Վլադիմիր Պուտին

Ռուսաստանի Դաշնության գործող նախագահ։ Ծնվել է 1952թ. հոկտեմբերի 7-ին։ 1975-1991թթ․ ծառայել է ՊԱԿ-ում (КГБ), զբաղեցրել հետախուզական պաշտոններ։ 1991թ. ըստ պաշտոնական տեղեկատվության սեփական զեկուցագրով զորացրվել է ՊԱԿ-ից։ 1990-1995թթ. զբաղեցրել է Լենինգրադի քաղաքային իշխանության տարբեր պաշտոններ։ 1996-1998թթ․ արագ վերելք է գրանցել Կրեմլի տարբեր պաշտոններում՝ ի վերջո ստանձնելով Նախագահի աշխատակազմի ղեկավարի տեղակալի պաշտոնը։ 1998-ին նշանակվում է ԱԴԾ (ФСБ) տնօրեն։

1999-ի օգոստոսին ընդունելով նախագահ Ելցինի առաջարկը ստանձնել է ՌԴ վարչապետի պաշտոնը։ 1999-ի դեկտեմբերի 31-ին հրաժարական տվեց Ելցինը եւ Պուտինը դարձավ նախագահի պաշտոնակատար։ 2000թ․ մարտին ընտրվեց նախագահ եւ պաշտոնավարեց առավելագույն երկու ժամկետով։ 2008-ին՝ վարչապետ Մեդվեդեւի նախագահ ընտրվելուց հետո Պուտինը ստանձնեց Վարչապետի պաշտոնը։ Այս դրվագը հանրային լայն շրջանակներում ընկալվեց որպես «փոխատեղում»։ 2012-ից ի վեր Պուտինը նորից նախագահի պաշտոնում է։ 

Իրադրությունը ոչ միայն չի կարգավորվել, այլեւ որոշ տվյալների համաձայն՝ հնարավոր են ադրբեջանական ստորաբաժանումների նոր սադրանքներ․ Փաշինյանը՝ Վլադիմիր Պուտինին

Իրադրությունը ոչ միայն չի կարգավորվել, այլեւ որոշ տվյալների համաձայն՝ հնարավոր են ադրբեջանական ստորաբաժանումների նոր սադրանքներ․ Փաշինյանը՝ Վլադիմիր Պուտինին

Տեղի է ունեցել հեռախոսազրույց վարչապետ Նիկոլ Փաշինյանի եւ ՌԴ նախագահ Վլադիմիր Պուտինի միջեւ: Այս մասին հայտնում է ՀՀ կառավարությունը։  Վարչապետ Փաշինյանը ՌԴ նախագահին է ներկայացրել Լեռնային Ղարաբաղում ռուս խաղաղապահների պատասխանատվության գոտի ադրբեջանական ստորաբաժանումների ներխուժումից հետո ստեղծված իրավիճակը եւ ցավով արձանագրել, որ իրադրությունը ոչ միայն չի կարգավորվել, այլեւ որոշ տվյալների համաձայն՝ ՌԴ խաղաղապահ զորախմբի պատասխանատվության գոտում հնարավոր են ադրբեջանական ստորաբաժանումների նոր սադրանքներ: Վարչապետ Փաշինյանը մանրամասներ է ներկայացրել Լեռնային Ղարաբաղի գյուղերի բնակիչներին՝ բարձրախոսներով արվող հայտարարություններով ահաբեկելու, հոգեբանական ճնշումներ գործադրելու Ադրբեջանի գործելակերպի վերաբերյալ: Նիկոլ Փաշինյանը կրկին ընդգծել է, որ խաղաղապահների ներկայությամբ ադրբեջանական ստորաբաժանումների այս գործողությունները եւ ներխուժումը Լեռնային Ղարաբաղում ռուս խաղաղապահ զորախմբի պատասխանատվության գոտի հարցեր է առաջացնում եւ ՌԴ նախագահին շնորհակալություն է հայտնել այդ իրավիճակի հետաքննություն անցկացնելու հարցին դրական վերաբերմունք ցուցաբերելու համար: Վարչապետը ՌԴ նախագահին է ներկայացրել հայկական կողմի ակնկալիքը, որ ՌԴ խաղաղապահ զորախումբը միջոցներ կձեռնարկի ադրբեջանական ներխուժած ստորաբաժանումները ՌԴ խաղաղապահ զորախմբի պատասխանատվության գոտուց դուրս բերելու համար: Երկու երկրների ղեկավարները պայմանավորվել են միջոցներ ձեռնարկել ստեղծված իրադրությունը շուտափույթ կարգավորելու համար: Նրանք երկուստեք կարեւորել են 2020թ. նոյեմբերի 9-ի, 2021 թվականի հունվարի 11-ի եւ նոյեմբերի 26-ի՝ ՌԴ նախագահի, Հայաստանի վարչապետի եւ Ադրբեջանի նախագահի եռակողմ հայտարարությունների լիարժեք իրականացումը:
20:40 - 31 մարտի, 2022
Արևմտյան երկրները պետք է ռուբլիով հաշվեհամարներ բացեն՝ գազի դիմաց վճարելու համար․ Պուտինը հրամանագիր է ստորագրել

Արևմտյան երկրները պետք է ռուբլիով հաշվեհամարներ բացեն՝ գազի դիմաց վճարելու համար․ Պուտինը հրամանագիր է ստորագրել

Ռուսաստանի նախագահ Վլադիմիր Պուտինն այսօր հաղորդել է, որ հրամանագիր է ստորագրել «ոչ բարեկամ երկրներին» գազի վաճառքի կանոնների մասին, որը ենթադրում է պայմանագրերով նախատեսված վճարումների նոր համակարգ, հայտնում է ՏԱՍՍ-ը։ «Մենք այդ երկրների կոնտրագենտներին առաջարկում ենք հասկանալի և թափանցիկ սխեմա․ ռուսական բնական գազ գնելու համար նրանք պետք է ռուբլիով հաշվեհամարներ բացեն ռուսական բանկերում, հենց այդ հաշվեհամարներից էլ կիրականացվի գազի վճարումը, որը կմատակարարվի վաղվանից՝ ընթացիկ տարվա ապրիլի 1-ից», - տեղեկացրել է Պուտինը։ Նա ընդգծել է, որ վճարման պարբերականության խախտման դեպքում պատժամիջոցներ կկիրառվեն։ «Իսկ եթե այդ վճարները չկատարվեն, մենք դա կհամարենք գնորդների կողմից պարտավորությունների չկատարում՝ դրանից բխող բոլոր հետևանքներով», - ասել է նա։ «Մեզ ոչ ոք անվճար ոչինչ չի տալիս, և մենք էլ բարեգործությամբ չենք զբաղվելու։ Այսինքն՝ գործող պայմանագրերը կկասեցվեն», - ընդգծել է Պուտինը։ Նա ասել է, որ Ռուսաստանի՝ եվրոյով և դոլարով ակտիվների սառեցման պայմաններում արևմտյան երկրների արժույթներն օգտագործելն իմաստ չունի։ «Իրականում ի՞նչ է տեղի ունենում, ի՞նչ է արդեն կատարվել։ Մենք եվրոպացի սպառողներին տրամադրել ենք մեր ռեսուրսները, տվյալ դեպքում՝ գազը։ Նրանք այն ստացել են, մեզ վճարել են եվրոյով, որը հետո իրենք էլ հենց սառեցրել են։ Այս առնչությամբ բոլոր հիմքերը կան կարծելու, որ Եվրոպային մատակարարված գազի մի մասը մենք տրամադրել ենք փաստացի անվճար», - ասել է Պուտինը՝ նշելով, որ հին վճարային համակարգի պահպանման դեպքում եվրոյով և դոլարով ֆինանսական մուտքերը նույնպես կարող են արգելափակվել։   Նորա Վանյան
20:27 - 31 մարտի, 2022
Գերմանիան ռուսական գազի դիմաց վճարելու է եվրոյով կամ դոլարով․ ԳՖՀ կառավարության ներկայացուցիչ

Գերմանիան ռուսական գազի դիմաց վճարելու է եվրոյով կամ դոլարով․ ԳՖՀ կառավարության ներկայացուցիչ

Գերմանիան շարունակելու է ռուսական գազի դիմաց վճարել եվրոյով կամ դոլարով, ինչպես նախատեսված է պայմանագրերով։ «G7-ի համաձայնագիրն ուժի մեջ է»,- երեկ՝ մարտի 30-ին, հայտարարել է Գերմանիայի կառավարության պաշտոնական ներկայացուցիչ Շտեֆեն Հեբեշտրայտը՝ անդրադառնալով Գերմանիայի կանցլեր Օլաֆ Շոլցի և Ռուսաստանի նախագահ Վլադիմիր Պուտինի հեռախոսազրույցի արդյունքներին, գրում է Deutsche Welle-ն։ Գերմանական կառավարության ներկայացուցչի խոսքով Պուտինը կրկնել է, որ ապրիլի 1-ից Ռուսաստանում օրենք է գործում, որի համաձայն՝ գազի մատակարարման վճարումները պետք է ռուբլիով իրականացվեն։ Սակայն եվրոպական ընկերությունների համար ոչինչ չի փոխվի․ վճարումները կիրականացվեն բացառապես եվրոյով և սովորականի պես կփոխանցվեն «Գազպրոմբանկին», որի դեմ պատժամիջոցներ չեն գործում։ Այնուհետև բանկն այդ գումարը կփոխանակի ռուբլիլով։ Շոլցը, ըստ Հեբեշտրայտի, չի համաձայնել այս ընթացակարգին, այլ միայն խնդրել է գրավոր տեղեկություններ ներկայացնել այդ մասին։ Կրեմլի մամուլի ծառայությունը Պուտին-Շոլց հեռախոսազրույցի մասին հայտնել է հետևյալը․ «Վլադիմիր Պուտինը դաշնային կանցլերին տեղեկացրել է մասնավորապես ԳՖՀ-ին մատակարարվող գազի դիմաց ռուբլիով վճարումների անցնելու որոշման մասին։ Հաշվարկների կարգի փոփոխումն իրականացվում է այն պատճառով, որ, խախտելով միջազգային իրավունքի նորմերը, Ռուսաստանի բանկի արտարժութային պահուստները սառեցվել են ԵՄ անդամ երկրների կողմից»։ Հաղորդագրությունում նշվում է նաև, որ Պուտինն ու Շոլցը պայմանավորվել են, որ գազի դիմաց ռուբլիով վճարումների անցնելը կքննարկեն ՌԴ և Գերմանիայի փորձագետները։ «Նշվել է, որ ընդունված որոշումը չպետք է ռուսական գազ ներկրող եվրոպական երկրների համար պայմանագրային պայմանների վատթարացման բերի։ Պայմանավորվածություն կա, որ այդ հարցով լրացուցիչ քննարկումներ կանցկացնեն երկու երկրների փորձագետները»,- նշված է Կրեմլի հաղորդագրությունում։   Նորա Վանյան
11:45 - 31 մարտի, 2022
Վլադիմիր Պուտինը եւ Օլաֆ Շոլցը քննարկել են ռուսական գազի դիմաց վճարները ռուբլիով իրականացնելու որոշումը

Վլադիմիր Պուտինը եւ Օլաֆ Շոլցը քննարկել են ռուսական գազի դիմաց վճարները ռուբլիով իրականացնելու որոշումը

ՌԴ նախագահ Վլադիմիր Պուտինը և Գերմանիայի կանցլեր Օլաֆ Շոլցը մտքեր են փոխանակել նախորդ օրը Ստամբուլում կայացած ռուս-ուկրաինական բանակցությունների հերթական փուլի մասին։ Ռիա Նովոստի-ի հաղորդմամբ՝ այս մասին հայտնում է Կրեմլի մամուլի ծառայությունը։ Վլադիմիր Պուտինը տեղեկացրել է Շոլցին ռուսական գազի համար վճարները ռուբլիով իրականացնելու որոշմանն անցնելու մասին: Նա ընդգծել է, որ վճարման կարգի փոփոխությունները պայմանավորված են նրանով, որ «միջազգային իրավունքների նորմերի խախտումների պատճառով ԵՄ անդամ երկրների կողմից սառեցվել են Ռուսական բանկի պահուստները»: Շոլցի հետ զրույցում Պուտինը նշել է, որ որոշումը չպետք է հանգեցնի ռուսական գազը ներկրող եվրոպական ընկերությունների համար պայմանագրի դրույթների վատթարացման Կողմերը պայմանավորվել են, որ գազի դիմաց ռուբլիով վճարելուն անցնելու հարցը կքննարկվի Ռուսաստանի ու Գերմանիայի փորձագետների կողմից:
20:00 - 30 մարտի, 2022
Պուտինն ու Մակրոնը քննարկել են իրավիճակը Ուկրաինայում, ինչպես նաև ռուսական գազի դիմաց ռուբլով վճարումներին առնչվող հարցեր

Պուտինն ու Մակրոնը քննարկել են իրավիճակը Ուկրաինայում, ինչպես նաև ռուսական գազի դիմաց ռուբլով վճարումներին առնչվող հարցեր

Ռուսաստանի նախագահ Վլադիմիր Պուտինը երեքշաբթի Ֆրանսիայի առաջնորդ Էմանուել Մակրոնի հետ հերթական հեռախոսազրույցում քննարկել է Ուկրաինայում տիրող իրավիճակը։ ՏԱՍՍ-ի հաղորդմամբ՝ հայտնում է Կրեմլի մամուլի ծառայությունը։ «Շարունակվել է կարծիքների փոխանակումը Ուկրաինայի շուրջ իրավիճակի վերաբերյալ, այդ թվում՝ հաշվի առնելով Ռուսաստանի և Ուկրաինայի ներկայացուցիչների միջև այսօր Ստամբուլում բանակցությունների հերթական փուլը»,- ասվում է հաղորդագրությունում։ Պուտինը Մակրոնին պատմել է այն միջոցառումների մասին, որոնք ռուս զինվորականները ձեռնարկում են Ուկրաինայում հատուկ գործողության ընթացքում մարդասիրական օգնություն ցուցաբերելու և խաղաղ բնակչության անվտանգ տարհանման համար։ Նշվում է նաև, որ կողմերը հատուկ ուշադրություն են դարձրել հումանիտար խնդիրներին։ Գազի դիմաց վճարումներ ռուբլով Կողմերն անդրադարձել են նաև Ռուսաստանից բնական գազի մատակարարումների դիմաց ռուբլով վճարմանը անցնելու որոշմանն առնչվող հարցերին։ «Շոշափվել են նաև Ռուսաստանից, մասնավորապես, ԵՄ երկրներին բնական գազի մատակարարումների համար ռուսական ռուբլով վճարմանն անցնելու որոշման հետ կապված հարցեր»։
22:08 - 29 մարտի, 2022
Պուտինն ու Զելենսկին կարող են հանդիպել խաղաղության համաձայնագրի նախաստորագրման ժամանակ․ Մեդինսկի
 |azatutyun.am|

Պուտինն ու Զելենսկին կարող են հանդիպել խաղաղության համաձայնագրի նախաստորագրման ժամանակ․ Մեդինսկի |azatutyun.am|

azatutyun.am: Նախագահներ Պուտինն ու Զելենսկին կարող են հանդիպել խաղաղության համաձայնագրի նախաստորագրման ժամանակ, այսօր Ստամբուլում կայացած ռուս-ուկրաինական բանակցություններից հետո հայտարարել է ռուսական կողմի գլխավոր բանագնաց Վլադիմիր Մեդինսկին։ «Այսօրվա բովանդակալից հանդիպումից հետո համաձայնեցրել ենք և առաջարկում ենք լուծում, որով նախագահների հանդիպումը հնարավոր է՝ համաձայնագրի նախաստորագրման հետ», - ասել է Ռուսաստանի նախագահի օգնականը։ «Եթե արագ աշխատանք կատարվի համաձայնագրի վրա և գտնենք անհրաժեշտ փոխզիջումները, խաղաղության կնքումը շատ ավելի կմոտենա»,- ասել է նա՝ առանց հավելյալ մանրամասների։ Ուկարինական պատվիրակության անդամ Դավիդ Արախամիան մինչդեռ պնդել է, թե Կիևը պահանջում է, որ այդ փաստաթուղթը լինի միջազգային և այն ստորագրեն ու վավերացնեն Ուկարինայի անվտանգության բոլոր երաշխավորները։
17:32 - 29 մարտի, 2022
Ուկրաինա-ՌԴ բանակցությունները Ստամբուլում կմեկնարկեն վաղը․ Պուտին-Զելենսկի հանդիպում չի սպասվում

 |factor.am|

Ուկրաինա-ՌԴ բանակցությունները Ստամբուլում կմեկնարկեն վաղը․ Պուտին-Զելենսկի հանդիպում չի սպասվում |factor.am|

factor.am: Ստամբուլում Ռուսաստանի և Ուկրաինայի պատվիրակությունների միջև բանակցությունները դժվար թե մեկնարկեն այսօր, ակնկալվում է, որ դրանք կսկսվեն մարտի 29-ին։ Այս մասին լրագրողներին հայտնել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։ «Այսօր բանակցությունները դժվար թե շարունակվեն։ Այսօր իսկապես պատվիրակությունները մեկնում են Թուրքիա, սակայն ակնկալում ենք, որ վաղը դրանք կարող են տեղի ունենալ»,- ասել է Պեսկովը։ Պեսկովը նաև հայտարարել է, որ Ստամբուլում պատվիրակությունների հանդիպումից հետո նախագահներ Վլադիմիր Պուտինի և Վլադիմիր Զելենսկիի հանդիպում հազիվ թե կայանա՝ հավելելով, որ նման հանդիպման կազմակերպման համար դեռևս առաջընթաց չկա։ «Ո՛չ, առաջընթաց չկա»,- ասել է Պեսկովը՝ պատասխանելով Պուտին-Զելենսկի հնարավոր հանդիպման կազմակերպման գործում առաջընթացի մասին հարցին։
14:36 - 28 մարտի, 2022
Շոլցը հայտնել է, որ ՆԱՏՕ-ն չի ձգտում ռեժիմի փոփոխության Ռուսաստանում

Շոլցը հայտնել է, որ ՆԱՏՕ-ն չի ձգտում ռեժիմի փոփոխության Ռուսաստանում

Ռուսաստանում ռեժիմի փոփոխությունը ՆԱՏՕ-ի նպատակը չէ, չնայած Մոսկվայի ներխուժմանը Ուկրաինա: Այս մասին, ինչպես փոխանցում է NDTV-ն, կիրակի ասել է Գերմանիայի կանցլեր Օլաֆ Շոլցը այն բանից հետո, երբ ԱՄՆ նախագահ Ջո Բայդենը Վլադիմիր Պուտինին անվանել է «մսագործ», որը «չի կարող մնալ իշխանության մեջ»։ Դա «ոչ ՆԱՏՕ-ի, ոչ էլ ԱՄՆ նախագահի նպատակը չէ»,- ասել է Շոլցը գերմանական ARD հեռուստաալիքին տված հարցազրույցում: «Ես հնարավորություն եմ ունեցել երկար զրուցելու նրա հետ Սպիտակ տանը, և մենք նույնպես քննարկել ենք այդ հարցերը»,- հավելել է նա: Դատապարտելով Ռուսաստանի նախագահին որպես «մսագործի» Ուկրաինա ներխուժման համար՝ Բայդենը ելույթի վերջում ասել էր. «Ի սեր Աստծո, այս մարդը չի կարող մնալ իշխանության»։ «Ժողովրդավարությունը, ազատությունն ու արդարությունը ապագա ունեն ամեն տեղ»,- կիրակի ասել է Շոլցը,- «Բայց այն ժողովուրդներիի և ազգերի համար է, որ պայքարեն այս ազատության համար»։
10:49 - 28 մարտի, 2022
Էրդողանն ու Պուտինը հաստատել են , որ ռուս-ուկրաինական հաջորդ բանակցությունները կկայանան Ստամբուլում

Էրդողանն ու Պուտինը հաստատել են , որ ռուս-ուկրաինական հաջորդ բանակցությունները կկայանան Ստամբուլում

Թուրքիայի նախագահ Ռեջեփ Թայիփ Էրդողանը կիրակի հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ։ Էրդողանը Պուտինին ասել է, որ Մոկվայի՝ Ուկրաինա ներխուժումից հետո հրադադարը և ավելի լավ հումանիտար պայմանները անհրաժեշտություն են։ Այս մասին, ինչպես փոխանցում է Reuters-ը, հայտնել են Թուրքիայի նախագահի աշխատակազմից։ «Էրդողանը նշել է Ռուսաստանի և Ուկրաինայի միջև հրադադարի կարևորությունը, խաղաղության հաստատումը և տարածաշրջանում հումանիտար պայմանների բարելավումը»,- ասված է Էրդողանի գրասենյակի հաղորդագրության մեջ: Նշվում է, որ զրուցակիցները պայմանավորվել են, որ Ուկրաինայի և Ռուսաստանի միջև խաղաղության բանակցությունների հաջորդ փուլը կանցկացվի Ստամբուլում։ Հիշեցնենք, որ ուկրաինական պատվիրակության անդամ Դավիթ Արախամիան հայտնել էր, որ ռուսական և ուկրաինական պատվիրակությունների հաջորդ հանդիպումը կկայանա Թուրքիայում մարտի 29-30-ը։ Ռուսական պատվիրակության ղեկավար Վլադիմիր Մեդինսկին ևս հայտնել էր հանդիպման օրերի մասին, բայց անցկացման վայրի վերաբերյալ ոչինչ չէր նշել։
09:54 - 28 մարտի, 2022
Բայդենը հանդիպել է Ուկրաինայի ԱԳ և Պաշտպանության նախարարների հետ

Բայդենը հանդիպել է Ուկրաինայի ԱԳ և Պաշտպանության նախարարների հետ

ԱՄՆ նախագահ Ջո Բայդենը հանդիպում է ունեցել Ուկրաինայի արտաքին գործերի նախարար Դմիտրի Կուլեբայի և պաշտպանության նախարար Ալեքսեյ Ռեզնիկովի հետ։ Այս մասին հայտնում է Սպիտակ տան մամուլի ծառայությունը։ Հանդիպմանը ներկա են եղել նաեւ ԱՄՆ պետքարտուղար Էնթոնի Բլինկենը և Պենտագոնի ղեկավար Լլոյդ Օսթինը կողմերը զրուցել են Ուկրաինայի ռազմական, դիվանագիտական և հումանիտար իրավիճակի մասին: «ԱՄՆ նախագահը նախարարներին տեղեկացրել է ԱՄՆ ջանքերի մասին՝ աշխարհը համախմբելու Ռուսաստանի ագրեսիայի դեմ: Նրանք քննարկել են հետագա ջանքերը՝ օգնելու Ուկրաինային պաշտպանել իր տարածքը։ Նրանք նաև քննարկել են Ռուսաստանի դաժան ագրեսիայի համար նախագահ Պուտինին պատասխանատվության ենթարկելու Միացյալ Նահանգների շարունակական գործողությունները»,-ասված է հաղորդագրության մեջ։
17:46 - 26 մարտի, 2022
Պեսկովը հայտնել է, որ Փաշինյանն ու Պուտինը հեռախոսազրույց են ունեցել նաև մարտի 24-ին

Պեսկովը հայտնել է, որ Փաշինյանն ու Պուտինը հեռախոսազրույց են ունեցել նաև մարտի 24-ին

Ռուսաստանի նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ հինգշաբթի և ուրբաթ օրերին։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։ Պեսկովը խոսքով՝  «զրուցակիցները քննարկել են շփման գծի իրավիճակը Ղարաբաղում»։ Երեկ երեկոյան ՀՀ կառավարությունից հայտնել էին, որ Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ։ Քննարկվել է Լեռնային Ղարաբաղում Ռուսաստանի Դաշնության խաղաղապահ զորախմբի պատասխանատվության գոտի ադրբեջանական ստորաբաժանումների ներխուժումից հետո ստեղծված իրավիճակը, որը վարչապետ Փաշինյանը գնահատել է լարված։  Վերջինս հարցադրում է արել տվյալ իրավիճակում ռուս խաղաղապահների գործողությունների հետաքննության անհրաժեշտության մասին եւ ընդգծել ռուս խաղաղապահների կողմից Ադրբեջանի զինված ուժերը ելման դիրքեր վերադարձնելու պահանջի անհրաժեշտությունը։
13:35 - 26 մարտի, 2022
Խաղաղապահների քանակն անբավարար է, անհրաժեշտ են լրացուցիչ միջոցառումներ․ Արցախի ԱԽ-ն պաշտոնապես դիմել է Վլադիմիր Պուտինին

Խաղաղապահների քանակն անբավարար է, անհրաժեշտ են լրացուցիչ միջոցառումներ․ Արցախի ԱԽ-ն պաշտոնապես դիմել է Վլադիմիր Պուտինին

Արցախի Հանրապետության նախագահ Արայիկ Հարությունյանի գլխավորությամբ մարտի 25-ին տեղի ունեցած Անվտանգության խորհրդի նիստում որոշում է կայացվել պաշտոնական գրությամբ դիմել Ռուսաստանի Դաշնության նախագահ, ՌԴ Անվտանգության խորհրդի նախագահ Վլադիմիր Պուտինին` ելնելով Արցախի Հանրապետությունում ստեղծված ռազմաքաղաքական իրավիճակից և 2020 թվականի նոյեմբերի 9-ի եռակողմ հայտարարության դրույթներից: Այս մասին հայտնում է Արցախի նախագահի աշխատակազմը։ Նամակում, նախ, անդրադարձ է կատարվել, որ Արցախում ռուսական խաղաղապահների տեղակայման օրվանից սկսած, ընդհանուր առմամբ, զորակազմը գործել է բարձր արդյունավետությամբ և կատարել իր առջև դրված խնդիրները։ Ադրբեջանական ռազմաքաղաքական իշխանության կողմից հարուցված բազմաթիվ խնդիրներ լուծվել են զորակազմի անմիջական, արագ և գործուն մասնակցությամբ, ինչի շնորհիվ Արցախում ձեռնամուխ են եղել պատերազմի պատճառած հետևանքների հաղթահարմանը։ Սակայն 2022 թվականի մարտի 8-ից սկսած ադրբեջանական կողմը մեծ ինտենսիվությամբ իրականացնում է հումանիտար, հոգեբանական, ապա նաև ռազմական ագրեսիա: Մանրամասնորեն շարադրելով մարտի սկզբից մեկնարկած ադրբեջանական ագրեսիվ գործողությունները Արցախի բնակչության հանդեպ, ներառյալ՝ Փառուխի ու հարակից տարածքների հանդեպ ռազմական ագրեսիան՝ նամակի վերջում ներկայացվում են մի շարք առաջարկներ. «Արցախի Հանրապետության Անվտանգության խորհուրդը որոշում է կայացրել դիմել Ձեզ՝ խնդրելով ձեռնարկել միջոցներ՝ Ադրբեջանի ղեկավարության կողմից պահպանելու 2020 թվականի նոյեմբերի 9-ին ընդունած Հայտարարության դրույթները։ Արցախի ժողովրդին անհրաժեշտ են անվտանգության պայմաններ, որպեսզի բնակվենք մեր պատմական հողում ու զբաղվենք պատերազմի վերքերի բուժմամբ։ Բայց, ինչպես ներկայացվեց, Ադրբեջանի նախահարձակ գործողությունները հնարավոր չեն դարձնում զբաղվել խաղաղ առօրյայով, ուստի գտնում ենք, որ անհրաժեշտ են անվտանգության ապահովման լրացուցիչ միջոցառումներ։ Ըստ այդմ, գտնում ենք, որ Հայտարարության դրույթներով նախատեսված խաղաղապահ զորակազմի անձնակազմի և այն սպասարկող տեխնիկական միջոցների գործող քանակն անբավարար է Արցախում խաղաղապահ առաքելության լիարժեք կատարման համար՝ հաշվի առնելով Ադրբեջանի ռազմական նկրտումների աճողական և ընդլայնվող բնույթը։ Խնդրում ենք Ձեզ՝ ի լրումն ադրբեջանական ընթացիկ ագրեսիայի զսպման ու ադրբեջանական զինված ուժերի հետքաշման իրենց ելման դիրքեր՝ վերանայել ՌԴ խաղաղապահ զորակազմի ներկա թվաքանակն ու սպասարկող միջոցների քանակը և համապատասխանաբար ավելացնել ինչպես զինծառայողների, այնպես էլ զինտեխնիկայի միջոցները։ Ավելացնենք, որ խաղաղապահ զորակազմի հետ Արցախի իշխանությունները ձևավորել են կառուցողական աշխատանքային փոխհարաբերություններ­, և պատրաստ ենք զորակազմի անձնակազմին ապահովել կեցության համար անհրաժեշտ պայմաններով։ Այդ նպատակով իրականացվելիք շինարարական աշխատանքներն արդեն իսկ ձեռնարկված են։ Հարգանքով՝ Արցախի Հանրապետության Նախագահ, Արցախի Հանրապետության Անվտանգության Խորհրդի Նախագահ Արայիկ Հարությունյան»:  
13:03 - 26 մարտի, 2022
Նիկոլ Փաշինյանը Վլադիմիր Պուտինի հետ քննարկել է իրավիճակը Լեռնային Ղարաբաղում

Նիկոլ Փաշինյանը Վլադիմիր Պուտինի հետ քննարկել է իրավիճակը Լեռնային Ղարաբաղում

Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ։ Այս մասին հայտնում է ՀՀ կառավարությունը։  Քննարկվել է Լեռնային Ղարաբաղում Ռուսաստանի Դաշնության խաղաղապահ զորախմբի պատասխանատվության գոտի ադրբեջանական ստորաբաժանումների ներխուժումից հետո ստեղծված իրավիճակը, որը վարչապետ Փաշինյանը գնահատել է լարված։  Վերջինս հարցադրում է արել տվյալ իրավիճակում ռուս խաղաղապահների գործողությունների հետաքննության անհրաժեշտության մասին եւ ընդգծել ռուս խաղաղապահների կողմից Ադրբեջանի զինված ուժերը ելման դիրքեր վերադարձնելու պահանջի անհրաժեշտությունը։ Երկու երկրների ղեկավարները պայմանավորվել են ջանքեր գործադրել ԼՂ-ում ստեղծված ճգնաժամային իրավիճակը կարգավորելու ուղղությամբ։
23:26 - 25 մարտի, 2022
Ռուսաստանն ու Ուկրաինան բանակցային վեց կետերից չորսի շուրջ համաձայնության են եկել․ Էրդողան

Ռուսաստանն ու Ուկրաինան բանակցային վեց կետերից չորսի շուրջ համաձայնության են եկել․ Էրդողան

Թուրքիայի նախագահ Ռեջեփ Թայիփ Էրդողանը ՆԱՏՕ-ի գագաթնաժողովի շրջանակներում Բելգիա այցից վերադառնալիս մի շարք հայտարարություններ է արել ռուս-ուկրաինական պատերազմի առնչությամբ։ Այս մասին հայտնում է թուրքական Hurriyet-ը։  Մասնավորապես, Էրդողանը հայտարարել է, որ Ռուսաստանը և Ուկրաինան բանակցությունների ընթացքում քննարկված վեց կետերից չորսի շուրջ կարծես թե համաձայնության են հասել։  «Դրանցից մեկը կապված է ՆԱՏՕ-ի հետ․ սկզբում Ուկրաինան կախված էր այս թեմայից, սակայն ավելի ուշ Զելենսկին հայտարարեց, որ կարող է հրաժարվել ՆԱՏՕ-ին անդամակցությունից։ Մեկ այլ հարց էր ռուսերենը պաշտոնական լեզու ընդունելու հարցը։ Զելենսկին սրան էլ է համաձայնել։ Ռուսերենով խոսում են Ուկրաինայում գրեթե ամենուր: Այս պահին այդ հարցով էլ խնդիր չկա։ Մեկ այլ խնդիր զինաթափումն է։ Իհարկե, Ուկրաինան պետություն է, ուստի ամբողջովին զինաթափման մասին խոսք լինել չի կարող։ Բայց այս հարցն էլ անընդունելի չէ։ Այսինքն՝ ուկրաինական կողմը հայտարարեց, որ այստեղ էլ կարելի է որոշակի զիջումների գնալ»,-ասել է նա։  Էրդողանի խոսքով՝ չորրորդ հարցը կապված է հավաքական անվտանգության համաձայնագրերի հետ, որի դեպքում նույնպես Ուկրաինան դրական մոտեցում է ցուցաբերել։  Սակայն, Էրդողանի պնդմամբ, Ուկրաինան այնքան էլ «հանգիստ» չէ Ղրիմի ու Դոնբասի հարցերում։  «Բայց, իհարկե, Ուկրաինային այնքան էլ «հանգիստ» չէ Ղրիմի ուԴոնբասի հարցերում։ Զելենսկին վերջերս լավ քայլ արեց՝ ասելով, որ Դոնբասի հարցում պետք է գնա հանրաքվեի։ Իմ կարծիքով՝  դա կարելի է անվանել խելացի ղեկավարության քայլ»,-ընդգծել է Էրդողանը։     
18:26 - 25 մարտի, 2022