Կոսովո

Կոսովոն մասամբ ճանաչված պետություն է Հարավարեւելյան Եվրոպայում՝ Բալկանյան թերակղզում՝ Կոսովո աշխարհագրական տարածաշրջանում։

Համաձայն Սերբիայի Հանրապետության Սահմանադրության՝ Կոսովոյի տարածքը Սերբիայի մաս է եւ մտնում է նրա կազմի մեջ որպես Կոսովոյի եւ Մետոխիայի ինքնավար երկրամաս, սակայն, փաստացիորեն, Կոսովոն չի գտնվում Սերբիայի Կառավարության վերահսկման տակ։ Կոսովոյի հյուսիսային սերբաբնակ մասն էլ չի ենթարկվում Պրիշտինային:

Սերբիայի նախագահը՝ Վաշինգտոնում հանդիպումից առաջ. չեմ պատրաստվում ճանաչել Կոսովոն |armenpress.am|

armenpress.am: Սերբիայի նախագահ Ալեքսանդր Վուչիչը կրկին հայտարարել է, որ մտադիր չէ ճանաչել ինքնորոշված Կոսովայի անկախությունը։ Նման հայտարարություն Սերբիայի առաջնորդը արել է Վաշինգտոնում՝ Սպիտակ տանը կայանալիք բանակցություններից առաջ։ «Մենք գտնվում ենք Սպիտակ տնից մի քանի տասնյակ մետր հեռավորության վրա, մի քանի րոպես անց տեղի կունենա կարևոր հանդիպում պրիշտինյան պատվիրակության հետ նախագահ Դոնալդ Թրամփի հովանու ներքո։ Այս հանդիպումը հեշտ չի լինի մեզ համար։ Մենք կներդնենք բոլոր ջանքերը, որպեսզի տնտեսական հարցերով հասնենք կոմպրոմիսի, մենք ցանկանում ենք խաղաղություն և կայունություն, ցանկանում ենք Բելգրադի, Պրիշտինայի և ողջ տարածաշրջանի զարգացում, բայց առաջին հերթին մենք պետք է հոգ տանենք Կոսովոյի և Մետոխիայի մեր ժողովրդի մասին։ Ես տեսել եմ Կոսովոյից ալբանացի պաշտոնյաների բազմաթիվ համարձակ ու ամբարտավան հայտարարություններ, որոնք խոսում են Կոսովոյի ճանաչման մասին: Իմ ուղերձը բոլորին մեր գեղեցիկ Սերբիայում. հանձնվելը երբեք տարբերակ չի եղել, կեցցե Սերբիան»,- Ինստագրամի իր էջում տեղադրված ուղերձում նշել է Վուչիչը։ Ավելի վաղ Վուչիչը խոստովանել էր, որ վախենում է Վաշինգտոնում չճանաչված Կոսովոյի հարցով հանդիպումից, որտեղ, ըստ կոսովցիների, Սերբիայի առաջնորդից պահանջվելու է ստորագրել Սերբիայի ինքնավար շրջանի անկախության ճանաչումը: Միևնույն ժամանակ, նա վճռականորեն տրամադրված է պաշտպանել Սերբիայի շահերը:

20:28 - 03 սեպտեմբերի, 2020