Սեյյեդ Էբրահիմ Ռայիսի

Իրանի նախագահը հանդիպել է Ադրբեջանի նախագահի հատուկ հանձնարարությունների գծով ներկայացուցչի հետ |azatutyun.am|

azatutyun.am: Իրանի Իսլամական Հանրապետության նախագահ Էբրահիմ Ռաիսին այսօր հանդիպել է Թեհրանում գտնվող Ադրբեջանի նախագահի հատուկ հանձնարարությունների գծով ներկայացուցիչ Խալաֆ Խալաֆովի հետ։ Ըստ IRNA գործակալության, Ռաիսին թե՛ Խալաֆովի, թե՛ ավելի վաղ Թեհրան այցելած Հայաստանի Անվտանգության խորհրդի քարտուղար Արմեն Գրիգորյանի հետ ունեցած հանդիպումների ժամանակ շեշտել է, որ ՆԱՏՕ-ի ուժերի ներկայությունը Հարավային Կովկասի տարածաշրջանում Իրանի համար անընդունելի է։

20:56 - 04 հոկտեմբերի, 2023

Սահմանների անձեռնմխելիության սկզբունքը պետք է հարգվի, իսկ հակամարտությունները՝ լուծվեն երկխոսության միջոցով. տեղի է ունեցել Էբրահիմ Ռայիսիի և Արմեն Գրիգորյանի հանդիպումը

Հոկտեմբերի 2-ին Թեհրանում Իրանի Իսլամական Հանրապետության նախագահ Էբրահիմ Ռայիսին ընդունել է Հայաստանի Հանրապետության Անվտանգության Խորհրդի քարտուղար Արմեն Գրիգորյանին: Հանդիպման ընթացքում քննարկվել է տարածաշրջանային անվտանգային իրավիճակը և ընդգծվել, որ սահմանների անձեռնմխելիության սկզբունքը պետք է հարգվի, իսկ հակամարտությունները՝ լուծվեն երկխոսության միջոցով: Անդրադառնալով հայ-իրանական երկկողմ հարաբերություններին՝ կարևորվել է այդ հարաբերությունների բազմաոլորտ զարգացման շարունակականությունը: Իբրահիմ Ռաիսին Արմեն Գրիգորյանին խնդրել է իր ջերմ ողջույնները փոխանցել ՀՀ վարչապետ Նիկոլ Փաշինյանին:

11:02 - 03 հոկտեմբերի, 2023

Պուտինն ու Ռայիսին քննարկել են ԼՂ-ի շուրջ ստեղծված իրավիճակն եւ Ադրբեջանի ու Հայաստանի միջեւ հարաբերությունների կարգավորման խնդիրները

ՌԴ նախագահ Վլադիմիր Պուտինը Իրանի իր գործընկեր Էբրահիմ Ռաիսիի հետ հեռախոսզրույցի ընթացքում քննարկել է Թեհրանի լիիրավ անդամակցումը ԲՐԻԿՍ-ին, այս մասին հաղորդում է Կրեմլի մամուլի ծառայությունը։ «Էբրահիմ Ռաիսին երախտագիտություն է հայտնել ԲՐԻԿՍ-ին Իրանի անդամակցության հայտի հարցում աջակցության համար։ Քննարկվել են քայլեր՝ այդ միության լիարժեք գործունեությանը Իրանի սահուն կապն ապահովելու վերաբերյալ ՝ հաշվի առնելով 2024թ․-ին նրանում Ռուսաստանի նախագահությունը»։ Պուտինն էլ Ռաիսիին պատմել է Ղարաբաղում ՌԴ խաղաղապահ զորակազմի գործունեության մասին․ «Տեղի է ունեցել մտքերի հանգամանալից փոխանակում Լեռնային Ղարաբաղի շուրջ ստեղծված իրավիճակի եւ Ադրբեջանի ու Հայաստանի միջեւ հարաբերությունների կարգավորման խնդիրների շուրջ։ Պուտինը տեղեկացրել է ռուսական խաղաղապահ զորակազմի գործունեության վերաբերյալ՝ այդ թվում խաղաղ բնակիչներին մարդասիրական օգնություն ցուցաբերելու, Լեռնային Ղարաբաղի հայ բնակչության իրավունքների եւ անվտանգության պաշտպանության մասին»,- ասված է հաղորդագրությունում։ Նշվում է, որ Ռուսաստանի եւ Իրանի նախագահները «շեշտել են բոլոր հարցերի՝ բացառապես խաղաղ, քաղաքական-դիվանագիտական միջոցներով լուծելու կարեւորությունը»։ Պուտինն ու Ռաիսին աջակցություն են հայտնել 3+3 ձեւաչափի աշխատանքների ակտիվացումը։ «Երկուստեք շահագրգռվածություն է հայտնվել տարածաշրջանային խորհրդատվական 3+3 ձեւաչափի (Ադրբեջան, Հայաստան, Վրաստան - Ռուսաստան, Իրան, Թուրքիա) աշխատանքների ակտիվացման ուղղությամբ»,- ասված է հաղորդագրությունում։ Հեռախոսազրույցը կայացել է իրանական կողմի նախաձեռնությամբ։

16:29 - 26 սեպտեմբերի, 2023

Հայաստանի և Ադրբեջանի հակասությունները պետք է լուծվեն երկխոսության միջոցով. Իրանի նախագահ |armeniasputnik.am| |armeniasputnik.am|

armeniasputnik.am: Ադրբեջանի և Հայաստանի միջև հակասություններն անընդունելի են և պետք է լուծվեն երկխոսության միջոցով։ Այս մասին Նյու Յորքում կայացած մամուլի ասուլիսի ժամանակ հայտարարել է Իրանի նախագահ Էբրահիմ Ռայիսին։ Տեղեկությունը հայտնում է ՏԱՍՍ-ը։ «Մենք կապ ենք պահպանում երկու կողմերի հետ և նրանց հետ խոսել ենք խնդիրները երկխոսության միջոցով լուծելու անհրաժեշտության մասին»,- ասել է նա: Շարունակությունը՝ սկզբնաղբյուր կայքում

09:34 - 21 սեպտեմբերի, 2023

Իրանի նախագահը մեկնում է ԱՄՆ

Իրանի նախագահ Իբրահիմ Ռայիսին պատրաստվում է մեկնել ԱՄՆ՝ մասնակցելու Նյու-Յորքում մեկնարկող ՄԱԿ-ի Գլխավոր ասամբլեայի հերթական նստաշրջանին։ Նախատեսվում է, որ Իրանի նախագահը ելույթ կունենա ՄԱԿ-ի ԳԱ-ում, ինչպես նաև միջոցառման շրջանակներում բանակցություններ կվարի այլ երկրների ղեկավարների հետ, կհանդիպի ԱՄՆ-ի իրանական համայնքի հետ։

14:42 - 17 սեպտեմբերի, 2023

Օտարերկրացիների հետ համատեղ զորավարժությունների անցկացումը բարդացնում է իրավիճակը․ Ռայիսին՝ Փաշինյանին

Իրանի նախագահ Էբրահիմ Ռաիսիի քաղաքական հարցերով տեղակալ Մոհամադ Ջամշիդին X-ի իր էջում անդրադարձել է այսօր կայացած Փաշինյան-Ռաիսի հեռախոսազրույցին։ Նա նշել է, որ Իրանի նախագահը, ի պատասխան Փաշինյանի, հայտարարել է․ «Աշխարհաքաղաքական կամ սահմանային փոփոխությունների ցանկացած քայլ կարմիր գիծ է։ 3+3 ձևաչափից դուրս օտարերկրացիների հրավիրելը, համատեղ զորավարժությունները և կասկածելի այցերը բարդացնում են իրավիճակը: Իրանը պատրաստ է աջակցելու երկու կողմերին լուծելու տարաձայնությունները»։ Հեռախոսազրույցի վերաբերյալ պաշտոնական հաղորդագրության մեջ չի նշվում երկրորդ կետի մասին։ Ըստ պաշտոնական հայտարարության՝ Ռաիսին ասել է, որ Իսլամական Հանրապետությունը պատրաստ է անել իր բաժինը տարածաշրջանում ցանկացած քաղաքական փոփոխություն կանխելու համար, և որ Իրանը աջակցում է տարածաշրջանի բոլոր երկրների տարածքային ամբողջականությանը ու կարծում է, որ տարածաշրջանային խնդիրները պետք է լուծվեն երկխոսության միջոցով։ «Իրանը պատրաստ է իր դերն ունենալ դիվանագիտական բանակցությունների միջոցով տարածաշրջանային խնդիրների կարգավորման հարցում»,- ասել է նախագահը։ Նա հավելել է, որ Իրանը ձգտում է զարկ տալ Հայաստանի հետ տնտեսական և առևտրային կապերին և արագություն հաղորդել երկու հարևան երկրների միջև կնքված համաձայնագրերի իրականացմանը։ «Հայաստանի վարչապետն իր հերթին Իրանի նախագահին ներկայացրել է Հարավային Կովկասի վերջին զարգացումները՝ վերահաստատելով Իրանի դրական դերը տարածաշրջանում խաղաղության, կայունության և անվտանգության հաստատման գործում։ Փաշինյանը նաև ողջունել է Իրանի դիրքորոշումը կովկասյան տարածաշրջանում ընթացող զարգացումների նկատմամբ։ Նա հորդորել է ավելի արագացնել Իրանի և Հայաստանի միջև ձեռք բերված պայմանավորվածությունները, որոնք ձեռք են բերվել ավելի վաղ Թեհրան կատարած իր այցի ժամանակ»,- ասվում է իրանական կողմի տարածած հաղորդագրության մեջ։ Հիշեցնենք, որ սեպտեմբերի 11-20-ը Հայաստանում՝ ՊՆ խաղաղապահ բրիգադի «Զառ» ուսումնական կենտրոնում և ՊՆ N ուսումնական կենտրոնում, անցկացվելու է «Արծիվ գործընկեր-2023» հայ-ամերիկյան համատեղ զորավարժությունը։

18:12 - 09 սեպտեմբերի, 2023

Նիկոլ Փաշինյանը հեռախոսազրույց է ունեցել Իրանի նախագահի հետ

Տեղի է ունեցել հեռախոսազրույց ՀՀ վարչապետ Նիկոլ Փաշինյանի և Իրանի Իսլամական Հաանրապետության նախագահ Էբրահիմ Ռայիսիի միջև: Քննարկվել են տարածաշրջանում ստեղծված իրավիճակին վերաբերող հարցեր: Մասնավորապես, անդրադարձ է կատարվել Լաչինի միջանցքի ապօրինի արգելափակման հետևանքով Լեռնային Ղարաբաղում խորացող հումանիտար ճգնաժամին, Լեռնային Ղարաբաղի շուրջ ադրբեջանական զորքերի կուտակմանը, Հայաստան-Ադրբեջան պետական սահմանին լարվածության աճի միտումներին: Վարչապետ Փաշինյանը ևս մեկ անգամ ընդգծել է հավատարմությունը 2022 թվականի հոկտեմբերի 6-ի Պրահայի և 2023 թվականի մայիսի 14-ի Բրյուսելի պայմանավորվածություններին, ինչպես նաև բոլոր հարցերը բացառապես դիվանագիտական եղանակներով ու կառուցողական մթնոլորտում լուծելու մոտեցումներին: ՀՀ վարչապետը պատրաստակամություն է հայտնել լարվածությունը նվազեցնելուն ուղղված հրատապ քննարկումներ ունենալ Ադրբեջանի նախագահի հետ: Քննարկվել են նաև Հայաստան-Իրան երկկողմ օրակարգին վերաբերող հարցեր: Մինչ այս հաղորդագրություններ էին տարածվել, որ Փաշինյանը վերոնշյալ թեմաներով հեռախոսազրույցներ է ունեցել նաև Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ։

14:47 - 09 սեպտեմբերի, 2023

Ռաիսին ու Պուտինը քննարկել են միջազգային և տարածաշրջանային հարցերում համագործակցության ընդլայնման հարցեր |tert.am|

tert.am: v class="inner-content__left inner-content__left--770 fl"> Վլադիմիր Պուտինը հեռախոսազրույց է ունեցել Իրանի Իսլամական Հանրապետության նախագահ Էբրահիմ Ռաիսիի հետ։ Կողմերը գոհունակություն հայտնել «ռուս-իրանական հարաբերությունների բարձր մակարդակի կապակցությամբ»։ «Հաստատվել է երկկողմ կապերի հետագա զարգացման մտադրությունն առևտրի, էներգետիկայի, տրանսպորտի, լոգիստիկայի և բնապահպանական ոլորտներում»,- ասված է Կրեմլի տարածած հաղորդագրության մեջ։ Ռաիսին ու Պուտինը նաև քննարկել են միջազգային և տարածաշրջանային հարցերում համագործակցության ընդլայնման հարցեր, այդ թվում՝ Շանհայի համագործակցության կազմակերպությանը որպես լիիրավ անդամ Իրանի մասնակցությունը, BRICS-ի գործունեությանը միանալու՝ իրանական կողմի շահագրռգռվածությունը։ ՌԴ նախագահը ցավակցություն է հայտնել օգոստոսի 13-ին Շիրազ քաղաքի մզկիթում տեղի ունեցած ահաբեկչության կապակցությամբ։

20:34 - 17 օգոստոսի, 2023

Միրզոյանը Իրանի նախագահին է ներկայացրել Հայաստան-Ադրբեջան հարաբերությունների կարգավորման գործընթացի վերջին զարգացումները

Հուլիսի 24-ին Թեհրանում Իրանի Իսլամական Հանրապետության նախագահ Էբրահիմ Ռայիսին ընդունել է ԱԳ նախարար Արարատ Միրզոյանին: Գոհունակությամբ արձանագրվել է, որ երկու բարեկամ և հարևան երկրների միջև ձևավորվել է բարձր մակարդակի քաղաքական երկխոսություն՝ հիմնված փոխադարձ հարգանքի և երկու ժողովուրդների հազարամյա եղբայրության վրա: Հանդիպման ընթացքում քննարկվել են հայ-իրանական բազմոլորտ համագործակցությանն առնչվող հարցեր: Մտքեր են փոխանակվել երկկողմ հավակնոտ օրակարգը կյանքի կոչելու, բարձր մակարդակով ձեռք բերված պայմանավորվածությունների իրականացման ընթացքի շուրջ: Այս համատեքստում մասնավորապես ընդգծվել է երկու երկրների միջև առևտրատնտեսական, էներգետիկ և տրանսպորտային ոլորտներում ընթացիկ ու նախանշված համատեղ նախագծերի իրականացման կարևորությունը: Ի շարունակություն ԱԳ նախարարների մակարդակով նույն օրը կայացած քննարկման՝ Արարատ Միրզոյանի և Էբրահիմ Ռայիսիի ուշադրության կենտրոնում ևս եղել են տարածաշրջանային անվտանգությանը վերաբերող հարցերը: Նախարար Միրզոյանը Իրանի նախագահին է ներկայացրել Հայաստան-Ադրբեջան հարաբերությունների կարգավորման գործընթացի վերջին զարգացումները, ինչպես նաև վերահաստատել Հարավային Կովկասում տևական խաղաղության հաստատման վերաբերյալ հայկական կողմի տեսլականը: Ընդգծվել է ուժի կամ ուժի սպառնալիքի կիրառման միջոցով խնդիրների լուծման, առավելապաշտական և թշնամական հռետորաբանության բացառման անհրաժեշտությունը: Անդրադառնալով Լաչինի միջանցքի ապօրինի արգելափակման հետևանքով Լեռնային Ղարաբաղում սրվող հումանիտար ճգնաժամին՝ Արարատ Միրզոյանը շեշտել է արգելափակման անհապաղ վերացման և Ադրբեջանի կողմից ԼՂ բնակչության էթնիկ զտումը կանխելու հրամայականը:

19:56 - 24 հուլիսի, 2023

ՇՀԿ-ն արտոնյալ դիրք ունի տարբեր ոլորտներում համագործակցությունը խթանելու հարցում․ Ռայիսին՝ ՇՀԿ-ին Իրանի անդամակցության մասին |armenpress.am|

armenpress.am: Իրանի Իսլամական Հանրապետությունը կարծում է, որ Շանհայի համագործակցության կազմակերպությունը, որպես զգալի հատկանիշներով և կարողություններով զարգացող կազմակերպություն, արտոնյալ դիրք ունի քաղաքականության, տնտեսության և անվտանգության ոլորտներում համագործակցությունը խթանելու հարցում: Ինչպես տեղեկացնում է IRNA գործակալությունը, այս մասին հայտարարել է Իրանի նախագահ Էբրահիմ Ռայիսին այն բանից հետո, երբ Իրանը դարձել է Շանհայի համագործակցության կազմակերպության (ՇՀԿ) 9-րդ անդամը։ Իրանի նախագահը հույս է հայտնել, որ երկրի ներկայությունը այդ կարևոր և ազդեցիկ կազմակերպությունում հարթակ կստեղծի հավաքական անվտանգության, կայուն զարգացման, կապերի և հաղորդակցությունների ընդլայնման, միասնության ամրապնդման և երկրների ինքնիշխանության նկատմամբ հարգանքի համար առավել, քան երբևէ։ Իրանի անդամակցությունը ՇՀԿ-ին ողջունել են ՌԴ նախագահ Վլադիմիր Պուտինը, Իրանի վարչապետ Նարենդրա Մոդին, Չինաստանի նախագահ Սի Ծինփինը։ Ինչպես ավելի վաղ հայտնել էր «Արմենպրես»-ը, 23-րդ գագաթնաժողովի ընթացքում ՇՀԿ-ն պաշտոնապես հայտարարեց միավորման անդամ երկրների շարքեր Իրանին ընդունելու մասին։ Այդ առիթով Պեկինում կազմակերպության քարտուղարությունում տեղի է ունեցել Իրանի դրոշի բարձրացման հանդիսավոր արարողությունը: ՇՀԿ-ն հիմնադրվել է 2001 թվականի հունիսի 15-ին Շանհայում։ Սկզբում կազմակերպության կազմի մեջ էին մտնում վեց երկրներ՝ Ռուսաստանը, Ղազախստանը, Ղրղզստանը, Չինաստանը, Տաջիկստանը և Ուզբեկստանը, 2017 թվականին նրանց միացան Հնդկաստանը և Պակիստանը:

18:20 - 04 հուլիսի, 2023

ՀՀ վարչապետն ու Իրանի նախագահը քննարկել են տարածաշրջանային զարգացումներին վերաբերող հարցեր

Վարչապետ Նիկոլ Փաշինյանը հեռախոսազրույց է ունեցել Իրանի Իսլամական Հանրապետության նախագահ Սեյեդ Էբրահիմ Ռայիսիի հետ։ Այս մասին հայտնում են ՀՀ կառավարությունից։ Զրուցակիցները քննարկել են տարածաշրջանային զարգացումներին, ինչպես նաև Հայաստանի և Իրանի միջև հարաբերությունների հետագա զարգացմանն ու օրակարգային հարցերին վերաբերող թեմաներ: Կողմերն ընդգծել են բարձր մակարդակի փոխայցելությունների և շփումների կարևորությունը:

15:03 - 26 հունիսի, 2023

Իրանը և Սիրիան համատեղ հայտարարություն են տարածել Ռայիսիի պաշտոնական այցի արդյունքներով |armenpress.am|

armenpress.am: Իրանի Իսլամական Հանրապետությունը և Սիրիայի Արաբական Հանրապետությունը համատեղ հայտարարություն են տարածել Իրանի նախագահ Էբրահիմ Ռայիսիի՝ Սիրիա պաշտոնական այցի արդյունքներով: Այս մասին հաղորդում է Tasnim գործակալությունը՝ վկայակոչելով Իրանի նախագահի կայքում տարածված հայտարարության տեքստը: Էբրահիմ Ռայիսին Սիրիա էր մեկնել այդ երկրի նախագահ Բաշար ալ Ասադի հրավերով: Նրա երկօրյա այցը տևել է մայիսի 3-ից 4-ը: Կողմերը քննարկել են երկկողմ հարաբերություններն ընդլայնելու և ամրապնդելու միջոցները, տարածաշրջանում վերջին զարգացումները, ինչպես նաև ամբողջ աշխարհում տիրող իրավիճակը: Կողմերը պատրաստակամություն են հայտնել գործողություններ ձեռնարկել երկու երկրների միջև առևտրատնտեսական կապերը զարգացնելու ուղղությամբ, շարունակել համագործակցությունը ահաբեկչության և ծայրահեղականության դեմ պայքարի գործում: Երկու երկրների ղեկավարները նաև դատապարտել են «սիոնիստական վարչակարգի ագրեսիան Սիրիայի Արաբական Հանրապետության դեմ»՝ դա համարելով տարածքաշրջանում ապակայունացնող գործոն: Կողմերը նաև դատապարտել են ռազմական ուժերի ցանկացած անօրինական ներկայություն Սիրիայի տարածքում: Էբրահիմ Ռայիսին իր հերթին Բաշար ալ Ասադին հրավիրել է պաշտոնական այցով մեկնել Իրան:

17:53 - 05 մայիսի, 2023

Իրանի նախագահը 12 տարվա մեջ առաջին անգամ մեկնել է Սիրիա |armenpress.am|

armenpress.am: Իրանի նախագահ Էբրահիմ Ռայիսին այսօր առավոտյան պաշտոնական այցով ժամանել է Սիրիա. սա Իրանի նախագահի առաջին այցն է երկիր 2011թ.-ին ՍԱՀ-ում հակամարտության սկսվելուց ի վեր: Այս մասին հաղորդում է IRNA գործակալությանը: Ռայիսին Սիրիա է մեկնել այդ երկրի նախագահ Բաշար ալ Ասադի պաշտոնական հրավերով: Երկու ղեկավարները կհանդիպեն Դամասկոսի նախագահական պալատում: Այցի ընթացքում Ռայիսիին ուղեկցում են 4 նախարարներ, Իրանի ԿԲ նախագահը, Իրանի նախագահի աշխատակազմի ղեկավարը և Ռայիսիի գլխավոր քաղաքական խորհրդատուն: Իր հերթին «РИА Новости»-ի թղթակիցը հայտնել է, որ Դամասկոսի միջազգային օդանավակայանում Ռայիսիին դիմավորել է Սիրիայի էկոնոմիկայի նախարար Մուհամեդ Սամեր ալ Խալիլը։

12:36 - 03 մայիսի, 2023

Իրանը հայտարարել է BRICS-ին միանալու պատրաստակամության մասին |shantnews.am|

shantnews.am: Իրանի Իսլամական Հանրապետության նախագահ Իբրահիմ Ռաիսին ասել է, որ իր երկիրը մտադիր է միանալ BRICS-ին՝ բազմաբևեռ աշխարհի ստեղծմանը մասնակցելու համար։ Այդ մասին նա երեքշաբթի օրը հայտարարել է լիբանանյան Al Mayadeen հեռուստաալիքին տված հարցազրույցում։ «Շանհայի համագործակցության կազմակերպությանը միանալուց հետո մենք որոշեցինք դիմել BRICS-ին և պատրաստվում ենք միանալ երկրների այս խմբին,- նշել է իրանցի քաղաքական գործիչը,- մենք դատապարտում ենք միաբևեռ կարգը, որը թույլ է տալիս ԱՄՆ-ին և երեք-չորս այլ տերությունների իրենց համարել աշխարհի տիրակալներ»։ Ռաիսիի խոսքով՝ ՇՀԿ-ին անդամակցելը Չինաստանի և Ռուսաստանի հետ լավ հարաբերությունների շնորհիվ Իրանին օգուտներ է բերել և ճանապարհ բացել դեպի միջազգային շուկաներ։ Նա նշել է, որ ԱՄՆ-ը «ձգտել է մեկուսացնել Իրանին և թույլ չտալ նրա մասնակցությունը ՇՀԿ-ին, սակայն չի հաջողվել»։ «Մենք բարեկամության ձեռք ենք մեկնում ցանկացած երկրի, որը ցանկանում է համագործակցել մեզ հետ,- ընդգծել է Ռաիսին,- Իրանը ձգտում է կառուցողական հարաբերությունների բոլոր պետությունների հետ՝ հիմնված ընդհանուր շահերի վրա»։ 2022 թվականի հունիսի 27-ին Իրանի արտգործնախարարության խոսնակ Սաիդ Խատիբզադեն հայտարարեց, որ իր երկիրը Արգենտինայի հետ միասին դիմել է BRICS-ին միանալու համար։

09:37 - 03 մայիսի, 2023

Սիրիայի և Իրանի նախագահները դատապարտել են Իսրայելի իշխանություններին |armtimes.com|

armtimes.com: Սիրիայի առաջնորդ Բաշար ալ-Ասադը կիրակի հեռախոսազրույց է ունեցել Իրանի նախագահ Էբրահիմ Ռայիսիի հետ։ Սիրիայի ղեկավարի գրասենյակի համաձայն՝ նրանք դատապարտել են Իսրայելի իշխանությունների գործողությունները Ալ-Աքսա մզկիթի հետ կապված։ «Ասադն ու Ռայիսին նշել են, որ այդ հարձակումներն արտացոլում են Իսրայելի ագրեսիվ քաղաքականությունը և համընկնում են այն ագրեսիայի հետ, որը նա իրականացնում է Սիրիայի և խաղաղ բնակիչների դեմ՝ հաստատելով նրա թուլությունն ու անհաջողությունը դիմադրության ուժի և խիզախության դիմաց»,- ասվում է գրասենյակի հայտարարության մեջ։ Նախագահները վերահաստատել են, որ «տարածաշրջանում կայունությունը հիմնված է երկրների միջև առողջ հարաբերությունների վրա՝ մշտական երկխոսության, ինքնիշխանության հարգման և ընդհանուր շահերի առաջմղման միջոցով»։ Պաղեստինա-իսրայելական հակամարտության շուրջ լարվածության աճը սկսվել է վերջին օրերին՝ Երուսաղեմի Տաճարի լեռան վրա պաղեստինցիների և իսրայելական ոստիկանության հետ կապված միջադեպերից հետո, որտեղ հազարավոր մուսուլմաններ հավաքվել էին այս շաբաթ՝ իրենց սուրբ Ռամադանի կապակցությամբ: Երեքշաբթի օրը պաղեստինյան WAFA լրատվական գործակալությունը հաղորդել է, որ իսրայելական ոստիկանությունը ներխուժել է Ալ-Աքսա մզկիթ՝ օգտագործելով ձեայնային նռնակներ և արցունքաբեր գազ, ինչպես նաև ռետինե փամփուշտներ և մահակներ: Լիբանանյան Al Mayadeen հեռուստաալիքի տվյալներով՝ ավելի քան 400 մարդ է բերման ենթարկվել։ Միևնույն ժամանակ, Իսրայելի իրավապահ մարմինների ներկայացուցիչները չորեքշաբթի օրը հայտնել են, որ դիմակավորված տասնյակ երիտասարդներ բարիկադավորվել են տաճարի համալիրում՝ վանկարկելով կարգախոսներ և կոչ անելով անկարգությունների: Դրանից հետո իրավապահները ստիպված են եղել մտնել մզկիթի տարածք։

10:18 - 10 ապրիլի, 2023

Իրանի նախագահն ընդունել է Սաուդյան Արաբիայի թագավորի՝ Էր Ռիադ այցելելու հրավերը |news.am|

news.am: Իրանի նախագահ Էբրահիմ Ռաիսին ընդունել է Սաուդյան Արաբիայի թագավոր Սալման բեն Աբդուլազիզ Ալ Սաուդի՝ Էր Ռիադ այցելելու հրավերը։ Այդ մասին երկուշաբթի հաստատել է հանրապետության առաջին փոխնախագահ Մոհամմադ Մոհբերը։ «Թագավոր Սալմանը հրավիրել է Իրանի նախագահին այցելել Էր Ռիադ, և նա այդ հրավերին դրական պատասխան է տրվել», - մեջբերում է Mehr գործակալությունը։ Փոխնախագահը առաջարկված այցի ժամկետի մասին տեղեկատվություն չի տրամադրել։ Մոհբերը նաեւ ընդգծել է, որ հարեւան երկրների հետ լավ հարաբերություններ հաստատելն Իրանի ներկայիս կառավարության «գլխավոր ռազմավարություններից մեկն է»։

15:37 - 03 ապրիլի, 2023