Կորոնավիրուս

Հայաստանում կորոնավիրուսի դեմ ամբողջապես պատվաստվել է 1 միլիոն 6 հազար 554 մարդ

Հայաստանում կորոնավիրուսի դեմ ամբողջապես պատվաստվել է 1 միլիոն 6 հազար 554 մարդ: Այս մասին հայտնեցին ՀՀ առողջապահության նախարարությունից: Միայն առաջին դեղաչափով արվել է 127 հազար 845 պատվաստում: Խթանիչ դեղաչափով պատվաստվել է 54 հազար 415 մարդ:

10:21 - 30 մայիսի, 2022

Գերմանիան չեղարկում է COVID-19-ի սահմանափակումների մեծ մասը երկիր ժամանողների համար

Գերմանիայի իշխանությունը չեղարկում է կորոնավիրուսի առնչությամբ կիրառված սահմանափակումները գերմանացիների և օտարերկրացիների համար, որոնք ցանկանում են երկիր մուտք գործել։ Հունիսի 1-ից ժամանողներից այլևս չեն պահանջի պահպանել 3G կանոնը։ Այսպիսի որոշում է ընդունել երկրի կառավարությունն այսօր՝ մայիսի 25-ին, գրում է DW-ն։ 3G կանոնի համաձայն՝ 12 տարեկանից բարձր անձինք Գերմանիա ժամանելիս պետք է ունենան պատվաստման հավաստագիր, կորոնավիրուսով հիվանդանացած լինելու մասին վկայական կամ կորոնավիրուսի բացասական թեստ, որն արվել է վերջին 24 ժամում։ Սահմանափակումների չեղարկման որոշումը գործելու է հունիսի 1-ից մինչև օգոստոսի 31-ը։ Երկրի իշխանությունը չի բացառում, որ աշնանը կրկին կարող են սահմանափակումներ կիրառվել, եթե համավարակի նոր ալիք սկսվի։ Այս կանոնը չի տարածվում այն երկրների քաղաքացիների վրա, որոնք Գերմանիա են գալիս այսպես կոչված «կորոնավիրուսի տեսակների տարածման շրջաններից»։ Նրանք նախկինի պես պետք է 14 օր ինքնամեկուսանան՝ անկախ պատվաստումներից և վարակից բուժված լինելուց։ Սակայն, ինչպես նշում է dpa գործակալությունը, ներկա պահին աշխարհի ոչ մի երկիր այդպիսի շրջան չի համարվում։ Նորա Վանյան

18:11 - 25 մայիսի, 2022

Սաուդյան Արաբիան Թուրքիա մեկնելու արգելք է սահմանել |ermenihaber.am|

ermenihaber.am: Սաուդյան Արաբիան Covid-19-ի վերաբռնկման պատճառով ճամփորդության սահմանափակումներ է կիրառելու 16 երկրի, այդ թվում նաև Թուրքիայի հետ նկատմամբ։ Սաուդյան Արաբիայի անձնագրային գլխավոր վարչության հայտարարության մեջ նշվում է, որ Սաուդյան Արաբիայի քաղաքացիներին արգելվում է ճանապարհորդել 16 երկիր՝ տվյալ երկրներում Covid-19-ի դեպքերի աճի պատճառով: Սաուդական մամուլի հաղորդած տեղեկությունների համաձայն՝ այդ երկրի քաղաքացիներին արգելվում է ճանապարհորդել դեպի Թուրքիա, Լիբանան, Սիրիա, Իրան, Աֆղանստան, Հնդկաստան, Եմեն, Սոմալի, Եթովպիա, Կոնգոյի ԴեմոկրատականՀանրապետություն, Լիբիա, Ինդոնեզիա, Վիետնամ, Հայաստան, Բելառուս և Վենեսուելա: Արգելքի ժամկետների վերաբերյալ որևէ հստակեցում չկա:

09:19 - 24 մայիսի, 2022

Պետք չէ կորցնել զգոնությունն ու պետք է շարունակել պատվաստումային գործընթացը, մի շարք երկրներում Քովիդը դեռ չի նահանջում․ Անահիտ Ավանեսյան

Հայաստանում ամբողջական պատվաստվածների (2 դեղաչափ ստացածների) թիվը հատել է մեկ միլիոնի սահմանը: Այս մասին ֆեյսբուքյան իր էջում գրել է ՀՀ առողջապահության նախարար Անահիտ Ավանեսյանը։ Գրառումը ներկայացնում ենք ստորև․ «Մեր երկիրը համաճարակաբանության տեսանկյունից գտնվում է համեմատաբար հանգիստ վիճակում, բայց մի շարք երկրներում, օրինակ` Հյուսիսային Կորեա, Ավստրալիա, Ճապոնիա, Թայվան, COVID-19-ը դեռ չի նահանջում:Պետք չէ կորցնել զգոնությունը. պետք է շարունակել պատվաստումային գործընթացը: Խոսքս, մասնավորապես, վերաբերում է խոցելի խմբերի ներկայացուցիչներին, 65 տարին լրացած քաղաքացիներին: Պետք չէ մոռանալ` պատվաստումը հոգատարություն է, հարկավոր է ամեն ինչ անել, որպեսզի կարողանանք ճիշտ դիմակայել նոր ալիքներին»:

17:14 - 23 մայիսի, 2022

Հայաստանում վերջին մեկ շաբաթում հաստատվել է COVID-19-ի 22 դեպք. մահացել է մեկ մարդ

Հայաստանում մայիսի 16-23-ն ընկած ժամանակահատվածում հաստատվել է կորոնավիրուսային հիվանդության 22 դեպք: Այս մասին հայտնում են ՀՀ առողջապահության նախարարությունից, նշելով, որ դեպքերի ընդհանուր թիվը հասել է 422 հազար 939-ի, որից 412 հազար 221-ը`առողջացման, 8624-ը` մահվան ելքով: Վերջին մեկ շաբաթվա ընթացքում առողջացել է 150 քաղաքացի, մահացել՝ 1 մարդ: Կորոնավիրուսային հիվանդությունից այս պահին փաստացի բուժում է ստանում 388 բուժառու: Մեկ շաբաթում կատարվել է 11 հազար 121 թեստավորում, Թեստավորումների ընդհանուր թիվը հասել է 3 միլիոն 89 հազար 295 -ի:

13:12 - 23 մայիսի, 2022

Հայաստանում մեկ շաբաթում գրանցվել է կորոնավիրուսով վարակվելու 17 նոր դեպք

Հայաստանում մայիսի 11-16-ն ընկած ժամանակահատվածում գրանցվել է կորոնավիրուսով վարակվելու 17 նոր դեպք: Նշված ժամանակահատվածում առողջացել է 21 մարդ, կատարվել է 8934 թեստավորում, մահվան դեպքեր չեն արձանագրվել: Այս մասին հայտնեցին ՀՀ առողջապահության նախարարությունից: Հայաստանում ընդհանուր առմամբ կատարվել է 3 միլիոն 78 հազար 174 թեստավորում: Կորոնավիրուսով վարակվելու դեպքերի թիվը երկրում հասել է 422 հազար 917-ի, առողջացել է 412 հազար 71 մարդ: Հայաստանում կորոնավիրուսից մահացել է 8623 մարդ:

13:14 - 16 մայիսի, 2022

Մայիսի 15-ի դրությամբ Հայաստանում ամբողջապես պատվաստվել է 1 001 443 քաղաքացի

Առողջապահության նախարարությունից տեղեկացնում են՝ Հայաստանում իրականացվել է 2 188 062 պատվաստում: Առաջին դեղաչափ է ստացել 1 131 517 քաղաքացի, երկու դեղաչափ՝ 1 001 443-ը, խթանիչ՝ 51 361 բուժառու:

11:05 - 16 մայիսի, 2022

Հարավային Կորեան Հյուսիսային Կորեային կորոնավիրուսի դեմ պատվաստանյութեր մատակարարելու պատրաստակամություն է հայտնել |tert.am|

tert.am: Կորեայի Հանրապետությունը պատրաստ է ԿԺԴՀ-ին Կորոնավիրուսի դեմ պատվաստանյութեր ու անհրաժեշտ դեղորայք մատակարարել։ Այս մասին, ինչպես գրում է ՏԱՍՍ գործակալությունը, հայտնել է Հարավային Կորեայի նախագահ Յուն Սոկ Յոլը։ «Եթե Հյուսիսային Կորեայի իշխանությունները դրական արձագանքեն, մենք ջանք չենք խնայի և կտրամադրենք անհրաժեշտ ամբողջ օգնությունը, այդ թվում՝ կուղարկենք բուժաշխատողներ և կմատակարարենք կորոնավիրուսի դեմ պատվաստանյութեր, դեղորդայք ու բժշկական գործիքներ», - ասել է Հարավային Կորեայի նախագահը խորհրդարանում ելույթի ժամանակ։ Նա ընդգծել է Հյուսիսային Կորեային ցանկացած պահի մարդասիրական օգնություն ցուցաբերելու Հարավային Կորեայի պատրաստակամությունը՝ չնայած երկու երկրների հարաբերություններում առկա քաղաքական և ռազմական նկատառումներին։

08:37 - 16 մայիսի, 2022

Կիմ Չեն Ընը երկրում կորոնավիրուսի բռնկումը անվանել է Հյուսիսային Կորեայի պատմության մեջ «խոշորագույն ցնցում» |1lurer.am|

1lurer.am: Հյուսիսային Կորեայի ղեկավար Կիմ Չեն Ընը հայտարարել է, որ կորոնավիրուսային հիվանդության տարածման պատճառով երկիրն ապրում է հիմնադրման պահից «խոշորագույն ցնցումը»՝ փոխանցում է ԿԺԴՀ-ի Կենտրոնական հեռագրական գործակալությունը: Նշվում է, որ մեկ օրում Հյուսիսային Կորեայում հաստատվել է վարակման ավելի քան 17 հազար նոր դեպք և մահվան 21 դեպք: Ընդհանուր առմամբ, երկրում նոր տենդով հիվանդացել է ավելի քան 520 հազար մարդ: Այս շաբաթ ԿԺԴՀ-ն համավարակի սկզբից ի վեր առաջին անգամ հայտնել է երկրում կորոնավիրուսով վարակվածների հայտնաբերման մասին:

12:29 - 14 մայիսի, 2022

Հյուսիսային Կորեան հայտնել է Covid-19-ից մահվան առաջին դեպքերի մասին |armenpress.am|

armenpress.am: Հյուսիսային Կորեան հայտնել է կորոնավիրուսի բռնկման մասին, ամենայն հավանականությամբ մահացել է 6 քաղաքացի, վարակվել ավելի քան 350 հազարը: Ինչպես հայտնում է CNN-ը, այս մասին տեղեկացրել է պետական լրատվամիջոցը: Այս հայտարարությունից մեկ օր առաջ երկրում հայտնել էին կորոնավիրուսի առաջին դեպքի մասին՝ իրավիճակը բնութագրելով որպես «ազգային խոշոր արտակարգ իրավիճակ»: Այս պահի դրությամբ մեկուսացված է մինչև 187 հազար 800 մարդ: Հյուսիսային Կորեան համաճարակի սկսվելուց ի վեր նախկինում չէր հայտնել կորոնավիրուսի որևէ դեպքի մասին:

18:41 - 13 մայիսի, 2022

Մեկ շաբաթում աշխարհում կորոնավիրուսով վարակման դեպքերի թիվը նվազել է 12%-ով |shantnews.am|

shantnews.am: Անցած մեկ շաբաթում աշխարհում կորոնավիրուսով է վարակվել ավելի քան 3․5 մլն մարդ, ավելի քան 12 հազարը՝ մահացել։ Վարակման դեպքերի թիվը նվազել է 12 տոկոսով՝ համեմատած նախորդ 7-օրյա ժամանակահատվածի հետ, իսկ մահվան դեպքերի թիվը՝ 25 տոկոսով։ Այս մասին հայտնում է Առողջապահության համաշխարհային կազմակերպությունը։ Նշվում է, որ քովիդի և դրա հետևանքով մահվան դեպքերի թիվը նվազում է մարտի վերջից։ Վարակման դեպքերի ամենամեծ նվազումը տեղի է ունեցել Հարավարևելյան Ասիայում (-29%), Արևելյան Միջերկրականում (-28%) և Եվրոպայում (-26%)։ Աճ է գրանցվել Ամերիկայում (+14%) և Աֆրիկայում (+12%)։ Մահացության նվազում է արձանագրվել Հարավարևելյան Ասիայում (-70%), Արևմտախաղաղօվկիանոսյան տարածաշրջանում (-32%), Արևելյան Միջերկրականում (-26%) և Եվրոպայում (-24%)։ Մահվան դեպքերի թիվն ավելացել է Աֆրիկայում (+ 84%) և Ամերիկայում (+3%)։ Մեկ շաբաթում ամենամեծ թվով դեպքերը գրանցվել են ԱՄՆ-ում՝ 451 414։ ԱՀԿ տվյալներով՝ աշխարհում շրջանառվող դոմինանտ շտամը մնում է օմիկրոնը։ Առ այսօր աշխարհում գրանցվել է կորոնավիրուսով վարակման 516 476 402 դեպք, 6 256 023 մահ։ Մեկ օրում հաստատվել է հիվանդացության 675 952 դեպք, մահվան 1623 ելք։

11:14 - 12 մայիսի, 2022

Հյուսիսային Կորեան հայտնել է կորոնավիրուսով վարակման առաջին դեպքի մասին |tert.am|

tert.am: Հյուսիսային Կորեայում պաշտոնապես հայտնել են երկրի պատմության ընթացքում կորոնավիրուսով վարակման առաջին դեպքի մասին։ Այս մասին գրում է gazeta.ru-ն՝ Կորեայի կենտրոնական լրատվական գործակալությանը հղումով։ Նշվում է, որ մայիսի 8-ին Փհենյանի բնակիչները թեստավորվել են, որի արդյունքում հայտնաբերվել է «օմիկրոն» հիմնամանրէի BA.2 ենթատեսակը։ Այդ կապակցությամբ մայիսի 12-ին ԿԺԴՀ Աշխատավորական կուսակցության կենտրոնական կոմիտեի քաղբյուրոյի նիստ է գումարվել, որին ներկա է գտնվել երկրի առաջնորդ Կիմ Չեն Ընը։

08:32 - 12 մայիսի, 2022

Հանրային վայրեր այցելելիս մայիսի 12-ից QR կոդ չի պահանջվի. Առողջապահության նախարարություն

Հաշվի առնելով երկրում կորոնավիրուսային հիվանդությամբ (COVID-19) պայմանավորված համաճարակային հարաբերականորեն կայուն իրավիճակը` գործող սահմանափակումները մեղմացվել են: Ինչպես տեղեկացնում է ՀՀ առողջապահության նախարարության տարածած հաղորդագրությունից, մայիսի 12-ից ուժը կորցրած կճանաչվի հանրային սննդի օբյեկտներ, հյուրանոցային տնտեսության օբյեկտներ և մարզասրահ, գրադարաններ և թանգարաններ, թատերահամերգային, կինոյի և այլ մշակութային գործունեություն իրականացնող կազմակերպություններ այցելելիս ՊՇՌ հետազոտության բացասական արդյունքը հավաստող սերտիֆիկատի կամ COVID-19-ի դեմ պատվաստման սերտիֆիկատի ներկայացման պահանջը:

13:03 - 11 մայիսի, 2022

ԱՀԿ-ի՝ Հայաստանում COVID-19-ի հետևանքով մահերի վերաբերյալ տվյալները ուռճացված են. ԱՆ-ն կդիմի կառույցին

Առողջապահության նախարար Անահիտ Ավանեսյանի հանձնարարությամբ COVID-19-ի հետևանքով ավելցուկային մահերի վերաբերյալ ԱՀԿ հերթական զեկույցի՝ Հայաստանի վերաբերյալ տվյալները ենթարկվել են վերլուծության: Պարզվել է, որ COVID-19-ի հետևանքով մահացության հաշվարկման տեխնիկական աշխատանքային խմբի զեկույցում ներկայացված` համավարակի առաջին 2 տարիների ընթացքում 100 հազար բնակչության համար մոտ 650 մահվան բարձր ցուցանիշն ուռճացված է, քանի որ այն արտացոլում է ոչ միայն երկրում համավարակով պայմանավորված, այլև պատերազմի և դրա հետևանքով արձանագրված մահերը: Բացի այդ, 2020 և 2021 թվականների համար փորձագետների կողմից օգտագործվել են հասանելի նախնական տվյալներ, որոնք տարբերվում են վերջնականից: Հաշվի առնելով վերոգրյալը՝ ՀՀ առողջապահության նախարարությունը կդիմի ԱՀԿ-ին` պահանջելով լրացուցիչ մեկնաբանություններ և հրապարակված վերլուծության վերանայում:

14:39 - 10 մայիսի, 2022

Մեկ շաբաթում կորոնավիրուսով վարակման դեպքերն ավելացել են 22-ով, մահացել է 1 մարդ

ՀՀ առողջապահության նախարարությունից հայտնել էին, որ, հաշվի առնելով երկրում համաճարակային իրավիճակի կայունացումը, այսուհետ COVID-19-ի վերաբերյալ տեղեկատվությունը կհրապարակվի շաբաթը մեկ։ Այսպիսով՝ ՀՀ ԱՆ հիվանդությունների և վերահսկման և կանխարգելման ազգային կենտրոնից հայտնում են, որ Հայաստանում մայիսի 9-ի դրությամբ հաստատվել է կորոնավիրուսով վարակման 422 896 դեպք՝ մեկ շաբաթում ավելանալով 22-ով, առողջացել է 412 048 պացիենտ, մեկ շաբաթում՝ 22։ Մեկ շաբաթում կատարվել է 10 515 թեստավորում: Մինչև այժմ կատարված թեստավորումների ընդհանուր թիվը 3 068 217 է: Փաստացի բուժում է ստանում 541 պացիենտ․ թիվը մեկ շաբաթում նվազել է 3-ով: Այսօրվա դրությամբ կորոնավիրուսի հետևանքով մահացել է 8623 մարդ, մեկ շաբաթում՝ 1 մարդ։ Այլ պատճառներով մահերի թիվը 1684 է։

13:56 - 09 մայիսի, 2022

Կորոնավիրուսի նոր դեպք չի հաստատվել, առողջացել է 16 քաղաքացի

Մայիսի 3-ի դրությամբ, հանրապետությունում իրականացվել է 1745 թեստավորում, գրանցվել կորոնավիրուսային հիվանդության 0 դեպք, առողջացել է 16 բուժառու: Մահվան դեպք չի արձանագրվել: Այսպիսով, հաստատվել է կորոնավիրուսային հիվանդության ընդհանուր 422874 դեպք, որոնցից 412019-ը՝ առողջացած: Փաստացի բուժում է ստանում 549 բուժառու: Ընդհանուր առմամբ, կորոնավիրուսի հետևանքով 8622 մահվան դեպք է արձանագրվել: Ընդհանուր կատարվել է 3057702 թեստավորում: Հաշվի առնելով երկրում համաճարակային իրավիճակի կայունացումը՝ այսուհետ COVID-19-ի վերաբերյալ տեղեկատվությունը կհրապարակվի շաբաթը մեկ՝ տեղեկացնում են առողջապահության նախարարությունից:

11:38 - 03 մայիսի, 2022