցինք, որ ցանկացած հրապարակ մեզ համար բաց է։ Չէ որ քանի անգամ է եղել Հանրապետության հրապարակում ևս տասնյակ հազարավոր մեր հայրենակիցների ներկայությամբ շատերից եմ լսել առաջարկներ՝ վերջ մնում ենք այստեղ։ • Անցնող 40 օրերի մեր պայքարի ընթացքում չենք ունեցել փակ տարածքներ, վայրեր։ Որոշել ենք ու արել ենք։ Կանգնել ենք, շրջափակել ենք, կռիվ ենք տվել։ • Հունիսի 14-ն ունի մեկ առանձնահատկություն՝ ներվի փորձության օր է։ Այս իշխանությունը դավադիր է, տմարդի է, թշնամու շահերն է սպասարկում ու թշնամու պես էլ իրեն պահում է։ Չթողնենք, որ թշնամին կասկածի որդ մեր մեջ սերմանի։ • Կարեւորը՝ հունիսի 14-ին, ինչպես նախորդ բոլոր օրերին, մեկ մարդու պես գիտակցենք, որ պայքարը բոլորինս է, ընդհանուր է, միասնական կռիվ է, քննարկման ենթակա չէ։ Անցնող բոլոր օրերին առավել հաճելի էր շարքերում լինելը, առաջինների մեջ չքայլելը։ Հաճախ բեմերում չեմ եղել, բարձրախոս չունեցած՝ ափերով եմ վանկարկել, քանի որ մեկն եմ մեր տասնյակ հազարավոր զինակիցներից։ Այդպես էլ վարվելու եմ վաղը, մյուս օրը։ Նույնն ակնկալում եմ ամեն մեկիցս։ Քանի որ մենք դիմադրության շարժման զինվորներ ենք՝ կռիվ ենք տվել հավասար, քայլել ենք հավասար, ծեծվել ենք հավասար, վնասվել ենք հավասար, ու հավասար եւ միասնական էլ հաղթելու ենք։ • Հունիսի 14-ին Ֆրանսիայի հրապարակի հանրահավաքին հաջորդելու է հունիսի 15, 16, 17, 18 … այդ օրերն ավելի կարեւոր են։ Կարո՞ղ ենք ցույց տալ, փաստել, որ մեր ուժականությունը չի պակասում։ Այդ դեպքում՝ ԿՀԱՂԹԵՆՔ։ • Ինձ համար կարեւորը հունիսի 15-ն է։ Երբ նույն համառությամբ ու վճռականությամբ շարունակենք մեր պայքարը։ Վստահ եմ, հազարավոր մեր զինակիցներ շարքերում են լինելու։ • 19։30-ին ընտանիքով (միայն առանց որդուս, քանի որ նա ու մեր զինակիցներից շատերը ֆիզիկապես հետներս չեն. ճաղերի ետեւում են) լինելու եմ Հրապարակում: • Մեզ ճաղերի ետեւից տասնյակ մեր ընկերներն են հետեւում։ Նրանցից շատերին անխոս պարբերաբար այցելում եմ, այցելում ենք։ Նրանք են, որ ոգի են տալիս մեզ։ Նրանց տեղն էլ կանգնենք հունիսի 14-ին ու հաջորդ օրերին։ Մինչեւ մեզ միանան, կամ մեր ընդհանուր հաղթանակը նշեն։ • Վերջապես՝ հռետորական ու մնայուն հարցը. մինչեւ ե՞րբ։ Պատասխանս կարճ է՝ մեր համառության ու միասնականության դեպքում, երբ որ օրը որոշենք ու բոլորս լինենք, բոլորին հանենք փողոց։ Մենք դա կարող ենք։ Պետք է ուղղակի ՈՐՈՇԵՆՔ։ • Իսկ դրա համար իրոք հունիսի 14-ից նոր մարտավարություն է պետք սկսել։ Դիմադրությանը նոր անդամագրում՝ փողոց առ փողոց, տուն առ տուն, ընտանիք առ ընտանիք, գյուղ առ գյուղ, մարզ առ մարզ։ Այս շաբաթների համառությամբ փաստեցինք՝ կարո՛ղ ենք։ • Հետեաբար, հունիսի 14-ին, 19։30 լինելով Ֆրանսիայի հրապարակում, պատրաստվենք, որ այն արդեն նեղ է մեզ համար, Հայաստանը պետք է դարձնենք մեծ, մեկ ամբողջ հրապարակ ու հունիսի 15-ին շարունակենք պայքարը։ Կհանդիպենք 19։30-ին, նույն վայրում, որ հետո երթ անենք, հետո արդեն տարածվենք ողջ երկրով»։   Գլխավոր լուսանկարը՝ Հետք-ի
11:12 - 14 հունիսի, 2022
«Կա քաղաքական ճգնաժամ, որը «Դիմադրության» շարժումը հանգուցալուծելու է». երթը շարժվեց դեպի Ֆրանսիայի հրապարակ |news.am|

«Կա քաղաքական ճգնաժամ, որը «Դիմադրության» շարժումը հանգուցալուծելու է». երթը շարժվեց դեպի Ֆրանսիայի հրապարակ |news.am|

news.am: Այսօր մենք Բաղրամյան պողոտայում հնչեցրեցինք մեր կարեւոր ուղերձը. հիմա թե Բաղրամյան 26-ում ընդունելություն կանի, ընթրիք կտա, մի երկու մեդալ էլ կբաժանի, բայց ցանկացած պատվիրակությունհասկանում է, որ Հայաստանում իրավիճակը փոխվել է. այս մարդկանց հետ չի կարելի երկարատեւ պագա պլանավորել, նախատեսել: Այս մասին, այսօր՝ հունիսի 10-ին, Բաղրամյան պողոտայում «Դիմադրություն» շարժման ակցիայի ժամանակ հայտարարեց «Հայաստան» խմբակցության պատգամավոր Գեղամ Մանուկյանը: «Այս երկրում իրավիճակ է փոխվել, կա քաղաքական ճգնաժամ, այդ ճգնաժամը «Դիմադրության» շարժումը հանգուցալուծելու է: Հիմա շարժվում ենք Ֆրանսիայի հրապարակ»,-հայտարարեց նա: Դրանից հետո «Դիմադրություն» շարժման երթը Բաղրամյան պողոտայից շարժվեց դեպի Ֆրանսիայի հրապարակ: Նշենք, որ այս պահին Բաղրամյան 26-ում տեղի է ունենում ՀԱՊԿ երկրների ԱԳ նախարարների խորրհդի նիստը, իսկ «Դիմադրություն» շարժումը երթով հասել է Բաղրամյան պողոտա, սակայն չի կարողանում մոտենալ Բաղրամյան 26 շենքով, քանի որ ոստիկանները մի քանի շղթա կազմած փակել են այն:
11:19 - 10 հունիսի, 2022