Վլադիմիր Զելենսկի

Վլադիմիր Ալեքսանդրովիչ Զելենսկին Ուկրաինայի նախագահ, քաղաքական գործիչ, շոումեն, արտիստ, կատակերգու, «Թաղամաս-95» ստուդիայի գեղարվեստական ղեկավար և մշտական առաջնորդ, պրոդյուսեր և սցենարիստ:

Ծնվել է 1978 թվականի հունվարի 25-ին Կրիվոյ Ռոգ քաղաքում:

1998-2003 թվականներին «95-րդ թաղամասը» ելույթ է ունեցել ՈւՀԱ-ի բարձրագույն լիգայում։  Եղել է Ուկրաինայի Հանրապետության կառավարության անդամ և «Ինտեր» հեռուստաալիքի գլխավոր պրոդյուսեր 

2019 թվականի հունվարի 21-ին «Ժողովրդի ծառա» կուսակցությունն առաջարկել է Վլադիմիր Զելենսկու թեկնածությունը որպես նախագահ։ Ուկրաինայի նախագահական ընտրությունների երկու փուլերի հաղթել է։

 

Մարիուպոլը շարունակում է Ռուսաստանի կողմից շրջափակված մնալ. Զելենսկի

Մարիուպոլը շարունակում է Ռուսաստանի կողմից շրջափակված մնալ. Զելենսկի

Գիշերվա ուղերձի ընթացքում Ուկրաինայի նախագահ Վլադիմիր Զելենսկին հայտնել է, որ Մարիուպոլը շարունակում է Ռուսաստանի կողմից շրջափակված մնալ։ Զելենսկու պնդմամբ՝ ռուսական զորքերը չեն թողնում, որ Ուկրաինայի աջակցությունը ներս մտնի։ «Այսօր Մելիտոպոլում օկուպանտները գերեվարել են քաղաքապետ Իվան Ֆեդորովին։ Ուկրաինան պահանջում է անհապաղ բաց թողնել քաղաքապետին և երաշխավորել պետության բոլոր համայնքների ղեկավարների անվտանգությունը»,- նշել է Ուկրաինայի նախագահը։ Անդրադառնալով մարդասիրական միջանցքներին՝ Զելենսկին նշել , որ չնայած այսօր «ռուսական զորքերը խաթարել են մարդասիրական միջանցքների մեծ մասի աշխատանքը», հնարավոր է եղել  փրկել 7144 մարդու։ Զելենսկին նաև հայտնել է, որ գերեվարվել է քաղաքներից մեկը ղեկավարը․ «Այսօր Մելիտոպոլում օկուպանտները գերեվարել են քաղաքապետ Իվան Ֆեդորովին։ Ուկրաինան պահանջում է անհապաղ բաց թողնել քաղաքապետին և երաշխավորել պետության բոլոր համայնքների ղեկավարների անվտանգությունը»,- նշել է Ուկրաինայի նախագահը։ Զելենսկին նաև ասել է, որ բանակցություններ է ունեցել ԱՄՆ նախագահ Բայդենի հետ, և նրանք քննարկել են, թե էլ ինչպես կարող են ճնշումներ գործադրել Ռուսաստանի վրա՝ պատերազմին վերջ դնելու և խաղաղություն հաստատելու համար։
11:45 - 12 մարտի, 2022
Զելենսկին կարծում է՝ հակամարտությունը կարելի է լուծել միայն ՌԴ նախագահի հետ ուղիղ երկխոսության միջոցով

Զելենսկին կարծում է՝ հակամարտությունը կարելի է լուծել միայն ՌԴ նախագահի հետ ուղիղ երկխոսության միջոցով

Ուկրաինայի նախագահ Վլադիմիր Զելենսկին կարծում է, որ երկրում ընթացող հակամարտությունը կարելի է լուծել միայն ՌԴ նախագահի հետ ուղիղ երկխոսության միջոցով։ Այս մասին նա հայտարարել է BILD-ին տված հարցազրույցում։ Գրում է tass.ru-ն։ «Հարցն այն չէ, թե ես ինչի կարող եմ գնալ։ Ցանկացած երկխոսության մեջ իմ նպատակը ՌԴ-ի հետ պատերազմին վերջ տալն է»,- ասել է Զելենսկին՝ պատասխանելով հարցին՝ պատրա՞ստ է արդյոք ինքը ճանաչել Դոնեցկի ու Լուգանսկի ժողովրդական հանրապետությունների անկախությունը, իսկ Ղրիմը՝ ռուսական տարածք․ «Դրա համար [պատերազմը դադարեցնելու] ես պատրաստ եմ որոշակի քայլերի, պատրաստ եմ բանակցություններ վարել, պատրաստ եմ փոխզիջումների։ Բայց դրանք չեն կարող իմ ժողովրդի առաջ դավաճանություն լինել։ Եւ մյուսը կողմն էլ պետք է պատրաստ լինի փոխզիջումների»,- ասել է Ուկրաինայի նախագահը։ «Միայն այդպես մենք կարող ենք դուրս գալ այս իրավիճակից։ Դետալների մասին դեռ վաղ է եւ դժվար է խոսել։ Նախագահների միջեւ դեռեւս շփում չի եղել, եւ այս պատերազմը մենք կարող ենք կանգնեցնել միայն երկու նախագահների միջեւ ուղիղ բանակցությունների միջոցով»,- կարծիք է հայտնել Զելենսկին։
22:48 - 09 մարտի, 2022
Զելենսկին ԱՄՆ-ին կոչ է արել Լեհաստանի առաջարկած «ՄիԳ-29» կործանիչներն Ուկրաինա հասցնելու մասով շտապ որոշում կայացնելու

Զելենսկին ԱՄՆ-ին կոչ է արել Լեհաստանի առաջարկած «ՄիԳ-29» կործանիչներն Ուկրաինա հասցնելու մասով շտապ որոշում կայացնելու

Ուկրաինան իր գործընկերներին կրկնում է ռուսական ներխուժման առաջին իսկ օրվանից՝ եթե չփակեք երկինքը, պատասխանատվություն եք կրելու այս մեծ հումանիտար աղետի համար: Այս մասին, ինչպես փոխանցում է unian.net-ը, հայտնել է Զելենսկին։ «Աշխարհի մարդասիրական պարտքն է արձագանքել: Բայց լուծում չկա: Մենք երախտապարտ ենք Լեհաստանին այլընտրանքի՝ Ուկրաինային մարտական   ինքնաթիռներ տրամադրելու պատրաստակամության համար: Խնդիրը նյութատեխնիկական ապահովման մեջ է: Իրականում, տեխնիկական խնդիր է»,-ասել է Ուկրաինայի նախագահը։ «Լեհաստանի կողմից կա պաշտոնական որոշում՝ ինքնաթիռներ տեղափոխելու ամերիկյան բազա։ Նաև հաստատված է, բոլորս լսել ենք, կարդացել ենք լրատվամիջոցներից, որ ամերիկյան կողմի և Լեհաստանի միջև համաձայնություն է ձեռք բերվել։ Միևնույն ժամանակ, մենք լսում ենք, որ Լեհաստանի առաջարկն, իբր, հիմնավորված չէ։ Եվ դա ասում են Վաշինգտոնում: Սա նույնպես մենք կարդացել և տեսել ենք։ Այսպիսով, ե՞րբ կլինի որոշումը: Լսե՛ք, մեզ մոտ պատերազմ է։ Դա, ախր, պինգ-պոնգ չէ, խոսքը մարդկային կյանքի մասին է։ Մենք կրկին խնդրում ենք ձեզ. արա՛գ լուծեք այս հարցը»,- կոչ է արել Զելենսկին։ Ավելի վաղ Միացյալ Նահանգները մերժել էր ՆԱՏՕ դաշնակից Լեհաստանի՝ իր ռուսական արտադրության «ՄիԳ-29» կործանիչները Գերմանիայում գտնվող ամերիկյան բազա տեղափոխելու առաջարկը։ Հրթիռներն ամերիկյան բազա պետք է տեղափոխվեին, որ հետո համալրեին Ուկրաինայի օդուժը։   
16:18 - 09 մարտի, 2022
Մենք պատրաստ չենք կապիտուլյացիայի, քանի որ սա ոչ թե իմ մասին է, այլ մարդկանց, որոնք ընտրել են ինձ․ Զելենսկի

Մենք պատրաստ չենք կապիտուլյացիայի, քանի որ սա ոչ թե իմ մասին է, այլ մարդկանց, որոնք ընտրել են ինձ․ Զելենսկի

Ուկրաինացի զինվորի դեմ կռվում է 10 ռուս զինվոր, և մեկ ուկրաինական տանկի դիմաց՝ 50 ռուսական տանկ։ Այս մասին ասել է Ուկրաինայի նախագահ Վլադիմիր Զելենսկին ABC-ին տված հարցազրույցում։ Նա նշել է, որ ԱՄՆ նախագահ Բայդենի հետ վերջին հեռախոսազրույցի ընթացքում նրան ասել է, որ իրենց համար ամենակարևորն անվտանգությունն է երկնքում․ «Երեկ, օրինակ, հրթիռով հարված է եղել Խարկովում տեղակայված համալսարանի վրա։ Ես վստահ եմ, որ ամերիկացի խիզախ զինվորները, որոնք կհարվածեին այդ հրթիռներին՝ իմանալով, որ դրանք թռչում են ուսանողների վրա, կասկած չէին ունենա»։ Ի պատասխան լրագրողի դիտարկմանը, որ թռիչքային գոտու ստեղծումը ԱՄՆ-ին կարող է ՌԴ-ի հետ պատերազմի մեջ ներքաշել, Զելենսկին նշեց․ «Բոլորը կարծում են, որ մենք հեռու ենք Ամերիկայից, Կանադայից։ Ո՛չ, մենք այս ազատության գոտում ենք, և երբ իրավունքներն ու ազատությունները խախտվում են, դուք պետք է պաշտպանեք մեզ»։ Լրագրողը, ներկայացնելով ՌԴ-ի՝ երեկ առաջ քաշած պայմանները՝ պատերազմը դադարեցնելու մասին (փոխել սահմանադրությունը, հրաժարվել ՆԱՏՕ-ին միանալու մտքից, ճանաչել Ղրիմը՝ որպես ՌԴ մաս, ճանաչել Դոնեցկի և Լուգանսկի Հանրապետությունները),  հարց ուղղեց Զելենսկիին, թե ինչպես են պլանավորում արձագանքել, և որն է նրա ուղերձը Պուտինին հիմա։ Զելենսկին ասաց․ «Առաջին՝ ես պատրաստ եմ երկխոսության, մենք պատրաստ չենք կապիտուլյացիայի, քանի որ սա իմ մասին չէ, այլ մարդկանց մասին է, որոնք ընտրել են ինձ։ Ինչ վերաբերում է ՆԱՏՕ-ին, ես հանգիստ եմ թողել այս թեման վաղուց, երբ մենք հասկացանք, որ ՆԱՏՕ-ն պատրաստ չէ ընդունելու Ուկրաինային։ Դաշինքը վախենում է հակասական վիճակներից և ՌԴ-ի հետ կոնֆլիկտից»։  Զելենսկին նաև ընդգծեց, որ իրենք չեն պատրաստվում լինել այն երկիրը, որը ծնկաչոք ինչ-որ բան է խնդրում, և ինքը չի պատրաստվում լինել այդ նախագահը։ Լրագրողի ճշտող հարցին՝ Ուկրաինայի արևելքի ինքնահռչակ հանրապետությունների ճանաչման վերաբերյալ, Ուկրաինայի նախագահը պատասխանեց․ «Ես խոսում եմ անվտանգության երաշխիքների մասին։ Ինչ վերաբերում է թեմաներին` ժամանակավորապես օկուպացված տարածքների և պսևդոհանրապետությունների վերաբերյալ, որոնք չեն ճանաչվել ոչ մի պետության կողմից՝ բացի ՌԴ-ից, մենք կարող ենք քննարկել ու կոմպրոմիս գտնել, թե ինչպես են այդ տարածքները շարունակելու լինել։ Սակայն ինձ համար կարևոր է՝ ինչպես են ապրելու այդ տարածքներում գտնվող այն մարդիկ, որոնք ցանկանում են Ուկրաինայի մաս լինել․․․Հարցը ավելի բարդ է, քան պարզապես դրանց ճանաչումը։ Սա մեկ այլ ուլտիմատում է, մենք պատրաստ չենք ուլտիմատումների։ Անհրաժեշտ է, որ նախագահ Պուտինը դադարի խոսել, սկսի բանակցել՝ առանց թթվածնի ինֆորմացիոն փուչիկի մեջ ապրելու փոխարեն։ Ես կարծում եմ՝ նա այդ փուչիկի մեջ է, և ոչ մեկը չգիտի՝ ինչ տեղեկություններ է նա ստանում, և որքանով են դրանք իրական»։
14:11 - 08 մարտի, 2022
Բայդենը կարող է ավելին անել Ուկրաինայի համար. Զելենսկի |tert.am|

Բայդենը կարող է ավելին անել Ուկրաինայի համար. Զելենսկի |tert.am|

tert.am: Ուկրաինայի նախագահ Վլադիմիր Զելենսկին կարծում է, որ ԱՄՆ նախագահ Ջո Բայդենը կարող է ավելին անել Ուկրաինայի համար Ռուսաստանի հետ պատերազմում։ Այս մասին նա ասել է ABC News-ին տված հարցազրույցում։ «Ես վստահ եմ, որ նա կարող է, և ես կցանկանայի հավատալ դրան: Նա ունակ է դրան», - ասել է Զելենսկին: Ուկրաինայի նախագահը կրկին ընդգծել է երկրի օդային տարածքի անվտանգության ապահովման անհրաժեշտությունը, ինչի վերաբերյալ կոչ է արել ԱՄՆ-ին և ՆԱՏՕ-ին, սակայն ապարդյուն։ «Մենք չենք կարող թույլ տալ Ռուսաստանին այսպես վարվել: Նրանք ռմբակոծում են մեզ, կրակում են մեզ վրա, ուղարկում են հրթիռներ, ուղղաթիռներ, կործանիչներ, շատ բաներ»,- ասել է Զելենսկին։ Նա նաև զգուշացրել է արևմտյան երկրներին, որ պատերազմն Ուկրաինայում չի դադարի։ Ազատության վրա հարձակումը կարող է ազդել մնացած աշխարհի վրա:
12:51 - 08 մարտի, 2022
Ռուսական արտահանման բոյկոտ է պետք, մասնավորապես՝ ՌԴ-ից նավթի ու նավթամթերքի հրաժարում․ Զելենսկի

Ռուսական արտահանման բոյկոտ է պետք, մասնավորապես՝ ՌԴ-ից նավթի ու նավթամթերքի հրաժարում․ Զելենսկի

Ուկրաինայի նախագահ Վլադիմիր Զելենսկին իր նոր տեսաուղերձում աշխարհին կոչ է արել բոյկոտելու ՌԴ-ի հետ առեւտրային հարաբերությունները։ Մասնավորապես, նա խնդրում է հրաժարվել Ռուսաստանի նավթից ու նավթամթերքից, բացի դրանից՝ ապրանքներ ու ծառայություններ չմատակարարել ՌԴ։ Այս մասին գրում է Unian-ը։ «Մենք պաշտպանվում ենք ներխուժումից արդեն 12-րդ օրը։ Մենք երբեք չենք ուզել այս պատերազմը, բայց այն բերեցին մեզ մոտ։ Մենք երբեք չենք երազել սպանել, բայց ստիպված ենք թշնամուն դուրս հանել մեր հողից ու մեր կյանքից։ Մենք ստիպված ենք տանել այն, ինչ ոչ այլ մեկը, եվրոպայի որեւէ ժողովուրդ չի տեսել 80 տարի։ Եվ հենց մեր հողում է որոշովում՝ Եվրոպայում որեւէ այլ մեկը կդառնա՞ նման ագրեսիայի զոհ»,- նշել է նախագահը։ Զելենսկիի խոսքով սա նա քննարկել է աշխարհի առաջնորդների հետ եւ լսել նրանց համաձայնությունը՝ մայրցամաքի ապագան որոշում է Ուկրաինան իր դիմակայությամբ եւ իր ընկերների օգնությամբ։ «Եթե ներխուժումը շարունակվի, եւ ՌԴ-ն չհրաժարվի Ուկրաինայի դեմ իր պլաններից, նշանակում է հարկավոր է պատժամիջոցների փաթեթ, նոր պատժամիջոցներ, պատժամիջոցային քայլեր՝ ընդդեմ պատերազմի, հանուն խաղաղության։ Ռուսական արտահանման բոյկոտ է պետք, մասնավորապես ՌԴ-ից նավթի ու նավթամթերքի հրաժարում։ Դա կարելի է կոչել էմբարգո, կամ ուղղակի բարոյականություն․․․ Երբ հրաժարվում ես գումար տալ ահաբեկչին»,- նշել է նա։ Կառավարության ղեկավարը նաեւ կոչ է արել բոյկոտել ՌԴ ապրանքների մատակարարումը։ «Եթե չեն կարող հետեւել քաղաքակիթ կանոններին, ապա չպետք է ստանան ապրանքներ ու ծառայություններ։ Թող պատերազմը նրանց կերակրի»,- ընդգծել է նա։ Զելենսկին հայտարարել է, որ միջազգային հանրությունը պետք է ավելի որոշիչ գործի։  «Երբ ինչ-որ մեկը խելքը կորցնում է, պետք է կորցնի վախն ու մոռանա առեւտրի մասին։ Պետք է պաշտպանվել։ Ե՛վ պետությունները, ե՛ւ կազմակերպությունները պետք է բարոյական լինեն։ Պետք է մարտնչել անմարդկային ուժի դեմ, որն ուզում է կործանել մարդկությունը։ Ուկրաինական բանակի հաջողությունը, ուկրաինացի ժողովրդի կամքը, միջազգային պատժամիջոցների սկզբունքայնությունը․ ահա՛ խաղաղության ճանապարհը»,- ասել է նախագահը։
14:28 - 07 մարտի, 2022
Բայդենը Զելենսկու հետ զրույցում նշել է, որ ԱՄՆ-ը  ավելացնում է ռազմական և տնտեսական օգնությունն Ուկրաինային

Բայդենը Զելենսկու հետ զրույցում նշել է, որ ԱՄՆ-ը ավելացնում է ռազմական և տնտեսական օգնությունն Ուկրաինային

ԱՄՆ նախագահ Ջո Բայդենը շաբաթ երեկոյան հեռախոսազրույց է ունեցել Ուկրաինայի նախագահ Վլադիմիր Զելենսկիի հետ։ Այս մասին հայտնում է Սպիտակ տան մամուլի ծառայությունը։  Բայդենն ասել է, որ իր վարչակազմն ավելացնում է ռազմական և տնտեսական օգնությունն Ուկրաինային, ինչպես նաև ողջունել է Visa-ի և Mastercard-ի որոշումը՝ դադարեցնելու Ռուսաստանի Դաշնության տարածքում ծառայությունների մատուցումը։ «ԱՄՆ-ն մեծացնում է Ուկրաինային անվտանգության, հումանիտար և տնտեսական օգնությունը։ Բայդենը սերտ համագործակցում է Կոնգրեսի հետ՝ լրացուցիչ ֆինանսավորման ստացման համար։ ԱՄՆ նախագահ նաև մտահոգություն է հայտնել Զապորոժյեի ԱԷԿ-ի վրա Ռուսաստանի հարձակման կապակցությամբ, Ղեկավարները քննարկել են Ռուսաստանի և Ուկրաինայի միջև վերջին բանակցությունները», - ասվում է հաղորդագրության մեջ: Հեռախոսազրույցի մասին թվիթերյանն իր էջում գրառում է կատարել նաև Վլադիմիր Զելենսկին։  «Օրակարգում ներառված են եղել անվտանգության, Ուկրաինայի ֆինանսական աջակցության և Ռուսաստանի դեմ պատժամիջոցների շարունակման հարցերը», ասված է գրառման մեջ։ 
11:51 - 06 մարտի, 2022
Համաձայնության ենք եկել ֆինանսական ամենամեծ կառույցների հետ Ուկրաինային աջակցելու հարցում․ Զելենսկի

Համաձայնության ենք եկել ֆինանսական ամենամեծ կառույցների հետ Ուկրաինային աջակցելու հարցում․ Զելենսկի

Վլադիմիր Զելենսկին իր հերթական ուղերձի ընթացքում հայտնել է, որ իրենք արդեն մտածում են ուկրաինական քաղաքները, տնտեսությունը վերականգնելու մասին։ «Ես զրուցել եմ Համաշխարհային բանկի տնօրեն Դաիդ Մալպասի հետ, Արժույթի միջազգային հիմնադրամի համակարգող տնօրեն Կրիստալինա Ջորջիևայի հետ։ Մենք համաձայնության ենք եկել ֆինանսական ամենամեծ կառույցների հետ Ուկրաինային աջակցելու հարցում։ Արդեն կա արտակարգ օգնության և պատերազմից հետո Ուկրաինայի վերականգնման համար միլիարդավոր դոլարների որոշում»,- ասել է Զելենսկին Զելենսկին հայտնել է, որ հեռախոսազրույց է ունեցել Թուրքիայի նախագահ Էրդողանի, Սաուդյան Արաբիայի և Արաբական Միացյալ Էմիրությունների ղեկավարների հետ։ «Ես զրուցել եմ Եվրախորհրդի նախագահ Շառլ Միշելի և Եվրահանձնաժողովի նախագահ Ուրսուլա ֆոն դեր Լեյենի հետ։ Հիմնական թեման ԵՄ-ին Ուկրաինայի անդամակցությունն էր»,- ասել է Ուկրաինայի նախագահը։
17:40 - 05 մարտի, 2022
Կիևը ցանկանում է հակամարտություն հրահրել ՆԱՏՕ-ի և Ռուսաստանի միջև․ Լավրով

Կիևը ցանկանում է հակամարտություն հրահրել ՆԱՏՕ-ի և Ռուսաստանի միջև․ Լավրով

Ռուսաստանի արտգործնախարար Սերգեյ Լավրովը հայտարարել է, որ ռուսական կողմն Ուկրանիայից դեռ չի ստացել բանակցությունների երրորդ փուլի անցկացման ժամկետների մասին տեղեկություններ։ Այս մասին հայտնում է «ТАСС»-ը։ «Առայժմ [բանակցությունների] նոր ժամկետների մասին տեղեկություն չենք ստացել (Ուկրաինայից- խմբ․)։ Մեր ուկրաինացի գործընկերները լավ գիտեին, որ մենք պատրաստ էինք դեռ երեկ երեկոյան անցնել երրորդ փուլին»,- ասել է ՌԴ արգորնախարարը։ Նրա պնդմամբ Ուկրաինան անընդհատ պատրվակներ է առաջ քաշում՝ բանակցությունների հաջորդ փուլի մեկնարկը հետաձգելու համար։ «Այն, թե որ պայմաններեն ենք մենք բացարձակապես անփոխարինելի համարում այս ճգնաժամը կարգավորելու համար՝ վերացնել Ուկրաինայի տարածքում Հյուսիսատլանտյան դաշինքի անդամների կողմից տարիներ շարունակ ստեղծված վտանգը Ռուսաստանի Դաշնության դեմ, մենք ուրվագծել ենք ինչպես նախագահի ելույթներում, այնպես էլ բանակցությունների ժամանակ մեր պատվիրակության ելույթներում»,- ասել է Լավրովը։ ԱԳՆ ղեկավարը նաև նշել է, որ Զելենսկու դառնացած հայտարարությունները լավատեսություն չեն ներշնչում․ «Կիևը ցանկանում է հակամարտություն հրահրել ՆԱՏՕ-ի և Ռուսաստանի միջև։ Զելենսկու ռազմատենչ կատաղությունը հուշում է, որ նրան պետք չեն բանակցություններ Ռուսաստանի Դաշնության հետ»։ Հիշեցնենք, որ երեկ Ուկրաինայի նախագահը հայտարարել է, թե ՆԱՏՕ-ի երկրներն իրենք են ստեղծել այն գաղափարը, թե Ուկրաինայի երկնքի փակումը կհրահրի Ռուսաստանին ուղիղ ագրեսիա սկսել դաշինքի դեմ․ «Սա թույլ ու ներքին վստահություն չունեցողների ինքնահիպնոզն է... Ի՞նչ էիք մտածում այդ հանդիպման ժամանակ։ Այսօրվանից սկսած՝ բոլոր մարդիկ, որոնք կզոհվեն, կզոհվեն նաև ձեր պատճառով, ձեր թուլության պատճառով»։
16:22 - 05 մարտի, 2022
Գլխավոր առաջնահերթությունը ռուսական կողմին ստիպելն է դադարեցնել ռազմական գործողությունները ատոմակայանի տարածքում․ Ջոնսոնն ու Զելենսկին հեռախոսազրույց են ունեցել

Գլխավոր առաջնահերթությունը ռուսական կողմին ստիպելն է դադարեցնել ռազմական գործողությունները ատոմակայանի տարածքում․ Ջոնսոնն ու Զելենսկին հեռախոսազրույց են ունեցել

Մեծ Բրիտանիայի վարչապետ Բորիս Ջոնսոնը հայտարարել է, որ Վլադիմիր Պուտինի անխոհեմ գործողությունները սպառնալիք են ողջ Եվրոպայի համար։ Այս մասին հայտնում է BBC-ի ռուսական ծառայությունը։ Հայտարարությունը արվել է Զապորոժեի ԱԷԿ-ում գիշերը տեղի ունեցած միջադեպից հետո, երբ, ըստ Ուկրաինայի ԱԻՊԾ-ի, ռուսական զինված ուժերի գործողությունների հետևանքով ատոմակայանում հրդեհ էր բռնկվել։ Մեծ Բրիտանիայի կառավարությունը իրավիճակը չափազանց մտահոգիչ է համարել։ Ուկրաինայի նախագահ Վլադիմիր Զելենսկին և Մեծ Բրիտանիայի վարչապետ Բորիս Ջոնսոնը շտապ հեռախոսազրույց են ունեցել և պայմանավորվել են, որ այս պահին գլխավոր առաջնահերթությունը ռուսական կողմին ստիպելն է դադարեցնել ռազմական գործողությունները ատոմակայանի տարածքում։ Հիշեցնենք, որ ավելի վաղ Ուկրաինայի ԱԻՊԾ-ն հայտնել էր, որ Զապորոժիե ատոմակայանի տարածքում գնդակոծության հետեւանքով այրվում է ուսումնական համալիրի շենքերից մեկը, և ռուսական կոմղը թույլ չի տալիս Արտակարգ իրավիճակների պետական ​​ծառայության ստորաբաժանումներին սկսել հրդեհի հետևանքների վերացումը։ Ժամը 05:55-ին Զապորոժիե ԱԷԿ-ի ուսումնական շենքում հրդեհը բռնկվել է 2 հազար քառակուսի մետր տարածքում: Արդեն ժամը 06:20-ին հրդեհը մարվել է։ Զոհեր և վիրավորներ չկան։
10:20 - 04 մարտի, 2022
Ես պետք է խոսեմ Պուտինի հետ, աշխարհը պետք է խոսի Պուտինի հետ, որովհետեւ այս պատերազմը կանգնեցնելու այլ միջոց չկա․ Զելենսկի

Ես պետք է խոսեմ Պուտինի հետ, աշխարհը պետք է խոսի Պուտինի հետ, որովհետեւ այս պատերազմը կանգնեցնելու այլ միջոց չկա․ Զելենսկի

Ուկրաինայի նախագահը հայտարարել է, որ չի հասկանում Կիեւի վերաբերյալ Մոսկվայի պահանջները։ «Մենք չենք հարձակվում Ռուսաստանի վրա, չենք պատրաստվում հարձակվել նրա վրա։ <...> մենք ՆԱՏՕ-ի կազմո՞ւմ ենք։ Ո՛չ։ Մենք ունե՞նք միջուկային զենք։ Ո՛չ։ Ի՞նչ պետք է ես ասեմ, ո՞ւմ ես պետք է ինչ-որ բան տամ»,- օտարերկրյա լրատվամիջոցներին տված հարցազրույցում ասել է Զելենսկին՝ պատասխանելով հարցին՝ պատրա՞ստ է Կիեւը երաշխիքներ տալ։ Զելենսկին հայտարարել է, որ պատրաստ է ՌԴ նախագահ Վլադիմիր Պուտինի հետ քննարկել բոլոր հարցերը, այդ թվում Դոնեցկի ու Լուգանսկի հանրապետությունների․ «Ես պատրաստ եմ քննարկել բոլոր հարցերը, ես դրանք խորապես հասկանում եմ․ Ուկրաինայի մասին, մեր լեզվի մասին, ռուսերենի հետ կապված խնդիրների մասին, Դոնբասի մասին, Դոնեցկի ու Լուգանսկի մասին»,- ասել է նա։ Պատասխանելով հարցին՝ ցանկանո՞ւմ է ինքն արդյոք խոսել Պուտինի հետ, Զելենսկին արձագանքել է, որ ինքը պետք է նրա հետ խոսի․ «Ես պետք է խոսեմ Պուտինի հետ, աշխարհը պետք է խոսի Պուտինի հետ, որովհետեւ այս պատերազմը կանգնեցնելու այլ միջոց չկա։ Հենց դրա համար էլ ես պարտավոր եմ», - նշել է նա։  Միաժամանակ, Զելենսկին Պուտինին խնդրել է դեմ առ դեմ հանդիպում անցկացնել․ «Նստիր ինձ հետ բանակցությունների սեղանի շուրջ։ Ես ազատ եմ։ <...> Ես չեմ կծում։ Ես նորմալ տղամարդ եմ, նստիր ինձ հետ, խոսիր։ Ինչի՞ց ես վախենում։ Մենք ոչ ոքի չենք սպառնում, մենք ահաբեկիչ չենք։ Մենք չենք գրավում բանկեր։ Եւ չենք գրավում ուրիշների հողերը»,- հավելել է Ուկրաինայի նախագահը։ Բանակցությունների մասին Զելենսկիի խոսքերով՝ ՌԴ-ի հետ բանակցություններն իմաստ ունեն, բայց որոշ հարցերում փոխզիջումներ չեն կարող լինել․ «Յուրաքանչուր բանակցություն իմաստ ունի։ Ամեն բառ կրակոցից ավելի կարեւոր է։ Եթե հնարավոր է սկզբում ասել, հետո կրակել, արա այդպես»,- ասել է Զելենսկին՝ ի պատասխան հարցի՝  արժե՞ երկխոսություն վարել Մոսկվայի հետ։ Զելենսկին այդպիսի բանակցությունները դժվար է անվանել, հնարավոր է համարել շփման եզրեր գտնելը․ «Կան բաներ, որոնցում պետք է գտնլ ինչ-որ փոխզիջումներ, որպեսզի մարդիկ չզոհվեն։ Բայց կան բաներ, որոնցում փոխզիջումներ չկան։ Միեւնույն ժամանակ, չի կարելի վերցնել ու գնալ՝ ասելով՝ «Ձեր այդ երկիրը՝ Ուկրաինան, Ռուսաստանի մասն է»։ Դա անհնար է»։
23:14 - 03 մարտի, 2022