Ինֆոթեգեր Մեր մասին
hy en ru
Նվիրաբերել

Վրաստան

Վրաստանի Հանրապետություն ինքնիշխան պետություն Հարավկովկասյան տարածաշրջանում, որը միջանկյալ դիրք է զբաղեցնում Արևելյան Եվրոպայի և Հարավարևմտյան Ասիայի միջև։ Գտնվում է Առաջավոր Ասիայում՝ Մեծ Կովկասի լեռնային համակարգի արևմտյան և կենտրոնական հատվածներում:

Զբաղեցնում է 69 700 կմ քառ․ տարածք, իսկ բնակչությունը՝ ըստ 2019 թվականի մարդահամարի տվյալների, կազմում է 3 723 500 մարդ։ Բնակչության ճնշող մեծամասնությունը կազմում են վրացիները, գլխավոր ազգային փոքրամասնություններն են ադրբեջանցիներն ու հայերը։ Վրաստանը խորհրդարանական կառավարման համակարգով սահմանադրական, բազմակուսակցական հանրապետություն է։

Վահագն Խաչատուրյանը շնորհավորել է Միխեիլ Ղավելաշվիլուն Վրաստանի նախագահի պաշտոնում ընտրվելու կապակցությամբ

Վահագն Խաչատուրյանը շնորհավորել է Միխեիլ Ղավելաշվիլուն Վրաստանի նախագահի պաշտոնում ընտրվելու կապակցությամբ

ՀՀ նախագահ Վահագն Խաչատուրյանը X-ի իր էջում շնորհավորել է Միխեիլ Ղավելաշվիլուն Վրաստանի նախագահի պաշտոնում ընտրվելու կապակցությամբ։«Իմ ամենաանկեղծ շնորհավորանքները Միխեիլ Ղավելաշվիլուն Վրաստանի նախագահի պաշտոնում ընտրվելու կապակցությամբ: Հայտնում եմ իմ ամբողջական աջակցությունն ու պատրաստակամությունը սերտորեն աշխատելու՝ ի շահ հայ-վրացական ավանդական եղբայրական հարաբերությունների։Նախագահին մաղթելում եմ ամենայն հաջողություն իր հետագա գործունեությունում», - նշված է շնորհավորական ուղերձում։
20:42 - 14 դեկտեմբերի, 2024
Ալիևն առաջինն է շնորհավորել Վրաստանի նորընտիր նախագահին |azatutyun.am|

Ալիևն առաջինն է շնորհավորել Վրաստանի նորընտիր նախագահին |azatutyun.am|

azatutyun.am: Վրաստանի նախագահի ընտրությունների արդյունքների պաշտոնական հրապարակումից մոտ մեկ ժամ անց Միխաիլ Կավելաշվիլին առաջին շնորհավորական ուղերձն է ստացել։ Առաջինը նրան շնորհավորել է Ադրբեջանի նախագահ Իլհամ Ալիևը, հաղորդում է Ադրբեջանի պետական լրատվական Azertag գործակալությունը։ «Ուրախ ենք, որ փոխադարձ հարգանքի և վստահության ամուր հիմքի վրա կառուցված մեր երկկողմ հարաբերությունները համակողմանիորեն և հաջողությամբ զարգանում են։ Վստահ եմ, որ մենք համատեղ ջանքեր կգործադրենք մեր միջպետական հարաբերությունների և ռազմավարական գործընկերության հետագա ամրապնդման համար՝ հանուն մեր երկրների և ժողովուրդների բարգավաճման, մեր տարածաշրջանում անվտանգության և կայունության ապահովման և տնտեսական ներուժի իրացման», - նշված է Ալիևի շնորհավորական ուղերձում։ Խորհրդարանում ընտրական կոլեգիայի 300 անդամներից 224-ն այսօր քվեարկել են Կավելաշվիլի օգտին։ Վրաստանի պաշտոնից հեռացող նախագահ Սալոմե Զուրաբիշվիլին և ընդդիմադիր կուսակցություններն ընտրությունների օրինականությունը չեն ճանաչում։
17:18 - 14 դեկտեմբերի, 2024
Ընտրական կոլեգիան Միխեիլ Ղավելաշվիլիին ընտրեց Վրաստանի նախագահ |1tv.ge|

Ընտրական կոլեգիան Միխեիլ Ղավելաշվիլիին ընտրեց Վրաստանի նախագահ |1tv.ge|

1tv.ge: ԿԸՀ նիստում հաշվել են Վրաստանի նախագահական ընտրությունների արդյունքները։ Արդյունքների համաձայն՝ ընտրական կոլեգիան Միխեիլ Ղավելաշվիլիին ընտրել է Վրաստանի վեցերորդ նախագահ։ Ամբողջությամբ հաշվված 225 քվեաթերթիկներից Միխեիլ Ղավելաշվիլիին աջակցել է ընտրական կոլեգիայի 224 անդամ, իսկ մեկ քվեաթերթիկ անվավեր է եղել։ Ադա Մարշանիան, ով ընտրական կոլեգիայում ներկայացված է Աբխազիայի Գերագույն խորհրդի քվոտայով, ասել է, որ չի սատարում Վրաստանի նախագահի թեկնածու Միխեիլ Ղավելաշվիլիին։ ԿԸՀ նիստում պատրաստվել է ամփոփ արձանագրություն, որը հանրությանը ներկայացրել է Կենտրոնական ընտրական հանձնաժողովի նախագահ Գիորգի Կալանդարիշվիլին։ Վրաստանի վեցերորդ նախագահի երդմնակալությունը տեղի կունենա դեկտեմբերի 29-ին։ Օրենսդիր մարմնում տեղի ունեցած նախագահական ընտրությունները սկսվել են ժամը 09:00-ին եւ ավարտվել 14:00-ին։ Տեղեկացնենք, որ ընտրական կոլեգիան Վրաստանի վեցերորդ նախագահին առաջին անգամ ընտրել է՝ անուղղակի ճանապարհով։ Ընտրական կոլեգիայի կողմից ընտրված նախագահը պաշտոնավարելու է հինգ տարի ժամկետով։ Նախագահական ընտրություններին զուգահեռ Վրաստանի խորհրդարանի մոտ բողոքի ակցիա է ընթանում։ Օրենսդիր մարմնի մոտ հավաքվածներն ասում են, որ օրենսդիր մարմնում նախագահի ընտրության ընթացակարգը ոչ լեգիտիմ է, քանի որ խորհրդարանն ինքը նույնպես լեգիտիմ չէ։
15:10 - 14 դեկտեմբերի, 2024
Վրաստանում սկսվել են նախագահական ընտրությունները |shantnews.am|

Վրաստանում սկսվել են նախագահական ընտրությունները |shantnews.am|

shantnews.am: Վրաստանի խորհրդարանում մեկնարկել են Վրաստանի վեցերորդ նախագահի ընտրությունները։ Քվեարկությունը հեռարձակում է Վրաստանի հանրային հեռարձակողի Առաջին ալիքը։ Առաջին անգամ նախագահն ընտրվում է ոչ թե ուղիղ ժողովրդական քվեարկությամբ, այլ 300 ընտրողներից բաղկացած ժողովով։ Այն բաղկացած է Վրաստանի խորհրդարանի 150 պատգամավորներից, Աջարիայի Գերագույն խորհրդի 21 պատգամավորներից, Աբխազիայի Գերագույն խորհրդի 20 ներկայացուցիչներից և երկրի տարբեր շրջանների շրջանային սակրեբուլո-մունիցիպալ իշխանությունների 109 պատգամավորներից։ Ընդդիմությունը, որը բոյկոտում է խորհրդարանի աշխատանքը, չի մասնակցում ընտրություններին․ այն նույնպես չի ներկայացրել նախագահի իր թեկնածուին։ Այսպիսով, Վրաստանի նախագահի պաշտոնի միակ թեկնածուն իշխող «Վրացական երազանք-Ժողովրդավարական Վրաստան» կուսակցության թեկնածու, նախկին պատգամավոր, նախկին ֆուտբոլիստ Միխեիլ Կավելաշվիլին է։Միաժամանակ, ընդդիմության ներկայացուցիչները, ինչպես նաև նրանց կողմնակիցները հավաքվել են Թբիլիսիում՝ Վրաստանի խորհրդարանի մոտ՝ բողոքելու երկրի նախագահական ընտրությունների դեմ։Շարունակությունը՝ սկզբնաղբյուր կայքում։ 
10:28 - 14 դեկտեմբերի, 2024
Վրաստանի խորհրդարանն արգելեց ցույցերին դիմակ կրելը, պիրոտեխնիկա և լազերային ցուցիչներ կիրառելը |azatutyun.am|

Վրաստանի խորհրդարանն արգելեց ցույցերին դիմակ կրելը, պիրոտեխնիկա և լազերային ցուցիչներ կիրառելը |azatutyun.am|

azatutyun.am: Վրաստանի խորհրդարանն օրենքի փոփոխությամբ արգելեց բողոքի ակցիաների ընթացքում դիմակ կրելը, պիրոտեխնիկա և լազերային ցուցիչներ կիրառելը։ Պիրոտեխնիկայի կիրառման համար ֆիզիկական անձանց դեպքում սահմանվել է 1800 դոլարին համարժեք տուգանք, իսկ կազմակերպությունների համար՝ 5400 դոլարի։ Վրաստանի նախագահ Սալոմե Զուրաբիշվիլին, որը չի ճանաչում նորընտիր խորհրդարանի լեգիտիմությունը, ենթադրվում է, որ չի ստորագրի «Վրացական երազանքի» քվեներով ընդունված օրենքի փոփոխությունը։ Ավելի քան երկու շաբաթ է՝ Թբիլիսիում և երկրի այլ քաղաքներում շարունակվում են բողոքի ցույցերն ընդդեմ Եվրամիության անդամակցության շուրջ բանակցությունների ժամանակավոր կասեցման կառավարության որոշման։
21:15 - 13 դեկտեմբերի, 2024
Վրաստանում ընդդիմության ցույցը վերսկսվել է. քաղաքում երթևեկությունը կաթվածահար է |aliq.ge|

Վրաստանում ընդդիմության ցույցը վերսկսվել է. քաղաքում երթևեկությունը կաթվածահար է |aliq.ge|

aliq.ge: Թբիլիսիի կենտրոնական Ռուսթավելի պողոտայում ընդդիմության ցույցը վերսկսվել է: Քաղաքացիները հավաքվում են խորհրդարանի դիմաց: Ցույերի 16-րդ օրն է: Հանրահավաքի մասնակիցներն ամբողջությամբ փակել են Ռուսթավելի պողոտան, ինչի պատճառով երթևեկությունը սահմանափակված է։ Միաժամանակ քաղաքի տարբեր վայրերում բողոքի ցույցեր են անցկացնում հասարակության տարբեր խմբերի ներկայացուցիչներ, նրանք վերջում կհավաքվեն Ռուսթավելիի պողոտայում։ Դեպի Ռուսթավելիի պողոտա են շարժվում տեղեկատվական (IT), HR, թրեյներների, ֆինանսական ոլորտի, մարքեթոլոգների, PR-ի և ստեղծարար արդյունաբերության ներկայացուցիչների խումբը: Ցույցի մասնակիցները վանկարկում են՝ «Վրաստա՛ն», «Գործադո՛ւլ», ծածանում են Վրաստանի և Եվրամիության դրոշները։ Քաղաքացիները բողոքում են «Վրացական երազանք»-ի կառավարության որոշման դեմ, ըստ որի՝ Վրաստանը Եվրամիության հետ բանակցություններ սկսելու հարցն օրակարգում չի ներառի մինչև 2028 թվականը։
20:39 - 13 դեկտեմբերի, 2024
Ըստ «Վրացական երազանք»-ի՝ Մակրոնն ու Իվանիշվիլին շուրջ մեկ ժամ հեռախոսով զրուցել են |azatutyun.am|

Ըստ «Վրացական երազանք»-ի՝ Մակրոնն ու Իվանիշվիլին շուրջ մեկ ժամ հեռախոսով զրուցել են |azatutyun.am|

azatutyun.am: Ֆրանսիայի նախագահ Էմանյուել Մակրոնն ու Վրաստանի իշխող կուսակցության հիմնադիր Բիձինա Իվանիշվիլին շուրջ մեկ ժամ հեռախոսազրույց են ունեցել, հայտնում է «Ազատության» վրացական ծառայությունը՝ վկայակոչելով «Վրացական երազանք»-ի հաղորդագրությունը։ «Վրացական երազանք»-ի փոխանցմամբ, հեռախոսազրույցը կայացել է Ֆրանսիայի նախագահի նախաձեռնությամբ։ Ըստ հաղորդագրության՝ Մակրոնը «ցանկություն է հայտնել նպաստելու ստեղծված իրավիճակի լիակատար լիցքաթափմանը»՝ շեշտելով, որ ցավում է Վրաստանում ստեղծված իրավիճակի համար։ Իվանիշվիլին ողջունել է համատեղ ջանքերի գաղափարը։ Մակրոնն ու Իվանիշվիլին պայմանավորվել են առաջիկա օրերին կրկին զրուցել՝ գնահատելու ձեռք բերված առաջընթացը։ Վրաստանում բողոքի ակցիաներ սկսվեցին, երբ վարչապետ Իրակլի Կոբախիձեն հայտարարեց, որ Թբիլիսին մինչև 2028 թվականը կասեցնում է Եվրամիության հետ բանակցությունները: Ակցիաներն ուղեկցվում են ուժայինների հետ բախումներով, ոստիկանները հատուկ միջոցներ են կիրառում ցուցարարների նկատմամբ։
15:03 - 11 դեկտեմբերի, 2024
Հունգարիան խոստացել է վետո կիրառել Վրաստանի իշխանությունների դեմ ԵՄ հնարավոր պատժամիջոցների նկատմամբ |1lurer.am|

Հունգարիան խոստացել է վետո կիրառել Վրաստանի իշխանությունների դեմ ԵՄ հնարավոր պատժամիջոցների նկատմամբ |1lurer.am|

1lurer.am: Հունգարիան դեմ է, որ վրացի պաշտոնյաները ներառվեն պատժամիջոցների ցուցակում, հայտարարել է Հունգարիայի արտգործնախարար Պետեր Սիյարտոն: «Եթե լինեն նման առաջարկներ, մենք վետո կկիրառենք, դուք կարող եք դրանում վստահ լինել»,- հայտարարել է Սիյարտոն Վրաստանի արտգործնախարար Մակա Բոճորիշվիլու հետ համատեղ ասուլիսում։ Հունգարիայի ԱԳՆ ղեկավարի խոսքով՝ Բրյուսելից առաջարկներ կան Վրաստանի ներքին գործերի նախարարի և բարձրաստիճան ոստիկանների դեմ եվրոպական պատժամիջոցներ կիրառելու վերաբերյալ, ինչը «վրդովեցուցիչ է և անհիմն»։ Վրաստանի արտգործնախարար Մակա Բոճորիշվիլին, որն իր առաջին պաշտոնական այցով գտնվում է Բուդապեշտում, շնորհակալություն է հայտնել Հունգարիային՝ Եվրամիությունում Վրաստանի իշխանությունների դեմ պատժամիջոցներ սահմանելու հնարավոր առաջարկների հանդեպ վետո կիրառելու պատրաստակամության համար։
11:28 - 11 դեկտեմբերի, 2024
Մեծ Բրիտանիայի ԱԳ նախարարությունը հայտարարել է Վրաստանին աջակցության բոլոր ծրագրերի դադարեցման մասին |shantnews.am|

Մեծ Բրիտանիայի ԱԳ նախարարությունը հայտարարել է Վրաստանին աջակցության բոլոր ծրագրերի դադարեցման մասին |shantnews.am|

shantnews.am: Մեծ Բրիտանիան կդադարեցնի Վրաստանին տրամադրվող օգնության բոլոր ծրագրերը և կսահմանափակի փոխգործակցությունը Վրաստանի իշխանությունների հետ, այդ թվում՝ պաշտպանության ոլորտում՝ հակակառավարական անկարգություններին իշխանությունների արձագանքի ֆոնին։ Այս մասին ասված է Մեծ Բրիտանիայի ԱԳ նախարար Դեյվիդ Լամմիի հայտարարության մեջ, փոխանցում է ՏԱՍՍ-ը: «Վրացական իշխանությունների կողմից ցուցարարների և լրագրողների նկատմամբ բռնության ցնցող պատկերներն անընդունելի են և պետք է դադարեցվեն։ Ընթացիկ իրադարձությունների լույսի ներքո Մեծ Բրիտանիան անհապաղ կդադարեցնի Վրաստանի կառավարությանը տրամադրվող աջակցության բոլոր ծրագրերը, կսահմանափակի պաշտպանական համագործակցությունը և փոխգործակցությունը «Վրացական երազանքի» կառավարության ներկայացուցիչների հետ, քանի դեռ չի դադարեցվել եվրոպական ժողովրդավարական նորմերից և ազատություններից հեռացումը»,- ասվում է հայտարարության մեջ։
19:52 - 09 դեկտեմբերի, 2024
Վրաստանում կընդունվի օրենք, որը կարգելի հավաքների մասնակիցների կողմից դեմքը տարբեր միջոցներով ծածկել

Վրաստանում կընդունվի օրենք, որը կարգելի հավաքների մասնակիցների կողմից դեմքը տարբեր միջոցներով ծածկել

Վրաստանում կընդունվի օրենք, որը կարգելի հավաքների մասնակիցների կողմից դեմքը տարբեր միջոցներով ծածկել։ Ինչպես փոխացնում է Վրաստանի առաջին ալիքը, այս մասին այսօր հայտարարել է Վրաստանի վարչապետ Իրակլի Կոբախիձեն։ «Սա շատ կարևոր օրենք է, որը կօգնի կանխարգելել բռնությունները հավաքների ժամանակ։ Այս օրենքները գործում են ԵՄ անդամ շատ երկրներում, և բռնության կանխարգելման համար կարևոր է նման օրենքի ընդունումը նաև մեր երկրում։ Տեխնիկապես մինչև հաջորդ շաբաթվա վերջ մենք կկարողանանք կազմակերպել համապատասխան օրենքի ընդունումը։ Այս օրենքը ամբողջությամբ կկիրառվի մինչև ամսվա վերջ»,- ասել է Իրակլի Կոբախիձեն։
16:05 - 08 դեկտեմբերի, 2024
Թբիլիսիում անհայտ անձինք հարձակվել են ընդդիմադիր հեռուստաընկերության լրագրողների վրա |hetq.am|

Թբիլիսիում անհայտ անձինք հարձակվել են ընդդիմադիր հեռուստաընկերության լրագրողների վրա |hetq.am|

hetq.am: Վրաստանի մայրաքաղաք Թբիլիսիում դիմակավորված անձինք ուղիղ եթերի ժամանակ հարձակվել են ընդդիմադիր TV Pirveli հեռուստաալիքի նկարահանող խմբի վրա: Միջադեպը տեղի է ունեցել շարունակվող զանգվածային ցույցերի ֆոնին Վրաստանի խորհրդարանի շենքի մոտ՝ շաբաթ օրը՝ դեկտեմբերի 7-ի երեկոյան: Հարձակման հետևանքով տուժել են լրագրող Մակա Չիխլաձեն և օպերատոր Գեորգի Շեցիրուլին։ Грузия Online-ը փոխանցում է, որ նրանք հոսպիտալացվել են ուղեղի ցնցումով։ Բժիշկների խոսքով՝ լրագրողների կյանքին վտանգ չի սպառնում։ Դեպքից ժամեր անց Վրաստանի հատուկ քննչական ծառայությունը հետաքննություն է սկսել լրագրողների վրա հարձակման փաստով: Գերատեսչությունում ընդգծել են, որ իրականացնում են «բոլոր անհրաժեշտ գործողությունները» մեղավորներին հայտնաբերելու և ձերբակալելու համար: TV Pirveli-ի տնօրեն Վաթո Ծերեթելին 25 000 ԱՄՆ դոլար է խոստացել նրան, ով տեղեկություններ կփոխանցի հարձակում գործած անձանց վերաբերյալ։ Վրաստանի մարդու իրավունքների պաշտպան Լևան Իոսելիանին դատապարտել է նկարահանող խմբի վրա հարձակումը։ Ոստիկանությանը նա կոչ է արել «անհապաղ արձագանքել և ապահովել քաղաքացիների անվտանգությունը»:Շարունակությունը՝ սկզբնաղբյուր կայքում։
14:55 - 08 դեկտեմբերի, 2024
Թբիլիսիում եվրոպամետ ցույցը վերսկսվել է |aliq.ge|

Թբիլիսիում եվրոպամետ ցույցը վերսկսվել է |aliq.ge|

aliq.ge: Թբիլիսիի Ռուսթավելիի պողոտայում եվրոպամետ ցույցը վերսկսվել է. քաղաքացիները 10-րդ գիշերն անընդմեջ բողոքում են «Վրացական երազանք»-ի որոշման դեմ, ըստ որի՝ մինչև 2028 թվականը Վրաստանի կառավարությունը հրաժարվում է եվրաանդամակցության բանակցությունների մեկնարկից: Ռուսթավելիի պողոտայում երթևեկությունը կաթվածահար է: Թբիլիսիի տարբեր վայրերից ուսանողները երթով շարժվում են դեպի Ռուսթավելի պողոտա: Հանրապետության հրապարակից Ռուսթավելիի պողոտայի ուղղությամբ երթով շարժվում են տարբեր դավանանքների հոգևորականներ։ Նրանց ձեռքի պաստառի վրա գրված է. «Միասին հանուն իսկական խաղաղության»։ Բողոքի ակցիայի մասնակիցները պահանջում են ազատ արձակել բողոքի ակցիայի ժամանակ բերման ենթարկվածներին, նոր, ազատ ու արդար ընտրությունների անցկացում։
20:31 - 07 դեկտեմբերի, 2024
Թբիլիսում հատուկ ուժայինները ջրցան մեքենաներով ցրել են բողոքի ակցիան |hetq.am|

Թբիլիսում հատուկ ուժայինները ջրցան մեքենաներով ցրել են բողոքի ակցիան |hetq.am|

hetq.am: Վրաստանի մայրաքաղաքում հատուկջոկատայինները վերջին երեք օրվա ընթացքում առաջին անգամ նախորդ գիշեր սկսել են ցրել Ռուսթավելի պողոտայում հավաքված ցուցարարներին՝ օգտագործելով ջրցան մեքենաներ և արցունքաբեր գազ: Այդ մասին հայտնում է Грузия Online պորտալը։ Վերջինս նշում է, որ ցույցի ցրման պատճառ է դարձել ցուցարարների կողմից պիրոտեխնիկայի կիրառումը։ Տելեգրամյան Paper Kartuli-ն էլ գրում է, որ ոստիկանության կողմից ցույցը ցրելուց երկուսուկես ժամ անց Ռուսթավելի պողոտայում, որտեղ գտնվում է Վրաստանի խորհրդարանը, ակցիայի մասնակիցներից գրեթե մարդ չէր մնացել։ Տելեգրամյան այս ալիքը փոխանցում է, որ որոշ ցուցարարներ գնացել են Կուր գետի ափ, որտեղ էլ ծեծկռտուք է տեղի ունեցել ցուցարարների և անհայտ անձանց միջև, որոնք դուրս են եկել մեքենաներից և «հայտնել իրենց դժգոհությունը»։ Շարունակությունը՝ սկզբնաղբյուր կայքում։
14:24 - 07 դեկտեմբերի, 2024
Վրաստանում բողոքի ակցիաները շարունակվում են |aliq.ge|

Վրաստանում բողոքի ակցիաները շարունակվում են |aliq.ge|

aliq.ge: Թբիլիսիի կենտրոնական Ռուսթավելիի պողոտայում, որտեղ գտնվում է խորհրդարանի շենքը, բողոքի ցույցը վերսկսվել է: Պողոտայում երթևեկություննը կաթվածահար է: Խորհրդարանի հարակից Չիտաձեի և Ճիճինաձեի փողոցներում ոստիկանականները կենդանի պատ են կազմել, նշված հատվածում տեղաշարժը սահմանափակված է։ Հանրահավաքի մասնակիցների մի մասը սուլելով հարվածում է խորհրդարանի դիմաց տեղադրված երկաթե պատնեշին: Նշենք, որ արդեն 9-րդ օրն է, ինչ Թբիլիսիում և երկրի մի շարք քաղաքներում բողոքի ցույցեր են ընթանում։ Քաղաքացիները բողոքում են նոյեմբերի 28-ի «Վրացական երազանք»-ի որոշման դեմ, ըստ որի՝ Վրաստանը Եվրամիության հետ բանակցություններ սկսելու հարցն օրակարգ չի մտցնի մինչև 2028 թվականի վերջ։
21:07 - 06 դեկտեմբերի, 2024
Իմ ասած «հայկական կարուսելը» որևէ էթնիկ նշանակություն չունի․ Սալոմե Զուրաբիշվիլի |hy.armradio.am|

Իմ ասած «հայկական կարուսելը» որևէ էթնիկ նշանակություն չունի․ Սալոմե Զուրաբիշվիլի |hy.armradio.am|

hy.armradio.am: Վրաստանի նախագահ Սալոմե Զուրաբիշվիլին Վրաստանի «Առաջին ալիք»-ին տված հարցազրույցում անդրադարձել է հոկտեմբերի 26-ին կայացած ընտրություններից հետո իր արած հայտարարությանը, ըստ որի՝ ընտրությունները կեղծելու տարբեր միջոցներ, այդ թվում, այսպես կոչված՝ հայկական կարուսել է կիրառվել: Նախագահը պարզաբանել է՝ իր ասած հայտարարության մեջ ոչ մի էթնիկ հարց չի եղել: «Ուզում եմ դիմել հայկական ծագում ունեցող քաղաքացիներին և մեր հարևան հայերին, որոնց շրջանում ևս առկա է ռուսական քարոզչությունը, իմ ասած «հայկական կարուսելը» որևէ էթնիկ նշանակություն չունի։ Սա այն եզրույթն է, որը ես լսել եմ, երբ առաջին անգամ Շևարդնաձեի ղեկավարման ժամանակ եկա Վրաստան։ Այն գործածվել է նաև Սաակաշվիլու օրոք։ Եվ եթե ես չեմ սխալվում, Հայաստանում այն կոչում են «վրացական կարուսել»։ Սրանում էթնիկ հարց չկա»,- ասել է Զուրաբիշվիլին։
12:40 - 06 դեկտեմբերի, 2024
Վրաստանում ցույցերի 8-րդ օրն է. Ռուսթավելիի պողոտան փակ է |aliq.ge|

Վրաստանում ցույցերի 8-րդ օրն է. Ռուսթավելիի պողոտան փակ է |aliq.ge|

aliq.ge: Թբիլիսիում եվրոպամետ ցույցերի 8-րդ օրն է. Ռուսթավելիի պողոտան փակ է: Ցուցարարները չեն պատրաստվում լքել տարածքը: Տեղում աշխատող «Ալիք Մեդիա Վրաստան»-ի նկարահանող խմբի փոխանցմամբ՝ ցուցարարները ծածանում են Վրաստանի և Եվրամիության դրոշները: Ցուցարարներն ի նշան բողոքի բռունցքներով հարվածում են խորհրդարանի երկաթյա պատնեշին: «Պահանջում ենք կառավարության անհապաղ հրաժարականը և ժամանակավոր տեխնիկական կառավարության ձևավորում», — գրված է ցույցի պաստառներից մեկի վրա: Ազատության հրապարակում տեղակայվել են հատուկջոկատայիներ, մոբիլիզացվել է նաև հատուկ տեխնիկա:
22:46 - 05 դեկտեմբերի, 2024