Արցախ

Արցախի Հանրապետություն կամ Լեռնային Ղարաբաղ․ 1991թ․ սեպտեմբերի 2-ին անկախացած հանրապետություն։ 2020 թվականի նոյեմբերի 9-ի հայտարարությունից հետո Արցախում տեղակայվել են ՌԴ խաղաղապահ ուժերը։ Ներկայումս  Արցախի  վերահսկողության տակ է նախկին Խորհրդային Միության կազմի մեջ մտնող Լեռնային Ղարաբաղի ինքնավար մարզը՝ բացառությամբ Հադրութի շրջանի և Շուշիի շրջանի Շուշի և Քարին տակ բնակավայրերի։

Մայրաքաղաքը Ստեփանակերտն է։ Գործող նախագահը Արայիկ Հարությունյանն է։

Արցախի Հանրապետության անկախությունը դեռեւս չի ճանաչել ՄԱԿ անդամ որեւէ պետություն։

Ադրբեջանի գլխավոր դատախազը հայտնել է Լեռնային Ղարաբաղի նախկին ղեկավարների մոտակա դատավարության մասին
 |news.am|

Ադրբեջանի գլխավոր դատախազը հայտնել է Լեռնային Ղարաբաղի նախկին ղեկավարների մոտակա դատավարության մասին |news.am|

news.am: Ադրբեջանի գլխավոր դատախազ Քամրան Ալիեւը հայտնել է, որ ավարտվել է Լեռնային Ղարաբաղի նախկին ղեկավարների «գործերի» հետաքննությունը։ Ինչպես տեղեկացրել է APA-ն, Ալիեւը հայտնել է, որ «գործերն առաջիկայում կհանձնվեն դատարան»։ Նա ասել է, որ քննչական գործողությունները 15 մարդու հանդեպ արդեն ավարտվել են։ «Ներկայում մեղադրյալները, փաստաբանները եւ տուժածները ծանոթանում են քրեական գործի նյութերին։ Ծանոթացման փուլի ավարտից հետո մեղադրական ակտը կհանձնվի դատարան»,- ասել է Ալիեւը։ Վերջերս Ադրբեջանի իշխանությունները 5 ամսով երկարացրել են ԼՂՀ նախկին նախագահներ Արկադի Ղուկասյանի, Բակո Սահակյանի, Արայիկ Հարությունյանի, նախկին պետնախարար Ռուբեն Վարդանյանի, նախկին արտգործնախարար Դավիթ Բաբայանի, ինչպես նաեւ խորհրդարանի խոսնակ Դավիդ Իշխանյանի, պաշտպանության նախկին նախարար Լեւոն Մնացականյանի, գեներալ Դավիթ Մանուկյանի ձերբակալման ժամկետները։ ԼՂՀ նախկին ղեկավարները գերի են վերցվել Ադրբեջանի կողմից 2023թ. սեպտեմբերին Լեռնային Ղարաբաղի օկուպացման ընթացքում։
14:08 - 24 հունիսի, 2024
Արցախի Հանրապետության ներկայացուցչության տարածքում երեկ ցուցադրված «դիմակահանդեսը» իշխանությունների հերթական խայտառակ ոտնձգությունն էր Արցախի և արցախցիների հանդեպ․ Արտակ Բեգլարյան

Արցախի Հանրապետության ներկայացուցչության տարածքում երեկ ցուցադրված «դիմակահանդեսը» իշխանությունների հերթական խայտառակ ոտնձգությունն էր Արցախի և արցախցիների հանդեպ․ Արտակ Բեգլարյան

«Արցախի Հանրապետության ներկայացուցչության տարածքում երեկ ցուցադրված «դիմակահանդեսը» ՀՀ իշխանությունների հերթական խայտառակ ոտնձգությունն էր Արցախի և արցախցիների հանդեպ», - այս մասին ֆեյսբուքյան իր էջում գրել է Արցախի նախկին պետնախարար, նախկին ՄԻՊ Արտակ Բեգլարյանը: «Խորհրդանշական է, որ այս խիստ դատապարտելի պահվածքին զուգահեռ իշխանությունները նույն օրը հայտարարել են Պաղեստինի Պետության ճանաչման մասին: Դա արել են այն իշխանությունները, որոնք ժխտել ու ոտնահարել են Արցախի ժողովրդի ինքնորոշման իրավունքը՝ պարարտ հող ստեղծելով ադրբեջանական ցեղասպանական ագրեսիայի ու Արցախի հայաթափման համար, իսկ հիմա էլ թիրախավորում են Արցախի խիստ խոցելի պետական ինստիտուտներին:  Երևի հաջորդ հեգնական դրվագը կլինի Պաղեստինի տեղահանված ժողովրդի վերադարձի անհրաժեշտության մասին հայտարարելը՝ զուգահեռաբար հանցավոր կերպով փակելով Արցախի տեղահանված ժողովրդի վերադարձի հնարավորություններն ու միջազգային օրակարգը», - նշված է գրառման մեջ։ Հիշեցնենք, որ հունիսի 21-ին հատուկջոկատայինները կոտրել էին ՀՀ-ում Արցախի ներկայացուցչության դարպասը, հատուկ տեխնիկա ներս բերելով առգրավել Արցախի նախագահին պատկանող ծառայողական մեքենան, որը կապարակնքել էին հունիսի 7-ին։ Քննչական կոմիտեի պաշտոնյա Գրիգոր Հովհաննիսյանը հայտնել էր, որ համապատասխան քննչական գործողություններ իրականացնելու նպատակով են առգրավում մեքենան՝ նշելով, որ չի կարող մեկնաբանել, թե ինչ գործի շրջանակում են իրականացվում գործողությունները, քանի որ նախաքննական գաղտնիք է։ Քննչական կոմիտեից ավելի ուշ հայտնել էին, որ դեռևս 2024 թ․ փետրվարին թմրամիջոցներ իրացնելու, թմրամիջոցների ապօրինի շրջանառության հատկանիշներով կոմիտեում հարուցված և ներկայումս քննվող քրեական վարույթի շրջանակներում քննության համար էական նշանակություն ունեցող հանգամանքներ պարզելու, համապատասխան քննչական գործողություններ կատարելու նպատակով քննիչը կայացրել է «Տոյոտա» մակնիշի ավտոմեքենան առգրավելու որոշում։
19:18 - 22 հունիսի, 2024
Սամվել Շահրամանյանի ավտոմեքենան կնքվել էր օրեր առաջ, այսօր իրականացվել է այն հատուկ պահպանվող տարածք տեղափոխելն ապահովելու գործընթաց. Գոռ Աբրահամյան |1lurer.am|

Սամվել Շահրամանյանի ավտոմեքենան կնքվել էր օրեր առաջ, այսօր իրականացվել է այն հատուկ պահպանվող տարածք տեղափոխելն ապահովելու գործընթաց. Գոռ Աբրահամյան |1lurer.am|

1lurer.am: Իրավապահներն այսօր Հայաստանում Լեռնային Ղարաբաղի մշտական ներկայացուցչության բակից առգրավել են «Տոյոտա» մակնիշի մեքենա: Լրատվամիջոցները հայտնում են, որ այն սպասարկում է Լեռնային Ղարաբաղի վերջին նախագահ Սամվել Շահրամանյանին: Քննչական կոմիտեից «Լուրերին» հայտնել են, որ դեռևս 2024 թ․ փետրվարին թմրամիջոցներ իրացնելու, թմրամիջոցների ապօրինի շրջանառության հատկանիշներով կոմիտեում հարուցված և ներկայումս քննվող քրեական վարույթի շրջանակներում քննության համար էական նշանակություն ունեցող հանգամանքներ պարզելու, համապատասխան քննչական գործողություններ կատարելու նպատակով քննիչը կայացրել է «Տոյոտա» մակնիշի ավտոմեքենան առգրավելու որոշում։ Ըստ կոմիտեի նախագահի մամուլի քարտուղար Գոռ Աբրահամյանի՝ ավտոմեքենան կնքվել էր օրեր առաջ, այսօր իրականացվել է այն հատուկ պահպանվող տարածք տեղափոխելն ապահովելու գործընթաց։
17:04 - 21 հունիսի, 2024
Հատուկջոկատայինները կոտրել են ՀՀ-ում Արցախի ներկայացուցչության դարպասը, առգրավել Արցախի նախագահի ծառայողական մեքենան

Հատուկջոկատայինները կոտրել են ՀՀ-ում Արցախի ներկայացուցչության դարպասը, առգրավել Արցախի նախագահի ծառայողական մեքենան

Հատուկջոկատայինները կոտրել են ՀՀ-ում Արցախի ներկայացուցչության դարպասը, հատուկ տեխնիկա ներս բերելով առգրավել Արցախի նախագահին պատկանող ծառայողական մեքենան, որը կապարակնքել էին հունիսի 7-ին։  Լրագրողների հարցին ի պատասխան, Քննչական կոմիտեի պաշտոնյա Գրիգոր Հովհաննիսյանը նշեց, որ համապատասխան քննչական գործողություններ իրականացնելու նպատակով են առգրավում մեքենան։ Նա նշեց, որ չի կարող մեկնաբանել, թե ինչ գործի շրջանակում են իրականացվում գործողությունները, քանի որ նախաքննական գաղտնիք է։ Նրա խոսքով՝ իրենց գործողություններն ամբողջովին իրավաչափ են։ Փաստաբան Ռոման Երիցյանը հայտնեց, որ մեքենան առգրավելու ու հատուկ միջոց կիրառելու որոշումներ ցույց չեն տվել։ Նա նշեց, որ ինքն առաջարկել է սպասել 7 րոպե, որ գա, ապա որոշմանը ծանոթանալուց հետո միջնորդել, որ սովորական ճանապարհով բացեն դարպասները, սակայն իրավապահները չեն սպասել։
16:19 - 21 հունիսի, 2024
500 արցախցի աջակցություն կստանա աշխատանքային փորձ ձեռք բերելու համար
 |hetq.am|

500 արցախցի աջակցություն կստանա աշխատանքային փորձ ձեռք բերելու համար |hetq.am|

hetq.am: Կառավարության՝ հունիսի 20-ի որոշմամբ առաջարկվում է «2023 թ.-ին Լեռնային Ղարաբաղից բռնի տեղահանված անձանց համար կարճաժամկետ ուսուցման դասընթացի կազմակերպման և աշխատանքային փորձ ձեռք բերելու համար աջակցության տրամադրման» ծրագրի իրականացման համար պետբյուջեից հատկացնել 273,613.7 հազար դրամ գումար՝ ծրագրում ևս 500 շահառու ընդգրկելու հնարավորություն ստեղծելու նպատակով։ Ըստ պաշտոնական հաղորդագրության՝ ծրագիրն իրականացվում է 3 ուղղությամբ՝ ուսուցում և աշխատանքի տեղավորում, աշխատանքային փորձի ձեռքբերում և աշխատանքի տեղավորում, ուսուցում, աշխատանքային փորձի ձեռքբերում և աշխատանքի տեղավորում։ Աջակցության 1-ին ուղղության դեպքում նախատեսվում է մինչև 6 ամիս տևողությամբ ուսուցման կազմակերպում, որի նպատակով ուսուցման ամբողջ ժամանակահատվածում շահառուին ամսական կտրվածքով հատկացվում է՝ ուսման վարձի փոխհատուցում՝ յուրաքանչյուր ամսվա համար առավելագույնը 50000 դրամ, կրթաթոշակ` ամսական 50000 դրամ: Ուսուցումն ավարտելուց հետո գործատուի և շահառուի միջև առնվազն 3 ամիս ժամկետով կնքվում է աշխատանքային պայմանագիր, որի պարագայում գործատուին տրամադրվում է աջակցություն՝ առավելագույնը ամսական 50000 դրամ, բայց ոչ ավելի, քան 3 ամիս ժամկետով՝ շահառուի աշխատավարձից հաշվարկվող եկամտային հարկը, դրոշմանիշային վճարը և օրենքով սահմանված դեպքերում սոցիալական վճարը փոխհատուցելու համար։ Աջակցության 2-րդ ուղղության դեպքում նախատեսվում է գործատուի և աշխատողի միջև առնվազն 6 ամիս ժամկետով աշխատանքային պայմանագրի կնքում և, մասնավորապես, առաջին 3 ամսվա ընթացքում աշխատանքային փորձառության կազմակերպում, որի շրջանակներում նախատեսվում է գործատուին 3 ամիս ժամկետով փոխհատուցման տրամադրում շահառուի աշխատավարձի վճարման համար` ամսական 165000 դրամ՝ ներառյալ շահառուի աշխատավարձից հաշվարկվող եկամտային հարկը, դրոշմանիշային վճարը և օրենքով սահմանված դեպքերում` սոցիալական վճարը: Աջակցության 3-րդ ուղղության դեպքում նախատեսվում է մինչև 6 ամիս տևողությամբ ուսուցման կազմակերպում, որի նպատակով նախատեսվում է, մասնավորապես՝ ուսուցման ամբողջ ժամանակահատվածում շահառուին ամսական կտրվածքով վճարել` ուսման վարձի փոխհատուցում՝ յուրաքանչյուր ամսվա համար առավելագույնը 50000 դրամ, կրթաթոշակ` ամսական 50000 դրամ:
15:39 - 20 հունիսի, 2024
Տեղահանված, իրենց բնակության վայրը կորցրած անձինք մշտապես պետք է լինեն պետության հոգածության ներքո. Վահե Ղազարյան

Տեղահանված, իրենց բնակության վայրը կորցրած անձինք մշտապես պետք է լինեն պետության հոգածության ներքո. Վահե Ղազարյան

ՆԳ նախարար Վահե Ղազարյանը Փախստականների համաշխարհային օրվա կապակցությամբ հանդես է եկել ուղերձով, որտեղ մասնավորապես ասված է. «Հարգելի՛ քաղաքացիներ, հունիսի 20-ը աշխարհում նշվում է որպես Փախստականների համաշխարհային օր։ Այդ օրը ևս մեկ առիթ է՝ ուշադրություն հրավիրելու ամենամեծ մարդասիրական ճգնաժամերից մեկին՝ փախստականների հիմնախնդրին: Այսօր Հայաստանի Հանրապետության պաշտպանության տակ են վերցվել և փախստականի կարգավիճակ ստացել նաև Լեռնային Ղարաբաղից բռնի տեղահանված մեր հայրենակիցները: Հայաստանի Հանրապետության կառավարության կողմից ձեռնարկվում են բոլոր հնարավոր միջոցները, որպեսզի ապահովվի փախստականի կարգավիճակ ունեցող մեր հայրենակիցների պաշտպանությունն ու ինտեգրումը, կենսական պայմանների բարելավումը։ Ներքին գործերի նախարարության Միգրացիայի և քաղաքացիության ծառայությունը ձեռնարկում է աջակցման տարբեր միջոցառումներ թե՛ օրենսդրական փոփոխությունների, թե՛ ծառայությունների մատուցման առումով։ Մեր հայրենակիցների սպասարկումը ՄՔԾ տարածքային ստորաբաժանումներում իրականացվում է արտահերթ կարգով։ Լեռնային Ղարաբաղից բռնի տեղահանության հետևանքով առաջացած մարտահրավերներին դիմակայելու հարցում ՆԳ նախարարությունը համագործակցում է միջազգային և ներպետական տարբեր կառույցների, հասարակական կազմակերպությունների հետ։ Ուշադրության կենտրոնում են նաև 1988-1992 թթ. Ադրբեջանից բռնի տեղահանված մեր հայրենակիցների խնդիրները. այժմ Միգրացիայի և քաղաքացիության ծառայության կողմից իրականացվում է այդ անձանց տվյալների թվայնացումը, որպեսզի նրանք լիարժեք օգտվեն իրենց իրավունքներից։ Կարևորելով այս օրը՝ վերստին ցանկանում եմ ընդգծել, որ Հայաստանը, լինելով 1951 թ. «Փախստականների կարգավիճակի մասին» Ժնևի կոնվենցիան ստորագրած պետություն, շարունակում է քայլեր ձեռնարկել փախստականների խնդիրների հավաքման և դրանց լուծման ուղիների նախանշման ուղղությամբ։ Տեղահանված, իրենց բնակության վայրը կորցրած անձինք մշտապես պետք է լինեն պետության և յուրաքանչյուրիս հոգածության ներքո՝ առաջնորդվելով հանդուրժողականությամբ և համերաշխությամբ»,- նշված է ուղերձում։
11:38 - 20 հունիսի, 2024
Խիստ կարևոր է ԼՂ-ից բռնի տեղահանված անձանց իրավունքների պաշտպանությունը. ՄԻՊ-ի ուղերձը

Խիստ կարևոր է ԼՂ-ից բռնի տեղահանված անձանց իրավունքների պաշտպանությունը. ՄԻՊ-ի ուղերձը

Մարդու իրավունքների պաշտպան Անահիտ Մանասյանը ուղերձ է հղել Փախստականների համաշխարհային օրվա կապակցությամբ: «Հունիսի 20-ին ամբողջ աշխարհը նշում է Փախստականների համաշխարհային օրը։ Ապաստան հայցողների և փախստականների իրավունքների պաշտպանությունը ՀՀ մարդու իրավունքների Պաշտպանի գործունեության կարևորագույն ուղղություններից է, որն իրականացվում է ինչպես ամենօրյա աշխատանքային գործունեության, այնպես էլ տարեկան հաղորդումների և արտահերթ զեկույցների, միջազգային և ներպետական կառույցների հետ համագործակցության, իրազեկվածության բարձրացման միջոցառումների և այլ ձևաչափերով ոլորտային խնդիրների բարձրաձայնման միջոցով։ Այս համատեքստում խիստ կարևոր է Լեռնային Ղարաբաղից բռնի տեղահանված անձանց իրավունքների պաշտպանությունը։ Մարդու իրավունքների պաշտպանն անձամբ է ներգրավված բռնի տեղահանված անձանց իրավունքների պաշտպանության աշխատանքներում և վերաբերելի խնդիրները անընդհատ է բարձրաձայնում ինչպես միջազգային գործընկերների, այնպես էլ պետական իրավասու մարմինների հետ հաղորդակցության շրջանակներում։ Խոր ցավով պետք է արձանագրել, որ արդի ժամանակաշրջանում փախստականների թիվն ահագնացող չափերի է հասնում։ Ավելին, 2023 թվականին ադրբեջանական գործողությունների հետևանքով վատ վերաբերմունքի տարատեսակ դրսևորումների զոհ դարձավ և բռնի տեղահանվեց Լեռնային Ղարաբաղի ամբողջ էթնիկ հայ բնակչությունը։ Վերը շարադրվածը նկատի ունենալով` օրախնդիր է նշված բնագավառում իրավունքների պաշտպանության կառուցակարգերի վերանայումը և կատարելագործումը: Այս համատեքստում լիազոր մարմինները պետք է լրջագույն ջանքեր գործադրեն իրավունքի գերակայության ապահովման, բռնի տեղահանված անձանց, ապաստան հայցողների և փախստականների իրավունքների պաշտպանության և խախտված իրավունքների վերականգնման, իրազեկման աշխատանքների իրականացման, միջազգային իրավական փաստաթղթերով ստանձնած պարտավորությունների անխոչընդոտ իրականացման հարցերում: Պետական մարմինները, քաղաքացիական հասարակությունը, մարդու իրավունքների պաշտպանությամբ զբաղվող ազգային և միջազգային կառույցները պետք է համախմբվեն այն գաղափարի շուրջ, որպեսզի բռնի տեղահանված անձանց, ապաստան հայցողների և փախստականների համար լիարժեքորեն երաշխավորվեն իրենց կարգավիճակից բխող բոլոր իրավունքները»,- ասված է ուղերձում:
09:49 - 20 հունիսի, 2024
ԼՂ-ից բռնի տեղահանվածները կարող են արդեն դիմել բնակարանային ապահովման ծրագրից օգտվելու համար. հայտերն ընդունվում են |armenpress.am|

ԼՂ-ից բռնի տեղահանվածները կարող են արդեն դիմել բնակարանային ապահովման ծրագրից օգտվելու համար. հայտերն ընդունվում են |armenpress.am|

armenpress.am: ԼՂ-ից բռնի տեղահանված ընտանիքներն արդեն կարող են դիմել  բնակարանային ապահովման պետական աջակցության ծրագրից օգտվելու համար։ Հունիսի 15-ից հայտերն ընդունվում են նոր գործարկված  հարթակի միջոցով։ Այս մասին «Արմենպրես»-ի մամուլի սրահում հրավիրված ասուլիսում նշեց ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթներ համակարգող խորհրդական Գայանե Ղարագյոզյանը։  «Հայտ ներկայացնելու գործընթացը բավական դյուրին է, սկզբում որևէ փաստաթուղթ ներկայացնելու կարիք չկա։ Ներկայացվում են բացառապես ընտանիքի անդամների անձնագրային տվյալները, ընդ որում, դրանց մի մասը ներբեռնվում են ինքնաշխատ եղանակով։ Այստեղ ուզում եմ ընդգծել, որ ընտանիքի կազմը որոշում են ընտանիքի անդամները։ Եվ հենց այդ կազմով էլ կգեներացվի հավաստագիրը»,-ասաց Գայանե Ղարագյոզյանը։  Հունիսի 15-ից դիմում են բնակարանի կամ անհատական բնակելի տան ձեռքբերման հավաստագրի ստանալու համար։ Հուլիսի 15-ից դիմում են անհատական բնակելի տան կառուցման հավաստագիր ստանալու համար։ Օգոստոսի 1-ից կարող են դիմել գործող հիփոթեքային վարկի մարման աջակցության հավաստագիր ստանալու համար։ Միջոցառումն իրականացվում է 3 փուլով։ Առաջին փուլում կարող են ընդգրկվել 3 և ավելի անչափահաս երեխա ունեցող ընտանիքները, եթե ցանկանում են ձեռք բերել բնակարան կամ տուն,  2 անչափահաս երեխա ունեցող ընտանիքները, եթե ցանկանում են կառուցել տուն, զոհվածի կամ կերակրողին կորցրածի կամ 1-ին կամ 2-րդ խմբի հաշմանդամություն ունեցող անդամով ընտանիքները, եթե ցանկանում են ձեռք բերել բնակարան կամ տուն կամ կառուցել այն, գործող հիփոթեք ունեցող ընտանիքները, որի դեպքում աջակցությունը կուղղվի տվյալ հիփոթեքի մարմանը։ «Երկրորդ փուլում կարող են ընդգրկվել 2 և ավելի անչափահաս երեխա ունեցող ընտանիքները, եթե ցանկանում են ձեռք բերել բնակարան կամ տուն, 1 անչափահաս երեխա ունեցող ընտանիքները, եթե ցանկանում են կառուցել տուն։ Երրորդ փուլում կարող են ընդգրկվել մնացած բոլոր ընտանիքներ, որոնք ընդգրկված չեն եղել առաջին երկու փուլերում»,-ասաց Գայանե Ղարագյոզյանը։  Նախարարության ներկայացուցիչն ընդգծեց, որ ծրագրից օգտվել ցանկացողները կարող են հայտը ներկայացնել, նույնիսկ եթե իրենք դեռ ընտրած բնակարան կամ տուն չունեն։ Այս փուլում կարող են ստանալ հավաստագիրը, որն ուժի մեջ է լինելու մեկ տարի։ Այս փուլի դիմումներն ընդունվում են մինչև ընթացիկ տարվա դեկտեմբերի վերջ։  Ծրագրի շրջանակում աջակցությունը տրվում է ընտանիքի յուրաքանչյուր անդամի՝ 2-ից 5 մլն դրամի շրջանակում՝ կախված թե որ բնակավայրում է տունը ձեռք բերվում կամ կառուցվում։ Գայանե Ղարագյոզյանը խորհուրդ տվեց պոտենցիալ շահառուներին ծանոթանալ բնակավայրերի ցանկին։ Օրինակ՝ 5 մլն դրամի աջակցության համար սահմանված բնակավայրերի ցանկում են Գորիս, Բերդ քաղաքները, 4 մլն-ի դեպքում՝ Սիսիանը, Քաջարանը, Մեղրին և այլն։ Ցանկերը բավական ընդգրկուն են և հասանելի են ՀՀ աշխատանքի և սոցիալական հարցերի նախարարության էջում։  Պետությունը ծրագրով գումարը տրամադրում է անհատույց։ Շահառուները որևէ լումա պարտավորված չեն լինելու վերադարձնելու։ Ծրագրի շահառու դառնալու համար ՀՀ քաղաքացիություն ունենալը պարտադիր է։ 
14:10 - 17 հունիսի, 2024
Մեկնարկում է ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրի շրջանակում առցանց դիմումների ընդունման գործընթացը

Մեկնարկում է ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրի շրջանակում առցանց դիմումների ընդունման գործընթացը

ՀՀ աշխատանքի և սոցիալական հարցերի նախարարությունից տեղեկացնում են, որ այսօրվանից մեկնարկում է ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրի շրջանակում առցանց դիմումների ընդունման գործընթացը․ «Բնակարանի կամ անհատական բնակելի տան ձեռքբերման հավաստագրի տրամադրման համար դիմում կարող են ներկայացնել  ծրագրի առաջին փուլի պայմաններին բավարարող շահառուները: Հիշեցնենք, որ ծրագրի առաջին փուլում կարող են ընդգրկվել․3 և ավելի անչափահաս երեխա ունեցող ընտանիքները,  զոհվածի կամ կերակրողին կորցրածի կամ 1-ին կամ 2-րդ խմբի հաշմանդամություն ունեցող անդամով ընտանիքները, ցանկացած այլ կազմի ընտանիք, որը կհամարվի վարկունակ և բանկից կստանա աջակցության առնվազն 50%-ի  չափով լրացուցիչ վարկ», նշված է հայտարարության մեջ։ 
19:44 - 15 հունիսի, 2024
Լեռնային Ղարաբաղից բռնի տեղահանված անձինք ազատվում են գույքահարկի տեղեկանք ներկայացնելու պարտականությունից

Լեռնային Ղարաբաղից բռնի տեղահանված անձինք ազատվում են գույքահարկի տեղեկանք ներկայացնելու պարտականությունից

Հունիսի 14-ին ՀՀ կառավարությունը ընդունել է «Լեռնային Ղարաբաղից բռնի տեղահանման արդյունքում Հայաստանի Հանրապետությունում ժամանակավոր պաշտպանության տակ վերցված կամ Հայաստանի Հանրապետության քաղաքացիություն ստացած (ունեցող) անձանց տրանսպորտային միջոցների պետական գրանցման և պետական հաշվառման գործողությունների կատարման բացառություններ սահմանելու մասին» որոշումը։  ՀՀ ՆԳՆ հաղորդագրության համաձայն՝ որոշումը նպատակ է հետապնդում պաշտպանելու Լեռնային Ղարաբաղից բռնի տեղահանված և ՀՀ-ում շահագործվող տրանսպորտային միջոցներ ունեցող անձանց իրավունքները և շահերը, ապահովելու նրանց սեփականության իրավունքի իրացման արդյունավետ հնարավորություն և նվազեցնելու շահառուների սոցիալական բեռը: Որոշմամբ, մասնավորապես, նախատեսված է, որ տեղահանված անձինք ազատվում են գույքահարկի պարտավորությունների ամբողջական կատարման մասին տեղեկանք ներկայացնելու պարտականությունից.1) տրանսպորտային միջոցը ՀՀ-ում գրանցելիս` պայմանով, որ գրանցումը կատարվի մինչև 2024 թվականի հոկտեմբերի 1-ը,2) տրանսպորտային միջոցը օտարելիս (տեղեկանքը ներկայացնելու պարտականությունից ազատվում են անժամկետ): Նշված կարգավորումներից օգտվում են նաև տեղահանման արդյունքում ՀՀ տարածքում հայտնված տրանսպորտային միջոցներ (բացառությամբ՝ պետությանը, համայնքներին, պետական կամ համայնքային կազմակերպություններին պատկանող տրանսպորտային միջոցների) ունեցող իրավաբանական անձինք։ Որոշմամբ շահառու անձանց համար սահմանվում են նաև բարենպաստ այլ կարգավորումներ։ Մասնավորապես, տրանսպորտային միջոցը գրանցելու դեպքում որպես տրանսպորտային միջոցի գրանցման հասցե կնշվի բնակչության պետական ռեգիստրում առկա հասցեն, իսկ սեփականատիրոջ ցանկությամբ՝ Լեռնային Ղարաբաղի տարածքում իրականացված հաշվառումը չի դադարեցվի և հատկացված հաշվառման համարանիշերն ու վկայագրերը չեն փոխանակվի։
17:49 - 14 հունիսի, 2024
Արցախցիների բնակարանային ապահովման ծրագրի կարգն ընդունվեց
 |civilnet.am|

Արցախցիների բնակարանային ապահովման ծրագրի կարգն ընդունվեց |civilnet.am|

civilnet.am: Կառավարության հունիսի 14-ի նիստին հաստատվեց Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի իրականացման կարգը, իսկ վաղվանից կմեկնարկի ծրագրի առաջին բաղադրիչը։ Ծրագիրը ֆինանսավորվելու է երեք փուլերով՝ ըստ արդեն իսկ հաստատված ժամանակացույցի։ Առաջին փուլը, մասնավորապես, ունենալու է երեք բաղադրիչ` բնակարանի կամ տան ձեռք բերում, բնակելի տան կառուցում և հիփոթեքային վարկի մարում։ Ընդ որում՝ այս փուլում առաջնահերթություն է սահմանվել երկու և ավելի անչափահաս երեխաներ, զոհվածի, կերակրողին կորցրածի կամ հաշմանդամության առաջին կամ երկրորդ խումբ ունեցող անդամով ընտանիքներին։ Այս բաղադրիչները հերթականությամբ կսկսեն գործել հունիսի 15-ից, արդեն օգոստոսի 1-ից արցախցիները բոլոր բաղադրիչներից կարող են օգտվել։ Կառավարության նիստին վարչապետ Նիկոլ Փաշինյանը կրկին հայտարարեց, որ ծրագրին դիմելու համար Ղարաբաղից բռնի տեղահանված անձիք պետք է դիմեն ու ստանան Հայաստանի քաղաքացիություն։ Նա նաև խոսեց քաղաքական խնդիրների մասին. «Մենք թույլ չենք տալու, որ Լեռնային Ղարաբաղի կղերաֆեոդալական էլիտան Լեռնային Ղարաբաղի ժողովրդին փորձի օգտագործել իր կլանային նպատակների համար։ Մենք շատ համբերատար ենք, շատ հանդուրժող ենք, մեր սերը չենք թաքցնում, բայց որևէ մեկը սա չպետք է իշխանության թույլություն գնահատի ու օգտագործի»։
11:05 - 14 հունիսի, 2024
Ռուբեն Վարդանյանի ընտանիքը հայտնել է բանտում նրա խոշտանգումների մասին

Ռուբեն Վարդանյանի ընտանիքը հայտնել է բանտում նրա խոշտանգումների մասին

Արցախի նախկին պետնախարար Ռուբեն Վարդանյանի ընտանիքը հայտարարություն է տարածել. «Ինչպես տեղեկացել են բանտարկյալի ընտանիքը և նրա միջազգային փաստաբանները, ապրիլին տեղի ունեցած հացադուլի ժամանակ Ռուբենին տեղավորել են պատժախուց, զրկել են քնից ու ջրից, արգելել են շփվել ընտանիքի հետ։ Մենք դեռ չգիտենք, թե ինչպես են այդ խոշտանգումները ազդել նրա ֆիզիկական և հոգեկան վիճակի վրա։ Ապրիլի 5-ից ապրիլի 25-ը Ռուբենը հացադուլ է հայտարարել՝ ի նշան բողոքի իր և մյուս հայ գերիների նկատմամբ ապօրինի կալանավորման և քաղաքական դրդապատճառներով հետապնդումների դեմ։ Սրան ի պատասխան՝ ԱՀ պետական ​​անվտանգության ծառայության քննչական մեկուսարանի վարչակազմը, որտեղ այժմ պահվում է Ռուբենը, նրան տեղափոխել են պատժախուց և սովի ողջ ընթացքում դուրս չեն թողել այնտեղից։ Պատժախցում լույսերը 24/7 միացված էին, ինչը հանգեցրել է հյուծվածության և առողջական այլ խնդիրների։ Բացի այդ, Ռուբենին ստիպել են երկար կանգնել և երկու և ավելի օր զրկել են ջրից։ Բանտարկյալին թույլ չէին տալիս լվանալ կամ փոխել սպիտակեղենն ու հագուստը, նրան զուգարանի թուղթ չէին տալիս և թույլ չէին տալիս կարդալ կամ գրել: Այս սարսափելի պատկերը լրացվում է նրանով, որ հացադուլի ընթացքում ոչ ոքի թույլ չեն տվել տեսակցել Ռուբենին՝ ո՛չ փաստաբանին, ո՛չ էլ տեղի օմբուդսմենին։  Բանտարկյալի համար արտաքին աշխարհի հետ կապն ընդհատվել էր՝ նա չէր կարողանում հեռախոսով խոսել ընտանիքի հետ։ Այսօր Ռուբեն Վարդանյանի փաստաբանների միջազգային խումբը հրատապ դիմում է հղել ՄԱԿ-ի խոշտանգումների հարցերով հատուկ զեկուցողին՝ խնդրելով դատապարտել Ադրբեջանի կառավարության կողմից Ռուբեն Վարդանյանի նկատմամբ դաժան վերաբերմունքը։ «Մենք ցնցվեցինք՝ իմանալով, թե ինչ սարսափներ է կրել հայրս։ Սարսափելի է նույնիսկ մտածել, թե ինչ են անում Ադրբեջանում այլ, քիչ հայտնի բանտարկյալների հետ, ովքեր, ի տարբերություն հորս, միջազգային աջակցություն չեն ստանում։ Ադրբեջանում քաղբանտարկյալների նկատմամբ անմարդկային վերաբերմունքը՝ լինեն նրանք հայ, ադրբեջանցի, թե որևէ այլ ազգության, պետք է վերջ դրվի։ Մենք կոչ ենք անում ՄԱԿ-ին պատասխանատվության ենթարկել Ադրբեջանի կառավարությանը և օգնել պաշտպանել հորս կյանքը»,- ասել է Ռուբեն Վարդանյանի ավագ որդին՝ Դավիթը»։
09:51 - 14 հունիսի, 2024
070 կոդով անձնագրի պատճառով արցախցիներին դեսպանատներում մերժելու խնդիրն ԱԳՆ-ն քննարկում է ԵՄ գործընկերների հետ

070 կոդով անձնագրի պատճառով արցախցիներին դեսպանատներում մերժելու խնդիրն ԱԳՆ-ն քննարկում է ԵՄ գործընկերների հետ

Արցախից բռնի տեղահանված բազմաթիվ անձինք վերջին շրջանում բարձրաձայնում են, որ տարբեր դեսպանատներ (օրինակ՝ Գերմանիայի, Լեհաստանի, Չեխիայի) մերժում են մուտքի արտոնագիր տրամադրել կամ ընդհանրապես ընդունել իրենց հայտերը՝ պատճառաբանությամբ, որ Հայաստանի կողմից իրենց տրված անձնագրերը 070 կոդով են: 070-ը, ինչպես հայտնի է, Ստեփանակերտի անձնագրային ծառայության կոդն է։ Մինչ բռնի տեղահանությունը այդ կոդով անձնագիր տրամադրվում էր միայն Ստեփանակերտում,  իսկ 2023 թ․-ի հոկտեմբերի 12-ից հետո՝ նաեւ Երեւանում՝ տեղահանված արցախցիներին նույնականացնելու նպատակով (առավել մանրամասն՝ այստեղ)։ Հայաստանի կողմից Արցախի բնակչությանը տրամադրված անձնագրերը, ըստ Հայաստանի եւ Արցախի միջեւ կնքված «Անձնագրային համակարգի կազմակերպման» մասին համաձայնագրի, եղել են ճամփորդական անձնագրեր, որը նրանց չի շնորհել ՀՀ քաղաքացիություն։ Մերժում տրամադրելիս դեսպանատները նաեւ այս հանգամանքն են հիշատակել՝ նշելով, որ քանի դեռ անձնագրով հստակ ապացուցված չէ քաղաքացիությունը, հնարավոր չէ ընդունել կամ ընթացք տալ դիմումին։ Արցախի մարդու իրավունքների պաշտպան Գեղամ Ստեփանյանը անդրադարձել է մերժումներին՝ նշելով, որ եթե անգամ դեսպանատները առաջնորդվում են ՀՀ իշխանությունների հայտարարություններով, որ 070 կոդով անձնագիրը փաստացի չի համարվում Հայաստանի քաղաքացիությունը հավաստող փաստաթուղթ, ապա ինչու են անտեսում ՀՀ իշխանությունների նույն հայտարարություններից բխող այն փաստը, որ 070 կոդով անձնագիրը արցախցիներին տրամադրվել է որպես ճամփորդական փաստաթուղթ։ Դրանից բացի, Ստեփանյանը շեշտել է, որ ՀՀ կառավարության 2023 թ․ հոկտեմբերի 26-ի որոշմամբ 070 կոդով անձնագիրը ճանաչվել է որպես փախստականի անձը հաստատող փաստաթուղթ, եւ սահմանվել, որ ՀՀ տարածքից դուրս այն վավեր է փախստականի վկայականի հետ միասին գործածելու պարագայում։ «Ինֆոքոմ»-ը գրավոր հարցումներով դիմել էր ՀՀ արտաքին գործերի նախարարությանը եւ ՆԳՆ միգրացիայի եւ քաղաքացիության ծառայությանը՝ հետաքրքրվելով՝ տեղյա՞կ են արդյոք խնդրի մասին, եթե այո, ապա ի՞նչ քայլեր են ձեռնարկում լուծման ուղղությամբ։  Հետաքրքրվել էինք նաեւ՝ ի՞նչ դիրքորոշում ունեն նշված խնդրի վերաբերյալ, մուտքի արտոնագիր տրամադրելու հարցը պե՞տք է արդյոք պայմանավորված լինի ՀՀ քաղաքացիության հարցով՝ հաշվի առնելով նաեւ այն, որ ՀՀ-ն ժամանակավոր պաշտպանության ներքո է վերցրել եւ փախստական ճանաչել բռնի տեղահանված արցախցիներին։ Արտաքին գործերի նախարարությունից հայտնել են, որ տեղյակ են 070 կոդ ունեցող անձնագրերի դեպքում եվրոպական երկրներ մուտքի արտոնագիր չտրամադրելու խնդրի մասին․ «ԵՄ անդամ որոշ պետությունների դեսպանությունների կողմից մուտքի վիզայի տրամադրման մերժման դեպքերի հարցը ներկայումս քննարկվում է համապատասխան գործընկերների հետ եւ պայմանավորվածություն է ձեռք բերվել ԵՄ դեսպանություններին տրամադրել լրացուցիչ տեղեկատվություն եւ փաստաթղթերի նմուշներ՝ խնդրի հանգուցալուծման հնարավոր տարբերակներն առավել առարկայական քննարկելու եւ Լեռնային Ղարաբաղից բռնի տեղահանված բնակչության (փախստականների) հիմնարար իրավունքները, այդ թվում՝ ազատ տեղաշարժի, պաշպանելու համար»,- նշել են Արտաքին գերատեսչությունից։ ԱԳՆ-ից հիշեցրել են՝ Կառավարության վերոնշյալ որոշման համաձայն՝ ժամանակավոր պաշտպանություն ստացած փախստականի անձը հաստատող փաստթուղթ են անձնագիրը, որի ծածկագիրը տպագրվում է բացառապես 070 կոդով եւ ժամանակավոր պաշտպանության (փախստականի) վկայականը, իսկ 070 ծածկագրով տրված փաստաթուղթը նույն որոշման շրջանակներում հանդիսանում է ճամփորդական փաստաթուղթ։ ՆԳՆ միգրացիայի եւ քաղաքացիության ծառայությունից դարձյալ հղում են կատարել Կառավարության հիշյալ որոշմանն ու վերահաստատել՝ 070 ծածկագրով տրված փաստաթուղթը այդ որոշման շրջանակներում հանդիսանում է ճամփորդական փաստաթուղթ, եւ Հայաստանից դուրս գալիս եւ Հայաստան մուտք գործելիս վավեր է միայն ժամանակավոր պաշտպանության (փախստականի) վկայականի հետ միասին գործածելու պարագայում․ «Ինչ վերաբերում է ԵՄ անդամ պետությունների հյուպատոսական ծառայությունների կողմից մուտքի արտոնագրի տրամադրման մերժման դեպքերին, ապա հայտնում ենք, որ յուրաքանչյուր պետություն ինքն է սահմանում իր երկիր մուտք գործելու եւ իր երկրից դուրս գալու, ինչպես նաև մուտքի վիզա ստանալու կարգն ու պահանջները, ինչով պայմանավորված՝ ՀՀ ՆԳՆ միգրացիայիեւ և քաղաքացիության ծառայությունն իրավասու չէ  պահանջվող փաստաթղթերի եւ դրանց ներկայացման կարգի վերաբերյալ տրամադրել պարզաբանում»,- ասված է պատասխանում։   Միլենա Խաչիկյան
18:42 - 13 հունիսի, 2024
ԼՂ ինքնորոշում ու ԼՂ կարգավիճակ հասկացությունները նշանակել են, որ ԼՂ-ն պետք է լինի Ադրբեջանի կազմում. Նիկոլ Փաշինյան |news.am|

ԼՂ ինքնորոշում ու ԼՂ կարգավիճակ հասկացությունները նշանակել են, որ ԼՂ-ն պետք է լինի Ադրբեջանի կազմում. Նիկոլ Փաշինյան |news.am|

news.am: Հայկական իրականության մեջ Լեռնային Ղարաբաղի ինքնորոշում հասկացությունը սխալ է հասկացվել, ԼՂ կարգավիճակ հասկացությունը սխալ է հասկացվել: Այս մասին, այսօր՝ հունիսի 13-ին, ԱԺ-ում ԱԺ-ում հայտարարեց վարչապետ Նիկոլ Փաշինյանը։ Նա ընթերցեց 1996 թվականին Լիսաբոնում ԵԱՀԿ գագաթնաժողովի արդյունքներով գործող նախագահողի հայտարարությունը. «Ոչ մի առաջընթաց ձեռք չի բերվել՝ լուծելու ԼՂ հակամարտությունը եւ Ադրբեջանի տարածքային ամբողջականության խնդիրը: ԵԴրեք սկզբունքները, որ պետք է դառնան ԼՂ հակամարտության կարգավորման մասը, առաջարկվել են Մինսկի խմբի համանախագահների կողմից: Այդ սկզբունքներն են՝ Հայաստանի եւ Ադրբեջանի տարածքային ամբողջականություն, ԼՂ իրավական կարգավիճակ արտացոլված ինքնորոշման վրա հիմնված համաձայնագրում, որը ԼՂ-ին կշնորհի ամենաբարձր աստիճանի ինքնակառավարում Ադրբեջանի կազմում: ԼՂ-ի եւ նրա ողջ բնակչության անվտանգության ապահովում, ներառյալ կողմերի կողմից փոխադարձ պարտավորություն երաշխավորելու համար համապատասխանությունը կարգավորման սկզբունքներին: Ցավում եմ, որ մասնակից պետություններից մեկը՝ Հայաստանը, չկարողացավ սա ընդունել»: Այնուհետեւ Փաշինյանը շարունակեց. ««Թե մեկը, թե մյուսը նշանակել է, որ Լեռնային Ղարաբաղը պետք է լինի Ադրբեջանի կազմում, իսկ հայկական իրականության մեջ այս ամենը սխալ է հասկացվել, որովհետև 1996 թվականից հայ հանրությունը հասանելիություն չի ունեցել Լիսաբոնի փաստաթղթին, 1996 թվականին ինտերնետ չի եղել»,- ասաց նա։ Փաշինյանի խոսքով՝ Հայաստանի կղերաֆեոդալական էլիտան Հայաստանի ժողովրդին խաբել է, մոլորեցրել է՝ իշխանությունը զավթելու ու պահելու համար։
12:40 - 13 հունիսի, 2024