ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

Վարչապետն ընդունել է ԵՄ Արտաքին գործողությունների եվրոպական ծառայության տնօրենին

Վարչապետն ընդունել է ԵՄ Արտաքին գործողությունների եվրոպական ծառայության տնօրենին

Վարչապետ Նիկոլ Փաշինյանն ընդունել է Եվրոպական միության Արտաքին գործողությունների եվրոպական ծառայության Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ հարցերով կառավարող տնօրեն Միխայել Զիբերթին: Վարչապետը կարևորել է Հայաստան-Եվրոպական միություն համագործակցության հետևողական զարգացումն ու ընդլայնումը, երկկողմ օրակարգով նախատեսված միջոցառումների արդյունավետ իրականացումը: Նիկոլ Փաշինյանն ընդգծել է ոչ միայն քաղաքական, այլև տնտեսական, տեխնոլոգիական, զբոսաշրջության ոլորտներում կապերի զարգացման անհրաժեշտությունը: Վարչապետը ընդգծել է ապրիլի 5-ին Բրյուսելում կայացած Հայաստան-ԵՄ-ԱՄՆ բարձր մակարդակի հանդիպման ու ձեռք բերված պայմանավորվածությունների իրականացման կարևորությունը: Միխայիլ Զիբերթն իր հերթին շեշտել է Հայաստանի հետ համագործակցության զարգացման ուղղությամբ ԵՄ հանձնառությունն ու պատրաստակամությունը: Նրա խոսքով՝ ԵՄ-ն շարունակելու է ակտիվորեն նպաստել Հայաստանի հետ հարաբերությունների ընդլայնման օրակարգի լիարժեք իրացմանն ու կյանքի կոչմանը: Միխայիլ Զիբերթը ԵՄ անունից զորակցություն է փոխանցել Հայաստանի Լոռու և Տավուշի մարզերում տեղի ունեցած հեղեղումների հետևանքով զոհերի կապակցությամբ, նաև պատրաստակամություն հայտնել՝ ցուցաբերել անհրաժեշտ օժանդակություն վերականգնողական աշխատանքներում: Զրուցակիցները քննարկել են Հայաստան-Եվրամիություն գործընկերությանը, Արևելյան գործընկերության ծրագրին, տարածաշրջանային անվտանգությանը, այդ թվում՝ Հայաստան-Ադրբեջան խաղաղության գործընթացին վերաբերող հարցեր:
14:52 - 04 հունիսի, 2024
ԵՄ-ի հետ հիմա աշխատում ենք շատ. ԱԳ նախարարը խոսեց համագործակցության ուղղություններից |armenpress.am|

ԵՄ-ի հետ հիմա աշխատում ենք շատ. ԱԳ նախարարը խոսեց համագործակցության ուղղություններից |armenpress.am|

armenpress.am: Հայաստանը Եվրամիության հետ աշխատում է շատ, կան առաջնահերթություններ, որոնք նոր իրողություններով պայմանավորված՝ վերանայվում են, արդյունքում կողմերը կհանգեն նոր փաթեթի: Այս մասին ասաց Հայաստանի արտաքին գործերի նախարար Արարատ Միրզոյանն ԱԺ մշտական հանձնաժողովների համատեղ նիստում «ՀՀ 2023 թվականի պետական բյուջեի կատարման մասին» տարեկան հաշվետվության քննարկմանը: «ԵՄ-ի հետ հիմա աշխատում ենք շատ»,-ասաց Միրզոյանը: Նա մատնանշեց երկու ուղղություն: Մեկը համագործակցության նոր առաջնահերթությունն է: «Ունենք առաջնահերթություններ, որոնք նոր իրողություններով պայմանավորված՝ վերանայում ենք և կհանգենք նոր փաթեթի»,-ասաց ԱԳ նախարարը: Երկրորդ ուղղությունը Հայաստան-ԵՄ-ԱՄՆ ապրիլի 5-ի հանդիպումից բխող առաջնահերթությունների ուղղությունն է: «Դա պայմանականորեն կարող ենք անվանել Հայաստանի դիմակայունության բարձրացում: Հիմնականում այս երկու խմբերում կտեղավորեի մեր համագործակցության ներկա ուղղությունները»,-ասաց Միրզոյանը՝ հավելելով, որ վիզաների ազատականացման երկխոսության մեկնարկն էլ դրա մասն է:
12:58 - 04 հունիսի, 2024
ԵՄ առաքելության տեղակայումից հետո որևէ մեծ հարձակում, ներխուժում ՀՀ ինքնիշխան տարածք, կարծես թե, չի եղել. ԱԳ նախարար
 |news.am|

ԵՄ առաքելության տեղակայումից հետո որևէ մեծ հարձակում, ներխուժում ՀՀ ինքնիշխան տարածք, կարծես թե, չի եղել. ԱԳ նախարար |news.am|

news.am: ԵՄ առաքելության տեղակայումից հետո որևէ մեծ հարձակում, ներխուժում Հայաստանի ինքնիշխան տարածք, կարծես թե, չի եղել: Այս մասին, այսօր՝ հունիսի 4-ին, ԱԺ-ում 2023-ի բյուջեի կատարողականի քննարկման ժամանակ հայտարարեց ԱԳ նախարար Արարատ Միրզոյանը։ «Այն վիճակը, այն ծուղակը, որում հայտնվել է Հայաստանը, մի ծուղակ է, որը դուք կամ ձեր օգնությամբ ուրիշներն այդ թակարդը լարել եք տասնամյակներ շարունակ»,- դիմելով ընդդիմությանը՝ ասաց Միրզոյանը։ Նրա խոսքով՝ այն դիրքորոշումները, որ հայտնվել են տարիներով, միջոց են եղել՝ կանխելու Հայաստանի իրական ինքնիշխանությունը, սուվերենությունն ու անկախությունը։ «Այո, դա եղել է շատ քաղցր, բայց, այնուամենայնիվ, շղթա՝ ապահովելու Հայաստանի իրական անազատությունը»,- նշեց Միրզոյանը։
12:03 - 04 հունիսի, 2024
Ադրբեջանում Գերմանիայի դեսպանը և ԵՄ ներկայացուցիչը մեկնել են Ղարաբաղ

Ադրբեջանում Գերմանիայի դեսպանը և ԵՄ ներկայացուցիչը մեկնել են Ղարաբաղ

Ադրբեջանում Գերմանիայի դեսպան Ռալֆ Հորլեմանը մայիսի 28-ին Անկախության օրվա կապակցությամբ շնորհավորել է Ադրբեջանի ժողովրդին: Նա եռօրյա այցով մեկնել է Ղարաբաղի շրջան և X-ում տեղադրել է մայիսի 28-ով թվագրված իր լուսանկարը Բարդայում: «Շնորհավորում եմ Ադրբեջանի ժողովրդի Անկախության օրը: 2024 թվականը կարևոր տարի է Ադրբեջանի և մեր ընդհանուր մոլորակի համար, որի կլիմային նվիրված COP29 համաժողովը նախատեսվում է Բաքվում: Հուսով ենք, որ 2024-ը կդառնա նաև վճռական տարի Կովկասում խաղաղության և կայունության համար, ինչին Գերմանիան պատրաստ է աջակցել»,- ասվում է X-ում դեսպան Հորլեմանի տեղադրած գրությունում: Ադրբեջանում Եվրոպական միության ներկայացուցիչ Պետեր Միխալկոն X-ի իր էջում նույնպես հայտնել է, որ մեկնել է Զանգելան՝ մասնակցելու ականազերծման հարցերով խորհրդաժողովին:    
15:28 - 30 մայիսի, 2024
Ադրբեջանի ԱԳՆ-ն ԵՄ-ին կոչ է արել վերջ տալ Բաքվի դեմ «սադրանքներին»
 |factor.am|

Ադրբեջանի ԱԳՆ-ն ԵՄ-ին կոչ է արել վերջ տալ Բաքվի դեմ «սադրանքներին» |factor.am|

factor.am: Ադրբեջանի ԱԳՆ-ն արձագանքել է երկրում տիրող մարդու իրավունքների վերաբերյալ ԵՄ հայտարարությանը։ Ադրբեջանի արտաքին քաղաքական գերատեսչության խոսնակ Այխան Հաջիզադեն հայտարարել է, որ Բաքուն ամբողջովին մերժում է «կողմնակալ այդ հայտարարությունը»։ «Եվրամիության ներկայացուցչի հայտարարությունը հեռու է իրականությունից և լի է բացահայտ կեղծիքներով։ Մի շարք քրեական գործերի քննության շրջանակներում ձերբակալված անձանց հարցը, ինչպիսին է որոշակի տեսակի գործունեության ապօրինի ֆինանսավորումը, անօրինական ֆինանսական գործարքները և այլն, լուծվում են քրեական համակարգի պահանջների շրջանակներում։ Ադրբեջանին ուղղված կոչերը՝  ազատ արձակել մեղադրյալներին, քննության արդյունքներին, դատարանի որոշումներին սպասելու փոխարեն, ուղղակիորեն հակասում են իրավական ընթացակարգերին»,- ասել է Ադրբեջանի ԱԳՆ խոսնակը՝ նշելով, որ ԵՄ-ի կողմից նշված բոլոր քաղբանտարկյալներին բժշկական և այլ օգնությունից զրկելու մեղադրանքներն,իբր, անհիմն են։ «Եվրոպական մի շարք երկրների և քաղաքական գործիչների քաղաքական նախապատվությունների հիման վրա որոշ անձանց ներում շնորհելու ԵՄ անհիմն հանրային պահանջները կասկածի տակ են դնում օրենքի գերակայությանը Եվրոպայի իրական հավատարմությունը։ Ադրբեջանն ունի բավարար փորձ, գիտելիքներ և իմաստություն այս ոլորտում, հետևաբար՝ խորհուրդների և ուղղորդումների կարիք չունի։ Ադրբեջանը հետագայում էլ կշարունակի կատարել իր միջազգային իրավական պարտավորությունները և կոչ է անում ԵՄ որոշ կառույցներին ուշադրություն դարձնել միության տարածքում մարդու իրավունքների կոպիտ խախտումներին, դադարեցնել իր միջամտությունն ու սադրանքները մեր երկրի դեմ»,-նշել  է Հաջիզադեն։ Հավելեք, որ ԵՄ արտաքին կապերի և անվտանգության ծառայության մամուլի քարտուղար Պետեր Ստանոն  հայտարարություն էր տարածել Ադրբեջանում ներման ակտի ու մարդու իրավունքների իրավիճակի վերաբերյալ։ 
12:16 - 30 մայիսի, 2024
Մեր ընդհանուր նպատակը կայուն խաղաղությունն է Հարավային Կովկասում․ Բորել |news.am|

Մեր ընդհանուր նպատակը կայուն խաղաղությունն է Հարավային Կովկասում․ Բորել |news.am|

news.am: Եվրոպական միության գլխավոր դիվանագետ Ժոզեպ Բորելը և Հայաստանի արտաքին գործերի նախարարը հեռախոսազրույց են ունեցել, որում քննարկվել է, մասնավորապես, ԵՄ-ի և Հայաստանի միջև գործընկերությունը։ Բորելն այս մասին հայտնել է X-ի իր միկրոբլոգում: ԵՄ բարձր ներկայացուցիչը հայտնել է, որ արդյունավետ զրույց է ունեցել Հայաստանի արտգործնախարար Արարատ Միրզոյանի հետ, զրուցել են «ինտենսիվ երկկողմ օրակարգի, Հայաստանի կայունությանն աջակցելու և ԵՄ-Հայաստան Գործընկերության նոր օրակարգի մասին»։ «Ինչ վերաբերում է տարածաշրջանային խնդիրներին, ես վերահաստատեցի իմ աջակցությունը Հայաստանի և Ադրբեջանի միջև հարաբերությունների կարգավորման գործընթացին։ Մեր ընդհանուր նպատակը Հարավային Կովկասում կայուն խաղաղությունն է»,- նշել է Բորելը։
15:18 - 26 մայիսի, 2024