Լեհաստան

Լեհաստան, պաշտոնական անվանումը՝ Rzeczpospolita Polska (Ժեչպոսպոլիտա Պոլսկա), պետություն է Կենտրոնական Եվրոպայում։

Սահմանակցում է արևմուտքից Գերմանիային, հարավից՝ Չեխիային և Սլովակիային, արևելքից՝ Ուկրաինային և Բելառուսին, հյուսիս-արևելքից՝ Լիտվային և հյուսիսի մի փոքր հատվածում Ռուսաստանի Կալինինգրադի մարզի հետ։ Բացի դրանից կիսում է ծովային սահմանը Դանիայի և Շվեդիայի հետ։

Մայրաքաղաքն է Վարշավան, իսկ մյուս մեծ քաղաքներից են Կրակովը, Վրոցլավը, Գդանսկը։

Տարածքային ամբողջականության և միջազգային սահմանների փոխադարձ ճանաչում, սահմանազատում․ Ալիևի կարծիքով՝ այս ամենը կհանգեցնի Կովկասում խաղաղության

Տարածքային ամբողջականության և միջազգային սահմանների փոխադարձ ճանաչում, սահմանազատում․ Ալիևի կարծիքով՝ այս ամենը կհանգեցնի Կովկասում խաղաղության

Ադրբեջանի նախագահ Իլհամ Ալիևն այսօր ընդունել է Լեհաստանի արտաքին գործերի նախարար եւ ԵԱՀԿ գործող նախագահ Զբիգնև Ռաուի գլխավորած պատվիրակությանը։ Այս մասին հայտնում են Ադրբեջանի նախագահի գրասենյակից։ Ի թիվս այլ հարցերի կողմերը քննարկել են նաեւ հայ-ադրեջանական հարաբերություններն ու ապրիլի 6-ին կայանալիք եռակողմ հանդիպումը։  Անդրադառնալով Բրյուսելում կայանալիք հանդիպմանը, որը կազմակերպվել է Եվրոպական խորհրդի նախագահ Շառլ Միշելի միջնորդությամբ, Իլհամ Ալիեւը հույս է հայտնել, որ այն արդյունավետ կլինի։ «Արդեն մի քանի հանդիպումներ են եղել, և մենք պետք է գնանք Ադրբեջանի և Հայաստանի միջև դեպի խաղաղության․ խաղաղության պայմանագիր կնքենք որքան հնարավոր է շուտ։ Մեր կարծիքով՝ Ադրբեջանը ներկայացրել է այս համաձայնագրի հիմնական սկզբունքները»։ Ալիեւը նշել է, որ «հակամարտությունը արդեն լուծված է, և Ադրբեջանն ինքն է դա արել»։ Նրա խոսքով՝ հայ պաշտոնյաներից որոշակի հաղորդագրություններ են ստացվել հարաբերությունների կարգավորման վերաբերյալ։  «Ինչպես վերջերս տեղեկացա, այդ հաղորդագրություններից մեկն այն է, որ ընդունելի են համարում մեր առաջարկը։ Սա շատ լավ նորություն է, և ես հուսով եմ, որ այս հարցը կհստակեցվի Բրյուսելում կայանալիք հանդիպմանը»։ Ադրբեջանի նախագահը ասել է, որ իրենց կողմից ներկայացված հինգ սկզբունքները «արտացոլում են միջազգային իրավունքի նորմերը»։ «Ինչպես ասում են՝ մենք այստեղ հեծանիվ չենք հորինում։ Այս սկզբունքները ցանկացած երկրների միջպետական ​​հարաբերությունների հիմնական սկզբունքներն են։ Տարածքային ամբողջականության և միջազգային սահմանների անձեռնմխելիության փոխադարձ ճանաչում, այնուհետև սահմանազատում․ կարծում եմ՝ այս ամենը կհանգեցնի Կովկասում խաղաղության»,- նշել է Ալիեւը։  Զբիգնև Ռաուն իր հերթին հույս է հայտնել, որ Ադրբեջանի և Հայաստանի հարաբերությունները կկարգավորվեն՝ նշելով, որ կարգավորման տանող ներկա փուլը շատ լավատեսական է թվում։  
14:56 - 31 մարտի, 2022
Ուկրաինան Վարշավայի հետ վարում է բանակցություններ՝ Բելառուսի և Լեհաստանի սահմանը փակելու շուրջ. Դեշչիցա

Ուկրաինան Վարշավայի հետ վարում է բանակցություններ՝ Բելառուսի և Լեհաստանի սահմանը փակելու շուրջ. Դեշչիցա

Ուկրաինան բանակցություններ է վարում Վարշավայի հետ Լեհաստանի և Բելառուսի սահմանը փակելու հարցի վերաբերյալ։ Այս մասին հայտնել է Լեհաստանում Ուկրաինայի դեսպան Անդրեյ Դեշչիցան, փոխանցում է interfax.ua-ն։ «Մենք (ուկրաինական կողմը- խմբ․) բանակցություններ ենք վարում Լեհաստանի ենթակառուցվածքների նախարարության հետ, Լեհաստանի կառավարության հետ, որ նրանք ամեն դեպքում ամբողջությամբ փակեն սահմանները (Լեհաստանի և Բելառուսի միջև- խմբ․)։ Նույնիսկ եթե որոշումը չընդունվի Եվրամիության կողմից»,- ասել է Դեշչիցան։ Նա նաև տեղեկացրել են, որ Ուկրաինան կոչ է արել Լիտվային, Լատվիային և Էստոնիային, «որ միաժամանակ այդ երկրներն էլ փակեն իրենց սահմանները ՌԴ-ի և Բելառուսի հետ»։ «Ես մտածում եմ, որ այդ [սահմանները փակելու] որոշումը կընդունվի։ Այդ ժամանակ պետք չի լինի սպասել ԵՄ-ին, և մենք ամբողջությամբ կփակենք ցանկացած առաքում դեպի ՌԴ»,- նշել է Դեշչիցան։
11:09 - 31 մարտի, 2022
Լեհաստանը և Բալթյան երկրները կոչ են անում ԵՄ-ին արգելելու ցամաքային և ծովային բեռնափոխադրումները Ռուսաստան և Բելառուս

Լեհաստանը և Բալթյան երկրները կոչ են անում ԵՄ-ին արգելելու ցամաքային և ծովային բեռնափոխադրումները Ռուսաստան և Բելառուս

Լեհաստանի և Բալթյան երեք երկրների կառավարությունները կոչ են արել Եվրամիությանը ամբողջությամբ արգելելու ցամաքային և ծովային բեռնափոխադրումները Ռուսաստան և Բելառուս։ Այս մասին գրում է BBC-ի ռուսական ծառայությունը։ «Ամեն օր ռուսական և բելառուսական հազարավոր բեռնատարներ Ռուսաստանին մատակարարում են ապրանքներ և ռեսուրսներ, որոնք թույլ են տալիս նրան շարունակել իր ռազմական գործողությունը Ուկրաինայում: Մենք կոչ ենք անում ձեզ անհրաժեշտ քայլեր ձեռնարկելու՝ արգելելու ցամաքային բեռնափոխադրումների շարժը թե՛ Ռուսաստանից և Բելառուսից, թե՛ դեպի այդ երկրներ», - ասված է ԵՄ մյուս երկրներին ուղղված հայտարարության մեջ, որը հինգշաբթի հրապարակել է Լեհաստանի կառավարությունը։ Այն ստորագրել են Լեհաստանի, Էստոնիային, Լատվիայի և Լիտվայի վարչապետերը։ Նշված երկրները նաև կոչ են անում արգելելու ռուսական և բելառուսական նավերի մուտքը եվրոպական նավահանգիստներ։ «Որպեսզի այս երկու միջոցներն իսկապես արդյունավետ լինեն, դրանք պետք է միաժամանակ ձեռնարկվեն: Մենք համոզված ենք, որ վերոնշյալ միջոցները տրանսպորտային ոլորտում կսահմանափակեն Ռուսաստանի ագրեսիան շարունակելու հնարավորությունը»,- ասվում է նամակում։
21:34 - 24 մարտի, 2022
Ռուսաստանը պետք է դադարեցնի միջուկային վտանգավոր, անպատասխանատու հռետորաբանությունը․ Ստոլտենբերգ

Ռուսաստանը պետք է դադարեցնի միջուկային վտանգավոր, անպատասխանատու հռետորաբանությունը․ Ստոլտենբերգ

ՆԱՏՕ գլխավոր քարտուղար Յենս Ստոլտենբերգը հայտարարել է, որ Ռուսաստանը պետք է դադարեցնի միջուկային վտանգավոր, անպատասխանատու հռետորաբանությունը։ Այս մասին հայտնում է «Reuters»-ը։ «Բայց թող որևէ կասկած չլինի, որ մեր պատրաստակամ ենք պաշտպանելու մեր դաշնակիցներին ցանկացած սպառնալիքից ցանկացած պահի»,- ասել է Ստոլտենբերգը: ՆԱՏՕ գլխավոր քարտուղարի պնդմամբ՝ Ռուսաստանը պետք է հասկանա, որ «երբեք չի կարող հաղթել միջուկային պատերազմում»։ Ավելի վաղ CNN-ին տված հարցազրույցում, պատասխանելով հարցին, թե ինչ պայմաններում Վլադիմիր Պուտինը կօգտագործի Ռուսաստանի միջուկային հնարավորությունները, Դմիտրի Պեսկովը պատասխանել էր. «Եթե էկզիստենցիալ սպառնալիք լինի մեր երկրի համար, ապա դա կարող է տեղի ունենալ»։ ԱՄՆ պաշտպանության նախարարությունից «վտանգավոր» էին անվանել ՌԴ նախագահի խոսնակի այս հայտարարությունը։ «ՆԱՏՕ-ն աջակցություն է տրամադրում Ուկրաինային, բայց հակամարտության մաս չէ»,- հավելել է Ստոլտենբերգը։ Նա ևս մի անգամ նշել է, որ ՆԱՏՕ-ն զորքեր չի ուղարկի Ուկրաինա․ «Չափազանց կարևոր է աջակցություն ցուցաբերել Ուկրաինային, և մենք ակտիվանում ենք: Բայց, միևնույն ժամանակ, չափազանց կարևոր է թույլ չտալ, որ այս հակամարտությունը վերածվի ՆԱՏՕ-ի և Ռուսաստանի  միջև պատերազմի»։ Հիշեցնենք՝ ՌԴ ԱԳ նախարար Սերգեյ Լավրովը հայտարարել էր, որ եթե ​​ՆԱՏՕ-ն իր խաղաղապահներին ուղարկի Ուկրաինա, ապա դա կլինի ուղիղ բախում ՌԴ զինված ուժերի և ՆԱՏՕ-ի միջև։ Դրան էլ նախորդել էր  Լեհաստանի վարչապետի հայտարարությունն այն մասին, որ երկիրը ՆԱՏՕ հաջորդ գագաթնաժողովում պաշտոնապես կներկայացնի Ուկրաինա խաղաղապահ առաքելություն ուղարկելու առաջարկը։  
13:36 - 24 մարտի, 2022
Լեհաստանում ՀՀ դեսպանությունը աջակցություն է ցուցաբերել Ուկրաինայից տեղափոխված հարյուրավոր հայերի

Լեհաստանում ՀՀ դեսպանությունը աջակցություն է ցուցաբերել Ուկրաինայից տեղափոխված հարյուրավոր հայերի

Լեհաստանում ՀՀ դեսպանությունը, Ուկրաինայում ստեղծված իրավիճակով պայմանավորված, անմիջապես ակտիվ կապ է պահպանել ինչպես Ուկրաինայի հետ սահմանամերձ շրջաններում բնակվող հայ համայնքի ներկայացուցիչների, այնպես էլ Լեհաստանի իրավասու մարմիների հետ՝ Ուկրաինայից Լեհաստան ՀՀ քաղաքացիների անցման դեպքում աջակցություն տրամադրելու նպատակով։ «Արմենպրես»-ի փոխանցմամբ, այս մասին հայտնում է Լեհաստանում ՀՀ դեսպանությունը: Ուկրաինայից Լեհաստան անցնող հայերին հնարավորինս արագ և օպերատիվ օժանդակելու նպատակով ԱԳ նախարարի հրամանով Լեհաստանում ՀՀ դեսպանության ներկայացուցիչը մարտի 1-ից գործուղվել է Ուկրաինայի հետ սահմանամերձ Առլամով (Arlamow) բնակավայր։ Լեհաստան տեղափոխված հարյուրավոր ՀՀ քաղաքացիների և ազգությամբ հայերի տրամադրվել են հյուպատոսական խորհրդատվություն և աջակցություն՝ տեխնիկական հարցերով։ Համագործակցելով հայ համայնքի, ինչպես նաև «Լեհ-հայկական հիմնադրամի» հետ՝ կազմակերպվել են հարյուրավոր ՀՀ քաղաքացիների դիմավորումը, ինչպես նաև ցուցաբերվել առաջնային նշանակության աջակցություն։
19:06 - 23 մարտի, 2022
Լեհաստանի հատուկ ծառայությունները ԱԳՆ-ին խնդրում են վտարել 45 ռուս դիվանագետի
 |azatutyun.am|

Լեհաստանի հատուկ ծառայությունները ԱԳՆ-ին խնդրում են վտարել 45 ռուս դիվանագետի |azatutyun.am|

azatutyun.am: Լեհաստանի հատուկ ծառայությունները արտգործնախարարությանը խնդրում են վտարել 45 ռուս դիվանագետների, որոնցից մի քանիսը, ենթադրաբար, դիվանագիտական աշխատանքի քողի տակ աշխատում են Մոսկվայի գաղտնի ծառայություններում։ Այդ մասին այսօր հայտարարել է Լեհաստանի հակալրտեսական ծառայության ներկայացուցիչ Ստանիսլավ Զարինը: Լեհաստանի Ազգային անվտանգության ծառայության հաղորդագրության համաձայն՝ ապացույցներ են ձեռք բերվել, որոնք փաստում են, որ «երկրում բացահայտված սպաների և նրանց հետ համագործակցող անձանց գործունեությունը ծառայում է ռուսական հետախուզական գործունեությանը՝ ուղղված միջազգային ասպարեզում Լեհաստանի Հանրապետության և նրա գործընկերների կայունության դեմ, և վտանգ է ներկայացնում Լեհաստանի շահերի և անվտանգության համար»։ Լեհաստանի կառավարության խոսնակի համաձայն՝ Ռուսաստանի դեսպանը կանչվել է ԱԳՆ, և հետագա քայլերի վերաբերյալ որոշումները կհրապարակվեն հանդիպումից հետո։ Ռուսաստանի արտաքին գործերի նախարարությունը նախազգուշացրել է, որ դիվանագետներին Լեհաստանից արտաքսելու դեպքում պատասխան քայլեր կձեռնարկեն: Անցած շաբաթ ռուս դիվանագետների արտաքսման մասին են հայտարարել նաև Բալթյան երկրները, Բուլղարիան։
14:34 - 23 մարտի, 2022
Լավրովը հայտարարել է, որ եթե ​​ՆԱՏՕ-ն խաղաղապահներ ուղարկի Ուկրաինա, ապա դա կլինի ուղիղ բախում ՌԴ  ԶՈՒ-ի և ՆԱՏՕ-ի միջև

Լավրովը հայտարարել է, որ եթե ​​ՆԱՏՕ-ն խաղաղապահներ ուղարկի Ուկրաինա, ապա դա կլինի ուղիղ բախում ՌԴ ԶՈՒ-ի և ՆԱՏՕ-ի միջև

Ռուսաստանի արտգործնախարար Սերգեյ Լավրովը հայտարարել է, որ եթե ​​ՆԱՏՕ-ն իր խաղաղապահներին ուղարկի Ուկրաինա, ապա դա կլինի ուղիղ բախում ՌԴ զինված ուժերի և ՆԱՏՕ-ի միջև։ Այս մասին հայտնում է «РИА Новости»-ն։ «Մեր լեհ գործընկերներն արդեն հայտարարել են, որ ՆԱՏՕ գագաթնաժողով է լինելու, և պետք է խաղաղապահներ ուղարկել (Ուկրաինա- խմբ․): Հուսով եմ՝ նրանք հասկանում են, թե ինչ են խոսում։ Դա կլինի Ռուսաստանի և ՆԱՏՕ-ի զինված ուժերի ուղիղ բախում, որից բոլորը ոչ միայն պարզապես ցանկանում էին խուսափել, այլև ասում էին, որ դա սկզբունքորեն չպետք է տեղի ունենա»,- ասել է Լավրովը։ Ավելի վաղ Լեհաստանի վարչապետ Մաթեուշ Մորավիեցկին հայտարարել էր, որ երկիրը ՆԱՏՕ հաջորդ գագաթնաժողովում պաշտոնապես կներկայացնի Ուկրաինա խաղաղապահ առաքելություն ուղարկելու առաջարկը։ Այս առաջարկի մասին նա առաջին անգամ խոսել էր Ուկրաինա այցի ժամանակ։ Իսկ երեկ Ուկրաինայի և Լեհաստանի պաշտպանության նախարարները բանակցություններ են վարել ՆԱՏՕ գագաթնաժողովից առաջ։ 
13:12 - 23 մարտի, 2022
Բայդենը կմեկնի Լեհաստան՝ քննարկելու «միջազգային արձագանքը՝ ի պատասխան Ռուսաստանի՝ Ուկրաինա ներխուժելուն»

Բայդենը կմեկնի Լեհաստան՝ քննարկելու «միջազգային արձագանքը՝ ի պատասխան Ռուսաստանի՝ Ուկրաինա ներխուժելուն»

ԱՄՆ նախագահ Ջո Բայդենն ուրբաթ օրը կմեկնի Լեհաստան՝ քննարկելու «միջազգային արձագանքը՝ ի պատասխան Ռուսաստանի՝ Ուկրաինա ներխուժմանը, որի պատճառով հումանիտար և մարդու իրավունքների ճգնաժամ է առաջացել»։ Այս մասին, ինչպես փոխանցում է «Reuters»-ը, հայտնել է Սպիտակ տան խոսնակ Ջեն Փսակին։ Սպիտակ տունը նաև հայտնել է, որ Բայդենն այսօր զրույց կունենա Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի, Իտալիայի վարչապետ Մարիո Դրագիի և Միացյալ Թագավորության վարչապետ Բորիս Ջոնսոնի հետ՝ քննարկելու «իրենց համակարգված պատասխանները՝ Ռուսաստանի՝ Ուկրաինա ներխուժման դեմ»։ Հինգշաբթի օրն էլ Բայդենը մասնակցելու է Ուկրաինայի հարցով ՆԱՏՕ արտակարգ գագաթնաժողովին, ինչպես նաև G7-ի հանդիպմանը։ Նա նաև կմիանա Եվրոպական խորհրդի գագաթնաժողովին։ Ավելի վաղ Սպիտակ տան խոսնակը հայտարարել էր, որ Բայդենը չի պլանավորում գնալ Ուկրաինա Եվրոպա այցի ընթացքում:
10:35 - 21 մարտի, 2022
Մոսկվան հույս ունի, որ Լեհաստանի՝ Ուկրաինա ՆԱՏՕ խաղաղապահ առաքելություն ուղարկելու գաղափարը ոչ այլ ինչ է, քան դեմագոգիա

Մոսկվան հույս ունի, որ Լեհաստանի՝ Ուկրաինա ՆԱՏՕ խաղաղապահ առաքելություն ուղարկելու գաղափարը ոչ այլ ինչ է, քան դեմագոգիա

ՌԴ արտգործնախարար Սերգեյ Լավրովը հայտարարել է՝ Մոսկվան հույս ունի, որ Լեհաստանի՝ Ուկրաինա ՆԱՏՕ խաղաղապահ առաքելություն ուղարկելու գաղափարը ոչ այլ ինչ է, քան դեմագոգիա, և որ ՆԱՏՕ-ն գիտակցում է ավելի խելամիտ և իրատեսական լինելու անհրաժեշտությունը։ Այս մասին հայտնում է «РИА Новости»-ն։ «Լեհաստանի վարչապետ Մորավիեցկին առաջ է քաշում մի գաղափար, որը նրանք պատրաստվում են քննարկել մի քանի օրից՝ Ուկրաինա ուղարկել ՆԱՏՕ խաղաղապահ ուժեր։ Չեմ բացառում, որ եթե հանկարծ նման որոշում կայացվի, այն կենթադրի, որ այդ խաղաղապահ ուժերի հիմքը լինի լեհական կոնտինգենտը, որը վերահսկողության տակ կվերցնի արևմտյան Ուկրաինան և կմնա այնտ՝եղ երկար ժամանակ»,- ասել է Լավրովը «Ռուսաստանի առաջնորդներ» մրցույթի մասնակիցիների հետ հանդիպմանը։ Ավելի վաղ Լեհաստանի վարչապետ Մաթեուշ Մորավիեցկին հայտարարել էր, որ երկիրը ՆԱՏՕ հաջորդ գագաթնաժողովում պաշտոնապես կներկայացնի Ուկրաինա խաղաղապահ առաքելություն ուղարկելու առաջարկը։ Այս առաջարկի մասին նա առաջին անգամ խոսել էր Ուկրաինա այցի ժամանակ։
21:02 - 19 մարտի, 2022
Լեհաստանի վարչապետը ԵՄ-ին առաջարկել է ամբողջությամբ դադարեցնել առևտուրը Ռուսաստանի հետ

Լեհաստանի վարչապետը ԵՄ-ին առաջարկել է ամբողջությամբ դադարեցնել առևտուրը Ռուսաստանի հետ

Լեհաստանի վարչապետ Մատեուշ Մորավիեցկին Եվրամիությանն առաջարկում է ամբողջությամբ դադարեցնել առևտուրը Ռուսաստանի հետ։ Այս մասին հաղորդում է ria.ru-ն։ «Ես ակնկալում եմ, որ եվրոպացի առաջնորդները կսթափվեն և Եվրախորհրդի հաջորդ նիստում կկարողանան ընդունել պատժամիջոցների նոր փաթեթ։ Լեհաստանն առաջարկում է այդ պատժամիջոցների փաթեթին շուտափույթ ավելացնել առևտրային շրջափակումը․․․Ռուսական դրոշով ռուսական նավերի մուտքի արգելք նավահանգիստներ, ինչպես նաև ցամաքային առևտրի արգելք»,- լրագրողներին ասել է Մորավիեցկին՝ պատասխանելով հարցին, որը վերաբերում էր շաբաթ օրը նախատեսված ակցիային՝ արգելափակելու ռուսական բեռնատար մեքենաների անցումը Լեհաստանի սահմանով։ Լեհաստանի վարչապետի խոսքով Ռուսաստանի այս ամբողջական անջատումը առևտրից ևս մեկ անգամ կստիպի նրանմտածել՝ ավելի լավ չէ՞ դադարեցնել այս սարսափելի պատերազմը․ «Եվ այստեղ ես ցուցարարների կողմից եմ»։
15:36 - 19 մարտի, 2022