Տիգրան Ավինյան

ՀՀ նախկին փոխվարչապետ, «Քաղաքացիական պայմանագիր» կուսակցության վարչության անդամ։ Ծնվել է 1989թ. փետրվարի 28-ին։ 2005 թվականին ավարտել է Երեւանի Ալեքսանդր Պուշկինի անվան թիվ 8 դպրոցը: 2009 թվականին ավարտել է Հայ-ռուսական (սլավոնական) համալսարանի կիրառական մաթեմատիկայի ֆակուլտետի բակալավրիատը: 2011 թվականին ավարտել է Հայ-ռուսական (սլավոնական) համալսարանի կիրառական մաթեմատիկայի ֆակուլտետի մագիստրատուրան (տնտեսագիտության մեջ մաթեմատիկական մոդելավորման գծով): 2014 թվականին գերազանցությամբ ավարտել է Լոնդոնի Մարիա թագուհու համալսարանը, ստանալով ֆինանսների մագիստրոսի կոչում:

2009-2013 թվականներին աշխատել է Զարգացման Հայկական Բանկում որպես բիզնես վարկավորման բաժնի ավագ մասնագետ: 2010-2011 թվականներին հիմնադրել եւ ղեկավարել է ոռոգման համակարգերի տեղադրմամբ եւ լանդշաֆտային դիզայնով զբաղվող «Իրիգեյթ» ընկերությունը: 2014-2016 թվականներին աշխատել է ՇՏԵ ընկերությունում որպես SAP համակարգերի խորհրդատու: 2014-2018 թվականներին ղեկավարել է ծրագրային ապահովմամբ զբաղվող «Սայբեր Վիժըն» ընկերությունը։

2017-2018 թվականներին եղել է Երեւան քաղաքի ավագանու անդամ «ԵԼՔ» խմբակցությունից։ 2018 թվականի մայիսի 11-ին նշանակվել է Հայաստանի Հանրապետության փոխվարչապետ: Ավինյանի ընտանիքին են պատկանում «Սայբեր Վիժըն» ընկերությունը, որը այժմ ղեկավարում է նրա կինը՝ Մարիամ Պահլավունին, «Իրիգեյթ» ընկերությունը, որը ղեկավարում է նրա հայրը՝ Արմեն Ավինյանը։

Նախքան Արցախ մեկնելը դիտորդները կթեստավորվեն կորոնավիրուսի արագ թեստերով |pastinfo.am|

pastinfo.am: Այսօր ՀՀ-ում արդեն ունենք կորոնավիրուսի արագ թեստեր: Կառավարության նիստի ժամանակ այս մասին հայտարարեց ՀՀ վարչապետ Նիկոլ Փաշինյանը: Այնուհետև դիմեց ՀՀ փոխվարչապետ, պարետ Տիգրան Ավինյանին. «Մարտի 31-ին Արցախում տեղի են ունենալու նախագահական և խորհրդարանական ընտրություններ և ՀՀ-ից դիտորդներ են մասնակցելու: Եկեք համագործակցենք դիտորդական կազմակերպությունների հետ, հասկանանք` դիտորդներն արդյոք ռիսկային գոտիներից են, թե ոչ: Եթե ռիսկային գոտիներից են, խնդրենք նրանց փոխարինել այլ դիտորդներով և մեկնումից առաջ պարտադիր թեստավորվեն արագ թեստերով: Փառք Աստծո այս պահի դրությամբ Արցախում կորոնավիրուսի ոչ մի դեպք չի հայտնաբերվել, չնայած տասնյակ մարդիկ թեստավորվել են: Ամեն ինչ անենք, որ հատկապես դիտորդական խմբի հետ կորոնավիրուսն Արցախ մուտք չգործի»,-ընդգծեց վարչապետը:

11:50 - 26 մարտի, 2020

Ընդլայնվել է տնտեսական գործունեության արգելված տեսակներից բացառություների ցանկը

22:20 - 25 մարտի, 2020

Փոխոստիկանապետն ու ՀԿՏԿ ՊՈԱԿ-ի տնօրենը պարետի որոշմանը հակասող մեկնաբանություն են արել․ լրագրողները եւս պարտավոր են լրացնել հատուկ ձեւաթուղթը

18:28 - 25 մարտի, 2020

Տիգրան Ավինյանի գլխավորությամբ տեղի է ունեցել պարետատան նիստը

Մարտի 25-ին ՀՀ պարետ Տիգրան Ավինյանի գլխավորությամբ տեղի է ունեցել պարետատան հերթական նիստը։Տիգրան Ավինյանը ասել է.«Բարև ձեզ, հարգելի՛ գործընկերներ,Սկսում ենք պարետատան հերթական հավաքը: Բոլորդ տեղյակ եք, որ արդեն իսկ նոր սահմանափակումներ են ներդրվել ՀՀ ամբողջ տարածքում տնտեսական գործունեության տարբեր տեսակների, ինչպես նաև մարդկանց տեղաշարժի նկատմամբ: Ըստ այդ որոշումների տնից դուրս գալիս մարդիկ պետք է լրացնեն և իրենց հետ ունենան մի թերթիկ, որը կարող են ձեռագիր լրացնել, որտեղ գրված կլինեն տվյալները թե որտեղից է դուրս գալիս մարդը, ուր է գնում, երբ է դուրս գալիս, երբ է վերադառնալու: Եվ, անպայման, կրեն իրենց հետ անձնագիր կամ նույնականացման քարտ, որովհետև այսօրվանից ՀՀ-ում գտնվող բոլոր անձինք համարվում են ինքնամեկուսացված, բացառությամբ այն դեպքերի, որոնք սահմանվել են նույն որոշմամբ:Այն է՝ եթե նրանք գնում են աշխատանքի՝ եթե իրենց աշխատանքի տեսակը արգելված չէ, եթե գնում են խանութ, եթե գնում են դեղատուն, եթե գնում են անձի մոտ, ով խնամքի կարիք ունի: Շատ կարևոր է, որ այդ տեղեկատվությունը թերթիկի վրա լրացված լինի և նույնականացման քարտը կամ անձնագիր լինի անձի մոտ, քանի որ այլ պարագայում ինքնամեկուսացման ռեժիմի խախտումը արդեն իսկ տուգանվում է Վարչական օրենսգրքով: Գիտեք, որ երկուշաբթի օրենքը ընդունվել է երկրորդ ընթերցմամբ: Կոչ եմ անում մեր քաղաքացիներին անպայման հետևել այս սահմանափակումներին, լուրջ վերաբերվել այս իրավիճակին և մեզ տալ ժամանակ որպեսզի մենք ունենանք հնարավորություն արդիականացնելու մեր գործիքակազմը՝ կորոնավիրուսի դեմ պայքարը էլ ավելի արդյունավետ դարձնելու համար:Երևի թե այսքանն եմ ուզում ասել, հարգելի՛ գործընկերներ: Այսօր միգուցե որոշ հավելյալ խստացումներ նույնպես քննարկվեն մինչև մարտի 31-ը: Արդեն իսկ գործում է սահմանափակումը, որ մարդատար ավտոմեքենաներում երկու անձից ավել չեն կարող տեղափոխվել և պետք է խնդրեմ, որպեսզի Ճանապարհային ոստիկանությունը խստորեն հետևի այս որոշմանը:Մենք մինչև մարտի 31-ը հնարավորինս պետք է փորձենք նվազեցնել մարդկանց տեղաշարժը և շարունակենք արդյունավետ կերպով կանխարգելել, գտնել այդ շղթաները և այդ շղթաներով կարողանալ վիրուսի հետքը մեր տեսադաշտում պահել, որպեսզի նաև կարողանանք արդյունավետ պայքարել դրա հետագա տարածման դեմ»:Նիստի մասնակիցներն անդրադարձել են կիրառվող սահմանափակումների վերահսկողության մեխանիզմներին, մթերային խանութներում և սուպերմարկետներում կուտակումներից խուսափելուն վերաբերող հարցեր:

16:03 - 25 մարտի, 2020

Արգելվել են միջմարզային կանոնավոր և ոչ կանոնավոր ուղևորափոխադրումները․ պարետի նոր որոշումը

10:38 - 25 մարտի, 2020

Տիգրան Ավինյանը ներկայացրեց նոր հավելվածը, որը ստույգ ինֆորմացիա կտա անձի առողջական վիճակի մասին

ՀՀ փոխվարչապետ, պարետ Տիգրան Ավինյանը ներկայացրել է հավելվածը, որն առողջական վիճակի մասին ինֆորմացիա է տալիս։ Կորոնավիրուսային վարակի պանդեմիայի արտակարգ իրվավիճակում անհրաժեշտ է խուսափել բժշկական հաստատություն առանց անհրաժեշտության դիմելուց: Միևնույն ժամանակ կարող եք ունենալ ախտանշաններ, որոնք շատ նման են Կորոնավիրուսային հիվանդության: Այս ժամանակ պետք է հասկանալ՝ ո՞ր դեպքն է համարվում կասկածելի և պահանջում պարտադիր թեսթավորում վիրուսի առկայությունը ստուգելու համար:Ուստի անհրաժեշտ է իրականացնել նախնական ինքնուրույն ստուգում: Այս հավելվածը կօգնի կողմնորոշվել և հասկանալ՝ կա արդյոք բժշկական հաստատություն այցելելու անհրաժեշտություն, թե՞ ոչ: Տիգրան Ավինյանը նշեց, որ հեռախոսային հավելվածը հասանելի է Android-ով աշխատող սարքերի համար։ Հավելվածը՝ այս հղմամբ։

20:33 - 24 մարտի, 2020

ՀՀ Փոխվարչապետի խորհրդական Սուրեն Քրմոյանի ասուլիսը․ Ուղիղ

20:05 - 24 մարտի, 2020

Փողոց դուրս եկած մեր քաղաքացիները պետք է անձը հաստատող փաստաթուղթ եւ հստակ բացատրություն ունենան, թե ուր են գնում․ Նիկոլ Փաշինյան

Այս պահի դրությամբ ունենք 868 մեկուսացված քաղաքացի, 2419 քաղաքացու համար սահմանվել է ինքնամեկուսացում տներում, իսկ 4 քաղաքացի այսօր առողջացած դուրս է գրվել, մեկուսացումից տուն է վերադառնում 37 քաղաքացի: Քիչ առաջ իր ուղերձում այս մասին ասաց ՀՀ վարչապետ Նիկոլ Փաշինյանը։ Նա նշեց, որ այս պահի դրությամբ վարակման դեպքեր ունենք Երեւանում, Արմավիրի, Արարատի, Արագածոտնի, Կոտայքի, Սյունիքի, Շիրակի եւ Լոռու մարզերում։ Այս դեպքերի մեծ մասի ծագումնաբանությունը մեզ հայտնի է։ Տարածման երեք զարգացող ճյուղ ենք ունեցել․ Իրանից ժամանած մեր հայրենակիցները, Էջմիածնի հայրենակիցները եւ Երեւանի արտադրամասի հայրենակիցները։ Փաշինյանն ասաց, որ ձեռնարկված գործողությունների արդյունքում հաջողվեց կանգնեցնել Իրանի եւ Էջմիածնի ճյուղերի հետագա զարգացումը, պայքարում էին Երեւանի արտադրամասի ճյուղի հետագա զարգացումը կանխելու համար, բայց մարտի 23-ի ախտորոշումների վերլուծությունը ցույց է տալիս, որ Երեւանի արտադրամասի ճյուղը հնարավոր է՝ անվերահսկելի զարգացում է ունեցել, քանի որ նոր դեպքեր են արձանագրվել Երեւանի եւ Չարենցավանի այլ արտադրամասերում, ինչը հանգեցրեց եզրակացության, որ պետք է մեկ շաբաթով շատ ավելի խիստ սահմանափակումներ կիրառեն։ Ըստ այդմ՝ այսօրվանից առնվազն մեկ շաբաթով երկրում գործում են նոր սահմանափակումներ, ինչը նշանակում է, որ հազարավոր ձեռնարկությունների աշխատանքը դադարեցվելու է եւ թույլատրվելու է միայն կենսական անհրաժեշտ կազմակերպությունների գործունեությունը եւ մարդկանց միայն կենսական անհրաժեշտ տեղաշարժը․ «Փողոց դուրս եկած մեր քաղաքացիները պետք է հստակ բացատրություն ունենան, թե ուր են գնում, եւ այդ բացատրությունը պետք է տեղավորվի կենսական անհրաժեշտ տրամաբանության մեջ։ Տեղաշարժի մեջ գտնվող մեր բոլոր քաղաքացիները պետք է ունենան անձը հաստատող փաստաթուղթ եւ պարետատունը կսահմանի քաղաքացու կողմից տեղաշարժի ձեւաթուղթ լրացնելու պարտադիր պայման»,- ասաց վարչապետը։ Աշխատելու են միայն խանութները, դեղատները, բանկերը։ Փաշինյանը ներողություն խնդրեց բոլորից՝ այս սահմանափակումների եւ պատճառվող անհարմարությունների համար՝ հույս հայտնելով, որ բոլորի համար ակնհայտ է, որ սա արվում է հենց քաղաքացիներիս եւ մեր ծնողների, տատիկ-պապիկների անվտանգությունն ապահովելու համար։ Ի դեպ՝ բոլոր թոշակառուները, որոնք թոշակները կանխիկ են ստանում, այս ամիս կստանան իրենց բնակարաններում՝ շրջիկ փոստատարների կողմից։ Վարչապետը կոչ արեց մաքսիմալ լրջությամբ վերաբերվել այս իրավիճակին, սպառնալիքներին, սահմանափակումներին։ Տնից դուրս գալ միայն կենսակա՛ն անհրաժեշտության դեպքում։ 2 հոգուց ավելի խմբերով չհավաքվել անգամ բակերում, զրուցարաններում կամ թաղերում։ Խստագույնս հետեւել պարետատան բոլոր հրահանգներին։ Տանը մնալու ընթացքում պահպանել հակահամաճարակային հիգիենայի կաննոները, հետեւել առողջապահության նախարարության հրահանգներին։ Փաշինյանի խոսքով՝ Արժույթի միջազգային հիմնադրամն արդեն իսկ արձանագրել է, որ 2020 թվականն անկումային է լինելու համաշխարհային տնտեսության համար։ Որոշ գնահատականների համաձայն՝ անկումը ավելի խորն է լինելու, քան անգամ 2008-2009 թթ․ տնտեսական ճգնաժամի ժամանակ։ Հայաստանի պարագայում, վարչապետի պնդմամբ, կանխատեսումներն այս պահի դրությամբ դրական են, բայց ակնհայտ է, որ մենք կորցնելու ենք աճի այն տեմպը, որը համատեղ աշխատանքի արդյունքում ձեւավորեցինք 2019-ին․ «Բայց այս վիճակը մենք ընկալում ենք ոչ թե որպես ողբերգություն, այլ որպես նոր հնարավորություն՝ համաշխարհային տնտեսության մեջ ՀՀ-ի տեղադիրքը փոխելու, տնտեսական հեղափոխության մեր օրակարգը կրկնապատիկ տեմպերով կյանքի կոչելու համար։ Աշխարհում ՀՆԱ-ի 3 տրիլիոն դոլարանոց անկում է լինելու։ Այսինքն՝ համաշխարհային շուկայում այդքան տեղ է ազատվելու, եւ մենք պետք է այսօրվանից մեզ տրամադրենք, որ այդ ազատված տեղի առնվազն 30 մլրդ դոլարանոց հատվածը հենց Հայաստանը պետք է զբաղեցնի, եւ այս խնդիրը պետք է լուծվի առաջիկա հինգ տարվա ընթացքում»,- ասաց Փաշինյանը՝ հավելելով, որ կառավարությունը խնդիր է դրել՝ զբաղեցնել ազատվող շուկայի 1 տոկոսը․ «Այսօր արդեն ամբողջ աշխարհն է հիացած հայ գործարարի տաղանդով, որոնց շնորհիվ կորոնավիրուսի ամենաճգնաժամային պահին Հայաստանը պարենային եւ լայն սպառման ապրանքների դեֆիցիտ չունեցավ եւ չունի»։

19:57 - 24 մարտի, 2020

Տեղի է ունեցել պարետատան նիստը

Մարտի 24-ին ՀՀ պարետ Տիգրան Ավինյանի գլխավորությամբ տեղի է ունեցել պարետատան հերթական նիստը։Տիգրան Ավինյանի խոսքը նիստի ժամանակ ներկայացնում ենք ստորև.«Բարև ձեզ, հարգելի՛ գործընկերներ, Ինչպես տեղյակ եք, այսօր քննարկելու ենք որոշ տնտեսական գործունեության տեսակների սահմանափակումներ, որոնց մասին արդեն իսկ երեկ հայտարարեց վարչապետը: Այսօր այս քննարկումից հետո հստակ ցանկը կհրապարակվի:Ուզում եմ տեղեկացնել, որ յոթ օրվա ընթացքում միայն առաջնային անհրաժեշտության տեսակի ծառայությունները, խանութները ու դեղատները պետք է աշխատեն: Ուզում եմ նաև տեղեկացնել, որ ընդհանուր առմամբ մեր կողմից կիրառվող միջոցառումները մինչ այս փուլը եղել են արդյունավետ և յոթ օրվա ավելի խիստ ռեժիմին անցում կատարելու նպատակը լինելու է վերահսկելիությունը շարունակել պահել և շարունակել զարգացնել այն գործիքակազմը, որը մեզ թույլ կտա վարակի շղթաները հայտնաբերել ու կանխարգելել:Հետևապես նաև ուզում եմ տեղեկացնել, որ տարածվելու են տեղաշարժի սահմանափակումներ ՀՀ քաղաքացիների համար և մենք յոթ օրվա ընթացքում պետք է հնարավորինս փորձենք պահպանել ինքնամեկուսացման ռեժիմը: Այդ իսկ պատճառով, այս ցանկի հրապարակումից հետո մենք նոր մեխանիզմներ կներդնենք, որոնք մեզ թույլ կտան Հայաստանի Հանրապետությունով քաղաքացիների տեղաշարժը հնարավորինս սահմանափակել և մեր քաղաքացիներին կոչ կանենք մնալ ինքնամեկուսացված, որպեսզի մենք ունենանք ժամանակ արդիականացնելու մեր գործիքակազմը և շարունակելու արդյունավետ պայքարը կորոնավիրուսի դեմ»:Նիստի մասնակիցները մանրամասնորեն քննարկել են տնտեսական գործունեության սահմանափակումներին, կանխարգելիչ շարունակական քայլերին ու առաջիկա անելիքներին վերաբերող հարցեր:

14:15 - 24 մարտի, 2020

Ավինյանը կոչ է արել խանութներում սպասարկման ժամեր սահմանել հատուկ տարեցների համար

ՀՀ փոխվարչապետ, արտակարգ դրության ընթացքում ղեկավար պարետ Տիգրան Ավինյանը կոչ է արել մթերային խանութներին, սուպերմարկետներին մարտի 24-ից առավոտյան 10։00-12։00 ժամերն առանձնացնել միայն կենսաթոշակային տարիքի անձանց սպասարկելու համար, իսկ այլ տարիքի անձանց խնդրել է այդ ժամերին չգնալ խանութ: Այս մասին Ավինյանը գրել է «Ֆեյսբուք»-ի իր պաշտոնական էջում։ «Կորոնավիրուսով պայմանավորված իրավիճակն առավել վտանգավոր է ավագ սերնդի մեր համաքաղաքացիների համար։ Այսպիսով, կոչ եմ անում մթերային խանութներին, սուպերմարկետներին մարտի 24-ից առավոտյան 10։00-12։00 ժամերն առանձնացնել միայն կենսաթոշակային տարիքի անձանց սպասարկելու համար։ Մյուս տարիքային խմբերի քաղաքացիներին խնդրում եմ այդ ժամերին խանութ չգնալ և այդպիսով շփումը նվազեցնելով՝ պահպանել ավագ սերնդի մեր համաքաղաքացիների առողջությունը»,- նշել է ՀՀ փոխվարչապետը։

13:17 - 23 մարտի, 2020

Այս պահի դրությամբ եւ այս տեմպի համար մեր ռեսուրսները բավարար են, թեստերն ու սարքավորումներն էլ համալրվելու են․ Տիգրան Ավինյան

Առողջապահության նախարար Արսեն Թորոսյանի հետ հեռախոսային մի նոր հավելված ենք թեստավորում, որը անձանց թույլ կտա ինքնահայտարարագրվել եւ մոտ 20 հարցի պատասխանելուց հետո հավելվածը կպատասխանի՝ արդյոք ռիսկայի՞ն է անձի վիճակը, թե՞ ոչ։ Հանրային հեռուստաընկերության եթերում այս մասին հայտնեց ՀՀ փոխվարչապետ, պարետ Տիգրան Ավինյանը։ Նա նշեց, որ իրենք շարունակելու են գործիքակազմը զարգացնել կանխարգելման ճանապարհով եւ հնարավորինս արագ գտնել վարակված անձանց հետ շփում ունեցածներին, մեկուսացնել ու բուժել։ Պարետը նշեց, որ եթե մեզ մոտ իրավիճակը մի պահ վերահսկողությունից դուրս գա, ապա ամեն մարզում հատկացրել են կոնկրետ վայրեր՝ օդափոխության համակարգերով սրահներ, որտեղ կկարողանան շատ արագ տեղադրել մահճակալներ, եւ մարդկանց հիվանդանոցային պայմաններում բուժել։ Բայց սա, Ավինյանի խոսքով, ծայրահեղ վատ սցենարի դեպքում։ Պարետը կարծում է՝ իրենց կանխարգելիչ գործողությւոնները թույլ կտան այդ սցենարին երբեւէ չհասնել։ Տիգրան Ավինյանը վստահեցրեց նաեւ, որ այս պահի դրությամբ եւ այս դեմպի համար մեր ռեսուրսները բավարար են, թեստերի ու սարքերի պաշարներն էլ համալրվելու են, տարբեր աղբյուրներից գնումներ են կատարում, համալրելու են նաեւ անցակատերին տրամադրվող թեստերը, ինտենսիվ թեստավորման գործընթացն էլ շարունակվելու է։ Պարետը պարզաբանեց, թե որենք են համարվում մեկուսացված ու ինքնամեկուսացված անձինք։ Ըստ այդմ՝ մեկուսացվածներն այն անձինք են, որոնց պատկան մարմիններն են մեկուսացրել տարբեր հյուրանոցներում, այս անձինք առաջնային շփում են ունեցել վարակակրի հետ։ Ինքնամեկուսացածներն այն անձինք ենք, որոնք երկրորդային շփում են ունեցել վարակակրի հետ՝ շփվել են վարակակրի հետ շփված անձի հետ։ Վերջիններիս ցուցում է տրված՝ ինքնամեկուսանալ․ «Մենք ավելի ենք հստակեցնելու՝ ինչ է նշանակում ինքնամեկուսացում, ինչ ռեժիմ է գործելու ինքնամեկուսացվածների համար։ Կարճ ժամանակահատվածում ինքնամեկուսացման ինստիտուտի վրա մեծ հույս պետք է դնենք՝ կիրառելով նաեւ վերահսկողական մեխանիզմներ»,- ասաց Ավինյանը՝ հավելելով, որ ինքնամեկուսացման ցուցում տալու է բժիշկը։ Իսկ ինքնամեկուսացված անձի համար պետք է գործեն հստակ կանոններ, որոնց մասին ինքը հստակ տեղեկացված է լինելու։ Փոխվարչապետի համոզմամբ՝ մեր հանրությունը բավականին գիտակից է, եւ, որոշ բացառություններով, բայց բոլորը հասկացել են հարցի լրջությունը, բայց, այնուամենայնիվ, իրենք վերահսկման գործիքներ են ներդնելու։ Ինչպես հայտնեց պարետը՝ իրավական առումով որեւէ արգելք չկա չմեկուսացված կամ չինքնամեկուսացված անձանց ազատ տեղաշարժի համար։ Նա միայն ընդգծեց, որ առողջապահության նախարարությունը խորհուրդ է տալիս հնարավորինս զերծ մնալ տնից դուրս գալուց, բայց եթե դա անհրաժեշտ է, պետք է հասկանալ, որ կորոնավիրուսի առաջնային խոցելի խումբը տարեցներն են, եթե մենք կարող ենք հաղթահարել, ապա իրենց դեպքում դա բարդ է։ «Մենք կոչ ենք անելու մթերային բոլոր խանութներին՝ տարեցների համար ժամեր սահմանել, որպեսզի միայն այդ ժամերին նրանք խանութներից առեւտուր անեն, հավանաբար առավոտյան ժամը 10-12-ը ընկած հատվածում, իսկ մեր բոլոր քաղաքացիներին կոչ ենք անելու, որ այդ ժամերին խանութներ չգնան, որպեսզի կոնտակտը հնարավորինս նվազեցնենք։ Եւ այս շրջանում կոչ ենք անում տատիկ-պապիկների հետ սկայպով շփվել»։ Ավինյանն ասաց, որ առայժմ կառավարությունը ռեսուրսներ ունի կորոնավիրուսով վարակվածներին հիվանդանոցներում պահելու, սակայն եթե նրանց թիվը մեծանա եւ հիվանդանոցային մեկուսացումն այլեւս նպատակահարմար չլինի, նրանց կվերաբաշխեն․ «Եթե մի պահ տեսնենք, որ բոլոր վարակվածներին հիվանդանոցներում պահելը նպատակահարմար չէ, առաջին փուլով, կարծում եմ, նրանց կտեղավորենք հյուրանոցներում, իսկ հիվանդանոցներում կպահենք միայն ծանր դեպքերը։ Եթե հիվանդների թիվն էլ ավելի մեծանա եւ հյուրանոցային պայմաններում էլ նրանց պահելը էֆեկտիվ չլինի, կանցնենք տներում մեկուսացման»,- նշեց ՀՀ պարետը։

23:17 - 22 մարտի, 2020

Իրականացվել է Վերին Լարսի անցակետում օրեր շարունակ գտնված մոտ 140 ՀՀ քաղաքացիների տեղափոխումը Հայաստան` Վրաստանի տարածքով․ Տիգրան Ավինյան

Գլխավոր պարետ Տիգրան Ավինյանն իր ֆեյբության էջում գրառում է կատարել, որը ներկայացնում ենք ստորև։ «Ռուսաստանի և Վրաստանի մեր գործընկերների հետ օրեր շարունակ վարած բանակցությունների և մեր գործընկերների բարի կամքի շնորհիվ հնարավոր է եղել, բացառության կարգով, ապահովել մարտի 20-ի ժամը 20:00 դրությամբ Վերին Լարսի անցակետում օրեր շարունակ գտնված մոտ 140 ՀՀ քաղաքացիների տեղափոխումը Հայաստան` Վրաստանի տարածքով: Ցանկանում եմ շնորհակալություն հայտնել Վրաստանի և ՌԴ իշխանություններին, Վրաստանում ՀՀ դեսպանին և Ռոստովում ՀՀ գլխավոր հյուպատոսին: Ընդգծեմ, որ Վրաստանի կառավարության որոշմամբ՝ օտարերկրացիները, այդ թվում ՀՀ քաղաքացիները, չեն կարող մուտք գործել Վրաստանի տարածք: Նման իրավիճակներից խուսափելու համար ՌԴ-ից Հայաստան վերադառնալ ցանկացող մեր քաղաքացիներին ևս մեկ անգամ կոչ ենք անում օգտվել բացառապես օդային ճանապարհից»։

19:12 - 21 մարտի, 2020

Բարերը, գիշերային ակումբները, պարահրապարակները Հայաստանում չեն գործի մինչև արտակարգ դրության ավարտը․ Տիգրան Ավինյան

Գլխավոր պարետ Տիգրան Ավինյանն իր ֆեյբուքյան էջում գրառում է կատարել, որտեղ ասվում է․ «Սիրելի՛ հայրենակիցներ, Կորոնավիրուսի հիվանդության դեմ պայքարի շրջանակներում մարտի 22-ից մինչև արտակարգ դրության ռեժիմի ավարտը Հայաստանի Հանրապետության տարածքում արգելվելու են տնտեսական գործունեության հետևյալ տեսակները. 1. Առևտրի կենտրոն՝ բացառությամբ սննդի, խմիչքների, ալկոհոլային խմիչքների, ծխախոտային արտադրության ապրանքների մանրածախ առևտրի գործունեության, այն է՝ մոլեր՝ բացառությամբ այնտեղ գործող սուպերմարկետների, 2. Բարերի, գիշերային ակումբների, պարահրապարակների գործունեություն, 3. Կինոֆիլմերի ցուցադրում, 4. Խաղատներ, 5. Բուքմեյքերական և խաղագումարով գրազի կազմակերպման գործունեության սպասարկման գրասենյակներ: Պարետատունը բոլոր ջանքերը գործադրում է մեր ժողովրդի անվտանգությունն ապահովելու, հայ ազգի ուժերը մոբիլիզացնելու և բոլորիս առջև ծառացած մարտահարվերը հաղթահարելու համար։

18:23 - 21 մարտի, 2020

Հայաստան կարող են մուտք գործել նաև հոգեհանգստի կամ թաղման արարողության մասնակցելու նպատակով

Հայաստանի Հանրապետություն մուտք գործելու առանձնահատուկ և անհետաձգելի համարվող դեպքերը սահմանման մեջ կատարվել են փոփոխություններ: Երկիր կարող են մուտք գործել նաև հոգեհանգստի կամ թաղման արարողությանը մասնակցելու նպատակով: Այս մասին ասված է 2020 թվականի մարտի 20-ի N7 որոշման մեջ փոփոխություն կատարելու մասին Պարետի՝ մարտի 21-ի որոշման մեջ: «Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020թ․ մարտի 16-ի 298-Ն որոշման հավելվածի 2-րդ կետի 3-րդ ենթակետով՝ Հայաստանի Հանրապետություն մուտք գործելու առանձնահատուկ և անհետաձգելի համարվող դեպքերը սահմանելու վերաբերյալ պարետի 2020թ. մարտի 20-ի N7 որոշման մեջ կատարել հետևյալ փոփոխությունը՝ 1.Որոշման 1-ին կետի «անհետաձգելի կարիքների առկայության դեպքում» բառերից հետո լրացնել «կամ հոգեհանգստի կամ թաղման արարողությանը մասնակցելու նպատակով՝ հանգուցյալի մերձավոր ազգականներին: Սույն որոշման իմաստով մերձավոր ազգական են համարվում հանգուցյալի ծնողները, ամուսինը, կինը, երեխաները, քույրը և եղբայրը:» բառերով: 2.Որոշման 1-ին կետը լրացնել նոր պարբերությամբ՝ հետևյալ բովանդակությամբ. «Հայաստանի Հանրապետության տարածք մուտք գործելու արգելքից բացառություն է սահմանվում նաև Հայաստանի Հանրապետությունում Ռուսաստանի Դաշնության սահմանապահ զորքերի կազմի մեջ մտնող անձանց և նրանց ընտանիքի անդամների համար: Սույն որոշման իմաստով ընտանիքի անդամ են համարվում համատեղ բնակվող ծնողները ևերեխաները, ամուսինը, կինը»,-ասված է որոշման մեջ: Որոշումն ուժի մեջ է մտնում որոշման հրապարակման պահից:

15:35 - 21 մարտի, 2020

Տեղի է ունեցել պարետատան հերթական նիստը

Մարտի 20-ին ՀՀ պարետ Տիգրան Ավինյանի գլխավորությամբ տեղի է ունեցել պարետատան հերթական նիստը։ Տիգրան Ավինյանը ասել է. «Սկսում ենք պարետատան հերթական հավաքը: Նախևառաջ ցանկանում եմ շնորհավորել մեր գործընկեր ԱԳ նախարար պարոն Զոհրաբ Մնացականյանին ծննդյան կապակցությամբ: Պարոն Մնացականյան, շնորհակալություն Ձեզ, և արտաքին գործերի նախարարության ամբողջ աշխատակազմին, մեր դեսպաններին, մեր դիվանագետներին իրենց բարձրորակ աշխատանքի համար մանավանդ այս ծանր շրջանում: Այսօր մենք կքննարկենք տարբեր գերատեսչությունների կողմից առաջարկվող հարցեր, խնդիրներ ու լուծումներ: Կքննարկենք նաև որոշակի նոր միջոցառումներ, որոնք նախատեսվում է շատ կարճ ժամանակամիջոցում ներմուծել: Խոսքը գնում է, մասնավորապես, տարեցներին ու նրանց ապրելակերպին վերաբերող հարցերի, նրանց համար որոշակի հնարավորությունների սահմանման ու որոշակի ռիսկերից նրանց պաշտպանելու միջոցառումների մասին»: Արտադրական ընկերությունների բնականոն աշխատանքը կազմակերպելու նպատակով քննարկվել է Իրանի Իսլամական Հանրապետության և Հայաստանի միջև թույլատրելի ապրանքների և հումքատեսակների ցանկի ընդլայնման հարցը: Հաշվի առնելով, որ ՀՀ աշխատանքի և սոցիալական հարցերի նախարարությունը բանակցություններ է վարում «Հայփոստ» ՓԲԸ-ի հետ այն մասին, որ ընկերության աշխատակիցներն անձամբ այցելեն շահառուների բնակության վայր ու փոխանցեն կենսաթոշակները, կարևորվել է փոստատարների անվտանգության ապահովումը և սանիտարահիգիենիկ պաշտպանիչ միջոցներով հագեցվածությունը: Անդրադարձ է կատարվել նաև տեղեկատվական տեխնոլոգիաների գործիքների կիրառմանը կորոնավիրուսային հիվանդության դեմ պայքարում, ինչպես նաև արտակարգ դրության պայմաններում գործատու-աշխատակից փոխհարաբերությունների կարգավորմանը:

20:17 - 20 մարտի, 2020

Պարետի որոշմամբ ժամանակավորապես սահմանափակվում է որոշ արտադրատեսակների արտահանումը ՀՀ-ից

ՀՀ փոխվարչապետ, արտակարգ դրության ընթացքում ղեկավար պարետ Տիգրան Ավինյանի որոշմամբ ժամանակավորապես սահմանափակվում է որոշ ապրանքատեսակների արտահանումը, այդ թվում՝ ԵԱՏՄ անդամ երկրներ։ Որոշումը հրապարակվել է ՀՀ կառավարության gov.am կայքում։ «Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թ․ մարտի 16-ի 298-Ն որոշման 2-րդ, 6-րդ և 7-րդ կետերով և որոշման հավելվածի 18- րդ կետերով՝ 1. Ժամանակավորապես սահմանափակել որոշման հավելվածով սահմանված արտադրատեսակների արտահանումը Հայաստանի Հանրապետությունից, այդ թվում` ԵԱՏՄ երկրներ: Ընդ որում՝ սույն որոշման հավելվածում նշված բժշկական արտադրատեսակների արտահանումը կարող է Պետական եկամուտների կոմիտեի կողմից թույլատրվել՝ հիմք ընդունելով Հայաստանի Հանրապետության առողջապահության նախարարության գրավոր համաձայնությունը արտահանման ենթակա ապրանքատեսակների և դրանց չափաքանակների վերաբերյալ։ 2. Ընդունել ի գիտություն, որ Իրանի Իսլաման Հանրապետություն և Հայաստանի Հանրապետության միջև ապրանքների փոխադրումն իրականացվում է Հայաստանի Հանրապետության կառավարության 2020թ․ փետրվարի 24-ի N 197-Ն որոշմամբ սահմանված կարգին համապատասխան։3. ՀՀ Պետական եկամուտների կոմիտեի նախագահ Դավիթ Անանյանին, ՀՀ առողջապահության նախարար Արսեն Թորոսյանին՝ ապահովել սույն որոշմամբ սահմանված միջոցառումների իրականացումը: 4. Սույն որոշումը ուժի մեջ է մտնում 2020 թվականի մարտի 18-ին, ժամը 23․00: 5. Սույն որոշումը տարածվում է ինչպես այն արտահանումների վրա, որոնք մինչև սույն որոշման ուժի մեջ մտնելը գտնվում են մաքսային ձևակերպման փուլում, այնպես էլ փաստացի արտահանման ենթակա ապրանքների վրա»,- ասված է պարետի որոշման մեջ: Սահմանափակումը տարածվում է բժշկական պարագաների և սարքավորումների արտահանման վրա։ Արտադրատեսակների ցանկին կարող եք ծանոթանալ հետևյալ հղմամբ։

18:05 - 19 մարտի, 2020