«Սասնա Ծռեր» խումբ

«Սասնա Ծռեր»-ը 2016թ. օգոստոսի 17-ին ոստիկանության ՊՊԾ գնդի գրավմամբ իր մասին հռչակած ռազմաքաղաքական զինյալ խումբ, որի հռչակված նպատակն էր Հայաստանի Հանրապետությունում իշխանափոխության իրականացումը՝ ի նպաստ երկրում սոցիալական արդարության և հայաստանակենտրոն քաղաքականության հաստատման, Արցախի Հանրապետության անվտանգության պահպանմանը և Ադրբեջանին հողերի հանձնման բացառումը։ Զինյալ խմբի անդամների մեջ մեծ թիվ էին կազմում Արցախյան պատերազմի ազատամարտիկներ, Հիմնադիր խորհրդարան քաղաքական կազմակերպության անդամներ ու համախոհներ, առանձին անհատներ, այդ թվում՝ նաև հայկական սփյուռքից:

Խումը պահանջում էր․

1. ՀՀ նախագահի պաշտոնից Սերժ Սարգսյանի հրաժարական,

2.Արցախի Հանրապետության որևէ տարածքի հանձնման բացառում,

3.Հեղաշրջում կազմակերպելու կասկածանքով կալանավորված Ժիրայր Սեֆիլյանի և ՀՀ-ում բոլոր քաղաքական բանտարկյալների ազատ արձակում,

4.Անցումային կառավարության ձևավորում,

5.Պետական պաշտոններ զբաղեցրած այն անձանց իրավական պատասխանատվության ենթարկում, ովքեր գործել են հանցաքներ։

Ի վերջո երկու անգամ նրանց աջակցող հանրահավաքները բռնությամբ ցրելուց հետո հուլիսի 31ին զինված խմբի անդամներից Վարուժան Ավետիսյանը հայտարարեց զենքերը վայր դնելու մասին և որպես ռազմագերի իշխանություններին հանձնվելու մասին։ Ժամը 20-ից սկսեց նրանց հանձնվելու գործողությունը, որի միջնորդ կողմ էր Վիտալի Բալասանյանը: Այս իրադարձությունների ընթացքում սպանվել է 3 ոստիկան, վիրավորվել զինյալ խմբի 5 անդամ, 100-ից ավելի քաղաքացիներ տուժել են հավաքի նկատմամբ ոստիկանական բռնի գործողություններից, այդ թվում 12 լրագրողներ։ Ցույցերի նկատմամբ բռնարարքներում ներգրավված են եղել հանցավոր խմբավորումներ։ Այժմ զինված խմբավորման մի շարք նախկին անդամներ և նրանց աջակիցներ հիմնադրել են «Սասնա ծռեր» կուսակցությունը, մասնակցել 2018թ․ դեկտեմբերի 9-ին կայացած ընտրություններին, ստացել մոտ 25.000 քվե։

Մեր եւ մյուս առողջ ուժերի պարտականությունն է ապահովել ժողովրդի կամքի կատարումը․ Սասնա Ծռեր

Մեր եւ մյուս առողջ ուժերի պարտականությունն է ապահովել ժողովրդի կամքի կատարումը․ Սասնա Ծռեր

Քոչարյանի ազատվելու պատճառը Փաշինյանի ոչ հեղափոխական գործելակերպն է: Այս մասին հայտարարություն է տարածել «Սասնա ծռեր» կուսակցությունը: Հայտարարությունում ասվում է. «Հայաստանի Հանրապետությունում (Արցախը ներառյալ) իշխանությունը յուրացրած, պետությունը զավթած եւ այն իր հանցագործությունների գործիքի վերածած հանցավոր համագործակցության՝ 1998-2008 թթ. պարագլուխ Ռոբերտ Քոչարյանն այդ հանցավոր համագործակցության բաղադրիչ դատարանի որոշմամբ այսօր ազատվեց կալանքից: Կատարվածը, ցավոք սրտի, սպասելի էր եւ օրինաչափ: 2018 թ. ապրիլ-մայիսյան համաժողովրդական ընդվզմամբ ռեժիմը տապալելուց հետո նույն ժողովուրդը Նիկոլ Փաշինյանին եւ նրա թիմին բացառիկ մանդատ տվեց, որը պահանջում էր առաջնորդվել հեղափոխական տրամաբանությամբ եւ կատարել հեղափոխական քայլեր: Մինչդեռ նրանք սկզբից եւեթ հրաժարվեցին հեղափոխությունից ու առաջնորդվեցին հանցավոր ռեժիմից կառավարումն իրավահաջորդի կարգավիճակով ստանձնելու տրամաբանությամբ եւ մինչ օրս հետեւողականորեն գործում են ռեժիմի կեղծ սահմանադրությամբ, անիրավ օրենքներով եւ ապազգային քաղաքական կոնսպեկտներով: Մասնավորապես՝ հանցավոր համագործակցությունը, իր կամակատար իրավապահներով ու դատավորներով հանդերձ, պետք է կանգներ Անցումային արդարադատության ատյանի առաջ, այլ ոչ թե նրա կազմից ընդամենը մի քանիսը, դրանց թվում՝ Ռոբերտ Քոչարյանը, մասնակի մեղադրանքներով հանձնվեին իրենց իսկ նշանակած դատավորների հայեցողությանը: Ընդ որում՝ գործընթացների զարգացումն ակնհայտորեն ցույց է տալիս, որ սխալ արտաքին քաղաքականության պատճառով Նիկոլ Փաշինյանն ու նրա թիմն ըստ էության անկարող են դիմակայելու 5-րդ շարասյան ու նրա կրեմլյան տերերի ճնշումներին եւ, արտակարգ քայլերով վիճակը փրկելու փոխարեն, փաստացի կուլ են գնում ապազգային ու հանցավոր համակարգին, ինչը հղի է ռեւանշի եւ պետության կազմալուծման վտանգներով: Ստեղծված բարդ իրավիճակում, այնուամենայնիվ, Նիկոլ Փաշինյանի իշխանությանն աջակցությունը դեռեւս այլընտրանք չունի: Սակայն նա, իր հերթին, պարտավոր է շատ արագ սթափվել եւ, համախմբելով առողջ ուժերին, կտրուկ ու արմատական համարժեք քայլեր կատարել կործանարար ընթացքը կասեցնելու համար: Բոլոր դեպքերում՝ ժողովուրդն է ազգային հեղափոխության պատվիրատուն, շահառուն եւ իրականացնողը, ուստի, վաղ թե ուշ, ի կատար է ածելու իր կամքը: Մեր եւ մյուս առողջ ուժերի պարտականությունն է ապահովել ժողովրդի կամքի կատարումը»։
14:25 - 18 մայիսի, 2019
Ծառուկյանն օլիգարխ է և ենթակա է անցումային արդարադատության․ «Սասնա Ծռեր» կուսակցության մամուլի խոսնակ

Ծառուկյանն օլիգարխ է և ենթակա է անցումային արդարադատության․ «Սասնա Ծռեր» կուսակցության մամուլի խոսնակ

Գագիկ Ծառուկյանն ակնհայտորեն զբաղվում է ձեռնարկատիրական գործունեությամբ, ուստի չի կարող լինել պատգամավոր։ Մեզ հետ զրույցում անդրադառնալով ՔՈ ՍԴԿ-ի՝ Գագիկ Ծառուկյանին պատգամավորական մանդատից զրկելու գործընթաց սկսելու հարցով դիմումին՝ ասաց «Սասնա Ծռեր» կուսակցության մամուլի խոսնակ Վահագն Ավագյանը։ Նա նաև նշեց, որ համաձայն չեն Նիկոլ Փաշինյանի պնդմանը, թե Հայաստանում այլևս օլիգարխներ չկան, և որ օլիգարխները վերածվել են ընդամենը խոշոր սեփականատերերի։ «Նման պնդում կարող ենք անել միայն անցումային արդարադատության իրականացումից, տնտեսական լյուստրացիայից և դրա հիման վրա եկամուտների օրինականացումից հետո»,- ասաց նա։ Վահագն Ավագյանի խոսքերով՝ քանի որ Գագիկ Ծառուկյանն օլիգարխ է և ենթակա է անցումային արդարադատության ու լյուստրացիայի, նրա և մյուս օլիգարխների քրեական պատասխանատվության հարցը պետք է լուծվի այդ կարգով։
12:32 - 29 ապրիլի, 2019
Վիտալի Բալասանյանը պաշտոնապես սպառնում է կրկնել Բերձորը. Սասնա ծռեր

Վիտալի Բալասանյանը պաշտոնապես սպառնում է կրկնել Բերձորը. Սասնա ծռեր

«Սասնա ծռեր»-ը հայտարարություն է տարածել, որում մասնավորապես ասվում է․ «2019 թ  ապրիլի 9-ին ՀՀ Արցախի մարզի Ասկերանի շրջանի վարչական մարմինների եւ համայնքների ղեկավարների՝ անվտանգության հարցերով խորհրդակցության ժամանակ Արցախի անվտանգության խորհրդի քարտուղարի պաշտոնը զբաղեցնող Վիտալի Բալասանյանը, կոպիտ կերպով եւ բացահայտ ցինիզմով անցել է իր պաշտոնեական լիազորությունները եւ, չարաշահելով իր պաշտոնեական դիրքն ու վարողի իրավունքը՝ խորհրդակցությունը վերածել է Սասնա Ծռեր համահայկական կուսակցության ու Սասնա Ծռեր արցախյան կուսակցության նկատմամբ ոչ իրավաչափ գործողություններ կատարելու եւ նրանց անդամների նկատմամբ բռնություն գործադրելու անհրաժեշտության քննարկման: Պետականորեն գրանցած եւ օրինական կերպով գործող քաղաքական կուսակցությունների նկատմամբ բռնության եւ այլ հակաիրավական քալեր կատարելու վերաբերյալ իր պնդումները նա ձգտել է հիմնավորել այն հանգամանքով, որ նրանք քաղաքական կարծիք են հայտնում, որ Արցախը ՀՀ մարզ է, ինչպես նաեւ նախատեսում են խաղաղ ավտոերթ կազմակերպել Երեւանից դեպի Արցախ: Բացի այդ՝ մատնացույց անելով խորհրդակցությանը մասնակցող Ասկերանի շրջանի Բերքաձոր համայնքի ղեկավար Գեղամ Գրիգորյանին, որը «Սասնա Ծռեր» արցախյան կուսակցության քարտուղարության համակարգողն է, փորձել է նրան սպառնալի ոճով երկընտրանքի առջեւ կանգնեցնել՝ ստիպելով հրաժարվել իր քաղաքական հայացքներից կամ հեռանալ դահլիճից: Գեղամ Գրիգորյանից ստանալով իրավունքի, սահմանադրականության եւ օրինականության հղումներով հիմնավորված արժանապատիվ ու իրավաչափ պատասխան, Վիտալի Բալասանյանն էլ ավելի է կոշտացրել իր դիրքրոշումը եւ բոլորի ներկայությամբ նրան բացեիբաց սպառնացել է, թե փոխանցիր քո ընկերներին, որ եթե այս անգամ էլ փորձեն ավտոերթով գալ Արցախ, ապա իրենց համար շատ ավելի վատ կլինի, քան եղավ Բերձորի ժամանակ: Վիտալի Բալասանյանի՝ ՀՀ իշխանություններին, ՀՀ քաղաքացիներին եւ քաղաքական կազմակերպություններին իրար հետեւից մարտահրավերներ նետելու, նախկինում կատարված բռնություններն անհրաժեշտ ու տեղին համարելու, այդ բռնությունները կրկնելու  սպառնալիքներ հնչեցնելու վարքագիծն ու գործողությունները ոչ միայն անհամատեղելի են պետական բարձր պաշտոնի հետ, այլեւ ենթակա են քրեաիրավական գնահատականների եւ պատասխանատվության: Անվտանգության ոլորտի բարձրաստիճան պաշտոնյայի դիրքից դրսեւորված՝ քաղաքական կազմակերպություների, նրա անդամների եւ աջակիցների նկատմամբ նրա վերաբերմունքն ու սպառնալիքներն առավել վտանգավոր եւ իրական են այն պարզ պատճառով, որ Արցախի բոլոր շրջանների ուժային մարմինների ղեկավարները դրանք կարող են ընդունել որպես բարձրագույն իշխանության հրաման ու հանձնարարություն եւ, ըստ այդմ՝ իրագործել դրանք նույն բերձորյան տարբերակով:ՀՀ իշխանություններից եւ բոլոր պատկան մարմիններից ու պաշտոնատար անձանցից պահանջում ենք ըստ իրենց լիազորությունների. քաղաքական եւ/կամ իրավական գնահատականներ տալ Վիտալի Բալասանյանի կողմից ՀՀ քաղաքացիների նկատմամբ նրանց քաղաքական հայացքների եւ գործողությունների համար բռնություն կատարելու սպառնալիքներ հնչեցնելու, ինչպես նաեւ մարդու եւ քաղաքացու հիմնարար իրավունքների եւ ազատությունների, մասնավորապես՝ ազատ գործելու, մտքի, խոսքի եւ կարծիք հայտնելու ազատությունների, ազատ տեղաշաժվելու, հավաքների ազատության, գաղափարախոսական բազմակարծության, բազմակուսակցականության, այլակարծության հիմքով խտրականության չենթարկվելու, օրենքի առջեւ հավասարության, միավորումներ, այդ թվում՝ կուսակցություններ ստեղծելու ու դրանց անդամագրվելու իրավունքների ոտնահարման կամ դրանց ոտնահարման սպառնալիքների փաստերին, այդ գնահատականների հիման վրա լուծել նրա հետագա պաշտոնավարման եւ քրեաիրավական պատասխանատվության հարցը»:
08:13 - 10 ապրիլի, 2019
Արմեն Բիլյանը ցանկացել է կրակել վրաս, Պավել Մանուկյանը թույլ չի տվել. տուժող ոստիկան  |hetq.am|

Արմեն Բիլյանը ցանկացել է կրակել վրաս, Պավել Մանուկյանը թույլ չի տվել. տուժող ոստիկան |hetq.am|

«Սասնա ծռեր»-ի գործով դատական նիստին այսօր ցուցմունք տվեց գնդի տարածքում 7 օր պատանդ մնացած ոստիկան Գարիկ Մաթևոսյանը: Վերջինս նշեց, որ ամբաստանյալներին ճանաչել է գնդի տարածքում եղած ժամանակ: Մաթևոսյանը հայտարարեց. «Արմեն Բիլյանը ցանկացել է կրակել վրաս, Պավել Մանուկյանը թույլ չի տվել»: Վերջինս նախաքննության ընթացքում նման ցուցմունք չի տվել: Ի պատասխան Արմեն Բիլյանի պաշտպան Զարուհի Փոստանջյանի հարցի, թե ինչո՞ւ նախկինում այդ հանգամանքի մասին չի հայտնել քննություն իրականացնող մարմնին, Մաթևոսյանը պատասխանեց, որ այդ ժամանակ պատանդ մնալու, իր ազատությունը սահմանափակելու պատճառով գտնվելիս է եղել այնպիսի իրավիճակում, որ չի հիշել այդ հանգամանքը:               Արմեն Բիլյանի հարցին ի պատասխան` Մաթևոսյանը ներկայացրեց իր և Բիլյանի միջև տեղի ունեցած միջադեպի մանրամասները: Ըստ Մաթևոսյանի պատմածի՝ խմբի անդամները ցանկացել են գնդում գտնվող ոստիկանների անձնական մեքենաներն այրել, ինքը Պավել Մանուկյանին խնդրել է նման բան չանել: Ինքը մեկ այլ ոստիկանի՝ Դավիթի մեքենայի ապակին կոտրել է, որպեսզի նրա մեքենան ևս կարողանա տեղաշարժել, որից հետո Բիլյանը ցանկացել է կրակել իր վրա: Հարցին՝ ի վերջո մեքենաները դուրս հանե՞լ են գնդից, Մաթևոսյանը դրական պատասխան տվեց:  Մաթևոսյանն առարկեց, որ գնդի գրավման գործով անցնող տասը անձանց՝ Վարուժան Ավետիսյանի, Պավել Մանուկյանի, Արեգ Կյուրեղյանի, Էդվարդ Գրիգորյանի, Սեդրակ Նազարյանի, Արմեն Բիլյանի, Սմբատ Բարսեղյանի, Մխիթար Ավետիսյանի, Գագիկ Եղիազարյանի և Արայիկ Խանդոյանի նկատմամբ համաներում կիրառվի: Նշենք, որ Արայիկ Խանդոյանը գործի քննության ընթացքում մահացել է, սակայն նրա հարազատները ցանկացել են, որպեսզի նրա նկատմամբ մահվան հիմքով քրեական հետապնդումը չդադարեցվի: hetq.am
12:24 - 06 մարտի, 2019