ԱՀ Պաշտպանության բանակ

Արցախի Հանրապետության Պաշտպանության բանակը պետական ռազմական կառույց է Արցախի Հանրապետությունում, որի սահմանադրական նպատակն է Արցախի պաշտպանությունը, անվտանգությունը, տարածքային ամբողջականությունը եւ սահմանների անձեռնմխելիությունը:

Արցախի Հանրապետության պաշտպանության բանակը գործում է Հայաստանի Հանրապետության զինված ուժերի աջակցությամբ եւ սերտ համագործակցությամբ։

Արցախի ՊԲ-ն հերքում է 15 հայ զինվորի գերեվարվելու մասին տեղեկությունները

Արցախի ՊԲ-ն հերքում է 15 հայ զինվորի գերեվարվելու մասին տեղեկությունները

Վերջին շրջանում համացանցում կրկին տարածում են գտնում բանակին առնչվող նյութեր, որոնք չունեն որևէ իրական հիմք, ամբողջովին մտացածին են և նպատակ ունեն արատավորել հետպատերազմական բարդ պայմաններում իր խնդիրը կատարող կառույցի հեղինակությունը: Արցախի ՊԲ-ն հայտարարություն է տարածել, որում ասվում է․ «Մասնավորապես, համացանցի տարբեր օգտատերեր տարածում  են տեղեկատվություն իբր թե 15 հայ զինվորի գերեվարվելու մասին, 44-օրյա պատերազմի որոշ դրվագների, պատերազմին հաջորդած դիրքային փոփոխությունների հետ կապված՝ շահարկվում է նաև Ն զորամասի հրամանատար, գնդապետ Գոռ Իշխանյանի անունը: Հաշվի առնելով ժողովրդի զգայունությունը  բանակին առնչվող ցանկացած նորության նկատմամբ՝ կրկին հավաստում ենք, որ բանակի որևէ զինծառայող ոչ այս, ոչ նախորդող օրերին չի գերեվարվել, պատերազմի ընթացքում գնդապետ Գ.Իշխանյանի հրամանատարությամբ գործող զորամասը առաջադրված խնդիրները կատարել է բացառապես վերադաս հրամանատարության հրամանների և ցուցումների հիման վրա, մարտական գործողությունների ընթացքում հակառակորդին չի հանձնել նույնիսկ մեկ դիրք, իսկ պատերազմից հետո հետ քաշվելը /նաև այնպիսի տարածքներից, որտեղ եղել են հրամանատարական կետեր և ամրաշինական կառույցներ/ պայմանավորված է եղել եռակողմ հայտարարության դրույթները կյանքի կոչելու անհրաժեշտությամբ: Մեր գործընկերներին ու համաքաղաքացիներին խնդրում ենք փոքր ինչ ավելի պատասխանատու լինել սեփական խոսքի նկատմամբ: Հաշվի առնելով, որ նման ստահոտ լուրերի տարածումը բնավ չի նպաստում հայրենիքի պաշտպանունակության  ամրապնդմանը»:
16:04 - 29 հունվարի, 2021
Արցախի ՊԲ–ն հրապարակել է ևս 65 զոհված զինծառայողի անուն

Արցախի ՊԲ–ն հրապարակել է ևս 65 զոհված զինծառայողի անուն

Արցախի ՊԲ–ն հրապարակել է ևս 65 զոհված զինծառայողի անուն։ Հայրենիքի պաշտպանության համար մղված մարտերում նահատակված զինծառայողներն են՝ Ալեքսանյան Ռուբիկ Արմենի, ծնվ. 2002թ. Վարդանյան Հենրիկ Ռազմիկի, ծնվ. 2001թ. Կամավորական Սարխոշև Ռուդիկ Ալբերտի, ծնվ. 1961թ. Պահեստազորային Ասատրյան Հայկ Վարդանի, ծնվ. 1994թ. Դանիելյան Անդրեյ Վահանի, ծնվ. 1993թ. Գասպարյան Հայկ Մկրտիչի, ծնվ. 2000թ. Հովսեփյան Գևորգ Խաչիկի, ծնվ. 2001թ. Պողոսյան Տիգրան Լևոնի, ծնվ. 1995թ. Գինոսյան Նարեկ Համլետի, ծնվ. 2001թ. Զաքարյան Սպարտակ Լևոնի, ծնվ. 2002թ. Պահեստազորային Զարմանյան Գնել Տիգրանի, ծնվ. 1975թ. Ծատուրյան Արարատ Կապլոյի, ծնվ. 1974թ. Գասպարյան Վահե Վաչիկի, ծնվ. 1988թ. Աղամալյան Ազնիվ Արգամի, ծնվ. 2001թ. Պահեստազորային Թևոսյան Սերգեյ Ալբերտի, ծնվ. 1995թ. Դանիելյան Արամիկ Կամոյի, ծնվ. 1991թ. Երմալովյան Գոռ Վարդանի, ծնվ. 2001թ. Յարմալոյան Տիգրան Արծրունու, ծնվ. 2001թ. Կամավորական Հովսեփյան Ռուբեն Բալաբեկի, ծնվ. 1958թ. Կամավորական Կարապետյան Լևոն Կարոյի, ծնվ. 1988թ. Անթանյան Լևոն Սմբատի, ծնվ. 1993թ. Անթանյան Արմեն Սմբատի, ծնվ. 1994թ. Պահեստազորային Պետրոսյան Արման Գագիկի, ծնվ. 1997թ. Պահեստազորային Մովսիսյան Սևակ Սուրիկի, ծնվ. 1990թ. Պահեստազորային Շաբոյան Մնացական Գագիկի, ծնվ. 1988թ. Պահեստազորային Խաչատրյան Ժորա Լենդրուշի, ծնվ. 1997թ. Եղիազարյան Լևոն Գագիկի, ծնվ. 1991թ. Մանուկյան Պավել Նորիկի, ծնվ. 2002թ. Պետրոսյան Գնել Աբելի, ծնվ. 2002թ. Հովակիմյան Վահագն Հրաչյայի, ծնվ. 2000թ. Թովմասյան Թովմաս Սեյրանի, ծնվ. 1983թ. Հայրապետյան Կորյուն Արմենի, ծնվ. 1997թ. Ավանեսյան Վահագն Արամի, ծնվ. 2002թ. Կամավորական Արտաշեսյան Անատոլի Երջանիկի, ծնվ. 1971թ. Կամավորական Թադևոսյան Երվանդ Սահակի, ծնվ. 1974թ. Գասպարյան Շիրակ Արմենակի, ծնվ. 1998թ. Մինասյան Արարատ Խաչատուրի, ծնվ. 2000թ. Իսկանդարյան Սամվել Դավթի, ծնվ. 2000թ. Մխիթարյան Տիգրան Արսենի, ծնվ. 2002թ. Պետրոսյան Նորայր Վարազդատի, ծնվ. 2001թ. Հակոբյան Արտյոմ Դավիթի, ծնվ. 2000թ. Նազարյան Լևոն Սպարտակի, ծնվ. 2000թ. Ավդալյան Լյուդվիգ Արսենի, ծնվ. 2001թ. Պահեստազորային Ղարայան Վազգեն Գարեգինի, ծնվ. 1998թ. Աթաբեկյան Հայկ Ցոլակի, ծնվ. 2001թ. Հակոբյան Գևորգ Գարիկի, ծնվ. 2000թ. Դեմիրճյան Սուրեն Ռոբերտի, ծնվ. 2000թ. Հովհաննիսյան Տիգրան Հակոբի, ծնվ. 2002թ. Մերելյան Մելիք Սամվելի, ծնվ. 2002թ. Արամյան Անանիա Սամվելի, ծնվ. 2002թ. Հակոբյան Սարգիս Ասատուրի, ծնվ. 2000թ. Ավագյան Գավրուշա Գառնիկի, ծնվ. 1997թ. Պահեստազորային Գրիգորյան Արմեն Ռազմիկի, ծնվ. 1977թ. Կամավորական Արզումանյան Արման Արզումանի, ծնվ. 1976թ. Պողոսյան Սարգիս Հմայակի, ծնվ. 1982թ. Պահեստազորային Հայրապետյան Ռուբեն Վաչագանի, ծնվ. 1996թ. Հարությունով Արթուր Լևոնի, ծնվ. 2000թ. Գևորգյան Վահագն Գրայիկի, ծնվ. 2002թ. Բարսեղյան Մարտիրոս Նվերի, ծնվ. 2001թ. Ջավադյան Մանվել Սևակի, ծնվ. 2001թ. Կամավորական Հադջյան Կևորկ Իկնադիոսի, ծնվ. 1971թ. Պահեստազորային Հովսեփյան Արմեն Կառլենի, ծնվ. 1978թ. Պահեստազորային Պետրոսյան Կոլյա Շահենի, ծնվ. 1982թ. Պահեստազորային Էլազյան Կարեն Կարապետի, ծնվ. 1974թ. Մարգարյան Գարիկ Վալենտինի, ծնվ. 2000թ.
11:40 - 26 հունվարի, 2021
ՊԲ հայտարարությունը՝ Զինծառայողների ապահովագրության հիմնադրամի աջակցության ծրագրերից օգտվելու մասին

ՊԲ հայտարարությունը՝ Զինծառայողների ապահովագրության հիմնադրամի աջակցության ծրագրերից օգտվելու մասին

Պաշտպանության բանակը հայտարարություն է տարածել.   «Ի գիտություն Արցախի Հանրապետության քաղաքացի հանդիսացող անհայտ կորած զինծառայողների, պահեստազորայինների, աշխարհազորայինների և կամավորականների հարազատների.   Զինծառայողների ապահովագրության հիմնադրամի աջակցության ծրագրերից օգտվելու համար անհրաժեշտ է սեղմ ժամկետներում պաշտպանության նախարարության սոցիալական պաշտպանության բաժին ներկայացնել ծրագրի շահառու հանդիսացող անձանց վերաբերյալ հետևյալ փաստաթղթերը՝   - Շահառուի (անհայտ կորածի հայր, մայր, կին կամ ամուսին) անուն, հայրանուն, ազգանուն, ծննդյան օր, ամիս, տարի, հաշվառման հասցե, անձը հաստատող փաստաթղթի սերիան ու համարը, հանրային ծառայությունների համարանիշը (սոցիալական քարտ) կամ համարանիշ չստանալու մասին տեղեկանքի համարը, կոնտակտային հեռախոսահամար:   Հավելյալ տեղեկությունների համար կարող եք զանգահարել 047 95 02 35 հեռախոսահամարով»:      
11:22 - 26 հունվարի, 2021
Ճանաչենք մեր հերոսներին. խոցել են հրետանային, ռեակտիվ և ականանետային մարտկոցներ, տանկեր

Ճանաչենք մեր հերոսներին. խոցել են հրետանային, ռեակտիվ և ականանետային մարտկոցներ, տանկեր

ԱՀ պաշտպանության նախարարությունը «Ճանաչենք մեր հերոսներին» շարքում ներկայացրել է հանուն հայրենիքի մարտնչած և հակառակորդին զգալի կորուստներ հասցրած նոր հերոսների սխրանքները: Փոխգնդապետ Դավիթ Վազգենի Ղազարյանը ցուցաբերել է անձնական խիզախություն, աչքի ընկել կապի արդյունավետ կազմակերպման և  մարտակարգերում ստորաբաժանումների ծածուկ տեղավորման գործողություններով: Անձամբ իրականացրել է կրակի վարում՝ հակառակորդին պատճառելով կենդանի ուժի զգալի կորուստներ, ինչպես նաև աչքի ընկել տրված ստորաբաժանումների ղեկավարման և վիրավոր զինծառայողներին մարտակարգերից տարհանման գործում:   Հակառակորդի ինտենսիվ կրակի տակ Կապիտան Սարիբեկ Կիմայի Ավագյանը տարհանել է բազմաթիվ ռազմական տեխնիկա, իսկ ավագ լեյտենանտ Էրիկ Մհերի Անդրեասյանը հմտորեն իրականացրել է թիկունքային ապահովման գործընթացները: Ավագ լեյտենանտ Սամվել Վազգենի Ղարաբեկյանը, ցուցաբերելով անձնական խիզախություն, խոցել է 3 տանկ, հակառակորդի  մեկ տանկ էլ խոցվել է լեյտենանտ Վաչագան Գրիգորիի Տոնոյանի կողմից: Իր գործողություններով հյուսիսային ուղղությամբ հակառակորդի ճեղքման կասեցմանն է նպաստել Սերժանտ Էրիկ Ռոմիկի Հովհաննիսյանը: Շարքայիններ Անդրանիկ Դանիելի Դանիելյանն ու Արման Վարդանի Մելքոնյանը հյուսիսային ուղղությամբ ոչնչացրել են  հակառակորդի մեծաքանակ կենդանի ուժ: Մայոր Դավիթ Տիգրանի Գրիգորյանը հմտորեն ղեկավարել է դիվիզիոնը, իրականացրել հակառակորդի հետախուզում ու հայտնաբերում, անձամբ կրակ վարել, ինչի արդյունքում հակառակորդին հասցվել են կենդանի ուժի մեծաթիվ կորուստներ, ինչպես նաև խոցվել հրետանային, ռեակտիվ և ականանետային մարտկոցներ: Բուժծառայության մայոր Մհեր Արմենի Սարգսյանը, կապիտան Էլեոնորա Էդուարդի Շահինյանը, ենթասպա Հասմիկ Քաջիկի Հովսեփյանը և ծառայող Հայկանուշ Արայիկի Գնունյանը աչքի են ընկել վիրավորներին բուժօգնության ցուցաբերման և վերջիններիս առավել ապահով վայր տարհանելու գործողություններով:
13:27 - 23 հունվարի, 2021
ՊԲ-ն հրապարակել է զոհված 72 զինծառայողի անուն

ՊԲ-ն հրապարակել է զոհված 72 զինծառայողի անուն

Հայրենիքի պաշտպանության համար մղված մարտերում նահատակված զինծառայողների նոր անուններ է հրապարակել Պաշտպանության բանակը: Հանուն հայրենիքի նահատակվել են՝ Կամավորական Հովհաննիսյան Արթուր Գեորգի, ծնվ. 1967թ. Պահեստազորային Քոլանջյան Արտյոմ Սարգսի, ծնվ. 1993թ. Գրիգորյան Մերուժան Հարությունի, ծնվ. 1996թ. Պահեստազորային Աբրահամյան Համլետ Վլադիկի, ծնվ. 1979թ. Մադաթյան Ռազմիկ Ալեքսանի, ծնվ. 2000թ. Խումարյան Մորիս Գագիկի, ծնվ. 2000թ. Հովսեփյան Գրիգոր Արայիկի, ծնվ. 2000թ. Կարապետյան Տիգրան Գրիգորի, ծնվ. 2002թ. Նազարյան Աբգար Գեղամի, ծնվ. 2002թ. Իսպիրյան Բորիս Գևորգի, ծնվ. 2000թ. Ապրեսյան Տիգրան Թադևոսի, ծնվ. 2001թ. Կիրակոսյան Ռոման Հայկի, ծնվ. 2001թ. Փանոսյան Արսեն Մնացականի, ծնվ. 2001թ. Հովհաննիսյան Մելքոն Թելմանի, ծնվ. 2002թ. Մստոյան Նորայր Դհարի, ծնվ. 2001թ. Էլոյան Հենրիկ Սերգեյի, ծնվ. 2001թ. Պետրոսյան Սասուն Սարիբեկի, ծնվ. 2001թ. Ներսիսյան Կարեն Դավիթի, ծնվ. 2002թ. Հովագիմյան Կարո Սարկիսի, ծնվ. 2000թ. Հովհաննիսյան Մարտին Հովհաննեսի, ծնվ. 2001թ. Ստեփանյան Ալբերտ Գագիկի, ծնվ. 2002թ. Հարությունյան Հայկ Հրանտի, ծնվ. 2002թ. Սամբատով Սամվել Գրիշի, ծնվ. 2001թ. Գալստյան Արմեն Գևորգի, ծնվ. 2001թ. Եսայան Սուրեն Սարգսի, ծնվ. 2002թ. Մուրադյան Հովիկ Սմբատի, ծնվ. 1993թ. Մանուկյան Իգոր Համլետի, ծնվ. 1977թ. Դոխոյան Ռուդոլֆ Յուրիկի, ծնվ. 1977թ. Մարգարյան Առաքել Սլավայի, ծնվ. 1988թ. Դադամյան Ռոման Վագիֆի, ծնվ. 1982թ. Գևորգյան Վահան Այդինի, ծնվ. 1968թ. Ղահրամանյան Սամվել Կառլենի, ծնվ. 1968թ. Հարությունյան Հարություն Կառլենի, ծնվ. 1984թ. Բեգլարյան Գարիկ Վաչագանի, ծնվ. 1996թ. Պահեստզորային Հովհաննիսյան Մենուա Արմենի, ծնվ. 1986թ. Բարսեղյան Մարատ Նաիրիի, ծնվ. 2002թ. Գրիգորյան Գրիշա Սամվելի, ծնվ. 2002թ. Մկրտչյան Միքայել Ռուբենի, ծնվ. 2002թ. Հովագիմյան Կարեն Յուրայի, ծնվ. 2001թ. Ղազարյան Սամվել Արթուրի, ծնվ. 2000թ. Խաչատրյան Գավրուշ Ջոնիկի, ծնվ. 2001թ. Սիրեկանյան Լյուդվիգ Հովակիմի, ծնվ. 2001թ. Խաչատրյան Հրաչ Նորայրի, ծնվ. 2000թ. Կարապետյան Ռոբերտ Անդրանիկի, ծնվ. 2002թ. Ավոյան Դավիթ Աթիկի, ծնվ. 2001թ. Մխիթարյան Սարգիս Սամվելի, ծնվ. 2000թ. Վիրաբյան Էրիկ Քաջիկի, ծնվ. 2000թ. Օհանյան Գոռ Գագիկի, ծնվ. 2001թ. Ռաշոյան Գարիկ Ռադիկի, ծնվ. 2001թ. Գուլբանդյան Գարիկ Համլետի, ծնվ. 2001թ. Մկրտչյան Հայկ Մկրտչի, ծնվ. 2001թ. Մելիքսեթյան Աշոտ Արտյոմի, ծնվ. 2001թ. Մաթևոսյան Դավիթ Գրիգորի, ծնվ. 2001թ. Մուրադյան Աշոտ Հովհաննեսի, ծնվ. 2001թ. Ղազարյան Հայկ Սամվելի, ծնվ. 2000թ. Հովհաննիսյան Սեդրակ Սամվելի, ծնվ. 1993թ. Մխիթարյան Նարեկ Մխիթարի, ծնվ. 1995թ. Համբարյան Տիգրան Սուրիկի, ծնվ. 1982թ. Հակոբյան Հայկ Ցոլակի, ծնվ. 1997թ. Գևորգյան Դավիթ Աշոտի, ծնվ. 1980թ. Պահեստազորային Հովսեփյան Նվեր Մերուժանի, ծնվ. 1984թ. Ափյան Արա Յուրիկի, ծնվ. 1983թ. Պահեստազորային Սարգսյան Պարույր Հայկի, ծնվ. 1980թ. Պահեստազորային Տոնոյան Վահան Գառնիկի, ծնվ. 1988թ. Պահեստազորային Ասատրյան Արթուր Հակոբի, ծնվ. 1985թ. Կամավորական Խաչատրյան Ռաֆիկ Իշխանի, ծնվ. 1988թ. Ալեքսանյան Խորեն Հրանտի, ծնվ. 1985թ. Պահեստազորային Հարությունյան Հակոբ Վոլոդյայի, ծնվ. 1979թ. Կիրակոսյան Գևորգ Դավիթի, ծնվ. 1996թ. Արզումանյան Հրաչյա Սեյրանի, ծնվ. 2001թ. Մկրտչյան Լևոն Վարդանի, ծնվ. 2001թ. Խաչատրյան Վանիկ Վալերիկի, ծնվ. 2000թ.
10:53 - 23 հունվարի, 2021
Հովիկ Սերգեյի Մուսայելյանը մարտական բարդ իրավիճակներում, վտանգելով կյանքը, տեղափոխել է վիրավոր զինծառայողներին․ ՊԲ-ն հերոսական դրվագներ է ներկայացրել

Հովիկ Սերգեյի Մուսայելյանը մարտական բարդ իրավիճակներում, վտանգելով կյանքը, տեղափոխել է վիրավոր զինծառայողներին․ ՊԲ-ն հերոսական դրվագներ է ներկայացրել

Արցախի Պաշտպանության բանակը հրապարակել է հերոսական դրվագներ Արցախյան 44-օրյա պատերազմից։ «Վարորդ-սանիտար, կրտսեր սերժանտ-պայմանագրային Հովիկ Սերգեյի Մուսայելյանը մարտական բարդ իրավիճակներում դրսևորել է սառնասրտություն և, վտանգելով կյանքը, տեղափոխել վիրավոր զինծառայողներին: Բարձր մակարդակով որակավորված բուժօգնություն են ցուցաբերել և մասնագիտական պարտքը բարեխղճորեն կատարել բուժծառայության մայորներ Նարեկ Արմենի Մեսրոպյանը, Արմեն Ալբերտի Հարությունյանը, Գեորգի Էդուարդի Մանուչարյանը, կամավորական Հրանտ Անդրանիկի Աշճյանը, պահեստազորայիններ Արթուր Ալիխանի Հակոբյանը, Ալիկ Արտիկի Հայրապետյանը, ավագ ենթասպաներ Մանուշակ Շահենի Աղաջանյանը, Կարինե Շիրինի Սահակյանը:   Մարտական դիրքում հակառակորդի գրոհը կասեցնելիս աչքի է ընկել կապիտան Սեյրան Սլավայի Գրիգորյանը: Ինտենսիվ մարտերի ընթացքում կապիտան Դավիթ Հովհաննեսի Սաժումյանը զորամասի մարտնչող ստորաբաժանումներն ապահովել է կապով և տեսադիտարկման համակարգով:   Մայոր Լենդրուշ Նորայրի Խաչատրյանը հմտորեն ղեկավարել է ստորաբաժանման գործողությունները և կորուստներ պատճառել թշնամական ուժերին:   Հյուսիսային ուղղությամբ ընթացող մարտերում թշնամու գրոհները կասեցրել և հակառակորդին մեծաթիվ կորուստներ են պատճառել շարքայիններ Վաղինակ Հակոբի Սարգսյանը, Սպարտակ Իշխանի Խաչատրյանը, ավագ լեյտենանտ Գեղամ Արսենի Ղազիյանը, սերժանտ Մհեր Սայաթի Գասպարյանը, կրտսեր սերժանտ Տիգրան Սուրենի Ավանեսյանը:   Կապիտան Արամ Արթուրի Խաչատրյանը հմտորեն ղեկավարել է հրետանու կրակը՝ պատճառելով թշնամուն զգալի կորուստներ»,- նշված է ՊԲ հաղորդագրության մեջ։
17:38 - 18 հունվարի, 2021
Խոցել են տանկեր, զրահապատ տեխնիկա, կրակի տակ տարհանել վիրավորներին. ՊԲ-ն հերոսական դրվագներ է ներկայացրել

Խոցել են տանկեր, զրահապատ տեխնիկա, կրակի տակ տարհանել վիրավորներին. ՊԲ-ն հերոսական դրվագներ է ներկայացրել

Փոխգնդապետ Մասիս Արթուրի Ավանեսյան: Աչքի է ընկել գումարտակի ղեկավարման գրագետ գործողություններով: Անձամբ խոցել է 1 տանկ և հակառակորդին պատճառել մարդկային զգալի կորուստներ: Այս մասին հայտնում է Արցախի ՊԲ-ն։ Մայորներ Խաչիկ Կարապետի Մինասյանն ու Խաչիկ Արարատի Աղաբեկյանը, հմտորեն ղեկավարելով իրենց ստորաբաժանումները, հրետանու ճշգրիտ կրակով ոչնչացրել են հակառակորդի մեծաքանակ զրահապատ տեխնիկա և ավելի քան 50 հետևակային: Բուժծառայության կապիտաններ Նարեկ Սեդրակի Դալիբալտյանը, Ալեքսանդր Արկադիի Ղազարյանը, պահեստազորի սերժանտ Զորայր Արտուրիկի Ասրյանը, ծառայող Հռիփսիմե Ապրեսի Մարտիրոսյանը, պահեստազորի շարքայիններ Մարտիկ Լյովայի Ավագյանը, Մարտիկ Բորիկի Գրիգորյանն ու Արայիկ Շահենի Ավագյանը հակառակորդի կրակի տակ առաջին բուժօգնություն են ցուցաբերել և տարհանել բազմաթիվ վիրավորների: Մայոր Էդգար Արտակի Կարապետյանը հակառակորդի կրակի տակ տարհանել է բազմաթիվ ռազմական տեխնիկա: Անձամբ ղեկավարելով տանկային վաշտերից մեկը հյուսիսային սահմանագոտում՝ վաշտի կազմով խոցել են հակառակորդի մեկ դիտակետ և հինգ տանկ: Ավագ լեյտենանտ Տարոն Ազատի Արշակյանը իր մարտկոցով հյուսիսային ուղղությամբ կասեցրել է հակառակորդի առաջխաղացումը՝ պատճառելով կենդանի ուժի մեծ կորուստներ: Անձամբ ականանետով շարքից հանել է հակառակորդի մեկ տանկ՝ վնասելով ևս մեկը: Լեյտենանտ Գայանե Գրիգորիի Գրիգորյանը, ենթասպա Եվգինե Ներսեսի Մարտիրոսյանը և կրտսեր սերժանտ-պայմանագրային Անահիտ Կամոյի Աբրահամյանը, դրսևորելով խիզախություն, հաջողությամբ կատարել են իրենց առջև դրված մարտական խնդիրները: Փոխգնդապետ Արթուր Վյաչեսլավի Սարգսյանը հակառակորդի հրետակոծության ժամանակ իրականացրել է սպառազինության և ռազմական տեխնիկայի մարտակարգերից տարհանումը, ինչպես նաև կազմակերպել զինամթերքի մատակարարման աշխատանքները:
10:57 - 15 հունվարի, 2021
Լեյտենանտը ջախջախել է թշնամու ուժերը, տարհանել զոհերին ու վիրավորներ. հերոսական դրվագներ

Լեյտենանտը ջախջախել է թշնամու ուժերը, տարհանել զոհերին ու վիրավորներ. հերոսական դրվագներ

Պաշտպանության բանակը մարտական գործողությունների ժամանակ տեղի ունեցած հերոսական դրվագներ է ներկայացրել: «Սերժանտ Արթուր Վաղինակի Սարհատյանը ակտիվ մարտ է վարել գրոհող հակառակորդի դեմ, պատճառել վերջինիս մեծաթիվ կորուստներ, կասեցրել գրոհող ուժերի ներթափանցումը: Վիրավորվել է թշնամական հրետանու կրակից: Շարքային Վրույր Աշոտի Ղազարյանը ցուցաբերել է անհատական խիզախություն՝ պատճառելով թշնամուն կենդանի ուժի կորուստներ, կազմակերպել է տարբեր ապահովման հարցեր, տարհանել վիրավոր ընկերներին: Լեյտենանտ Հովհաննես Գագիկի Պետրոսյանը համառ մարտ է վարել թշնամու գրոհող ուժերի դեմ, հմտորեն ղեկավարել ենթականերին, ինչի արդյունքում հակառակորդը կրել է կենդանի ուժի և զինտեխնիկայի կորուստներ: Լեյտենանտ Արտավազդ Անդրանիկի Ավետիսյանը կարևոր բարձունքներից մեկում ջախջախել է թշնամական ուժերին, հետ մղել վերջինիս հարձակումը, ապա տարհանել զոհերին ու վիրավորներին: Կրտսեր սերժանտ Մարտիկ Արտակի Մուրադյանը աչքի է ընկել հակառակորդի գրոհող ստորաբաժանումներն ու կրակային միջոցները ոչնչացնելու ժամանակ: Ավագ լեյտենանտ Լևոն Միսակի Ավետիսյանը աչքի է ընկել հարևան ստորաբաժանման հրամանատարական դիտակետում շրջափակման մեջ հայտնված զինծառայողներին փրկելիս, որը հնարավոր է դարձել թշնամական ուժերի դեմ անմիջական մարտ վարելու և վերջինիս մեծ կորուստներ պատճառելու շնորհիվ: Կապիտան Գավրուշ Էրիկի Հարությունյանը թշնամու ձեռնարկած հարձակման ժամանակ հմտորեն ղեկավարել է ենթակա անձնակազմը, կատարել մարտական առաջադրանքն ու կորուստներ պատճառել հակառակորդին: Վիրավորվել է թշնամու դիպուկահարի կրակոցից: Պահեստազորի ավագ սերժանտ Արմեն Արարատի Պետրոսյանը մարտական հաշվարկի հետ միասին բարձր մակարդակով իրականացրել է առաջադրված մարտական խնդիրները:Փառք մեր հերոսներին»:
12:42 - 09 հունվարի, 2021
Փաշինյանը խուսափում է Արցախի պաշտպանության բանակի մասին հարցերին ուղիղ պատասխանելուց |hetq.am|

Փաշինյանը խուսափում է Արցախի պաշտպանության բանակի մասին հարցերին ուղիղ պատասխանելուց |hetq.am|

hetq.am: ՀՀ վարչապետ Նիկոլ Փաշինյանը, ով նոյեմբերի 9-ին հրադադարի վերաբերյալ համաձայնության է եկել Ադրբեջանի ու Ռուսաստանի նախագահների հետ, խուսափում է կոնկրետ պատասխան տալ Արցախի բանակին վերաբերող հարցերին: Դեկտեմբերի 16-ին, երբ ադրբեջանցիներն արդեն (դեկտեմբերի 12-ին) գրոհել ու գրավել էին Հադրութի շրջանի՝ հայկական վերահսկողության տակ գտնվող վերջին գոտին՝ Խծաբերդ-Հին Թաղեր հատվածը, ու ինչպես հետո պարզվեց, սպանել էին 9 հոգու եւ գերի վերցրել 64-ին, վարչապետին մի քանի հարց էինք ուղղել Արցախի շուրջ իրավիճակի եւ Հայաստանի սահմաններին վերաբերող խնդրի մասին: Այս անգամ կանդրադառնանք երկու հարցի, որոնք, ի թիվ մյուսների, ուղղել էինք վարչապետին: Հարցերից առաջինի համար հիմք էին ծառայել Խծաբերդ-Հին Թաղեր հատվածում իրականացրած սադրանքից հետո ադրբեջանական կողմի հայտարարությունները: Այն հետեւյալն էր: -Ադրբեջանական կողմը եռակողմ հայտարարությունը մեկնաբանում է 4-րդ կետի տրամաբանությամբ, այն է՝ ՌԴ խաղաղապահ զորակազմը տեղակայվում է հայկական զինված ուժերի դուրսբերմանը զուգահեռ: Արդյոք սա նշանակում է, որ ԼՂՀ-ում հայկական ուժեր չպիտի լինեն: Ընդհանրապես, ի՞նչ է նշանակում այս կետը, որը նման մեկնաբանության տեղիք է տվել: Ինչպիսի՞ եռակողմ «ըմբռնում» է եղել հայտարարությունը ստորագրելիս («ըմբռնում» տերմինը շրջանառության մեջ դրեց հենց ինքը՝ Փաշինյանը, դեկտեմբերի 13-ին կայացած անվտանգության խորհրդի նիստում, երբ հայտարարեց, թե Ղուբաթլուի ու Զանգելանի շրջանների վերաբերյալ համատեղ հայտարարության մեջ որեւէ հիշատակում չկա, որովհետեւ ստորագրման պահին այդ տարածքերը մեծ մասամբ գտնվել են ադրբեջանական ուժերի վերահսկողության ներքո, իսկ հայկական ուժերի վերահսկողության տակ գտնվող փոքր հատվածների մասով, ըստ նրա, բանակցությունների ընթացքում եղել է ըմբռնում, որ այդտեղ պետք է տեղի ունենա սահմանների ճշգրտում. ինչպես շուտով պարզվեց, խոսքը, պարզ լեզվով ասած, այդ հատվածները թշնամուն հանձնելու մասին էր, ինչն էլ արվեց դեկտեմբերին): Ահա, թե դեկտեմբերի 30-ին ինչ է պատասխանել Ն. Փաշինյանի աշխատակազմը մեր հարցին: -Ինչպես բազմիցս արդեն նշել է ՀՀ վարչապետը, եռակողմ հայտարարությունը պարունակում է ինչպես հստակ գործողություններ եւ պարտավորություններ ենթադրող, այնպես էլ որոշակի նրբություններ պարունակող եւ հետագա հստակեցման կարիք ունեցող կետեր: ՌԴ խաղաղապահ ուժերը շարունակում են խաղաղապահական առաքելության պատասխանատվության գոտում իրենց տեղակայումը, եւ դրան զուգահեռ Արցախի պաշտպանության բանակի ստորաբաժանումները շարունակում են իրականացնել մարտական ծառայություն: Այստեղից կարող ենք հետեւություն անել, որ Արցախի ՊԲ-ի վերաբերյալ կոնկրետություն չկա, ու վարչապետի աշխատակազմն էլ խոստովանում է, որ կան «որոշակի նրբություններ պարունակող եւ հետագա հստակեցման կարիք ունեցող կետեր»: Առավել մանրամասն՝ hetq.am-ում։
16:37 - 08 հունվարի, 2021
ՊԲ-ն չի բացառում, որ համացանցի ադրբեջանական տիրույթում տարածված կադրերում գործ ունենք ավելի վաղ ադրբեջանական գերության մեջ հայտնված քաղաքացիների սպանության հետ

ՊԲ-ն չի բացառում, որ համացանցի ադրբեջանական տիրույթում տարածված կադրերում գործ ունենք ավելի վաղ ադրբեջանական գերության մեջ հայտնված քաղաքացիների սպանության հետ

Արցախի Հանրապետության պաշտպանության բանակը ևս մեկ անգամ վերահաստատում է ավելի վաղ արված իր հայտարարությունն այն մասին, որ ո՛չ դեկտեմբերի 27-ին, ո՛չ նախորդող և ո՛չ էլ հաջորդող օրերին ՊԲ որևէ ստորաբաժանում, որևէ զիծառայող ընդգրկված չեն եղել որևէ մարտական գործողության մեջ և նույնիսկ մեկ կրակոց չեն արձակել: Շփման գծի ամբողջ երկարությամբ հրադադարի ռեժիմը պահպանվել և պահպանվում է: Ավելին` ակնհայտ է, որ Ադրբեջանը, ներկայացված «մարտերի» պարագայում, խոսում է իրենց իսկ կողմից վերահսկվող տարածքների խորքում, առաջնագծից բավական հեռու գտնվող գյուղի մասին, որտեղ հայտնվելու համար ՊԲ զինծառայողները պետք է հատեին առաջնագիծը և ռազմերթ կատարեին թշնամու թիկունքում, ինչը, հաշվի առնելով հենց իրենց՝ ադրբեջանական ԶՈՒ ստորաբաժանումների առկայությունը, ինչպես նաև ՌԴ խաղաղապահ առաքելության գործոնը, ուղղակի հնարավոր չէ: Պակաս կարևոր չէ նաև «զուգադիպությունը», որ նախօրեին Ադրբեջանը խախտել է վաղօրոք ձեռք բերված պայմանավորվածությունը և չի թույլատրել որոնողական խմբերի մուտքը տարածքներ, որտեղ, իրենց պնդմամբ, ընթացել են այդ «մարտերը»։ Եվ սա այն դեպքում, երբ որոնողական խմբերի՝ այդ տարածքներում աշխատանքների շուրջ պայմանավորվածությունը ձեռք էր բերվել դեկտեմբերի 27-ին, այսինքն, ադրբեջանական կողմի պնդմամբ, հենց այն օրը, երբ «մարտեր էին ընթացել»։ Նշված փաստերի համադրությունը ենթադրելի է դարձնում, որ ադրբեջանական կողմի գործողություններն ու հայտարարությունները նպատակ ունեն կոծկել հերթական պատերազմական հանցագործությունը, և հենց այդ նպատակին է միտված եղել որոնողական խմբերին հիշյալ տարածքներ մուտք գործելու թույլտվությունից հրաժարվելը: Ներկայում ակտիվ աշխատանքներ են ընթանում՝ պարզելու տարածված կադրերում պատկերված անձանց ինքնությունը։ Պաշտպանության բանակը չի բացառում, որ գործ ունենք ավելի վաղ ադրբեջանական գերության մեջ հայտնված քաղաքացիների դաժան սպանության հետ։ Խստորեն դատապարտում ենք ադրբեջանական կողմի այս գործելաոճը, ինչը հակասում է նոյեմբերի 9-ի եռակողմ հայտարարության տրամաբանությանը: Արցախի Հանրապետությունը հետևողական է լինելու Ադրբեջանի գործած պատերազմական հանցագործությունները բացահայտելու հարցում։
16:32 - 30 դեկտեմբերի, 2020
ՊԲ որևէ ստորաբաժանում որևէ գործողության չի մասնակցել, հայկական կողմից անգամ մեկ կրակոց չի արձակվել․ ԱՀ ՊԲ

ՊԲ որևէ ստորաբաժանում որևէ գործողության չի մասնակցել, հայկական կողմից անգամ մեկ կրակոց չի արձակվել․ ԱՀ ՊԲ

Երեկ ողջ օրվա ընթացքում և մինչև այս պահը ԱՀ պաշտպանության բանակի որևէ ստորաբաժանում, որևէ զինծառայող որևէ գործողության չի մասնակցել, որևէ արտակարգ պատահար չի գրանցվել և հայկական կողմից անգամ մեկ կրակոց չի արձակվել։ Այս մասին հայտնում է ԱՀ Պաշտպանության բանակը։«Ադրբեջանական կողմը շարունակում է ապատեղեկատվություն տարածել, իբր նախօրեին «հայկական զինված խմբավորման» կողմից ադրբեջանական ԶՈՒ ստորաբաժանման վրա իրականացված հարձակման մասին։ Այդ մասին քիչ առաջ հայտարարություն է տարածել նաև Ադրբեջանի պաշտպանության նախարարությունը։ Ինչպես արդեն հայտարարել էինք ժամեր առաջ, վերահաստատում ենք, որ երեկ ողջ օրվա ընթացքում և մինչև այս պահը ԱՀ պաշտպանության բանակի որևէ ստորաբաժանում, որևէ զինծառայող որևէ գործողության չի մասնակցել, որևէ արտակարգ պատահար չի գրանցվել և հայկական կողմից անգամ մեկ կրակոց չի արձակվել։Այս պարագայում, Ադրբեջանի պաշտպանության նախարարության կողմից տարածված հայտարարությունը այլ կերպ, քան քարոզչական սադրանք հնարավոր չէ որակել։ ԱՀ պաշտպանության բանակը շարունակում է խստորեն պահպանել հրադադարի ռեժիմը»,- ասված է հաղորդագրության մեջ։
12:38 - 28 դեկտեմբերի, 2020
Արցախի ՊԲ որևէ ստորաբաժանում Արցախի Հադրութի շրջանի Տող գյուղի մոտակայքում որևէ գործողության չի մասնակցել

Արցախի ՊԲ որևէ ստորաբաժանում Արցախի Հադրութի շրջանի Տող գյուղի մոտակայքում որևէ գործողության չի մասնակցել

ՀՀ ՊՆ-ն հայտարարություն է տարածել, որում ասվում է․ «Ադրբեջանական մի շարք լրատվամիջոցներ հայտնում են Հադրութի Տող գյուղի մոտակայքում հայ և ադրբեջանցի զինվորականների միջև վերսկսված մարտերի մասին։ Հաղորդվում է նաև երկու կողմի զոհերի և վիրավորների մասին։ Հիշեցնենք, որ Տող գյուղը գտնվում է ադրբեջանական ԶՈՒ ամբողջական վերահսկողության ներքո։Արցախի ՊԲ-ն խստորեն պահպանում է հրադադարի ռեժիմը, որևէ ստորաբաժանում տվյալ հատվածում որևէ գործողության չի մասնակցել, ավելին՝ Արցախի ՊԲ ստորաբաժանումների հետ կապված որևէ արտակարգ միջադեպ չի գրանցվել։Այդուհանդերձ, հայկական կողմը փորձում է հավելյալ տեղեկություններ պարզել, չբացառելով հավանականությունը, որ գործ ունենք ադրբեջանական տեղեկատվական սադրանքի հետ»։
01:41 - 28 դեկտեմբերի, 2020