ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

«Դոժդ»-ի գլխավոր խմբագիրը ներողություն է խնդրել հայերի հասցեին եթերում հնչած մեղադրանքների համար
 |azatutyun.am|

«Դոժդ»-ի գլխավոր խմբագիրը ներողություն է խնդրել հայերի հասցեին եթերում հնչած մեղադրանքների համար |azatutyun.am|

azatutyun.am: Ռուսաստանյան ընդդիմադիր «Դոժդ» հեռուստաալիքի գլխավոր խմբագիր Տիխոն Դզյադկոն ներողություն է խնդրել մարտի 22-ին հեռուստաալիքի եթերում որպես հնչյունային ռեժիսոր ներկայացած ադրբեջանցի Էմինի կողմից Crocus City Hall-ի ահաբեկչությունում հայերին մեղադրելու համար: Վերջինս նաև հայտարարել էր, թե ադրբեջանցի լինելով՝ ծանոթ է հայկական հայհոյանքներին, ու, իբր, հարձակվողները հայերեն էին շփվում ու հայհոյում մարդկանց գնդակահարելու ժամանակ: «Մինչև եթեր միանալը, նախնական հարցազրույցի ընթացքում, այդ մարդը որևէ նման բան չի ասել: Երբ մենք լսեցինք նման անապացույց մեղադրանքներ, հաղորդավարը շեշտեց, որ դա անապացույց է, մենք դուրս բերեցինք այդ մարդուն եթերից ու կտրեցինք հեռարձակումից տվյալ հատվածը: Ներողություն եմ խնդրում «Դոժդ»-ի եթերում նման անապացույց մեղադրանքներ հնչելու կապակցությամբ», - նշել է Դզյադկոն: Ավելի վաղ ՌԴ-ում ՀՀ դեսպանությունը խորը մտահոգություն էր հայտնել եթերում տեղի ունեցած միջադեպի կապակցությամբ: «Վրդովեցուցիչ ենք համարում նման տեղեկատվության նպատակաուղղված տարածումը, որը չի համապատասխանում իրականությանը ու ուղղված է Ռուսաստանում հակահայկական տրամադրություններ բորբոքելուն», - ասված է դեսպանության հայտարարությունում:
11:05 - 24 մարտի, 2024
Ֆոն դեր Լայենը և Բորելը դատապարտել են Մոսկվայի մարզում տեղի ունեցած ահաբեկչությունը
 |1lurer.am|

Ֆոն դեր Լայենը և Բորելը դատապարտել են Մոսկվայի մարզում տեղի ունեցած ահաբեկչությունը |1lurer.am|

1lurer.am: Եվրահանձնաժողովի նախագահ Ուրսուլա ֆոն դեր Լայենը և ԵՄ արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը ցավակցություն են հայտնել և դատապարտել են Մոսկվայի մարզում գտնվող «Կրոկուս սիթի հոլ» առևտրի կենտրոնում տեղի ունեցած ահաբեկչությունը։ «Ահաբեկչությունը կրկին թիրախավորել է անպաշտպան մարդկանց։ Միջազգային հանրությունը պետք է ամուր համախմբվածություն պահպանի ահաբեկչության նման արհավիրքի դեմ պայքարում»,- գրել է Բորելը։ Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։ 
17:55 - 23 մարտի, 2024
Պուտինը մարտի 24-ը համազգային սգո օր է հայտարարել |1lurer.am|

Պուտինը մարտի 24-ը համազգային սգո օր է հայտարարել |1lurer.am|

1lurer.am: Ռուսաստանի նախագահ Վլադիմիր Պուտինը հանդես է եկել ուղերձով՝ կապված մերձմոսկովյան «Կրոկուս սիթի հոլ» առևտրի կենտրոնի համերգասրահում տեղի ունեցած ահաբեկչություն հետ: Նա մարտի 24-ը համազգային սգո օր է հայտարարել: «Բոլոր նրանք, ովքեր կրակել և սպանել են մարդկանց, հայտնաբերվել և ձերբակալվել են, նրանք շարժվելիս են եղել դեպի Ուկրաինա, որտեղ ուկրաինական կողմից պատրաստվել է սահմանը հատելու «պատուհան»: Մոսկվայում և այլ շրջաններում լրացուցիչ հակաահաբեկչական միջոցառումներ են սահմանվել»,- ասել է Պուտինը: Նա վստահեցրել է, որ բոլոր մեղավորները կհայտնաբերվեն և կպատժվեն: ՌԴ նախագահի խոսքով՝ երկրի հատուկ ծառայություններն աշխատում են ահաբեկիչների հանցակիցներին հայտնաբերելու ուղղությամբ: «Ոչ մեկին չի հաջողվի խուճապ և տարաձայնություն սերմանել մեր հասարակության մեջ: Ամենածանր փորձություններից հետո Ռուսաստանը միշտ էլ ավելի է ուժեղացել, այդպես կլինի նաև հիմա»,- նշել է Պուտինը:
16:54 - 23 մարտի, 2024
Կասկածյալներից մեկը հայտարարել է, որ իրեն կես միլիոն ռուբլի էին առաջարկել «Կրոկուս»-ում ահաբեկչական հարձակման համար
 |hetq.am|

Կասկածյալներից մեկը հայտարարել է, որ իրեն կես միլիոն ռուբլի էին առաջարկել «Կրոկուս»-ում ահաբեկչական հարձակման համար |hetq.am|

hetq.am: Տղամարդը, որը ենթադրաբար ձերբակալվել է «Կրոկուս Սիթի Հոլ»-ում ահաբեկչական հարձակման համար, հայտնել է, որ իրեն առաջարկվել է 500 հազար ռուբլի այդ գործողություններին մասնակցելու համար։ Տեսանյութը տարածել են տելեգրամյան մի քանի ալիքներ։  ««Կրոկուս»-ում գնդակահարել եմ մարդկանց։ Փողի դիմաց, (կազմակերպիչները խոստացել էին) մոտ 500 հազար ռուբլի»,- ասել է նա։ Տղամարդը հայտարարել է, որ գումարի կեսը փոխանցել են իր բանկային քարտին, իսկ երկրորդ մասն էլ խոստացել փոխանցել ավելի ուշ։ Նա նշել է, որ բանկային քարտը կորցրել է անտառում փախուստի ժամանակ, երբ իրեն հետապնդում էին իրավապահ մարմինների աշխատակիցները։  Ձերբակալվածը 1998 թվականին ծնված Շամսուտդին Ֆայդուլինն է։  Նրա խոսքով՝ հրազենն իրենց փոխանցել են անհայտ մարդիկ, որոնք մոտ մեկ ամիս առաջ իր հետ կապ են հաստատել տելեգրամի միջոցով։ «Ինձ առաջարկել էին կես միլիոն սպանությունների համար, ես համաձայնվել եմ։ Ուղարկեց ինձ տեղանքը և ասաց՝ սպանի՛ր, տարբերություն չկա, թե ով կլինի»,- հայտարարել է նա։ Այն հարցին, թե ինչու են հենց իրեն գրել, տղամարդը հայտարարել է, որ ինքը լսում էր քարոզիչներից մեկի կրոնական դասախոսություններն, ու իր հետ կապ է հաստատել նրա օգնականը՝ առանց նշելու իր անունը։ Նա նաև նշել է, որ Ռուսաստան է ժամանել մարտի 4-ին Թուրքիայից։ 
16:09 - 23 մարտի, 2024
Մոսկվայում տեղի ունեցած ահաբեկչության հետևանքով տուժածների և զոհերի շրջանում ՀՀ քաղաքացիներ և հայեր չկան. ԱԳՆ մամուլի խոսնակ

Մոսկվայում տեղի ունեցած ահաբեկչության հետևանքով տուժածների և զոհերի շրջանում ՀՀ քաղաքացիներ և հայեր չկան. ԱԳՆ մամուլի խոսնակ

Ի պատասխան լրատվամիջոցներից ստացված հարցումների՝ հայտնում ենք, որ այս պահին առկա տվյալների համաձայն՝ Մոսկվայում մարտի 22-ին տեղի ունեցած ահաբեկչության հետևանքով տուժածների և զոհերի շրջանում ՀՀ քաղաքացիներ և հայեր չկան: Այդ մասին ասված է ԱԳՆ մամուլի խոսնակ Անի Բադալյանի Ֆեյսբուքի էջում։ «ՌԴ-ում ՀՀ դեսպանությունը մշտական կապի մեջ է տեղում ՌԴ իշխանության մարմինների հետ: Համապատասխան տեղեկատվություն ստանալուն պես կհայտնենք լրացուցիչ»,- գրել է նա: Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։ 
14:53 - 23 մարտի, 2024
Պուտինն ու Լուկաշենկոն հեռախոսազրույց են ունեցել
 |1lurer.am|

Պուտինն ու Լուկաշենկոն հեռախոսազրույց են ունեցել |1lurer.am|

1lurer.am: Ռուսաստանի նախագահ Վլադիմիր Պուտինը հեռախոսազրույց է ունեցել Բելառուսի նախագահ Ալեքսանդր Լուկաշենկոյի հետ, որը ցավակցություն է հայտնել «Կրոկուս Սիթի Հոլլում» տեղի ունեցած ահաբեկչության կապակցությամբ: Այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը: «Կողմերը հաստատել են ահաբեկչության դեմ պայքարում փոխգործակցության պատրաստակամությունը»,- ասել է Պեսկովը։ Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։  ՌԴ ԱԴԾ-ից հայտնել են 11 մարդու, այդ թվում՝ 4 ահաբեկիչների ձերբակալության մասին, որոնք անմիջական մասնակցություն են «Կրոկուս»-ի ահաբեկչությանը։ 
14:44 - 23 մարտի, 2024
Ամենայն Հայոց Կաթողիկոսը ցավակցագրեր է հղել ՌԴ նախագահին և Մոսկվայի և Համայն Ռուսիո Պատրիարքին

Ամենայն Հայոց Կաթողիկոսը ցավակցագրեր է հղել ՌԴ նախագահին և Մոսկվայի և Համայն Ռուսիո Պատրիարքին

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ցավակցագրեր է հղել Ռուսաստանի Դաշնության նախագահ Վլադիմիր Պուտինին և Մոսկվայի և Համայն Ռուսիո Կիրիլ Պատրիարքին Մոսկվայի «Կրոկուս Սիթի Հոլ» համերգասրահում տեղի ունեցած ահաբեկչության կապակցությամբ։ Այս մասին հայտնել  է Մայր Աթոռի տեղեկատվական համակարգը։ Խստորեն դատապարտելով անմարդկային ոճրագործությունը` Ամենայն Հայոց Կաթողիկոսը Գերագույն հոգևոր խորհրդի, հոգևոր դասի և հավատավոր հայ ժողովրդի անունից խորին վշտակցություն է հայտնել ՌԴ նախագահին, Ռուս Ուղղափառ Եկեղեցու Հովվապետին և Ռուսաստանի ողջ ժողովրդին։ Վեհափառ Հայրապետը հայցել է, որ Ամենողորմ Աստված երկնային օթևաններում հանգչեցնի զոհված քաղաքացիների հոգիները, Սուրբ Հոգով մխիթարի բոլոր սգավորներին և շուտափույթ ապաքինում պարգևի բոլոր տուժածներին։ Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։ 
14:33 - 23 մարտի, 2024
Խստորեն դատապարտում եմ ահաբեկչության ցանկացած դրսևորում. ՀՀ մարդու իրավունքների պաշտպան

Խստորեն դատապարտում եմ ահաբեկչության ցանկացած դրսևորում. ՀՀ մարդու իրավունքների պաշտպան

Մարդու իրավունքների պաշտպան Անահիտ Մանասյանը ցավակցական հեռագիր է հղել ՌԴ մարդու իրավունքների հանձնակատար Տատյանա Մոսկալկովային Մոսկվայում տեղի ունեցած ահաբեկչության կապակցությամբ: «Հարգելի Տատյանա Նիկոլայի, Խորապես ցնցված եմ անմեղ կյանքեր խլած սարսափելի ողբերգության լուրից: Խստորեն դատապարտում եմ ահաբեկչության ցանկացած դրսևորում, մարդկանց թիրախավորելու ցանկացած փորձ: Այս ծանր պահին կիսում եմ Ձեր վիշտը և իմ ցավակցությունը հայտնում այս մեծ ողբերգության զոհերի հարազատներին, իսկ վիրավորներին մաղթում շուտափույթ ապաքինում»,- ասված է ցավակցական հեռագրում։ Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։ 
13:46 - 23 մարտի, 2024
Պուտինին զեկուցվել է 11 մարդու, այդ թվում՝ 4 ահաբեկիչների ձերբակալության մասին․ Կրեմլ

Պուտինին զեկուցվել է 11 մարդու, այդ թվում՝ 4 ահաբեկիչների ձերբակալության մասին․ Կրեմլ

ՌԴ անվտանգության դաշնային ծառայությունը ՌԴ նախագահ Վլադիմիր Պուտինին զեկուցել է 11 մարդու, այդ թվում՝ 4 ահաբեկիչների ձերբակալության մասին, որոնք անմիջական մասնակցություն են «Կրոկուս»-ի ահաբեկչությանը։ Այս մասին հայտնել է Կրեմլի մամուլի ծառայությունը։ Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։  Վերջին տվյալներով զոհվել է ավելի քան 60 մարդ. թիվը, ըստ ՌԴ ՔԿ-ի, կարող է աճել։ Փրկարարները ավիացիոն ուժերի օգնությամբ տարհանել են 100-ից ավել մարդու։
12:13 - 23 մարտի, 2024
Տաջիկստանը հերքում է իր քաղաքացիների՝ Մոսկվայում իրականացված ահաբեկչության հետ կապ ունենալու մասին լուրերը

Տաջիկստանը հերքում է իր քաղաքացիների՝ Մոսկվայում իրականացված ահաբեկչության հետ կապ ունենալու մասին լուրերը

Տաջիկստանը հերքում է իր քաղաքացիների՝ Մոսկվայում իրականացված ահաբեկչության հետ կապ ունենալու մասին լուրերը․  «Տաջիկական կողմը հաստատում չի ստացել ռուսական իշխանություններից Տաջիկստանի քաղաքացիների ներգրավվածության մասին շրջանառվող կեղծ տեղեկատվության վերաբերյալ»,- նշել են երկրի ԱԳՆ-ից։  Նշենք, որ տելեգրամյան ալիքները տարածել էին 4 անձի լուսանկար՝ նշելով, որ վերջիններս ահաբեկչություն իրականացրած անձինք են և չորսն էլ Տաջիկստանի քաղաքացիներ են։ Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։  Վերջին տվյալներով զոհվել է ավելի քան 60 մարդ. թիվը, ըստ ՌԴ ՔԿ-ի, կարող է աճել։ Փրկարարները ավիացիոն ուժերի օգնությամբ տարհանել են 100-ից ավել մարդու։
11:37 - 23 մարտի, 2024
Ահաբեկչության ցանկացած դրսևորում դատապարտելի է. ՀՀ նախագահը ցավակցական հեռագիր է հղել Վլադիմիր Պուտինին

Ահաբեկչության ցանկացած դրսևորում դատապարտելի է. ՀՀ նախագահը ցավակցական հեռագիր է հղել Վլադիմիր Պուտինին

Հանրապետության նախագահ Վահագն Խաչատուրյանը ցավակցական հեռագիր է հղել ՌԴ նախագահ Վլադիմիր Պուտինին: «Խոր ցավով տեղեկացա Մոսկվայում տեղի ունեցած սոսկալի ահաբեկչության մասին, որի զոհն են դարձել տասնյակ անմեղ մարդիկ։ Ահաբեկչության ցանկացած դրսևորում աներկբա անընդունելի ու դատապարտելի է։ Իմ խորին ցավակցությունն եմ հղում Ձեզ և Ռուսաստանի ժողովրդին, զորակցություն եմ հայտնում զոհվածների ընտանիքներին ու հարազատներին, իսկ վիրավորներին մաղթում եմ շուտափույթ ապաքինում»,- ասված է ցավակցական հեռագրում: Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։  Վերջին տվյալներով զոհվել է ավելի քան 60 մարդ. թիվը, ըստ ՌԴ ՔԿ-ի, կարող է աճել։ Փրկարարները ավիացիոն ուժերի օգնությամբ տարհանել են 100-ից ավել մարդու։
10:18 - 23 մարտի, 2024
ԱՄՆ-ն ռուսական կողմին հայտնել է հնարավոր ահաբեկչության մասին իրենց ունեցած տեղեկությունները. Սպիտակ տուն

ԱՄՆ-ն ռուսական կողմին հայտնել է հնարավոր ահաբեկչության մասին իրենց ունեցած տեղեկությունները. Սպիտակ տուն

 Մարտի սկզբին ԱՄՆ-ն տեղեկություն է ստացել Մոսկվայում ենթադրաբար մարդաշատ վայրերում ահաբեկչություն նախապատրաստելու մասին, և դրա մասին հայտնել է ռուսական կողմին, ինչպես նաեւ զգուշացրել ՌԴ-ում գտնվող իր քաղաքացիներին։ Այս մասին «Ռիա Նովոստիին» հայտնել է Սպիտակ տան Ազգային անվտանգության խորհրդի պաշտոնական ներկայացուցիչը։  Նշենք, որ մարտի սկզբին ՌԴ-ում ԱՄՆ դեսպանատունը իր քաղաքացիներին հորդորել էր չայլցելել մարդաշատ վայրեր՝ հնարավոր ահաբեկչության պատճառով։ Ինչից հետո նման զգուշացումներ են արել նաեւ Մեծ Բրիտանիան, Շվեդիան, Կանադան, Չեխիան, Լատվիան, Գերմանիան, Հարավային Կորեան։ Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։  Վերջին տվյալներով զոհվել է ավելի քան 60 մարդ. թիվը, ըստ ՌԴ ՔԿ-ի, կարող է աճել։ Փրկարարները ավիացիոն ուժերի օգնությամբ տարհանել են 100-ից ավել մարդու։
09:39 - 23 մարտի, 2024