Մեսրոպ Առաքելյան

Մեսրոպ Առաքելյանը ՀՀ աշխատանքի և սոցիալական հարցերի նախարարն է:

Տարեթիվ, ամսաթիվ, ծննդավայր
1985 թ. ապրիլի 23, ք. Երևան

Կրթություն
1991–2000թթ. - ավարտել է Երևանի Լ. Շանթի անվան թիվ 4 միջնակարգ դպրոցը` գերազանցության ատեստատ, մեդալ, էքստեռն կարգով
2000–2006թթ. - ավարտել է ԵՊՀ տնտեսագիտության ֆակուլտետը, մագիստրոսի կոչումով` ստանալով ֆինանսիստ-տնտեսագետի որակավորում
2006-2009թթ. - ավարտել է ԵՊՀ ասպիրանտուրան, տնտեսագիտության թեկնածու
2008թ. – ավարտել է «Բանկի ակտիվների և պասիվների կառավարում» դասընթացները` Ռուսաստանի Դաշնության ժողովրդական տնտեսության ակադեմիայում

Աշխատանքային գործունեություն
2004-2008թթ. – «ՎՏԲ-Հայաստան բանկ» ՓԲԸ Մյասնիկյան մասնաճյուղի կառավարիչի տեղակալ
2008-2010թթ. – «ՎՏԲ-Հայաստան բանկ» ՓԲԸ Սպանդարյան մասնաճյուղի կառավարիչ
2008-2013թթ. – «ՎՏԲ-Հայաստան բանկ» ՓԲԸ Փոքր բիզնեսի վարչության պետ
2013-2017թթ. – «Արդշինինվեստբանկ» ՓԲԸ Ռիսկերի կառավարման տնօրենի տեղակալ-վարկային ռիսկի կառավարման վարչության պետ
2017-2020թթ. – «Մոգո» ՈՒՎԿ Գլխավոր տնօրեն
2007թ. – մինչ այժմ – ԵՊՀ դասախոս
2018-2020թթ. - Վարչապետի խորհրդական` հասարակական հիմունքներով
2020թ. նոյեմբերի 20-ին նշանակվել է ՀՀ աշխատանքի և սոցիալական հարցերի նախարար

Կուսակցական պատկանելություն
«Առաքելություն» կուսակցության քաղաքական խորհրդի անդամ

Անձնական տվյալներ
Ամուսնացած է, ունի 2 դուստր:

Առաջիկա օրերին առկա մերժված հայտերը, ինչպես նաև այն հայտերը, որոնք ծրագրային պատճառներով հնարավոր չի եղել դիտարկել, կդիտարկվեն մեկ անգամ ևս․ Մեսրոպ Առաքելյան

Առաջիկա օրերին առկա մերժված հայտերը, ինչպես նաև այն հայտերը, որոնք ծրագրային պատճառներով հնարավոր չի եղել դիտարկել, կդիտարկվեն մեկ անգամ ևս․ Մեսրոպ Առաքելյան

ՀՀ աշխատանքի և սոցիալական հարցերի նախարար Մեսրոպ Առաքելյանը արցախահայության աջակցության ծրագրերի մասին տեղեկություններ ու պարզաբանումներ է ներկայացրել․ «Կառավարության կողմից հաստատված աջակցության ծրագրերի մասով ներկայացնում եմ որոշ տեղեկություններ և պարզաբանումներ։ • Արցախում հաշվառված քաղաքացիներին տրամադրվող աջակցության ծրագրի (68.000 դրամ+15.000 դրամ սեփականություն չունենալու դեպքում) պոտենցիալ շահառուների 99 տոկոսի դիմումները հաստատվել են, որոնցից 86 տոկոսը փաստացի ստացել է աջակցության գումարները։ • Որոշ քաղաքացիների դիմումների մերժումների մասով առկա են դժգոհություններ, քանի որ այդ անձինք թեև իրակավան տեսանկյունից չեն համապատասխանում պահանջներին, սակայն փաստացի առկա են հիմնավորումներ շահառու հանդիսանալու համար։ Այդ կապակցությամբ, Կառավարության որոշմամբ կատարվել է փոփոխություն, համաձայն որի՝ Արցախի կառավարության կողմից տրամադրված հիմնավորումները հիմք կհանդիսանան շահառու համարվելու և աջակցություն ստանալու համար։ • Առաջիկա օրերին առկա մերժված հայտերը, ինչպես նաև այն հայտերը, որոնք ծրագրային պատճառներով հնարավոր չի եղել դիտարկել, կդիտարկվեն մեկ անգամ ևս։ • Դիմումների ընդունման ժամկետը դեկտեմբերի 20-ի փոխարեն երկարաձգվել է մինչև հունվարի 11-ը։ • Կորցրած բնակավայրերում հաշվառված քաղաքացիների աջակցության ծրագրի մասով (300.000 դրամ յուրաքանչյուր քաղաքացուն) պոտենցիալ շահառուների 90 տոկոսը դիմել է, որոնց դիմումները դիտարկվում են Արցախի կառավարության կողմից, և արդեն այսօրվանից որոշ քաղաքացիներ ստացել են աջակցության գումարները։ • Այս ծրագրի մասով նույնպես դիմումների ընդունման ժամկետը երկարաձգվել է մինչև հունվարի 11-ը։ • Այս ծրագրի մասով նույնպես անհատական հիմնավորումները հիմք կհանդիսանան շահառու դառնալու համար։ • Ավերածությունների և այլ պատճառներով կացարանը կորցրած բնակիչների աջակցության ծրագրի (250.000 դրամ յուրաքանչյուր քաղաքացուն) դիմումները կսկսվեն ընդունվել հաջորդ շաբաթվանից։ • Քաղաքացիական անձանց շրջանում զոհերի ընտանիքներին և վիրավորներներին աջակցության ծրագրի (1-5 մլն դրամ) դիմումներն արդեն ընդունվում են։ • Հայաստանում գտնվող արցախցիներին աշխատանքային փորձ ձեռքբերելու համար աջակցության միջոցառումը կմեկնարկի հունվարից։ • Հայաստանում գտնվող արցախցիներին ժամանակավոր զբաղվածության (համայքներում աշխատանքի) աջակցության միջոցառումը կմեկնարկի հունվարից։ • Հայաստանում և Արցախում արցախցիներին հյուրընկալելու միջոցառման (յուրաքանչյուր չափահաս անձի գծով 30.000 դրամ Հայաստանում և 45.000 դրամ Արցախում) դիմումների ընդունումը կսկսվի դեկտեմբերի 25-ից, դեկտեմբեր ամսվա համար վճարումները կիրականացվեն հունվարից։ Հայցում եմ բոլոր այն արցախցիների ներողամտությունը, ովքեր դեռ չեն ստացել աջակցությունները կամ այդ ընթացքում բախվել են անհարմարությունների։ Նախարարության համար յուրաքանչյուր քաղաքացի մեր անհատական հոգածության ներքո է։ Վստահեցում եմ, որ աջակցության կարիք ունեցող յուրաքանչյուր քաղաքացի ունենալու է պետության աջակցությունը՝ քաղաքացու նկատմամբ մեր անհատական պատասխանատվության շրջանակում»։
20:44 - 19 դեկտեմբերի, 2020
Մեսրոպ Առաքելյանն ու Մանե Թանդիլյանը քննարկել են Արցախում առաջացած սոցիալական խնդիրների լուծմանն ուղղված ընթացիկ աշխատանքները

Մեսրոպ Առաքելյանն ու Մանե Թանդիլյանը քննարկել են Արցախում առաջացած սոցիալական խնդիրների լուծմանն ուղղված ընթացիկ աշխատանքները

ՀՀ աշխատանքի և սոցիալական հարցերի նախարար Մեսրոպ Առաքելյանն Արցախ կատարած այցի շրջանակում դեկտեմբերի 12-ին հանդիպում է ունեցել ԱՀ աշխատանքի, սոցիալական և բնակարանային հարցերի նախարար Մանե Թանդիլյանի հետ: Այս մասին հայտնում է ՀՀ սոցապ նախարարությունը։ Հանդիպման ընթացքում քննարկվել են պատերազմի հետևանքով Արցախում առաջացած սոցիալական խնդիրների լուծմանն ուղղված ծրագրերն ու ընթացիկ աշխատանքները՝ ևս մեկ անգամ որպես առաջնահերթություն սահմանելով համագործակցության շնորհիվ դրանց իրականացման հասցեականությունն ու արդյունավետությունն ապահովելը: «Ակնհայտ է, որ հետպատերազմյան սոցիալական խնդիրներն ավելի ցցուն ու խորն են, բայց և այնպես, կողմերն այս հարցում միակարծիք են՝ ծանր կացության մեջ հայտնված մեր հայրենակիցներն զգալու են պետության սոցիալական հանձնառությունն ու հոգածությունը երկու նախարարությունների համատեղ ու միասնական ջանքերով»,- ասվում է նախարարության տարածած հաղորդագրությունում։ Ավելի վաղ հայտնել էինք, որ Մեսրոպ Առաքելյանն ու Մանե Թանդիլյանն այցելել են Աղավնո համայնք, հանդիպել բնակիչների և համայնքի ղեկավարի հետ
19:26 - 13 դեկտեմբերի, 2020
Մեսրոպ Առաքելյանը հանդիպել է ԱՀ նախագահ Արայիկ Հարությունյանին

Մեսրոպ Առաքելյանը հանդիպել է ԱՀ նախագահ Արայիկ Հարությունյանին

ՀՀ աշխատանքի և սոցիալական հարցերի նախարար Մեսրոպ Առաքելյանն Արցախի Հանրապետություն այցի շրջանաներում հանդիպել է հանրապետության նախագահ Արայիկ Հարությունյանին։ Հանդիպման ընթացքում քննարկվել են արցախահայության սոցիալական ծրագրերի ընթացքը, դրանց շարունակականության, նոր ծրագրերի անհրաժեշտությունը։ Այս մասին հայտնում է նախարար Մեսրոպ Առաքելյանը։ «Վերահաստատեցի կառավարության հանձնառությունը՝ արցախցիների սոցիալական խնդիրների լուծմանն ուղղված ծրագրերը՝ որպես ընթացիկ առաջնահերթություն, ամրագրելը։Միևնույն ժամանակ, կարևորեցի Հայաստանում իրենց կեցությունը շարունակող արցախցիների նկատմամբ մեր պատասխանատվությունը, որոնք արտացոլված են մի շարք ծրագրերում։Քննարկեցինք նաև Արցախի սոցիալ-տնտեսական ակտիվության վերակագնմանն ուղղված կայուն զարգացման հնարավոր ծրագրերը։Մեր նախարարությունը ամենօրյա կապի մեջ է Արցախի կառավարության գործընկերների հետ՝ միջոցառումները ավելի արդյունավետ դարձնելու նպատակով»,- գրել է նա։
20:11 - 12 դեկտեմբերի, 2020
Մեսրոպ Առաքելյանն աշխատանքային քննարկում է ունեցել ՄԱԿ ՓԳՀ-ի հայաստանյան ներկայացուցիչ Աննա-Կարին Օստի հետ

Մեսրոպ Առաքելյանն աշխատանքային քննարկում է ունեցել ՄԱԿ ՓԳՀ-ի հայաստանյան ներկայացուցիչ Աննա-Կարին Օստի հետ

Աշխատանքի և սոցիալական հարցերի նախարար Մեսրոպ Առաքելյանը հեռավար ձևաչափով զրուցել է ՄԱԿ Փախստականների հարցերով գերագույն հանձնակատարի գրասենյակի ներկայացուցիչ Աննա-Կարին Օստի հետ։Հանդիպման ընթացքում անդրադարձ է կատարվել հետպատերազմյան շրջանում իրականացվող ծրագրերին, մասնավորապես՝ կողմերը քննարկել են սոցիալական պաշտպանության ոլորտում սերտ համագործակցության ուղիները, Հայաստանում գտնվող արցախցիներին աջակցող սոցիալական պաշտպանության ծրագրերը, դրանց իրականացման մեխանիզմներն ու արդյունքները:Մեսրոպ Առաքելյանը ներկայացրել է առկա մարտահրավերները, նախարարության կողմից դրանց լուծմանն ուղղված քայլերը: Նախարարը կարևորել է բացի տրվող ֆինանսական աջակցություններից արդյունավետ միջավայրի և գործիքների ստեղծման անհրաժեշտությունը, որոնք արցախցիներին հնարավորություն կտան ունենալ կայուն եկամտի աղբյուր: Նա հույս է հայտնել, որ Արցախում առաջիկայում կվերականգնվի տնտեսական և սոցիալական կայունությունը ի և վստահեցրել՝ Արցախի վերաբնակեցումը կապված է ժամանակի ճիշտ և արդյունավետ կառավարման հետ:Աննա Կարին-Օստն էլ, իր հերթին, ներկայացրել է համաճարակի ընթացքում և հետպատերազմական օրերին իրենց կողմից կատարված և ընթացիկ փոխլրացնող նախաձեռնությունները, որոնց շրջանակներում հազարավոր մարդիկ ստացել են պարենային և ոչ պարենային աջակցություն:Կողմերը հույս են հայտնել, որ նախատեսվող երկարաժամկետ ծրագրերը հնարավորություն կտան ոչ միայն թեթևացնել արցախցիների դժվարությունները Հայաստանում, այլև կստեղծեն նախադրյալներ վերջիններիս՝ Արցախ վերադարձալու համար:Զրուցակիցները պատրաստակամություն են հայտնել շարունակել համագործակցությունը՝ տրամադրվող աջակցությունների հասցեականությունն ու նպատակայնությունը բարձրացնելու համար:
10:08 - 10 դեկտեմբերի, 2020
Մշակված են գործող զբաղվածության ծրագրերի հիման վրա հատուկ արցախահայության համար ծրագրեր․ Առաքելյան
 |armtimes.com|

Մշակված են գործող զբաղվածության ծրագրերի հիման վրա հատուկ արցախահայության համար ծրագրեր․ Առաքելյան |armtimes.com|

armtimes.com: Կառավարության հետ հարցուպատասխանի ընթացքում «Իմ քայլը» խմբակցության պատգամավոր Սոֆյա Հովսեփյանը բարձրացրեց արցախցիների զբաղվածությանը վերաբերող հարց։ «Արցախի այն քաղաքացիները, ովքեր եկել են անօթևաններ են արդեն և ստիպված են մնալու Հայատանի Հանրապետության տարածքում, կան մարդիկ, ովքեր ցանկություն ունեն աշխատելու, բայց քանի որ գրանցման խնդիր կա, քանի որ իրենք նախկինում գրանցված են եղել այն տարածքներում, որտeղ այս պահին այդ տարածքները չկան, և աշխատանքային պայմանագիր կնքելու խնդիր է առաջանում, և միևնույն ժամանակ հարկային դաշտ մտնելու խնդիր է առաջանում, գործատուները ուղղակիորեն հրաժարվում են կամ ստիպված են լինելու ուղղակի այսպես ստվերում աշխատանքի վերցնեն, իսկ քանի որ վախենում են հետագա տուգանքներից, աշխատանքի չեն վերցնում և այս մարդիկ մշտապես մնալու են զուտ կարիքի մեջ՝ ակնկալելով, որ պետությունը օգնի։ Արդյոք կա՞ որոշակի քայլեր արված այ առումով և եթե կա, ապա տեղեկացնեք, եթե չկա ի՞նչ է պլանավորվում»։ Արձագանքելով Հովսեփյանի հարցին՝ Աշխատանքի և սոցիալական հարցերի նախարար Մեսրոպ Առաքելյանը հիշեցրեց այն ծրագրերի մասին, որոնք իրականացվում են Կառավարության կողմից։ «Արցախի այն հայրենակիցները, ովքեր այս պահին իրենց կեցությունը անցկացնում են Հայաստանում, Կառավարությունը, ինչպես տեղյակ եք արդեն գործող մի քանի ծրագիր ունի, մասնավորապես Արցախի հաշվառում ունեցող բոլոր քաղաքացիներին տրամադրվել է 68.000 դրամական աջակցություն, այս պահի դրությամբ արդեն մոտ 45.000 քաղաքացի ստացել են այդ աջակցությունը, մոտավորապես 30.000-ի համար կա հաստատված գումարներ, որոնք առաջիկա օրերի ընթացքում կստանա, մոտավորպես 94.000 շահառուի մասին է խոսքը»։ Առաքելյանը նշեց, որ երկու ծրագիր կա Արցախի քաղաքացիների այն հատվածի  համար, որոնց բնակավայրերը այս պահին չեն գտնվում Արցախի տիրապետության մեկ։ «Մի ծրագիր արդեն գործում է 300.000-ական դրամ, և մյուս հատվածը, որը Կառավարության առաջիկա նիստում կհաստատվի, դա յուրաքանչյուր քաղաքացու մասով 250.000 դրամ կտրամադրվի այն քաղաքացիներին, որոնք բնակարանների, բնակելի տների ավերածությունների հետևանքով կամ այլ պատճառներով այս պահին հնարավորություն չունեն այդտեղ բնակվելու և բնակվում են Հայաստանում»։ Անդրադառնալով արցախցիների զբաղվածության թեմային՝ Առաքելյանը նշեց, որ այդ խնդիրը Կառավարության ուշադրության ներքո է։ «Այս պահին մշակված են գործող զբաղվածության ծրագրերի հիման վրա հատուկ արցախահայության համար ծրագրեր, որպեսզի նաև մեխանիզմը պարզ լինի և առաջիկայում նույնպես Կառավարությունը կունենա մի քանի ծրագրեր, որը հնարավորություն կտա կարճաժամկետ հատվածում ապահովել այդ քաղաքացիների զբաղվածության ծրագերը և բացի դրանից ոչ միայն իրենց մասով, նաև գործատուների մասով կլինեն խրախուսման համակարգեր, որպեսզի նաև գործատուները շահագրգռված լինեն այդ մարդկանց ընդունել աշխատանքի և այն շեշտադրումը, որ արեցիք կապված խնդիրների հետ, նաև պրոցեսը մաքսիմում պարզ է լինելու, ինչպես աջակցության մյուս ծրագրերի դեպքում, որպեսզի գրանցման և այլ խնդիրները խոչընդոտ չհանդիսանան աշխատելու համար»։ Կարդալ ավելին՝ armtimes.com-ում։
21:42 - 09 դեկտեմբերի, 2020
Իմ նշանակումից հետո ո՛չ ես, ո՛չ նախարարության ղեկավար անձնակազմը պարգեւավճար չենք ստացել եւ առաջիկայում չենք ստանալու․ Մեսրոպ Առաքելյան |armtimes.com|

Իմ նշանակումից հետո ո՛չ ես, ո՛չ նախարարության ղեկավար անձնակազմը պարգեւավճար չենք ստացել եւ առաջիկայում չենք ստանալու․ Մեսրոպ Առաքելյան |armtimes.com|

armtimes.com: Վստահ եմ՝ կհամաձայնեք, որ մեր նախարարության բազմաթիվ աշխատակիցներ կրտսեր աշխատակազմի ստանում են բավականին ցածր վարձատրություն, եւ պարգեւավճարները այս պարագայում պետք է դիտարկենք ոչ թե պարգեւավճար, այլ վարձատրության որոշակի հատված: Այսօր ՀՀ Կառավարության նիստից հետո լրագրողների հետ զրույցում ասաց աշխատանքի եւ սոցիալական հարցերի նորանշանակ նախարար Մեսրոպ Առաքելյանը՝ անդրադառնալով պարգեւավճարների թեմային: «Այս մասով կարծում եմ՝ կա անհրաժեշտություն որոշակի աշխատակիցների լրացուցիչ վարձատրության: Ինչ վերաբերում է անձամբ ինձ եւ նախարարության ղեկավար անձնակազմին, ապա իմ նշանակումից հետո ո՛չ ես, ո՛չ ղեկավար անձնակազմը պարգեւավճար չենք ստացել եւ առաջիկայում չենք ստանալու»,- նշեց նախարարը։
13:44 - 03 դեկտեմբերի, 2020
Նախատեսված են հատուկ միջոցառումներ՝ պատերազմի հետևանքով հաշմանդամություն ձեռք բերած քաղաքացիների համար

Նախատեսված են հատուկ միջոցառումներ՝ պատերազմի հետևանքով հաշմանդամություն ձեռք բերած քաղաքացիների համար

Հայաստանում հաշմանդամություն ունեցող անձանց համար հավասար հնարավորությունների ապահովումն ու նրանց ինտեգրումն օրվա հրամայականն է: Հաշմանդամություն ունեցող անձանց միջազգային օրվա հետ կապված այս մասին «Ֆեյսբուք» սոցիալական ցանցի իր էջում նշել է ՀՀ աշխատանքի և սոցիալական հարցերի նախարար Մեսրոպ Առաքելյանը: «Դեկտեմբերի 3-ը ողջ աշխարհում նշվում է որպես Հաշմանդամություն ունեցող անձանց միջազգային օր։ Մեզանում այսօր՝ առավել քան երբեւէ, հաշմանդամություն ունեցող անձանց համար հավասար հնարավորությունների ապահովումն ու նրանց ինտեգրումն օրվա հրամայականն է։ Ուստի, նրանց սոցիալական ներառումն ապահովող ծրագրերին զուգահեռ մեր կողմից նախատեսված են նաեւ հատուկ միջոցառումներ՝ պատերազմի հետեւանքով հաշմանդամություն ձեռք բերած քաղաքացիների համար»,- նշել է նախարարը։ Նրա խոսքով, Աշխատանքի եւ սոցիալական հարցերի նախարարությունն անում է ամեն հնարավորը՝ առավելագույնս պարզ ընթացակարգով վիրավոր զինծառայողների կարիքների գնահատման, հաշմանդամության խմբի ճանաչման, անհրաժեշտ աջակցող միջոցների հատկացման համար: Կարիքներին համարժեք ծառայությունների մատուցումը, կրթության եւ զբաղվածության խնդիրների կարգավորումը կարող են ունենալ երկարատև դրական ազդեցություն ոչ միայն ծրագրերում ընդգրկված անձանց կյանքի որակի, այլեւ հասարակության ընկալումների վրա ՝ ապահովելով սոցիալական ու տնտեսական առաջընթաց։ Նախարարը տեղեկացրել է, որ առաջիկայում նախատեսվում է ոլորտը կարգավորող նոր օրենսդրության ընդունում, որով պետությունն ավելի մեծ երաշխավորություն կստանձնի հաշմանդամություն ունեցող անձանց` այլ անձանց հետ համահավասար անկախ կյանքի եւ ներառականության համար անհրաժեշտ պայմաններ եւ հավասար հնարավորություններ ստեղծելու ուղղությամբ:  Հասցեական եւ համալիր միջոցառումները կթեթեւացնեն առկա խնդիրները, հնարավորություն կտան վերացնել միջավայրային արգելքները, բարձրացնել հասարակության իրազեկվածությունն ու արդյունքում ձևավորել նաեւ համարժեք վերաբերմունք։ «Օրվա խորհուրդը կարևորելով՝ ուզում եմ կրկին ընդգծել, որ այս ուղղությամբ սոցիալական ցանկացած ներդրում պետք է առաջնային լինի յուրաքանչյուրիս համար: Ակնկալում եմ, որ նախատեսվող ծրագրերի իրականացման շնորհիվ հաշմանդամություն ունեցող անձինք կկարողանան լիարժեք իրացնել երկրի հասարակական, քաղաքական, մշակութային կյանքին մասնակցելու իրենց իրավունքը»,-նշել է նախարարը:
13:39 - 03 դեկտեմբերի, 2020
Մեսրոպ Առաքելյանը վարչապետի հրաժարականի անհրաժեշտություն չի տեսնում |armenpress.am|

Մեսրոպ Առաքելյանը վարչապետի հրաժարականի անհրաժեշտություն չի տեսնում |armenpress.am|

armenpress.am: Աշխատանքի և սոցիալական հարցերի նախարար Մեսրոպ Առաքելյանը վարչապետ Նիկոլ Փաշինյանի հրաժարականի անհրաժեշտություն չի տեսնում: Այդ մասին նա նշեց կառավարության նիստից հետո լրագրողների հետ զրույցում: Հարցին՝ վարչապետի հրաժարականի անհրաժեշտություն տեսնո՞ւմ է, նախարարը նշեց. «Իհարկե, ոչ։ Վարչապետը պարզաբանել է տեղի ունեցածը, նաև այն անելիքները, որ առաջիկա ամիսներին շեշտադրված է հրապարակված ճանապարհային քարտեզով։ Այս պահին կառավարությունն իր բոլոր ջանքերը գործադրում է այդ ճանապարհային քարտեզում նշված բոլոր խնդիրները լուծելու համար»,- ասաց նախարարը։ Միաժամանակ նա նշեց, որ իշխանությունը տեղի ունեցած իրադարձությունների համար պատասխանատվությունը ստանձնել է և հետագա գործողութունների պատասխանատվությունը շարունակում է կրել:
13:22 - 03 դեկտեմբերի, 2020
Կենտրոնացած եմ ճանապարհային քարտեզում նախանշված խնդիրները հնարավորինս արագ լուծելու ուղղությամբ. Առաքելյան |1lurer.am|

Կենտրոնացած եմ ճանապարհային քարտեզում նախանշված խնդիրները հնարավորինս արագ լուծելու ուղղությամբ. Առաքելյան |1lurer.am|

1lurer.am: ՀՀ աշխատանքի և սոցիալական հարցերի նախարար Մեսրոպ Առաքելյանը լրագրողների հետ զրույցում ընդգծեց, որ պատերազմի հետևանքները համարում է ողբերգություն, բազմաթիվ ընտանիքներում խնդիրներ են առաջացել, և իրենց նախարարության աշխատանքը յուրաքանչյուր օր միտված է հենց այդ խնդիրների լուծմանը: Առաքելյանի խոսքով՝ վարչապետը պարզաբանել է այն անելիքները, որն առաջիկա ամիսներին նախատեսված է հրապարակված ճանապարհային քարտեզով: Ասաց, որ այս պահին կառավարությունն իր բոլոր ջանքերը գործադրում է այդ ճանապարհային քարտեզում նշված խնդիրները հնարավորինս արագ լուծելուն: Անդրադառնալով նախարարության անելիքներին՝ Մեսրոպյանն ասաց. «Կառավարության նիստում երեք միջոցառում հաստատվեց, և ես այս պահին կենտրոնացած եմ այդ միջոցառումների իրականացումն հնարավորինս արագ ապահովել, քանի որ հազարավոր քաղաքացիների հետաքրքրում է իրենց սոցիալական խնդիրների շուտափույթ լուծումը»: Նախարարը նաև ասաց, որ Արցախի այն քաղաքացիներին, որոնք պատերազմի հետևանքով կորցրել են իրենց բնակավայրերը, կառավարությունն աջակցում է Արցախ վերադառնալու և մշտական բնակություն հաստատելու՝ նոր բնակավայրերում ու կացարաններում: Մեսրոպյանը շեշտեց, որ հասկանում են՝ դա հնարավոր չէ իրականացնել կարճաժամկետ հատվածում, բայց քայլեր են ձեռնարկվում, որ այդ քաղաքացիները կարողանան ժամանակավոր պատշաճ բնակվել ՀՀ տարածքում:
13:16 - 03 դեկտեմբերի, 2020
Կառավարությունը կփոխհատուցի արցախցիներին հյուրընկալողների ծախսերը |1lurer.am|

Կառավարությունը կփոխհատուցի արցախցիներին հյուրընկալողների ծախսերը |1lurer.am|

1lurer.am: ՀՀ Կառավարությունը կփոխհատուցի Արցախի վերահսկողությունից դուրս մնացած համայնքներում հաշվառված չափահաս քաղաքացիներին ժամանակավոր հյուրընկալողների ծախսերը:  ՀՀ աշխատանքի և սոցիալական հարցերի նախարար Մեսրոպ Առաքելյանը նշեց, որ ՀՀ-ում գտնվող արցախցիների մեծ մասը բնակվում է մասնավոր տներում և բնակարաններում, և Կառավարությունը 6 ամիս կփոխհատուցի հյուրընկալողների ծախսերը՝ Հայաստանում՝ յուրաքանչյուր չափահաս անձի մասով 30 հազար դրամ, իսկ Արցախում՝ 45 հազար դրամ:   Նախարարն ասաց, որ փոխհատուցում ստանալու համար հյուրընկալող կողմը պետք է դիմի նախարարություն էլեկտրոնային եղանակով՝ կցելով նաև այն քաղաքացիների տվյալները, որոնց հյուրընկալում է:  Մ.Առաքելյանի խոսքով՝ նշված գումարները անհատույց տրվող ֆինանսական աջակցություն են:
11:51 - 03 դեկտեմբերի, 2020
Աշխատանքի և սոցիալական հարցերի նախարարն այցելել է վիրավոր զինվորներին

Աշխատանքի և սոցիալական հարցերի նախարարն այցելել է վիրավոր զինվորներին

ՀՀ աշխատանքի և սոցիալական հարցերի նախարար Մեսրոպ Առաքելյանը նոյեմբերի 30-ին այցելել է Արցախի պաշտպանության ընթացքում վիրավորում ստացած զինվորներին՝ տեղում ծանոթանալու նրանց առողջական վիճակին և տեղեկանալու հաշմանդամության խմբի տրման հետ կապված արագացված նոր գործընթացի արդյունավետությանը, լսել գործընթացը զինվորների համար էլ ավելի պարզ և արագ դարձնելուն միտված կարծիքներն ու առաջարկները։ Մեսրոպ Առաքելյանը կարևորել է զինվորների հաշմանդամության սահմանման գործընթացի անխոչընդոտ իրականացումը՝ նշելով, որ արվում է ամենն այն ավելի պարզ ընթացակարգով կազմակերպելու համար։ Մասնավորապես, արդեն մի քանի օր է նախարարության աշխատակիցներն անձամբ են տներում և հիվանդանոցներում այցելում վիրավոր զինծառայողներին, գնահատում կարիքները, ըստ անհրաժեշտության, տրամադրում հաշմանդամության խումբ։ Շրջելով Կենտրոնական կլինիկական զինվորական հոսպիտալում և Հայրենիքի պաշտպանի վերականգնողական կենտրոնում՝ նախարարը տեսակցել է բուժում ստացող զինվորներին, ծանոթացել բուժման ընթացքին, շնորհակալություն հայտնել նրանց՝ հայրենիքին անձնվիրաբար ծառայելու համար։ Շրջայցի ընթացքում նախարարը ծանոթացել է նաև Հայրենիքի պաշտպանի վերականգնողական կենտրոնի պայմաններին, ԵՊԲՀ ռեկտոր Արմեն Մուրադյանի հետ քննարկել զինվորների վերականգնողական աշխատանքներին վերաբերող առաջնային հարցերը, հաշմանդամություն ունեցող զինվորներին հասարակություն արագ և լիարժեք ինտեգրելու տարբերակները, հետագա անելիքներն ու նախանշել գործողությունների ընթացքը։
18:55 - 30 նոյեմբերի, 2020
Կադրային փոփոխությունը չպետք է ինքնանպատակ լինի. նախարարը վճռական է հնարավորինս արագ լուծումներ տալ տուժածների խնդիրներին |armenpress.am|

Կադրային փոփոխությունը չպետք է ինքնանպատակ լինի. նախարարը վճռական է հնարավորինս արագ լուծումներ տալ տուժածների խնդիրներին |armenpress.am|

armenpress.am: ՀՀ կառավարությունը ֆինանսական աջակցություն կտրամադրի նաև Ադրբեջանի կողմից Արցախի նկատմամբ սանձազերծած պատերազմի ընթացքում Հայաստանի Հանրապետության բնակավայրերում հակառակորդի թիրախավորման հետևանքով տուժած ՀՀ քաղաքացիներին: Աշխատանքի և սոցիալական հարցերի նորանշանակ նախարար Մեսրոպ Առաքելյանը մանրամասներ է ներկայացրել պատերազմից տուժած արցախցիների, հաշմանդամություն ստացած զինծառայողների սոցիալական երաշխիքների ապահովման, ինչպես նաև նախարարի պաշտոնում իր առաջնահերթությունների վերաբերյալ:  - Պարոն Առաքելյան, Աշխատաքի և սոցիալական հարցերի նախարար եք նշանակվել հետպատերազմական դժվարին իրավիճակում, երբ մասնավորապես ձեր ղեկավարած նախարարության առջև առկա են մեծաթիվ խնդիրներ: Կառավարությունը հայտարարել է, որ Ադրբեջանի կողմից սանձազերծած պատերազմի հետևանքով տեղահանված և Հայաստան տեղափոխված արցախցիներին միանվագ 68 հազար դրամի չափով օգնություն է ցույց տալու: Կարծիք կա, որ այս գումարը բավական փոքր է: Արդյոք այն հետագայում աճելու միտում ունի՞: - Հետպատերազմական վիճակում նախարարության և՛ առաջնահերթությունները, և՛ գործառույթները, ցավոք, էականորեն փոխվում են առնվազն առաջիկա ժամանակահատվածի համար: Մասնավորապես, այո, Արցախի մեր հայրենակիցների զգալի հատվածը դեռ Հայաստանի Հանրապետությունում է, որոնց մի հատվածը կորցրել է նաև իրենց բնակավայրերը պատերազմի հետևանքով: Մնացած հատվածի մասով ջանքեր են գործադրվում առավելագույնս արդյունավետ կերպով ապահովել նրանց վերադարձն Արցախի Հանրապետություն: Առաջին միջոցառման շրջանակներում է ընդամենը 68 հազար դրամ տրամադրվելու: Իհարկե, մեծ գումար չէ, սակայն մենք արդեն ունենք երկրորդ միջոցառումը հաստատված, որն առաջիկա օրերին կգործարկվի: Մանսավորապես, Արցախի մեր այն հայրենակիցներին, որոնք բնակվել են այն բնակավայրերում, որ այս պահին գտնվում են Արցախի վերահսկողությունից դուրս, կտրվի միանվագ օգնություն՝ 300-հազարական դրամի չափով, ընդ որում ընտանիքի բոլոր անդամներին, այդ թվում՝ երեխաներին: - Ի՞նչ հավելյալ քայլեր է պատրաստվում ձեռնարկել նախարարությունն արցախցի այն քաղաքացիների կարիքների ապահովման համար, որոնք կորցրել են իրենց տները և ցանկանում են մնալ ու ապրել Հայաստանում: - Առաջիկայում ունենք նաև այլ միջոցառումներ, սկսած կացարանների ապահովումից, որովհետև իրատեսական ենք գնահատում իրավիճակը, որ առնվանզ այն քաղաքացիների համար, որոնք կորցրել են իրենց բնակավայրերը, առաջիկա ամիսներին Արցախում նոր բնակավայր ունենալու հարցը շուտ չի կարգավորվի: Հետևաբար, Հայաստանում նրանց պատշաճ կեցությունն ապահովելու համար նույնպես կունենանք աջակցություն: Միջոցառումները լինելու են բազմաբնույթ, որոնց գերնպատակն, ի վերջո, երկարաժամկետ հատվածում առավելագույնս մեծ թվով քաղաքացիների վերաբնակեցումն է Արցախում՝ ստեղծելով կյանքի համար բավարար նվազագույն պայմաններ, և կարճաժամկետ հատվածում նրանց համար ապահովել Հայաստանում կեցավայրեր ու նորմալ կենսագործունեության պայմաններ: - Մեծ թիվ են կազմում նաև պատերազմի հետևանքով վիրավորում ստացած և հաշմանդամություն ձեռք բերած զինծառայողները: Ինչպե՞ս են կազմակերպվելու նրանց հաշմանդամության կարգի որոշման և սոցիալական երաշխիքների ապահովման աշխատանքները:  - Հաշմանդամություն ունեցող զինծառայողների հետ կապված աշխատանքները նույնպես մեր կարևորագույն առաջնահերթություններն են: Այս մասով ևս մենք ունենք բավական մեծ անելիքներ, քանի որ նախարարության կողմից հաշմանդամության խմբի հաստատումը ի վերջո հիմք է հանդիսանում այդ զինծառայողների համար՝ որոշակի արտոնություններից օգտվելու: Այդ գործընթացը մենք առաջիկա օրերին կսկսենք ավելի արդյունավետ իրականացնել: Նախարարության աշխատակիցների հետ ունեցել եմ խորհրդակցություն, նաև այն աշխատակիցների հետ, որոնք անձամբ զբաղվելու են այդ գործընթացով: Մենք ֆիքսել ենք, որ հաշմանդամության կարգի որոշման գործընթացում արդյունավետության և որակի կողքին դնելու ենք արագությունն ու հարմարավետությունը: Ողջ գործընթացն իրականացնելու ենք բուժհաստատություններում, արդեն իրենց տներում գտնվող ու հաշմանդամություն ձեռք բերած զինծառայողների տուն ենք այցելելու՝ իրենց հետ պայմանավորվածություն ձեռք բերելով, որպեսզի տեղում իրականացնենք այդ գործընթացը: Նաև հետագա փաստաթղթաշրջանառությունը առավելագույնս կկազմակերպենք մենք ինքներս՝ պետական կառույցների միջոցով:  - Պատերազմի առաջնագիծ մեկնած ՀՀ քաղաքացիների մեջ կան այնպիսիք, որոնք տվյալ ժամանակահատվածում կորցրել են իրենց եկամտի աղբյուրները: Նախարարությունն ունի՞ նրանց աջակցություն ցուցաբերելու ծրագիր: - Մենք հասկանում ենք, որ մի զգալի մարդկանց հատված կա, որոնք իրենց եկամուտը վաստակում են ոչ թե գործատուի մոտ գրանցված վիճակով, այլ սեփական որևէ նախաձեռնությամբ: Գիտակցում ենք, որ առնվազն ռազմական գործողություններին մասնակցելու ընթացքում նրանք հնարավորություն չեն ունեցել իրենց եկամուտն ապահովելու: Քննարկումներ կան, որ որոշ ձևով այդ անձանց նույնպես աջակցենք: Ընդ որում, ոչ միայն սոցիալական աջակցության մասին է խոսքը, այլ մեր նպատակը նաև այն է, որ խրախուսենք այդ անձանց աշխատել և սեփական աշխատանքի միջոցով եկամուտ վաստակել: Աշխատունակ անձանց աշխատանքով ապահովելը մեզ համար ավելի ճիշտ գործառույթ է, քան ուղղակի դրամական աջակցությունը: - Արցախի դեմ Ադրբեջանի սանձազերծած պատերազմի ընթացքում զոհեր ու վիրավորներ են եղել նաև Հայաստանի Հանրապետության բնակավայրերի թիրախավորման արդյունքում, արձանագրվել են և ավերածություններ: Նշված դեպքերի հետևանքով տուժած քաղաքացիները ևս կօգտվե՞ն աջակցության ծրագրերից: - Սյունիքի և Գեղարքունիքի մարզերի բնակավայրերում ունեցանք քաղաքացիական անձանց շրջանում զոհեր, վիրավորներ և ավերածություններ: Այդ մասով նույնպես կառավարությունն առաջիկայում միջոցառում կիրականացնի այդ մարդկանց սոցիալական աջակցություն ցուցաբերելու նպատակով: Առաջիկայում կլինի սոցիալական աջակցության փաթեթ: Շարունակությունը՝ armenpress.am-ում
09:36 - 25 նոյեմբերի, 2020
Հաշմանդամության կարգի տրամադրման ամբողջ գործընթացը կազմակերպվելու է նախարարության միջոցով. ԱՍՀ նախարար

Հաշմանդամության կարգի տրամադրման ամբողջ գործընթացը կազմակերպվելու է նախարարության միջոցով. ԱՍՀ նախարար

Զինվորներին հաշմանդամության կարգի տրամադրման ամբողջ գործընթացը կազմակերպվելու է աշխատանքի և սոցիալական հարցերի նախարարության միջոցով։ Այս մասին ֆեյսբուքյան իր էջում գրել է ՀՀ աշխատանքի եւ սոցիալական հարցերի նորանշանակ նախարար Մեսրոպ Առաքելյանը՝ հավելելով, որ որևէ զինվոր կամ ընտանիքի անդամ անհրաժեշտություն չունի այցելել որևէ վայր՝ դիմում գրելու կամ փաստաթուղթ ներկայացնելու համար։ Ավելի վաղ ՀՀ-ում Արցախի Կառավարության օպերատիվ շտաբից հայտնել էին, որ բոլոր այն զինծառայողները և կամավորականները, որոնք այս պատերազմի ընթացքում ստացել են ծանր վիրավորում, այդ թվում՝ ունեն անդամահատում, պետք է այդ մասին հիվանդանոցային համապատասխան տեղեկագրով ներկայանան ՀՀ-ում Արցախի Կառավարության օպերատիվ շտաբի սոցաջակցության բաժին՝ հաշմանդամության կարգի և ընթացիկ այլ հարցերի վերաբերյալ համապատասխան աշխատանքները կազմակերպելու նպատակով։
12:41 - 23 նոյեմբերի, 2020