Հայաստան

Կորոնավիրուսի շուրջ զարգացումներ, Հայաստան, 12․06․20 (թարմացվող)

22:05- Հունիսի 12-ի դրությամբ Գեղարքունիքի մարզում հաստատվել է կորոնավիրուսային հիվանդության 26 նոր դեպք, եւս 12 հոգի առողջացել է, արձանագրվել մահվան 1 նոր դեպք։ Մահվան դեպքի վերաբերյալ հայտնում ենք, որ պացիենտը եղել է 69 տարեկան կին: Ունեցել է ուղեկցող քրոնիկական հիվանդություններ: [Գնել Սանոսյան]20։45- ԱՀ նախագահ Արայիկ Հարությունյանը ստորագրել է կարգադրություն, որի համաձայն՝ հանրապետության բժշկական հաստատությունների և առողջապահության ոլորտի այլ պատասխանատուների ընդգրկմամբ նախագահին առընթեր ստեղծվել է մասնագիտական աշխատանքային խումբ՝ հանրապետությունում կորոնավիրուսային հիվանդության համաճարակի դեմ պայքարում ծագած խնդրահարույց հարցերը քննարկելու և նախագահին առաջարկություններ ներկայացնելու նպատակով: 20։36- Իմ անկեղծ կարծիքով՝ այս իշխանությունը ընդհանրապես մտահոգվելու խնդիր չունի, որ երկրում կարող են լինել բողոքի ակցիաներ: Հետևաբար բոլոր այն հիմնավորումները, որ այս արտակարգ ռեժիմը պահպանվում է, որ բողոքի ակցիաներ չլինեն, ես այդ գծի մեջ չեմ և այդպես չեմ կարծում: Մտահոգությունը առողջությունն է. եկե՛ք պայմաններ սահմանենք, մտածենք, թե նրանք ինչ ձևով կարող են իրենց բողոքի ձայնը հնչեցնել։ [Էդմոն Մարուքյան] |hetq.am| 20։18- Կորոնավիրուսի հետ կապված` հունիսի 15-ից ժամանակավորապես չի գործելու Երևանի Նոր Նորք վարչական շրջանի Մոլդովական 41/3 հասցեում տեղակայված ՊԵԿ հարկ վճարողների սպասարկման վարչության սպասարկման թիվ 5 բաժինը: ՊԵԿ հարկ վճարողների սպասարկման վարչությունում գործում է «մեկ պատուհան» սկզբունքը, և հարկ վճարողներն, անկախ հաշվառման վայրից, կարող են դիմել հարկային մարմնի սպասարկման ցանկացած բաժին։ [ՊԵԿ] 20։07- ԿԳՄՍՆ-ն կորոնավիրուսային հիվանդության տարածման պատճառով վատ վիճակում հայտնված անհատ ստեղծագործողներին աջակցելու նպատակով քննարկում է մասնագիտական աջակցման տարբեր ծրագրեր ու ձևաչափեր մշակելու հարցը՝ խորհրդակցելով անկախ արվեստագետների, ստեղծագործողների համայնքի հետ: Այս մասին հայտնեց ԿԳՄՍ նախարարի տեղակալ Արա Խզմալյանը: |armenpress.am| 20։03- Կառավարության՝ արտակարգ դրությունը երկարաձգելու մասին որոշման համաձայն՝ Հարկադիր կատարումն ապահովող ծառայությունն արգելանք և բռնագանձում չի կիրառի նաև ֆիզիկական կամ իրավաբանական անձանց կողմից քաղաքացիներին որպես աջակցություն տրամադրված դրամական միջոցների նկատմամբ: Աջակցություն են համարվելու այն դրամական միջոցները, որոնք տրամադրվել են 2020 թ․ մարտի 16-ից հետո անհատույց կերպով՝ կորոնավիրուսի հետևանքով սոցիալական խնդիրների առաջացումը կանխարգելելու կամ կորոնավիրուսի հետևանքները չեզոքացնելու համար: 19։04- Արագածոտնի մարզպետարանի աշխատակազմում կորոնավիրուսով վարակվել է 6 անձ, որոնցից մեկը վարչության պետ է, մեկը՝ բաժնի պետ, իսկ մյուսները՝ մասնագետ: Վարակվածներից 2-ն ամբողջությամբ ապաքինվել են և վերադարձել աշխատանքի, իսկ մյուս 4 աշխատակիցները, թեև ապաքինվել են, սական մի քանի օր կինքնամեկուսանան, որպեսզի իսպառ չեզոքացնեն վարակելու հավանականությունը: |hetq.am| 19։02- Այսօր հանրապետության ողջ տարածքում կասեցվել է գրեթե հինգ տասնյակ կազմակերպությունների գործունեությունը: Դրանցից երկուսինը՝ 72 ժամով։ Մեկում անտեսել են ՀՀ պարետի՝ 24 ժամով կասեցվելու որոշումը և շարունակել են աշխատել, մյուսում հաճախորդներին առաջարկել և տրամադրել են նարգիլե, ինչն արգելված է: [ՍԱՏՄ] 17։29- Առաջիկա օրերին Սերբիայից Հայաստան կժամանի երկու օդանավ՝ ամբողջությամբ բեռնված մեծաքանակ բժշկական պարագաներով ու սարքավորումներով: Կբերվեն արհեստական շնչառության 10 սարք, հիվանդի վիճակը վերահսկող 10 մոնիտոր, 500 հազար վիրահատական և 100 հազար շնչառական դիմակ, 25 հազար պաշտպանիչ ակնոց, 25 հազար բժշկական պաշտպանիչ հանդերձանք և այլ անհրաժեշտ պարագաներ: Նախագահ Սարգսյանի նախաձեռնած և Սերբիայի նախագահի աջակցությամբ կազմակերպված՝ ՀՀ-ին ցուցաբերվող սերբական օգնության ընդհանուր արժեքը կկազմի մոտ 1 մլն դոլար: 16։05- Աշխատանքային այցով եղա Չարենցավանի բժշկական կենտրոնում։ Ի պատիվ Չարենցավանի ԲԿ-ի բուժանձնակազմի, ուրախությամբ կարող եմ ասել, որ ոչ միայն հաջողվել է տեղայնացնել կորոնավիրուսի վարակման հիմնական օջախներից մեկն, այլև մարել ու դեպքերի անկում գրանցել: [Կոտայքի մարզպետ] 15։08- Մեր ընկալումը շարունակում է լինել այն, որ կորոնավիրուսվ հիվանդները պետք է տարանջատվեն մյուս հիվանդներից ու հիվանդանոցներից: Նոր հիվանդանոցներ ներգրավելիս պետք է շատ զգույշ ընտրություն կատարել, քանի որ հիվանդանոցներում կան այլ հիվանդություններով գտնվող մարդիկ, պետք է ամեն ինչ անել այդ մարդկանց ևս պաշտպանելու համար: Կարող է գալ պահ, երբ այդ սկզբունքն այլևս չգործի՝ կապված կարիքների և անհրաժեշտությունների հետ։ [Նիկոլ Փաշինյան] |armenpress.am| 13։46- Այս ընթացքում պատվաստանյութ հայտնաբերելու ուղղությամբ աշխատանքներ են տարվում, տեսականորեն այն կարող է ստեղծվել երեք ամիս անց կամ առաջիկա երեք տարիներին, հետևաբար այստեղ էլ մենք պետք է առաջնորդվենք` հույս ունեցիր լավագույնի, բայց պատրաստվիր վատթարագույն սցենարին։ [Նիկոլ Փաշինյանը՝ ԱԺ հատուկ նիստի ժամանակ] |hetq.am| 13։10- Հանրային վայրերում անընդհատ դիմակ կրելը թթվածնային քաղցի չի hանգեցնում․ դա միֆ է։ Արտերկրից բժշկական անձնակազմերի պլանավորված այցեր ունենք: Ֆրանսիայից ունենք 10 բժշկի այց վաղը հատուկ չվերթով: Լիտվայի բժիշկները մյուս շաբաթ կայցելեն: Կան նաև Ռուսաստանից ցանկություն հայտնած բժիշկներ՝ մոտ 50 հոգի։ Պետք է տխրեցնեմ բոլորին. բոլոր սուր շնչառական վարակներն աշնանն ակտիվանում են: Մեզ մոտ դա նոյեմբեր ամսին է տեղի ունենում։ Եթե դիմակները կրվեն ճիշտ և կրվեն միայն ճիշտ դիմակներ, ապա 7 օր հետո թվերի էական անկում կլինի: Ճիշտ դիմակը եռաշերտ և ջուր չթափանցող բժշկական դիմակն է։ [Արսեն Թորոսյան] 12։30- Ըստ նախնական գնահատականների 15․000 դեպքի պետք է հասած լինեինք ամսի 9-ին, բայց մենք հասել ենք ամսի 12-ին, ինչը լավ է, բայց մեծ թիվ է։ Մենք հզորությունները զարգացնելուն զուգընթաց պետք է նաև ծանր և ծայրահեղ ծանր անձանց թվին շատ ուշադրություն դարձնենք։ Ամբողջ առողջապահական համակարգն ի սկզբանե ներգրավված է եղել այս գործընթացում՝ հատուկ սկզբունքներին համապատասխան: Այս սկզբունքները միշտ լինելու են: Այո, լինելու են բժշկական կենտրոններ, որ պետք է հեռու մնան կորոնավիրուսից՝ կենտրոնական որոշումների շնորհիվ:[Արսեն Թորոսյան] 12:20- Արտակարգ դրության պայմաններում պարետի որոշումների պահանջները չկատարելու կապակցությամբ ՀՀ քաղաքացիների կողմից ոստիկանների օրինական պահանջներին չենթարկվելու և նրանց նկատմամբ բռնություն գործադրելու դեպքերի առթիվ ՔԿ-ում քննվում են քրեական գործեր: Երկու անձ ունի մեղադրյալի դատավարական կարգավիճակ, նրանց նկատմամբ որպես խափանման միջոց կիրառվել է գրավ։ Քաղաքացիներին հորդորում ենք հետամուտ լինել արտակարգ դրության պայմաններում պարետի որոշումների պահանջների և կանոնների պատշաճ կատարամանը։ [ՔԿ] 12:12- Լոռու մարզում մինչ այսօր կորոնավիրուսով վարակվածության ընդհանուր դեպքերի թիվը 337 է, որոնցից 72-ն արդեն առողջացել է: Արձանագրված մահվան դեպքերի ընդհանուր թիվը՝4: Ներկա պահին բուժման մեջ է գտնվում 261 քաղաքացի, որոնցից 34-ը հոսպիտալացված են, իսկ 227-ը գտնվում են տանը՝ թաղամասային բժիշկների հսկողության տակ: Ինքնամեկուսացման մեջ է գտնվում 3453 քաղաքացի: [Լոռու մարզպետ Անդրեյ Ղուկասյան] 11:54- Տարբեր վարչական շրջաններում իրականացվում են հատուկ միջոցառումներ՝ ապահովելով Պարետի որոշումների պահանջների կատարման նկատմամբ արդյունավետ հսկողություն։ Արտակարգ դրության իրավական ռեժիմի կանոնները խախտելու փաստերով մինչ օրս կազմվել է 30316 արձանագրություն, իսկ հունիսի 11-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 1403 դեպք։ Այսօր արտակարգ ռեժիմով ստուգայցեր են իրականացվում Նոր Նորք վարչական շրջանում։ [Ոստիկանություն] 11:46- Արցախի Հանրապետության պարետ, պետական նախարար Գրիգորի Մարտիրոսյանը հունիսի 12-ին ստորագրել է նոր որոշում, համաձայն որի վերացվել են Արցախի Հանրապետության Շահումյանի շրջանում կիրառվող ժամանակավոր սահմանափակումները: [Արցախ/տեղկատվական շտաբ] 11:38- Կառավարությունն արտահերթ նիստի ժամանակ կողմ քվեարկեց արտակարգ դրության ռեժիմը երկարաձգելու մասին նախագծին։ 11:32- Մենք նկատում ենք, որ եթե երկու օր պոզիտիվ ցուցանիշներ են լինում, դրան զուգահեռ կտրուկ նվազում է հակահամաճարակային կանոնների պահպանման մակարդակը։ Սա մեր ամենամեծ պրոբլեմն է։ Ես կրկին ուզում եմ արձանագրել, որ այս իրավիճակը ուղիղ կապ ունի մեր հանրային, համընդհանուր վարքագծի հետ։ Հատուկ կարևորություն է ստանում արձանագրել և տեղորոշելը էն դեպքերը, էն շրջանակներին, որոնք մարդկանց շրջանում տարածում են, որ հիվանդություն չկա սա սուտ է և այլն։ Պետք է լուրջ զբաղվելու մեխանիզմներ գտնենք և կարողանանք նաև տեղորոշել այդ մարդկանց, հասկանալ նրանց նպատակը։ [Նիկոլ Փաշինյան] 11:08- Այս պահին 7000 քաղաքացիներ բուժումը ստանում են տանը, իսկ 1800 քաղաքացի գտնվում են հիվանդանոցային հսկողության տակ, որոնցից 425-ը ծանր վիճակում է, 100 հոգի ծայրահեղ ծանր վիճակում է, իսկ 23 հոգի միացված է թոքերի արհեստական օդափոխման սարքերի։ [Առողջապահության նախարարի տեղակալ Անահիտ Ավանեսյան] 10:56- Մահվան դեպքերի վերաբերյալ հայտնում ենք, որ պացիենտները եղել են 61 (կին), 85 (տղամարդ), 73 (տղամարդ), 74(տղամարդ), 55(տղամարդ), 69(կին), 83(տղամարդ), 59 (կին), 71 (տղամարդ), 84 (տղամարդ), 76 (տղամարդ), 59 (տղամարդ) և 60 (կին) տարեկան: Բոլորն ունեցել են ուղեկցող քրոնիկական հիվանդություններ։ [ԱՆ] 10:55- Հունիսի 12-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 15281 դեպք, որոնցից 5639-ն` առողջացած, 258-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 9298 պացիենտ: Ընդհանուր առմամբ կատարվել է 77686 թեստավորում: Այսպիսով` ունենք կորոնավիրուսային հիվանդությամբ հաստատված 612 նոր դեպք և 173 առողջացած։ 09։25- Հունիսի 8-ին ոստիկանության ծառայողները զեկուցագիր են ներկայացրել այն մասին, որ պարետի ցուցումի համաձայն՝ Երևանի քաղաքապետարանի աշխատակիցների հետ ստուգայց են կատարել Երևան քաղաքի Աբովյան փողոցում գործող ակումբ՝ աշխատանքը դադարեցնելու համար, որտեղ ակումբի մի շարք հաճախորդներ խոչընդոտել են իրենց աշխատանքին, իրենց հասցեին հայհոյանքներ են հնչեցրել, բռնություն են գործադրել ՊՊԾ գնդի ջոկի հրամանատարի նկատմամբ: Հարուցվել է քրեական գործ՝ ՀՀ քրեական օրենսգրքի 258-րդ հոդվածի (խուլիգանություն) 1-ին մասով և 316-րդ հոդվածի (իշխանության ներկայացուցչի նկատմամբ բռնություն գործադրելը) 1-ին մասով: [ՔԿ] Նորություններ կորոնավիրուսի մասին, աշխարհ, 12․06․20 Կորոնավիրուսի շուրջ զարգացումներ, Հայաստան, 11․06․20

22:07 - 12 հունիսի, 2020

Կորոնավիրուսի շուրջ զարգացումներ, Հայաստան, 11․06․20 (թարմացվող)

20:37- Գյումրու ինֆեկցիոն հիվանդանոցում կորոնավիրուսով 68 հիվանդ է բուժվում, 45-ը Շիրակի մարզի բնակիչ է։ Կորոնավիրուսից առողջացել և հիվանդանոցից մինչ օրս դուրս է գրվել Շիրակի մարզի 201 բնակիչ։ Մարզում տնային ինքնամեկուսացման ցուցում ունի 758 քաղաքացի, նրանցից 118-ի մոտ դրական ախտորոշում կա՝ հիվանդության անախտանիշ ընթացքով։ 28 հիվանդ տեղափոխվել է մայրաքաղաք: Արձանագրվել է մահվան 10 դեպք։ [մարզպետարան]20:17- Հունիսի 11-ի դրությամբ Գեղարքունիքի մարզում հաստատվել է կորոնավիրուսային հիվանդության 23 նոր դեպք, եւս 8 հոգի առողջացել է։ [Գնել Սանոսյան]20:12- Շուշիում կորոնավիրուսով հիվանդի նկատմամբ համապատասխան վերաբերմունքի բացակայության մասին պնդումները չափազանցված են և չեն համապատասխանում իրականությանը: Քաղաքացին մեկուսացված էր հյուրանոցներից մեկում, սակայն ցանկացել էր տեղափոխվել հիվանդանոց, ինչն արվել է։ Նա այստեղ էլ դժգոհել է պայմաններից, վերաբերմունքից, պնդել՝ իրեն նորից տեղափոխեն հյուրանոց, սակայն մինչ ԱՆ մասնագետները կկատարեին պահանջը, 1 ժամում նոր պայման է առաջադրել՝ տեղափոխել Ստեփանակերտի ԲԿ։ Այդ ընթացքում պացիենտին անձամբ զննել է տեղամասային հիվանդանոցի գլխավոր բժիշկը։ Նախարարությունը կրկին ընդառաջելով քաղաքացուն՝ որոշել է նրան վաղը տեղափոխել Ստեփանակերտի ԲԿ՝ հաշվի առնելով հիվանդանոցի այս պահին առկա ծանրաբեռնվածությունը։ [Արցախ/Տեղեկատվական շտաբ]21:22- Չէի ուզենա վարակիչ հիվանդության դեմ պայքարը այս տրամաբանության մեջ ներկայացնել, բայց բոլորս ի վերջո պետք է ընտրենք, թե այս շրջափուլում ինչն է մեզ համար ավելի կարևոր և թանկ. Մեր սեփական երեխայի հարսանիքը, թե մեր սեփական ծնողի կյանքը...Մեր ընկերոջ երեխայի կնունքի խնջույքին մասնակցելը, թե մեր ծնողների կյանքը...Մեր գործընկերոջ ծննդյան արարողությանը մասնակցելը, թե մեր ծնողների կյանքը...Մեր երեխաներին մանկական սրճարան տանելը նրանց ընկերների ծննդյան ցերեկույթին, թե հենց նրանց առողջությունը...Եկել է կողմնորոշվելու ժամանակը... [Արսեն Թորոսյան]19:25- Պարետի կողմից սահմանված նորմերի խախտման դեպքերով հունիսի 10-ի դրությամբ կայացվել է 2547 կազմակերպության գործունեության դադարեցման որոշում: Նույն օրվա դրությամբ իրականացվել է 26 196 ստուգում, որից միայն 650-ը՝ նշված օրը:17։56- ԱԱՏՄ աշխատանքային խմբերը ժամանակավորապես կասեցրել են տասնյակ տնտեսվարողների գործունեությունը մայրաքաղաքում և մարզերում։ Դրանց թվում են կարի խոշոր արտադրություններ Գյումրիում և Արթիկում, լաբորատորիաների, դեղատների, սուպերմարկետների խոշոր ցանցերի մասնաճյուղեր։ Գյումրիի կարի 2 արտադրության աշխատանքը կասեցվել է միանգամից 72 ժամով։ Հաճախ նկատվող խախտումներից են շարունակում մնալ դիմակների թերի կրումը, սոցիալական հեռավորության չպահպանումը, ջերմաչափման և ախտահանման աշխատանքների իրականացումն ու գրանցումը։ [ԱԱՏՄ] 17։36- Արտակարգ դրության հաստատման առաջին օրերից երկու երկրի ղեկավարները, ինչպես նաև առողջապահական համակարգի պատասխանատուները մշտապես կապի մեջ են միմյանց հետ։ Վիրուսի դեմ պայքարի ամենավաղ փուլերում մեր պրոֆիլային գերատեսչությունները հայ գործընկերներին են փոխանցել 1500 թեստ՝ վարակի հայտնաբերման համար։ Հետագայում ևս 2 անգամ Հայաստանի առողջապահության նախարարությանը տրամադրվել է թեստավորման 20 հազարական փաթեթ։ [ՀՀ-ում ՌԴ արտակարգ և լիազոր դեսպան Սերգեյ Կոպիրկին] |armenpress.am| 17։02- Ավարտվել է կորոնավիրուսի տնտեսական հետևանքների չեզոքացման 18-րդ միջոցառումը։ Հունիսի 11-ի դրությամբ աջակցությունը ստանալու դիմում են ներկայացրել 11 708-ը կամ շահառու համարված սուբյեկտների շուրջ 96 %-ը: Դիմումներին ընթացք է տրվել ,և փոխանցվել է շուրջ 2.1 մլրդ դրամ: [ՊԵԿ] 15։24- Մամուլը գրեց, որ «Նորք» ԻԿՀ-ն Ռուսաստանից ժամանած արցախաբնակ ՀՀ քաղաքացուն ուղեգրել է մեկուսանալու Շուշիի հիվանդանոցում՝ ուղեգրում նշելով մեկուսացման հասցե՝ Ադրբեջան, Շուշի քաղաք։ ԻԿՀ-ի տնօրենը փոխանցեց, որ ուղեգիրը հիվանդանոցը չի տրամադրել։ Հայաստան ժամանած ուղևորներին անմիջապես «Զվարթնոց» օդանավակայանից տեղափոխում են մեկուսացման վայրեր, ուղեգրումն իրականացվում է օդանավակայանում։ Համակարգը, որով ուղեգրման ժամանակ կատարվում է քարտեզագրումը, օգտվում է «Yandex Map» քարտեզներից, որն էլ համապատասխան կորդինատի ընտրման արդյունքում նշել է խնդրահարույց հասցեն։ |infocheck.am| 14։49- 2 օրով կասեցվել է Մալաթիա-Սեբաստիա վարչական շրջանի թիվ 90 և 94 մանկապարտեզների և Արաբկիր վարչական շրջանի թիվ 25 մանկապարտեզի գործունեությունը: Մանկապարտեզներում հայտնաբերվել են հակահամաճարակային կանոնների պահպանման մի շարք խախտումներ․ երեք մանկապարտեզներն էլ ապահովված չեն եղել հոսող տաք ջրով, արձանագրվել է սպասքի լվացման հաստատված կանոնների պահպանման թերացում, մանկապարտեզներից մեկում խմբերի սանհանգույցներում աղբամաններ չեն եղել: [Հայկական միասնական տեղեկատվական կենտրոն] 14։42- Արցախի Հանրապետությունում 2020 թվականի ապրիլի 12-ին հայտարարված և մինչև հունիսի 11-ը երկարաձգված արտակարգ իրավիճակի ժամկետը երկարաձգվել է 30 օրով` 2020 թվականի հունիսի 11-ից, ժամը 22:00-ից մինչև 2020 թվականի հուլիսի 11-ը, ժամը 22:00-ը ներառյալ։ [Արցախի Հանրապետության նախագահի աշխատակազմի տեղեկատվության գլխավոր վարչություն] 14։03- Արտաքին գործերի նախարարությունում կորոնավիրուսով վարակված երկու աշխատակից կա: ԱԺ-ում լրագրողների հետ զրույցում ասաց ԱԳ նախարար Զոհրաբ Մնացականյանը: Վարակված աշխատակիցները մեկուսացված են: |armenpress.am| 13։48- ԱՀ Պարետ, պետական նախարար Գրիգորի Մարտիրոսյան որոշմամբ հատուկ ռեժիմ է սահմանվում Հադրութի շրջանի Հարթաշեն, Քյուրաթաղ, Ակնաղբյուր, Ուխտաձոր համայնքներում: Համայնքների վարչական սահմաններ մուտք գործելու և ելք կատարելու սահմանափակումները կիրառվելու են հունիսի 11-ին՝ ժամը 14-ից սկսած: Հատուկ ռեժիմ կիրառելու անհրաժեշտությունը ծագել է կորոնավիրուսով հիվանդ Ստեփանակերտի բնակչի շփման շրջանակը պարզելու արդյունքում: Վարակված անձը համայնքերից մեկում մասնակցել էր սգո արարողության: [Արցախ/տեղեկատվական շտաբ] 13։42- Նորքի տուն-ինտերնատի՝ կորոնավիրուսով վարակված տարեցների մեծ մասն ապաքինվել և դուրս են գրվել հիվանդանոցից, միայն 4 տարեց դեռ հիվանդանոցում է, նրանց թեստերի պատասխանը դեռ չի ստացվել։ Այս տեղեկացրեց աշխատանքի և սոցիալական հարցերի նախարարի մամուլի խոսնակ Սոնա Մարտիրոսյանը: Տտուն-ինտերնատի՝ կորոնավիրուսով վարակված աշխատակիցները ևս ապաքինվել են, արդեն վերադարձել են տուն, որոշ ժամանակ անց կսկսեն աշխատել։ |24news.am| 13։39- Հունիսի 11-ի դրությամբ Գյումրու ինֆեկցիոն հիվանդանոցում կորոնավիրուսով 68 հիվանդ է բուժվում, 45-ը Շիրակի մարզի բնակիչ է։ Կորոնավիրուսից առողջացել է գրվել Շիրակի մարզի 201 բնակիչ։ Շիրակի մարզում այս պահին տնային ինքնամեկուսացման ցուցում ունի 758 քաղաքացի, նրանցից 118-ի մոտ դրական ախտորոշում կա՝ հիվանդության անախտանիշ ընթացքով։ Արձանագրվել է մահվան 10 դեպք։ [Շիրակի մարզպետարան] 12։10- Պետք է արձանագրել, որ մեր ռազմավարութունը հետևյալն է. անընդհատ խստացնել և ապահովվել հակահամաճարակային կանոնների պահպանումը, և դա ենք դիտում որպես կորոնավիրուսի համավարակի թվերի անկման հիմնական միջոց: Ընդ որում, ուզում են ընդգծել, որ այսօրվա մեր ՝ ենթադրենք 100 տոկոսանոց կարգապահությունն իր կոնկրետ թվերով արտահայտվելու է ամենաշուտը մեկ շաբաթ հետո: Շատ կարևոր է , որ մեր սիրելի հայրենակիցները շատ լուրջ վերաբեվեն խնդրի։ Այս խնդիրը հնարավոր է լուծել կառավարության և քաղաքացիների զանգվածային համագործակցության շնորհիվ։ [Նիկոլ Փաշինյան] 12։01- Վրաստանի վարչապետ Գիորգի Գախարիան անդրադարձել է ՀՀ-ին կորոնավիրուսի դեմ պայքարում օգնություն ցուցաբերելու հարցին։ Վրաստանի առողջապահության նախարարությունն աշխատում է հարցի շուրջ. Հայաստանին կօգնեն բուժանձնակազմով: Գախարիայի խոսքով՝ Հայաստանի հետ ամենօրյա շփման ռեժիմում են Վրաստանի առողջապահության, ատաքին գործերի, տնտեսության նախարարները: |aliq.ge| 11։25- Արվել է 2233 թեստ, նախորդ օրվա 1751-ի փոխարեն։ Դրական նոր թեստերի տոկոսը ընդհանուր թեստերի մեջ գրեթե նույնն է ՝25 տոկոս, նախորդ օրվա 24 տոկոսի համեմատ։ Ունենք 500 հոգի ծայրահեղ ծանր և ծանր վիճակում գտնվող քաղաքացիներ, սակայն մեծ վերակենդանացման բաժանմունքներում ազատ տեղեր եղել են այդպիսի կարիք ունեցող պացիենտներին տեղավորելու համար։ Ընդհանուր գնահատականն այն է, որ իրավիճակը շարունակում է մնալ լարված, սակայն հզորությունների զարգացմանը զուգընթաց, այդ լարվածությունը կոմպենսացվում է։[ Արսեն Թորոսյան] 11։17- ԱՀ-ում կորոնավիրուսի վարակը հաստատվել է ևս 4 քաղաքացու մոտ: Վարակակիրների շփման շրջանակները պարզելու ուղղությամբ աշխատանքներ են տարվում: Մեկուսացված է 79 քաղաքացի: Հիվանդությունն, ընդհանուր առմամբ, հաղթարել է 43 քաղաքացի: Վարակավածների ընդհանուր թիվը 68 է։ [Արցախ/տեղեկատվական շտաբ] 11։02- Մահվան դեպքերի վերաբերյալ հայտնում ենք, որ պացիենտները եղել են 78 (տղամարդ), 76 (կին), 86 (տղամարդ), 83 (կին), 71 (տղամարդ), 67 (տղամարդ), 64 (տղամարդ), 71 (տղամարդ), 78 (կին), 67 (տղամարդ), 74 (տղամարդ), 86 (տղամարդ), 69 (տղամարդ), 58 (տղամարդ), 66 (կին), 81 (տղամարդ), 73 (տղամարդ), 60 (տղամարդ) տարեկան: Բոլորն ունեցել են ուղեկցող քրոնիկական հիվանդություններ։ [ԱՆ] 10։56- Հունիսի 11-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 14669 դեպք, որոնցից 5446-ն` առողջացած, 245-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 8876 պացիենտ: Ընդհանուր առմամբ կատարվել է 75389 թեստավորում: Այսպիսով` ունենք կորոնավիրուսային հիվանդությամբ հաստատված 566 նոր դեպք և 240 առողջացած։ 10։07- Երևանի քաղաքապետարանի ենթակայության պոլիկլինիկական բուժհաստատություններում հաշվառված 380 քաղաքացու կատարվել է ռենտգեն հետազոտություն: Covid-19 վարակով կասկածելի 417 պացիենտներին կատարվել է նմուշառում: Քաղաքապետարանի ենթակայության շտապ օգնության ծառայությամբ բազմապրոֆիլ հիվանդանոցներ է տեղխափոխվել Covid-19 վարակով հաստատված 92 քաղաքացի: Պոլիկլինիկական բուժհաստատությունների կողմից հսկվում է Covid-19 վարակով հաստատված 1187 պացիենտ, որոնց մոտ հիվանդությունը ընթանում է թեթև ընթացքով: [Երևանի քաղաքապետարանի առողջապահության վարչություն] 09։52- Առողջապահության նախարար Արսեն Թորոսյանը հեռախոսազրույց է ունեցել Վրաստանի առողջապահության նախարար Եկատերինե Տիկարաձեի հետ: Քննարկվել են բուժական և հակահամաճարակային միջոցառումներին առնչվող հարցեր: Գործընկերները պայմանավորվել են ստեղծել փորձի փոխանակման մշտական հարթակ։ Պայմանավորվածություն է ձեռք բերվել առաջին նմանատիպ քննարկումն իրականացնել տեսակապի ձևաչափով: [ԱՆ] 09։11- Հունիսի 10-ին Կրասնոդար և Միներալնիյե Վոդի քաղաքների միջազգային օդանավակայաններից Հայաստան է վերադարձել 240 քաղաքացի։ [Դոնի Ռոստովում ՀՀ գլխավոր հյուպատոսություն] Կորոնավիրուսի շուրջ զարգացումներ, Հայաստան, 12․06․20 Նորություններ կորոնավիրուսի մասին, աշխարհ, 11․06․20 Կորոնավիրուսի շուրջ զարգացումներ, Հայաստան, 10․06․20

22:41 - 11 հունիսի, 2020