Կորոնավիրուս

Ֆրանսիայում ՀՀ դեսպանությունը քաղաքացիների ընդունելությունը ժամանակավորապես իրականացնելու է նախապես գրանցված դեպքում

Ֆրանսիայում ՀՀ դեսպանությունը քաղաքացիների ընդունելությունը ժամանակավորապես իրականացնելու է նախապես գրանցված դեպքում

Ֆրանսիայում Հայաստանի դեսպանությունը ֆեյսբուքյան իր էջում դիմում է քաղաքացիներին եւ տեղեկացնում, որ կորոնավիրուսով պայմանավորված՝ մարտի 12-ից Ֆրանսիայում ՀՀ դեսպանությունը քաղաքացիների հյուպատոսական ընդունելությունը ժամանակավորապես իրականացնելու է միայն նախնական գրանցման դեպքում: «Հաշվի առնելով Ֆրանսիայում կորոնավիրուսի (COVID-19) տարածման բարձր դինամիկան և քաղաքացիներին ռիսկային շփումներից պաշտպանելու անհրաժեշտությունը՝ ս. թ. մարտի 12-ից Ֆրանսիայում ՀՀ դեսպանությունը քաղաքացիների հյուպատոսական ընդունելությունը ժամանակավորապես իրականացնելու է միայն նախնական գրանցման (ժամադրության) դեպքում։ Այդ իսկ պատճառով խնդրում ենք նախապես կապ հաստատել դեսպանության հետ՝ ուղարկելով Ձեզ անհրաժեշտ ծառայությունների մասին հարցումը էլ-փոստի հետևյալ հասցեին [email protected]՝ նշելով Ձեր բջջային համարը։ Ձեր նամակը կուսումնասիրվի դեսպանության կողմից և հետադարձ կապ կհաստատվի էլեկտրոնային նամակի կամ զանգի միջոցով։ Առավել հրատապ հարցերի դեպքում կարող եք օգտվել դեսպանությունում բացված շուրջօրյա թեժ գծից. (+33) 753380239»։ Դեսպնությունը հիշեցնում է, որ ներկայացված փոփոխությունները միտված են քաղաքացիների առողջության պահպանությանը և կրելու են ժամանակավոր բնույթ։
19:10 - 13 մարտի, 2020
Հռոմից Երևան հատուկ չվերթով վերադարձող քաղաքացիներին կտրամադրվեն դիմակներ, նրանք կգտնվեն 14-օրյա կարանտինում. մանրամասներ չվերթի մասին

Հռոմից Երևան հատուկ չվերթով վերադարձող քաղաքացիներին կտրամադրվեն դիմակներ, նրանք կգտնվեն 14-օրյա կարանտինում. մանրամասներ չվերթի մասին

Կիրակի՝ մարտի 15-ին, Հռոմի ժամանակով ժամը 18:30-ին հայկական «Atlantis EuropeanAirways» ավիաընկերության կողմից Հռոմի Ֆիումիչինո (Fiumicino Airport) օդանավակայանից կազմակերպվելու է չարթերային թռիչք դեպի Երևան ներկայումս Իտալիայում գտնվող և Հայաստան վերադառնալու ցանկություն հայտնած ՀՀ քաղաքացիների համար, հայտնում են Իտալիայում ՀՀ դեսպանությունից։ «Թռիչքի ընթացքում ուղևորներին կտրամադրվեն դիմակներ, կապահովվեն առողջապահական անվտանգության միջոցառումներ: Հայաստան վերադարձած մեր քաղաքացիները կգտնվեն 14-օրյա կարանտինում:Հայտնում ենք, որ թռիչքի համար ՀՀ քաղաքացիների ցուցակագրման ընթացքում առաջնահերթությունը կտրվի հետևյալ սկզբունքով.1. կարճաժամկետ այցելությամբ Իտալիայում գտնվող ՀՀ քաղաքացիներ2. ուսման և գործուղման նպատակով Իտալիայում գտնվող ՀՀ քաղաքացիներ3. Իտալիայում կացության թույլտվություն ունեցող ՀՀ քաղաքացիներԹռիչքի հնարավորությունից օգտվելու ցանկություն ունեցող ՀՀ այն քաղաքացիները, ովքեր դեռ կապ չեն հաստատել սույն դեսպանության հետ, խնդրում ենք անհապաղ տրամադրել ՀՀ քաղաքացու անձնագրի, մուտքի արտոնագրի կամ կացության թույլտվության պատճենները, կոնտակտային տվյալները (Իտալիայում գտնվելու նպատակ, հեռախոսի համար, էլեկտրոնային հասցե և Իտալիայում կեցության հասցե)։Ֆիումիչինո օդանավակայան ժամանման և ուղևորների ցուցակագրման նպատակով դեսպանությունը կապ կհաստատի նախապես գրանցված ՀՀ քաղաքացիների հետ անհատապես։ Թեժ գիծ՝ +393775226710 կամ +393898296324, +393423382875, +393442451433։ Էլ. հասցե՝ [email protected]», - ասված է դեսպանության հայտարարության մեջ։ Նշենք, որ հայկական «Atlantis European Airways» ավիաընկերության կողմից Հռոմից դեպի Երևան կազմակերպված չվերթի ֆինանսական ծախսերը կհոգան ՀՀ կառավարությունը, «Atlantis European Airways» ավիաընկերությունն ու «Արմենիա միջազգային օդանավակայաններ» ընկերությունը: ՀՀ քաղաքացիական ավիացիայի կոմիտեի նախագահ Տաթևիկ Ռևազյանն այսօր լրագրողների հետ զրույցում ասաց, որ շատ սերտորեն աշխատում են ՀՀ արտաքին գործերի նախարարության, առողջապահության նախարարության հետ, որպեսզի կազմակերպեն կիրակի օրվա չվերթն այնպես, որ նվազեցնեն հավանականությունը իրար վարակելու։
19:05 - 13 մարտի, 2020
Հայաստանում բուհերից մեկն անցնում է առցանց ուսուցման

Հայաստանում բուհերից մեկն անցնում է առցանց ուսուցման

Հայկական պետական մանկավարժական համալսարանը կորոնավիրուսի տարածման հետևանքով ստեղծված իրավիճակով պայմանավորված անցնում է առցանց ուսուցման: Այս մասին նշված է ՀՊՄՀ Կրթական գործընթացների կառավարման և բարեփոխումների վարչություն «Ֆեյսբուք»-ի էջում: «Հաշվի առնելով այն, որ այսօր՝ մարտի 13–ին, ֆեյսբուքյան ուղիղ եթերում վարչապետ Նիկոլ Փաշինյանը՝ անդրադառնալով կորոնավիրուսի թեմայով կառավարությունում կայացած արտահերթ նիստին հայտարարեց, որ առնվազն մինչև մարտի 23-ը կրթական հաստատությունների աշխատանքը կդադարեցվի, ՀՊՄՀ կրթական գործընթացների կառավարման վարչությունը ուսումնասիրելով աշխարհի առաջավոր բուհերի փորձը, ինչպես նաև ուսումնական գործընթացում պարապուրդ չունենալու նպատակով առաջարկում է համալսարանի բոլոր ֆակուլտետներին ու ամբիոններին վերակառուցել կրթական գործընթացը և ամբողջությամբ անցնել առցանց, հեռավար ուսուցմանը։ՀՊՄՀ-ն « Google Classroom» էլեկտրոնային ուսումնական հարթակում ունի բացառիկ հնարավորություն լրացնելու բաց թողնված նախորդ պարտադրված արձակուրդի դասախոսությունները և շարունակելու ուսումնական գործընթացը համաձայն դասընթացների նկարագրերի թեմատիկ տրոհման։ Առաջարկում ենք իրավիճակին համապատասխան շտապ վերաձևակերպել հարթակում դասընթացների էջերը, ընձեռնել ուսանողին հնարավորություն առցանց ստանալու թեմանները յուրացնելու համար անհրաժեշտ դասախոսությունների, գրականության աղբյուրների մասին լիարժեք տեղեկատվություն, սահմանել անհրաժեշտ առաջադրանքների կատարման համար ժամկետներ»,- նշված է հայտարարությունում: Հայաստանում այս պահին գրանցվել է կորոնավիրուսի 8 հաստատված դեպք:
18:37 - 13 մարտի, 2020
Կորոնավիրուսի ռիսկով պայմանավորված հետաձգվել են միջոցառումներ ու փոխվել աշխատանքային ռեժիմները |armenpress.am|

Կորոնավիրուսի ռիսկով պայմանավորված հետաձգվել են միջոցառումներ ու փոխվել աշխատանքային ռեժիմները |armenpress.am|

armenpress.am: Հայաստանում կորոնավիրուսի ռիսկով պայմանավորված հետաձգվել են մի շարք միջոցառումներ, իրադարձություններ, մրցույթներ, մի շարք հաստատություններ փոխել են աշխատանքային ռեժիմը: «Կենգուրու 2020» մրցույթը, որը նախատեսված էր  մարտի 19-ին, հետաձգվում է:  «Այբ» կրթական հիմնադրամի հանրային կապերի պատասխանատու Նվարդ Առաքելյանը տեղեկացրեց.«Կրթական հաստատություններում դասերը դադարեցնելու որոշմամբ  «Կենգուրու» մրցույթը հետաձգվում է: Ժամկետի մասին կհայտարարենք լրացուցիչ՝ պայմանավորված զարգացումներով»: Գերմաներենի ուսուցման «Գյոթե» կենտրոնը, հաշվի առնելով ներկայիս իրավիճակը, նույնպես փակ կլինի մինչև մարտի 23-ը։  Մշակութային բաժինը կշարունակի իր աշխատանքը օնլայն ռեժիմով։ ‹‹Ժպիտների քաղաք›› բարեգործական հիմնադրամի աշխատակազմը  ևս անորոշ ժամանակով աշխատելու է տնից։ Հիմնադրամից հորդորել են քաղաքացիներին դեղերի կամ հետազոտությունների հետ կապված հարցերի դեպքում կապ հաստատել հիմնադրամի աշխատակիցների հետ հետևյալ տարբերակներով՝ 055 832 263, [email protected], Viber +374 55 832 263: Հետաձգվել են նաև մշակութային միջոցառումներ: Մարտի 27-ին նախատեսված է անցկացնել «Արտավազդ» թատերական մրցանակաբաշխությունը, բայց քննարկվում է այն հետաձգելու հարցը: «Ինչպես ՀՀ վարչապետ Նիկոլ Փաշինյանն է ասել, նմանատիպ միջոցառումները պարտադիր այցելելու համար չեն, ուստի հրատապության առաջին տողում չեն, բայց հարցը քննարկվում է»,-նշեց Երևանի քաղաքապետարանի տեղեկատվության և հասարակայնության հետ կապերի վարչության պետ Հովսեփ Կուբատյանը: «Զանգակ» գրատունը, հաշվի առնելով կորոնավիրուսի հետևանքով առաջացած իրավիճակը և առաջնայինը համարելով երեխաների առողջությունը և անվտանգությունը, հայտնել էր, որ մարտի 14-ին կայանալիք «Հայրիկս իմ կողքին» գրքի շնորհանդեսը հետաձգվել է:
18:35 - 13 մարտի, 2020
Արցախի կրթական հաստատությունների աշխատանքները դադարեցվել են մեկ շաբաթով |armenpress.am|

Արցախի կրթական հաստատությունների աշխատանքները դադարեցվել են մեկ շաբաթով |armenpress.am|

armenpress.am: Արցախի կրթության, գիտության և սպորտի նախարար Նարինե Աղաբալյանը մարտի 13-ին, Ստեփանակերտի հանրակրթական դպրոցների տնօրենների մասնակցությամբ անց է կացրել խորհրդակցություն, քննարկել դասապրոցեսի դադարեցման հարցը՝ կապված նոր  կորոնավիրուսի տարածման հետ: Նա ասել է, որ ԿԳՍ նախարարության համակարգի պատասխանատուները պարբերաբար քննարկում են ոլորտի հետագա գործողությունները և նախանշում անելիքները: «Եթե անհրաժեշտություն է առաջանում  դադարեցնել պարապմունքները, ապա ուսուցիչները պետք է այդ ընթացքում  աշակերտներին տնային առաջադրանքներ հանձնարարեն, իրականացվեն ճկուն աշխատանքներ և, ըստ անհրաժեշտության, կայացվեն որոշումներ՝ արտաքին ընթացիկ ստուգումների, միասնական քննությունների մասով: Խնդիրը մեկն է՝ պահպանել առողջությունը, թույլ չտալ նոր կորոնավիրուսի ներթափանցումը և տարածումն Արցախում և, միաժամանակ, հասցնել յուրացնել ուսումնական ծրագրերը»,- նշել է նախարարը: Անդրադառնալով հաճախելիության ցուցանիշներին՝ Նարինե Աղաբալյանն հայտնել է, որ նախորդ շաբաթվա ընթացքում ձեռնարկած միջոցառումները տվել են իրենց դրական արդյունքները. ընթացիկ շաբաթվա հաճախումները նորմայի շրջանակներում են: «Ունեցել ենք հատուկենտ դպրոցներ, որտեղ բացակաների թիվը շատ էր. նման ցուցանիշներ գրանցվել են հիմնականում գյուղական այն բնակավայրերում, որտեղ սակավաթիվ են աշակերտները: Մարտի 11-ի դրությամբ, հանրապետության հանրակրթական դպրոցներում ունեցել ենք 9,2% բացակայություն, իսկ մարտի 12-ին՝ 8%. նվազումն ակնհայտ է»,- ավելացրել է նա։ Ինչ վերաբերվում է սուր շնչառական վարակներին և գրիպին, ոլորտի պատասխանատուն տեղեկացրել է, որ իրականացված կանխարգելիչ միջոցառումների արդյունքում հաջողվել է կասեցնել հիվանդությունների տարածումը, որն էլ խիստ անհրաժեշտ է առողջապահական համակարգը չծարնաբեռնելու համար: Նա վստահություն է հայտնել, որ ճիշտ գործողությունների արդյունքում կկարողանան կանխել նաև նոր կորոնավիրուսի տարածումը: Այն հարցին, թե դասերի երկշաբաթյա դադարեցումը ինչպես պետք է լրացնեն, Նարինե Աղաբալյանը պատասխանել է. «Շատ կարևոր է ուսուցիչների և տնօրենների անելիքների ճիշտ բաշխումը: Պետք է անպայման բարձրացնենք յուրաքանչյուրի սոցիալական պատասխանատվության գիտակցումը. յուրաքանչյուր ոք պատասխանատու է ոչ միայն իր, այլև իր շրջապատի առողջության համար: Գրիպով հիվանդ կամ ջերմություն ունեցող ուսուցիչները և աշակերտները չպետք է հաճախեն ուսումնական հաստատություն: Բաց թողնված դասերի լրացման ուղղությամբ կաշխատեն մեթոդական միավորման պատասխանատուները, առցանց հավելվածների միջոցով ուսուցիչներն աշակերտներին կկարողանան ստուգել և տեղեկանալ հանձնարարությունների կատարման ընթացքի մասին: Ըստ անհրաժեշտության՝ կրթական ծրագիրը կխտացնենք և համապատասխան այլ քայլեր կձեռնարկենք»: Արցախում գործող օպերատիվ շտաբի խորհրդակցությանը, որը վարել է ԱՀ Նախագահ Բակո Սահակյանը, որոշում է կայացվել, որ նախադպրոցական, արտադպրոցական, հանրակրթական միջին մասնագիտական (արհեստագործական) և բարձրագույն ուսումնական հաստատությունները կդադարեցնեն աշխատանքները մեկ  շաբաթով՝   սկսած  մարտի  14-ից:
18:27 - 13 մարտի, 2020
Արմեն Սարգսյանը Ֆրանսիայի դեսպան Ժոնաթան Լաքոտի հետ քննարկել է կորոնավիրուսի թեման

Արմեն Սարգսյանը Ֆրանսիայի դեսպան Ժոնաթան Լաքոտի հետ քննարկել է կորոնավիրուսի թեման

Հանրապետության նախագահ Արմեն Սարգսյանն այսօր հանդիպել է Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան Ժոնաթան Լաքոտի հետ: Զրուցակիցները մտքեր են փոխանակել աշխարհում նոր կորոնավիրուսի վարակի տարածմամբ ստեղծված իրավիճակի վերաբերյալ: Դեսպան Լաքոտը ներկայացրել է իրավիճակը Ֆրանսիայում և ձեռնարկվող քայլերը: Անդրադարձ է կատարվել այս ուղղությամբ հնարավոր համագործակցությանը: Խոսելով երկու երկրների միջև տարբեր ոլորտներում համագործակցության ծրագրերի մասին՝ Հանրապետության նախագահը և դեսպանը մասնավորապես հեռանկարային են դիտարկել գործընկերությունը նորագույն տեխնոլոգիաների ոլորտում: Այդ համատեքստում անդրադարձ է կատարվել ATOM (Advanced Tomorrow) նախագահական նախաձեռնությանը, որն ուղղած է Հայաստանում տեխնոլոգիաների, կրթության և գիտության զարգացմանը և նպատակ ունի Հայաստան բերել տեղեկատվական և բարձր տեխնոլոգիաների ոլորտում առաջատար ընկերություններ՝ զբաղվելու արհեստական բանականության, մաթեմատիկական մոդելավորման, մեքենայական ուսուցման ոլորտների զարգացմամբ և կրթական ծրագրերի իրականացմամբ։ Նշվել է, որ ֆրանսիական մի քանի հանրահայտ ընկերությունների հետ առաջիկայում կստորագրվեն փոխըմբռնման հուշագրեր, իսկ որոշների հետ ձեռք են բերվել նախնական պայմանավորվածություններ: Զրուցակիցները խոսել են նաև նորագույն տեխնոլոգիաների ոլորտում Ֆրանսիայի գիտակրթական հաստատությունների հետ համագործակցության հնարավորությունների մասին:
18:24 - 13 մարտի, 2020
ԱՀԿ հայաստանյան գրասենյակը չի հաստատում մեծ հիվանդանոցներում մոնիթորինգի մասին «Հրապարակ» օրաթերթի հրապարակած տեղեկատվությունը

ԱՀԿ հայաստանյան գրասենյակը չի հաստատում մեծ հիվանդանոցներում մոնիթորինգի մասին «Հրապարակ» օրաթերթի հրապարակած տեղեկատվությունը

Այսօր «Հրապարակ» օրաթերթում գրվել էր, որ Առողջապահության համաշխարհային կազմակերպության (այսուհետ՝ ԱՀԿ) ներկայացուցիչները մի քանի օր է, ինչ Հայաստանում են և մոնիթորինգ են իրականացրել Հայաստանի մեծ հիվանդանոցներում: Ըստ «Հրապարակ» օրաթերթի՝ մեծ հիվանդանոցներից մեկի պատասխանատուն ԱՀԿ-ի իրականացրած մոնիթորինգի մասին իրենց հայտնել էր հետևյալը․ «Գտան, որ մեծ ծավալով հիվանդների դեպքում ծանր կլինի, չենք կարողանա դիմագրավել, եթե չլինի ԱՀԿ-ի օգնությունը։ Մահճակալների, դեղորայքի ծավալների խնդիր կա… բուն էպիդեմիան սկսվելու դեպքում չի լինելու 2-4 դեպք, կարող են լինել 100-200-ից ավելի։ Որոշել ենք, որ հիվանդանոցներն արտակարգ իրավիճակի ռեժիմով են աշխատելու՝ ինչպես պատերազմների ժամանակ»: ԱՀԿ հայաստանյան գրասենյակի հասարակայնության հետ կապերի բաժնից Infocom-ի հարցին ի պատասխան հայտնեցին, որ եթե մոնիթորինգ լիներ, ապա պաշտոնական հաղորդում կներկայացվեր։  Այնուամենայնիվ, խնդրեցին պաշտոնական հարցում ուղարկել՝ տեղեկատվությունը վերջնական ստուգելու համար, որի պատասխանը կներկայացնենք առաջիկա օրերին։
18:20 - 13 մարտի, 2020
Կորոնավիրուսի հետ կապված իրավիճակը եվրոպական տնտեսության համար շոկ է դարձել. ԵՀ ղեկավար |news.am|

Կորոնավիրուսի հետ կապված իրավիճակը եվրոպական տնտեսության համար շոկ է դարձել. ԵՀ ղեկավար |news.am|

news.am: Եվրահանձնաժողովի ղեկավար Ուրսուլա ֆոն դեր Լյայենը հայտարարել է, որ կորոնավիրուսի հետ կապված իրավիճակը եվրոպական տնտեսության համար մեծագույն շոկ է դարձել, բայց նշել է, որ այս հանգամանքները երկարաժամկետ հետեւանքներ չպետք է ունենան, փոխանցում է ՏԱՍՍ-ը:  «ԵՄ տնտեսության համար կորոնավիրուսը խոշորագույն շոկ է դարձել, բայց նրան չպետք է պերմանենտ վնաս պատճառի»,- ասել է ֆոն դեր Լյայենը: Նրա կարծիքով՝ «ԵՄ-ում կորոնավիրուսի տարածումն անհնար է կանգնեցնել, հնարավոր է միայն դրա տարածումը դանդաղեցնել, ինչի համար կպահանջվի Եվրամիության տնտեսական կյանքի դանդաղեցում»: Եվրահանձնաժողովի ղեկավարը նաեւ հայտարարել է, որ կորոնավիրուսի հետեւանքով տուժած ձեռնարկություններին պետական օգնության տրամադրման կանոնները առավելագույնս կմեղմեն: «Եվրամիությունը առավելագույնս կմեղմի կորոնավիրուսի հետեւանքով տուժած ձեռնարկություններին պետական օգնության տրամադրման կանոնները: Մենք պատրաստ ենք ավելին անել այն բանին զուգահեռ, թե իրավիճակն ինչպես կզարգանա»,- հայտարարել է նա: ԵՀ-ն նաեւ Եվրամիության երկրների իշխանություններին թույլ կտա ուղիղ աջակցություն ցուցաբերել բանկերին, եթե նրանց մոտ կորոնավիրուսի պատճառով լիկվիդայնության հետ կապված խնդիրներ առաջանան: Այս մասին ուրբաթ Բեռլինում տեղի ունեցած մամուլի ասուլիսում հայտարարել է Եվրահանձնաժողովի ղեկավարի տեղակալ Մարգրետե Վեսթագերը: Եվրամիության մի շարք պետություններ արդեն դիմել են նման թույլտվության համար, նշել է նա: Եվրահանձնաժողովը նաեւ մտադիր է 8 մլրդ եվրո ներգրավել կորոնավիրուսի հետեւանքով տուժած փոքր եւ միջին բիզնեսի աջակցության եւ արտոնյալ պայմաններով վարկավորման համար: Այս մասին ուրբաթ Բրյուսելում կայացած մամուլի ասուլիսում հայտարարել է Եվրահանձնաժողովի ղեկավարի տեղակալ Վալդիս Դոմաբրովսկիսը: «Եվրահանձնաժողովը 1 մլրդ եվրո է հատկացրել որպես երաշխիք 8 մլրդ եվրոյի ներգրավման համար՝ աջակցելու կորոնավիրուսի հետեւանքով տուժած փոքր եւ միջին բիզնեսին»,- հայտնել է նա:
18:03 - 13 մարտի, 2020
Վրաստանում մոտ 18 հազար ընկերություն 4 ամսով կազատվի հարկերի վճարումից |news.am|

Վրաստանում մոտ 18 հազար ընկերություն 4 ամսով կազատվի հարկերի վճարումից |news.am|

news.am: Վրաստանի կառավարության որոշմամբ՝ մինչեւ 18 հազար ընկերություն, որոնք վնաս են կրել նոր կորոնավիրուսի պանդեմիայի պատճառով, 4 ամսով կազատվեն հարկերի վճարումից: Այս մասին հայտարարել է Վրաստանի վարչապետ Գեորգի Գախարիան, հաղորդում է Նովոստի Գրուզիան: Գախարիան ասել է, որ այդ ընկերություններում աշխատում է մինչեւ 50 հազար մարդ: «4 ամիս՝ մարտ, ապրիլ, մայիս եւ հունիս, դա կկազմի ավելի քան 100 միլիոնի չափով ֆինանսական ռեսուրս»,- հայտարարել է Վրաստանի վարչապետը: Վրաստանի կառավարության մեկ այլ նախաձեռնություն վերաբերում է ավելացված արժեքի հարկին: Վարչապետի խոսքով՝ միայն դրա շնորհիվ մեկ տարում տնտեսությանը կհաջողվի վերադարձնել 1,2 մլրդ լարիի չափով ֆինանսական ռեսուրսները: Նա նաեւ հիշեցրել է, որ կոմերցիոն բանկերը համաձայնել են համագործակցել կառավարության հետ՝ կորոնավիրուսից տուժած բիզնեսի աջակցման համար: Երկրի խոշոր կոմերցիոն բանկերը՝ TBC Bank, «Վրաստանի բանկ» եւ Liberty Bank, արդեն հայտարարել են սպառողների համար 3 ամսով վարկերի վճարման հետաձգում տրամադրելու մասին: Վրաստանում հաստատվել է կորոնավիրոսով վարակման 25 դեպք:  
18:01 - 13 մարտի, 2020
Կորոնավիրուսի պատճառով Չեխիան կփակի սահմանները օտարերկրացիների համար |tert.am|

Կորոնավիրուսի պատճառով Չեխիան կփակի սահմանները օտարերկրացիների համար |tert.am|

tert.am: Չեխիայի կառավարությունն այսօր որոշում է ընդունել մարտի 16-ից արգելել արտասահմանյան այն քաղաքացիներ մուտքը Չեխիա, որոնք այդ երկրում կեցության իրավունք չունեն: Կարգելվի նաև Չեխիայի քաղաքացիների ելքը երկրից: Այս մասին տեղեկացնում է РИА Новости գործակալությունը` հղում անելով Չեխիայի վարչապետ Անդրեյ Բաբիշին:«Կառավարությունն այսօր որոշել է խստացնել կորոնավիրուսի դեմ պայքարի շրջանակում արվող քայլերը: Երկուշաբթի ժամը 00:00-ից (Երևանի ժամանակով 03:00-ից) արգելվում է մուտքը հանրապետություն բոլոր արտասահմանցիների համար, բացի նրանցից, ովքեր Չեխիայում կեցության իրավունք ունեն: Բացի այդ, կառավարությունն արգելել է մեր բոլոր քաղաքացիներին լքել պետության տարածքը»,- հայտարարել է վարչապետը:Մարտի 13-ի տվյալներով՝ Չեխիայում գրանցվել է կորոնավիրուսով վարակվածության 117 դեպք, հիվանդներից 2-ը գտնվում են ծանր վիճակում: Կորոնավիրուսի թեստ է հանձնել 2353 մարդ: Հանրապետությունում կորոնավիրուսի արագ տարածման պատճառով Չեխիայի կառավարությունը մարտի 12-ին երկրում արտակարգ դրություն է հայտարարել:
17:46 - 13 մարտի, 2020
«Նորք» ինֆեկցիոն հիվանդանոցը վերապրոֆիլավորվել է և այսուհետ սպասարկելու է միայն կորոնավիրուսային հիվանդության կասկածով և հաստատված պացիենտներին

«Նորք» ինֆեկցիոն հիվանդանոցը վերապրոֆիլավորվել է և այսուհետ սպասարկելու է միայն կորոնավիրուսային հիվանդության կասկածով և հաստատված պացիենտներին

ՀՀ ԱՌողջապահության մամուլի խոսնակ Ալինա Նիկողոսյանը ֆեյսբուքյան իր էջում գրում է․ «Պայմանավորված ներկայիս իրավիճակով` «Նորք» ինֆեկցիոն հիվանդանոցը վերապրոֆիլավորվել է և այսուհետ սպասարկելու է միայն կորոնավիրուսային հիվանդության կասկածով և հաստատված պացիենտներին: Բոլոր այլ ինֆեկցիոն հիվանդություններով պայմանավորված պացիենտները տեղափոխվել են այլ հիվանդանոցներ: Հորդորում ենք չխոչընդոտել հիվանդանոցի բնականոն աշխատանքը, մտածել սեփական անվտանգության մասին, հիվանդանոցի շուրջը չիրականացնել նկարահանումներ` հարգելով քաղաքացիների անձնական և բժշկական գաղտնիքի իրավունքը: Նշենք, որ այս պահի դրությամբ ունենք կորոնավիրուսային հիվանդության հաստատված 8 դեպք»։
17:27 - 13 մարտի, 2020
Կորոնավիրուսի մասին տեղեկություն ստանալու վստահելի կայքերը |armenpress.am|

Կորոնավիրուսի մասին տեղեկություն ստանալու վստահելի կայքերը |armenpress.am|

armenpress.am: Կորոնավիրուսի տարածմանը զուգահեռ՝ լայն տարածում են գտնում նաև բազմաթիվ ինտերնետային կայքեր, որոնք ներկայանալով որպես պաշտոնական աղբյուր, կեղծ տեղեկություններ են տարածում։ Տեղեկատվության ստուգման կենտրոնը ներկայացնում է պաշտոնական այն աղբյուրները, որտեղից կարելի է ստանալ ստուգված և ճշգրիտ տեղեկություն վիրուսի մասին։ Առողջապահական համաշխարհային կազմակերպություն who.int Ջոն Հոփքինսի համալսարանի ստեղծած հարթակը՝ coronavirus.jhu.edu և worldometers.info ՀՀ Առողջապահության նախարարություն moh.am ՀՀ ԱՆ հիվանդությունների վերահսկման ու կանխարգելման ազգային կենտրոնի ստեղծած հարթակը՝ ncdc.am Կորոնավիրուսի մասին Հայաստանում տարածվող ապատեղեկատվությունների մասին հերքումները կարող եք գտնել Տեղեկատվության ստուգման կենտրոնի (Infocheck.am) COVID-19 բաժնում։ Պաշտոնական տեղեկատվություն կարելի է ստանալ նաև վարչապետ Նիկոլ Փաշինյանի և Առողջապահության նախարար Արսեն Թորոսյանի Ֆեյսբուքյան էջերից։
17:09 - 13 մարտի, 2020
Ազգային ժողովում հակահամաճարակային գործողություններ կիրականացվեն

Ազգային ժողովում հակահամաճարակային գործողություններ կիրականացվեն

 Նոր կորոնավիրուսի տարածմամբ պայմանավորված, Ազգային ժողովում հակահամաճարակային գործողություններ կիրականացվեն: Այս մասին «Ֆեյսբուք»-ի իր էջում գրել է ՀՀ Ազգային ժողովի աշխատակազմի ղեկավար-գլխավոր քարտուղար Տիգրան Գալստյանը: «ՀՀ Ազգային Ժողովի աշխատակազմը պլանավորել և հնարավորինս արագ իրականացնելու է հակահամաճարակային հետևյալ գործողությունները. Պատասխանատու վերաբերմունք առաջացած խնդիրներին: Բոլոր մասնաշենքերի եւ անցակետերի ախտահանում, Բոլոր աշխատակիցների ջերմության ստուգում օրական 3 անգամ, Վերջին ամիսներին արտերկիր մեկնած աշխատակիցներին տնային պայմաններում առցանց աշխատելու թույլտվություն, Դիմակների ձեռք բերում եւ անվճար տրամադրում աշխատակիցներին եւ պատգամավորներին, Բոլոր հնարավոր հարմար տեղերում ալկոգելերի տեղադրում, Ճաշարանից օգտվելու պայմանների փոփոխություն, Բոլոր աշխատասենյակներում համաճարակից պաշտպանվելու տեղեկատվական նյութերի փակցնում, սենյակների անընդհատ օդափոխում»,- գրել է Գալստյանը: Հայաստանում այս պահին առկա է կորոնավիրուսի 8 հաստատված դեպք:
16:51 - 13 մարտի, 2020