Վլադիմիր Պուտին

Ռուսաստանի Դաշնության գործող նախագահ։ Ծնվել է 1952թ. հոկտեմբերի 7-ին։ 1975-1991թթ․ ծառայել է ՊԱԿ-ում (КГБ), զբաղեցրել հետախուզական պաշտոններ։ 1991թ. ըստ պաշտոնական տեղեկատվության սեփական զեկուցագրով զորացրվել է ՊԱԿ-ից։ 1990-1995թթ. զբաղեցրել է Լենինգրադի քաղաքային իշխանության տարբեր պաշտոններ։ 1996-1998թթ․ արագ վերելք է գրանցել Կրեմլի տարբեր պաշտոններում՝ ի վերջո ստանձնելով Նախագահի աշխատակազմի ղեկավարի տեղակալի պաշտոնը։ 1998-ին նշանակվում է ԱԴԾ (ФСБ) տնօրեն։

1999-ի օգոստոսին ընդունելով նախագահ Ելցինի առաջարկը ստանձնել է ՌԴ վարչապետի պաշտոնը։ 1999-ի դեկտեմբերի 31-ին հրաժարական տվեց Ելցինը եւ Պուտինը դարձավ նախագահի պաշտոնակատար։ 2000թ․ մարտին ընտրվեց նախագահ եւ պաշտոնավարեց առավելագույն երկու ժամկետով։ 2008-ին՝ վարչապետ Մեդվեդեւի նախագահ ընտրվելուց հետո Պուտինը ստանձնեց Վարչապետի պաշտոնը։ Այս դրվագը հանրային լայն շրջանակներում ընկալվեց որպես «փոխատեղում»։ 2012-ից ի վեր Պուտինը նորից նախագահի պաշտոնում է։

Պուտինը ստորագրել է ՌԴ պաշտոնյաներին 2-րդ քաղաքացիություն ունենալն արգելող օրենք |tert.am|

tert.am: Ռուսաստանի Դաշնության նախագահ Վլադիմիր Պուտինն օրենք է ստորագրել, որով արգելվում է քաղաքացիական ծառայողներին երկրորդ քաղաքացիություն կամ կացության թույլտվություն ունենալ արտերկրում: Համապատասխան փաստաթուղթը հրապարակվել է իրավական տեղեկատվության պաշտոնական համացանցային պորտալում, գրում է «ՌԻԱ Նովոստի»-ն:Օրենքը սահմանափակում է Ռուսաստանի Դաշնությունում պետական և մունիցիպալ պաշտոններ զբաղեցնելու հնարավորությունը «կապված օտարերկրյա պետության քաղաքացիության կամ կացության թույլտվության հետ»:Բացի դրանից, քաղաքացիական ծառայողներից այսուհետ կպահանջվի հայտնել Ռուսաստանի Դաշնության քաղաքացիությունը դադարեցնելու և արտերկրում բնակվելու իրավունքը հաստատող մեկ այլ փաստաթուղթ ձեռք բերելու մասին: Շարունակությունը՝ սկզբնաղբյուր կայքում։

14:24 - 01 մայիսի, 2021

Պուտինն ասել է, որ պատրաստ է աջակցել ղրղզա-տաջիկական հակամարտության կարգավորմանը |1lurer.am|

1lurer.am: Իրադրությունը տաջիկա-ղրղզական սահմանին դարձյալ լարված է: Այսօր կայացել է Ղրղզստանի նախագահ Սադիր Ժապարովի և Տաջիկստանի նախագահ Էմոմալի Ռահմոնի հանդիպումը, որի ժամանակ քննարկվել է երկու երկրի սահմանային իրավիճակը, հայտնում է ТАСС-ը: Ռուսաստանի նախագահ Վլադիմիր Պուտինը հայտարարել է, որ պատրաստ է միջնորդել Ղրղզստանի ու Տաջիկստանի միջև ռազմական բախման կարգավորմանը: Այս մասին տեղեկացրել է Ռուսաստանի առաջնորդի մամուլի քարտուղար Դմիտրի Պեսկովը: Ռուսաստանի արտգործնախարարությունն էլ հայտարարել է, որ Մոսկվան տագնապով է հետևում երկու պետության սահմանային զինված բախմանը և կողմերին առաջարկում է բոլոր հակասությունները լուծել բացառապես բանակցությունների սեղանի շուրջ: Ըստ վերջին տեղեկությունների՝ սահմանային վիճելի տարածքում ջրի բաշխման կետի շուրջ սկսված զինված բախման ժամանակ ղրղզական կողմի զոհերի թիվն անցել է 3 տասնյակը, վիրավորների թիվը՝ 154-ը:

19:40 - 30 ապրիլի, 2021

Պեսկովը հայտնել է Պուտինի և Զելենսկիի միջև բանակցությունների անցկացման պայմանները |tert.am|

tert.am: Մոսկվան Կիևից կոնկրետ առաջարկների է սպասում Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի հնարավոր բանակցությունների վերաբերյալ, սակայն մինչ այժմ ոչինչ չկա:Այս մասին այսօր հայտարարել է ՌԴ նախագահի մամուլի քարտուղար Դմիտրի Պեսկովը, գրում է «ՌԻԱ Նովոստի»-ն։ Ավելի վաղ Զելենսկին, իտալական la Repubblica թերթին տված հարցազրույցում, ասել էր, որ Վատիկանը ռուսական կողմի հետ Դոնբասում իրավիճակի կարգավորման բանակցությունների համար կարող է «օպտիմալ վայր» դառնալ։«Առայժմ, ցավոք, ես չեմ կարող որևէ հստակ տեղեկատվություն հայտնել այս հարցի վերաբերյալ: Պետք է, հավանաբար, աշխատանքային կամ պաշտոնական կարգով մեզ ինչ-որ բան փոխանցվի ու կոնկրետ առաջարկներ հնչեցվեն: Մինչ այժմ օրակարգում ոչինչ չկա: Փաստն այն է, որ թերևս նախագահ Զելենսկին կայացնում է անձնական որոշում, արագ ձևակերպում է դրանք, բայց, այնուամենայնիվ, մենք ունենք որոշակի ընթացակարգեր։ Եվ, իհարկե, այս գործընթացը շատ դժվար է անցնել մեկ գիշերում», - ասել է Պեսկովը։ Բացի այդ, ռուս պաշտոնյան հավելել է՝ ընդունված է, որ կողմերը նախապես փոխանակեն որոշ գաղափարներ, ապա պաշտոնական դիրքորոշումները ձևակերպելուց հետո հանդիպեն։«Այս առումով, այնուամենայնիվ, մենք սպասում ենք որոշակի կոնկրետ առաջարկների ստացմանը»,- ընդգծել է Պեսկովը։

15:19 - 30 ապրիլի, 2021

Պուտինն ու Մակրոնը պատրաստակամություն են հայտնել համագործակցել ԼՂ հիմնախնդրի կարգավորման հարցում՝ ներառյալ ԵԱՀԿ ՄԽ շրջանակում

Այսօր ֆրանսիական կողմի նախաձեռնությամբ տեղի է ունեցել Ֆրանսիայի և Ռուսաստանի նախագահներ Էմանուել Մակրոնի ու Վլադիմիր Պուտինի հեռախոսազրույցը։ Ի թիվս այլ հարցերի քննարկվել է նաև իրավիճակը Լեռնային Ղարաբաղում։ Կողմերը գոհունակությամբ հաստատել են, որ իրավիճակը շարունակում է կայուն մնալ, շարունակվում է 2020թ․ նոյեմբերի 9-ի և 2021թ․ հունվարի 11-ի եռակողմ հայտարարությունների իրականացնան գործընթացը։ Կողմերը պատրաստակամություն են հայտնել՝ համակարգելու գործողությունները ԼՂ կարգավորման տարբեր հարցերի շուրջ, ներառյալ՝ ԵԱՀԿ Մինսկի խմբի շրջանակում։Թարգմանությունը՝ Լիլիթ Հարությունյանի

22:00 - 26 ապրիլի, 2021

Պուտինն ու Ասադը հեռախոսազրույց են ունեցել |tert.am|

tert.am: Ռուսաստանի նախագահ Վլադիմիր Պուտինը, սիրիական կողմի նախաձեռնությամբ, հեռախոսազրույց է ունեցել Սիրիայի նախագահ Բաշար ալ Ասադի հետ, հայտնում է Կրեմլի մամուլի ծառայությունը։Կողմերը քննարկել են առևտրատնտեսական և հումանիտար կապերի զարգացումը, ինչպես նաև համագործակցությունը կորոնավիրուսի դեմ պայքարի ոլորտում՝ ներառյալ ռուսական պատվաստանյութերի մատակարարումը: Իր հերթին, Ասադը շնորհակալություն է հայտնել Պուտինին՝ սիրիացի ժողովրդին ցուցաբերած համապարփակ աջակցության և օգնության համար: Շարունակությունը՝ tert.am-ում։

16:38 - 26 ապրիլի, 2021

Կրեմլում հայտարարել են, որ Պուտինի եւ Բայդենի հանդիպումը տեղի կունենա ամռանը |armenpress.am|

armenpress.am: Ռուսաստանի եւ ԱՄՆ-ի նախագահներ Վլադիմիր Պուտինի եւ Ջո Բայդենի հանդիպումը պլանավորվում Է ամռան ամիսներին, բայց ստույգ օրը եւ երկիրն առայժմ որոշված չեն: Ապրիլի 26-ին այդ մասին լրագրողներին հայտարարել Է Ռուսաստանի նախագահի մամուլի քարտուղար Դմիտրի Պեսկովը: «Իրոք, ոոշակի առաջարություններ հնչեցվել են, օրը ես առայժմ հաստատել չեմ կարող: Առայժմ ոչ մի կարգի պայմանավորվածություններ ժամկետների վերաբերյալ չկան: Խոսքն իրոք ամառային ամիսների մասին Է, (…) տակավին պետք Է վերլուծել տարբեր շատ գործոններ՝ ինչ-որ վերջնական համաձայնությունների հասնելու համար»,- ասել Է նա: «Առայժմ չի նշվել ոչ մի երկիր, (որտեղ կարող Է տեղի ունենալ հանդիպումը)»,- ճշտել Է Կրեմլի ներկայացուցիչը: Ըստ որում Պեսկովն առանց մեկնաբանությունների Է թողել երկու երկրների ղեկավարների հանդիպման հնարավորությունը Բայդենի՝ հունիսի կեսերին պլանավորված եվրոպական շրջագայության ժամանակ՝ հավելելով, որ նման առաջարկություն «եղել Է» նախագահների «հեռախոսազրույցի ժամանակ»: Պուտինը եւ Բայդենն ապրիլի 13-ին հեռախոսազրույց են ունեցել: Սպիտակ տան մամուլի ծառայության վկայությամբ՝ Բայդենն առաջադրել Է ռուս-ամերիկայն գագաթնաժողովի անցկացման գաղափարն «առաջիկա ամիսներին երրորդ երկրում»: Հետագայում Միացյալ Նահանգների ղեկավարը ճշտել Է, որ ռուաստանցի պաշտոնակցին առաջարկել Է հանդիպել ամռանը Եվրոպայում, հաղորդել Է ՏԱՍՍ-ը:

15:12 - 26 ապրիլի, 2021

Փաշինյանը տեղեկացրել է Հայաստանի ներքաղաքական իրավիճակի մասին. հեռախոսազրույց՝ Վլադիմիր Պուտինի հետ |armlur.am|

armlur.am: Հայկական կողմի նախաձեռնությամբ Վլադիմիր Պուտինը հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ: Այս մասին տեղեկանում ենք ՌԴ նախագահի պաշտոնական կայքից: «Շարունակվել է Լեռնային Ղարաբաղի շուրջ իրավիճակի քննարկումը։ Գոհունակությամբ արձանագրվեց, որ ռուս խաղաղապահների ջանքերի շնորհիվ տարածաշրջանում իրավիճակը մնում է կայուն եւ հանգիստ: Կարծիքներ են փոխանակվել երկկողմ համագործակցության արդիական թեմաների շուրջ, այդ թվում ՝ էներգետիկայի ոլորտում։ Նիկոլ Փաշինյանը տեղեկացրել է Հայաստանի ներքաղաքական իրավիճակի զարգացման մասին՝ կապված հունիսին նշանակված արտահերթ խորհրդարանական ընտրությունների հետ»,- ասվում է հաղորդագրության մեջ:

14:53 - 24 ապրիլի, 2021

Կիևում հայտնել են՝ Զելենսկին չի ընդունի Պուտինի՝ Մոսկվայում հանդիպելու առաջարկը |tert.am|

tert.am: Ուկրաինայի փոխվարչապետ, Դոնբասի հարցով եռակողմ խմբում ուկրաինական պատվիրակության փոխղեկավար Ալեքսեյ Ռեզնիկովը հայտարարել է, որ Ուկրաինայի նախագահ Վլադիմիր Զելենսկին չի կարող ընդունել իր ռուս գործընկեր Վլադիմիր Պուտինի՝ Մոսկվայում բանակցություններ անցկացնելու հրավերը, փոխանցում է ria.ru-ն։ «Ուկրաինայի նախագահը պատերազմի ժամանակ չի կարող գնալ և հանդիպել մի մարդու հետ, որն ագրեսոր երկրի ներկայացուցիչն է։ Ինձ թվում է՝ դա մի քիչ տարօրինակ առաջարկ է»,- հայտարարել է Ռեզնիկովը։ Քաղաքական գործիչը հավելել է, որ իր կարծիքով՝ նման հանդիպումը պետք է տեղի ունենա նորմանդական ձևաչափով՝ Գերմանիայի և Ֆրանսիայի ղեկավարների հետ միասին:

10:53 - 24 ապրիլի, 2021

Կիևը Նեթանյահուին առաջարկել է միջնորդ դառնալ ՌԴ-ի հետ բանակցություններում |tert.am|

tert.am: Իսրայելի վարչապետ Բենյամին Նեթանյահուն կարող է միջնորդ դառնալ Կիևի ու Մոսկվայի միջև բանակցություններում: Վարչապետին նման առաջարկ են արել ուկրաինական իշխանությունները, գրում է korrespondent.net-ը՝ Իսրայելում Ուկրաինայի արտակարգ և լիազոր դեսպան Եվգենի Կորնիյչուկի խոսքերին հղումով:«Մենք արդեն առաջարկել ենք Իսրայելի վարչապետին ներկայանալ որպես հնարավոր միջնորդ ստեղծված իրավիճակում, քանի որ նա լավ հարաբերություններ ունի ինչպես Ուկրաինայի նախագահ Վլադիմիր Զելենսկիի, այնպես էլ Ռուսաստանի նախագահ Վլադիմիր Պուտինի հետ: Ուրախ եմ տեղեկացնել, որ նա «ոչ» չի ասել: Նա նշել է, որ ուժերի սահմաններում կփորձի անել հնարավոր ամեն բան»,- ասել է Կորնիյչուկը:

16:52 - 23 ապրիլի, 2021

Մինսկի կողմից Ղրիմի չճանաչումը չի խոչընդոտում մեր կապերը․ Պեսկով |azatutyun.am|

azatutyun.am: Ռուսաստանի նախագահ Վլադիմիր Պուտինի խոսնակ Դմիտրի Պեսկովն ասել է, թե պաշտոնական Մինսկի կողմից Ղրիմը Ռուսաստանի մաս չճանաչելու հանգամանքը չի խոչընդոտում ռուս-բելառուսական հարաբերությունները: «Դա Բելառուսի ինքնիշխան իրավունքն է, դա բնավ չի բարդացնում մեր երկխոսությունը», - հայտարարել է Պուտինի խոսնակը, նշելով, որ «երկու երկրների միջև հաստատվել են բազմապրոֆիլային հարաբերություններ, որոնք զարգանում են Միութենական պետության և ինտեգրման գործընթացների շրջանակներում»: Պեսկովը նշել է նաև, որ Ռուսաստանի և Բելառուսի նախագահներ Վլադիմիր Պուտինի և Ալեքսանդր Լուկաշենկոյի հանդիպումներում Ղրիմի թեման չի արծարծվում:

16:33 - 23 ապրիլի, 2021

Պուտինը հայտնել է Զելենսկիի հետ Մոսկվայում հանդիպելու պատրաստակամության մասին |tert.am|

tert.am: Ռուսաստանի նախագահ Վլադիմիր Պուտինը հայտարարել է, որ պատրաստ է ուկրաինացի պաշտոնակից Վլադիմիր Զելենսկիի հետ Մոսկվայում քննարկել երկու երկրների հարաբերությունները ցանկացած ժամանակ, երբ հարմար կլինի վերջինիս:Պուտինն այսպես մեկնաբանել է Զելենսկիի առաջարկը Դոնբասում հանդիպում անկցկացնելու մասին:Պուտինի խոսքով՝ Կիևը վերջերս բազմաթիվ քայլեր է կատարել, որոնք կործանում են Մոսկվայի հետ հարաբերությունները, սակայն եթե Ուկրաինայի նախագահը ցանկանում է սկսել հարաբերությունների վերականգնումը, Ռուսաստանը կողջունի դա:

22:28 - 22 ապրիլի, 2021

Հայտնի է Պուտին-Լուկաշենկո հանդիպման ամսաթիվը |tert.am|

tert.am: Ռուսաստանի և Բելառուսի նախագահներ Վլադիմիր Պուտինն ու Ալեքսանդր Լուկաշենկոն հերթական հանդիպումը կանցկացնեն Մոսկվայում` ապրիլի 22-ին: «ՏԱՍՍ» գործակալության փոխանցմամբ` այս մասին հայտնել է Կրեմլի մամուլի ծառայությունը:Կրեմլից հայտնել են, որ առաջնորդները կարող են անդրադառնալ երկու երկրի գործընկերային հարաբերությունների հետագա զարգացմանն ուղղված հարցերին, այդ թվում` Միութենական պետության շրջանակում: Բացի այդ, Կրեմլից մասնավորեցրել են, որ բանակցությունների ժամանակ նախատեսվում է քննարկել ռազմավարական գործընկերության և դաշնակցության ռուս-բելառուսական հարաբերությունների հետագա զարգացմանն առնչվող հարցերի լայն շրջանակ:

17:03 - 21 ապրիլի, 2021

Պուտինի հետ Դոնբասում հանդիպելու Զելենսկու առաջարկը Մոսկվան համարել է խորամանկ հնարք |1lurer.am|

1lurer.am: Ռուսաստանի նախագահ Վլադիմիր Պուտինի հետ Դոնբասում հանդիպելու Ուկրաինայի նախագահ Վոլոդիմիր Զելենսկու առաջարկը փիար հնարք է և խորամանկություն, ինչը նշանակում է, որ Զելենսկին ցանկանում է իրեն և Ռուսաստանի ղեկավարին դնել նույն մակարդակի վրա: Այս մասին РИА Новости-ին ասել է Պետդումայի ԱՊՀ-ի կոմիտեի ղեկավարի առաջին տեղակալ Կոնստանտին Զատուլինը: Ավելի վաղ Զելենսկին Ռուսաստանի նախագահին առաջարկել էր «հանդիպել ուկրաինական Դոնբասի ցանկացած վայրում, որտեղ պատերազմ է ընթանում»: Զատուլինը Ուկրաինայի նախագահին առաջարկել է առաջին հերթին հանդիպել հակամարտության մյուս կողմի՝ Դոնեցկի և Լուգանսկի ղեկավարների հետ՝ չբացառելով Ռուսաստանի նախագահի հետ հանդիպման հնարավորությունը: Արևմուտքը վերջերս անհանգստություն է հայտնել Ուկրաինայի արևելյան սահմանին և Ղրիմում ռուսական զորքերի տեղաշարժի կապակցությամբ: Ի պատասխան՝ Ռուսաստանի նախագահի մամուլի քարտուղար Դմիտրի Պեսկովն ասել է, որ Ռուսաստանը զորքերը տեղափոխում է իր տարածքում և իր հայեցողությամբ: Նրա խոսքով՝ դա չպետք է անհանգստացնի որևէ մեկին, քանի որ այն ոչ մեկին չի սպառնում:

15:35 - 21 ապրիլի, 2021

Զելենսկին Պուտինին առաջարկել է հանդիպել Դոնբասի ցանկացած վայրում |azatutyun.am|

azatutyun.am: Ուկրաինայի նախագահ Վլադիմիր Զելենսկին Ռուսաստանի նախագահ Վլադիմիր Պուտինին առաջարկել է հանդիպել Դոնբասի ցանկացած վայրում։ Երկրի արևելքում իրավիճակի սրման ֆոնին, երեկ նա հանդես է եկել տեսաուղերձով, ասելով, թե Ուկրաինան պատերազմ չի ցանկանում, բայց պատրաստ է պատերազմի։ «Մի անգամ Ռուսաստանի նախագահն ասել է՝ եթե կռիվն անխուսափելի է, պետք է խփել առաջինը։ Բայց իմ կարծիքով, այսօր յուրաքանչյուր առաջնորդ պարտավոր է հասկանալ, որ կռիվը չի կարող անխուսափելի լինել, եթե խոսքը խուլիգանների մասին չէ, այլ իրական պատերազմի ու միլիոնավոր մարդկային կյանքերի մասին է։ Ի տարբերություն կռվի՝ պատերազմում պարտվում են բոլոր կողմերը»,- ասել է Ուկրաինայի նախագահը։ Զելենսկին հայտնել է, որ Նորմանդական քառյակի խորհրդականների ու եռակողմ շփման խմբի հանձնախմբի երկօրյա նիստերում քննարկվել է կրակն ամբողջությամբ դադարեցնելու ռեժիմը վերականգնելու հարցը և չնայած բոլոր կողմերի աջակցությանը՝ Ռուսաստանը հրաժարվել է պաշտպանել ընդհանուր հայտարարությունը։

15:04 - 21 ապրիլի, 2021

Պուտինն ընդունել է Բայդենի հրավերը. Կրեմլ |tert.am|

tert.am: Վլադիմիր Պուտինն ապրիլի 22-ին ելույթ կունենա կլիմայի հարցերով գագաթնաժողովում: Այս մասին տեղեկացրել է Կրեմլի մամուլի ծառայությունը, գրում է «ՌԻԱ Նովոստի» գործակալությունը:Ավելի վաղ Սպիտակ տունը հաղորդել էր, որ ԱՄՆ նախագահ Ջո Բայդենը աշխարհի 40 առաջնորդի, այդ թվում`Ռուսաստանի իր գործընկերոջը, հրավիրել է միջոցառման, որը Վաշինգտոնը մտադիր է կազմակերպել ապրիլի 22-23-ը` առցանց ձևաչափով:«Վլադիմիր Պուտինը շարադրելու է Ռուսաստանի մոտեցումները` միջազգային լայն համագործակցության հաստատման համատեքստում, որը նպատակ ունի հաղթահարել կլիմայի գլոբալ փոփոխության բացասական հետևանքները»,-ասվում է հաղորդագրության մեջ:

18:00 - 19 ապրիլի, 2021

Ֆրանսիայի նախագահը ցանկանում է բանակցություններ վարել ՌԴ նախագահի հետ |1lurer.am|

1lurer.am: Ֆրանսիայի նախագահ Էմանուել Մակրոնը մոտ ժամանակում բանակցություններ կանցկացնի ՌԴ նախագահ Վլադիմիր Պուտինի հետ: Այս մասին ասվում է Ելիսեյան պալատի պաշտոնական հաղորդագրության մեջ: Նախօրեին Ելիսեյան պալատում Ֆրանսիայի նախագահը հյուրընկալել էր ուկրաինացի պաշտոնակցին:

19:24 - 17 ապրիլի, 2021