Սահմանադրական դատարան - ՍԴ

ՀՀ Սահմանադրական դատարան - Սահմանադրական արդարադատության բարձրագույն մարմինն է, որն ապահովում է Սահմանադրության գերակայությունը: Արդարադատություն իրականացնելիս Սահմանադրական դատարանն անկախ է և ենթարկվում է միայն Սահմանադրությանը:

ՀՀ Սահմանադրական դատարանը հիմնադրվել է 1996թ-ին և առաջին իսկ տարվանից անդամակցել Եվրախորհրդի «Ժողովրդավարություն` իրավունքի միջոցով» եվրոպական հանձնաժողովին։

ՍԴ-ն այսօր կորոշի Հրայր Թովմասյանի հարցով ԱԺ դիմումը վարույթ ընդունել-չընդունելու հարցը |azatutyun.am|

ՍԴ-ն այսօր կորոշի Հրայր Թովմասյանի հարցով ԱԺ դիմումը վարույթ ընդունել-չընդունելու հարցը |azatutyun.am|

azatutyun.am։ Սահմանադրական դատարանն այսօրվա աշխատակարգային նիստում կորոշի Հրայր Թովմասյանի լիազորությունները դադարեցնելու հարցով Ազգային ժողովի դիմումը վարույթ ընդունել-չընդունելու հարցը, այս մասին ասաց ՍԴ աշխատակազմի ղեկավար Էդգար Ղազարյանը։ Ազգային ժողովի որոշումը դատարանը ստացել էր անցած երկուշաբթի օրը, այն ուղարկվել էր դատավորներին՝ ուսումնասիրության։ Այսօր, ըստ Էդգար Ղազարյանի, վերջնաժամկետն է, երբ դատարանը պետք է որոշում կայացնի՝ կա՛մ ընդունի դիմումը վարույթ, կա՛մ այն մերժի։ Խորհրդարանի ընդունած որոշման հիմքում նախկին նախագահ Ռոբերտ Քոչարյանի դիմումի քննության ընթացքում Հրայր Թովմասյանի կատարած, իշխանական խմբակցության կարծիքով՝ առերևույթ էական կարգապահական խախտումներն են: Սահմանադրական դատարանի նախագահը իր հետագա պաշտոնավարման շուրջ սկսված գործընթացը քաղաքական է որակում, նախաձեռնության հեղինակ իշխանական «Իմ քայլը» խմբակցությունը պնդում է՝ այն իրավական է։
06:44 - 14 հոկտեմբերի, 2019
Ես չեմ պատրաստվում հրաժարական տալ. ՍԴ դատավոր Ալվինա Գյուլումյան |aysor.am|

Ես չեմ պատրաստվում հրաժարական տալ. ՍԴ դատավոր Ալվինա Գյուլումյան |aysor.am|

aysor.am։ Սահմանադրական դատարանի դատավոր Ալվինա Գյուլումյանը չի պատրաստվում հրաժարական տալ՝ հետևելով արդարադատության նախարարության ներկայացրած օրենսդրական նախաձեռնությանը։ «Ես կարող եմ խոսել իմ անունից և հայտարարում եմ, որ ես չեմ պատրաստվում հրաժարական տալ», - հայտարարեց Գյուլումյանը։Նշենք, որ հանրության քննարկմանը ներկայացված «Դատական օրենսգիրք» և «Սահմանադրական դատարանի մասին» սահմանադրական օրենքներում փոփոխություններ ու լրացումներ կատարելու նախագծով հստակեցվում է Սահմանադրական դատարանի անդամների՝ վաղ կենսաթոշակի անցնելու կարգավորումը։ Մասնավորապես, առաջարկվում է՝ «Սահմանադրական դատարանի մասին» սահմանադրական օրենքում փոփոխություններ և լրացումներ կատարելու մասին» օրենքն ուժի մեջ մտնելու պահից երկամսյա ժամկետում Սահմանադրության 213-րդ հոդվածով նախատեսված՝ մինչև Սահմանադրության 7-րդ գլխի ուժի մեջ մտնելը նշանակված Սահմանադրական դատարանի անդամի կողմից հրաժարական ներկայացվելու դեպքում լիազորությունները դադարելուց հետո մինչև իր համար Սահմանադրությամբ սահմանված պաշտոնավարման տարիքը լրանալը նա ստանա կենսաթոշակ հրաժարականի պահին ստացած պաշտոնային դրույքաչափի ու հավելավճարի չափով: Հարցին, թե ինչպե՞ս է գնահատում ներկայացված օրենսդրական նախաձեռնությունը, արդյոք այն ճնշում է Սահմանադրական դատարանի վրա, Գյուլումյանը պատասխանեց. «Թույլ տվեք ես քաղաքական գնահատականներ չտամ։ Սահմանադրական դատարանը այն կառույցն է, որի գործունեության հետ կապված միշտ կարող են լինել տարբեր կարծիքներ։ Եթե մենք զբաղվենք այդ կարծիքների վերլուծությամբ, ապա կարող ենք խախտել մեր քաղաքական չեզոքություն և զսպվածություն ցուցաբերելու մասին օրենսդրական պահանջը»։
08:16 - 27 սեպտեմբերի, 2019
Սահմանադրական դատարանը չի դատում անձերի. Վլադիմիր Վարդանյան |news.am|

Սահմանադրական դատարանը չի դատում անձերի. Վլադիմիր Վարդանյան |news.am|

news.am: ՍԴ նախագահ Հրայր Թովմասյանի լիազորությունները դադարեցնելու գործընթացը նախաձեռնվել է «Իմ քայլը» խմբակցության կողմից, որն ամրագրված է ԱԺ լիազորությունների շրջանակներում եւ այն ընթացակարգով, որը նախատեսում է ԱԺ կանոնակարգ-օրենքը: Այս մասին այսօր՝ սեպտեմբերի 20-ին, ԱԺ-ում լրագրողների հետ զրույցում նշեց ԱԺ պետաիրավական հարցերի հանձնաժողովի նախագահ Վլադիմիր Վարդանյանը:Նրա խոսքով, թեեւ գործընթացը նախաձեռնվում է ԱԺ-ում, բայց ՍԴ դատավորի լիազորությունները դադարեցնելու հիմքերի ուսումնասիրությունը ՍԴ-ի տիրույթում է:«Փորձ է արվում այս ամենի մեջ տեսնել քաղաքական գործընթաց, քաղաքական մանիպուլյացիաներ: Առաջ ասում էին՝ իրավական գործընթացների չեք դիմում, քաղաքական մանիպուլյացիաներ եք անում, փորձում եք ճնշում գործադրել դատարանների վրա: Հիմա մենք ընտրել ենք իրավական ուղին: Եթե կասեք, որ ԱԺ խմբակցությունը շեղվել է իր սահմանադրական լիազորություններից, դա այլ բան է, բայց այն, ինչ կատարվում է, հավուր պատշաճի է իրականացվում, Սահմամանադրության նորմերին համապատասխան»,-ընդգծեց Վարդանյանը:Նա նաեւ հավելեց, որ ՍԴ-ում որեւէ անձի նկատմամբ որեւէ գործընթաց սկսելն ինքնանպատակ չէ. «Դա հակասում է իրավական պետության սկզբունքներին: Դա համար մեկ պոստուլատն է, որ պետք է դնենք այս գործընթացի հիմքում: Սա այն ընթացակարգն է, որ նախատեսված է ԱԺ կանոնակարգով:Այս գործընթացը նախատեսվել է, որովհետեւ «Իմ քայլը» խմբակցության մոտ հիմնավոր կասկած էր առաջացել ՍԴ դատավորի լիազորությունները դադարեցնելու հիմքերի մասով: Խմբակցության դիրքորոշումը պայմանավորված է ՍԴ-ում առկա այն հիմքերի հետ, որոնք ի հայտ են եկել վերջին շրջանում կայացված որոշումներից:ՍԴ-ն չի դատում անձերի եւ այնտեղ քննում է ոչ թե անձերի գործը, այլ որքան էլ որոշ շրջանակներ եւ լրատվամիջոցներ փորձում են այդպես ներկայացնել, այնտեղ քննարկվում է օրենսդրական նորմի սահմանադրականության հարցը:Այդ նորմը տարածվելու է եւ իմ վրա, եւ բոլոր այն սուբյեկտների վրա, որոնք օգտվում են նման գործառութային անձեռնմխելիությունից: Ճիշտ է, գործը նախաձեռնելու վրա անհրաժեշտ է կոնկրետ անձի դիմում, բայց դրա հետեւանքները չեն կարող տարածվել միայն այդ անձի վրա: Խոսքը նորմատիվ իրավական ակտի համապատասխան դրույթի սահմանադրականության ստուգման մասին է»,-ընդգծեց Վլադիմիր Վարդանյանը:
11:11 - 20 սեպտեմբերի, 2019
ՍԴ-ն, ինչպես մինչև հիմա, կշարունակի ղեկավարվել Սահմանադրությամբ․ ՍԴ անդամ |24news.am|

ՍԴ-ն, ինչպես մինչև հիմա, կշարունակի ղեկավարվել Սահմանադրությամբ․ ՍԴ անդամ |24news.am|

24news.am։ ՍԴ անդամ Արեւիկ Պետրոսյանը՝ անդրադառնալով ԱԺ նախագահ Արարատ Միրզոյանի հայտարարությանը՝ սեպտեմբերի 17-ին, Սահմանադրական դատարանի մոտ լրագրողների հետ զրույցում նշեց, որ ԱԺ–մ ձեռնարկում է իր գործողությունները, իսկ ՍԴ-ն ունի Սահմանադրությամբ եւ ՍԴ մասին օրենքով իր լիազորությունների եւ գործունեության կազմակերպման շրջանակը:Անդրադառնալով Արարատ Միրզոյանի հայտարարությանը, որ ՍԴ-ն չի քննել ՍԴ դատավոր Վահե Գրիգորյանի դիմումը, որը վերաբերում էր Ռոբերտ Քոչարյանի հարցի քննությանը երեք ՍԴ անդամների մասնակցության անհնարինությանը, որոնց թվում է նաեւ ինքը, Արեւիկ Պետրոսյանն ասաց. «ՍԴ-ն քննության առարկա չի դարձնում ցանկացած դիմում, որը ներկայացված է ոչ պատշաճ կարգով, եւ ոչ սահմանված ընթացակարգերի պահպանմամբ: Օրենքի տառի եւ պահանջների խախտմամբ են ներկայացված եւ ՍԴ-ն պարտավորություն չունի, անգամ եթե դա ներկայացնում է ՍԴ դատավորը։ Առավել եւս ՍԴ դատավորը պարտավոր է պահպանել «Սահմանադրական դատարանի մասին» օրենքի պահանջները, այդպիսի դիմումները ներկայացնել սահմանված ժամկետներում, սահմանված ընթացակարգով եւ իր լիազորությունների շրջանակում։Այս դիմումը ներկայացվել է ոչ պատշաճ կարգով, ոչ պատշաճ ժամկետներում, ոչ պատշաճ սուբյեկտի կողմից, հետեւաբար այդ հարցը բազմակողմանի քննության առարկա է դարձել, ՍԴ աշխատակարգային նիստում հարցը սահմանված կարգով ՍԴ նախագահը ներկայացրել է ՍԴ քննարկմանը: ՍԴ–ում որոշումները կայացվում են ձայների մեծամասնությամբ՝ քննության առնելով այն բոլորը, ինչ ներկայացրեցի, ՍԴ–ն փաստարկել է, ամրագրել է այդ ամենը արձանագրությամբ եւ, ելնելով վերոհիշյալ հիմնավորումներից, անհրաժեշտություն չի տեսել քննության առարկա դարձնել եւ դրա վերաբերյալ որոշում կայացնել»:Արեւիկ Պետրոսյանը Վահ Գրիգորյանին խորհուրդ տվեց իր աշխատանքով ոչ թե ճգնաժամ առաջացնել ՍԴ–ում կամ ճգնաժամ առաջացնելու փորձ կատարել, այլ իրականացներ Սահմանադրության եւ «Սահմանադրական դատարանի մասին» օրենքով սահմանված իր պարտականությունները, որ դրա ծանրաբեռնվածությունը չկրեին ՍԴ մյուս դատավորները իր փոխարեն, որ երկրում իշխանության այլ թեւերի, այդ թվում ԱԺ–ի, այդ թվում կառավարության համար խնդիրներ չառաջանան։Դիտարկմանը՝ ԱԺ-ն արդյո՞ք չի կարող ՍԴ անդամին կամ դատավորին պաշտոնանկ անելու գործընթաց սկսել, Արեւիկ Պետրոսյանը արձագանքեց. «ԱԺ-ն քաղաքական մարմին է, ունի Սահմանադրությամբ սահմանված լիազորությունների շրջանակ: Ցանկացած պետական մարմին, պետական այր, որ կատարում է քայլ, դրանք պետք է բխեն Սահմանադրությունից և օրենքներից, իր գործողությունների համար կրում է պատասխանատվություն: Իսկ ՍԴ-ն ինչպես մինչեւ հիմա, կղեկավարվի Սահմանադրությամբ»:Ինչ վերաբերում է ՍԴ անդամ Ֆելքս Թոխյանի հատուկ կարծիքին, ով նշել էր, որ ՍԴ-ն շտապողականություն է դրսեւորել, եւ եթե այդպես չաներ, այլ որոշում կկայացվեր, նաեւ հատուկ կարծիք է ներկայացրել նաեւ ՍԴ դատավոր Դիլանյանը, Արեւիկ Պետրոսյանն ասաց. «Եթե հատուկ կարծիքները լինեին իրավական առումով այնքան հիմնավորված, փաստարկված, որ հիմք կհանդիսանային ՍԴ–ի համար հիմք որոշում կայացնելու ժամանակ, դրանք հիմք կդառնային»:Ինչ վերաբերում է նրան, որ Արարատ Միրզոյանը հայտարարել էր, որ ԱԺ-ն պետք է դիրքորոշում հայտնի ՍԴ-ի շուրջ ստեղծված իրավիճակի վերաբերյալ, «Թող հայտնի»՝ կարճ արձագանքեց նա։
11:29 - 17 սեպտեմբերի, 2019
Հրապարակվել են ՍԴ երկու դատավորների հատուկ կարծիքները բարձր դատարանի որոշման առնչությամբ|azatutyun.am|

Հրապարակվել են ՍԴ երկու դատավորների հատուկ կարծիքները բարձր դատարանի որոշման առնչությամբ|azatutyun.am|

azatutyun.am:Հրապարակվել են Սահմանադրական դատարանի (ՍԴ) դատավորներ Արման Դիլանյանի և Ֆելիքս Թոխյանի հատուկ կարծիքները Սահմանադրական դատարանի սեպտեմբերի 4-ի որոշման առնչությամբ։ Ֆելիքս Թոխյանն իր հատուկ կարծիքում, մասնավորապես, գրել է. «Սույն գործով ենթադրյալ օրենսդրական բաց գոյություն չուներ։ Խնդրի լուծումը ամբողջովին օրենսդիր մարմնի տիրույթում է։ Հիմնավոր չէ այն մոտեցումը, երբ միայն օրենքի դրույթները մեկնաբանելով՝ դրանք ճանաչում են Սահմանադրությանը հակասող և անվավեր, այն էլ օրենքի բացով պայմանավորված։ Համոզված եմ, որ սույն գործով բարձր դատարանը կգար այլ եզրահանգման, եթե չցուցաբերեր որոշակի շտապողականություն այս բարդ ու հանրային հնչեղություն ունեցող խնդրի հետ կապված»։   Իսկ Արման Դիլանյանը գրել է. «Կարծում եմ, որ Ռոբերտ Քոչարյանի դիմումի հիման վրա՝ Հանրապետության քրեական դատավարության օրենսգրքի 35-րդ հոդվածի և 135-րդ հոդվածի մասին՝ Սահմանադրությանը համապատասխանության հարցը որոշելու վերաբերյալ գործի վարույթը ենթական է կարճման»։   Բարձր դատարանը քննելով Մարտի 1-ի գործով առանցքային մեղադրյալ, Հայաստանի երկրորդ նախագահ Ռոբերտ Քոչարյանի դիմումը՝ հակասահմանադրական էր ճանաչել դիմումում վիճարկվող երկու հոդվածներից մեկը։ Խոսքը Քրեական դատավարության մասին օրենսգրքի 35-րդ հոդվածի մասին է, որն առնչվում է քրեական գործի վարույթը կամ քրեական հետապնդումը բացառող հանգամանքներին։ Բարձր դատարանը, միևնույն ժամանակ, սահմանադրական էր ճանաչել Քոչարյանի մատնանշած մյուս՝ Քրեական դատավարության մասին օրենսգրքի 135-րդ հոդվածը։ Այն խափանման միջոց կիրառելու հիմքերին է վերաբերում:  
16:53 - 13 սեպտեմբերի, 2019
ՍԴ-ն ընդունել է մի որոշում, որը տարբեր կերպ է ընկալվում |lragir.am|

ՍԴ-ն ընդունել է մի որոշում, որը տարբեր կերպ է ընկալվում |lragir.am|

lragir.am։ Մեր զրուցակիցն է ԱԺ «Իմ քայլը» խմբակցության պատգամավոր, ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը Պարոն Վարդանյան, Քոչարյանի գործով ՍԴ որոշումից հետո տարբեր կարծիքներ են հնչում, որ ՍԴ-ն լեգիտիմ չէ, քանի որ լեգիտիմ չեն այդ կառույցի և ղեկավարը, և անդամները։ Ձեր կարծիքով՝ որքանո՞վ լեգիտիմ չեն ՍԴ-ի որոշումները։ Նախ՝ այս դիմումի ընդունման շեմը, իմ կարծիքով, չէր հաղթահարվել, և ՍԴ-ն այն չպետք է վարույթ ընդուներ։ Երկրորդ՝ այն հանգամանքը, որ ՍԴ-ն դիմումի առկայության պարագայում առ այն, որ որոշ դատավորներ ի վիճակի չեն քննելու այս գործը, այսինքն՝ անհնարին է նրանց մասնակցությունը գործի քննությանը, քանի դեռ դրան ՍԴ-ն չի անդրադարձել և այդ դատավորների մասնակցությամբ է այդ որոշումը կայացվել, զգալիորեն իջեցնում է վստահելիությունը այդ որոշման նկատմամբ՝ կասկածի տակ դնելով դրա լեգիտիմությունը։ Ի՞նչ պետք է հաջորդի սրան, ի՞նչ անելիք ունի Ազգային ժողովն այս պայմաններում։ Խորհրդարանն ունի որոշակի լիազորություններ և քաղաքական, և իրավական դաշտում։ Մասնավորապես ՍԴ դատավորների նշանակման, ՍԴ դատավորների լիազորությունների դադարեցման հետ կապված լիազորությունները սահմանված են Սահմանադրության մեջ։ Մնացած հարցերը կախված են նրանից, թե ինչ իրավիճակի կբախվենք և որ ճանապարհով ենք շարժվելու։ ՍԴ դատավոր Վահե Գրիգորյանի առաջարկած երեք տարբերակները խորհրդարանը քննարկո՞ւմ է։  Այս հարցի հասցեատերը երևի թե ես չեմ, ճիշտ կլինի, որ «Իմ քայլը» խմբակցության ղեկավարը պատասխանի այդ հարցին։ Այն, որ Վահե Գրիգորյանի նամակը հասցեագրված է նաև ԱԺ-ին և մանրամասն ուսումնասիրվում է մեր կողմից, սա փաստ է։ Այն ուսումնասիրվել է։ Այդ առաջարկներից ո՞րն է ավելի ընդունելի։Վահե Գրիգորյանը մի շարք առաջարկներ է ներկայացրել, որոնք քննարկման ենթակա են։Դուք ՍԴ խնդրի լուծման ի՞նչ տարբերակ ունեք։ Ես շատ տարբերակներ ունեմ, բայց դրանք մինչև չքննարկեմ իմ գործընկերների հետ, կարծում եմ՝ սխալ կլինի դրանց մասին բարձրաձայնելը։ Շարունակությունը՝ lragir.am-ում
06:19 - 12 սեպտեմբերի, 2019
Ե՞րբ ենք վերջ տալու այս շիլաշփոթին․ Արման Բաբաջանյանը՝ ՍԴ որոշումները ճանաչել-չճանաչելու մասին․ Տեսանյութ |factor.am|

Ե՞րբ ենք վերջ տալու այս շիլաշփոթին․ Արման Բաբաջանյանը՝ ՍԴ որոշումները ճանաչել-չճանաչելու մասին․ Տեսանյութ |factor.am|

factor.am։ Ազգային ժողովն այսօր քննարկում է «Հայաստանի և Դանիայի թագավորության միջև եկամուտների և գույքի կրկնակի հարկումը բացառելու և հարկումից խուսափելու մասին» կոնվենցիան վավերացնելու մասին նախագիծը։ ԱԺ տնտեսական հարցերի մշտական հանձնաժողովի անդամ Հովիկ Աղազարյանը նշեց, որ այս հարցն անցել է պետական բոլոր ատյաններով, որևէ խնդիր չի առաջացել, ուստի կոչ է անում բոլորին կողմ քվեարկել այս նախագծին։ ԱԺ պատգամավոր Արման Բաբաջանյանը նախագծի վերաբերյալ նշեց, որ սույն կոնվենցիայի վերաբերյալ որոշում է կայացրել Սահմանադրական դատարանը․ այդ դեպքում ինչպե՞ս է ստացվում, հայտնի քրգործի վերաբերյալ ՍԴ հայտնի որոշումը որոշվել է չճանաչել, իսկ այդ նույն ՍԴ-ի կողմից վերը նշված կոնվենցիայի սահմանադրականության վերաբերյալ որոշումը պետք է ճանաչել։ Շարունակությունը՝ factor.am-ում
09:04 - 09 սեպտեմբերի, 2019
ՍԴ դատավորների՝ վաղ կենսաթոշակի անցնելու կարգավորումը հստակեցնելիս հաշվի են առնվել առաջարկությունները |shantnews.am|

ՍԴ դատավորների՝ վաղ կենսաթոշակի անցնելու կարգավորումը հստակեցնելիս հաշվի են առնվել առաջարկությունները |shantnews.am|

shantnews.am: «Դատական օրենսգիրք» և «Սահմանադրական դատարանի մասին» սահմանադրական օրենքներում փոփոխություններ և լրացումներ կատարելու մասին» օրենքների և հարակից օրենքների նախագծերի լրամշակված փաթեթն ուղարկվել է կառավարություն, հայտնում է արդարադատության նախարարությունը: Լրամշակված փաստաթղթում հանրային քննարկման ընթացքում ստացված առաջարկությունների հիման վրա կատարվել են մի շարք փոփոխություններ, որոնց արդյունքում, մասնավորապես, հստակեցվել է Սահմանադրական դատարանի անդամների՝ վաղ կենսաթոշակի անցնելու կարգավորումը: Առաջարկվել է՝ «Սահմանադրական դատարանի մասին» սահմանադրական օրենքում փոփոխություններ և լրացումներ կատարելու մասին» օրենքն ուժի մեջ մտնելու պահից երկամսյա ժամկետում Սահմանադրության 213-րդ հոդվածով նախատեսված՝ մինչև Սահմանադրության 7-րդ գլխի ուժի մեջ մտնելը նշանակված Սահմանադրական դատարանի անդամի կողմից հրաժարական ներկայացվելու դեպքում լիազորությունները դադարելուց հետո մինչև իր համար Սահմանադրությամբ սահմանված պաշտոնավարման տարիքը լրանալը նա ստանա կենսաթոշակ հրաժարականի պահին ստացած պաշտոնային դրույքաչափի ու հավելավճարի չափով: «Սահմանադրական դատարանի մասին» 2017 թվականի հունվարի 17-ի ՀՕ-42-Ն սահմանադրական օրենքի ուժի մեջ մտնելուց հետո ընտրված Սահմանադրական դատարանի դատավորները չեն օգտվում սույն մասի 1-ին պարբերությամբ նախատեսված իրավունքից: Նախագծով նախատեսվել է նաև դատավորների գործունեության գնահատման հանձնաժողովի ստեղծում, որը կիրականացնի դատավորի հերթական և արտահերթ գնահատումը: Հավելենք նաև, որ Սահմանադրական դատարանի դատավորի նկատմամբ քրեական հետապնդում հարուցելու դեպքում նրա լիազորությունների կասեցման պահանջը նախագծի լրամշակված տարբերակից հանվել է: Նախարարությունը ներկայացրել է նաև լրամշակված նախագծի նոր կարգավորումներն ու հրապարակել նաև նախագծի հին տարբերակը:
12:48 - 06 սեպտեմբերի, 2019
Ինչ է պետք իմանալ Քոչարյանի դիմումով ՍԴ-ի որոշման մասին |civilnet.am|

Ինչ է պետք իմանալ Քոչարյանի դիմումով ՍԴ-ի որոշման մասին |civilnet.am|

Ինչ է պետք իմանալ Քոչարյանի դիմումով ՍԴ-ի որոշման մասինՍահմանադրական դատարանն այսօր Մարտի 1-ի անջատված գործով առանցքային մեղադրյալ, ՀՀ պաշտոնաթող նախագահ Ռոբերտ Քոչարյանի դիմումի հիման վրա Սահմանադրությանը հակասող ճանաչեց ՀՀ քրեական դատավարության օրենսգրքի 35-րդ հոդվածը։ Քրեական դատավարության անվավեր ճանաչված 35-րդ հոդվածը սահմանում է այն, դեպքերը, որոնց պարագայում X անձի հանդեպ հարուցված քրեական գործի վարույթը կամ քրեական հետապնդումը կարող է դադարեցվել, Օրինակ՝ ըստ նույն հոդվածի, քրեական գործը կարող է կարճվել, եթե բացակայում է հանցագործության դեպքը, արարքի մեջ հանցակազմ չկա և այլն, ՍԴ-ն գտել է, որ այս հոդվածում չկա այնպիսի դրույթ, երբ օրինակ անձեռնմխելիություն ունեցող պաշտոնյաները (նախագահ, պատգամավոր և այլն) կարող են քրեական պատասխանատվությունից ազատվել՝ իրենց լիազորություններից բխող գործողություններ կատարելու հիմքով, ՍԴ-ում Քոչարյանի ներկայացուցիչ Արամ Վարդևանյանը պնդել է, որ «կալանավորումը, որը կիրառվել է մի քանի անգամ երկրորդ նախագահի նկատմամբ, խախտել է վերջինս անձնական ազատության իրավունքը», Մինչդեռ Մարտի 1-ի գործով մեղադրյալների, այդ թվում` պաշտոնաթող նախագահ Ռոբերտ Քոչարյանի դեմ քրեական գործ է հարուցվել «իր կարգավիճակի հետ չկապված գործողությունների համար», իսկ Սահմանադրության 140-րդ հոդվածի 3-րդ մասով՝ նման դեպքում «Հանրապետության նախագահը կարող է պատասխանատվության ենթարկվել միայն իր լիազորությունների ավարտից հետո», Ըստ դատախազության՝ «գործով ձեոք բերված ապացույցները վկայում են այն մասին, որ քաղաքական գործընթացներում զինված ուժերն օգտագործելու հրաման տալը, ինչպես նաև արտակարգ դրության ռեժիմի պայմաններում դրա ապահովումը պաշտպանության նախարարությանը վերապահելը չի բխել ՀՀ Նախագահի կարգավիճակից, հետևաբար վերջինս սահմանադրական անձեռնմխելիությունից չի օգտվում» ․․․ Շարունակությունը՝ civilnet.am-ում
14:16 - 04 սեպտեմբերի, 2019
ՍԴ-ն հակասահմանադրական ճանաչեց Քոչարյանի վիճարկած երկու հոդվածներից մեկը |azatutyun.am|

ՍԴ-ն հակասահմանադրական ճանաչեց Քոչարյանի վիճարկած երկու հոդվածներից մեկը |azatutyun.am|

azatutyun.am։ Սահմանադրական դատարանը հրապարակեց Հայաստանի երկրորդ նախագահ Ռոբերտ Քոչարյանի դիմումի քննության արդյունքում կայացրած որոշումը, որի համաձայն, Քրեական դատավարության օրենսգրքի՝ նախկին նախագահի վիճարկած հոդվածներից մեկը՝ 35-րդը, ճանաչեց երկրի Հիմնական օրենքին չհամապատասխանող և անվավեր, մյուսը՝ 135-րդը՝ Սահմանադրությանը համապատասխանող:ՍԴ նախագահ Հրայր Թովմասյանը հայտարարեց նաև, որ դատարանի երկու անդամներ հատուկ կարծիք են հայտնել:Մարտի 1-ի գործով սահմանադրական կարգի տապալման մեջ մեղադրվող նախկին նախագահը բարձր դատարանին խնդրել էր ստուգել Քրեական դատավարության օրենսգրքի՝ խափանման միջոց կիրառելու հիմքերի և քրեական գործի վարույթը կամ քրեական հետապնդումը բացառող հանգամանքների մասին հոդվածների սահմանադրականությունը։
11:38 - 04 սեպտեմբերի, 2019
Սահմանադրական դատարանը Ռոբերտ Քոչարյանի դիմումի վերաբերյալ որոշումը կհրապարակի վաղը |lragir.am|

Սահմանադրական դատարանը Ռոբերտ Քոչարյանի դիմումի վերաբերյալ որոշումը կհրապարակի վաղը |lragir.am|

lragir.am:  Սահմանադրական դատարանը Ռոբերտ Քոչարյանի դիմումի վերաբերյալ որոշումը կհրապարակի վաղը։ Այս մասին լրագրողներին տեղեկացրեց ՍԴ աշխատակազմի ղեկավար Էդգար Ղազարյանը: Նա ասաց, որ դատարանը խորհրդակցական սենյակում փակ քննարկումը շարունակում է: Ամենայն հավանականությամբ, վճիռը կընթերցվի վաղը՝ օրվա երկրորդ կեսին: Ղազարյանն ասաց, որ ժամի մասին վաղը նախօրոք կտեղեկացնեն:Հիշեցնենք, որ ՍԴ-ն այսօր գրավոր ընթացակարգով քննում է Ռոբերտ Քոչարյանի դիմումը՝ ՀՀ քրեական դատավարության օրենսգրքի 35-րդ հոդվածի և 135-րդ հոդվածի 2-րդ մասի՝ սահմանադրականությանը համապատասխանության հարցը որոշելու վերաբերյալ գործը:Քոչարյանի փաստաբան Հայկ Ալումյանն ասել է, որ եթե ՍԴ-ն իրենց բոլոր փաստարկները հաշվի առնի, ապա Քոչարյանը պետք է ազատ արձակվի, և քրեական հետապնդում պետք է դադարեցվի:
11:57 - 03 սեպտեմբերի, 2019