Սերգեյ Շոյգու

Շոյգուն և Պապիկյանը քննարկել են տարածաշրջանում ստեղծված իրավիճակը |tert.am|

tert.am: ՌԴ պաշտպանության նախարար Սերգեյ Շոյգուն և Հայաստանի պաշտպանության նախարար Սուրեն Պապիկյանը հեռախոսազրույցի ընթացքում քննարկել են իրավիճակը տարածաշրջանում։ «Ռազմական գերատեսչությունների ղեկավարները քննարկել են տարածաշրջանում տիրող իրավիճակը, ինչպես նաև այն շրջաններում, որտեղ ռուս խաղաղապահները առաջադրանքներ են կատարում Լեռնային Ղարաբաղում», - ասվում է ՌԴ պաշտպանության նախարարության հայտարարության մեջ։

00:12 - 16 սեպտեմբերի, 2022

Սուրեն Պապիկյանը հեռախոսազրույց է ունեցել ՌԴ պաշտպանության նախարար Սերգեյ Շոյգուի հետ

Սեպտեմբերի 13-ին ՀՀ պաշտպանության նախարար Սուրեն Պապիկյանը հեռախոսազրույց է ունեցել ՌԴ պաշտպանության նախարար, բանակի գեներալ Սերգեյ Շոյգույի հետ: Այս մասին հայտնում է ՀՀ ՊՆ-ն; Հայաստանի պաշտպանական գերատեսչության ղեկավարը ռուս գործընկերոջն է ներկայացրել Հայաստանի Հանրապետության ինքնիշխան տարածքի նկատմամբ ադրբեջանական լայնածավալ ագրեսիայի հետևանքով ստեղծված իրադրությունը: Սուրեն Պապիկյանն ու Սերգեյ Շոյգուն պայմանավորվածություն են ձեռք բերել անհրաժեշտ քայլեր ձեռնարկել իրադրության կայունացման ուղղությամբ:

10:27 - 13 սեպտեմբերի, 2022

Իրավիճակը շարունակում է լարված մնալ. Պապիկյանը Շոյգուին ներկայացրել է Արցախում և հայ-ադրբեջանական սահմանին արձանագրված զարգացումները

ՌԴ աշխատանքային այցի շրջանակում օգոստոսի 16-ին կայացել է ՀՀ պաշտպանության նախարար Սուրեն Պապիկյանի հանդիպումը ՌԴ պաշտպանության նախարար, բանակի գեներալ Սերգեյ Շոյգուի հետ: Ռազմավարական դաշնակից երկու երկրների պաշտպանական գերատեսչությունների ղեկավարները քննարկել են տարածաշրջանային անվտանգությանն առնչվող մի շարք հարցեր: Սուրեն Պապիկյանը ներկայացրել է հայ-ադրբեջանական սահմանին, ինչպես նաև Արցախում վերջին շրջանում արձանագրված զարգացումները և նշել, որ իրավիճակը շարունակում է լարված մնալ: Կողմերը կարևորել են իրադրության հետևողական ու շարունակական կայունացման ուղղությամբ քայլերի ձեռնարկման անհրաժեշտությունը, շեշտադրելով Արցախում խաղաղապահ առաքելություն իրականացնող ռուսական զորախմբի դերակատարությունն այդ հարցում: Հայաստանի և Ռուսաստանի պաշտպանական գերատեսչությունների ղեկավարները գոհունակություն են հայտնել հայ-ռուսական ռազմական համագործակցության ներկա մակարդակի առնչությամբ և քննարկել փոխգործակցության հետագա խորացման ծրագրերն ու հնարավորությունները: Կարծիքներ են փոխանակվել նաև միջազգային անվտանգության հիմնախնդիրների շուրջ:

18:02 - 16 օգոստոսի, 2022

Սուրեն Պապիկյանը Սերգեյ Շոյգուի հետ քննարկել է ԼՂ-ում ռուս խաղաղապահների գործունեությանն առնչվող հարցեր |armenpress.am|

armenpress.am: Հայաստանի պաշտպանության նախարար Սուրեն Պապիկյանը միջազգային անվտանգության հարցերով Մոսկովյան համաժողովի շրջանակում հանդիպել է Ռուսաստանի պաշտպանության նախարար Սերգեյ Շոյգուի հետ՝ քննարկելով նաև Լեռնային Ղարաբաղում ռուս խաղաղապահ ստորաբաժանումների գործունեությանն առնչվող հարցեր։ Այս մասին հայտնում է «ՌԻԱ Նովոստի»-ն։ Հանդիպմանը Շոյգուն նշել է․ «Մենք ունենք քննարկելու հարցեր, դրանց շարքում կան ավանդական հարցեր՝ կապված մեր ռազմատեխնիկական ու ռազմական համագործակցության հետ։ Իհարկե, կան նաև հարցեր՝ կապված մեր խաղաղապահ կոնտինգենտի հետ, որն իր առջև դրված խնդիրներն է լուծում Լեռնային Ղարաբաղում։ Մենք նախկինի պես համոզված ենք, ինչպես և դուք, որ կայունացնող գլխավոր գործոնը շփման գծի ողջ երկայնքով հրադադարի պահպանման ռեժիմն է»,- ասել է նա։ Շոյգուն շնորհակալություն է հայտնել «Բանակ 2022» ռազմարդյունաբերական միջազգային ցուցահանդեսի և «Միջազգային բանակային խաղեր 2022» մրցաշարի բացմանը, ինչպես նաև միջազգային անվտանգության հարցերով Մոսկովյան համաժողովին մասնակցելու համար։ Սուրեն Պապիկյանն իր հերթին նշել է, որ օգոստոսի 16-ի հանդիպումն արդեն երկրորդն է այս տարվա ընթացքում, ինչը ցույց է տալիս հայ-ռուսական գործընկերային երկկողմ փոխգործակցության բարձր մակարդակը։ «Այս հանդիպումը մեզ համար շատ կարևոր է։ Բարձր ենք գնահատում ռուս-հայկական փոխգործակցության մակարդակը, ինչպես նաև Հարավային Կովկասում ռուսական ներկայության դերակատարումը»,- ասել է Պապիկյանը։

14:07 - 16 օգոստոսի, 2022

Կիևն իրական թվերը թաքցնում է. Շոյգուն հայտնել է Ուկրաինայի «հսկայական կորուստների» մասին |tert.am|

tert.am: Ուկրաինայի զինված ուժերի զորքերի և տարածքային պաշտպանության կորուստները հսկայական են, սակայն Կիևի ղեկավարությունը հասարակությունից թաքցնում է իրական թվերը։ Երեքշաբթի՝ օգոստոսի 16-ին, նման հայտարարությամբ է հանդես եկել ՌԴ պաշտպանության նախարար Սերգեյ Շոյգուն՝ «Բանակ-2022» ֆորումի շրջանակում Միջազգային անվտանգության մոսկովյան համաժողովի բացման ժամանակ։ Նրան մեջբերում է «Ռիա Նովոստի»-ն։ՌԴ նախարարի խոսքով՝ ռազմական գործողությունների արևմտյան մարտավարության մեջ Կիևի դերը կենդանի ուժը որպես սպառման նյութ մատակարարնելն է:«Սա բացատրում է Ուկրաինայի զինված ուժերի անձնակազմի և տարածքային պաշտպանության կազմավորումների հսկայական կորուստները», - ասել է նա։Շոյգուն նաև ընդգծել է, որ ժամանակի ընթացքում այդ տվյալները կդառնան հրապարակային։

12:06 - 16 օգոստոսի, 2022

Կայացել է Շոյգու-Հասանով հեռախոսազրույց. քննարկվել են տարածաշրջանային անվտանգության հարցեր. ՌԴ ՊՆ |tert.am|

tert.am: ՌԴ պաշտպանության նախարար Սերգեյ Շոյգուն հեռախոսազրույց է ունեցել Ադրբեջանի պաշտպանության նախարար Զաքիր Հասանովի հետ։Շոյգուն Ադրբեջանի պաշտպանության նախարարության ղեկավարի հետ քննարկել է տարածաշրջանային անվտանգության հարցեր: Այս մասին հայտնում է ՏԱՍՍ-ը՝ հղում կատարելով ՌԴ պաշտպանության նախարարությանը։«Քննարկվել են տարածաշրջանային անվտանգության ապահովման և փոխադարձ հետաքրքրություն ներկայացնող այլ հարցեր։

19:49 - 02 օգոստոսի, 2022

Ռուսաստանը հայտարարել է Սև և Ազովի ծովերում նավերի համար երկու մարդասիրական միջանցք ստեղծելու մասին |armtimes.com|

armtimes.com: Ռուսաստանը երկու մարդասիրական միջանցք է ստեղծել Սև և Ազովի ծովերում նավերի տեղաշարժի համար, ինչպես նաև Մարիուպոլի նավահանգիստն ամբողջությամբ մաքրվել է ականներից: Ինչպես հայտնում է «ՌԻԱ Նովոստի»-ն, այս մասին հուլիսի 5-ին Մոսկվայում կայացած կոնֆերանսի ժամանակ հայտարարել է ՌԴ պաշտպանության նախարար Սերգեյ Շոյգուն։ «Մի շարք միջոցառումներ են ձեռնարկվում Սև և Ազովի ծովերում նավարկության անվտանգությունն ապահովելու համար, մենք ստեղծել ենք երկու մարդասիրական միջանցք քաղաքացիական նավերի տեղաշարժի համար: Մարիուպոլի նավահանգստի ջրերում ականների վտանգը եղել է, որը ամբողջությամբ վերացվել է»,- ասել է Շոյգուն։

13:58 - 05 հուլիսի, 2022

Մոսկվայում կայացել է ԱՊՀ պաշտպանության նախարարների խորհրդի հերթական նիստը

Հունիսի 24-ին, Մոսկվայում, ՀՀ պաշտպանության նախարար Սուրեն Պապիկյանը մասնակցել է ԱՊՀ մասնակից պետությունների պաշտպանության նախարարների խորհրդի հերթական նիստին: Քննարկվել է օրակարգում ընդգրկված 20-ից ավելի հարց, այդ թվում՝ միջազգային ռազմաքաղաքական զարգացումները և աճող վտանգներն ու մարտահրավերները ԱՊՀ մասնակից պետությունների անվտանգային միջավայրի համար։ Նիստի մասնակիցները քննարկել են նաև մարդասիրական ականազերծման ինժեներական համատեղ ստորաբաժանում ձևավորելու, ռազմակրթական ոլորտում համագործակցության խորացման, ԱՊՀ մասնակից պետությունների ԶՈՒ կապի, ինչպես նաև ՀՕՊ միասնական համակարգերի ձևավորման համար անհրաժեշտ իրավական և կազմակերպչական աշխատանքների հետ կապված մի շարք հարցեր։ Համաձայնեցվել է նաև խորհրդի 2023 թվականի գործունեության ծրագիրը։ Նիստի արդյունքներով ստորագրվել են ԱՊՀ մասնակից պետությունների պաշտպանության նախարարների խորհրդի բոլոր որոշումները, ինչպես նաև ԱՊՀ պաշտպանության նախարարների խորհրդի 30-ամյակին նվիրված համատեղ հայտարարությունը: Հաշվի առնելով հայ-ռուսական ռազմական համագործակցության հագեցած օրակարգը և հարաբերությունների դաշնակցային բնույթը, լրացուցիչ պայմանավորվածություն է ձեռք բերվել օգոստոսին Մոսկվայում կազմակերպել ՀՀ պաշտպանության նախարար Սուրեն Պապիկյանի և ՌԴ պաշտպանության նախարար, բանակի գեներալ Սերգեյ Շոյգուի հանդիպումը:

20:10 - 24 հունիսի, 2022

Բերդյանսկի և Մարիուպոլի նավահանգիստները պատրաստ են հացահատիկի արտահանմանը․ ՌԴ ՊՆ

Ուկրաինական Մարիուպոլի և Բերդյանսկի նավահանգիստներն աշխատում են սովորական ռեժիմով և պատրաստ են հացահատիկի արտահանմանը, «Ինտերֆաքսի» փոխանցմամբ՝ հայտնել է Ռուսաստանի պաշտպանության նախարար Սերգեյ Շոյգուն։ «Սկսել է աշխատել Բերդյանսկի նավահանգիստը։ Գերագույն գլխավոր հրամանատարի հրահանգով՝ հացահատիկը կարող է բեռնվել այդ նավահանգիստներում [Բերդյանսկի և Մարիուպոլի – խմբ․]», - ասել է նախարարը։ Նրա խոսքով՝ Մարիուպոլի նավահանգստի ականազերծումն ավարտված է, այն գործում է սովորական ռեժիմով և ընդունել է առաջին բեռնանավերը։ «Ականզերծման աշխատանքները շարունակվում են։ Ընդհանուր առմամբ, ստուգվել է շուրջ 3 հազար հեկտար, ականազերծվել է գրեթե 15 հազար պայթյունավտանգ առարկա։ Ականներից ամբողջությամբ մաքրվել է «Ազովստալ» գործարանի տարածքն, այդ թվում՝ դրա ստորգետնյա կառույցները», - ասել է Շոյգուն։ Նորա Վանյան

16:50 - 07 հունիսի, 2022

Գերեվարված ուկրաինացի զինվորականների թիվը գերազանցում է 6 հազարը․ Շոյգու |azatutyun.am|

azatutyun.am: Փետրվարի 24-ից՝ Ռուսաստանի և Ուկրաինայի միջև ռազմական գործողությունների սկզբից ի վեր գերեվարված ուկրաինացի զինվորականների թիվը գերազանցում է 6 հազարը։ Այսօր Մոսկվայում այդ մասին հայտարարել է Ռուսաստանի պաշտպանության նախարար Սերգեյ Շոյգուն։ «Գերեվարված ուկրաինացի զինծառայողների ընդհանուր թիվը հասել է 6 հազար 489-ի։ Վերջին հինգ օրերին գերի է հանձնվել Ուկրաինայի զինված ուժերի 126 զինծառայող», - ասել է Շոյգուն։ Անդրադառնալով ռազմական գործողությունների ընթացքում ռուսական ուժերի վերահսկողության տակ անցած տարածքներում տիրող կացությանը՝ Շոյգուն պնդել է, որ այստեղ գտնվող կենսական ենթակառույցների աշխատանքը խափանված չէ։ «Մարիուպոլի և Բերդյանսկի նավահանգիստները պատրաստ են սկսել հացահատիկի առաքումները։ Բնականոն կերպով է աշխատում նաև Եվրոպայի խոշորագույն՝ Զապորոժիեի ատոմակայանը», - նշել է Ռուսաստանի պաշտպանության նախարարը։

16:35 - 07 հունիսի, 2022

Շոյգուն հայտարարել է Ղրիմի հետ ավտոմոբիլային հաղորդակցության վերականգնման մասին

Ռուսաստանի պաշտպանության նախարար Սերգեյ Շոյգուն հայտարարել է, որ Ղրիմի հետ ավտոմոբիլային հաղորդակցությունն այժմ կարող է իրականացվել Դոնբասի տարածքով և ռուսական վերահսկողության տակ անցած ուկրաինական մյուս տարածքներով։ Նախարարի խոսքով՝ ռազական գործողությունների արդյունքում ռուսական զորքերը զբաղեցրել են Դոնեցկի և Լուգանսկի ինքնահռչակ հանրապետությունների զգալի մասն, այդ թվում՝ Կրասնի Լիման և Սվյատոգորսկ քաղաքները, հայտնում է «Կոմերսանտը»։ «Բաց է ավտոմոբիլային հաղորդակցությունը Ռուսաստանի տարածքից ցամաքային հատվածով դեպի Ղրիմ։ Վերականգնված է Ղրիմի թերակղզու ջրամատակարարումը Հյուսիս-ղրիմյան ջրագծով», - ասել է Շոյգուն ՌԴ ՊՆ խորհրդակցության ընթացքում։ Դոնի Ռոստով-Ղրիմ մայրուղին անցնում է Մարիուպոլով, ինչպես նաև Բերդյանկսով և Մելիտոպոլով։ «Ռուսաստանի պաշտպանության նախարարության և «Ռուսական երկաթուղիներ» բաժնետիրական ընկերության համատեղ ջանքերով երկաթուղային վեց կետերում պայմաններ են ստեղծել Ռուսաստանի և Դոնբասի, Ուկրաինայի և Ղրիմի միջև լիարժեք տեղաշարժի համար։ Գործարկվել են բեռնափոխադրումները դեպի Մարիուպոլ, Բերդյանսկ և Խերսոն», - ասել է նախարարը։ Վերականգնված երկաթուղային հատվածների ընդհանուր երկարությունը կազմել է 1,2 հազ․ կմ։ Սերգեյ Շոյգուն հայտարարել է, որ Ուկրաինայի Լուգանսկի շրջանի Սևերոդոնեցկի քաղաքի բնակելի թաղամասերն «ամբողջությամբ ազատագրված են», գրում է Meduza-ն։ «Ամբողջությամբ ազատագրվել են Սևերոդոնեցկ քաղաքի բնակելի թաղամասերը։ Շարունակվում է վերահսկողության սահմանումը դրա արդյունաբերական գոտու և մոտակա բնակավայրերի նկատմամբ», - նշել է նա։ Նորա Վանյան

16:22 - 07 հունիսի, 2022

Ուկրաինայում Ռուսաստանի հարձակման դանդաղումը Շոյգուն բացատրել է խաղաղ բնակչության տարհանմամբ |tert.am|

tert.am: Ռուսական զինված ուժերը դանդաղեցնում են Ուկրաինայում հարձակման տեմպերը: Դա արվում է, որպեսզի բոլոր խաղաղ բնակիչները կարողանան լքել շրջապատված բնակավայրերը։ Այս մասին հայտարարել է ՌԴ ՊՆ ղեկավար, բանակի գեներալ Սերգեյ Շոյգուն՝ ՀԱՊԿ-ի պաշտպանության նախարարների խորհրդի նիստում, գրում է life.ru-ն ։ «Որպեսզի բնակիչները լքեն շրջապատված բնակավայրերը, հայտարարվում են լռության ռեժիմներ և ստեղծվում են մարդասիրական միջանցքներ: Իհարկե, դա դանդաղեցնում է հարձակման տեմպերը, բայց դա արվում է միտումնավոր՝ քաղաքացիական զոհերից խուսափելու համար»,- ասել է Շոյգուն: Նա ընդգծել է, որ ռուսական բանակը, ի տարբերություն ուկրաինականի, չի հարվածում քաղաքացիական ենթակառուցվածքներին, որտեղ կարող են լինել քաղաքացիական անձինք։

16:22 - 24 մայիսի, 2022

Սերգեյ Շոյգուն հայտարարել է, որ «ԼԺՀ ազատագրումը» մոտ է ավարտին

Ռուսաստանի պաշտպանության նախարար Սերգեյ Շոյգուն այսօր հայտարարել է, որ ինքնահռչակ ԼԺՀ «ազատագրումն» ավարտին է մոտենում, հայտնում է ՏԱՍՍ-ը։ «Ռուսական զինված ուժերի խմբավորումները Լուգանսկի և Դոնեցկի Ժողովրդական Հանրապետությունների ժողովրդական միլիցիայի ստորաբաժանումների հետ համատեղ շարունակում են ընդլայնել վերահսկողությունը Դոնբասի տարածքների նկատմամբ։ Ավարտին է մոտենում Լուգանսկի Ժողովրդական Հանրապետության ազատագրումը», - ասել է նա։ Շոյգուն նաև հաղորդել է, որ Մարիուպոլի «Ազովստալ» գործարանի արգելափակումը շարունակվում է, գերի է հանձնվել 1908 ուկրաինացի զինվորական, գրում է «Ինտերֆաքսը»։ Նորա Վանյան

14:28 - 20 մայիսի, 2022

ՆԱՏՕ-ի՝ Ուկրաինայի համար նախատեսված զենք-զինամթերքով ցանկացած տրանսպորտ կոչնչացվի. Շոյգու |tert.am|

tert.am: ՌԴ պաշտպանության նախարար Սերգեյ Շոյգուն չորեքշաբթի կայացած խորհրդակցության ժամանակ անդրադարձել է ՆԱՏՕ-ի կողմից Ուկրաինային զինելուն, գրում է ՏԱՍՍ-ը։ Նա ընդգծել է, որ ՆԱՏՕ-ի մեքենաները՝ Ուկրաինայի զինված ուժերի համար նախատեսված զենքով և զինամթերքով, որոնք ժամանել են երկրի տարածք, կոչնչացվեն։

13:27 - 04 մայիսի, 2022

Պուտինը հրամայել է չեղարկել «Ազովստալ»-ի գրոհումը |news.am|

news.am: Ռուսաստանի նախագահ Վլադիմիր Պուտինը հինգշաբթի պաշտպանության նախարար Սերգեյ Շոյգուի հետ հանդիպման ժամանակ Մարիուպոլի «Ազովստալ» արդյունաբերական գոտու վրա հարձակումը ոչ նպատակահարմար է անվանել եւ հրամայել է չեղարկել այն, փոխանցում է ՏԱՍՍ-ը։ «Արդյունաբերական գոտու առաջարկվող գրոհը նպատակահարմար չեմ համարում։ Հրամայում եմ չեղարկել»,- ասել է Պուտինը։ «Այո», - պատասխանել է Շոյգուն: Պուտինը «Ազովստալ»-ի վրա գրոհի չեղարկումը բացատրել է ռուս զինվորականների կյանքը փրկելու նկատառումներով։ «Սա այն դեպքն է, երբ մենք պետք է մտածենք, այսինքն՝ միշտ պետք է մտածենք, բայց այս դեպքում՝ առավել եւս՝ մեր զինվորների ու սպաների կյանքն ու առողջությունը փրկելու մասին։ Կարիք չկա մտնել այդ կատակոմբների մեջ եւ սողալ գետնի տակով այդ արդյունաբերական օբյեկտներով»,- ասել է Պուտինը: «Արգելափակեք այդ արդյունաբերական գոտին»,- ընդգծել է նա։ Ռուսաստանը երաշխավորում է կյանքը եւ արժանապատիվ վերաբերմունքն այն ուկրաինացի զինվորականներին, ովքեր դուրս կգան «Ազովստալ»-ից, ասել է Պուտինը։

12:03 - 21 ապրիլի, 2022

Ամբողջ Մարիուպոլը ՌԴ ԶՈՒ վերահսկողության տակ է. Շոյգուի զեկույցը Պուտինին |tert.am|

tert.am: ՌԴ պաշտպանության նախարար Շոյգուն Պուտինին զեկուցել է Մարիուպոլի «ամբողջական ազատագրման» մասին։ Նրա խոսքով, Մարիուպոլի շրջափակման ժամանակ Ուկրաինայի Զինված ուժերի խմբավորման, օտարերկրյա վարձկանների թիվը կազմում էր մոտ 8100 մարդ, գրում է ՏԱՍՍ-ը։ Շոյգուն նաև հայտնել է, որ «Ազովստալ» գործարանի տարածքում արգելափակված է ավելի քան երկու հազար զինյալ։ ՌԴ պաշտպանության նախարարի խոսքով՝ չնայած զինյալների հակազդեցությանը, Մարիուպոլում տարհանվել է ավելի քան 142 հազար քաղաքացի, իսկ նավահանգստում գտնվող բոլոր պատանդներն ազատ են արձակվել։ Նրա խոսքով, այժմ ամբողջ Մարիուպոլը գտնվում է Ռուսաստանի Դաշնության զինված ուժերի և ԼԺՀ-ի, ԴԺԻ-ի վերահսկողության տակ:

11:39 - 21 ապրիլի, 2022