«Պատիվ ունեմ» դաշինք

«Պատիվ ունեմ» դաշինքը ստեղծվել է 2021 թ․ մայիսի 15-ին՝ «Հայաստանի Հանրապետական» և «Հայրենիք» կուսակցությունների միավորմամբ՝ 2021 թ․ հունիսի 20-ի խորհրդարանական արտահերթ ընտրություններին մասնակցելու նպատակով։ Ընտրությունների արդյունքում քաղաքական ուժը ձեւավորել է «Պատիվ ունեմ» խմբակցությունը՝ 7 պատգամավորով։

Դաշինքի նախընտրական ցուցակը գլխավորում էր «Հայրենիք» կուսակցության նախագահ Արթուր Վանեցյանը։

«Պատիվ ունեմ» կուսակցությունների դաշինքի նախընտրական շտաբի պետը ընտրակաշառք տալու համար դատապարտվել է 4 տարի ազատազրկման

«Պատիվ ունեմ» կուսակցությունների դաշինքի նախընտրական շտաբի պետը ընտրակաշառք տալու համար դատապարտվել է 4 տարի ազատազրկման

«Պատիվ ունեմ» կուսակցությունների դաշինքի նախընտրական շտաբի պետ Վ. Հ.-ն Արարատի և Վայոց ձորի մարզերի առաջին ատյանի ընդհանուր իրավասության դատարանի՝ 2023 թվականի մայիսի 25-ի դատավճռով, մեղավոր է ճանաչվել 2021 թվականի հունիսի 20-ին կայացած ԱԺ ընտրություններին ընտրողներին ընտրակաշառք տալու համար։ Այս մասին տեղեկացնում ենք Գլխավոր դատախազությունից, հիշեցնելով, որ «Պատիվ ունեմ» կուսակցությունների դաշինքի նախընտրական շտաբի պետ Վ. Հ.-ն 2021 թվականի հունիսին նախնական համաձայնության էր եկել նույն շտաբի հավաքարար Ն. Մ-ի հետ և «Պատիվ ունեմ» կուսակցությունների դաշինքի օգտին քվեարկելու համար՝ Նորամարգ համայնքի մի շարք բնակիչներին մեկ ձայնի դիմաց տվել էր 15 հազարական դրամ կաշառք։ Ձեռք բերված պայմանավորվածության համաձայն՝ 2021 հունիսի 16-18-ն ընկած ժամանակահատվածում, Նորամարգ համայնքի վարչական տարածքում, Շտաբի պետ Վ. Հ.-ն  Շտաբի հավաքարար Ն. Մ.-ի հետ, իսկ վերջինս նաև Նորամարգ համայնքի բնակիչներ Է. Կ.-ի և Ի. Ա.-ի հետ խմբի կազմում, նախնական համաձայնությամբ 645 հազար դրամի չափով կաշառք են տվել Նորամարգ համայնքի մի շարք ընտրողների։ Հսկող դատախազի որոշմամբ, Հատուկ քննչական ծառայությունում (Հակակոռուպցիոն կոմիտե) նախաձեռնված քրեական վարույթի շրջանակում, 2021 հուլիսի 19-ին Շտաբի պետ Վ. Հ. -ին, Շտաբի հավաքարար Ն. Մ-ին, Նորամարգ համայնքի բնակիչներ Է. Կ. -ին և Ի. Ա.-ին մեղադրանք էր առաջադրվել 18.04.2003 թվականին ընդունված Քրեական օրենսգրքի 154.2-րդ հոդվածի 4-րդ մասի 1-ին և 2-րդ կետերով (ընտրողի կամքի ազատ իրականացմանը խոչընդոտելը): 2021 թվականի հունիսի 19-ին Վ. Հ․-ն ձերբակալվել էր, հունիսի 23-ին՝ կալանավորվել, իսկ Ն. Մ-ի, Է. Կ.-ի և Ի. Ա.-ի նկատմամբ խափանման միջոց էր ընտրվել չհեռանալու մասին ստորագրությունը: Դատախազը 2021 թվականի հուլիսի 19-ին հաստատել է մեղադրյալներ Վ. Հ.-ի, Ն. Մ.-ի, Է. Կ-ի և Ի. Ա.-ի վերաբերյալ մեղադրական եզրակացությունը և գործն ուղարկել Արարատի և Վայոց ձորի մարզերի առաջին ատյանի ընդհանուր իրավասության դատարան։ 2023 թվականի մայիսի 25-ին Արարատի և Վայոց Ձորի մարզերի առաջին ատյանի ընդհանուր իրավասության դատարանի դատավճռով՝ վերոնշյալ անձինք մեղավոր են ճանաչվել իրենց վերագրվող արարքների կատարման մեջ. Վ. Հ.-ն դատապարտվել է 4 տարի ազատազրկման և նրա նկատմամբ որպես խափանման միջոց ընտրված կալանավորումը թողնվել է անփոփոխ՝ մինչև դատավճռի օրինական ուժի մեջ մտնելը: Քաղաքացիներ Ն.Մ.-ն, Է.Կ.-ն և Ի.Ա.-ն դատապարտվել են ազատազրկման 4 տարի ժամկետով: Դատարանը 18.04.2003 թվականին ընդունված Քրեական օրենսգրքի 70-րդ հոդվածի կիրառմամբ՝ որոշում է կայացրել Ն. Մ.-ի, Է. Կ.-ի և Ի. Ա.-ի նկատմամբ ազատազրկման ձևով նշանակված պատիժը պայմանականորեն չկիրառել՝ այդ ընթացքում մշտական բնակության վայրը չփոխելու պարտականությամբ։ Նախաքննության ընթացքում հայտնաբերված և առգրավված ընտրակաշառքի՝ 15 հազար, 14 հազար, 10 հազար, 60 հազար դրամ գումարները դատարանի դատավճռով ենթակա է բռնագրավման՝ հօգուտ Հայաստանի Հանրապետության: Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
12:17 - 01 հունիսի, 2023
Ադրբեջանի կազմում Արցախը որևէ պետական ինստիտուտ չի ունենալու. Հայկ Մամիջանյան
 |azatutyun.am|

Ադրբեջանի կազմում Արցախը որևէ պետական ինստիտուտ չի ունենալու. Հայկ Մամիջանյան |azatutyun.am|

azatutyun.am: Ադրբեջանի կազմում Արցախը որևէ պետական ինստիտուտ չի ունենալու, «Ազատության» հետ զրույցում հայտարարեց ընդդիմադիր «Պատիվ ունեմ» խմբակցության ղեկավար Հայկ Մամիջանյանը: Ներկայացնում ենք հատված հարցազրույցից. «Ազատություն». - Դուք տեսնո՞ւմ եք խաղաղության հեռանկար առաջարկվող նախագծով՝ Արցախն Ադրբեջանի կազմում, բայց հայերի անվտանգության մեխանիզմներ, որոնք քննարկվում են, ըստ վարչապետի: Մամիջանյան. - Երեկ Ադրբեջանի նախագահն ասաց, մեխանիզմների մասին խոսելով, ինչ-որ համաներման մասին էր խոսում: Մի անվտանգության երաշխիք կա Արցախի հայերի, Արցախի քաղաքացիների համար, դա ինքնորոշման իրավունքի իրացումն է, մնացած բոլորը ֆիկցիա է: Հիշեցնեմ, որ երբ մի քանի ամիս առաջ Փաշինյանն իր ասուլիսներից մեկի ժամանակ ասում էր, որ մենք զարմացած էինք, որ Բաքու-Ստեփանակերտ բանակցությունները Բաքուն որոշեց տանի, այսպես կոչված, ինտեգրացիայի տրամաբանության մեջ, հերթական սուտն է, որովհետև նոյեմբերի 9-ից հետո Ալիևը բազմիցս հայտարարել է, որ միակ ձևը, որ ինքը պատրաստվում է բանակցել Արցախի հետ, հենց այդ տրամաբանությունն է, այնպես որ ոչ մի հումանիտար կամ նմանօրինակ բանակցությունների մասին խոսք գնալ անգամ չի կարող: Հաջորդը՝ բոլոր այն մարդիկ, ովքեր գովերգում-պաշտպանում են Բաքու-Ստեփանակերտ ուղիղ բանակցությունը կամ Արցախի քաղաքացիների, Արցախի հայերի ինչ-որ շատ եթերային, դեռևս չբացատրված միջազգային երաշխիքների միջոցով անվտանգության ապահովումն Ադրբեջանում, նախ, Ադրբեջանն առհասարակ իր քաղաքացիների անվտանգությունն ու ազատությունն ապահովել չի կարող, ուր մնաց հայերի: Երկրորդ՝ բոլոր այն երեսփոխանները Ազգային ժողովում, ինչու չէ նաև մյուս պաշտոնյաները, ովքեր հրապարակային կողմ են արտահայտվում դրան, ես ակնկալում եմ, որ եթե վատագույն սցենարը գնա և Փաշինյանի բանակցածով ամեն ինչ առաջնորդվի, ապա իրենք հիմիկվանից պիտի հայտարարեն, որ գնալու են Ադրբեջանի կազմում ապրեն: Ես այլ քաղաքականության ձև չգիտեմ: «Ազատություն». - Ալիևը գուցե իր ներքին լսարանի համար է այդ ամենն ասում, որովհետև վարչապետն այսօր անուղղակի հակադարձեց խորհրդարանում, ասաց, որ եվրոպացիներից պարզաբանումներ են պահանջելու, ինքը ուրեմն բրյուսելյան պայմանավորվածություններից հրաժարվում է: Մամիջանյան. - Այն, ինչ որ այսօր խորհրդարանում հնչեցրել է Փաշինյանը նույնիսկ մոտ չի կարող լինել համարժեքությամբ Ալևի ասածներին, թուլություն ցույց տալու պարագայում կամ ամեն ինչը պատրաստ եմ տալ մենակ թե... սեփական ճակատագիրը, ցավոք սրտի, այս պարագայում նաև ժողովրդի ճակատագիրը հանձնել մյուսների որոշմանը միշտ վատ ավարտ է ունենում, որովհետև Ադրբեջանի ախորժակը չի սահմանափակվելու, Հայաստանի մարզերից երևի միայն Լոռիի նկատմամբ իրենք կեղծ տարածքային պահանջներ չեն ներկայացնելու: «Ազատություն». - Կարծում եք Բրյուսելում քննարկվե՞լ է այս հարցը՝ պետական ինստիտուտների հետագա ճակատագիրը Արցախի, որովհետև Շառլ Միշելն ասում էր, որ արցախահայերի իրավունքներ քննարկվել են: Մամիջանյան. - Բանակցվում է Արցախն Ադրբեջանի կազմում, դա չի ենթադրում որևէ պետական ինստիտուտների առկայություն, որևէ ինքնավարության մակարդակ, եթե հետևեք Ադրբեջանի իրավական փոփոխությունները վերջին 5, նույնիսկ 10 տարիների, ապա դա տեսանելի է: Ցանկացած դառը դեղահաբ փորձում են ինչ-որ քաղցր նյութով պատել, դա խաբկանք է, չի լինելու ոչինչ ինքնավարության մասին: Շարունակությունը՝ սկզբնաղբյուր կայքում
16:28 - 29 մայիսի, 2023
Փաշինյանի քայլերն ու հայտարարություններն ադրբեջանական ագրեսիայի նոր հիմքեր են ձևավորում․ Տիգրան Աբրահամյան

Փաշինյանի քայլերն ու հայտարարություններն ադրբեջանական ագրեսիայի նոր հիմքեր են ձևավորում․ Տիգրան Աբրահամյան

Փաշինյանի քայլերն ու հայտարարություններն ադրբեջանական ագրեսիայի նոր հիմքեր են ձևավորում։ Ֆեյսբուքյան էջում գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը․ «Ադրբեջանի նախագահը «խաղաղության» շուրջ բանակցությունների շրջանակներում հայ ժողովրդին սպառնաց նոր ագրեսիայով: Ադրբեջանի պահանջն Արցախի պետական համակարգը ինքնալուծարման տանելու` նախագահից մինչև ստորին էշելոնում գտնվող պաշտոնյաների հրաժարական, ՊԲ կազմաքանդում, ըստ էության խոսում է այն մասին, որ Ադրբեջանն իր ձևով ակտիվացնում է Արցախի ադրբեջանացման գործընթացը: Ադրբեջանի այս ագրեսիվության հիմքում ՀՀ իշխանության պատրաստակամությունն է` ճանաչել Արցախը Ադրբեջանի կազմում, որով լեգիտիմացվեց ՀՀ-ն Արցախին կապող միջանցքում ադրբեջանական անցակետի տեղակայումը, իսկ հիմա` արցախցիների դիմադրության պայմաններում, նոր արկածախնդրության սպառնալիք է ստեղծում: Մինչ Ադրբեջանը «հակաահաբեկչական օպերացիայի» կեղծ լուզունգների ներքո հիմք է նախապատրաստում Արցախի ուժային ենթակառուցվածքներին հարվածներ հասցնելու համար, փաշինյանական իշխանությունը բոլոր հնարավոր հարթակներում հաստատում է Արցախի հանձնման իր առաքելությունը: Փաշինյանի քայլերն ու հայտարարություններն ադրբեջանական ագրեսիայի նոր հիմքեր են ձևավորում»:
10:10 - 29 մայիսի, 2023
Պատերազմից հետո բոլորը խոսել են ինքնորոշումից, բացի Փաշինյանից. Մամիջանյան
 |armeniasputnik.am|

Պատերազմից հետո բոլորը խոսել են ինքնորոշումից, բացի Փաշինյանից. Մամիջանյան |armeniasputnik.am|

armeniasputnik.am: Արցախյան 44-օրյա պատերազմից հետո ինքնորոշման մասին խոսել են բոլորը, բացի Նիկոլ Փաշինյանից։ Այս մասին ԱԺ հերթական նիստի ժամանակ հայտարարեց «Պատիվ ունեմ» խմբակցության ղեկավար Հայկ Մամիջանյանը։ «Նիկոլ Փաշինյանը խաբում է, երբ ասում է, թե պատերազմից հետո ինքնորոշման տարբերակ չկար։ Պատերազմից հետո ինքնորոշման մասին խոսել են ՌԴ նախագահը, ԵՄ բարձր հանձնակատարը, ՀՀ–ում ԱՄՆ դեսպանը, Գերմանիայի կանցլերը, բոլորը, բացի Նիկոլ Փաշինյանից։ Դա փաստ է, որը հերքել չենք կարող»,- նշեց Մամիջանյանը։ Նա վստահեցնում է` ՀՀ վարչապետը խաբում է նաև այն ժամանակ, երբ ասում է, թե կարող է 29.8 ք/կմ տարածքը պահել, որովհետև թշնամու ախորժակը սահմանափակել չի լինում։ Մամիջանյանը նաև անդրադարձավ օրեր առաջ ԱԺ ամբիոնից ՔՊ–ական պատգամավորներից մեկի այն խոսքերին, թե ընդդիմությունը խոսում է Արցախի հանձնման մասին, բայց չեն խոսում նրանից, որ 29.8 ք/կմ տարածքը ֆիքսված է։ «Դա նույն միտքն է, որ Հայաստանի մարզերի կեսը հանձնեն ու գան, ասեն` բա ինչի չեք գովում, որ Սարյան փողոցը պահեցինք»,– ընդգծեց Մամիջանյանը։ Ինչ վերաբերում է միջազգայնորեն ապահովվող անվտանգության երաշխիքներին, նա բոլոր այն ՔՊ–ական պատգամավորներին, որոնք կողմ են արտահայտնվում միջազգային երաշխիքներով Արցախի կարգավիճակին պատմության մեջ առաջին անգամ Ադրբեջանի կազմում լինելուն, առաջարկեց գնալ և այդ երաշխիքներով ապրել այնտեղ։
13:34 - 25 մայիսի, 2023
Ես կրում եմ պատասխանատվությունը, որ դեռ չկա համազգային կոնսոլիդացիա՝ իշխանափոխության հետ կապված․ Մամիջանյան |armenpress.am|

Ես կրում եմ պատասխանատվությունը, որ դեռ չկա համազգային կոնսոլիդացիա՝ իշխանափոխության հետ կապված․ Մամիջանյան |armenpress.am|

armenpress.am: Հայաստանի «Հանրապետական» կուսակցությունը բազմիցս հայտարարել է, որ իր համար էական է իշխանափոխությունը, սակայն այդ հարցում դեռևս չկա համազգային կոնսոլիդացիա։ Լրագրողների հետ ճեպազրույցում այս մասին ասաց «Պատիվ ունեմ» խմբակցության ղեկավար Հայկ Մամիջանյանը։  «Ես կրում եմ պատասխանատվությունը նրա համար, որ դեռևս չկա համազգային կոնսոլիդացիա իշխանափոխության հետ կապված, ես պատրաստ եմ դա ասել, միևնույն ժամանակ ընկալել սեփական սխալները և դրանք հետագայում շտկել։ Ինչ վերաբերվում է պայքարի նոր փուլին, յուրաքանչյուր մարդ իր տեղում Հայաստանում, Արցախում, թե սփյուռքում կարող է պայքարի օջախ հանդիսանալ։ Անկեղծ ասեմ, ես դրան իրապես հավատում եմ։ Իշխանության գործողություններին կարող են վնասել թե անհատների ակցիաները, թե մեծ, փողոցային, հանրային լայնամասշտաբ ակցիաները։ Դրանք բոլորը շատ կարևոր են և բոլորը պետք է իրականացվեն»,- ընդգծեց Մամիջանյանը։ «Պատիվ ունեմ» խմբակցության ղեկավարի խոսքով՝ «Հանրապետական» կուսակցությունը բազմիցս հայտարարել է և հաստատել է, որ իր համար էական է իշխանափոխությունը։ «Մենք իշխանություն չենք ուզում, մենք իշխանության համար պայքար չենք անում։ Ես չեմ կարողանում հասկանալ այն մարդուն, որը կարող է իշխանության համար պայքարել, երբ  Արցախի հարցն է զոհասեղանին ։ Անձնակենտրոն մոտեցումների հետ կապված էլ «Հանրապետական» կուսակցությունը աջակցել է բոլոր առողջ քաղաքական և հասարակա-քաղաքական ուժերին, որոնք գոնե առաջին հայացքից անկեղծ են եղել իշխանափոխության հարցում»,- եզրափակեց Մամիջանյանը։
13:06 - 23 մայիսի, 2023
Վաշինգտոնից հետո կողմերը խոսում են անկանխատեսելի իրադարձությունների մասին. Աբրահամյան |armeniasputnik.am|

Վաշինգտոնից հետո կողմերը խոսում են անկանխատեսելի իրադարձությունների մասին. Աբրահամյան |armeniasputnik.am|

armeniasputnik.am: Վաշինգտոնում Հայաստանի և Ադրբեջանի ԱԳ նախարարների բանակցություններից հետո խոսակցություններ են ի հայտ եկել իրավիճակի անկանխատեսելի զարգացման մասին։ Այս մասին լրագրողների հետ զրույցում հայտարարեց ԱԺ «Պատիվ ունեմ» խմբակցության քարտուղար Տիգրան Աբրահամյանը` ՀՀ ՊՆ 3-րդ բանակային կորպուսի նախկին հրամանատար Գրիգորի Խաչատուրովի գործով դատական նիստից առաջ։ «Վաշինգտոնում տեղի ունեցած բանակցությունները, ըստ էության, արձանագրումների ձևով ցույց տվեցին, որ որևէ արդյունք չի եղել, ինչքան էլ ամերիկյան կողմը փորձում էր դրական ֆոն ստեղծել։ Դրան հաջորդած ժամանակահավածում Հայաստանի, Թուրքիայի և Ադրբեջանի իշխանությունների հնչեցրած մեկնաբանությունները ցույց են տալիս, որ ոչ միայն ռեալ արդյունք չի եղել, ավելին` կողմերը որոշակի զգուշավորությամբ, բայց խոսում են նոր հնարավոր անկանխատեսելի իրադարձությունների մասին»,– նշեց Աբրահամյանը։ Նրա խոսքով` այսօր մի իրավիճակ է, երբ Ադրբեջանը Հայաստանի «գլխին» բավականին մաքսիմալիստական օրակարգ է «իջեցրել», որը ենթադրում է Արցախի հանձնումը, և ոչ միայն։ Պատգամավորն ուշադրություն հրավիրեց ՀՀ վարչապետ Նիկոլ Փաշինյանի այն խոսքին, թե Բաքուն համաձայն չէ անգամ Ադրբեջանի կազմում Լեռնային Ղարաբաղի ինքնակառավարմանը։ Աբրահամյանը նշեց` Ադրբեջանի մյուս պահանջները վերաբերում են Հայաստանի տարածքների օկուպացիայի «լեգիտիմացմանը»։ Բացի այդ, ադրբեջանական կողմը պահանջում է նոր տարածքներ, ընդ որում՝ խոսքը միայն 8 գյուղի մասին չէ։ «Ադրբեջանը չի էլ թաքցնում, որ ցանկացած գնով փորձում է միջանցք ստեղծել»,– նկատեց Աբրահամյանը։ Նրա կարծիքով` Ադրբեջանի ներկայիս պահանջները ցույց են տալիս Հայաստանի արտաքին քաղաքականության տապալումը. եթե նախկինում իշխանությունները հանրությանը փորձում էին հրամցնել, թե Արցախի հանձնմամբ լուծում են Հայաստանի հարցը, ապա հիմա պարզ է, որ Արցախն ընդամենը դարպաս է Հայաստան մտնելու համար։ «Առաջիկայում, ցավոք, մեզ սպասվում են նոր, ծանր իրադարձություններ։ Ցավալիորեն պետք է արձանագրենք, որ ՀՀ այս իշխանությունները չունեն համապատասխան կամք դիմակայելու առկա մարտահրավերներին։ Ավելին` իրենց քայլերով առավել բարենպաստ դաշտ է ձևավորվում ադրբեջանական նոր ագրեսիայի համար»,– կարծում է պատգամավորը։
17:20 - 08 մայիսի, 2023
«Ո՛Չ Արցախի էթնիկ զտման» շարժումը դիմել է ՀՀ Ազգային ժողովի խմբակցություններին՝ կոչ անելով միանալ պահանջագրին

«Ո՛Չ Արցախի էթնիկ զտման» շարժումը դիմել է ՀՀ Ազգային ժողովի խմբակցություններին՝ կոչ անելով միանալ պահանջագրին

«Ո՛Չ Արցախի էթնիկ զտմանը» պահանջագրի և ստորագրահավաքի նախաձեռնող խումբը նամակներ է ուղարկել ՀՀ Ազգային ժողովի «Քաղաքացիական պայմանագիր», «Պատիվ ունեմ» և «Հայաստան» խմբակցությունների ղեկավարներին և բոլոր պատգամավորներին՝ կոչ անելով միանալ change.org  հարթակում՝ հրապարակված պահանջագրին: Այս մասին տեղեկացնում է «Ո՛Չ Արցախի էթնիկ զտմանը» խումբը։ «Արցախցի մի խումբ երիտասարդների նախաձեռնած պահանջագրով միջազգային հանրությանը պահանջ է ներկայացվում գործուն քայլեր ձեռնարկել Արցախում Ադրբեջանի էթնիկ զտման ու ցեղասպանական քաղաքականությունը դադարեցնելու և 2020թ. նոյեմբերի 9-ի եռակողմ հայտարարության դրույթների, ինչպես նաև ՄԱԿ-ի Արդարադատության միջազգային դատարանի 2021թ-ի դեկտեմբերի 7-ի, 2023թ-ի փետրվարի 22-ի և Մարդու իրավունքների եվրոպական դատարանի 2020-2022թթ. որոշումների կատարումն ապահովելու ուղղությամբ:  «Համոզված ենք, որ որպես ՀՀ օրենսդիր մարմնի ներկայացուցիչներ՝ ձեր կողմից ևս կարևորվում է այս պահանջների կատարումը, ուստի կոչ ենք անում ձեզ՝ միանալ  ստորագրահավաքին և ձեր համակիրներին ևս հորդորել միանալ նախաձեռնությանը՝ կանխելու համար արցախահայերի հայրենազրկումը»,- նշվում է նախաձեռնողների՝ խմբակցություններին ուղղված նամակում: Պահանջագիրն առցանց հարթակում արդեն մոտ 15 հազար ստորագրություն է հավաքել: Նախաձեռնող խմբի կողմից ստորագրահավաք է կազմակերպվել նաև Ստեփանակերտում և Արցախի բոլոր շրջաններում: Երեկվա դրությամբ պահանջագրին միացած ստորագրությունների ընդհանուր թիվը գերազանցում է 40 հազարը:  Նախաձեռնության աջակիցների կողմից այսօր Երևանում ևս տեղադրվել են կետեր՝ ստորագրահավաքին մասնակցելու համար:  Արցախում Ադրբեջանի էթնիկ զտման ու ցեղասպանական քաղաքականությունը դադարեցնելու պահանջագիրը հնարավոր է ֆիզիկապես ստորագրել Երևանում՝ Բաղրամյան 6, Սարյան 26 և Խորենացի 47/7 հասցեներում:  «Մոսկվա» կինոթատրոնի հրապարակում ստորագրահավաք է նախաձեռնել նաև ԱԺ պատգամավոր, Մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը:  Ստորագրահավաքին առցանց հնարավոր է միանալ change.org  հարթակում՝ այս հղումով»,-նշված է հաղոդագրությունում։
16:38 - 04 մայիսի, 2023
Խաղաղ համագոյակցությունն Ադրբեջանի հետ չեմ պատկերացնում. նրանք հրադադարի պայմաններում բազմաթիվ ներխուժման ու հարձակման փորձեր են արել. Թագուհի Թովմասյան

Խաղաղ համագոյակցությունն Ադրբեջանի հետ չեմ պատկերացնում. նրանք հրադադարի պայմաններում բազմաթիվ ներխուժման ու հարձակման փորձեր են արել. Թագուհի Թովմասյան

ԱԺ հերթական նիստերին հաջորդող խորհրդարանական ճեպազրույցների ընթացքում ԱԺ «Պատիվ ունեմ» խմբակցության անդամ Թագուհի Թովմասյանն ի պատասխան լրատվամիջոցների հարցադրումների՝ մասնավորապես անդրադարձել է Վաշինգտոնում ընթացող բանակցություններին եւ քննարկման դրված փաստաթղթի հնարավոր կետերին: Այս մասին հայտնում են ՀՀ ԱԺ մամուլի ծառայությունից։  Պատգամավորի համոզմամբ չպիտի ստորագրվի որեւէ փաստաթուղթ, որը կարող է Արցախը որեւէ կարգավիճակով թողնել Ադրբեջանի կազմում, էթնիկ փոքրամասնության կամ այլ կարգավիճակով արցախցիների հարցը քննարկել ադրբեջանցիների հետ խաղաղ համագոյակցության համատեքստում: «Խաղաղ համագոյակցությունն Ադրբեջանի հետ չեմ պատկերացնում: Նրանք հրադադարի պայմաններում բազմաթիվ ներխուժման ու հարձակման փորձեր են արել, սպանություններ են իրականացրել, այդ թվում՝ խաղաղ բնակիչների շրջանում եւ նրանց հետ խոսել խաղաղության մասին՝ աբսուրդ է: Հետեւաբար, չեմ կարող ասել՝ ինչ փաստաթուղթ պիտի լինի, բայց այդ փաստաթուղթը չպիտի պարունակի Արցախն Ադրբեջանի կազմում թեկուզ տեսական ձեւակերպում»,- ասել է նա: ԱՄՆ-ն այդ բանակցությունների առաջընթացի մասին է խոսել, սա ի՞նչ կարող է նշանակել. լրագրողի այս հարցին ի պատասխան՝ Թագուհի Թովմասյանը կարծիք է հայտնել, որ առաջընթացը վերաբերում է բանակցությունների կայացմանը: «Մեզ համար առաջընթաց կարող էր լինել, եթե կարողանայինք Արցախի ինքնորոշման հարցը ներառել այդ փաստաթղթում: Եթե մենք կարողանանք մեր միջազգային գործընկերների քաղաքական խոսույթը վերածել իրավական ձեւակերպումների, մենք կունենանք առաջընթաց: Ուրիշ առաջընթացի մասին ես չեմ կարող արձանագրել»,- նշել է պատգամավորը: «Պատիվ ունեմ» խմբակցության ներկայացուցիչն անդրադարձել է նաեւ հերթական նիստերի օրակարգային հարցերին, խոսել 44-օրյա պատերազմի հետեւանքներն ուսումնասիրող քննիչ հանձնաժողովի գործունեության մասին, նշել, որ արդյունավետ չէ իշխանության կողմից այդ գործընթացի իրականացումը: Նա ՀՀ դատախազության 2022 թվականի գործունեության տարեկան հաղորդման համատեքստում անդրադարձել է մարտի մեկի դեպքերի բացահայտմանը՝ նշելով, որ Նիկոլ Փաշինյանի խոստումը չի կատարվել, եւ մինչ օրս այդ գործն ամբողջությամբ բացահայտված չէ: Պատգամավորը տեղեկացրել է նաեւ իր նախաձեռնած ստորագրահավաքի մասին, որով աջակցություն է հայտնում «Ո՛չ Արցախի էթնիկ զտմանը» ստորագրահավաքին: «Մենք պահանջում ենք, որ Բերձորի միջանցքից հեռացվի ապօրինի տեղադրված անցակետը, եւ վերանայվի Ադրբեջանի ցեղասպան քաղաքականությունը: Մենք պարտավոր ենք մեր միջազգային գործընկերների ուշադրությունը հրավիրել այդ հանգամանքների վրա»,- ընդգծել է Թագուհի Թովմասյանը:
13:17 - 04 մայիսի, 2023
Թագուհի Թովմասյանը ստորագրահավաք է սկսել Լաչինի միջանցքում ադրբեջանական անցակետը հեռացնելու պահանջով
 |armenpress.am|

Թագուհի Թովմասյանը ստորագրահավաք է սկսել Լաչինի միջանցքում ադրբեջանական անցակետը հեռացնելու պահանջով |armenpress.am|

armenpress.am: Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը ստորագրահավաք է նախաձեռնել Երևանի Շառլ Ազնավուրի հրապարակում՝ Լաչինի միջանցքում Ադրբեջանի կողմից տեղադրված անցակետը հեռացնելու պահանջով։ Լրագրողների հետ ճեպազրույցի ժամանակ Թովմասյանը նշեց, որ այս ձևով իր աջակցությունն է հայտնում  «ՈՉ՝ Արցախի էթնիկ զտմանը» երիտասարդական շարժմանը։ «Մենք պահանջում ենք, որպեսզի Ադրբեջանի կողմից Բերձորի միջանցքում ապօրինի տեղադրված անցակետը հեռացվի և Ադրբեջանի  ցեղասպան քաղաքականությանը վերջ տրվի։ Մենք պարտավոր ենք մեր միջազգային գործընկերների ուշադրությունը հրավիրել այդ հստակ իրողությունների վրա։ Մայիսի 3-ին մենք շատ կարճ ժամանակում ստորագրահավաքի ընթացքում 200-ից ավելի ստորագրություն ենք հավաքել, այսօր ավելի երկար ժամանակ կտրամադրեմ ակցիային։ Մայիսի 4-ին ժամը 12։00-ից լինելու եմ Շառլ Ազնավուրի հրապարակում մինչև 20։00-ն։ Նպատակ ունենք ավելի շատ ստորագրություններ հավաքել, որպեսզի համայն աշխարհին ապացուցենք, որ Հայաստանը և Հայաստանի քաղաքացին միասնական է և մենք չենք կարող երբևէ պատկերացնել կամ ընդունել այն տեսակետը, որ Արցախը կարող է լինել Ադրբեջանի կազմում էթնիկ փոքրամասնություն։  Մենք այդ անհամաձայնությունն ենք հայտնում նաև փաստարկված, թղթի վրա։ Կարծում եմ, որ յուրաքանչյուր հայի առնվազն պատասխանատվությունն է, որպեսզի  իր դժգոհության ձայնը բարձրացնի մեր հայրենակիցների նկատմամբ տեղի ունեցող իրավունքների խախտումների վերաբերյալ»,-ընդգծեց Թովմասյանը։ Պատգամավորը հիշեցրեց, որ Արցախի 120 հազար քաղաքացի 4 ամսից ավելի գտնվում են պատանդի վիճակում, խախտված է նրանց ազատ տեղաշարժի իրավունքը, կենսական ամենակարևոր իրավունքները, մատակարարումները պատշաճ տեղի չեն ունենում։ «Նույնիսկ թերսնման խնդիր կա երեխաների, ծերերի և հղի կանանց շրջանում, ինչը խայտառակ իրողություն է 21-րդ դարում։ Մենք պետք է շարունակենք մեր բողոքի ձայնը բարձրացնել ի լուր աշխարհի»,- եզրափակեց Թովմասյանը։
12:30 - 04 մայիսի, 2023
44-օրյան քննող հանձնաժողովը միայն պատերազմի հետևանքներից Փաշինյանին մաքրելու ուղղությամբ է աշխատում․ Թագուհի Թովմասյան
 |tert.am|

44-օրյան քննող հանձնաժողովը միայն պատերազմի հետևանքներից Փաշինյանին մաքրելու ուղղությամբ է աշխատում․ Թագուհի Թովմասյան |tert.am|

tert.am: Ակնհայտ է, որ 44-օրյա պատերազմի դեպքերն ուսումնասիրող հանձնաժողովի գործունեությունն ուղիղ առնչվում է Նիկոլ Փաշինյանին մաքրագործելու իրողության ու ցանկության հետ։ Այս մասին այսօր ԱԺ խորհրդարանական ճեպազրույցների ժամանակ ասաց պատգամավոր Թագուհի Թովմասյանը։ «Բոլոր հնարավոր ձևերով այդ հանձնաժողովի գործունեությունը նպաստում է և միտված է, որպեսզի Նիկոլ Փաշինյանին պատերազմի բոլոր հնարավոր հանցանքներից մաքրի։ Չի կարող իշխանությունը քննել իր ենթադրյալ հանցագործության վարկածը։ Սա ուղղակի աբսուրդ է», - ասաց պատգամավորը՝ հավելելով, որ սովորաբար քննիչ հանձնաժողովները գործիք են լինում ընդդիմության ձեռքին և ոչ թե իշխանության։ Անդրադառնալով ՀՀ գլխավոր դատախազի ներկայացրած տարեկան զեկույցին՝ Թագուհի Թովմասյանն ընդգծեց, որ վերջին 5 տարիների ընթացքում որևէ առաջընթաց չի գրանցվել «Մարտի 1»-ի գործի բացահայտման հարցում։ «Նիկոլ Փաշինյանն ասում էր, որ դա «ուչաստկովի» մակարդակի բացահայտման գործ է, և հենց երկրում եղավ իշխանափոխություն «Մարտի 1»-ի գործն անխուսափելիորեն կբացվի», - նշեց Թովմասյանը՝ հավելելով, որ իշխանափոխություն տեղի ունեցավ, սակայն տվյալ գործն այդպես էլ չբացահայտվեց։ Շարունակությունը՝ սկզբնաղբյուր կայքում
12:03 - 04 մայիսի, 2023
Հիմա բանակցային սեղանին այն լուծումն է, որը ենթադրում է Արցախի հայտնվելը Ադրբեջանի կազմում. Հայկ Մամիջանյան |aysor.am|

Հիմա բանակցային սեղանին այն լուծումն է, որը ենթադրում է Արցախի հայտնվելը Ադրբեջանի կազմում. Հայկ Մամիջանյան |aysor.am|

aysor.am: ԱԺ «Պատիվ ունեմ» խմբակցության ղեկավար Հայկ Մամիջանյանի գնահատմամբ՝ Բաքու-Ստեփանակերտ ուղիղ բանակցային գործընթացը չի կարող բխել Արցախի շահերից: «Ադրբեջանը մոտենում է իր օրակարգով, որը չի բխում Հայաստանի ու Արցախի շահերից»,- ԱԺ-ում լրագրողների հետ զրույցում ասաց նա: Ընդդիմադիր պատգամավորի խոսքով՝ չկա այնպիսի մեխանիզմ, որը հնարավորություն կընձեռի տարանջատելով Արցախյան հակամարտությունը հայ-ադրբեջանական հարաբերություններից՝ ստանալ բարենպաստ լուծում. անհնար է: «Եթե նայեք այսօրվա կառավարիչների խոսույթը՝ բոլորը  փորձում են առաջ տանել հետևյալ թեզը՝  Հայաստանը  որևէ կերպ ներկայացվածություն չունի Արցախում,  Հայաստանի հետ հարց չունեք, գնացեք, Ստեփանակերտի հետ խոսեք:  Հիմա հրապարակային ասում են՝  ձեռքերը լվանում են Արցախից», - նշեց Մամիջանյանը: Ըստ նրա ՝ հիմա բանակցային սեղանին այն լուծումն է, որը ենթադրում է Արցախի հայտնվելը Ադրբեջանի կազմում: «Պատիվ ունեմ» խմբակցության ղեկավարը պնդում է՝ ղարաբաղյան  հակամարտությունը երբևէ չի հանդիսացել տարածքային վեճ, ՀՀ որևէ ղեկավար երբևէ Արցախը չի ճանաչել Ադրբեջանի կազմում:
12:47 - 02 մայիսի, 2023
Խնդիրը շատ հստակ է՝ անցակետ չպետք է լինի, ու վերջ. Աբրահամյան

Խնդիրը շատ հստակ է՝ անցակետ չպետք է լինի, ու վերջ. Աբրահամյան

Այն քննարկումները, որոնք ընթանում են ՀՀ-ն Արցախին կապող միջանցքում ադրբեջանական անցակետի տեղակայման շուրջ, որևէ ձևով չեն արտացոլում հայկական շահը: Այս մասին ֆեյսբուքյան իր էջում գրել է «Պատիվ ունեմ» խմբակցության պատգամավոր Տիգրան Աբրահամյանը։ «Խնդիրը շատ հստակ է՝ անցակետ չպետք է լինի ու վերջ: Այդպես է գրված նաև 2020-ի նոյեմբերի 9-ի եռակողմ փաստաթղթում: Իսկ քննարկումներն այն մասին, թե անցակետում ինչպես պետք է բաշխվի ռուսական և ադրբեջանական գործառույթները, ով, որ դեպքում ինչպես պետք է գործի, առհասարակ հայկական կողմի համար չարիք են: Այդ թեմայով բանակցելու բան չկա: Միգուցե այլ թեմաներում փոխզիջման հնարավորություն կա, սակայն կոնկրետ անցակետի հարցում պետք է լինել անզիջում, որովհետև եթե այն սկսեց գործել, ապա ամեն ինչ արագ կավարտվի»,- գրել է Աբրահամյանը։ Հիշեցնենք, որ ապրիլի 23-ին ադրբեջանական կողմը փակել է Արցախ-Հայաստան սահմանագծին գտնվող Հակարիի կամուրջը, որը ՌԴ խաղաղապահ զորակազմի պատասխանատվության տիրույթում է՝ «Լաչինի միջանցք»-ում: Դեպքից հետո ԱՀ նախագահ Արայիկ Հարությունյանը հրավիրել է Անվտանգության խորհրդի հրատապ նիստ։ Ադրբեջանի պետական սահմանապահ ծառայության տարածած հաղորդագրության համաձայն՝ ապրիլի 23-ին՝ ժամը 12:00-ին, Լաչին-Ստեփանակերտ ճանապարհին Ադրբեջանի Հանրապետության պետական սահմանային ծառայությունը «Հայաստանի հետ սահմանին» տեղադրել է սահմանային անցակետ։  Արցախի Անվտանգության խորհուրդը դիմել է եռակողմ հայտարարության կողմերին և հատկապես Ռուսաստանի Դաշնությանը՝ անհապաղ քննարկումներ սկսելու Արցախի շրջափակման վերացման, ադրբեջանական անցակետի տեղադրման կանխարգելման և Արցախի ժողովրդի անվտանգության իրական երաշխիքների ապահովման շուրջ։ ԱՄՆ Պետդեպարտամենտի մամուլի քարտուղարի առաջին տեղակալ Վեդանտ Պատելը հայտարարել է, որ Միացյալ Նահանգները խորապես մտահոգված է, որ Ադրբեջանի կողմից Լաչինի միջանցքում անցակետի տեղադրումը խաթարում է խաղաղ գործընթացի նկատմամբ վստահության հաստատման ջանքերը: Ֆրանսիան դատապարտել է Ադրբեջանի կողմից Լաչինի միջանցքի նոր ճանապարհի սկզբնամասում անցակետի տեղադրումը, որը հակասում է հրադադարի համաձայնագրերով ստանձնած պարտավորություններին և վնաս է հասցնում բանակցային գործընթացին։ Իսկ ՌԴ ԱԳՆ-ն «կողմերին կոչ է արել անհապաղ վերադառնալու առկա պայմանավորվածություններին»։
10:18 - 26 ապրիլի, 2023
Պատգամավորը ԵՄ քաղաքականության փոփոխություն է ակնկալում ՀՀ-ում տեղակայված դիտորդների զեկույցների արդյունքում
 |armenpress.am|

Պատգամավորը ԵՄ քաղաքականության փոփոխություն է ակնկալում ՀՀ-ում տեղակայված դիտորդների զեկույցների արդյունքում |armenpress.am|

armenpress.am: ՀՀ ազգային ժողովի «Պատիվ ունեմ» խմբակցության ղեկավար Հայկ Մամիջանյանն ընդգծում է, որ ԵՄ քաղաքականության որոշումը պետք է իրագործվի Հայաստանում ԵՄ դիտորդական առաքելության տրված զեկույցների հիման վրա: Մամիջանյանն այս մասին ասաց խորհրդարանական ճեպազրույցում՝ անդրադառնալով նաև ԱԳ նախարար Արարատ Միրզոյանի հայտարարությանը, որ ապրիլի 11-ին ադրբեջանական ուժերի հերթական սադրանքի պահին Հայաստանում տեղակայված Եվրամիության քաղաքացիական առաքելության ներկայացուցիչները տեղում չեն եղել: «Որևէ մեկի մոտ տպավորություն թող չստեղծվի, թե ես դեմ եմ ԵՄ դիտորդական առաքելությանը, բացարձակապես ոչ, ես կողմ եմ ցանկացած միջազգային երաշխիքի, որը Հայաստանի Հանրապետության և Արցախի անվտանգության մակարդակը բարձրացնում է»,-ասաց Մամիջանյանը: Սակայն նա ընդգծեց, որ նախորդ անգամ ԵՄ՝ 2-ամսյա դիտորդական առաքելության ընթացքում եղել են 15-ից ավելի հրադադարի ռեժիմի խախտումներ: «Դրանց արտացոլումը կամ արձանագրումը մենք չենք տեսել որևէ հրապարակային փաստաթղթում: Դրա արդյունքում քաղաքականության փոփոխություն մենք չենք տեսել»,-ասաց պատգամավորը: Եվ հենց այդ պատճառով ՀՀ ԱԺ-ի և Եվրոպական խորհրդարանի միջխորհրդարանական ձևաչափի ընդունած հայտարարության մեջ Մամիջանյանի առաջարկով ներառվել է հետևյալ կետը, որ ԵՄ քաղաքականության որոշումը պետք է իրագործվի դիտորդական առաքելության տրված զեկույցների հիման վրա: «Եթե այդ զեկույցները հրապարակային չեն, ապա մենք առնվազն պետք է տեսնեինք, որ տիկին Ուրսուլա ֆոն դեր Լեյենն այլևս չի գովաբանի Ադրբեջանի իշխանություններին: Եվրոպական Միության որոշում կայացնողները, քաղաքական պաշտոնյաներն առնվազն իրենց բանավոր խոսքի և քաղաքականության մշակման մեջ կարտացոլեն այն փաստը, որ իրենց իսկ դիտորդական առաքելության արձանագրմամբ՝ ադրբեջանական կողմը, ինչպես նաև նախորդ 30 տարիների ընթացքում, հանդիսանում է ագրեսոր»,-նշեց Մամիջանյանը:
14:44 - 14 ապրիլի, 2023
Հայաստանում Շվեյցարիայի դեսպանը հյուրընկալվել է «Պատիվ ունեմ» խմբակցությունում

Հայաստանում Շվեյցարիայի դեսպանը հյուրընկալվել է «Պատիվ ունեմ» խմբակցությունում

ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանն ու խմբակցության անդամ Թագուհի Թովմասյանն ապրիլի 6-ին հանդիպել են ՀՀ-ում Շվեյցարիայի արտակարգ եւ լիազոր դեսպան Լուկաս Ռոզենկրանցի հետ: ԱԺ հաղորդագրության համաձայն՝ Հայկ Մամիջանյանը, ողջունելով դեսպանին, կարեւորել է հայ-շվեյցարական միջխորհրդարանական հարաբերությունների խորացումը, համագործակցությունը միջազգային հարթակներում: «Խմբակցության ղեկավարն անդրադարձել է Արցախում տիրող իրավիճակին, Լաչինի միջանցքի փակման հետեւանքով ստեղծված հումանիտար եւ անվտանգային խնդիրներին: Նշվել է, որ ադրբեջանական սադրանքներն ապացուցում են` Արցախը երբեւէ չի կարող լինել Ադրբեջանի կազմում: Լեռնային Ղարաբաղում ճգնաժամային իրավիճակը հանգուցալուծելու հարցում հայ խորհրդարանականները կարեւորել են միջազգային գործընկերների դերակատարությունը: Խոսելով արցախահայերի անվտանգային խնդիրների մասին` խմբակցության ղեկավարը համոզմունք է հայտնել, որ անվտանգության երաշխիք կարող է լինել բացառապես կարգավիճակի խնդրի լուծումը` Արցախի ժողովրդի ինքնորոշման իրավունքի իրացումը: «Պատիվ ունեմ» խմբակցության ներկայացուցիչներն անդրադարձել են նաեւ Հայաստանի ներքաղաքական խնդիրներին: Դեսպանը, շնորհակալություն հայտնելով ընդունելության համար, կարեւորել է նմանատիպ հանդիպումներն ընդդիմադիր գործընկերների հետ, որոնց ընթացքում հնարավորություն է լինում տեղեկանալու ներքաղաքական եւ տարածաշրջանային իրավիճակի վերաբերյալ նրանց տեսակետներին: Հանդիպմանն անդրադարձ է եղել ինչպես երկկողմ, այնպես էլ բազմակողմ համագործակցությանն առնչվող հարցերի»,- նշված է հաղորդագրության մեջ:
09:38 - 07 ապրիլի, 2023
Բաքու գնալն ուղղակի կնշանակի Արցախի եղած այս խախուտ սուբյեկտայնության վերացում․ Տիգրան Աբրահամյան
 |azatutyun.am|

Բաքու գնալն ուղղակի կնշանակի Արցախի եղած այս խախուտ սուբյեկտայնության վերացում․ Տիգրան Աբրահամյան |azatutyun.am|

azatutyun.am: Արցախի կողմից Բաքու գնալն ուղղակի կնշանակի Արցախի եղած այս խախուտ սուբյեկտայնության վերացում, նման կարծիք հայտնեց Ազգային ժողովի ընդդիմադիր «Պատիվ ունեմ» խմբակցության քարտուղար Տիգրան Աբրահամյանը՝ պատասխանելով հարցին՝ գուցե Ադրբեջանի կոշտ դիրքրոշման հակառակը Բաքվի հետ երկխոսություն սկսելն է: Ադրբեջանի գերակայության պայմաններում համարել, որ Արցախը կարող է գնալ և հավասարը հավասարի հետ նստել բանակցել, ըստ ընդդիմադիր պատգամավորի, պարզապես տրամաբանական չէ։ Աբրահամյանի հետ հարցազրույցից մի հատված ներկայացնում ենք ստորև․ «Ազատություն»․ - Պարոն Աբրահամյան, Ադրբեջանը կոշտացնում է դիրքորոշումը, և գուցե դրա հակառակը երկխոսությունը սկսե՞լն է․ արդեն երկրորդ անգամ են Բաքու հրավիրում արցախյան պատվիրակությանը։ Աբրահամյան․ - Արցախի կողմից Բաքու գնալն ուղղակի կնշանակի Արցախի եղած այս խախուտ սուբյեկտայնության վերացում։ «Ազատություն»․ - Թե՞ հակառակը՝ գնալու են կլոր սեղանի շուրջ նստեն որպես սուբյեկ բանակցեն, ո՞ւմ հետ են բանակցելու, Արցախի իշխանությունների։ Աբրահամյան․ - Եղած պայմաններում՝ Ադրբեջանի գերակայության պայմաններում, համարել, որ Արցախը կարող է գնալ և հավասարը հավասարի հետ նստել, բանակցել, պարզապես տրամաբանական չէ։ Ավելին՝ այն օրակարգը, որ Ադրբեջանն է առաջ քաշում, դա որևէ ձևով չի խոսում Արցախի սուբյեկտայնության մասին, որովհետև Ադրբեջանը պարզ լեզվով նաև Հայաստանի հետ բանակցություններում ասում է, որ «Արցախի հետ կա քննարկելու մեկ հարց, դա Արցախի ադրբեջանացումն է», այսինքն՝ ինտեգրացիա ասվածը, հենց Արցախի ադրբեջանացմանն է վերաբերում, և պարզորոշ ձևով նշվում է, որ Արցախի հետ կապված ցանկացած հարց պետք է լուծվի Ադրբեջանի Սահմանադրության շրջանակներում։ Հասկանալի է, որ Ադրբեջանը փորձում է Բաքվում մեծ շոու կազմակերպել և իր հայտարարությունները փորձելու է փաթաթել արցախյան պատվիրակության վզին, և այստեղ ես պատահական չեմ համարում, որ արցախցիներն ամեն գնով դիմադրում են և փորձում են թույլ չտալ որևէ ձևի հանդիպում կամ ֆորմատ, որը կարող է տեղի ունենալ Բաքվում։ «Ազատություն»․ - Ուղղակի հակառակի՝ որևէ միջազգային աջակցությունն էլ չկա, հայկական կողմը, Դուք տեսնում եք, չի ստանում այդպիսի աջակցություն, էլ չեմ ասում ինքնորոշման իրավունք և այլն, այսինքն՝ աստեղ փակուղի է մտնում գործընթացը։ Աբրահամյան․ - Մեկ բան է, որ Հայաստանը չի ստանում, կամ հայ ժողովուրդը չի ստանում հավաքական առումով, մեկ այլ բան է հարցադրումը՝ թե իսկ ի՞նչ է անում Հայաստանի իշխանությունը, որպեսզի այն, ինչ-որ ակնկալում ենք, որոշակի առումով բավարարվի։ Հարցազրույցն ամբողջությամբ՝ սկզբնաղբյուր կայքում
12:00 - 06 ապրիլի, 2023
Դատախազից պահանջելու ենք քրեաիրավական գնահատական՝ ՔՊ պատգամավորների հնչեցրած սպառնալիքների վերաբերյալ. Թագուհի Թովմասյան

Դատախազից պահանջելու ենք քրեաիրավական գնահատական՝ ՔՊ պատգամավորների հնչեցրած սպառնալիքների վերաբերյալ. Թագուհի Թովմասյան

Ընդդիմադիրները գրություն են ուղարկելու դատախազին երեկ ԱԺ մարդու իրավունքների պաշտպանության և հանրային հարցերի մշտական հանձնաժողովի նիստին տեղի ունեցածին քրեաիրավական գնահատական տալու համար։ Այս մասին հայտնեց հանձնաժողովի նախագահ Թագուհի Թովմասյանը՝ նշելով, որ կոնկրետ Արթուր Հովհաննիսյանի արարքներում կար հանցակազմ, և նա պետք է պատժվի։ Նա նշեց, որ երկրորդ քայլով միջազգային գործընկերներին է ուղարկելու նիստի սղագրությունը։ Իսկ Էթիկայի հանձնաժողովի հարցով դեռևս քննարկումներ կան, սակայն նպատակահարմարություն չկա, քանի որ Էթիկայի հանձնաժողովի ձևավորումը կախված է ՔՊ պատգամավորների քվեարկությունից։ Հիշեցնենք՝ երեկ ԱԺ մարդու իրավունքների պաշտպանության և հանրային հարցերի հանձնաժողովի նիստում քննարկվում էր ԱԺ-ին ՄԻՊ թեկնածու առաջարկելու հարցը։ Ընդդիմության միասնական թեկնածուն Էդգար Ղազարյանն էր, իսկ ՔՊ առաջադրած թեկնածուն ՀՀ գլխավոր դատախազի տեղակալ Անահիտ Մանասյանը։ Էդգար Ղազարյանն իր ելույթի ժամանակ քննադատում էր իշխանությանը՝ նրանց անվանելով «հանցավոր ռեժիմ», «խուլիգանական խմբակ», ինչի հետևանքով նիստին ներկա ՔՊ պատգամավորները աղմուկ էին բարձրացնում ու կոչ անում Թագուհի Թովմասյանին թույլ չտալու նման արտահայտություններ անել։ Վերջինս միայն իշխանական պատգամավորների խոսքերից հետո, Ղազարյանին դիմելով, կոչ էր անում որակավորումներ չտալու։ Ղազարյանի եզարափակիչ ելույթի ժամանակ ՔՊ պատգամավորները դուրս եկան նիստերի սենյակից ու վերադարձան ելույթների ժամանակ։ Այնուհետև ՔՊ-ն առաջադրեց Անահիտ Մանասյանի թեկնածությունը ՄԻՊ պաշտոնում առաջարկելու համար, ինչը դրական եզրակացություն ստացավ։ Էդգար Ղազարյանի թեկնածության կողմ քվեարկեց միայն Թագուհի Թովմասյանը։ Ընդդիմադիր այլ պատգամավոր նիստին ներկա չէր։
13:28 - 05 ապրիլի, 2023