Կորոնավիրուս

Նորություններ կորոնավիրուսի մասին, աշխարհ, 20.03.20 (թարմացվող)

18:15- Վրաստանը կորոնավիրուսի տարածման սպառնալիքի պատճառով մարտի 21-ից դադարեցնում է ավիահաղորդակցությունը բոլոր ուղղություններով։ Այդ մասին հայտարարել է Վրաստանի կառավարության մամուլի քարտուղար Իրակլի Չիկովանին։18:10- Աշխարհում նոր տիպի կորոնավիրուսով՝COVID-2019-ով վարակվածների թիվն անցել է 253 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցնում է 10 հազար 400-ը: Մարտի 20-ին նկատելիորեն աճ է նկատվում ապաքինվածների թվում՝ անցնելով 89 հազարը. մարտի 19-ի առավոտյան այդ թիվը 85 հազար էր: Վարակվածների մեծ թվով երրորդ տեղում է հայտնվել է Իսպանիան՝ անցնելով Իրանին, այստեղ կորոնավիրուսի հաստատված 19 հազար 980 դեպք կա, մահացել է հազարից ավելի մարդ: Վարակվածների թվով հաջորդ տեղում Իրանն է, որտեղ արձանագրվել է վարակվածության 19 հազար 644 դեպք: Մահերի թիվը 1433 է:16։28- Վրաստանի կառավարության որոշմամբ՝ սահմանային անցակետերում կստեղծվեն լրացուցիչ կարանտինային տարածքներ: Ցամաքային սահմանով Վրաստան մուտք գործող այդ երկրների քաղաքացիները ստիպված կլինեն անցնել կարանտին սահմանային անցակետերում կառուցված լրացուցիչ կարանտինային տարածքներով։Կարանտինային տարածքներ կկառուցվեն Լարսի, Կարմիր կամրջի և Սարփիի սահմանային անցակետերում: [Վրաստանի վարչապետի մամուլի խոսնակ Իրակլի Չիկովանի] |shantnews.am| 15։32- Անգլիայում ու Ուելսում իշխանությունները 65 հազարից ավելի նամակ են ուղարկել թոշակի անցած բժիշկներին ու բուժքույրերին՝ խնդրելով վերադառնալ աշխատանքի ու միանալ կորոնավիրուսի դեմ պայքարին։ Շոտլանդիայում ևս կառավարությունը աշխատանքի վերադառնալու կոչով դիմել է վերջին երեք տարվա ընթացքում թոշակի անցած բոլոր բուժաշխատողներին։ |BBC| 15։09- Հետևելով Ford Otosan և Toyota ընկերությունների օրինակին՝ Honda-ն այսօր Թուրքիային հայտնել է իր գործարանի աշխատանքների կասեցման մասին։ Որոշումը պայմանավորված է կորոնավիրուսի բռնկման պատճառով արտադրության համար անհրաժեշտ ապրանքների մատակարարման խափանումներով։ 14։18- Ուզբեկստանն այսօրվանից դադարեցնում է միջազգային բոլոր ուղևորափոխադրումները: Ուղևորափոխադրումներն`ինչպես ավտոբուսներով, ավտոմեքենաներով, այնպես էլ երկաթուղիով, օդային տրանսպորտով միջազգային ուղղություններով դադարեցվում են 40 օրով: Այս սահմանափակումը չի վերաբերում բեռնափոխադրումներին, արտաքին առևտրային շրջանառությանը: |armenpress.am| 14։12- Վրաստանում մարտի 21-ից կիրականացվեն միայն այն չվերթները, որոնք գործարկում են «Վրացական ավիաուղիներ» ընկերությունը և համաձայնեցված են Վրաստանի կառավարության հետ։[Վրաստանի վարչապետի խորհրդական Իրակլի Չիքովանի]|aliq.ge| 12։55-Աշխարհում կորոնավիրուսից ապաքինվել է ավելի քան 88 հազար մարդ: Վիրուսից վարակվածների թվով շարունակում է առաջին տեղում մնալ Չինաստանը, որտեղից էլ սկսել է բռնկումը։ Այստեղ վարակվածների թիվը 80 հազար 967 է, թեպետ, նոր դեպքերի նվազում է նկատվում: Վարակվածների թվով երկրորդ տեղում Իտալիան է, այնտեղ կորոնավիրուսով վարակվել է 41 հազար 35 մարդ։ |armenpress.am| 12։49- Google որոնողական համակարգն այսօր տեղադրել է տարբերանշան` ի պատիվ հունգարացի բժիշկ Իգնաց Զեմմելվեյսի, ով ասեպտիկայի մեթոդի համահիմնադիրներից մեկն է։ Ասեպտիկան մանրէներրի կանխարգելիչ ոչնչացումն է, սարքերի, գործիքների ստերիլիզացումը։ Տարբերանշանի նպատակն է ցույց տալ, թե որքան կարևոր է ձեռքերը լվանալ։ Կից ներկայացվում է նաև տեսահոլովակ, որտեղ նկարագրվում է, թե ինչպես է պետք ճիշտ լվանալ ձեռքերը։ 12։41- Սլովակիայում կորոնավիրուսով վարակման ևս 19 նոր դեպք է արձանագրվել:Այս մասին հայտնում է Սլովակիայի առողջապահության նախարարության պաշտոնական կայքը:Նախարարությունը հայտնում է, որ երկրում կորոնավիրուսի հաստատված դեպքերի թիվը 124 է: Այդ երկրում կորոնավիրուսի հետևանքով մահացության դեպք չի արձանագրվել: |armenpress.am| 12։20- Կանադայում մարտի 19-ի ժամը 18:30-ի (տեղական ժամանակով) դրությամբ կորոնավիրուսի հաստատված դեպքերի թիվը 846 է: Այս մասին նշված է Կանադայի կառավարության պաշտոնական կայքում:Կանադայում ամենաշատ դեպքերն արձանագրվել են Բրիտանական Կոլումբիա նահանգում 271, այնուհետև Օնտարիոյում՝ 258, Ալբերտայում` 146 և այլն: |armenpress.am| 12։18- Միացյալ Թագավորությունում կորոնավիրուսի հաստատված դեպքերի թիվը հասել է 3 269-ի:Աս մասին հայտնում է ՄԹ առողջապահության նախարարության կայքը:Միացյալ Թագավորությունում իրականացվել է կորոնավիրուսի 64 621 թեստավորում, 61352-ն ունեցել է բացասական պատասխան:Կորոնավիրուսից մահացությունների թիվը 144 է: |armenpress.am| 11։45- Հնդկաստանում կորոնավիրուս է հայտնաբերվել ևս 22 հոգու մոտ, այսպիսով վարակվածների ընդհանուր թիվը հասել է 219-ի:Այս մասին հայտնում է այդ երկրի Առողջապահության նախարարության պաշտոնական կայքը:Ըստ գերատեսչության տվյալների՝ կորոնավիրուսով վարակված Հնդկաստանի քաղաքացիների թիվը այս պահին 163 է, երկրում գտնվող վարակված օտարերկրացիներինը՝ 32, վարակից բուժվածները 20 հոգի են, իսկ վիրուսի հետևանքով մահացել է 4 անձ: |armenpress.am| 11։44- Իտալիայում կորոնավիրուսով վարակվածների թիվը հասել է 41 035-ի: Այս մասին հայտնում է Իտալիայի առողջապահության նախարարության պաշտոնական կայքը:Նախարարությունը նշում է, որ վիրուսից երկրում ապաքինվել է 4 440 հոգի: Այս պահի դրությամբ 14 935 մարդ գտնվում է տնային մեկուսացման մեջ: 11։23- Թուրքիայի Ստամբուլ քաղաքում ալկոհոլային թունավորման զանգվածային դեպք է գրանցվել։ Վերջին մեկ շաբաթվա ընթացքում Ստամբուլում բնակվող Թուրքմենստանի բազմաթիվ քաղաքացիներ տեղափոխվել են հիվանդանոց։Պատճառն այն է, որ կորոնավիրուսից պաշտպանվելու համար նրանք էթիլային անխառն սպիրտ են խմել ու նաև քսել այն ամբողջ մարմնին։60-ից ավել թունավորվածներից 20-ը մահացել են, 34-ի վիճակը ծանր է և գտնվում են վերակենդանացման բաժանմունքում։|ermenihaber.am| 11։15- Սերբիայի նախագահ Ալեքսանդր Վուչիչը հայտարարել է, որ կորոնավիրուսի հետագա տարածման կանխման նպատակով փակում է երկրի բոլոր սահմանները։ 11։05- Եվրոպական խորհրդի նախագահ Շարլ Միշելը թվիթերյան գրառում է արել՝ հայտնելով, որ ԵՄ առաջնորդները մարտի 26-ին կանցկացնեն 3-րդ տեսահանդիպումը՝ քննարկելու կորոնավիրուսի դեմ ձեռնարկվող հետագա գործողությունները։ 11։03- Վրաստանում կորոնավիրուսով վարակվածների թիվը 3-ով ավելացել է: Այժմ կորոնավիրուսով վարակված 43 անձ կա, որոնցից մեկը առողջացել է:Ներկայումս 1575 մարդ գտնվում է կարանտինում, իսկ 275-ը մնում է ստացիոնար հսկողության տակ:|aliq.ge| 10։48- Հինգշաբթի օրը Սպիտակ տունը հայտարարել է, որ կորոնավիրուսի համաճարակի պատճառով ԱՄՆ նախագահ Դոնալդ Թրամփը չեղարկել է հունիսին Քեմթ Դևիդում կայանալիք Մեծ յոթնյակի հանդիպումը, դրա փոխարեն երկրների ղեկավարները կանցկացնեն տեսակոնֆերանս։ 10։44- Ղազախստանում արձանագրվել է կորոնավիրուսով վարակման ևս 5 նոր դեպք: Այս մասին նշված է այդ երկրի Առողջապահության նախարարության պաշտոնական կայքում:Ղազախստանում կորոնավիրուսի հաստատված դեպքերի թիվը 49 է, որից 22-ն արձանագրվել է Ալմաթի, 25-ը՝ Նուր-Սուլթան, իսկ 2-ը՝ Կարագանդա քաղաքներում: 10։38- Վրաստանի խորհրդարանն այսօրվանից անցնում է լրատվամիջոցների հետ հեռահար կապի: Խորհրդարանի անդամների հետ զրուցելու ցանկության դեպքում լրատվամիջոցները ստիպված կլինեն հարցն ուղարկել խորհրդարանի էլեկտրոնային հասցեին:Բոլոր նիստերը, մամլո ասուլիսները կհեռարձակվեն առցանց` parliament.ge կայքի միջոցով:«Երկրում իրավիճակի հարթվելուց անմիջապես հետո, լրատվամիջոցների հետ աշխատանքը կվերականգնվի»,- նշված է խորհդարանի պաշտոնական էջում:|aliq.ge| 09։36-Իսրայելի վարչապետ Բենյամին Նեթանյահուն մարտի 19-ին երկրում արտակարգ դրություն մտցնելու մասին է հայտարարել, որի խախտումը կարող է հանգեցնել տուգանքների։ 7 օրվա ընթացքում Իսրայելի բնակիչները կարող են լքել իրենց տները միայն «ծայրահեղ անհրաժեշտության դեպքում», այն է՝ այցելություններ խանութներ, դեղատներ կամ բուժհաստատություններ, աշխատանքի կարող են գնալ այն անձինք, որոնք չեն կարող աշխատել տնից։ Արգելվում է այցելել այգիներ, լողավազաններ, ծովափ, թանգարաններ, սահմանափակվում են հանրային շփումները։ 09։10- ԱՄՆ Պետդեպարտամենտը մարտի 19-ին ԱՄՆ քաղաքացիներին զգուշացրել է կորոնավիրուսի պանդեմիայի պայմաններում չիրականացնել ճանապարհորդություններ երկրի սահմաններից դուրս ՝ հայտարարելով ճանապարհորդությունների զգուշացման ամենաբարձր՝ 4-րդ մակարդակը։ Փոխանցում է CNN-ը։ Պետդեպարտամնետը կոչ է անում դրսում գտնվող ԱՄՆ քաղաքացիներին անմիջապես կազմակերպել իրենց վերադարձը երկիր, հակառակ դեպքում պետք է պատրաստ լինեն «անորոշ ժամանակով» մնալ դրսում։ 08։56- Ըստ Ռոսպոտրեբնադզորի՝ մարտի 19-ի տվյալների՝ Ռուսաստանի Դաշնության տարածքում իրականացվել է կորոնավիրուսի բացահայտման ավելի քան 133 000 թեստ,գրանցվել է 199 դեպք,առողջացել է 5 հոգի։ 08։54- Վարակների կառավարման և կանխարգելման կենտրոնի տվյալները՝ մարտի 19-ի դրությամբ ԱՄՆ տարածքում կորոնավիրուսի պաշտոնապես հաստատված ու գրանցված դեպքերի մասին։ Կենտրոնը գտնվում է ԱՄՆ Առողջապահության ու հանրային ծառայությունների կենտրոնի ենթակայության ներքո։ Գրանցված դեպքեր՝ 10 442,Մահացության դեպքեր՝ 150։ 08։51- Եվրոպական Միության տարածքում մարտի 19-ի դրությամբ պաշտոնապես վարակված ու մահացած մարդկանց քանակը․ (յուրաքանչյուր երկրի դիմաց ներկայացված են համապատասխանաբար վարակվածության և մահվան դեպքերի քանակները)։ Իտալիա 35713 2978Իսպանիա 13716 598Ֆրանսիա 9134 244Գերմանիա 8198 13Միացյալ Թագավորություն 2630 103Նիդեռլանդներ 2051 58Ավստրիա 1646 4Բելգիա 1486 14Նորվեգիա 1423 3Շվեդիա 1301 10Դանիա 1115 4Պորտուգալիա 642 2Չեխիայի հանրապետություն 522 0Հունաստան 418 5Ֆինլանդիա 369 0Իռլանդիա 366 2Լեհաստան 287 5Սլովենիա 286 1Ռումինիա 260 0Էստոնիա 258 0Իսլանդիա 250 0Լյուքսեմբուրգ 210 2Սլովակիա 107 0Բուլղարիա 92 2Խորվաթիա 81 0Հունգարիա 73 1Լատվիա 71 0Կիպրոս 58 0Մալթա 48 0Լիտվա 33 0Լիխտենշտեյն 25 0Ընդամենը 82869 4049 08։50- Մարտի 19-ի դրությամբ գրանցված դեպքերի վիճակագրությունն՝ ըստ Վարակների կանխարգելման ու կառավարման Եվրոպական կենտրոնի տվյալների․Գրացված վարակների դեպքեր՝ 213 254Մահացության դեպքեր՝ 8 843 08։49- 2020թ. մայիսի 12-23 կայանալիք ամենամյա Կանի կինոփառատոնը հետաձգվել է կորոնավիրուսի վարակի բռնկման պատճառով։ Այս մասին ասվում երեկ հրապարակված հայտարարության մեջ.«Մի քանի տաբերակ է քննարկվում, որպեսզի այն կայանա, ու ամենադյուրինը հետաձգելն է մինչև 2020թ․ հունիսի վերջ – հուլիսի սկիզբ։Երբ Ֆրանսիայում ու ամբողջ աշխարհում առողջապահական իրավիճակը մեզ թույլ կտա տալ ընդհանուր պատկերի իրատեսական գնահատական, մենք կտեղեկացնենք մեր որոշոման մասին»։

22:17 - 20 մարտի, 2020

COVID-19. Աշխարհում վարակվածների թվով երրորդ տեղում է Իսպանիան՝ անցնելով Իրանին. ԹԱՐՄ ՏՎՅԱԼՆԵՐ |armenpress.am|

armenpress.am: Աշխարհում նոր տիպի կորոնավիրուսով՝COVID-2019-ով վարակվածների թիվն անցել է 253 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցնում է 10 հազար 400-ը: Մարտի 20-ին նկատելիորեն աճ է նկատվում ապաքինվածների թվում՝ անցնելով 89 հազարը. մարտի 19-ի առավոտյան այդ թիվը 85 հազար էր: Վիճակագրություն Վիրուսից վարակվածների թվով շարունակում է առաջին տեղում մնալ Չինաստանը, որտեղից էլ սկսել է բռնկումը։ Այստեղ վարակվածների թիվը 80 հազար 967 է, թեպետ, նոր դեպքերի նվազում է նկատվում: Վարակվածների մեծ թվով երկրորդ տեղում Իտալիան է, որտեղ կորոնավիրուսի հաստատված 41 հազար 035 դեպք կա, մահացել է 3 հազար 405 մարդ: Վարակվածների մեծ թվով երրորդ տեղում է հայտնվել է Իսպանիան՝ անցնելով Իրանին, այստեղ կորոնավիրուսի հաստատված 19 հազար 980 դեպք կա, մահացել է հազարից ավելի մարդ: Վարակվածների թվով հաջորդ տեղում Իրանն է, որտեղ արձանագրվել է վարակվածության 19 հազար 644 դեպք: Մահերի թիվը 1433 է: Վարակվածների թիվը Գերմանիայում կազմում է՝ 17 հազար 372, ԱՄՆ- ում՝ 14 հազար 366, Ֆրանսիայում՝ 10 հազար 995, Հարավային Կորեայում՝ 8 հազար 652, Շվեյցարիայում՝ 4 հազար 898, Մեծ Բրիտանիայում՝ 3 հազար 269: Վարակի տարածման երկրների ու տարածքների թիվն ավելանում է: Առողջապահության համաշխարհային կազմակերպությունն այսօր խոսում է 180-ից ավելի երկների ու տարածքների մասին: Կորոնավիրուսի վարակման դեպքեր հաստատվել են Նիգերիայում, Սոմալիում, Չադում, Գամբիայում և այլն: Աֆրիկայում հաստատվել է կորոնավիուսի ավելի քան 600 դեպք Աֆրիկայի 34 երկրում մարտի 19-ի դրությամբ արձանագրվել է նոր տիպի կորոնավիրուսի (COVID-19) ավելի քան 600 դեպք` համեմատած նախորդ շաբաթվա 147 դեպքի հետ: Այս մասին տեղեկացնում է Առողջահության համաշխարհայի կազմակերպության Աֆրիկայի ռեգիոնալ գրասենյակի կայքը: «Աֆրիկայում COVID-19-ի արագ զարգացումը խիստ անհանգստացնող է և գործողություններ ձեռնարկելու հստակ ազդանշան է»,-ասել է ԱՀԿ-ի Աֆրիկայի տարածաշրջանային տնօրեն Մատշիդիսո Մոետին և հույս հայտնել, որ դեռ կարող են փոխել այդ համաճարակի ընթացքը: ԱՀԿ-ն աջակցում է կառավարություններին`աֆրիկյան պետություններին ապահովելով նոր տիպի կորոնավիրուսի հայտնաբերման թեստերով: Ներկայում Աֆրիկայի 45 երկիր կարող է թեստավորում անել: Վիրուսի բռնկման սկզբում դա կարող էր անել ընդամենը երկուսը: ՌԴ-ում սկսել են նոր կորոնավիրուսի պատվաստանյութի փորձարկումը Ռուսաստանի Դաշնության սպառողների իրավունքների պաշտպանության և մարդու բարեկեցության վերահսկման դաշնային ծառայության գիտական կենտրոնը սկսել է նոր կորոնավիրուսի պատվաստանյութի փորձարկումը: Այս մասին տեղեկատվությունը հրապարակված է ծառայության պաշտոնական կայքում: Հաղորդագրության մեջ նշվում է, որ նախատիպային պատվաստանյութը մշակվել է շատ սեղմ ժամկետներում: Հետազոտողներին հաջողվել է ստեղծել պատվաստանյութ՝ հիմնվելով գրիպի, կարմրուկի և բշտիկավոր ստոմատիտի (բերանաբորբ) հիվանդությունների վիրուսների ռեկոմբինանտ վեկտորների, ինչպես նաև սինթետիկ պատվաստանյութերի տեխնոլոգիաների վրա: Պատվաստանյութի փորձաքննությունը սովորաբար կատարվում է լաբորատոր կենդանիների` առնետների, մկների վրա: Սեյշելյան կղզիները հնարավոր է դադարեցնի եվրոպական թռիչքները Սեյշելյան կղզիները հնարավոր է եվրոպական թռիչքները դադարեցնի առաջիկա շաբաթների ընթացքում: Պատճառը կորոնավիրուսի տարածմամբ պայմանավորված աշխարհում ստեղծված իրավիճակն է: Սեյշելյան կղզիների Քաղաքացիական ավիացիայի վարչության գլխավոր տնօրեն Ֆլորենս Մարենգոն տեղեկացրել է, որ ազգային օդանավակայանը կմնա բաց՝ աջակցելու այլ ավիափոխադրումներին: «Մենք արձանագրում ենք հաճախակիության նվազում բոլոր փոխադրողների կողմից, ինչը նորմալ է, քանի որ առկա է Եվրոպայից այցելուների ժամանակավոր արգելք»,-նշել է նա: Դեպի կղզիներ թռիչքներ իրականացնող ավիաընկերություններն են «British Airways»-ը, «Air France»-ը, «Edelweiss Air»-ը, «Condor Airlines»,-ը, «Air Austral»-ը: Քաղաքացիական ավիացիայի տվյալների համաձայն` Սեյշելյան կղզիներ թռիչքներ իրականացնող 14 ավիաընկերություն կա՝ ներառյալ «Air Seychelles»-ը, շաբաթական թռիչքների հաճախականությունը 77 է, ինչը կնվազեցվի մինչև 60: Ուզբեկստանը գնում է խստացումների. միջազգային բոլոր ուղևորափոխադրումները դադարեցնում է Նոր կորոնավիրուսի տարածմամբ պայմանավորված` Ուզբեկստանը մարտի 20-ից միջազգային բոլոր ուղևորափոխադրումները դադարեցնում է: Այս մասին տեղեկացնում է Ուզբեկստանի տրանսպորտի նախարարության լրատվական ծառայությունը: Ուղևորափոխադրումները ինչպես ավտոբուսներով, ավտոմեքենաներով, այնպես էլ երկաթուղիով, օդային տրանսպորտով միջազգային ուղղություններով դադարեցվում են 40 օրով: Այս սահմանափակումը չի վերաբերում բեռնափոխադրումներին, արտաքին առևտրային շրջանառությանը: Սահմանափակում «ոչ կենսական» ուղևորությունների համար. ԵՄ-ի որոշումը Ուղևորությունների ժամանակավոր սահմանափակում կներդրվի դեպի «Եվրոպական միություն+1 տարածք» երրորդ երկրների քաղաքացիների «ոչ կենսական» նշանակության բոլոր ուղևորությունների համար։ Այս մասին հայտնում է ՀՀ-ում ԵՄ պատվիրակության գրասենյակը: Որպեսզի ուղևորությունների ժամանակավոր սահմանափակումն ապահովի ցանկալի արդյունքը համաճարակի տարածման սահմանափակման տեսանկյունից, բացառություններ կգործեն միայն կենասկան նշանակության ուևորությունների համար։ Ուղևորությունների ժամանակավոր սահմանափակումը չի տարածվի ԵՄ անդամ բոլոր պետությունների, Շենգենյան գոտու և Ասոցացված երկրների քաղաքացիների վրա, որոնք վերադառնում են իրենց բնակության վայր։ Սահմանափակումը չի անդրադառնա ԵՄ քաղաքացիություն, Շենգենյան գոտու և Ասոցացված երկրների քաղաքացիություն ունեցող անձանց և նրանց ընտանիքի անդամների վրա: ԵՄ քաղաքացիություն չունեցող անձանց վրա, ովքեր ունեն երկարատև կացության կարգավիճակ, սահամանված Երկարատև կացության դիրեկտիվի դրույթներով, կացության իրավունք ԵՄ այլ դիրեկտիվների կամ ազգային օրենսդրության համաձայն, կամ ԵՄ անդամ պետության երկարաժամկետ մուտքի արտոնագիր Սահմանափակումը չի անդրառադնա նաև հետևյալ անձանց կենսական նշանակության ուղևորներությունների վրա՝ առողջապահության ոլորտի մասնագետներ, բժշկական հետազոտություններ իրականացնող անձինք, տարեցների խնամքով զբաղվող բուժանձնակազմ, սահմանապահ աշխատակիցներ, ապրանքների փոխադրումներով զբաղվող անձնակազմ, դիվանագետներ, միջազգային կազմակերպությունների անձնակազմ, զինվորական անձնակազմ և մարդասիրական օգնություն տրամադրող մասնագետներ՝ իրենց մասնագիտական պարտականություններն իրականացնելու ընթացքում, տարանցիկ ճամփորդներ, անձինք, ովքեր ճամփորդում են ընտանեկան հրամայական կարևորություն ունեցող հարցերով, միջազգային պաշտպանության կարիք ունցող կամ այլ մարդասիրական պատճառների առկայության ենթակա անձինք, «Եվրոպական միություն +1» տարածք մուտք գործելու թույլտվություն ունեցող անձինք պետք է անցնեն համակարգված և ուժեղացված բուժզննում։ Ուղևորությունների ժամանակավոր սահմանափակումը կներդրվի 30-օրյա ժամկետով։ ժամկետի հետագա երկարաձգումը պետք է գնհատվի ելնելով հետագա զարգացումներից։

18:20 - 20 մարտի, 2020