ԱՀ Պաշտպանության բանակ

Արցախի Հանրապետության Պաշտպանության բանակը պետական ռազմական կառույց է Արցախի Հանրապետությունում, որի սահմանադրական նպատակն է Արցախի պաշտպանությունը, անվտանգությունը, տարածքային ամբողջականությունը եւ սահմանների անձեռնմխելիությունը:

Արցախի Հանրապետության պաշտպանության բանակը գործում է Հայաստանի Հանրապետության զինված ուժերի աջակցությամբ եւ սերտ համագործակցությամբ։

Ոչ պատերազմական պայմաններում հայ զինծառայողների մահվան դեպքերը՝ 1998-ից մինչեւ 2021 թվականը

Ոչ պատերազմական պայմաններում հայ զինծառայողների մահվան դեպքերը՝ 1998-ից մինչեւ 2021 թվականը

Լուսանկարը՝ hetq.am կայքից Հայաստանի խորհրդարանում անցյալ ամիս՝ օգոստոսի 5-ի եւ 6-ի նիստերի ընթացքում քննարկման առարկա էր դարձել ոչ մարտական պայմաններում հայ զինծառայողների մահերի թեման։ Պատգամավորներն իրար մեղադրում էին, թե խաղաղ պայմաններում ում օրոք է ավելի շատ զոհ եղել։ «Քաղաքացիական պայմանագիր» խմբակցության պատգամավոր Վահագն Ալեքսանյանը, մասնավորապես, օգոստոսի 5-ի իր ելույթում հիշեցրեց, որ Ռոբերտ Քոչարյանի նախագահության օրոք խաղաղ պայմաններում 700-ից ավելի զինծառայող է զոհվել։ «Հայաստան» խմբակցության պատգամավոր Արմեն Ռուստամյանն, արձագանքելով Ալեքսանյանի այս հայտարարությանը, պնդեց, թե վերջինս սխալ թվեր է ասել, եւ թե Քոչարյանի պաշտոնավարման տասը տարվա ընթացքում ոչ թե 700, այլ 92 զոհ է եղել։ Ռուստամյանը պնդեց, որ իր ասած թիվը պաշտոնական տվյալ է։ Արդեն հաջորդ օրը՝ օգոստոսի 6-ի նիստի ժամանակ, Վահագն Ալեքսանյանը, ի պատասխան Ռուստամյանի հնչեցրած այս հայտարարության, ընթերցեց Հայկական ուսումնասիրությունների Անի կենտրոնի հավաքագրած տվյալներն այն մասին, թե 1998-2008 թվականներին հայկական կողմը քանի զոհ է ունեցել. զոհերի թվերը, որոնք հավաքագրված են ՊՆ-ի, Դատախազության, ԱՄՆ պետքարտուղարության ներկայացրած տվյալներից, ակնհայտորեն ավելին են, քան 92-ը։  ԱԺ-ում այս քննարկումից հետո Infocom-ը ՀՀ դատախազությունից, Արդարադատության նախարարությունից, Պաշտպանության նախարարությունից եւ Հելսինկյան քաղաքացիական ասամբլեայի Վանաձորի գրասենյակից խնդրեց տրամադրել հայ զինծառայողների մահվան դեպքերի թիվը՝ 1992-ից 2021 թվականի օգոստոսը՝ յուրաքանչյուր տարվա համար առանձին նշելով պատճառը՝ մարտական գործողություններ կամ հրադադարի ռեժիմի խախտում, դժբախտ պատահար, սպանություն կամ ինքնասպանություն եւ այլն։  Պաշտպանության նախարարությունն, ինչպես գրեթե միշտ, այս անգամ եւս մերժեց տեղեկություն տրամադրել, Արդարադատության նախարարությունից հայտնեցին, որ նման վիճակագրություն չեն վարում, իսկ Դատախազությունն ու ՀՔԱՎ գրասենյակը տրամադրեցին 2010 թվականից սկսած իրենց հավաքագրած տեղեկությունները՝ զինծառայողների մահվան դեպքերի վերաբերյալ։ Դատախազությունից նշել են, որ ՀՀ զինված ուժերում եւ ԱՀ ՊԲ-ում 1992 թվականից մինչեւ 2010 թվականը գրանցված մահացության դեպքերի վերաբերյալ ՀՀ զինվորական դատախազությունում տեղեկություն առկա չէ։ Ուստի ստորեւ նախ կներկայացնենք Անի կենտրոնի ներկայացրած տվյալները՝ 1990-ականներից մինչեւ 2010 թվականը, ապա Զինդատախազությունից եւ ՀՔԱՎԳ-ից հարցմամբ ստացած տեղեկությունները՝ 2010-2021 թվականների վերաբերյալ։ 1995-2010թթ․ ընթացքում հայ զինծառայողների մահվան դեպքերի թիվն անցնում է 1600-ը Այսպես, Անի կենտրոնի այս տվյալների համաձայն (աղբյուրը՝ Թաթուլ Հակոբյան, «Մահվան հովիտ», էջ 250-251)` 1995-ին գոհերի թիվը կազմել է 324 հոգի, 1996-ին` 260 հոգի, 1997-ին՝ 217 հոգի, 1998-ին՝ 196 հոգի:  Հակոբյանը գրել է, որ իր պահոցում պահպանվել է 1998-ի գոհերի վիճակագրության վերաբերյալ երկու այլ տվյալ եւս՝ 151 եւ 171, ընդ որում, ինչպես շեշտել է հեղինակը, վերջին թիվը 1999-ին հրապարակավ նշել է Սերժ Սարգսյանը:  1999-ին Հակոբյանի պահոցում հանդիպում է 86 զոհ թիվը, ըստ Հայաստանի Հելսինկյան կոմիտեի՝ զոհերի թիվը եղել է 93:  2000 թվականին հանդիպում է զոհերի երեք տարբեր թիվ՝ 72, մեկ այլ տեղ՝ 111, Սերժ Սարգսյանը հրապարակավ խոսել է ավելի քան 100 զոհի մասին։  2001-ին, ըստ Թաթուլ Հակոբյանի հավաքագրած տվյալների, եւս հանդիպում է երկու՝ ակնհայտորեն տարբեր թիվ՝ 56 եւ 92։  2002-ին նախ գրվել է 50, ապա 62 զոհի մասին, 2003-ին՝ 40, 2004-ին՝ 38 զոհ։  2005-ին Պն-ն, ինչպես նշված է գրքում, հայտնել է 47 զոհի մասին, 2006-ին պաշտպանության նախարար Սերժ Սարգսյանը ներկայացրել է 33, Զինդատախազությունը՝ 36 թիվը։  2007-ին (դարձյալ առաջնորդվում ենք «Մահվան հովիտ» գրքում զետեղված տվյալներով), ՀՀ ՊՆ-ն հայտնել է 31 զոհի մասին, Զինդատախազությունը՝ 50։  2008-ին, ըստ Զինդատախազության, զոհերի թիվը կազմել է 71, ԱՄՆ պետքարտուղարության զեկույցի համաձայն՝ 69:  2009-ին ՀՀ զինդատախազությունը ներկայացրել է 43 թիվը, ԱՄՆ պետքարտուղարությունը՝ 42։ 2010-ի վերաբերյալ Թաթուլ Հակոբյանը նշել է, որ սա միակ տարին է, երբ չորս տարբեր կառույցներ նշել են միեւնույն` 54 թիվը՝ ՀՀ ՊՆ-ն, Զինդատախազությունը, ՀՔԱՎԳ-ը, ԱՄՆ պետքարտուղարությունը, միայն Խաղաղության երկխոսություն ՀԿ-ի տվյալների համաձայն՝ զոհերի թիվը եղել է 61-ը։ Իսկ ստորեւ ներկայացնում ենք 2010 թվականից մինչեւ 2021-ի օգոստոսը հայ զինծառայողների մահվան դեպքերը՝ ըստ Դատախազության եւ ՀՔԱՎ գրասնեյակի տվյալների եւ ըստ մահվան պատճառների։ Քանի որ Դատախազության եւ ՀՔԱՎ գրասենյակի տրամադրած տվյալները թվային անհամապատասխանություն ունեն, դրանք նախ կներկայացնենք առանձին ինֆոգրաֆիկաներով՝ նախ Դատախազության վիճակագրությունը, ապա Հելսինկյան քաղաքացիական ասամբլեայի Վանաձորի գրասենյակինը։ Դատախազույթունն առանձնացված տրամադրել է հակառակորդի կողմից կատարված սպանությունների, ինքնասպանությունների եւ ինքնասպանության հասցնելու դեպքերի, ծառայության հետ կապված ավտովթարների, զենքի օգտագործման կանոնների խախտման հետեւանքով տեղի ունեցած դեպքերի, հիվանդություններից մահվան դեպքերի, ականի, նռնակի պայթյունի հետեւանքով մահվան դեպքերի, դժբախտ պատահարների,  բռնարարքների, մարտական ծառայություն կրելու կանոնների խախտումների, թռիչքի կանոնների խախտման պատճառներով մահվան դեպքերի տվյալները, որոնք ինֆոգրաֆիկայում ներկայացված են տարբեր գույներով։ Ինֆոգրաֆիկայում՝ զինծառայողների մահվան պատճառներն՝ ըստ Դատախազության* (*Վերոբերյալ ինֆոգրաֆիկայում 2016 թվականի տվյալներում ներառված չէ Ապրիլյան քառօրյա պատերազմի զոհերի թիվը) Հելսինկյան քաղաքացիական ասամբլեայի Վանաձորի գրասենյակը տվյալները ներկայացրել է փոքր ինչ այլ բաժանումով․ մասնավորապես, ստորեւ բերվող ինֆոգրաֆիկայում ցուցադրել ենք հրադադարի ռեժիմի խախտման, ինքնասպանության, սպանության, բռնարարքի, հիվանդության, դժբախտ պատահարների, ավտովթարների, ականի, նռնակի պայթյունի, զենքի հետ վարվելու կանոնների խախտման եւ ծառայության նկատմամբ անփույթ վերաբերմունքի, մարտական ծառայություն կրելու կանոնների խախտման, թռիչքի կանոնների խախտման, եւ, ի վերջո, անհայտ պատճառներով մահվան դեպքերի թվերը։ Պատճառները դարձյալ ներկայացված են առանձին գույներով։ Ինֆոգրաֆիկայում՝ զինծառայողների մահվան պատճառներն՝ ըստ ՀՔԱՎ գրասենյակի* (*Վերոբերյալ ինֆոգրաֆիկայում 2016 թվականի տվյալներում ներառված չէ Ապրիլյան քառօրյա պատերազմի զոհերի թիվը) Դատախազության եւ ՀՔԱՎ գրասենյակի տրամադրած թվերի տարբերությունը կարող եք տեսնել ստորեւ ներկայացվող ինֆոգրաֆիկայում, որտեղ դարձյալ չենք ներառել Ապրիլյան 4-օրյա պատերազմում զոհված զինծառայողների թիվը*։ 2020 թվական՝ մինչեւ պատերազմը․ զինծառայողների մահվան 60, թե՞ 100 դեպք 2020 թվականի ընթացքում, Դատախազությունից ստացած տվյալների համաձայն, արձանագրվել է 60 զինծառայողների՝ ծառայության հետ կապված մահվան դեպք, որոնցից 22-ը՝ հակառակորդի կողմից կատարված սպանություններ (ընդ որում՝ 5-ը վիրավորումը ստացել են 44-օրյա պատերազմի ժամանակ), 4-ը՝ սպանություն, 13-ը՝ ինքնասպանություններ եւ ինքնասպանության հասցնելու դեպքեր, 7-ը՝ ծառայության հետ կապված ավտովթար, 3-ը՝ զենքի օգտագործման կանոնների խախտման հետեւանքով տեղի ունեցած դեպքեր, 5-ը՝ հիվանդության հետեւանքով մահվան դեպքեր, 1-ը՝ մարտական ծառայություն կրելու կանոնների խախտման դեպք, 1-ը՝ ականի պայթյուն, 4-ը՝ դժբախտ պատահարներ: Դատախազությունից ընդգծել են, որ 2020 թվականի սեպտեմբերի 27-ից նոյեմբերի 9-ն ընկած ժամանակահատվածում Ադրբեջանի կումից սանձազերծված ագրեսիվ պատերազմի ընթացքում թշնամու գործողությունների հետեւանքով զոհված զինծառայողների վերաբերյալ ներկայումս ստույգ տեղեկատվություն տրամադրել հնարավոր չէ, քանի որ նրանց տվյալները պարբերաբար լրացվում են եւ այդ կապակցությամբ հարուցված քրեական գործի նախաքննությունը շարունակվում է: Ուստի 2020 թվականի ընթացքում արձանագրված մահվան դեպքերի վերաբերյալ տեղեկատվությունը ներկայացվել է բացառությամբ նշված ժամանակահատվածում զոհված զինծառայողների տվյալների: (27.09.2020թ.-09.11.2020թ.) ՀՔԱՎԳ-ը 2020-ի ընթացքում մահվան դեպքերի վերաբերյալ ներկայացրել է 100 թիվը, որը ներառում է ԶԼՄ-ների տարածած տեղեկության, ՀՀ գլխավոր դատախազության եւ ՀՀ պաշտպանության նախարարության (միայն 2020 թ. 1-ին կիսամյակի տվյալները)։ Ըստ այդմ՝ հրադադարի ռեժիմի խախտման պատճառով զոհվել է 17 զինծառայող, ինքնասպանության պատճառով՝ 18 զինծառայող, մարտական ծառայություն կրելու կանոնների խախտման պատճառով՝ 1 զինծառայող, զենքի հետ վարվելու կանոնների խախտման պատճառով՝ 3 զինծառայող, սպանության պատճառով՝ 4 զինծառայող, ավտովթարի պատճառով՝ 22 զինծառայող, առողջական խնդիրների պատճառով՝ 25 զինծառայող, ականի պայթյունից՝ 1 զինծառայող, դժբախտ պատահարի հետեւանքով՝ 9 զինծառայող։ 2021 թվական Դատախազությունից ստացած տվյալների համաձայն՝ 2021 թվականի հունվարի 1-ից օգոստոսի 1-ն ընկած ժամանակահատվածում արձանագրվել է 21 զինծառայողների՝ ծառայության հետ կապված մահվան դեպք, որոնցից 7-ը՝ հակառակորդի կողմից կատարված սպանություններ (ընդ որում 2-ը վիրավորումը ստացել են 44-օրյա պատերազմի ժամանակ), 4-ը՝ ինքնասպանություններ եւ ինքնասպանության հասցնելու դեպքեր, 4-ը՝ ծառայության հետ կապված ավտովթարներ, 1-ը՝ զենքի օգտագործման կանոնների խախտման հետեւանքով տեղի ունեցած դեպք, 2-ը՝ հիվանդության հետեւանքով մահվան դեպքեր, 1-ը՝ մարտական ծառայություն կրելու կանոնների խախտման դեպք, 2-ը՝ դժբախտ պատահարներ: Իսկ ՀՔԱՎԳ-ը դարձյալ այլ թիվ է արձանագրել՝ 44 դեպք․ այս թիվը ներառում է ԶԼՄ-ների տարածած տեղեկատվության, ՀՀ գլխավոր դատախազության (2021 թ. 1-ին կիսամյակի դրությամբ տվյալների համադրությունը)։ Այդպիսով, արձանագրվել է հրադադարի ռեժիմի խախտման պատճառով զինծառայողի մահվան 9 դեպք, ինքնասպանության պատճառով մահվան՝ 6, սպանության պատճառով մահվան՝ 6, ավտովթարից մահվան՝ 11, առողջական խնդիրների պատճառով մահվան՝ 8, դժբախտ պատահարի հետեւանքով մահվան 4 դեպք։ Քանի որ 2020 թվականի պատերազմի զոհերի թիվը դեռեւս հստակ չէ, իսկ 2021-ն ընթացիկ տարի է, այդ պատճառով այս թվականների տվյալներն ինֆոգրաֆիկաներում ներառված չեն՝ ցուցանիշները չխեղաթյուրելու համար։ Այսպիսով, 2010-2019 թվականներին, ըստ Դատախազության, արձանագրվել է 447 զինծառայողի մահվան դեպք, բացի դրանից՝ եւս 55 մահվան դեպք 2020-ի ընթացքում՝՝ մինչեւ պատերազմը, եւ 2021 թվականի հունվարի 1-ից օգոստոսի 1-ն ընկած ժամանակահատվածում՝ 21 դեպք։ Իսկ Հելսինկյան քաղաքացիական ասամբլեայի Վանաձորի գրասենյակից ստացած տեղեկության համաձայն՝ 2010-2019 թվականներին արձանագրվել է 573 զինծառայողի մահվան դեպք, բացի դրանից՝ 2020-ի առաջին կիսամյակում արձանագրվել է մահվան 100 դեպք, 2021 թվականի առաջին կիսամյակում՝ 44 դեպք։ * Վերոբերյալ ինֆոգրաֆիկաներում տվյալների ակնհայտ տարբերություն կա հատկապես 2016 թվականի սյունակում։ Բանն այն է, որ 2016 թվականի ընթացքում, Դատախազությունից ստացած տվյալների համաձայն, արձանագրվել է 140 զինծառայողների՝ ծառայության հետ կապված մահվան դեպք, 85-ը՝ հակառակորդի կողմից կատարված սպանություններ, 7-ը՝ սպանություն, 14-ը՝ ինքնասպանություններ եւ ինքնասպանության հասցնելու դեպքեր, 7-ը՝ ծառայության հետ կապված ավտովթարներ, 6-ը՝ զենքի օգտագործման կանոնների խախտման հետեւանքով տեղի ունեցած դեպքեր, 5-ը՝ հիվանդությունների հետեւանքով մահվան դեպքեր, 7-ը՝ մարտական ծառայություն կրելու կանոնների խախտումներ, 2-ը՝ ականի պայթյուններ, 7-ը՝ դժբախտ պատահարներ: 2016-ին, ՀՔԱՎ-ի տվյալների համաձայն, որոնք ներառում են ԶԼՄ-ների տարածած տեղեկությունները, ՀՀ գլխավոր դատախազության եւ ՀՀ պաշտպանության նախարարության տվյալների համադրությունը, զինծառայողների մահվան դեպքերի թիվը 175 է: Ընդ որում, ինչպես նշել են Գրասենյակից, ՀՀ պաշտպանության նախարարությունը հայտնել է միայն 2016թ. հրադադարի ռեժիմի խախտման հետեւանքով՝ այդ թվում՝ ապրիլի 2-11-ն ընկած ժամանակահատվածում մահացության դեպքերի թիվը՝ 83։ Այսպես, ՀՔԱՎԳ-ի տվյալների համաձայն՝ 2016-ին արձանագրվել է հրադադարի ռեժիմի խախտման պատճառով 111 զինծառայողի եւ կամավորականի մահվան դեմք, որից Ապրիլյան պատերազամի ժամանակ զոհվել է 77 զինծառայող։ Նույն թվականին արձանագրվել է ինքնասպանության 15 դեպք, դիտավորյալ սպանության՝ 3, երկու եւ ավելի անձանց սպանության՝ 2, մարտական ծառայություն կրելու կանոնների խախտման պատճառով մահվան՝ 4, անհայտ պայմաններում սպանության՝ 1, զենքի հետ վարվելու կանոնների խախտման պատճառով սպանության՝ 5 դեպք։ 2016-ին ավտովթարի պատճառով մահացել է 11 զինծառայող, առողջական խնդիրների պատճառով՝ 2 զինծառայող, ականի պայթյունից՝ 1 զինծառայող, դժբախտ պատահարի հետեւանքով՝ 7 զինծառայող, անհայտ պատճառով՝ 13 զինծառայող։ Նշենք, որ ՀՀ ՊՆ պաշտոնական հաղորդագրության համաձայն՝ ապրիլի 2-ից 5-ն ընկած ժամանակահատվածում հակառակորդի հետ անմիջական շփման գծում տեղի ունեցած մարտական գործողությունների ժամանակ զոհվել են 64 զինծառայողներ և 13 աշխարհազորայիններ ու պահեստազորայիններ։  Ուստի ներկայացված ինֆոգրաֆիկաներում 2016 թվականի զոհերի թվից հանել ենք Ապրիլյան պատերազմի զոհերի՝ ՊՆ-ի ներկայացրած թիվը՝ 64-ը։ Հայարփի Բաղդասարյան
16:34 - 08 սեպտեմբերի, 2021
Արցախի հարավ-արևմուտքում հակառակորդը խախտել է հրադադարի պահպանման ռեժիմը․ հայկական կողմը կորուստներ չունի

Արցախի հարավ-արևմուտքում հակառակորդը խախտել է հրադադարի պահպանման ռեժիմը․ հայկական կողմը կորուստներ չունի

Օգոստոսի 9-ին՝ ժամը 16:00-ից 22:00-ն ընկած ժամանակահատվածում հակառակորդը խախտել է հրադադարի պահպանման ռեժիմը հարավ-արևմտյան (Շոշ-Մխիթարաշեն) հատվածում: Բացի հրաձգային զինատեսակներից ադրբեջանական զինուժը կիրառել է նաև ՀՀՆ-9 (հաստոցավոր հակատանկային նռնականետ)՝ հայկական դիրքերի ուղղությամբ արձակելով 3 արկ: Այս մասին հայտնում է Արցախի ՊԲ-ն։ Հայկական կողմը կորուստներ չունի: Միջադեպի առնչությամբ համապատասխան տեղեկատվություն է տրամադրվել ռուսական խաղաղապահ զորակազմի հրամանատարությանը: Արցախի Հանրապետության պաշտպանության բանակի հրամանատարությունը կոչ է անում ադրբեջանական կողմին հավատարիմ մնալ ձեռքբերված պայմանավորվածություններին և զերծ մնալ իրադրության հետագա լարման ուղղված քայլերից:
10:53 - 10 օգոստոսի, 2021
Արցախի ՊԲ-ում նկատվում են նախընտրական քաղաքական քարոզչության դեպքեր, ինչը բացարձակ անընդունելի է․ ԱՀ ՊԲ

Արցախի ՊԲ-ում նկատվում են նախընտրական քաղաքական քարոզչության դեպքեր, ինչը բացարձակ անընդունելի է․ ԱՀ ՊԲ

Հունիսի 20-ին Հայաստանի Հանրապետությունում կայանալիք արտահերթ խորհրդարանական ընտրություններին ընդառաջ, Արցախի պաշտպանության բանակում նկատվում են նախընտրական քաղաքական քարոզչության դեպքեր, ինչը բացարձակ անընդունելի է՝ հաշվի առնելով պարզ իրողությունը, որ զինված ուժերը դուրս է քաղաքականությունից: Այս մասին հայտնում է ԱՀ ՊԲ-ն։ Արձանագրված դեպքերով արդեն իսկ նշանակվել է ծառայողական քննություն, մեղավորները կրելու են օրենքով սահմանված պատասխանատվություն: Խստորեն դատապարտում ենք բոլոր նման միտումները, քաղաքական ուժերին համոզիչ կերպով կոչ անում ձեռնպահ մնալ Արցախի ՊԲ-ն հայաստանյան ներքաղաքական գործընթացներին խառնելու, առավել ևս՝ այս կամ այն թեկնածուի օգտին նախընտրական քարոզչություն իրականացնելու փորձերից: Հարկ ենք համարում նշել, որ այդ գործողությունները դուրս են օրենքից, և բոլոր նրանք, ովքեր կխախտեն քաղաքական գործընթացների հանդեպ չեզոքության կարևորագույն սկզբունքը, պատասխանատվության կենթարկվեն իրավական հարթությունում:
14:59 - 18 հունիսի, 2021
Արայիկ Հարությունյանը ՊԲ բարձրագույն հրամկազմի հետ խորհրդակցություն է անցկացրել

Արայիկ Հարությունյանը ՊԲ բարձրագույն հրամկազմի հետ խորհրդակցություն է անցկացրել

Արցախի Հանրապետության նախագահ Արայիկ Հարությունյանը մայիսի 18-ին այցելել է պաշտպանության նախարարություն, որտեղ Պաշտպանության բանակի բարձրագույն հրամկազմի հետ խորհրդակցություն է անցկացրել: Այս մասին տեղեկացնում է Արցախի նախագահի աշխատակազմը: Քննարկվել են բանակաշինությանը, երկրի պաշտպանունակությանը, ինչպես նաև զինծառայողների սոցիալական պայմանների բարելավմանը վերաբերող հարցեր: Նախագահը խորին երախտագիտություն է հայտնել Պաշտպանության բանակի ողջ անձնակազմին իր առաքելությունն անձնվիրաբար իրականացնելու ու ուժերի ներածին չափով թուրք-ադրբեջանական տանդեմի ագրեսիայից Հայրենիքը պաշտպանելու համար:  «Մենք հանդես ենք գալիս արժանապատիվ ու կայուն խաղաղության օրակարգով, սակայն դրա համար անհրաժեշտ են նաև անվտանգային երաշխիքներ: Ուստի, Պաշտպանության բանակը կա, մնալու է և կդառնա ավելի մարտունակ: Նախատեսված բարեփոխումների արդյունքում ձևավորվելու է պրոֆեսիոնալ բանակ, որտեղ կարևոր դերակատարություն են ունենալու պայմանագրային զինծառայողները»,- ասել է երկրի ղեկավարը՝ հավելելով, որ առավելագույն ջանք է ներդրվելու Արցախի անվտանգային համակարգի հետևողական ու արագ բարելավման համար: Խոսելով զինծառայողների սոցիալ-կենցաղային պայմանների բարելավման մասին՝ նախագահ Հարությունյանն ընդգծել է, որ ՀՀ կառավարության գործուն աջակցությամբ մինչև 2023 թվականն ամբողջությամբ լուծվելու է գործող և թոշակառու սպաների բնակարանային ապահովման խնդիրը, ինչպես նաև լրացուցիչ աշխատանքներ են տարվելու զինծառայողներին սոցիալական երաշխիքների տրամադրման, զոհված, մահացած, հաշմանդամ դարձած զինծառայողների և նրանց ընտանիքների անդամների սոցիալական վիճակի բարելավման ուղղությամբ:
17:42 - 18 մայիսի, 2021
Հակառակորդը տարբեր տրամաչափի հրաձգային զինատեսակներից խախտել է հրադադարի պահպանման ռեժիմը. ՊԲ

Հակառակորդը տարբեր տրամաչափի հրաձգային զինատեսակներից խախտել է հրադադարի պահպանման ռեժիմը. ՊԲ

Վերջին օրերին հակառակորդը տարբեր տրամաչափի հրաձգային զինատեսակներից տարբեր ուղղություներով խախտել է հրադադարի պահպանման ռեժիմը: Նշված խախտումների առանձնահատկությունն այն է, որ եթե նախկինում թշնամական կողմը հիմնականում կրակում էր դեպի օդ, ապա ներկայումս ավելի հաճախակի են դարձել ՊԲ մարտական դիրքերի և սահմանամերձ խաղաղ բնակավայրերի ուղղությամբ արձակված կրակոցները: Համոզված լինելով, որ նշված խախտումները նպատակ ունեն խուճապային տրամադրություններ ստեղծել Արցախի բնակչության շրջանում, ինչպես նաև ստվերել ռուսական խաղաղապահ առաքելության իրականացումը՝ կոչ ենք անում ադրբեջանական կողմին՝ զերծ մնալ նման սադրիչ գործողություններից և հավատարիմ մնալ ձեռք բերված պայմանավորվածություններին` ասված է ԱՀ ՊԲ հայտարարության մեջ:  
11:10 - 22 ապրիլի, 2021
Կոչ ենք անում չշահարկել մեր ժողովրդի համար անչափ զգայուն նշանակություն ունեցող թեմաները. Արցախի ՊԲ

Կոչ ենք անում չշահարկել մեր ժողովրդի համար անչափ զգայուն նշանակություն ունեցող թեմաները. Արցախի ՊԲ

Արցախի պաշտպանության բանակը պարզաբանում է ներկայացրել՝ ի պատասխան հայկական լրատվամիջոցներում լայնորեն տարածվող ֆեյսբուքյան օգտատեր Հասմիկ Մարտիրոսյանի՝ «Հադրութում զոհված զինծառայող Ռոբերտ Կարապետյանի «Արիության» մեդալը տուն է բերել տաքսու վարորդը» վերտառությամբ գրությանը:   ՊԲ-ից անհրաժեշտ են համարել տեղեկացնել հետևյալը.   «Նախ՝ նշվածը իրականության հետ որևէ աղերս չունի:   Երկրորդ՝ իրականում Ռոբերտ Կարապետյանի ոչ թե «Արիության համար», այլ՝ «Մարտական ծառայություն» մեդալը հարազատներին է հանձնել ոչ թե տաքսու վարորդը, այլ լեյտենանտ Էդգար Ապրեսյանը, որը մարտական գործողությունների ժամանակ եղել է այն ստորաբաժանմանը աջակցող դասակի հրամանատարը, որի անձնակազմի ներկայացուցիչներից է եղել Ռոբերտ Կարապետյանը:   Նախապես լ-տ Ապրեսյանը ցանկացել է մեդալը հանձնել զոհված զինծառայողի հարազատներին նրանց հարկի տակ, սակայն ծնողների կողմից մերժում ստանալուց հետո այն հանձնել է զոհված զինծառայողի շիրմաքարի մոտ վերջինիս հորը:   Զոհված զինծառայողների պարգևների հանձնման գործընթացը շարունակական է և այն իրականացվում է ոչ միայն զորամաս և ավելի բարձր օղակների հրամկազմի, այլև անմիջական հրամանատարների և մարտական ընկերների մասնակցությամբ:   Կոչ ենք անում զանգվածային լրատվամիջոցների ներկայացուցիչներին և սոցիալական ցանցերի անհատ օգտատերերին չշահարկել մեր ժողովրդի համար անչափ զգայուն նշանակություն ունեցող թեմաները և զերծ մնալ չստուգված տեղեկություններ հրապարակելուց»:      
12:20 - 19 ապրիլի, 2021
ԱՀ ՊԲ-ն հրապարակել է զոհված զինծառայողների նոր անուններ

ԱՀ ՊԲ-ն հրապարակել է զոհված զինծառայողների նոր անուններ

Արցախի Հանրապետության պաշտպանության բանակը հրապարակել է Հայրենիքի պաշտպանության համար մղվող մարտերում նահատակված զինծառայողների անուններ. Պետրոսյան Հովսեփ Կարբիսի, ծնվ. 2000թ. Վարդանյան Դավիթ Ռոբերտի, ծնվ. 2001թ. Նանյան Կամո Մխիթարի, ծնվ. 2002թ. Թիլիքյան Հարություն Դավթի, ծնվ. 1998թ. Ղարիբյան Սամվել Վարազդատի, ծնվ. 2000թ. Սարգսյան Վարուժան Գևորգի, ծնվ. 2000թ. Սիմոնյան Կարեն Արմենի, ծնվ. 2000թ. Պահեստազորային Սահակյան Տիգրան Վյաչեսլավի, ծնվ. 1990թ. Պահեստազորային Հարությունյան Դավիթ Վլադիմիրի , ծնվ. 1982թ. Պահեստազորային Գրիգորյան Գագիկ Վլադիմիրի , ծնվ. 1969թ. Պահեստազորային Ավագյան Արամ Գաբրիելի, ծնվ. 1994թ. Պահեստազորային Գրիգորյան Անդրանիկ Ֆելիքսի, ծնվ. 1996թ. Պահեստազորային Թադևոսյան Հայկ Կամոյի, ծնվ. 1973թ. Պահեստազորային Գրիգորյան Էրիկ Սերգեյի, ծնվ. 1983թ. Պահեստազորային Գափոյան Գարիկ Ռուբենի, ծնվ. 1989թ. Պահեստազորային Գրիգորյան Բորիս Ռուբենի, ծնվ. 1972թ. Դավթյան Մովսես Սեյրանի, ծնվ. 1991թ. Երիցյան Նարեկ Արգամի, ծնվ. 2002թ. Իսունց Գևորգ Ռաֆիկի, ծնվ. 2000թ. Ավանեսյան Արթուր Կարենի, ծնվ. 1998թ. Անտոնյան Արման Մարգարի, ծնվ. 2000թ. Պահեստազորային Եդիգարյան Հովհաննես Աշոտի, ծնվ. 1974թ. Կամավորական Եղիազարյան Փայլակ Զավենի, ծնվ. 1995թ. Իսախանով Աշուռ Ռիչարդի, ծնվ. 2001թ. Կամավորական Իսրայելյան Էլվիս Աշոտի, ծնվ. 1988թ. Պահեստազորային Խանումյան Տիգրան Վալերիի, ծնվ. 1972թ. Պահեստազորային Հակոբյան Անդրանիկ Դավիթի, ծնվ. 1996թ. Հարությունյան Մնացական Մարտինի, ծնվ. 1995թ. Հովակիմյան Գարիկ Հակոբի, ծնվ. 2000թ. Կամավորական Հակոբյան Սամվել Ժորայի, ծնվ. 1971թ. Կամավորական Մունչյան Աշոտ Առաքելի, ծնվ. 1951թ. Չախալյան Գարեգին Գարուշի, ծնվ. 2001թ. Ջանիկյան Արշավիր Խաչիկի, ծնվ. 2002թ. Պահեստազորային Ավագյան Արամ Գաբրիելի, ծնվ. 1994թ. Պահեստազորային Գևորգյան Ռոբերտ Համբարձումի, ծնվ. 1982թ. Մելքոնյան Կարապետ Միսակի, ծնվ. 1997թ. Պահեստազորային Մուրադյան Սևան Բորիսի, ծնվ. 1983թ. Գրիգորյան Գրիգոր Ավետիքի, ծնվ. 2002թ. Պահեստազորային Պետրոսյան Հրանտ Արսենի, ծնվ. 1992թ. Միքայելյան Վալերի Արմենի, ծնվ. 1991թ. Բալայան Նելսոն Էդուարդի, ծնվ. 1980թ. Մելքումյան Անդրեյ Անդրեյի, ծնվ. 1993թ. Մկրտչյան Մհեր Վեսմիրի, ծնվ. 1976թ. Աբրահամյան Հարութ Էռնիկի, ծնվ. 1989թ. Բաբայան Արմեն Ռոդիկի, ծնվ. 1974թ. Աղաբեկյան Ռոման Նելսոնի, ծնվ. 1998թ. Գևորգյան Գևորգ Վալենտինի, ծնվ. 1990թ. Բաբայան Վրեժ Լավրիկի, ծնվ. 1987թ. Գրիգորյան Սասուն Սպարտակի, ծնվ. 1998թ. Առստամյան Ռուբեն Արթուրի, ծնվ. 1990թ. Գասպարյան Սարմեն Սամվելի, ծնվ. 2001թ. Ղարիբյան Մհեր Արամի, ծնվ. 1990թ. Բալայան Վիլեն Սարգիսի, ծնվ. 2000թ. Բաբայան Անդրանիկ Հովիկի, ծնվ. 2002թ. Դավթյան Արայիկ Սամվելի, ծնվ. 2001թ. Սարգսյան Արեն Սամվելի, ծնվ. 2001թ. Սահակյան Սերգեյ Սերգեյի, ծնվ. 2000թ. Բաղրյան Էդիկ Սերգեյի, ծնվ. 2000թ. Աղաբաբյան Արման Սամվելի, ծնվ. 2001թ. Գալստյան Արամ Հրայրի, ծնվ. 2001թ. Մանգասարյան Հայկ Արթուրի, ծնվ. 2000թ. Սիմոնյան Միասնիկ Հրաչիկի, ծնվ. 1989թ. Ալթունյան Սարիբեկ Վալերիի, ծնվ. 2001թ. Հուռումյան Արայիկ Միքայելի, ծնվ. 1990թ. Խաչատրյան Արման Վագիֆի, ծնվ. 1989թ. Մուրադյան Սերգեյ Ռոմայի, ծնվ. 1991թ. Մարտիրոսյան Սևակ Էդուարդի, ծնվ. 1990թ. Ասկարյան Գենադի Բենյամինի, ծնվ. 1984թ. Աղաջանյան Արթուր Արսենի, ծնվ. 1992թ. Հարությունյան Դավիթ Գենադիի, ծնվ. 2001թ. Աղաջանյան Արմեն Շահնազարի, ծնվ. 1977թ. Ալեքսանյան Սասուն Իվանի, ծնվ. 1992թ. Ասրյան Կարեն Մուրադի, ծնվ. 1982թ. Բաղդասարյան Արկադի Պավելի, ծնվ. 1995թ. Բեգլարյան Մխիթար Արվիտի, ծնվ. 1990թ. Պողոսյան Վարդգես Վասիլիի, ծնվ. 1998թ. Բաղդասարյան Զավեն Էռնիկի, ծնվ. 2000թ. Մուսայելյան Արսեն Սերժիկի, ծնվ. 1979թ. Ղուկասյան Հակոբ Բորիկի, ծնվ. 2000թ. Խաչատրյան Հարութ Արարատի, ծնվ. 1998թ. Սարգսյան Արամայիս Սպարտակի, ծնվ. 1996թ. Հայրապետյան Սերգեյ Աշոտի, ծնվ. 2001թ. Եսայան Արմեն Բորիկի, ծնվ. 1977թ. Բաղդասարյան Արտաշես Աշոտի, ծնվ. 2000թ. Ալլահվերդյան Գագիկ Լևոնի, ծնվ. 1976թ. Համբարձումյան Դավիթ Մխիթարի, ծնվ. 1998թ. Մարտիրոսյան Մերուժան Ռոմայի, ծնվ. 1987թ. Աբրահամյան Աշոտ Վազգենի, ծնվ. 1985թ. Սարգսյան Մասիս Արկադիի, ծնվ. 1981թ. Միրզոյան Արտակ Յուրայի, ծնվ. 2001թ. Բալասյան Վիտալի Վաչիկի, ծնվ. 1979թ. Պահեստազորային Դադայան Արայիկ Վասիլիի, ծնվ. 1982թ. Պահեստազորային Ավագիմյան Մխիթար Պավելի, ծնվ. 1973թ. Պահեստազորային Սարգսյան Զաքար Արամի, ծնվ. 1996թ. Պահեստազորային Մուսայելյան Մհեր Ռազմիկի, ծնվ. 1977թ. Պահեստազորային Մաթևոսյան Նարեկ Աբրիկի, ծնվ. 1998թ. Պահեստազորային Հարությունյան Անատոլի Ռոբերտի, ծնվ. 1976թ. Պահեստազորային Պետրոսյան Նելսոն Արտուրի, ծնվ. 2000թ. Պահեստազորային Սարգսյան Նարեկ Ռուդիկի, ծնվ. 1995թ. Պահեստազորային Մարտիրոսյան Մարտին Սերժիկի, ծնվ. 1978թ. Պահեստազորային Բաղիրյան Արթուր Ռոբերտի, ծնվ. 1984թ. Պահեստազորային Ասրիբաբայան Դավիթ Վալերիկի, ծնվ. 1982թ. Պահեստազորային Հարությունյան Կամո Կարենի, ծնվ. 1999թ. Պահեստազորային Գրիգորյան Նորայր Չերվոնի, ծնվ. 1974թ. Պահեստազորային Առստամյան Վարուժան Վազգենի, ծնվ. 1974թ. Պահեստազորային Հարությունյան Աշոտ Նիկոլայի, ծնվ. 1982թ. Պահեստազորային Բաբայան Իգոր Զորիկի, ծնվ. 1973թ. Պահեստազորային Սարգսյան Վլադիմիր Կամոյի, ծնվ. 2000թ. Պահեստազորային Ասրյան Մհեր Ռոմայի, ծնվ. 1984թ. Պահեստազորային Իշխանյան Արտակ Գրիգորիի, ծնվ. 1993թ. Պահեստազորային Դադամյան Արսեն Էրիկի, ծնվ. 1981թ. Պահեստազորային Գասպարյան Գրիշա Սամվելի, ծնվ. 1998թ. Պահեստազորային Ջավադյան Հրանտ Գաստելլոյի, ծնվ. 1996թ. Պահեստազորային Ղարիբյան Էռնեստ Արշակի, ծնվ. 1963թ. Պահեստազորային Հակոբյան Սպարտակ Ռազմիկի, ծնվ. 1983թ. Պահեստազորային Ավանեսյան Վահագն Արտուրի, ծնվ. 1995թ. Պահեստազորային Սարուխանյան Դավիթ Սերժիկի, ծնվ. 1972թ. Պահեստազորային Մարտիրոսյան Արմեն Միքայելի, ծնվ. 1972թ. Պահեստազորային Հակոբյան Նվեր Բենիկի, ծնվ. 1977թ. Պահեստազորային Գարաքյան Սասուն Բորիսի, ծնվ. 1978թ. Պահեստազորային Ավանեսյան Անդրանիկ Վլադիմիրի, ծնվ. 1991թ. Պահեստազորային Պետրոսյան Գրիգորի Բարիսի, ծնվ. 1989թ. Պահեստազորային Բաղդասարյան Արմեն Սարմենի, ծնվ. 1999թ. Պահեստազորային Առաքելյան Միշա Ալյոշայի, ծնվ. 1995թ. Պահեստազորային Աղասյան Նիկոլայ Սերգեյի, ծնվ. 1987թ. Պահեստազորային Աբրահամյան Սանասար Էդուարդի, ծնվ. 1988թ. Պահեստազորային Մակյան Ալեքսեյ Գուրգենի, ծնվ. 1973թ. Պահեստազորային Միրզոյան Սերգեյ Սերգեյի, ծնվ. 1988թ. Պահեստազորային Ավանեսյան Արմո Ամերիկոյի, ծնվ. 1967թ. Պահեստազորային Աբրահամյան Արմեն Արկադիի, ծնվ. 1973թ. Պահեստազորային Գասպարյան Բորիս Արմենի, ծնվ. 1976թ. Պահեստազորային Առստամյան Մխիթար Միրզոյի, ծնվ. 1977թ. Պահեստազորային Ղազարյան Արամ Վոլոդիայի, ծնվ. 1997թ. Պահեստազորային Հարությունյան Գոռ Յուրիկի, ծնվ. 1996թ. Պահեստազորային Բեգլարյան Միքայել Դավիթի, ծնվ. 2000թ. Պահեստազորային Սաղյան Մարտին Մուրադի, ծնվ. 1978թ. Պահեստազորային Մանգասարյան Արմեն Մերուժի, ծնվ. 1976թ. Պահեստազորային Ավանեսյան Տիգրան Գարիի, ծնվ. 1987թ. Պահեստազորային Ապրեսյան Դավիթ Վլադիմիրի, ծնվ. 1977թ. Պահեստազորային Ղարախանյան Գևորգ Արթուրի, ծնվ. 1991թ. Պահեստազորային Պետրոսյան Դավիթ Մելորդի, ծնվ. 1977թ. Պահեստազորային Հաջիյան Երվանդ Միքայելի, ծնվ. 1977թ. Պահեստազորային Մկրտչյան Արամ Հենրիխի, ծնվ. 1974թ. Պահեստազորային Մարտիրոսյան Արսեն Արթուրի, ծնվ. 1988թ. Պահեստազորային Պողոսյան Դավիթ Ռոբերտի, ծնվ. 1979թ. Պահեստազորային Գրիգորյան Արմեն Վլադիմիրի, ծնվ. 1982թ. Պահեստազորային Ավետիսյան Դավիթ Ռուդիկի, ծնվ. 1982թ. Պահեստազորային Մելքոնյան Վահե Վաչագանի, ծնվ. 1981թ. Պահեստազորային Ավանեսյան Նվեր Էդուարդի, ծնվ. 1979թ. Պահեստազորային Ավագյան Վահե Սերգեյի, ծնվ. 1989թ. Պահեստազորային Կզիրյանց Գառնիկ Էդվարտի, ծնվ. 1991թ. Պահեստազորային Աղաջանյան Արթուր Էդիկի, ծնվ. 1984թ. Պահեստազորային Քարամյան Քաջիկ Սերժիկի, ծնվ. 1991թ.   Պահեստազորային Աբրահամյան Էդուարդ Իլիչի, ծնվ. 1967թ. Պահեստազորային Փարամազյան Բորիս Արտաշեսի, ծնվ. 1998թ. Պահեստազորային Հովհաննիսյան Գերասիմ Լևուշայի, ծնվ. 1974թ. Պահեստազորային Խաչատրյան Հայկ Գարիկի, ծնվ. 1992թ. Պահեստազորային Ծատրյան Գրիգորի Վագիֆի, ծնվ. 1987թ. Պահեստազորային Առաքելյան Նորիկ Վլադիկի, ծնվ. 1990թ. Պահեստազորային Հովհաննիսյան Արթուր Գրիգորիի, ծնվ. 1971թ. Պահեստազորային Հայրապետյան Շահեն Վալերիի, ծնվ. 1976թ. Պահեստազորային Գալստյան Արսեն Սեյրանի, ծնվ. 1992թ. Պահեստազորային Բաղդասարյան Կարեն Դավիթի, ծնվ. 1991թ. Պահեստազորային Ավետիսյան Սասուն Սամվելի, ծնվ. 1983թ. Պահեստազորային Հայրումյան Արտակ Նելսոնի, ծնվ. 1976թ. Պահեստազորային Հակոբյան Միքայել Հովիկի, ծնվ. 1999թ. Պահեստազորային Հովսեփյան Էմիլ Սլավիկի, ծնվ. 1986թ. Պահեստազորային Բաղրյան Մակենա Վալերիկի, ծնվ. 1978թ. Պահեստազորային Պետրոսյան Բենիամին Արթուրի, ծնվ. 1989թ. Պահեստազորային Ավետիսյան Հունան Գրիշայի, ծնվ. 1972թ. Պահեստազորային Խաչատրյան Մասիս Մուշեղի, ծնվ. 1989թ. Կամավորական Մաթևոսյան Աբրիկ Սերգեյի, ծնվ. 1971թ. Կամավորական Ուլուբաբյան Շիրազ Աշոտի, ծնվ. 1972թ. Կամավորական Ասլանյան Գարրի Արթուրի, ծնվ. 1990թ. Կամավորական Ավագյան Հովիկ Երվանդի, ծնվ. 1968թ. Կամավորական Գրիգորյան Արմեն Վանյայի, ծնվ. 1977թ. Կամավորական Մուսայելյան Ալբերտ Անդրանիկի, ծնվ. 1980թ. Կամավորական Բաղմանյան Միքայել Հակոբի, ծնվ. 1975թ. Կամավորական Մնացականյան Գուրգեն Գառնիկի, ծնվ. 1990թ. Կամավորական Սարգսյան Արսեն Սեյրանի, ծնվ. 1989թ. Կամավորական Գրիգորյան Աշոտ Արամայիսի, ծնվ. 1969թ. Կամավորական Խաչատրյան Էդվարդ Բորիկի, ծնվ. 1967թ. Կամավորական Սարգսյան Գառնիկ Ռուբիկի, ծնվ. 1964թ. Կամավորական Աբրահամյան Նվեր Հենրիկի, ծնվ. 1974թ. Կամավորական Բաղդասարյան Մհեր Տիմոֆեյի, ծնվ. 1975թ. Կամավորական Ասրյան Սևակ Սերժիկի, ծնվ. 1980թ. Կամավորական Առստամյան Սեյրան Յուրիի, ծնվ. 1973թ. Կամավորական Ավանեսյան Արսեն Արտյուշայի, ծնվ. 1966թ. Պահեստազորային Մարգարյան Ռուբեն Արտավազդի, ծնվ. 1998թ. Կամավորական Սարդարյան Դավիթ Սամվելի, ծնվ. 1984թ. Պահեստազորային Հովսեփյան Վահե Լևոնի, ծնվ. 1983թ. Պահեստազորային Մանուկյան Արմենակ Գարեգինի, ծնվ. 1996թ. Մարտիրոսյան Էդգար Մկրտիչի, ծնվ. 2000թ.
19:27 - 16 ապրիլի, 2021
Պատկերացնում ենք, որ ՀՀ պետական սահմանների այն հատվածների պահպանությունը, որ իրականացնում է ՀՀ Զինված ուժերը, կդրվի սահմանապահների վրա․ Նիկոլ Փաշինյան

Պատկերացնում ենք, որ ՀՀ պետական սահմանների այն հատվածների պահպանությունը, որ իրականացնում է ՀՀ Զինված ուժերը, կդրվի սահմանապահների վրա․ Նիկոլ Փաշինյան

ՀՀ արտաքին անվտանգության ապահովման առանցքը հայ-ռուսական ռազմական դաշինքն է, որնամրապնդված է մի քանի տասնյակ ռազմական, ռազմավարական բնույթ ունեցող միջազգային պայմանագրերով և փոխադարձ դաշնակցային պարտավորություններով։ Այս մասին այսօր ԱԺ-ում ասաց ՀՀ վարչապետ Նիկոլ Փաշինյանը։ «Այս առումով ՀՀ անվտանգության համար գործնական կարևոր նշանակություն ունեն հայ-ռուսական միացյալ զորախմբավորումը և հավաքական անվտանգության կովկասյան տարածաշրջանում հայ-ռուսական հակաօդային պաշտպանության միացյալ համակարգը։ Այս երկու համակարգերի ձևավորած պայմանագրերի տրամաբանությամբ հարձակումը ՀՀ վրա նշանակում է հարձակում Ռուսաստանի վրա, և երկու երկրները համատեղ պետք է դիմակայեն արտաքին մարտահրավերներին»,- նշեց վարչապետը։ Փաշինյանը հայտնեց նաև, որ մեկնարկել է ՀՀ Զինված ուժերի բարեփոխումների լայնածավալ գործընթացը, որը նախ կներառի կառուցվածքային, ապա նաև բովանդակային բարեփոխումներ։ «Ռազմավարական հեռանկարում պատկերացնում ենք, որ լրջորեն պետք է քննարկենք ՀՀ անցումը պրոֆեսիոնալ բանակի, և ժամկետային կամ զորահավաքային զինծառայության կառուցվածքը պետք է մենք կարողանանք փոփոխել։ Բացի դա՝ մենք հույս ունենք և քննարկում ենք ՀՀ-ում ռուսական 102-րդ ռազմաբազայի հարստացնելու հարցը, ինչպես նաև կան քննարկումներ՝  Սյունիքի մարզում 102-րդ ռազմաբազայի հենակետ ստեղծելու վերաբերյալ։ Նաև Սյունիքի մարզի մի շարք հատվածներում ՀՀ պետական սահմանի պահպանությանը մասկանցում են նաև ռուս սահմանապահները։  Ռազմավարական հեռանկարում մենք պատկերացնում ենք, որ ՀՀ պետական սահմանների այն հատվածների պահպանությունը, որ իրականացնում է ՀՀ Զինված ուժերը, կդրվի սահմանապահների վրա, իսկ բանակի ստորաբաժանումները կզբաղվեն բացառապես մարտական պատրաստականության, մարտունակության բարձրացման հարցերով։ Արցախի անվտանգությունը կշարունակի իրականացնել ՊԲ-ն՝ ռուսական խաղաղապահ ուժերի հետ համատեղ»,- ասաց Փաշինյանը։
11:47 - 14 ապրիլի, 2021