Վլադիմիր Զելենսկի

Վլադիմիր Ալեքսանդրովիչ Զելենսկին Ուկրաինայի նախագահ, քաղաքական գործիչ, շոումեն, արտիստ, կատակերգու, «Թաղամաս-95» ստուդիայի գեղարվեստական ղեկավար և մշտական առաջնորդ, պրոդյուսեր և սցենարիստ:

Ծնվել է 1978 թվականի հունվարի 25-ին Կրիվոյ Ռոգ քաղաքում:

1998-2003 թվականներին «95-րդ թաղամասը» ելույթ է ունեցել ՈւՀԱ-ի բարձրագույն լիգայում։  Եղել է Ուկրաինայի Հանրապետության կառավարության անդամ և «Ինտեր» հեռուստաալիքի գլխավոր պրոդյուսեր 

2019 թվականի հունվարի 21-ին «Ժողովրդի ծառա» կուսակցությունն առաջարկել է Վլադիմիր Զելենսկու թեկնածությունը որպես նախագահ։ Ուկրաինայի նախագահական ընտրությունների երկու փուլերի հաղթել է։

 

Զելենսկին Ստոլտենբերգին կոչ է արել շտապ Ուկրաինա-ՆԱՏՕ խորհուրդ գումարել |tert.am|

Զելենսկին Ստոլտենբերգին կոչ է արել շտապ Ուկրաինա-ՆԱՏՕ խորհուրդ գումարել |tert.am|

tert.am: Ուկրաինայի նախագահ Վլադիմիր Զելենսկին ՆԱՏՕ-ի գլխավոր քարտուղար Յենս Ստոլտենբերգի հետ հեռախոսազրույցի ժամանակ կոչ է արել շտապ Ուկրաինա-ՆԱՏՕ խորհուրդ գումարել։ Կառույցը ստեղծվել է հուլիսին Հյուսիսատլանտյան դաշինքի գագաթնաժողովի շրջանակում։  «Ես դիմել եմ Յենսին՝ առաջարկելով անհապաղ գումարել այս խորհուրդը՝ ճգնաժամի վերաբերյալ համապատասխան խորհրդակցությունների համար։ Այդ հանդիպումը տեղի կունենա մոտ օրերս։ Մենք կարող ենք հաղթահարել անվտանգության ճգնաժամը Սև ծովում»,- ասել է Զելենսկին տեսաուղերձում։  Զելենսկին ավելի վաղ հայտնել էր, որ Ստոլտենբերգի հետ քննարկել է սևծովյան հացահատիկային միջանցքի ապաշրջափակման համար անհրաժեշտ միջոցները։ Նրանք նաև գնահատել են Սև ծովում տիրող իրավիճակը և այն ռիսկերը, որոնք այն պարունակում է համաշխարհային պարենային անվտանգության համար։  Հուլիսի 12-ին ՆԱՏՕ-ի գագաթնաժողովում ստեղծվել է Ուկրաինա-ՆԱՏՕ խորհուրդը։ Նախկինում նման մարմին կար միայն Ռուսաստանի հետ, մինչդեռ Ուկրաինայի հետ ՆԱՏՕ-ն ուներ միայն համատեղ հանձնաժողով։ Հանձնաժողովի նիստ գումարելը կարող է արգելափակվել դաշինքի ցանկացած պետության կողմից։ Խորհրդի գումարումը չի կարող արգելափակվել։
11:55 - 23 հուլիսի, 2023
Վլադիմիր Զելենսկին աշխատանքից ազատել է Մեծ Բրիտանիայում Ուկրաինայի դեսպանին. վերջինս քննադատել էր Ուկրաինայի նախագահի խոսքերը |hetq.am|

Վլադիմիր Զելենսկին աշխատանքից ազատել է Մեծ Բրիտանիայում Ուկրաինայի դեսպանին. վերջինս քննադատել էր Ուկրաինայի նախագահի խոսքերը |hetq.am|

hetq.am: Մեծ Բրիտանիայում Ուկրաինայի դեսպան Վադիմ Պրիստայկոն ազատվել է զբաղեցրած պաշտոնից։ Համապատասխան հրամանը հրապարակվել է Ուկրաինայի նախագահի պաշտոնական կայք էջում։  Ինչպես հիշեցնում են ուկրաինական լրատվամիջոցները, ավելի վաղ Պրիստայկոն քննադատել էր Վլադիմիր Զելենսկիի խոսքերը՝ Մեծ Բրիտանիայի պաշտպանության նախարար Բեն Ուոլեսին երախտապարտ լինելու մասով։Վիլնյուսում ՆԱՏՕ-ի գագաթնաժողովի ժամանակ Ուոլեսը հայտարարել էր, որ երբեմն Ուկրաինան պետք է ակտիվորեն իր երախտագիտությունը հայտնի Արևմուտքին օգնության համար։ Ուոլեսը պատմել էր, որ 2022 թվականին ծախսել էր 11 ժամ, որպեսզի հասնի Կիև, որտեղ իրեն հանձնել էին անհրաժեշտ սպառազինության ցանկը։ «Ես նրանց ասացի։ «Գիտեք մենք Amazon չենք»»,- հայտարարել էր բրիտանացի նախարարը։ Ուկրաինայի նախագահ Վլադիմիր Զելենսկին, ՆԱՏՕ-ի գագաթնաժողովի մամուլի ասուլիսում իր ելույթի ժամանակ, նշել էր, որ Ուկրաինան մշտապես երախտապարտ է օգնության համար, այդ թվում Մեծ Բրիտանիային։ «Ես ուղղակի չգիտեմ, թե էլ ինչպես պետք է երախտագիտություն հայտնել։ Կարող ենք առավոտվանից արթնանալ և շնորհակալություն հայտնել նախարարին։ Թող նա ինձ գրի, թե ինչպես պետք է երախտագիտություն հայտնել, և ես այդպես էլ կանեմ»,- ասել էր նախագահ Զելենսկին։  Հաջորդ օրը Մեծ Բրիտանիայում Ուկրաինայի դեսպան Պրիստայկոն, Sky News-ի եթերում մեկնաբանելով տեղի ունեցածը, Զելենսկիի խոսքերն անվանել էր «անառողջ սարկազմ»։ Դիվանագետը հավելել էր, որ Ուկրաինան չպետք է Ռուսաստանին ցույց տա, որ իր ու արևմտյան գործընկերների միջև կարող են ինչ-որ թյուրիմացություններ լինենլ։   Ավելի ուշ, Բեն Ուոլեսը հայտարարել էր, որ Ուկրաինայի կողմից ոչ բավարար երախտագիտության վերաբերյալ իր խոսքերը «մասամբ աղավաղված են»։
13:52 - 22 հուլիսի, 2023
Զելենսկին ՄԱԿ-ի գլխավոր քարտուղարի հետ քննարկել է «հացահատիկի գործարքի» վերականգնման հնարավորությունները |armenpress.am|

Զելենսկին ՄԱԿ-ի գլխավոր քարտուղարի հետ քննարկել է «հացահատիկի գործարքի» վերականգնման հնարավորությունները |armenpress.am|

armenpress.am: Ուկրաինայի նախագահ Վլադիմիր Զելենսկին ՄԱԿ-ի գլխավոր քարտուղար Անտոնիու Գուտերեշի հետ հեռախոսազրույցում քննարկել է «հացահատիկի գործարքի» վերականգնման հարցը։ Այս մասին Զելենսկին հայտնել է իր թելեգրամյան ալիքում։ «Սևծովյան հացահատիկային նախաձեռնությունն անհրաժեշտ է պահպանել: Պարոն Գուտերեշի հետ պայմանավորվեցինք աշխատել միասին և պատասխանատու պետությունների հետ՝ վերականգնելու պարենային անվտանգությունը և պարենի մատակարարումը Սև ծովի ուղիներով»,- գրել է Զելենսկին։ Նա նշել է, որ այս գործարքից հրաժարվելով՝ Ռուսաստանը վտանգի տակ է դնում 400 միլիոն մարդու, հատկապես Աֆրիկայի և Ասիայի այնպիսի երկրներում, ինչպիսիք են Սոմալին, Եթովպիան, Սուդանը, Եմենը։ Ավելի վաղ Ուկրաինայի ղեկավարը հայտնել էր, որ պաշտոնական ուղերձներ է հղել Անտոնիու Գուտերեշին և Թուրքիայի նախագահ Ռեջեփ Թայիփ Էրդողանին՝ առաջարկելով շարունակել հացահատիկի գործարքը կամ դրա նման գործարք կնքել եռակողմ ձևաչափով առանց Ռուսաստանի Դաշնության մասնակցության։ Ռուսաստանը «հացահատիկի գործարքից» դուրս գալու մասին հայտնել էր հուլիսի 17-ին, երբ լրացավ գործարքի երկարաձգման վերջնաժամկետը։ Կրեմլում այս քայլը պատճառաբանում են նրանով, որ սևծովյան համաձայնագրերի՝ Ռուսաստանին վերաբերող մասը չի կատարվել։ 
12:06 - 18 հուլիսի, 2023
Ուկրաինայի նախագահ Վլադիմիր Զելենսկին ժամանել է ՆԱՏՕ-ի գագաթնաժողով
 |hetq.am|

Ուկրաինայի նախագահ Վլադիմիր Զելենսկին ժամանել է ՆԱՏՕ-ի գագաթնաժողով |hetq.am|

hetq.am: Ուկրաինայի նախագահ Վլադիմիր Զելենսկին չորեքշաբթի առավոտյան ժամանել է Վիլնյուսի LITEXPO ցուցահանդեսային համալիր, որտեղ մեկնարկել է ՆԱՏՕ-ի գագաթնաժողովի երկրորդ օրը։ Դրա շրջանակներում այսօր կայանալու է «Ուկրաինա-ՆԱՏՕ խորհրդի» առաջին նիստը։ Ինչպես Լիտվայի մայրաքաղաքից փոխանցել է «Интерфакс-Украина» գործակալության թղթակիցը, Ուկրաինայի նախագահը գագաթնաժողովին ժամանել է արտաքին գործերի նախարար Դմիտրի Կուլեբայի, պաշտպանության նախարար Ալեքսեյ Ռեզնիկովի և նախագահի գրասենյակի ղեկավար Անդրեյ Երմակի հետ։ Ուկրաինայի նախագահը հայտարարել է, որ օրակարգում կլինի Կիևին ռազմական օգնության նոր փաթեթների, ՆԱՏՕ-ին Ուկրաինայի անդամակցության և Ուկրաինայի համար անվտանգության երաշխիքների հարցերը։  Խոսելով ՆԱՏՕ-ին անդամակցության Ուկրաինային հրավիրելու մասին՝ Վլադիմիր Զելենսկին ասել է. «Եվ այսօր այն, ինչ մենք լսում ենք և հասկանում, այն է, որ մենք կունենանք այդ հրավերը, երբ թույլ տան անվտանգության միջոցները։ Ես ուզում եմ քննարկել բոլոր այդ հանգամանքները մեր գործընկերների հետ»,- հայտարարել է Ուկրաինայի առաջնորդը։  Համաձայն ՆԱՏՕ-ի պաշտոնական կայքում հրապարակված տեղեկատվության՝ Երևանի ժամանակով 13:35-ին կկայանա Ուկրաինայի նախագահ Վլադիմիր Զելենսկիի և ՆԱՏՕ-ի գլխավոր քարտուղար Ենս Սթոլթենբերգի համատեղ մամուլի ասուլիսը, որը կհաջորդի երկու քաղաքական գործիչների երկկողմ հանդիպմանը։  «Ուկրաինա-ՆԱՏՕ խորհրդի» առաջին նիստն էլ, որին կմասնակցեն ՆԱՏՕ-ի անդամ երկրների ու կառավարությունների ղեկավարները, ներառյալ նաև Շվեդիան, նախատեսվում է ժամը 14:00-ին։
12:38 - 12 հուլիսի, 2023
Ուկրաինան իրավունք ունի դառնալ ՆԱՏՕ-ի անդամ. կայացել է Էրդողան-Զելենսկի հանդիպումը  |1lurer.am|

Ուկրաինան իրավունք ունի դառնալ ՆԱՏՕ-ի անդամ. կայացել է Էրդողան-Զելենսկի հանդիպումը |1lurer.am|

1lurer.am: Երեկ կայացել է Ուկրաինայի նախագահ Վլադիմիր Զելենսկու և Թուրքիայի նախագահ Ռեջեփ Թայիփ Էրդողանի հանդիպումը, որը տեւել է 2 ժամ 30 րոպե։ Բանակցություններից հետո Էրդողանը հանդես է եկել հայտարարությամբ՝ նշելով, որ Թուրքիան հույս ունի՝ սևծովյան հացահատիկային նախաձեռնությունը կերկարաձգվի: Էրդողանը հայտարարել է, որ Թուրքիան կշարունակի Ուկրաինային ցանկացած տեսակի աջակցություն ցուցաբերել: Նրա խոսքով` հացահատիկային գործարքի շրջանակներում կարիքավոր երկրներ է ուղարկվել 33 մլն տոննա պարենամթերք: Թուրքիայի նախագահը նաև նշել է` Ուկրաինան իրավունք ունի դառնալ ՆԱՏՕ-ի անդամ: Էրդողանը հույս է հայտնել, որ առաջիկա ամսին ՌԴ նախագահ Վլադիմիր Պուտինը կայցելի Թուրքիա: Ուկրաինայի նախագահ Զելենսկին իր հերթին հայտարարել է, որ ղեկավարները քննարկել են երկու երկրների համատեղ նախագծերը։ «Դրանք վերաբերում են համագործակցությանը ռազմարդյունաբերական ոլորտում, տեխնոլոգիաների զարգացմանը, անօդաչու թռչող սարքերի արտադրությանը, ռազմավարական այլ ոլորտներին։ Ձեռք են բերվել համապատասխան պայմանավորվածություններ»,- հանդիպումից հետք հայտարարել է Զելենսկին։ Նրա խոսքով՝ Էրդողանի հետ մանրամասն քննարկել են իրավիճակը Եվրոպայում, մասնավորապես՝ Սևծովյան տարածաշրջանում: Զելենսկին նաև շնորհակալություն է հայտնել Թուրքիային Ուկրաինայի տարածքային ամբողջականությանը և ինքնիշխանությանը մշտապես աջակցելու համար: «Իհարկե, այսօր անդրադարձանք ՆԱՏՕ-ի շրջանակներում մեր համագործակցության առանցքային հարցերին, մասնավորապես՝ Վիլնյուսում կայանալիք դաշինքի գագաթաժողովի նախապատրաստական աշխատանքներին։ Ես զրույցի ընթացքում բարձրացրել եմ Ուկրաինային ՆԱՏՕ հրավիրելու հարցը, և ուրախ եմ, որ նախագահ Էրդողանն ասել է, որ Ուկրաինան արժանի է ՆԱՏՕ-ի անդամ դառնալ»,- եզրափակել է Ուկրաինայի նախագահը։
13:13 - 08 հուլիսի, 2023
Վլադիմիր Զելենսկին այսօր կայցելի Թուրքիա |hetq.am|

Վլադիմիր Զելենսկին այսօր կայցելի Թուրքիա |hetq.am|

hetq.am: Ուկրաինայի նախագահ Վլադիմիր Զելենսկին այսօր կայցելի Թուրքիա։ Այդ մասին հայտնում էHabertürk-ը՝ հղում անելով իրենց աղբյուրներին։ Նախատեսվում է, որ նախագահ Զելենսկին Ստամբուլում բանակցություններ կվարի Թուրքիայի նախագահ Ռեջեփ Թայիփ Էրդողանի հետ։ Ընդ որում, Զելենսկիի Թուրքիա այցն իրականացվում է Էրդողանի հրավերով։ TACC գործակալությունը, հղում անելով Թուրքիայի նախագահի աշխատակազմի իր աղբյուրին, գրում է, որ Զելենսկին ու Էրդողանը կհանդիպեն Ստամբուլի Սկյուտարի շրջանի Վահդեթին առանձնատանը։ «Վաղը մեր նախագահը կհանդիպի Ուկրաինայի նախագահ Զելենսկիի հետ։ Հանդիպումից հետո, որը կկայանա Վահդեթին առանձնատանը, կարող է կայանալ մամուլի ասուլիս»,- նշել է գործակալության աղբյուրը։  Sabah-ն էլ գրում է, որ Զելենսկիի՝ Թուրքիա այցի գլխավոր թեմաներից մեկը կլինի Վիլնյուսում ՆԱՏՕ-ի գագաթնաժողովը։ Anadolu գործակալության տվյալներով էլ՝ Զելենսկի-Էրդողան բանակցությունները երկկողմ ձևաչափից զատ կլինեն նաև պատվիրակությունների կազմերով։ Դրանց հիմնական թեմաները կլինեն Ուկրաինա Ռուսաստանի ներխուժումը, Կիևի ու Անկարայի երկկողմ փոխգործակցությունը, ինչպես նաև հացահատկի գործարքը, որը Ռուսաստանը չի ցանկանում երկարաձգել՝ պնդելով, թե դրա հիմքեր չկան։   Հացահատկի գործարքի ժամկետը լրանում է հուլիսի 17-ին։ Թուրքիայի արտաքին գործերի նախարար Հաքան Ֆիդանը հայտարարել է, որ Թուրքիան կողմ է դրա երկարաձգմանը։
09:10 - 07 հուլիսի, 2023
Վրաստանի դեսպանը 48 ժամվա ընթացքում պետք է լքի Ուկրաինան. Վլադիմիր Զելենսկի |hetq.am|

Վրաստանի դեսպանը 48 ժամվա ընթացքում պետք է լքի Ուկրաինան. Վլադիմիր Զելենսկի |hetq.am|

hetq.am: Ուկրաինայի նախագահ Վլադիմիր Զելենսկին այդ երկրի արտաքին գործերի նախարարությանը հանձնարարել է կանչել Վրաստանի դեսպանին և հայտնել այն մասին, որ վերջինս Ուկրաինան լքի 48 ժամվա ընթացքում։ Այդ մասին Ուկրաինայի նախագահը գրառում է արել տելեգրամյան իր ալիքում։ «Այսօր ես հանձնարարել եմ արտաքին գործերի նախարարությանը կանչել Ուկրաինայում Վրաստանի դեսպանին, վճռական բողոք արտահայտել նրան և առաջարկել Ուկրաինան լքել 48 ժամվա ընթացքում՝ իր մայրաքաղաքում խորհրդակցությունների անցկացման համար»,- գրել է Զելենսկին։ Վերջինս վրացական իշխանություններին կոչ է արել Ուկրաինային հանձնել Վրաստանի նախկին նախագահ Միխեիլ Սաակաշվիլիին, որն ունի ուկրաինական քաղաքացիություն։ Իր գրառմանը Զելենսկին կցել էր նաև Վրաստանի նախկին նախագահը լուսանկարը, որն այսօր արվել էր Թբիլիսիում դատական նիստին հեռավար մասնակցության ժամանակ։  Զելենսկին պնդում է, որ «Ռուսաստանը վրացական իշխանությունների ձեռքով սպանում է Սաակաշվիլիին»։ «Մենք բազմիցս կոչ ենք արել պաշտոնական Թբիլիսիին կանգնեցնել այդ ծաղրանքը և պայմանավորվել Ուկրաինային Սաակաշվիլիի վերադարձի շուրջ»,- գրել է նախագահ Զելենսկին։
09:16 - 04 հուլիսի, 2023
Զելենսկին բաց կթողնի ՆԱՏՕ-ի գագաթնաժողովը, եթե Ուկրաինային չհրավիրեն միանալու դաշինքին. Ժովկվա |1lurer.am|

Զելենսկին բաց կթողնի ՆԱՏՕ-ի գագաթնաժողովը, եթե Ուկրաինային չհրավիրեն միանալու դաշինքին. Ժովկվա |1lurer.am|

1lurer.am: Ուկրաինան վերջնագիր է ներկայացրել ՆԱՏՕ-ին: Նախագահ Զելենսկու գրասենյակի ղեկավարի տեղակալ Իգոր Ժովկվան հայտարարել է, որ պետության ղեկավարը չի մասնակցի Վիլնյուսում դաշինքի հուլիսյան գագաթնաժողովին, եթե անդամակցության հրավեր չստանա։ Այս մասին հայտնում է Reuters-ը։ «Հայտը դրված է ՆԱՏՕ-ի դաշնակից երկրների ղեկավարների սեղաններին: Վիլնյուսի գագաթնաժողովը շատ լավ սկիզբ կլիներ այս խնդրանքին արձագանքելու համար։ Իսկ պատասխան ասելով՝ նկատի ունենք անդամակցության հրավերը, որը միայն առաջին փուլն է»,- ասել է Զելենսկու գրասենյակի ղեկավարի տեղակալը։ Ավելի վաղ Գերագույն ռադան ՆԱՏՕ-ին կոչ էր արել պարտավորություններ ստանձնել՝ դաշինքում Ուկրաինային տեղ հատկացնելու համար։ Բացի այդ, պատգամավորները խնդրել են ճանաչել «Ուկրաինայի՝ ՆԱՏՕ-ին անդամակցության գործողությունների ծրագրի փուլն անցնելու աննպատակահարմարությունը»։ Նման տեսակետ էր հայտնել նաև Մեծ Բրիտանիայի պաշտպանության նախարար Բեն Ուոլեսը: Նա հայտարարել էր, որ ՆԱՏՕ-ն պետք է պարզեցնի Ուկրաինայի անդամակցության ընթացակարգը՝ արագացնելու երկրի՝ Հյուսիսատլանտյան դաշինք մտնելու գործընթացը։
13:14 - 30 հունիսի, 2023
Ռուսաստանի թուլությունն ակնհայտ է, եւ որքան երկար իր զինվորներին ու վարձկաններին պահի մեր հողում, այնքան շատ քաոս կստանա․ Զելենսկի

Ռուսաստանի թուլությունն ակնհայտ է, եւ որքան երկար իր զինվորներին ու վարձկաններին պահի մեր հողում, այնքան շատ քաոս կստանա․ Զելենսկի

Ուկրաինայի նախագահ Վլադիմիր Զելենսկին մեկնաբանել է Ռուսաստանում տեղի ունեցող իրադարձությունները։ Տելեգրամյան իր ալիքում Զելենսկին գրել է․ «Յուրաքանչյուրը, որն ընդտրում է չարի ուղին, կործանում է ինքն իրեն։ Ռազմական շարասյուներ է ուղարկում՝ ոչնչացնելու կյանքն ուրիշ երկրում, եւ չի կարող նրանց հետ պահել փախուստից ու դավաճանությունից, երբ կյանքն է դիմադրում։ [․․․] Նվաստացնում է մարդկանց եւ պատերազմ ուղարկում հարյուր հազարներով, որպեսզի ի վերջո Մոսկվայի շրջանում պատսպարվի նրանցից, ում ինքն է զինել։ Ռուսաստանը երկար ժամանակ պրոպագանդայով դիմակավորել է իր թուլությունը եւ իր քարոզչության հիմարությունը։ Իսկ հիմա քաոսն այնքան շատ է, որ ոչ մի ստով նրան չես թաքցնի։ Եւ այս ամենը՝ մի մարդ, որը նորից ու նորից վախեցնում է 1917 թվականով, չնայած այլ բանի տանելու էլ ընդունակ չէ։ Ռուսաստանի թուլությունն ակնհայտ է։ Ամբողջական թուլությունը։ Եւ որքան երկար Ռուսաստանը իր զինվորներին ու վարձկաններին պահի մեր հողում, այնքան շատ քաոս, ցավ ու խնդիրներ կստանա հետո իր համար»։
15:25 - 24 հունիսի, 2023
Զելենսկին պնդում է, որ Մոսկվան ահաբեկչություն է նախապատրաստում Զապորոժիեի ԱԷԿ-ում
 |factor.am|

Զելենսկին պնդում է, որ Մոսկվան ահաբեկչություն է նախապատրաստում Զապորոժիեի ԱԷԿ-ում |factor.am|

factor.am: Ուկրաինայի նախագահ Վլադիմիր Զելենսկին տեսաուղերձում հայտարարել է, որ լսել է Ուկրաինայի հետախուզության և անվտանգության ծառայության զեկույցը, ըստ որի՝ «Ռուսաստանը դիտարկում է Զապորոժիեի ատոմակայանում ահաբեկչության սցենարը՝ ճառագայթման արտանետում», գրում է BBC-ի ռուսական ծառայությունը։ «Ցավոք, մեկ անգամ չէ, որ ստիպված եմ եղել հիշեցնել, որ  ճառագայթումը պետական​ ​սահմաններ չի ճանաչում, և թե ում է այն հարվածում՝ որոշվում է միայն քամու ուղղությունից»,- ասել է Զելենսկին։ Նա հավելել է, որ Կիևն իր ձեռքի տակ եղած տեղեկատվությունը կփոխանցի իր գործընկերներին, քանի որ «Եվրոպան, Ամերիկան, Չինաստանը, Բրազիլիան, Հնդկաստանը, արաբական աշխարհը, Աֆրիկան՝ բոլոր երկրները պետք է իմանան այդ մասին»։ «Այս անգամ ամեն ինչ չպետք է լինի՝ ինչպես Կախովկայի դեպքում, աշխարհը նախազգուշացված է, նշանակում է՝ պետք է գործի»,- ասել է նա։ ՌԴ նախագահի մամուլի խոսնակ Դմիտրի Պեսկովը Զելենսկիի հայտարարությունները «հերթական սուտ» է անվանել։
16:35 - 22 հունիսի, 2023
Վլադիմիր Զելենսկին ժամանել է հեղեղումներից տուժած Խերսոնի շրջան
 |azatutyun.am|

Վլադիմիր Զելենսկին ժամանել է հեղեղումներից տուժած Խերսոնի շրջան |azatutyun.am|

azatutyun.am: Ուկրաինայի նախագահ Վլադիմիր Զելենսկին ժամանել է Խերսոնի շրջան, որտեղ Կախովկայա ՀԷԿ-ի ամբարտակի ոչնչացման հետևանքով մեծ թվով բնակավայրեր հայտնվել են ջրի տակ: Զելենսկին մասնակցել է ամբարտակի ոչնչացման հետևանքների վերացման հարցով հանձնաժողովի նիստին, որի օրակարգում բնակչության տարհանման, հեղեղված բնակավայրերում արտակարգ կացությունից բխող գործողությունների կարգավորման, բնապահպանական և ռազմական իրավիճակի հարցերն են: Կախովկա հիդրոէլեկտրակայանի ամբարտակը պայթեցվել է հունիսի 5-ի լույս 6-ի գիշերը: Այդ գրավված շրջանում Մոսկվայի կողմից Նովայա Կախովկա ավանի ղեկավար նշանակված Վլադիմիր Լեոնտևը հայտնել է 5 զոհվածների և 41 տուժածների մասին: Ուկրաինան, Եվրամիությունը և Մեծ Բրիտանիան ամբարտակի ոչնչացման համար մեղադրել են Ռուսաստանի իշխանություններին, նշելով, որ դրա նպատակն է կանխել ուկրաինական բանակի հակագրոհը: Մոսկվան հերքում է մեղադրանքը և պնդում է, որ ամբարտակը ոչնչացվել է Ուկրաինայի կազմակերպած ռազմական դիվերսիայի հետևանքով:
16:31 - 08 հունիսի, 2023
Զելենսկին ժամանել է Մոլդովա՝ մասնակցելու Եվրոպական քաղաքական համայնքի գագաթնաժողովին
 |armeniasputnik.am|

Զելենսկին ժամանել է Մոլդովա՝ մասնակցելու Եվրոպական քաղաքական համայնքի գագաթնաժողովին |armeniasputnik.am|

armeniasputnik.am:  Ուկրաինայի նախագահ Վլադիմիր Զելենսկին ժամանել է Մոլդովա՝ մասնակցելու Եվրոպական քաղաքական համայնքի գագաթնաժողովին, որտեղ կքննարկվեն անվտանգության հարցեր։ Ինչպես հայտնում է ՌԻԱ Նովոստին, հղում անելով Moldpres պետական գործակալությանը, Զելենսկին առաջինն է եղել պետության ղեկավարներից, որն այսօր առավոտյան ժամանել է Բուլբոակա քաղաքի Միմի ամրոց, որտեղ այսօր անցկացվում է Եվրոպական քաղաքական համայնքի գագաթնաժողովը։ Ուկրաինայի նախագահի մասնակցությունը միջոցառմանը չէր հաստատվում, սակայն մինչև վերջին պահը չէր էլ հերքվում։ Գագաթնաժողովի հիմնական թեմաներն են լինելու էներգետիկան, անվտանգությունը և հիբրիդային սպառնալիքների դեմ պայքարը։ Միջոցառումը տեղի է ունենում Միմի գինեգործարանի տարածքում՝ Բուլբոակա գյուղում (գտնվում է Քիշնևից 45 կիլոմետր հեռավորության վրա), որտեղ գտնվում են նաև Դաչիյա ռազմաբազան և ռազմական պոլիգոնը, որտեղ անցկացվում են ազգային բանակի զորավարժությունները։ Մոլդովայի գագաթնաժողովի մասնակիցների անվտանգությունն ապահովելու համար ժամանել են Ռումինիայի ներքին գործերի նախարարության աշխատակիցները։ Անհետաձգելի բժշկական տարհանման համար Մոլդովա կժամանի նաև ռումինական SMURD փրկարար ծառայության երկու ուղղաթիռ, որոնք անհրաժեշտության դեպքում ավիաբուժական առաքելություն կիրականացնեն։ Ինչպես հայտնում են Մոլդովայի ԱԳՆ–ից, մայիսի 31-ից հունիսի 2-ը մոլդովայի երկինքը բաց կլինի միայն Եվրոպական քաղաքական համայնքի գագաթնաժողովին մասնակցող պաշտոնական պատվիրակությունների ինքնաթիռների համար։
11:24 - 01 հունիսի, 2023