ՄԱԿ

Միավորված Ազգերի Կազմակերպությունը միջկառավարական կազմակերպություն է, որի առաջադրանքն է պահպանել միջազգային խաղաղություն ու անվտանգություն, ազգերի միջև զարգացնել բարեկամական հարաբերություններ, հասնել միջազգային համագործակցության և ազգերի միջև գործողությունների ներդաշնակման կենտրոնում լինել: Ստեղծվել է 1945 թվականի հոկտեմբերի 24-ին։ Ներառում է 193 երկիր։

ՄԱԿ-ն ունի 6 հիմնական կառույց՝ Գլխավոր ասամբլեան, Անվտանգության խորհուրդը, Սոցիալ-տնտեսական խորհուրդը, Խնամակալության խորհուրդը, Արդարադատության միջազգային դատարանը և ՄԱԿ-ի քարտուղարությունը: ՄԱԿ-ի համակարգային գործակալությունները ընդգրկում են Համաշխարհային բանկի խումբը, Առողջապահության համաշխարհային կազմակերպությունը, Պարենի համաշխարհային ծրագիրը, ՅՈՒՆԵՍԿՕ-ն և ՅՈՒՆԻՍԵՖ-ը:

ՄԱԿ-ի ամենահայտնի պաշտոնյան գլխավոր քարտուղարն է. 2017 թվականի հունվարի 1-ից յադ պաշտոնը զբաղեցնում է պորտուգալացի քաղաքական գործիչ և դիվանագետ Անտոնիո Գուտիերեշը: ՄԱԿ-ի գլխամասային գրասենյակները գտնվում են Մանհեթեն և Նյու Յորք քաղաքներում ու համարվում են արտաօրենսդրական: Մյուս գլխավոր գրասենյակները տեղակայված են Ժնևում, Նայրոբիում և Վիեննայում:

Ադրբեջանը դատարանի իրավական պարտադիր որոշումներին ենթարկվելու փոխարեն զբաղված է դրանց տարամեկնաբանմամբ. ՄԱԿ-ում ՀՀ ներկայացուցիչ

Ադրբեջանը դատարանի իրավական պարտադիր որոշումներին ենթարկվելու փոխարեն զբաղված է դրանց տարամեկնաբանմամբ. ՄԱԿ-ում ՀՀ ներկայացուցիչ

Նոյեմբերի 7-ին ՄԱԿ-ի Գլխավոր ասամբլեայում կայացած Արդարադատության միջազգային դատարանի զեկույցին նվիրված հանդիպմանը ելույթ է ունեցել ՄԱԿ-ում Հայաստանի մշտական ներկայացուցիչ Մհեր Մարգարյանը։ Այս մասին հայտնում են ՄԱԿ-ում ՀՀ մշտական ներկայացուցչությունից: Դեսպան Մարգարյանը շեշտել է միջազգային իրավունքի առանցքային դերը խաղաղության սպառնալիքներին դիմակայելու գործում՝ այս համատեքստում հիշատակելով Արդարադատության միջազգային դատարանում Ռասայական խտրականության բոլոր ձևերի վերացման մասին կոնվենցիայի ներքո Ադրբեջանի դեմ Հայաստանի կողմից ներկայացրած հայցը։ Անդրադառնալով Արդարադատության միջազգային դատարանի կողմից ընդունված մի շարք միջանկյալ միջոցներին՝ ՀՀ մշտական ներկայացուցչի կողմից ընդգծվել է, որ Ադրբեջանը դատարանի իրավական պարտադիր որոշումներին ենթարկվելու փոխարեն զբաղված է դրանց տարամեկնաբանմամբ՝ շարունակելով չկատարել իր պարտավորությունները։ Նշվել է, որ ՄԱԿ և Անվտանգության խորհրդի անդամներին արդեն իսկ պետք է պարզ լինի Ադրբեջանի կեցվածքը՝ որպես արդարադատության և օրենքի գերակայության պարբերաբար ոտնահարող երկիր, ինչի վառ դրսևորվումն է նաև շրջափակված ԼՂ բնակչության դեմ սեպտեմբերի 19-ին իրականացված լայնածավալ ռազմական հարձակումը։ Այդ առնչությամբ նշվել է, որ Հայաստանը դիմել է Դատարանին՝ հայցելով միջանկյալ միջոցներ կիրառել, որպեսզի հնարավոր լինի ապահովել ԼՂ-ից բռնի տեղահանված բնակչության՝ իրենց տներ անվտանգ և արժանապատիվ վերադառնալու իրավունքը։ Իր ելույթում դեսպան Մարգարյանը շեշտել է, որ ՄԱԿ-ը հատուկ պատասխանատվություն է կրում միջազգային իրավունքի գերակայությունը և Արդարադատության միջազգային դատարանի որոշումների իրականացումն ապահովելու համար։
22:48 - 07 նոյեմբերի, 2023
ՀԱՊԿ-ի և ՄԱԿ-ի գլխավոր քարտուղարները քննարկել են աշխատանքային շփումների ակտիվացման վերաբերյալ հարցեր |1lurer.am|

ՀԱՊԿ-ի և ՄԱԿ-ի գլխավոր քարտուղարները քննարկել են աշխատանքային շփումների ակտիվացման վերաբերյալ հարցեր |1lurer.am|

1lurer.am: ՀԱՊԿ գլխավոր քարտուղար Իմանգալի Տասմագամբետովը տեսակապով զրուցել է ՄԱԿ-ի գլխավոր քարտուղար Անտոնիո Գուտերեշի հետ: «Պաշտոնյաները քննարկել են ՀԱՊԿ-ի քարտուղարության և ՄԱԿ-ի քարտուղարության միջև փոխգործակցությանը վերաբերող մի շարք հարցեր, մասնավորապես՝ տարածաշրջանային կանխարգելիչ գործունեության հաշվին անվտանգության ռազմավարական ռիսկերի նվազեցման հետ կապված միջազգային քայլերի համաձայնեցվածության վերաբերյալ խնդիրներ»,- նշված է ՀԱՊԿ-ի հաղորդագրությունում: Անդրադարձ է եղել նաև ՄԱԿ-ի պրոֆիլային կառույցների հետ ՀԱՊԿ քարտուղարության աշխատանքային շփումների հետագա զարգացմանը՝ ահաբեկչության, թմրանյութերի տարածման, անդրսահմանային հանցավորության, անօրինական միգրացիայի հակազդման, ինչպես նաև խաղաղապահության ոլորտում փոխգործակցության հարցերով: Տասմագամբետովն ու Գուտերեշը պայմանավորվել են շարունակել փոխգործակցությունն ահաբեկչական գաղափարախոսության և քարոզչության տարածման դեմ պայքարի ու տեղեկատվական անվտանգության ոլորտում ջանքերի միավորման ուղղությամբ:
11:56 - 07 նոյեմբերի, 2023
ԵՄ դեսպանն ու ՄԱԿ-ի զարգացման ծրագրերի ներկայացուցիչը գնահատել են Հայաստանի ՆԳ նախարարության տիրույթում գտնվող ոլորտների բարեփոխումների ընթացքը
 |armenpress.am|

ԵՄ դեսպանն ու ՄԱԿ-ի զարգացման ծրագրերի ներկայացուցիչը գնահատել են Հայաստանի ՆԳ նախարարության տիրույթում գտնվող ոլորտների բարեփոխումների ընթացքը |armenpress.am|

armenpress.am: Հայաստանում ԵՄ պատվիրակության ղեկավար Վասիլիս Մարագոսի կարծիքով՝ ՀՀ-ում ներքին գործերի նախարարության տիրույթում գտնվող ոլորտների բարեփոխումները տեղի են ունենում թափանցիկ և բաց գործընթացի շրջանակում՝ արձանագրելով բարձր արդյունքներ։ Վասիլիս Մարագոսը «ՆԳՆ բարեփոխումներին ընդառաջ․ ընթացիկ զարգացումներ և հեռանկարներ» խորագրով քննարկման ժամանակ նշեց, որ նորաստեղծ նախարարության կողմից արդեն իսկ արված աշխատանքը վկայում է այն մասին, որ ներառական և համագործակցային մոտեցումը բոլորի համար շատ կարևոր է։ «Այդուհանդերձ, աշխատանքը կանգ չի առնում, քանզի դեռ կան բազմաթիվ մարտահրավերներ։ ԵՄ-ն պատրաստ է աջակցել հայկական կողմին իր փորձագիտական ներուժով և կարողություններով, առավել ևս, որ հանդիսանում է տվյալ գործընթացի հանձնառուներից մեկը»,- ասաց Մարագոսը։ Նրա դիտարկմամբ՝ բարեփոխումների հաջողությունը կախված է մի քանի հիմնարար գործոններից, որոնցից հիմնականն առաջնորդությունն է, և այդ համատեքստում Մարագոսը բարձր գնահատեց վերջերս ԱՄՆ դեսպանի այցը Սյունիքի մարզ, ինչն, ըստ էության, բարեփոխումների գործընթացի ելակետն է։ Թափանցիկ, ներառական հաղորդակցությունը շահագրգիռ անձանց ակտիվ ներգրավումը, կարողությունների ու ներուժի զարգացումը, ռեսուրսների արդյունավետ կառավարումը, հաշվետու գործելակերպն ու վերահսկողության կուռ համակարգը ոստիկանական ծառայության, ինչպես նաև նախարարության մյուս բոլոր ուղղություններով կատարվող արդյունավետ գործողությունների հիմնական բաղադրիչներն են։ «Որոշ ոլորտներում տակավին կան մարտահրավերներ, սակայն իրական հաջողության հասնելու համար կարևոր են վճռորոշ գործողությունները։ Լեռնային Ղարաբաղից տեղահանված հայերի հոսքը դեպի Հայաստան ցույց է տալիս, որ անհրաժեշտ է ամրացնել պետական կառույցները։ ԵՄ-ն մեծապես կարևորում է հստակ և թափանցիկ հաղորդակցությունը՝ կապված բարեփոխումների հետ, որպեսզի բոլոր շահագրգիռ կողմերը, այդ թվում ՝ քաղհասարակությունը և միջազգային գործընկերները լավ տեղեկացված լինեն։ Համապարփակ հաղորդակցության ռազմավարությունը կարևոր է քաղաքացիների կարիքները բավարարելու համար»,- ասաց Հայաստանում ԵՄ պատվիրակության ղեկավարը։ Մարագոսի կարծիքով՝ բարեփոխումների օրենսդրական պահանջն այն մշակույթի սերմանումն է, որը կխթանի ֆունկցիոնալ ուսումնառությունը ՆԳ նախարարության ներսում, ինչը կարելի է անել բազմաբնույթ մեխանիզմներով՝ սկսած իրավական լուրջ հիմքերից, վերջացրած կրթահամալիրի գործունեությամբ։ Նա տեղեկացրեց, որ ԵՄ-ն պատրաստ է խորացնել ուսումնական դասընթացներն ու գիտելիքի փոխանակման ծրագրերը՝ նշված ոլորտում կիրառելով եվրոպական այլ գործիքներ։   «Եվրամիության աջակցության շնորհիվ արդեն իսկ իրականացվել են մի շարք նախաձեռնություններ, այդ թվում՝ հաշվետու կառույցների ու ՄԱԿ-ի կողմից Մարդու իրավունքների պաշտպանության ծրագրի միջոցով այլ գործընկերների մասնակցությամբ։ Ոստիկանության, իսկ այժմ նաև ներքին գործերի նախարարության կարողությունները շարունակաբար բարելավվել են, և այդ առումով շոշափելի արդյունքները տեսանելի դարձան նախորդ շաբաթվա ընթացքում, երբ մեկնարկեց պարեկային ոստիկանության վերջին բաղադրիչը՝ բավարարելով համազգային ծածկույթ։ ԵՄ-ի կողմից պարեկային ոստիկանության 75 մեքենաների գնումն ու առաքումը ՀՀ մարզեր նույնպես կարևոր հանձնառություն էր։ ԵՄ-ն կշարունակի ապահովել իր ներգրավվածությունը բարեփոխումներին առնչվող այլ ծրագրերով, որոնք կնպաստեն ՆԳՆ համակարգի ինստիտուցիոնալ ուժեղացմանը»,- ասաց Մարագոսը։ ԵՄ պատվիրակության ղեկավարը հայտնեց, որ նախորդ ուրբաթ Եվրախորհրդի հերթական ժողովի ընթացքում եվրոպական երկրների ղեկավարները խնդրել են, որ կառույցի արտաքին հարցերով բարձր ներկայացուցիչ Ժոզեպ Բորելը և ԵԽ-ն ներկայացնեն Հայաստանի հետ հարաբերությունները խորացնելու տարբերակներ։ Այդ համատեքստում մոտակա շաբաթներին նախատեսվում է կազմակերպել քննարկում և պարզել ոլորտներն ու դրանցում սերտ համագործակցության հնարավորությունները։ Մարագոսը խոստացավ ավելի ինտենսիվ դարձնել երկխոսությունը՝ ներկայացնելով ԵՄ-ի լավագույն փորձը։   ՄԱԿ-ի զարգացման ծրագրի հայաստանյան ներկայացուցիչ Նաթիա Նացվլիշվիլին իր հերթին նշեց, որ ՀՀ ՆԳ նախարարությունը մեծ պատասխանատվություն է կրում իրականացվող բարեփոխումների համար, հետևաբար շատ կարևոր է, որ հետայսու նույնպես դրանց աջակցությունը համակարգվի նախարարության ու միջազգային գործընկերների միջև։ «ՀՀ ՆԳ նախարարությունը կարևոր բարեփոխումներ է առաջնորդում, որոնք այս պահին իրականացվում են երկրում։ Մենք բարձր ենք գնահատում առկա համագործակցության գործընթացները, որոնք համակարգվում են ոստիկանության աշխատանքային խմբի և անձամբ ՆԳ փոխնախարարի գլխավորությամբ։ ԵՄ-ի հետ երկխոսությունն ավելի է ընդլայնվում՝ հասնելով որակապես նոր մակարդակի։ Եվրամիությունը այս բարեփոխումների գործում Հայաստանի առաջատար գործընկերն է։ ՄԱԿ-ի զարգացման ծրագրի անունից, ներառյալ մեր մյուս երկու գործակալությունների՝ Երեխաների ու Բնակչության հիմնադրամների, ինչպես նաև ԵԱՀԿ-ի անունից հայտնում եմ մեր հավատամքն առ այն, որ մեր հավաքական ներդրումն ու աջակցությունը Հայաստանի բարեփոխումներին կշարունակվի, և հետագայում տեսանելի կլինեն նաև այլ շոշափելի արդյունքներ»,- ասաց Նացվլիշվիլին։ Նրա կարծիքով՝ թեև ՀՀ ՆԳ նախարարությունը նորաստեղծ մարմիններից է, այդուհանդերձ, ունի մարտահրավերներով պայմանավորված բազում պարտականություններ, ուստի պետք է լուծի բարդ, համալիր հիմնախնդիրներ և այդ ճանապարհին արդեն իսկ ցուցադրում է հավակնոտ ակնկալիքներ։ «Վերջին մի քանի շաբաթներին տեսել ենք, որ Հայաստանում շատ բարդ ժամանակներ են։ Նախարարությունը և իր ենթակայության ներքո գործող ծառայությունները կարողացել են արհեստավարժ կերպով արձագանքել խնդիրներին, կառավարել և ընդունել ավելի քան 100 հազար փախստականների ներհոսքը Հայաստան։ Այդ ընթացքում Հայաստանի ներքին գործերի նախարարությունը կատարել է նաև իր հանապազօրյա գործառույթները։ Պարեկային ծառայությունն արդեն գործում է ողջ երկրի տարածքում։ Կարևոր բարեփոխումների իրականացումից կարճ ժամանակ անց տեսնում ենք, որ արդեն կա տպավորիչ վիճակագրություն, որի համաձայն՝ Հայաստանն աշխարհի ամենաանվտանգ երկրներից մեկն է, իններոդը հանցագործության համեմատաբար ցածր ցուցանիշներով։  Ոլորտի բարեփոխումներն, անշուշտ, պետք է շարունակվեն՝ ապահովելով թափանցիկություն, իրազեկվածություն, խորհրդակցություն հանրության հետ, ինչպես նաև ներգրավեն ավելի մեծ թվով կին ծառայողների։ Սպասվում է շատ մեծ աշխատանք, ուստի անհրաժեշտ են համահունչ գործողություններ շահագրգիռ բոլոր կողմերից»,- եզրափակեց ՄԱԿ-ի զարգացման ծրագրի հայաստանյան ներկայացուցիչը։
14:40 - 03 նոյեմբերի, 2023
Լեմկինի ինստիտուտը պահանջում է ՄԱԿ–ից պատշաճ առաքելություն ուղարկել Արցախի Հանրապետություն |armeniasputnik.am|

Լեմկինի ինստիտուտը պահանջում է ՄԱԿ–ից պատշաճ առաքելություն ուղարկել Արցախի Հանրապետություն |armeniasputnik.am|

armeniasputnik.am: Լեմկինի անվան Ցեղասպանության կանխարգելման ինստիտուտը հիասթափված է հոկտեմբերի 1-ին ՄԱԿ-ի առաքելության Արցախ կատարած այցի արդյունքներից։ Այս մասին հայտարարություն է տարածել ինստիտուտը` պահանջելով ՄԱԿ–ից պատշաճ առաքելություն ուղարկել Արցախի Հանրապետություն, որում ներգրավված կլինեն միջազգային թիմի անդամներ չեզոք երկրներից տեղում առկա իրավիճակի մանրակրկիտ վերլուծություն կատարելու համար:   «Արցախում հայերի իրավունքներն ապահովելու համար ՄԱԿ-ը պետք է գործի պրոֆեսիոնալիզմով, անկողմնակալությամբ և ՄԱԿ-ի կանոնադրության մեջ ամրագրված արժեքներին հավատարիմ»,– շեշտված է հայտարարության մեջ:   ՄԱԿ-ը հայտարարել էր, որ առաքելության նպատակն է գնահատել իրավիճակը տեղում և ինչպես Լեռնային Ղարաբաղում մնացած, այնպես էլ տեղափոխված մարդկանց հումանիտար կարիքները բացահայտել։ Լեմկինի ինստիտուտն ընդգծում է` ՄԱԿ–ը բավականին բարդ նպատակի մասին էր հայտարարել, սակայն այն իրականացվել է ընդամենը 1 օրվա ընթացքում, ինչը հարց է առաջացնում` որքանով լուրջ է վերաբերվել ՄԱԿ-ի առաքելությունը տեղում իրավիճակի գնահատման խնդրին: Նշվում է նաև, որ սա վերջին 30 տարվա ընթացքում ՄԱԿ-ի առաջին այցն էր տարածաշրջան: Լեմկինի ինստիտուտը նկատում է` ՄԱԿ–ի Անվտանգության խորհուրդը մի քանի նիստ է անցկացրել Արցախում ստեղծված իրավիճակի թեմայով, ՄԱԿ–ի Արդարադատության դատարանը որոշումներ է կայացրել, որոնք անտեսվել են Ադրբեջանի կողմից։ Լեմկինի ինստիտուտը մի քանի անգամ նախազգուշացրել է Արցախում հայերի համար ցեղասպանության չափազանց բարձր ռիսկի մասին, սակայն ՄԱԿ-ը տարածաշրջան առաքելություն է ուղարկել միայն ադրբեջանական հարձակման ավարտից և Արցախի նախկին հանրապետությունից ավելի քան 100000 հայերի հեռանալուց հետո:   «Այն փաստը, որ Ադրբեջանի նախագահ Իլհամ Ալիևը սեպտեմբերի 30–ին՝ Լեռնային Ղարաբաղում առաքելության տեղակայումից ընդամենը մեկ օր առաջ, 1 միլիոն ԱՄՆ դոլար է նվիրաբերել ՄԱԿ–ի բնակավայրերի ծրագրին, միայն ավելացնում է առաքելության ազնվության և թափանցիկության վերաբերյալ մեր մտահոգությունները»,– նշված է հայտարարության մեջ:   Ինստիտուտը նաև տարակուսած է ՄԱԿ–ի հայտնած թվերի առնչությամբ, թե Արցախում մնացած հայերի թիվը 50-ից 1000 է։ Այն հակասում է Արցախի նախկին ՄԻՊ Արտակ Բեգլարյանի ներկայացրած թվերին, որը պնդում էր, որ այս պահին տարածաշրջանում 40-ից ոչ ավելի մարդ է մնացել: Տարակուսելի է նաև ՄԱԿ–ի տարածած հայտարարության այն հատվածը, թե Ստեփանակերտի` իրենց այցելած շրջաններում չեն տեսել վնասված քաղաքացիական ենթակառուցվածքներ, ներառյալ` հիվանդանոցներ, դպրոցներ, բնակելի տներ։ Լեմկինի ինստիտուտը շեշտում է` կան ստուգելի լուսանկարչական ապացույցներ Ստեփանակերտ քաղաքում քաղաքացիական ենթակառուցվածքների ոչնչացման մասին, որոնք ռմբակոծվել են Ադրբեջանի կողմից ռազմական հարձակման ժամանակ: «Հատկանշական է, որ ՄԱԿ-ի առաքելության կազմում ընդգրկված չեն եղել ՄԱԿ-ում հայկական առաքելության ներկայացուցիչները, և առաքելությունը չի այցելել Սյունիքի մարզ՝ խոսելու Արցախից դուրս եկած հայ փախստականների հետ»,– նշված է հայտարարության մեջ։ Ուստի Լեմկինի ինստիտուտն առաքելության աշխատանքը համարում է չստացված, քանի որ չի հաջողվել ճշգրիտ ներկայացնել կամ գնահատել Արցախի Հանրապետությունում տիրող իրական իրավիճակը:   «Մենք խորապես համոզված ենք, որ «առաքելություն հանուն առաքելության» իրականացումն ու «հայտարարություն հանուն հայտարարության» հանդես գալը համարժեք պատասխաններ չեն այնպիսի լուրջ և վտանգավոր իրավիճակներին, ինչպիսին ծավալվել Է Հարավային Կովկասում: Մենք կասկածի տակ ենք դնում այս առաքելության բարեխղճությունը»,– ընդգծում է ինստիտուտը։   Հավելում, որ այս ամենը խաթարում է այն վստահությունը, որը միջազգային հանրությունը հավաքականորեն ցուցաբերում է ՄԱԿ–ի աշխատանքի նկատմամբ:
13:46 - 29 հոկտեմբերի, 2023
Իսրայելը պահանջում է ՄԱԿ-ի գլխավոր քարտուղարի հրաժարականը |news.am|

Իսրայելը պահանջում է ՄԱԿ-ի գլխավոր քարտուղարի հրաժարականը |news.am|

news.am: Իսրայելը պահանջել է ՄԱԿ-ի գլխավոր քարտուղար Անտոնիո Գուտերեշի հրաժարականը՝ նրա հայտարարությունից հետո, որ հոկտեմբերի 7-ին Իսրայելի վրա ՀԱՄԱՍ-ի հարձակման խթան է հանդիսացել հրեական պետության շարունակական վերահսկողությունը պաղեստինյան տարածքների նկատմամբ։ «Կարևոր է նաև գիտակցել, որ ՀԱՄԱՍ-ի հարձակումները տեղի չեն ունեցել վակուումում», - ասել է Գուտերեշը ՄԱԿ-ի Անվտանգության խորհրդի նիստում, որտեղ քննարկվել է Իսրայելի և ՀԱՄԱՍ-ի միջև պատերազմը: «Պաղեստինի ժողովուրդը ենթարկվել է 56 տարվա խեղդող օկուպացիայի։ Նրանք տեսել են, որ իրենց հողը հետեւողականորեն կլանվում է բնակավայրերով և ենթարկվում բռնությունների,  նրանց տնտեսությունը խեղդված է, նրանց մարդիկ տեղահանվել են, իսկ նրանց տները քանդվել են: Նրանց հույսերը՝ կապված իրենց ծանր վիճակի քաղաքական լուծման հետ, մարում են»,- ասել է Գուտերեշը: Նա հավելել է, որ «պաղեստինյան ժողովրդի դժգոհությունները չեն կարող արդարացնել ՀԱՄԱՍ-ի սարսափելի հարձակումները»։ «Եվ այս սարսափելի հարձակումները չեն կարող արդարացնել Պաղեստինի ժողովրդի հավաքական պատիժը»: Իսրայելը վրդովված է Գուտերեշի մեկնաբանություններից։ ՄԱԿ-ի դեսպան Գիլադ Էրդանը դրանք անվանել է «ցնցող» և պահանջել գլխավոր քարտուղարի հրաժարականը։ Արտաքին գործերի նախարար Էլի Կոենը չեղարկել է Գուտերեշի հետ հանդիպումը, իսկ նախարար Բենի Գանցը ՄԱԿ-ի ղեկավարին անվանել է «ահաբեկչության ապոլոգետ»: «ՄԱԿ-ի գլխավոր քարտուղարը, ով ըմբռնումով է մոտենում երեխաների, կանանց և տարեցների զանգվածային սպանությունների քարոզարշավին, արժանի չէ ղեկավարելու ՄԱԿ-ը։ Ես կոչ եմ անում նրան անհապաղ հրաժարական տալ»,- գրել է Էրդանը X միկրոբլոգում: «Ոչ մի արդարացում կամ իմաստ չկա խոսել նրանց հետ, որոնք կարեկցանք են ցուցաբերում Իսրայելի քաղաքացիների և հրեա ժողովրդի դեմ կատարված վատթարագույն վայրագություններին: Ուղղակի, խոսքեր չկան»: Էրդանը ասել է, որ այդ արտահայտությունները«սարսափելի» էին և «բոլորովին չեն համապատասխանում մեր տարածաշրջանում առկա իրականությանը»: Արտաքին գործերի նախարար Քոհենը, ով Նյու Յորքում էր՝ մասնակցելու պատերազմին նվիրված հանդիպումներին, ասել է, որ չեղարկում է Գուտերեշի հետ նախատեսված հանդիպումը։ Հոկտեմբերի 7-ին տեղի ունեցածից հետո նա գրել է. «Անաչառ մոտեցման տեղ չկա։ Համասը պետք է ջնջվի երկրի երեսից»: Գանցը, ով վերջերս միացել է կառավարությանը որպես նեղ ռազմական կաբինետի անդամ, կարծում է, որ սրանք «սև օրեր են, երբ ՄԱԿ-ի գլխավոր քարտուղարը ներում է ահաբեկչությունը»: «Բացարձակապես ոչինչ չի կարող արդարացնել անմեղ քաղաքացիների սպանությունը»,- գրել է նա։«Հիմա ժամանակն է կանգնելու պատմության ճիշտ կողմում կամ դատվելու: Ահաբեկչության ապոլոգետները չեն կարող խոսել աշխարհի անունից»:
09:13 - 25 հոկտեմբերի, 2023
Արցախ այցի արդյունքների վերաբերյալ՝ ՄԱԿ-ի առաքելության հայտարարությունն առնվազն զարմանալի է. Թաթոյան
 |news.am|

Արցախ այցի արդյունքների վերաբերյալ՝ ՄԱԿ-ի առաքելության հայտարարությունն առնվազն զարմանալի է. Թաթոյան |news.am|

news.am: ՄԱԿ-ի առաքելության հայտարարությունը, մեղմ ասած, զարմանալի է։ Այս մասին հոկտեմբերի 20-ին լրագրողների հետ հանդիպման ժամանակ ասաց «Թաթոյան» իրավունքի և արդարադատության հիմնադրամի տնօրեն Արման Թաթոյանը։ «Առաքելության արդյունքում հայտարարվել է, որ առաքելության անդամներն էթնիկ զտումների ականատես չեն եղել։ Մինչդեռ առաջին հերթին` ՄԱԿ-ը պետք է կանխեր տեղի ունեցածը, երկրորդ՝ առաքելությունը պետք է գար Կոռնիձոր և Գորիս և խոսեր փախստականների հետ, հետո գնար Արցախ և ամեն ինչ տեսներ, այլ ոչ թե գործեր Բաքվի հրամանով»,- նշել է Թաթոյանը։  Ըստ նրա՝ տպավորություն է ստեղծվում, որ մեր ազգի հետ կապված միջազգային կառույցների գեղեցիկ խոսքերն ուղղակի խոսքեր են, իսկ միջազգային իրավապաշտպան կազմակերպությունները գործում են քաղաքական դրդապատճառներով։ Դա վերաբերում է ոչ միայն Արցախին, այլեւ Հայաստանին, պարզաբանեց Թաթոյանը՝ հավելելով, որ նման մոտեցումը խարխլում է ողջ միջազգային իրավական համակարգը։  
13:04 - 20 հոկտեմբերի, 2023
ՀՀ փոխվարչապետն ու ՄԱԿ-ի ներկայացուցիչն ընդգծել են ԼՂ-ից բռնի տեղահանված անձանց համար կայուն կենսապայմանների ապահովման ծրագրերի կարևորությունը

ՀՀ փոխվարչապետն ու ՄԱԿ-ի ներկայացուցիչն ընդգծել են ԼՂ-ից բռնի տեղահանված անձանց համար կայուն կենսապայմանների ապահովման ծրագրերի կարևորությունը

Փոխվարչապետ Տիգրան Խաչատրյանն ընդունել է ՄԱԿ փախստականների հարցերով գերագույն հանձնակատարի գրասենյակի Եվրոպայի հարցերով տարածաշրջանային բյուրոյի տնօրեն Ֆիլիպ Լըկլերկի գլխավորած պատվիրակությանը: Այս մասին հայտնում են ՀՀ կառավարությունից: Ողջունելով հյուրերին` փոխվարչապետ Խաչատրյանը մանրամասն ներկայացրել է Լեռնային Ղարաբաղից բռնի տեղահանված ավելի քան 100,000 հայերի առաջնային կարիքների հասցեագրմանն ուղղությամբ իրականացվող աշխատանքները` ընդգծելով արձագանքման գործիքակազմի շրջանակներում գործընկեր կառույցների հետ համագործակցության կարևորությունը: Այս համատեքստում Ֆիլիպ Լըկլերկը վերահաստատել է ՄԱԿ-ի Փախստականների հարցերով գերագույն հանձնակատարի գրասենյակի պատրաստակամությունը՝ աջակցելու տարբեր մասնագիտացված կառույցների և զարգացման գործընկերների հետ հումանիտար արձագանքի կազմակերպմանն ուղղությամբ Կառավարության արդյունավետ փոխգործակցության ապահովմամնը: Զրուցակիցներն ընդգծել են առաջնային կարիքների հասցեագրմանը զուգահեռ բռնի տեղահանված անձանց համար կայուն կենսապայմանների ապահովման ուղղությամբ միջնաժամկետ և երկարաժամկետ ծրագրերի կարևորությունը։
22:37 - 19 հոկտեմբերի, 2023
Քննարկվել են Լեռնային Ղարաբաղից տեղահանված անձանց խնդիրների արդյունավետ լուծման ու համագործակցության հարցեր

Քննարկվել են Լեռնային Ղարաբաղից տեղահանված անձանց խնդիրների արդյունավետ լուծման ու համագործակցության հարցեր

Սյունիքի մարզպետ Ռոբերտ Ղուկասյանը հոկտեմբերի 18-ին ընդունել է Հայաստանում ՄԱԿ-ի Փախստականների գործակալության (ՄԱԿ ՓԳՀ/UNHCR) ներկայացուցիչ Կավիտա Բելանիին, ՄԱԿ ՓԳՀ (Ժնև) Եվրոպայի տարածաշրջանային բյուրոյի տնօրեն Ֆիլիպ Լեկլեխքին, Եվրոպայի բյուրոյի և հայաստանյան ներկայացուցչության այլ պատասխանատուների։ Մարզպետը շնորհակալություն է հայտնել այն աջակցության համար, որ ցուցաբերել ու ցուցաբերում է կազմակերպությունը Լեռնային Ղարաբաղից բռնի տեղահանված անձանց ընդունելու գործընթացում Լեկլեխքը նշել է, որ գոհունակությամբ է լսում, որ գործակալությունն այդ դժվարին հանգամանքներում կարողացել է օգտակար լինել․ «Բայց, իհարկե, դա արեցիք Դուք, ու այդ կազմակերպված ու համատեղ աշխատանքը Ձեր պատասխանատվության և նաև հայ ժողովրդի հյուրընկալության շնորհիվ էր։ Շորհակալություն Ձեզ անձամբ, որովհետեև իմ գործընկերները նկարագրել են Ձեր ջանքերն ու պատմել կառուցողական համագործակցության մասին»։ Ռոբերտ Ղուկասյանը հանդիպման ընթացքում ներկաների հետ քննարկել է տեղահանված անձանց խնդիրների արդյունավետ լուծման ու այդ առումով համագործակցության հարցեր։ Մարզպետը նաև կարևորել է, որ անկախ ներկա նոր մարտահրավերներից, Սյունիքում բնականոն շարունակություն ունենան գործակալության կողմից նախկինում սկսված ու նախանշված ծրագրերը։
10:58 - 19 հոկտեմբերի, 2023