Վլադիմիր Պուտին

Ռուսաստանի Դաշնության գործող նախագահ։ Ծնվել է 1952թ. հոկտեմբերի 7-ին։ 1975-1991թթ․ ծառայել է ՊԱԿ-ում (КГБ), զբաղեցրել հետախուզական պաշտոններ։ 1991թ. ըստ պաշտոնական տեղեկատվության սեփական զեկուցագրով զորացրվել է ՊԱԿ-ից։ 1990-1995թթ. զբաղեցրել է Լենինգրադի քաղաքային իշխանության տարբեր պաշտոններ։ 1996-1998թթ․ արագ վերելք է գրանցել Կրեմլի տարբեր պաշտոններում՝ ի վերջո ստանձնելով Նախագահի աշխատակազմի ղեկավարի տեղակալի պաշտոնը։ 1998-ին նշանակվում է ԱԴԾ (ФСБ) տնօրեն։

1999-ի օգոստոսին ընդունելով նախագահ Ելցինի առաջարկը ստանձնել է ՌԴ վարչապետի պաշտոնը։ 1999-ի դեկտեմբերի 31-ին հրաժարական տվեց Ելցինը եւ Պուտինը դարձավ նախագահի պաշտոնակատար։ 2000թ․ մարտին ընտրվեց նախագահ եւ պաշտոնավարեց առավելագույն երկու ժամկետով։ 2008-ին՝ վարչապետ Մեդվեդեւի նախագահ ընտրվելուց հետո Պուտինը ստանձնեց Վարչապետի պաշտոնը։ Այս դրվագը հանրային լայն շրջանակներում ընկալվեց որպես «փոխատեղում»։ 2012-ից ի վեր Պուտինը նորից նախագահի պաշտոնում է։ 

Մոսկվայում մայիսի 25-ին տեղի կունենա Փաշինյան-Ալիեւ-Պուտին հանդիպումը. նախաձեռնողը ՌԴ նախագահն է |news.am|

Մոսկվայում մայիսի 25-ին տեղի կունենա Փաշինյան-Ալիեւ-Պուտին հանդիպումը. նախաձեռնողը ՌԴ նախագահն է |news.am|

news.am: ԱԳ նախարարների մակարդակով մայիսի 19-ին հանդիպում է սպասվում Մոսկվայում Հայաստանի ԱԳ նախարարն արդեն մեկնել է Մոսկվա: Այս մասին այսօր՝ մայիսի 18-ին, կառավարության նիտում հայտարարեց ՀՀ վարչապետ Նիկոլ Փաշինյանը: «Ռուսական կողմից ստացել ենք առաջարկ ՌԴ նախագահի միջնորդությամբ բարձրագույն մակարդակով եռակողմ հանդիպում անցկացնել Մոսկվայում մայիսի 25-ին եւ մենք ընդունել ենք այդ առաջարկը»,-ասաց նա: Փաշինյանը հիշեցրեց, որ Ֆրանսիայի նախագահի եւ Գերմանիայի կանցլերի մասնակցությամբ 5-ակողմ հանդիպում է նախատեսվում հունիսի 1-ին Քիշնեւում՝ Եվրոպական քաղաքական համայնքի երկրորդ գագաթնաժողովի շրջանակներում: Նման 5-ակողմ հանդիպում նախատեսված է նաեւ հոկտեմբերին Գրանադայում: Բրյուսելում հաջորդ եռակողմ հանդիպումը նախատեսված է  հուլիսին»,-ասաց վարչապետը: Հիշեցնենք, որ մայիսի 14–ին Բրյուսելում կայացավ ՀՀ վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի հանդիպումը։ Եռակողմ հանդիպումից հետո Շառլ Միշելը հայտարարեց, որ հաջորդ քայլը լինելու է դելիմիտացիան Ալմա Աթայի հռչակագրով, որը ենթադրում է Հայաստանի տարածքային ամբողջականության ճանաչում 29,8 հազար քառ.կմ-ի սահմաններում և Ադրբեջանինը` 86,6 հազար քառ.կմ-ի սահմաններում։ Հանդիպման ընթացքում քննարկվել են տարածաշրջանային տրանսպորտային և տնտեսական ենթակառուցվածքների ապաշրջափակման, Հայաստանի և Ադրբեջանի միջև հարաբերությունների կարգավորման, Լեռնային Ղարաբաղի ժողովրդի իրավունքների և անվտանգության, ինչպես նաև գերիների, անհետ կորածների և այլ հումանիտար խնդիրների վերաբերող հարցեր:
15:47 - 18 մայիսի, 2023
Պուտինը հանձնարարել է միջոցներ ձեռնարկել արտասահման ռուսաստանցիների արտագաղթը կրճատելու համար
 |armenpress.am|

Պուտինը հանձնարարել է միջոցներ ձեռնարկել արտասահման ռուսաստանցիների արտագաղթը կրճատելու համար |armenpress.am|

armenpress.am: Ռուսաստանի իշխանությունները պետք է լրացուցիչ միջոցներ ձեռնարկեն՝ ապահովելու, որ ավելի քիչ ռուսաստանցիներ մեկնեն արտերկիր, այդ թվում՝ երկրում ստեղծելով գրավիչ կենսապայմաններ։ Ըստ ՌԴ նախագահ Վլադիմիր Պուտինի հրամանագրի՝ նման կետով է համալրվել Ռուսաստանի Դաշնության պետական ​​միգրացիոն քաղաքականության հայեցակարգը: Այդ մասին տեղեկանում ենք ՏԱՍՍ գործակալությունից: «Փոփոխվող սոցիալ-տնտեսական պայմանների ազդեցության տակ 2022 թ.-ին Ռուսաստանի Դաշնության բնակչության միգրացիոն արտահոսքն արտասահման ավելացել է։ Այս առումով լրացուցիչ միջոցներ են պահանջվում գրավիչ ֆինանսական, սոցիալական և այլ մեխանիզմներ ստեղծելու համար` մարդկային կապիտալի պահպանման, Ռուսաստանի Դաշնության բնակչության արտասահման արտագաղթի կրճատման նպատակով», - նշված է փաստաթղթի կետերից մեկում։
17:27 - 12 մայիսի, 2023
Մոսկվան Երևանին և Բաքվին զսպվածության կոչ է անում
 |civilnet.am|

Մոսկվան Երևանին և Բաքվին զսպվածության կոչ է անում |civilnet.am|

civilnet.am: Երևանի և Բաքվի միջև նոր լարվածության ֆոնին Ռուսաստանի նախագահ Վլադիմիր Պուտինը չի նախատեսում շփումներ ունենալ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։ «Պուտինը նախօրեին առանձնազրույց է ունեցել Փաշինյանի հետ, որը Մոսկվայում էր։ Շփումները շարունակվում են նաև ադրբեջանական կողմի հետ։ Ռուսաստանը շարունակում է կատարել իր գործառույթները, որոնք նախատեսված են եռակողմ փաստաթղթերով։ Մենք, իհարկե, կողմերից ակնկալում ենք զսպվածություն, և կոչ ենք անում չձեռնարկել որևէ գործողություն, որը կարող է հանգեցնել լարվածության աճի։ Մենք կշարունակենք մեր շփումները Բաքվի և Երևանի հետ»,- մայիսի 11-ին լրագրողների հետ զրույցում ասել է Պեսկովը։ Հիշեցնենք, որ այսօր՝ ժամը 06:00-ից, Ադրբեջանի ԶՈՒ ստորաբաժանումները հրետանային և ականանետային միջոցներից կրակ են բացել Սոթքի ուղղությամբ տեղակայված հայկական դիրքերի ուղղությամբ: ՊՆ հաղորդմամբ՝ ժամը 10:45-ի դրությամբ իրադրությունն առաջնագծում հարաբերականորեն կայուն է,  իրադրության լարվածությունը նվազել է։ Հայկական կողմը այս պահի դրությամբ ունի 4 վիրավոր:
14:43 - 11 մայիսի, 2023
Դժվար է պատկերացնել, որ աշխարհում որևէ մեկը լրջորեն կմտածի Պուտինի դեմ ՄՔԴ-ի հրամանը կիրառելու մասին. Պեսկով
 |tert.am|

Դժվար է պատկերացնել, որ աշխարհում որևէ մեկը լրջորեն կմտածի Պուտինի դեմ ՄՔԴ-ի հրամանը կիրառելու մասին. Պեսկով |tert.am|

tert.am: Ռուսաստանի Դաշնության նախագահի մամուլի քարտուղար Դմիտրի Պեսկովը քիչ հավանական է համարում, որ Միջազգային քրեական դատարանի (ՄՔԴ)՝ ՌԴ նախագահ Վլադիմիր Պուտինին կալանավորելու որոշումը կկիրառվի:Ինչպես գրում է ՏԱՍՍ-ը, նա այս մասին հայտնել է սերբական ATV հեռուստաալիքին տված հարցազրույցում:«Այնուամենայնիվ, այստեղ մենք խոսում ենք աշխարհի ամենամեծ երկրներից մեկի, աշխարհի ամենամեծ միջուկային տերություններից մեկի մասին։ Դժվար է պատկերացնել, որ որևէ մեկը լրջորեն կմտածի Ռուսաստանի Դաշնության նախագահի դեմ այս հրամանը կիրառելու մասին։ Դժվար է նույնիսկ մտածել այդ մասին»,- ասել է Կրեմլի խոսնակը։Պեսկովի խոսքով՝ ՄՔԴ-ի հրամանը Պուտինի դեմ «գործնականում նշանակում է, որ իսկապես կան երկրներ, որոնք ունեն ինքնիշխանության շատ ուժեղ պակաս, և այդ երկրները, զուտ տեսականորեն, կարող են նախանձախնդրություն դրսևորել հնարավորության դեպքում այս հրամանը կատարելու հարցում»:Կրեմլի խոսնակը հիշեցրել է, որ «Ռուսաստանը Հռոմի ստատուտի կողմ չէ»։«Մենք, ինչպես շատ այլ երկրներ չենք ճանաչում ՄՔԴ որոշումները»,- հայտարարել է նա։«Այս իրավիճակում մենք կարծում ենք, որ այս միջազգային կառույցն իրականում խամաճիկ է, այսպես կոչված, հավաքական Արևմուտքի ձեռքում, որն  այն պարզապես օգտագործում է իր նպատակների համար՝ մեր երկրի վրա ճնշումն ավելի մեծացնելու համար: Չի հաջողվի», - ասել է Պեսկովը։ Հիշեցնենք, որ մարտին Հաագայի միջազգային քրեական դատարանը Ռուսաստանի նախագահ Վլադիմիր Պուտինին և երեխաների իրավունքների պաշտպան Մարիա Լվովա Բելովային ձերբակալելու միջազգային օրդեր է տվել։ Նրանք կասկածվում են ուկրաինացի երեխաների անօրինական դեպորտացիայի համար։ Ավելի վաղ ՄԱԿ-ի հետաքննչական հանձնաժողովը հայտարարել էր, որ ուկրաինացի երեխաների տեղափոխումը Ռուսաստանի տարածք կարող է ռազմական հանցագործություն համարվել։  
10:51 - 11 մայիսի, 2023
Վիզային ռեժիմի չեղարկման և ավիաչվերթների վերականգնման՝ Պուտինի որոշումը նոր կրքեր է բորբոքել Վրաստանում
 |azatutyun.am|

Վիզային ռեժիմի չեղարկման և ավիաչվերթների վերականգնման՝ Պուտինի որոշումը նոր կրքեր է բորբոքել Վրաստանում |azatutyun.am|

azatutyun.am: Դեպի Վրաստան ուղիղ թռիչքների վերականգնման, ինչպես նաև Վրաստանի քաղաքացիների համար վիզային ռեժիմի չեղարկման մասին Ռուսաստանի նախագահի որոշումը նոր կրքեր է բորբոքել Վրաստանում: Դեպի Վրաստան ուղիղ թռիչքների վերականգնման, ինչպես նաև Վրաստանի քաղաքացիների համար վիզային ռեժիմի չեղարկման մասին Ռուսաստանի նախագահի որոշումը նոր կրքեր է բորբոքել Վրաստանում: Երեկ երեկոյան Թբիլիսիում՝ արտգործնախարարության շենքի մոտ են հավաքվել հարյուրավոր քաղաքացիներ՝ իրենց բողոքը հայտնելու ռուս-վրացական հարաբերությունների ջերմացման մասին վկայող Պուտինի որոշման դեմ։ Ռուսաստանի տրանսպորտի նախարարության հայտարարության համաձայն՝ արդեն մի քանի օրից ռուսաստանյան ավիաընկերությունները կարող են Մոսկվա-Թբիլիսի թռիչք իրականացնել շաբաթական յոթ անգամ։ Գերատեսչությունն ընդգծում է, որ ռուսական կողմն այդ քայլով ցանկանում է «հեշտացնել Ռուսաստանի և Վրաստանի բնակիչների միջև շփումները»։ Վրացական ընդդիմությունը պնդում է՝ այս քայլով Կրեմլը «պարգևատրում է Վրաստանի իշխանություններին»։ «Եվս մեկ անգամ պարզ դարձավ, որ Վրաստանում կա իշխանություն, որի դաշնակիցն են Ռուսաստանն ու Պուտինը։ Այս որոշումը կարելի է համարել Ռուսաստանի իշխանությունների գնահատականը «Վրացական երազանք»-ի 11 տարվա գործունեությանը, եվրոպական կուրսին վնասելուն», - ասել է ընդդիմադիր պատգամավոր Անա Ցիտլիձեն։ Միացյալ ազգային շարժման մեկ այլ ներկայացուցիչ Իրակլի Պավլենիշվիլին, իր հերթին, պնդել է՝ Վրաստանի ժողովուրդը ոչ թե Ռուսաստանին, այլ Եվրոպային ինտեգրվել է ցանկանում: «Մենք ունենք կառավարություն, որը նպատակ ունի ինտեգրել մեր տնտեսությունը, մեր քաղաքական համակարգը Ռուսաստանի տնտեսական համակարգին: Եվ մենք գիտենք, որ միակ ռեժիմները, որոնք բարեկամական հարաբերություններ ունեն Ռուսաստանի հետ, ավտորիտար ռեժիմներն են։ Եվ բնականաբար դա հակասում է մեր ազգային շահերին, երբ մենք փորձում ենք ամրապնդել մեր հարաբերությունները օկուպանտի և երկրի հետ, որը դեմ է Վրաստանի տարածքային ամբողջականությանը», - հայտարարել է Պավլենիշվիլին։ Վրաստանի նախագահ Սալոմե Զուրաբիշվիլին Կրեմլի ղեկավարի որոշումը սադրանք է որակել՝ պնդելով, որ Ռուսաստանի հետ վիզային ռեժիմի ազատականացումն անընդունելի է: «Վրաստանի հետ ուղիղ ավիահաղորդակցությունների վերսկսումն ու վիզային ռեժիմի չեղարկումը անընդունելի է, քանի դեռ Ռուսաստանը շարունակում է ագրեսիան Ուկրաինայի դեմ և օկուպացնում մեր տարածքները», - երեկ հայտարարել է Վրաստանի նախագահը՝ կառավարությանը կոչ անելով օր առաջ չեղարկել ռուսների համար ազատ վիզային ռեժիմը: Մինչդեռ Վրաստանի արտգործնախարար Իլյա Դարչիաշվիլին ողջունել է Ռուսաստանի որոշումը՝ հայտարարելով, որ այդ քայլը «կթեթևացնի իրենց քաղաքացիների ամենօրյա կյանքի պայմանները և նրանց ազատ ու հեշտ շփվելու, ճամփորդելու հնարավորություն կտա»։ «Ռուսաստանի Դաշնությունում ապրում են մեր ավելի քան մեկ միլիոն քաղաքացիներ, ովքեր շատ սերտ կապեր ունեն Վրաստանում ապրող մարդկանց, նրանց սիրելիների, հարազատների հետ, և մարդասիրական տեսանկյունից դիտարկվող այս որոշումը ողջունվում է ցանկացած պատասխանատու կառավարության կողմից», - շեշտել է վրացական դիվանագիտության ղեկավարը: Ռուսաստանը նախկին խորհրդային հանրապետությունների մեծ մասի քաղաքացիներին թույլ է տալիս երկիր մուտք գործել առանց վիզայի, սակայն 2000 թվականին Վրաստանի քաղաքացիների համար վիզային ռեժիմ է սահմանել՝ որոշումը պատճառաբանելով Հյուսիսային Կովկասում ահաբեկչության վտանգով: Հարևան երկրների միջև ուղիղ ավիահաղորդակցությունը դադարեցնելու որոշում է կայացրել Մոսկվան 2019 թվականի հուլիսին՝ Պետդումայի պատգամավոր Սերգեյ Գավրիլովի հետ կապված աղմկահարույց միջադեպին հաջորդած հակառուսական ցույցերի ֆոնին։ Վրաստանը, սակայն, այդ պատժամիջոցներից հետո էլ սահմանափակումների չդիմեց․ ռուսաստանցիները կարող են Վրաստան այցելել առանց վիզայի և մինչև մեկ տարի աշխատել, ինչի շնորհիվ երկիրը դարձել է ռուս - ուկրաինական պատերազմի մեկնարկից ի վեր Ռուսաստանը լքող քաղաքացիների հիմնական ուղղություններից մեկը:
09:52 - 11 մայիսի, 2023
Ռուսաստանի դեմ պատերազմ է սանձազերծվել, բայց մենք գլուխ կհանենք. Պուտին |armeniasputnik.am|

Ռուսաստանի դեմ պատերազմ է սանձազերծվել, բայց մենք գլուխ կհանենք. Պուտին |armeniasputnik.am|

armeniasputnik.am: Ռուսաստանի դեմ կրկին պատերազմ է սանձազերծվել, սակայն երկիրը հակահարված է տվել միջազգային ահաբեկչությանը, այն կպաշտպանի նաև Դոնբասի բնակիչներին և կապահովի իր անվտանգությունը: Այդ մասին հայտարարել է ՌԴ նախագահ Վլադիմիր Պուտինը Կարմիր հրապարակում Հաղթանակի շքերթի բացման ժամանակ: Նա հավելել է, որ Ռուսաստանի համար ոչ բարեկամ, թշնամի ժողովուրդներ չկան ո՛չ Արևմուտքում, ո՛չ Արևելքում։ Ռուսաստանի առաջնորդը հայտարարել է, որ քաղաքակրթությունն այսօր կրկին բեկումնային փուլում է։ Հատուկ ռազմական գործողությանը մասնակցողներից է կախված Հայրենիքի անվտանգությունը, հիմա ավելի կարևոր գործ չկա։ Նա նշել է, որ Կիևը պետական հեղաշրջման պատանդն է և մանրադրամ է դարձել Արևմուտքի ձեռքում: «Չափից դուրս փառասիրությունը, ամբարտավանությունն ու ամենաթողությունն անխուսափելիորեն վերածվում են ողբերգությունների։ Հենց դա է այն աղետի պատճառը, որն այժմ ապրում է ուկրաինացի ժողովուրդը։ Այն դարձել է պետական հեղաշրջման և դրա հիման վրա ստեղծված իր արևմտյան տերերով հանցավոր ռեժիմի պատանդը, մանրադրամ նրանց դաժան շահադիտական ծրագրերի իրականացման գործում»,- ասել է Պուտինը։ Արևմուտքում ոչնչացնում են հուշարձանները, նացիզմի պաշտամունք են ստեղծում։ Այդ անարգանքը նրանց հանցագործությունն է, ովքեր նոր արշավանք էին նախապատրաստում ՌԴ-ի դեմ։ ՌԴ նախագահի խոսքով՝ մի շարք երկրներ ցանկանում են խեղդել զարգացման ցանկացած ինքնիշխան կենտրոն, ջնջել Երկրորդ համաշխարհային պատերազմի արդյունքները, վերջնականապես փչացնել գլոբալ անվտանգության և միջազգային իրավունքի համակարգը։ «Ռուսաստանն ուզում է ապագան տեսնել խաղաղ, ազատ և կայուն, իսկ գերազանցության ցանկացած գաղափարախոսություն հանցավոր է և մահաբեր: Ինչպես մոլորակի մարդկանց բացարձակ մեծամասնությունը, այնպես էլ մենք, ցանկանում ենք ապագան տեսնել խաղաղ, ազատ և կայուն»,- ասել է Պուտինը։ Ելույթի ժամանակ Պուտինը մեկ րոպե լռությամբ հարգել է բոլոր նրանց հիշատակը, ում կյանքը խլել է Հայրենական մեծ պատերազմը: Կարմիր հրապարակում անցկացված շքերթին մասնակցել են Ղազախստանի, Ղրղզստանի, Բելառուսի, Թուրքմենստանի և Տաջիկստանի նախագահները, ինչպես նաև Հայաստանի վարչապետը:
13:29 - 09 մայիսի, 2023
Պուտինը Հաղթանակի օրվա առթիվ շնորհավորել է ԱՊՀ երկրների ղեկավարներին |armenpress.am|

Պուտինը Հաղթանակի օրվա առթիվ շնորհավորել է ԱՊՀ երկրների ղեկավարներին |armenpress.am|

armenpress.am: Ռուսաստանի նախագահ Վլադիմիր Պուտինը մայիսի 9-ի նախօրյակին շնորհավորական ուղերձներ է հղել ԱՊՀ երկրների ղեկավարներին, այդ թվում՝ Հայաստանի վարչապետ Նիկոլ Փաշինյանին, ինչպես նաև Վրաստանի և Մոլդովայի ժողովուրդներին: Այս մասին հաղորդում է Կրեմլի մամուլի ծառայությունը։ «Ռուսաստանի պետության ղեկավարը շնորհավորանքներում նշել է, որ այս նշանակալից օրը մենք խորին հարգանքի տուրք ենք մատուցում բոլոր նրանց, ում անօրինակ սխրանքները մարտի դաշտերում և անձնուրաց աշխատանքը թիկունքում թույլ տվեցին ջախջախել նացիստական ​​զավթիչներին և պաշտպանել հայրենի եզերքի ազատությունը», - ասված է հաղորդագրության մեջ։ «Այսօր մեր բարոյական պարտքն է սրբորեն պահպանել մեր հայրերի և պապերի կողմից ժառանգված բարեկամության և փոխօգնության ավանդույթները, թույլ չտալ Հայրենական մեծ պատերազմի մասին պատմական ճշմարտության խեղաթյուրում», - գրել է Պուտինը շնորհավորանքներում։ Ինչպես ընդգծել է Ռուսաստանի նախագահը, Մեծ հաղթանակի հոգևոր ժառանգությունն այսուհետ էլ կնպաստի թվարկված երկրների և ժողովուրդների միջև հարաբերությունների ամրապնդմանը և բեղմնավոր զարգացմանը։ «Պուտինն անկեղծ երախտագիտության խոսքեր է փոխանցել Հայրենական մեծ պատերազմի բոլոր վետերաններին և թիկունքի  աշխատավորներին, նրանց մաղթել քաջառողջություն, ոգու կայտառություն, երջանկություն և երկար տարիների կյանք», - եզրափակել են Կրեմլում:
16:10 - 08 մայիսի, 2023
Էրդողանն ու Պուտինը հեռախոսազրույց են ունեցել

 |factor.am|

Էրդողանն ու Պուտինը հեռախոսազրույց են ունեցել |factor.am|

factor.am: Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՌԴ նախագահ Վլադիմիր Պուտինի հետ, հաղորդում է CNN Turk-ը։ Թուրքիայի նախագահականը հեռախոսազրույցից նաև լուսանկարներ է հրապարակել։ Նշվում է, որ երկու երկրների նախագահները քննարկել են երկկողմ և տարածաշրջանային հարցեր։ Գնահատվել են նաև ռուս-ուկրաինական պատերազմի զարգացումները և հացահատիկային համաձայնագրի հարցը։ Թուրքիայի նախագահը հայտարարել է, որ առաջարկվող աշխատանքային խմբի միջոցով հնարավոր է նոր նախաձեռնությունների ուղղությամբ աշխատել։ Զրույցի ընթացքում քննարկվել են նաև Սիրիայում տեղի ունեցող զարգացումները։ Ավելի վաղ Էրդողանը հարցազրույց էր տվել տեղական հեռուստաալիքներին ուղիղ եթերում, սակայն եթերն անակնկալ դադարեցվել է, քանի որ նախագահը վատացել է։ Երկար դադարից հետո Էրդողանը վերադարձել է եթեր ու ասել, որ հիվանդացել է ստամոքսի գրիպով։
17:36 - 27 ապրիլի, 2023