ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

ԵՄ-ն հաստատել է Ռուսաստանի դեմ պատժամիջոցների 13-րդ փաթեթը
 |armenpress.am|

ԵՄ-ն հաստատել է Ռուսաստանի դեմ պատժամիջոցների 13-րդ փաթեթը |armenpress.am|

armenpress.am: Եվրամիությունը հաստատել է Ռուսաստանի դեմ պատժամիջոցների 13-րդ փաթեթը, որի շրջանակներում սահմանափակող միջոցներ են մտցվել 106 ֆիզիկական և 88 իրավաբանական անձանց նկատմամբ, այդ թվում՝ այնպիսի երկրներից, ինչպիսիք են Հնդկաստանը, Չինաստանը, Շրի Լանկան, Սերբիան, Ղազախստանը, Թաիլանդը և Թուրքիան։ Սյս մասին հաղորդում է ԵՄ խորհուրդը։ «Խորհուրդը որոշել է սահմանափակող միջոցներ կիրառել ևս 106 ֆիզիկական և 88 իրավաբանական անձանց նկատմամբ, որոնք պատասխանատու են այնպիսի գործողությունների համար, որոնք խաթարում կամ սպառնում են Ուկրաինայի տարածքային ամբողջականությանը, ինքնիշխանությանն ու անկախությանը», - ասվում է հայտարարության մեջ։ Այսպիսով, ըստ հայտարարության, Ռուսաստանից ԵՄ-ի սև ցուցակում ընդգրկված է ավելի քան 2000 ֆիզիկական անձ և ընկերություն։ Պատժամիջոցների ցուցակում ընդգրկված ընկերությունների մի քանիսը գործում են երրորդ երկրներում՝ Հնդկաստանում, Չինաստանում, Շրի Լանկայում, Սերբիայում, Ղազախստանում, Թաիլանդում և Թուրքիայում․ դրանք, ըստ ԵՄ-ի,  շրջանցում են Ռուսաստանի դեմ սահմանափակող միջոցները։ 13-րդ փաթեթի շրջանակներում Եվրամիությունը պատժամիջոցների ցուցակում ավելացրել է 27 նոր ձեռնարկություններ, որոնք, ըստ ԵՄ-ի, աջակցում են ռուսական պաշտպանական արդյունաբերությանը: ԵՄ-ն ընդլայնել է նաև արգելված ապրանքների ցանկը՝ դրանում ընդգրկելով անօդաչու թռչող սարքերի մշակման և արտադրության համար օգտագործվող բաղադրիչները։ Բացի այդ, արտահանման սահմանափակումներ են մտցվել այնպիսի ապրանքների վրա, որոնք կարող են նպաստել Ռուսաստանի արդյունաբերական կարողություններին, մասնավորապես՝ էլեկտրատրանսֆորմատորների: Հակառուսական պատժամիջոցների մասին Եվրահանձնաժողովի հայտարարությունում նշվում է, որ 13-րդ փաթեթում ընդգրկվել է նաև Հյուսիսային Կորեայի պաշտպանության նախարար Կան Սուն Նամը, ինչպես նաև «մի շարք բելառուսական ընկերություններ և ֆիզիկական անձինք, որոնք աջակցություն են տրամադրում ՌԴ զինված ուժերին»։
16:26 - 23 փետրվարի, 2024
Եվրոպական խորհրդարանը հաջորդ շաբաթ բանաձև կքննարկի Հայաստանի հետ ԵՄ վիզաների ազատականացման վերաբերյալ |armenpress.am|

Եվրոպական խորհրդարանը հաջորդ շաբաթ բանաձև կքննարկի Հայաստանի հետ ԵՄ վիզաների ազատականացման վերաբերյալ |armenpress.am|

armenpress.am: Եվրոպական խորհրդարանում հաջորդ շաբաթ բանաձև կքննարկվի Հայաստանի հետ վիզաների ազատականացման վերաբերյալ։ Բրյուսելում «Արմենպրես»-ի թղթակցի հետ զրույցում այս մասին հայտնել է Եվրոպական խորհրդարանի գերմանացի պատգամավոր Վիոլա Ֆոն Քրամոնը։ Նա հայտնել է, որ բանաձևը կքննարկվի հաջորդ շաբաթ՝ Եվրոպական խորհրդարանի լիագումար նիստի ընթացքում։ «Մենք բանաձևով առաջ ենք քաշում իրական վիզային գործողությունների ծրագիր, մենք առաջ ենք մղելու Հայաստանի հետ ինստիտուցիոնալ և այլ կապերը սերտացնելու օրակարգը, որպեսզի Հայաստանի բնակիչներն էլ զգան, որ իրենք ողջունվում են: Մենք իսկապես կցանկանայինք Հայաստանին ինչ-որ պահի տեսնել Եվրամիության մաս։ Այսպիսով, եթե գոնե առաջ գնանք մուտքի արտոնագրերի կամ ազատականացման գործողությունների ծրագրով, սա շոշափելի բան կլինի մարդկանց համար, ինչպես նաև առևտրի և մեր շուկաների ազատականացման առումով»,- նշել է Եվրախորհրդարանի պատգամավորը։ Հարցին, թե արդյոք խոչընդոտներ կա՞ն, որպեսզի Եվրամիությունը Հայաստանի հետ երկխոսություն սկսի վիզաների ազատականացման շուրջ, պատգամավորը պատասխանել է, որ Եվրախորհրդարանը չէ, որ կարող է արգելափակել կամ մինչ այժմ արգելափակել է այդ գործընթացը։ Նա մանրամասնել է, որ այդ խնդիրը միշտ եղել է Եվրոպական խորհրդում։ Վիոլա Ֆոն Քրամոնն ասել է, որ Հայաստանի դիվանագետները պետք է այդ հարցով որոշակի աշխատանքներ տանեն ԵՄ անդամ որոշ երկրների հետ՝ չհստակեցնելով, թե խոսքը հատկապես որ երկրների մասին է։ Նա նշել է, որ ԵՄ անդամ որոշ երկրներում արմատացած մտահոգություններ կան Հայաստանի հետ վիզաների ազատականացման հարցում։  
10:07 - 23 փետրվարի, 2024
Բայրամովը Բաքվում Տոյվո Կլաարիի հետ հանդիպմանը խոսել է ՀՀ-ի հետ բանակցությունները սկսելու մասին
 |factor.am|

Բայրամովը Բաքվում Տոյվո Կլաարիի հետ հանդիպմանը խոսել է ՀՀ-ի հետ բանակցությունները սկսելու մասին |factor.am|

factor.am: Ադրբեջանի ԱԳ նախարար Ջեյհուն Բայրամովն ընդունել է Հարավային Կովկասում Եվրամիության հատուկ ներկայացուցիչ Տոյվո Կլաարին, որին երկար ժամանակ է՝ Բաքուն չէր ընդունում։  Ադրբեջանի ԱԳՆ-ի հաղորդմամբ՝ կողմերը քննարկել են Ադրբեջանի և Եվրամիության միջև հարաբերությունների ներկա վիճակը, Ադրբեջանի և Հայաստանի միջև հարաբերությունների կարգավորման գործընթացը, ինչպես նաև խաղաղության համաձայնագրի հեռանկարները։ Խոսելով ադրբեջանական վերջին ագրեսիայի մասին՝ Բայրամովն ասել է, թե «հայկական սադրանքը, որի արդյունքում դիպուկահարի կրակոցից ադրբեջանցի զինծառայող է վիրավորվել, նպատակ ուներ խաթարել խաղաղ գործընթացը»։ «Հայկական կողմին ներկայացվել են Ադրբեջանի հերթական մեկնաբանությունները խաղաղության համաձայնագրի նախագծի վերաբերյալ, և մենք շահագրգռված ենք այս ուղղությամբ բանակցային գործընթացը սկսելու հարցում։ Միևնույն ժամանակ, անընդունելի են Հայաստանի Սահմանադրությամբ, օրենսդրական ակտերում, միջազգային կազմակերպություններում և դատարաններում մեր երկրի տարածքային ամբողջականության և ինքնիշխանության նկատմամբ շարունակվող պահանջները»,- ասվում է Բաքվի տարածած հաղորդագրության մեջ։
17:57 - 22 փետրվարի, 2024
Բորելը հայտնել է, որ ցանկանում է այցելել Հայաստան․ ԵՄ դեսպան
 |tert.am|

Բորելը հայտնել է, որ ցանկանում է այցելել Հայաստան․ ԵՄ դեսպան |tert.am|

tert.am: ԵՄ արտաքին քաղաքականության ծառայության ղեկավար Ժոզեպ Բորելը հայտնել է, որ ցանկանում է այցելել Հայաստան։ Այս մասին այսօր՝ փետրվարի 22-ին, ԵՄ-Հայաստան քաղաքացիական հասարակության պլատֆորմի ամփոփիչ զեկույցի և կայքի ներկայացման ժամանակ իր խոսքում նշեց Հայաստանում ԵՄ պատվիրակության ղեկավար Եվրոպական միության առաքելության ղեկավար, ԵՄ դեսպան Վասիլիս Մարագոսը: «Հուսով ենք՝ դա հնարավոր կլինի։ Կարծում եմ, որ նրա ներկայությունը ողջունելի կլինի»,-նշեց Մարագոսը՝ մանրամասնելով, որ այդ ցանկության մասին Բորելը ՀՀ ԱԳ նախարար Արարատ Միրզոյանին հայտնել է անցյալ շաբաթ։ ԵՄ դեսպանի խոսքով՝ Հայաստանի և ԵՄ-ի միջև կնքված «Համապարփակ և ընդլայնված գործընկերության» համաձայնագրի՝ ՍԵՊԱ-ի նոր օրակարգի ուղղությամբ արդեն իսկ առկա են որոշակի արդյունքներ, մասնավորապես անվտանգության ուղղությամբ համագործակցության ամրապնդման մասով։ «ԵՄ-ն իր բարձր ներկայացուցչին ու Եվրահանձնաժողովին խնդրել է դիտարկել հնարավորություն, որով հնարավոր է բարելավել ԵՄ-Հայաստան հարաբերությունները բոլոր ուղղություններով»,-ասաց նա: Անդրադառնալով նոր օրակարգին՝ ԵՄ դեսպանը նաև նշեց, որ այն մեծապես վերաբերում է ՍԵՊԱ համաձայնագրի ներուժի հետազոտմանն ու օգտագործմանը։ «Սա շատ կարևոր փաստաթուղթ է, որը կյանքի կոչման ճանապարհին է, բայց իրականում մենք կարող ենք միասին ավելի լավ արդյունքների հասնել։ Ոչ թե որևէ այլ պատճառներով, այլ հայ ժողովրդի և այստեղի բիզնեսի՝ արժեքների ու հարգանքի, տարածքային ամբողջականության, ինքնավարության և տարածքային զարգացման նպատակների վրա հիմնված ավելի լավ կյանք ունենալու ձգտումներին ավելի լավ արձագանքելու համար»,-ասաց նա։
15:00 - 22 փետրվարի, 2024
Միրզոյանը բարձր է գնահատում ԵՄ դիտորդական առաքելության ներդրումը երկկողմ կապերի ամրապնդման և տարածաշրջանային կայունության գործում
 |armenpress.am|

Միրզոյանը բարձր է գնահատում ԵՄ դիտորդական առաքելության ներդրումը երկկողմ կապերի ամրապնդման և տարածաշրջանային կայունության գործում |armenpress.am|

armenpress.am: ՀՀ արտաքին գործերի նախարար Արարատ Միրզոյանը կարևորել է Հայաստանում ԵՄ դիտորդական առաքելության ներդրումը ինչպես Եվրամիության հետ երկկողմ կապերի ամրապնդման, այնպես էլ տարածաշրջանային կայունության խթանման գործում։ Այս մասին ՀՀ արտգործնախարարը նշել է Հայաստանում ԵՄ դիտորդական առաքելության մեկամյակի առթիվ X-ի իր միկրոբլոգում կատարած գրառման մեջ։ «Թեև մենք դիտարկում ենք գործընկերության հետագա խորացման հեռանկարները և ավելի հավակնոտ օրակարգը, ուրախ ենք նշելու Հայաստանում ԵՄ դիտորդական առաքելության առաջին տարեդարձը: Մենք կարևորում ենք փոխշահավետ համագործակցությունը և դիտորդական առաքելության ներդրումը ինչպես երկկողմ կապերի ամրապնդման, այնպես էլ Հարավային Կովկասում կայունության խթանման գործում»,-նշված է Միրզոյանի գրառման մեջ։
19:05 - 21 փետրվարի, 2024
Բելգիան աջակցում է Հայաստանի և Ադրբեջանի միջև երկխոսության գործընթացում ԵՄ դերակատարմանը. դեսպան
 |armenpress.am|

Բելգիան աջակցում է Հայաստանի և Ադրբեջանի միջև երկխոսության գործընթացում ԵՄ դերակատարմանը. դեսպան |armenpress.am|

armenpress.am:  Բելգիան՝ որպես Եվրամիության խորհրդի նախագահող երկիր, աջակցում է ԵՄ-ի դերակատարմանը քաղաքական գործընթացներում, ինչպիսիք են Հայաստանի և Ադրբեջանի միջև երկխոսությունը և կոնկրետ ջանքերը: Այս մասին ասաց Հայաստանում Բելգիայի արտակարգ և լիազոր դեսպան Էրիկ Դե Մույնքը Հայաստանում ԵՄ քաղաքացիական առաքելության 1-ամյա տարեդարձի առիթով կազմակերպված միջոցառման շրջանակում: «Որպես խորհրդի նախագահող երկիր՝ Բելգիան շարունակում է աջակցել այն ուժեղ դերակատարմանը, որ ունի ԵՄ-ն ավելի լայն քաղաքական գործընթացներում, ինչպիսիք են Հայաստանի և Ադրբեջանի միջև երկխոսությունը և կոնկրետ ջանքերը գետնի վրա»,-ասաց դեսպանը: Նա շնորհավորեց Հայաստանում ԵՄ քաղաքացիական առաքելության անձնակազմի յուրաքանչյուր անդամի, շնորհակալություն հայտնեց ամենօրյա նվիրման համար: «Դուք տեղի բնակչության համար դարձել ենք ԵՄ-ի ամենատեսանելի մասը Հայաստանում»,-նշեց դեսպանը: Նա ողջունեց քաղաքացիական առաքելության ճիշտ ժամանակին ամրապնդումը և գովեստի խոսքերս հղել այն աշխատանքի ուղղությամբ, որն իրականացրել են  1 տարի շարունակ՝ անաչառորեն նպաստելով անվտանգային իրավիճակի բարելավմանը գետնի վրա: Բելգիան ԵՄ խորհրդի նախագահությունը ստանձնել է 6 ամիս ժամկետով՝ մինչև հունիսի վերջ: 
18:36 - 21 փետրվարի, 2024
Հայաստանը պատրաստ է ներդրում ունենալ ԵՄ քաղաքացիական առաքելություններում․ ԱԽ քարտուղար
 |armenpress.am|

Հայաստանը պատրաստ է ներդրում ունենալ ԵՄ քաղաքացիական առաքելություններում․ ԱԽ քարտուղար |armenpress.am|

armenpress.am: Հայաստանը չի ցանկանում հանդիսանալ միայն անվտանգության սպառող, պատրաստ է նաև ներդրումներ ունենալ ԵՄ ընդհանուր անվտանգության և պաշտպանական քաղաքականության քաղաքացիական առաքելություններում։ Հայաստանում ԵՄ դիտորդական առաքելության 1-ամյակին նվիրված միջոցառմանը այս մասին հայտարարեց ՀՀ անվտանգության խորհրդի քարտուղար Արմեն Գրիգորյանը։ «Մենք չենք ցանկանում հանդիսանալ միայն անվտանգության սպառող և այդ կոնտեքստում ՀՀ-ն Բրյուսելին հայտնել է, որ պատրաստ է ներդրումներ ունենալ ԵՄ ընդհանուր անվտանգության և պաշտպանական քաղաքականության քաղաքացիական առաքելություններում»,- ընդգծեց նա։ ԱԽ քարտուղարի խոսքով՝վերջին երկու տարում ԵՄ-Հայաստան հարաբերությունների ինտենսիվ ընդլայնվում են։ «Եթե նախկինում ԵՄ-ի հետ օրակարգը ձևավորվում էր հիմնականում տնտեսական համագործակցության և ինստիտուցիոնալ բարեփոխումների շուրջ, ապա այսօր կարող ենք արձանագրել, որ ՀՀ-ԵՄ-ն համագործակցությունը ընդլայնվել է և իր մեջ ներառել է անվտանգությունը որպես համագործակցության կարևոր ուղղություն։ Մենք ԵՄ-ին և անդամ պետություններին դիտարկում ենք որպես Հայաստանի անվտանգության և տնտեսության դիվերսիֆիկացիայի կարևոր գործընկերներ։ Ցանկանում եմ նաև նշել, որ առաքելությունը հանդիսանում է ԵՄ-ի հետ համագործակցության կարևոր օղակներից մեկը։ Այն նոր մակարդակի է բարձրացրել Երևան-Բրյուսել հարաբերությունները և, ինչպես հաճախ նշում ենք, դրական ազդեցություն է ունեցել ԵՄ-ի մասին Հայաստանի հանրության կարծիքի ձևավորման վրա։ Մենք ԵՄ-ի հետ կիսում ենք նույն ժողովրդավարական արժեքները և ուրախ ենք արձանագրել, որ ընդհանուր արժեքների վրա հիմնված գործընկերությունը ներառել է նաև անվտանգության ոլորտը»,- եզրափակեց Գրիգորյանը։
17:57 - 21 փետրվարի, 2024
ՀՀ ԱԳՆ-ն կարևորել է ԵՄ դիտորդական առաքելությունը տարածաշրջանում կայունության ապահովման համար
 |armenpress.am|

ՀՀ ԱԳՆ-ն կարևորել է ԵՄ դիտորդական առաքելությունը տարածաշրջանում կայունության ապահովման համար |armenpress.am|

armenpress.am: ՀՀ արտաքին գործերի նախարարի մամուլի քարտուղար Անի Բադալյանը տարածաշրջանում կայունության ապահովման գործում կարևորել է Հայաստանում ԵՄ դիտորդական առաքելության ներդրումը։ Այս մասին արտգործնախարարի խոսնակը նշել է Հայաստանում ԵՄ դիտորդական առաքելության գործունեության մեկամյակի առթիվ X-ի միկրոբլոգում կատարած գրառման մեջ։ «Այսօր Եվրամիության գործընկերների հետ մենք նշում ենք Հայաստանում ԵՄ դիտորդական առաքելության գործունեության առաջին տարեդարձը, որը Հայաստան-ԵՄ գործընկերության խորացման ամենավառ օրինակներից է։ Այն ցույց է տալիս Հայաստանի, ԵՄ-ի և նրա անդամ երկրների փոխադարձ շահագրգռվածությունը՝ այն նոր հարթություն տեղափոխելու հավակնոտ օրակարգով։ Մենք նաև կարևորում ենք առաքելության կարևոր ներդրումը տարածաշրջանում կայունության ապահովման գործում»,- գրել է Բադալյանը։
17:55 - 21 փետրվարի, 2024
ՀՀ-ն անընդունելի է համարում ԵՄ առաքելության հասցեին տարբեր երկրներից հնչող անհիմն քննադատությունները․ ԱԽ քարտուղար
 |armenpress.am|

ՀՀ-ն անընդունելի է համարում ԵՄ առաքելության հասցեին տարբեր երկրներից հնչող անհիմն քննադատությունները․ ԱԽ քարտուղար |armenpress.am|

armenpress.am: Հայաստանում Եվրամիության դիտորդական առաքելությունը նպաստում է Հարավային Կովկասում կայունությանը և կարևոր գործոն է ընթացիկ իրադարձությունների մասով թափանցիկության ապահովման համար։ Հայաստանում ԵՄ դիտորդական առաքելության 1-ամյակին նվիրված միջոցառմանն այս մասին հայտարարեց ՀՀ անվտանգության խորհրդի քարտուղար Արմեն Գրիգորյանը։ Նա հիշեցրեց, որ անցած մեկ տարին կարևոր փուլ էր ԵՄ քաղաքացիական առաքելության համար, որի ընթացքում լուծվել և հսկայական առաջընթաց են գրանցել մի շարք հարցեր՝ կապված առաքելության տեղակայման վայրերի, անձնակազմի համալրման և գործունեության իրավապայմանագրային հիմքի հետ։ «Վստահաբար կարող եմ նշել, որ այս ընթացքում մենք կատարելագործել ենք նաև առաքելության և Հայաստանի Հանրապետության գերատեսչությունների միջև համագործակցությունը, ձևավորել ենք հաղորդակցության մի շարք արդյունավետ ձևաչափեր։ Առաքելությունը Հայաստանում տեղակայվել է մեզ համար դժվար ժամանակաշրջանում և կարևոր գործառույթ է իրականացնում՝դիտարկելու Հայաստան-Ադրբեջան միջազգայնորեն ճանաչված սահմանի ողջ երկայնքով։ Մեր գնահատականն այն է, որ առաքելությունը նպաստում է տարածաշրջանի կայունությանը և կարևոր գործոն է ընթացիկ իրադարձությունների մասով թափանցիկության ապահովման համար։ Մենք անընդունելի ենք համարում առաքելության հասցեին տարբեր երկրներից հնչող անհիմն քննադատությունները և աջակցում ենք առաքելությանն՝ իրականացնելու իր մանդատը ամբողջ ծավալով»,- ընդգծեց Գրիգորյանը։ Նա նշեց, որ այս կարևոր առաքելությունում ներդրում ունենալու համար հայկական կողմը շնորհակալ է ԵՄ անդամ երկու տասնյակից ավելի երկրներին, Բրյուսելի ղեկավարությանը և առաքելության անձնակազմին։ «Մենք հուսով ենք և ակնկալում ենք, որ առաքելությունում կտեսնենք ԵՄ անդամ բոլոր երկրների ներկայացուցիչներին։ Մենք նաև ողջունում ենք Կանադայի մասնակցությունն առաքելությանը և ողջունում ենք առաքելությանը միանալու՝ Նորվեգիայի պատրաստակամությունը»,- եզրափակեց Գրիգորյանը։ Հայաստանում ԵՄ դիտորդական առաքելության հասցեին օրերս անհիմն մեղադրանքներ էր հնչեցրել Ադրբեջանի ԱԳՆ-ն՝ նշելով, որ առաքելությունը ոչ թե նպաստում է Հարավային Կովկասի կայունությանը, այլ զբաղված է հակաադրբեջանական քարոզչություն իրականացնելով։
17:44 - 21 փետրվարի, 2024
Ռուսական կողմին պետք է հարցնել, թե ինչու է մեր մուտքն արգելված եղել Ներքին Հանդ․Մարկուս Ռիտեր
 |news.am|

Ռուսական կողմին պետք է հարցնել, թե ինչու է մեր մուտքն արգելված եղել Ներքին Հանդ․Մարկուս Ռիտեր |news.am|

news.am: Մեր առաքելությունը կարող է այցելել ամբողջ Հայաստանի տարածք, բացառությամբ Ներքին Հանդի տարածքի, որը Ռուսաստանի ԱԴԾ-ի պատասխանատվության գոտում է գտնվում: Այս մասին, այսօր՝ փետրվարի 21-ին, լրագրողների հետ հանդիպման ժամանակ նշեց Հայաստանում ԵՄ դիտորդական առաքելության ղեկավար Մարկուս Ռիտերը: «Ի սկզբանե մենք չէինք բացառում, որ կարող են խնդիրներ լինել Ներքին Հանդ մտնելու հետ կապված»,-ասաց նա: Հարցին, թե որն է ԵՄ դիտորդների Ներքին Հանդ չթողնելու հիմնավորումը նա պատասխանեց. «Այս հարցն էլ պետք է տալ ռուսական կողմին։ Մենք Հայաստանում հյուրի կարգավիճակում ենք գտնվում՝ որպես ընդունող կողմ։ Այդ հարցով պետք է Հայաստանը զբաղվի, որովհետև մենք չենք շփվում Հայաստանում տեղաբաշխված ռուս խաղաղապահ ուժերի հետ»։ Նա հավելեց, որ նման խնդիր առաջացել է միայն Ներքին Հանդում։ Ավելի վաղ լրագրողների հետ զրույցում ԱԽ քարտուղար Արմեն Գրիգորյանը՝ խոսելով Ներքին Հանդում վերջին միջադեպի մասին, նշել էր ԵՄ առաքելությունն այդ հատվածում չունի հասանելիություն, այնտեղ միայն ՌԴ-ն է ներկա, որը չի կարողացել դդարեցնել միջադեպը եւ հայկական կողմը 4 զոհ է տվել:
17:38 - 21 փետրվարի, 2024
Որոշ հետընթացներ դեռևս առկա են. ԱԽ քարտուղարը՝ խաղաղության պայմանագրի մասով ադրբեջանական առաջարկների մասին
 |1lurer.am|

Որոշ հետընթացներ դեռևս առկա են. ԱԽ քարտուղարը՝ խաղաղության պայմանագրի մասով ադրբեջանական առաջարկների մասին |1lurer.am|

1lurer.am: Որոշ հետընթացներ, որոնց մասին ԱԳ նախարարը խոսել է, դեռևս ներկա են, բայց նաև կա հնարավորություն աշխատելու: Այդ մասին լրագրողների հետ ճեպազրույցի ժամանակ ասաց ԱԽ քարտուղար Արմեն Գրիգորյանը՝ անդրադառնալով Հանրային հեռուստաընկերության լրագրողի դիտարկմանը, թե նախորդ անգամ, երբ հայկական կողմը ստացել էր խաղաղության պայմանագրի վերաբերյալ դիտարկումները, ՀՀ ԱԳ նախարար Արարատ Միրզոյանը հայտարարեց, թե առաջարկներում հետընթաց է նկատվում՝ համեմատած նախորդի: Այս անգամ ի՞նչ արձանագրումներ կարելի է անել: «Ես ուզում եմ՝ մենք դիտարկենք այս խաղաղության պայմանագրի բանակցությունները գործընթաց՝ ակնկալելով, որ երբեմն կարող է առաջընթաց լինել, երբեմն կարող է հետընթաց լինել, բայց մենք շարունակում ենք հավատարիմ մնալ խաղաղության օրակարգին, առաջ մղել խաղաղության օրակարգը, և այս առումով խաղաղության պայմանագիրը մեզ համար առաջնահերթություն է: Հուսով ենք, որ շուտով հանդիպումը և՛ արտգործնախարարների, և՛ փոխվարչապետների հնարավորություն կտա ընդհանուր առմամբ առաջ մղելու խաղաղության օրակարգը»,- ասաց նա և հավելեց, որ այլ մանրամասների մասին չի կարող խոսել:
17:36 - 21 փետրվարի, 2024
Զորքերի հայելային հետքաշման հարցը պահում ենք մեր օրակարգում, փորձելու ենք հասնել համաձայնության. ԱԽ քարտուղար
 |1lurer.am|

Զորքերի հայելային հետքաշման հարցը պահում ենք մեր օրակարգում, փորձելու ենք հասնել համաձայնության. ԱԽ քարտուղար |1lurer.am|

1lurer.am: Զորքերի հայելային հետքաշման հարցը պահում ենք մեր օրակարգում, Ադրբեջանի հետ փորձելու ենք այդ հարցում հասնել համաձայնության, որովհետև դա մի հարց է, որտեղ անհրաժեշտ է, որ երկու կողմերն էլ համաձայնության գան: Այդ մասին լրագրողների հետ ճեպազրույցի ժամանակ ասաց ԱԽ քարտուղար Արմեն Գրիգորյանը: «Կշարունակենք քննարկել, տեսնենք՝ ինչպիսի լուծումներ ենք գտնում, բայց մենք միանշանակ համոզված ենք, որ զորքերի հայելային հետքաշումը նույնիսկ միջադեպերը թույլ չտալու լավագույն գործիքներից մեկն է, այսինքն՝ որոշակի կիլոմետր հեռավորության վրա եթե դասավորվի ԶՈՒ-ն, և սահմանապահ զորքերը տեղակայվեն ամբողջ սահմանի երկայնքով, բնականաբար, դա կայունության գործոն կլինի: Եվ սա շարունակում է մնալ մեր օրակարգում»,- ասաց նա և հավելեց, որ սա օրակարգի այն հարցն է, որը դեռ շարունակում են քննարկել ադրբեջանցի գործընկերների հետ:
16:40 - 21 փետրվարի, 2024
Արմեն Գրիգորյանը հաստատում է, որ ռուս զինծառայողները խոչընդոտել են ԵՄ դիտորդների մուտքը Ներքին Հանդ

Արմեն Գրիգորյանը հաստատում է, որ ռուս զինծառայողները խոչընդոտել են ԵՄ դիտորդների մուտքը Ներքին Հանդ

Անվտանգության խորհրդի քարտուղար Արմեն Գրիգորյանը հաստատել է, որ ռուս զինծառայողները խոչընդոտել են ԵՄ դիտորդների մուտքը Ներքին Հանդ։ Այս մասին նա հայտարարեց Հայաստանում ԵՄ դիտորդական առաքելության 1-ամյակին նվիրված միջոցառման ժամանակ։  «Այո, այդ խնդիրը կա, մենք փորձելու ենք հասցեագրել այդ խնդիրը, մենք տեղյակ ենք»,- լրագրողների հետ զրույցում ասաց ՀՀ ԱԽ քարտուղարը։ Հիշեցնենք՝ Արմեն Գրիգորյանը նաև ասել էր, որ Ներքին հանդում ԵՄ դիտորդական առաքելությունն  հասանելիություն չունի և միայն Ռուսաստանն այնտեղ հասանելիություն ունի․ Ռուսաստանը ներկա է  այնտեղ վերջին միջադեպւ ժամանակ և չի կարողացել կանխել միջադեպը։ «Ես համոզված եմ, որ իրականությունն այլ է, միանշանակ է, որ ԵՄ քաղաքացիական առաքելությունը կայունության դերակատարություն ունի, մենք ամբողջովին աջակցում ենք նրանց գործունեությանը»,- ասել էր Արմեն Գրիգորյանը։  Հիշեցնենք, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ էին բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով հայկական կողմը ունի 4 զոհ և 1 վիրավոր:  
16:31 - 21 փետրվարի, 2024
ԵՄ դիտորդական առաքելությունը նպաստել է հայ-ադրբեջանական սահմանին միջադեպերի քանակի նվազմանը. Մարկուս Ռիտեր
 |armenpress.am|

ԵՄ դիտորդական առաքելությունը նպաստել է հայ-ադրբեջանական սահմանին միջադեպերի քանակի նվազմանը. Մարկուս Ռիտեր |armenpress.am|

armenpress.am: Հայաստանում տեղակայված Եվրամիության դիտորդական առաքելությունն անցած մեկ տարվա ընթացքում իրականացրել է 1720 պարեկային շրջայց, որը նպաստել է սահմանամերձ շրջաններում խաղաղությանը և անվտանգությանը։ Հայաստանում ԵՄ դիտորդական առաքելության 1-ամյակին նվիրված միջոցառմանն այս մասին հայտարարեց առաքելության ղեկավար Մարկուս Ռիտերն: Նա հիշեցրեց, որ դիտորդական առաքելության առաջին ամիսների գործունեության ընթացքում հիմնադրվել են կենտրոնակայան Եղեգնաձորում և 6 առաջադիր հենակետ՝ սկսած Իջևանից, մինչև Կապան։ «Մինչև այսօր ԵՄ դիտորդական առաքելությունն անց է կացրել 1720 պարեկային շրջայց, որը նպաստել է խաղաղությանը և անվտանգությանը սահմանամերձ շրջաններում։ Ես ուզում եմ մեր խորին երախտագիտությունը հայտնել ԵՄ անդամ երկրներին՝ քաղաքական օժանդակության համար, ինչպես նաև Կանադային՝ փորձագետ գործուղելու համար։ Վերջերս ընդունած որոշումն՝ ամրացնել ԵՄ դիտորդական առաքելությունը և անձնակազմն ավելացնել մինչև 209-ը՝ վերահաստատում է ԵՄ դիտորդական առաքելության հաջողությունը և հաստատակամությունը՝ սատարելու կայունությանը և խաղաղությանը»,- ասաց Ռիտերը։ «Չնայած խրթին օպերատիվ իրավիճակին՝ առաքելությունը կայունացնող կարևոր դեր է խաղում սահմանամերձ շրջաններում՝ նպաստելով լարված իրավիճակի դեէսկալացիային և միջադեպերի քանակի նվազեցմանը»,- ընդգծեց Ռիտերը։ Նա շնորհակալություն հայտնեց Հայաստանին՝ իր աներեր օժանդակության և կառուցողական ներգրավման համար։ «Կուզեի շեշտել իմ աշխատակազմի պրոֆեսիոնալ մակարդակը։ Թեև նրանք աշխատում են տներից և ընտանիքներից հեռու՝ նրանց նվիրումը մեծ նպաստ է բերել առաքելության հաջողությանը։ Հաշվի առնելով ներկայիս անորոշության համատեքստը՝ մենք շարունակում ենք մեր նվիրումը հայտնել մեր մանդատին՝ որպես անաչառ դերակատար՝ ի սատարումն Եվրամիության՝ այս տարածաշրջանում կարգավորման ջանքերին»,- եզրափակեց Ռիտերը։  
16:30 - 21 փետրվարի, 2024
Ներքին հանդում ԵՄ դիտորդական առաքելությունը հասանելիություն չունի․ Ռուսաստանը ներկա է եղել վերջին միջադեպին և չի կարողացել կանխել միջադեպը․ Արմեն Գրիգորյան

Ներքին հանդում ԵՄ դիտորդական առաքելությունը հասանելիություն չունի․ Ռուսաստանը ներկա է եղել վերջին միջադեպին և չի կարողացել կանխել միջադեպը․ Արմեն Գրիգորյան

Ներքին հանդում վերջին միջադեպը, որ եղել է, ԵՄ դիտորդական առաքելությունն այնտեղ հասանելիություն չունի և միայն Ռուսաստանն այնտեղ հասանելիություն ունի․ Ռուսաստանը ներկա է այնտեղ և չի կարողացել կանխել միջադեպը։ Այս մասին ասել է ՀՀ ԱԽ քարտուղար Արմեն Գրիգորյանը՝ պատասխանելով Զախարովայի պնդմանը, թե ի տարբերություն ԵՄ դիտորդների, ՀԱՊԿ-ը կարող է տարածաշրջանում կայունություն ապահովել։ «Ես համոզված եմ, որ իրականությունն այլ է, միանշանակ է, որ ԵՄ քաղաքացիական առաքելությունը կայունության դերակատարություն ունի, մենք ամբողջովին աջակցում ենք նրանց գործունեությանը»,- ասել է Արմեն Գրիգորյանը։  Հիշեցնենք, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ էին բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով հայկական կողմը ունի 4 զոհ և 1 վիրավոր:
16:14 - 21 փետրվարի, 2024